[لامارا]

الجزء الثالث عشر
وأخيراً رهف وحسن تزوجو وكانت ليلة عرسهم من أحلى الليالي واجتمع حبهم أخيراً...طيب نشوف المحبوبين الباقيين وطبعاً أحبابنا كثير وهم لطيفة وسالم أبطال قصتنا ...وحنان وخالد...ومها وراشد اللي يسمى حبهم حب ما بعد الزواج بس اللي ماتزوجوا أو ماصار لهم حظ في المحبة اللي هم لطيفة وسالم شكله قصتهم بطول مو بس هم حتى باقي شخصيات قصتنا كل واحد ينفرد بقصة حب بروحه ويمكن الأنسان الواحد مايحبونه بس أنسان واحد.. يمكن أكثر من واحد وهنا تصير المشكلة حيث تبدى الغيرة والكره والبغض خاصة إذا كان هالأنسان يحب أحد نفس مايحبه أحد ثاني...المهم مابي أطول عليكم ونبدى بالجزء الجديد
في الجامعة
نورة:لطيفة شفيج؟
لطيفة وهي سرحانة ومتكدرة:لا...مافيني شي
نورة:لا فيج شي قولي شفيج
لطيفة:....أعتقد تعرفين شنو فيني
نورة:سالم؟
لطيفة:أي
نورة بغيرة:صدقيني مايحبج ولايطيقج بس يقص عليج لاتشيلين هم
لطيفة:لا يحبني...يحبني وأحبه... أي نعم أحبه
نورة:شنو؟! تحبينه ترى يقص عليج هاي أصحي ترى مافيج زود عن البنات اللي يكلمهم
لطيفة:ليش حبيبتي انتي شفتيهم؟
نورة:لا بس شمعنى أختارج انتي شفيج زود؟من جمالج يعني؟ولامن دلالتج ونعومتج
لطيفة:مادري مادري...وبعدين بلا حركات الغيرة هذي
نورة:أي غيرة الله يخليج من حلاتج عشان اغار؟
لطيفة:نورة...بلا هالحركات السخيفة هذي المعروفة من مخج الصغير"وتأشر على راسها"
نورة:أنا مخي صغير الله يا أم الذكاء يا أم العباقرة أنتي ماعليج زود
لطيفة: أنا صحيح أني مو عبقرية بس ماني غبية يا نورة
نورة:والله أنتي الغبية مع هذا الغبي اللي تحبينه مدري على شنو حبج ترى لاتصدقين عمرج
لطيفة:أنتي ليه منقهرة وبعدين بدل ماتواسيني جذي تكلميني أبيج عون تصيرين لي فرعون؟؟؟!!!
نورة:أنا أنصج فهمي ترى هو يقص عليج
لطيفة بعصبية:شلون يقص علي وهو يا وتقدم لي؟!!!
نورة:"ماعرفت شتقول"...أي المهم يمكن يبي يسكتج
لطيفة:يسكتني!!...هذا زواج مو لعبة عشان يسكتني يا آنسة نورة
نورة:المهم انه مايحبج هذي الزبدة
لطيفة:انزين حبني ولا لا أنتي شنو حارج أنتي ماشفتيه ولا تكلمتي معاه
نورة:لاودي أشوفه واتكلم معاه..."قبل ماتكمل نورة كلامها طالعتها لطيفة بنظرة يعني بذبحج"..بس لالا موقصدي بس عشان أعرف أنه هو صادق والا لا مع اني أدري أنه جذاب(كذاب)
لطيفة:لا مو جذاب
نورة:ياحبيبتي هالأشكال من الشباب اللي يكلمون بنات ماعندهم حب وبعدين هو اعترفلج انه يكلم بنات
لطيفة:أي نعم أعترف لي وعادي
نورة:شنو اللي عادي البنت ماترضى تكون الا محبوبة وحدة
لطيفة:عارفة بس اعترافه لي دليل أنه يحبني وأنه بيترك كل البنات اللي يكلمهم ويبقى لي
نورة:تقصين على نفسج
.................................................. .
في ليلة حلوة وهادية في بيت حسن الكبير كان لرهف وحسن جناح خاص بالبيت والأم والأبو لهم كل البيت وهم مالهم غير ولدهم حسن
في ليلة رومانسية
حسن يأكل زوجته:أكلي حبيبتي يلا
رهف:لا خلاص حسن والله شبعت
حسن:يلا حبيبتي
رهف:ok عشانك (وتاخذ منه اللقمه)
رهف:أقول حسن
حسن:عيون حسن
رهف:تسلم عيونك حبيبي...متى رحلتنا؟
حسن:بكرا الساعة 8 الصبح
رهف:زين بننزل على طول باريس؟
حسن:أي نعم
رهف:يااااااااااه بنروح باريس ماني مصدقة
حسن:ليه عمرك مازرتيها؟!
رهف:ألا دايماً أزورها بس هالمرة معك
حسن:أكيد حبيبتي بتكون هالمرة غير هذا شهر عسلنا
رهف:اااااه ياحسن أحبك
حسن:وانا بعد أحبك...أخيراً تحقق حلمنا واجتمعنا مع بعض وصرنا أحلى ثنين
رهف:أحلى اثنين للأبد انشالله

.................................................. ....


لطيفة كانت زايرة بنات عمها
لطيفة:شلونج مع خالد؟
حنان:زين...بس شفيه أخوج مايزورني هالأيام؟
لطيفة:عنده أشغال
حنان:أي أشغال يا حظي!!
لطيفة:شنو أي أشغال بيروح يشوف الشقة اللي بتسكنون فيها يعني يرتب لزواجكم
حنان:وانا قايلتله ياخذ رايي في كل شي بس مايسمع الكلام
لطيفة:انزين ماعليه مايها شي
حنان:شنو مافيها شي حنا يوم من الأيام بنكون مع بعض على طول يعني لازم ياخذ رايي
لطيفة:مدري عنه
حنان:..هالطوف شخبار الحبيب؟
لطيفة تستهبل:أي حبيب؟
نان:أقول لاتستهبلين علي حبيبج اللي تكلمينه
لطيفة بنفس الاستهبال:منو هذا؟!
حنان:سالم بعد من غيره؟!!
لطيفة:اهااااااا سالم
حنان:أنا عارفة انج تستهبلين علي....قوليلي شخباره؟
لطيفة:مادريتي شصار ذاك اليوم يا حنان
حنان:شنو شصار؟
لطيفة بحسرة:سالم يا وتقدم لي وتخيلي أهلي رفضوه
حنان:ليه؟!!!!
لطيفة:من سخافتهم يقولون عشانه مو من بلدنا ومايشتغل وهذي السخافة
حنان:يا الله والله حالة انزين شنو بتسوون؟
لطيفة:مادري بس أنا للحين أحبه
حنان:وهلج
لطيفة:هلي هم اللي حرموني منه
حنان تغني:هلي لاتحرموني منه هلي لاتبعدوني عنه
لطيفة:حناااااااااان بلا استهبال
حنان:ههههههه خلاص خلاص ...عيل شبتسوين؟
لطيفة:مادري
حنان:وهو مثلج ولا مو شايل هم؟
لطيفة:مثلي هو يحبني مثل ما أنا أحبه
حنان:أنشالله يتحقق اللي تتمنينه
لطيفة:آميييييييييييييين

.................................................. ..
نور كانت جالسة و زعلانة وحاطة أيدها على خدها جاها حمد ولاحظ انها زعلانة
حمد:نور شفيك؟
نور:لا أبد بس اشتقت لرهف
حمد:أكيد كلنا اشتقنالها البيت مظلم بدونها هالمغرورة
نور:حرام عليك هي جد مغرورة بس اذكرها بالخير لها مكان تراهي طيبة
حمد:أدري ...بس مصيرها تتزوج وهذي هي تزوجت وانتي بتلحقينها قريب انشالله
نور:لا أنا مابي أتزوج اللحين
حمد:ليه؟
نور:توني صغيرة على الزواج
حمد:لا مانتي صغيرة بالعكس عمرك مناسب للزواج
نور:أقول خلنا من هالموضوع...قولي متى وصلت رهف وحسن المطار؟
حمد:الساعة 7 وطيارتهم تقلع 8 تقريباً
نور:يا حظهم ليتني معهم
حمد:علشان تنشبين لهم وتقعدين عظم ببلعومهم؟!!
نور:أنا عظم؟!الله يسامحك ياخوي ...بس مو مهم إذا تزوجت بخلي زوجي يوديني المكان اللي أبيه وابي أروح فرنسا مثل ماراحو
حمد:والله شدراك يمكن يطلع زوجك عسر
نور:بس هذا شهر عسل
حمد:وإذا ..بس يبيلك واحد يعطيك العين الحمرة يوريك نجوم الظهر
نور:ليش كذا عاد؟
حمد:بس كذا لعانة عشان يعلمك كيف تتشرطين عليه
نور:تعال حمد متى تتزوج تراك بسن زواج؟
حمد:مو اللحين أنا توني صغير على الزواج حتى سنة ماكملت وانا اشتغل
نور:معلي تكون زوج صغير يبيلك وحدة تمسكك من الهياتة بالشوارع
حمد:والله عاد هذا كذا الشباب خليني أتمتع بشبابي لاحقين على الشقا

.................................................. .......
من ناحية ثانية ولقارة ثاني
كانو رهف وحسن يتمشون بباريس بجو بديع ماخذين جو ومستانسين يتمشون في الشوارع والمساكن والأسواق والمجمعات والبرج المشهور برج أيفل يروحون هنا وهناك متمتعين آخر متعة
...............................................
سالم كان يفكر تفكير عميق مثل البحر بقلبه:
دامك تحبها عيل ليه ماحاولت أكثر من محاولة عشان توصل لها....بس أنا حاولت وهذا اللي تبيه سويته لها....بس أحبها؟! معقولة؟!...تترك كل هالبنات وتروح لها هي...طيب شمعنى هي بالذات ...يمكن لأنها مو من البنات اللي يكلمون شباب ويصادقونهم ...بنت شريفة...بس هي تكلمك يا سالم..بس أنت اللي عطيتها رقمك ولو ماعطيتها ماصارت بينكم علاقة حب...بس خلاص أنا ناوي أتزوجها ...ليه لازم شي يعكر علي بحياتي..لا أنا لازم ألقى حل بأسرع وقت ممكن
.................................................. .........
صالح(بو ريم):ههههههه أكيد بيرفضونه
أم سالم:ليه شفيه ولدي؟
بو ريم:لا لا مافيه شي مشالله شاب طيب وخلوق ومحافظ على دينه
حصة(أم سالم):تتطنز على ولدي ..هو صح شاب طيب وخلوق..
بو ريم لاتقولين محافظ على دينه
حصة:لا مو وايد
بو ريم:لاهو طيب ولاخلوق ولاتلومين الناس على رفضه من صياعته
حصة:إذا كان على اللي قلته فهو شاب طايش وكل الشباب اللي بعمره يحبون الوناسة
صالح:ماقلنا شي بس أكيد هم شايفين على ولدج شي عشان يرفضونه
حصة:عاد ولدي مافيه شي...والله كيفهم هالناس هم الخسرانين ..عالعموم أنا بروح أشوف عيالي
بو ريم:روحي لعيالج اللي ماوراهم الا الشقا
.................................................. ........
في بيت بو سالم كانت موجودة أم سالم
سالم:عاجبج اللي سواه فيني أبوي؟!!
أم سالم:ماعليه ياولدي أبوك يبيلك الخير
سالم:أي خير يايمة أي خير.....أنتي لو شفتي أبوي وهو يكلم الناس ماقلتي جذي
أم سالم:أبوك كان رافض فكرة الخطبة هذي من الأساس
سالم:أنا عارف ان أبوي مايبيني أتزوج البنت لأن حالتهم المادية ضعيفة
أم سالم:والله صح كلام أبوك....يبيلك تاخذ وحدة على مستواك
سالم:يمه أنا مابي إلا هي
أم سالم:ليه شلي بينك وبينها؟!!!
سالم:هاه....لا ولاشي...بس..أنا حاط عيني على بنت الناس
أم سالم:سالم أنا أمك وعارفة ألاعيبك عيب تسوي جذي في بنات الناس
سالم:وهذا أنا أبي أتزوج
أم سالم:شمعنى هي...في ألف بنت غيرها مثلها وأحسن منها أنا أدور لك البنت ماعليك
سالم:لا يمه مايحتاج ماابيج ادورين لي على بنت
أم سالم:ليه؟!!
سالم:بس خلاص ياهي يا ماابي أتزوج أنا مابي غيرها
أم سالم:خلاص يا سالم الموضوع انتهى أنسى البنت دور لك على بنت غيرها
أم سالم:خلاص أنا مابي أتزوج اللحين سكري موضوع الزواج
أم سالم:ليه ياسالم؟!!!
أنا توني صغير على الزواج يبيلي أكمل دراستي واشتغل وبعدين أفكر اني أتزوج ..أنا غلطان اني طلبت هالطلب
أم سالم:ليه ياولدي هونت عن الزواج؟
سالم:أنا بطلت مو وقت زواج وضعي ما يناسبني
أم سالم:ليه مايناسبك شناقصك؟
سالم وهو معصب:مثل ماقلتلج أنا ما اشتغل ..خلاص يايمى صكي هالموضوع
أم سالم بتحسف:الله يهديك ياسالم
سالم:آمييييييييين يارب
دخل سلمان:هاي...هلا يمى (وهو مخرف)
سلمان:هلا ولدي هلا سلمان
سلمان:شخبارج يمى
أم سالم:بخير يابعد جبدي ...(الأم لاحظت أن سلمان فيه شي)سلمان شفيك؟
سلمان:لا لا مافيني شي أنا طالع فوووووق
بعد ما طلع سلمان فوق
أم سالم وسلمان مستغربين
سالم:شفيه هذا؟!!!
أم سالم:والله مادري ياولدي علمي علمك
سالم شك بشي وراح له فوق
سلمان كان يطلع من كيس شي مثل البودرة ويشمه وأعتقد عرفتو وشذا (مخدرات)
دخل عليه سالم فجأة وحاول سلمان انه يخفيه
سالم ذكي يعرف بسرعة فشك بالموضوع
سالم:سلمان شنو اللي خبيت؟
سلمان:ها...لاولاشي ماخبيت شي
سالم:سلمان عطني الي خبيته
سلمان:أقولك ماخبيت شي شفيك انت
سالم بعصبية:أقولك عطني اياه(وهو يحاول ياخذه)
سلمان:وخر عني ...مالك شغل(وهو معصب)
سالم:سلمان أقولك جيب الي خبيته(وبسرعة قدر سالم انه ياخذ اللي مع سلمان)
سالم وهو مندهش:سلمان شنو هذا؟!!!!!!!!!
سلمان:................
سالم:سلمان رد علي شنو هذا؟
سلمان:ا..............ا.................
سالم:مخدرات يا سلمان؟!!مخدرات؟!!
سلمان:مالك شغل فيني ...مالك شغل فيني
جت الأم لأنها سمعت صراخ الشباب
أم سالم:شصاير شفيكم؟!
سالم:لا يايمه مافي شي...بس ولدج المدلل يتعاطى مخدرات
أم سالم انصدمت:شنو....مخدرات؟!ليه ياسلمان ليه؟!
سلمان:.............يمه...
أم سالم:شنو تبي تقول....ليه ياسلمان مخدرات تبي تقتل نفسك ياولدي؟!
سلمان:مالكم شغل فيني .....أنا أبي أعيش حياتي على كيفي
سالم:أسمع ياسلمان ترى اللي أنت تاخذه مضر بصحتك ترى المخدرات تودي للموت
سلمان:بالعكس هذي الأشياء اللي تريحني هي الي تخليني رايق ومرتاح
سالم:سلمان أسمع حنا خايفين عليك أن ماكنت تقدر تترك هالأشياء فأنا أوديك المستشفى
سلمان:مابي مستشفيات .....أن مافيني شي....أنا مابي أترك هالأشياء
أم سالم:سلمان ياولدي ترى المخدرات مضرة لك ممكن تموتك لاسمح الله
سلمان:أصلاً أنا مت ولا مامت أنتو مايهمكم
أم سالم:بالعكس ياقلبي أنت أهم شي عندي بالدنيا
سلمان:لو كنت أهم شي عندج كان ماتركتيني وتزوجتي
أم سالم:سلمان شهالكلام؟!
سلمان:انزين خلوني اللحين...أتركوني مالكم شغل فيني
سالم:يلا يايمه ...(يتكلم بهمس) حنا لازم نعلم ابوي عن سلمان وبأسرع وقت ممكن
أم سالم وهي متكدرة:أكيد
وطلعو من الغرفة
أم سالم وهي تبكي:كل هذا يصير وانا مادري
سالم:بس يايمه....حتى أنا توني أدري....
أم سالم:أحس ان حياتكم تعب وشقا ولا سلمان شعرفه بالمخدرات؟
سالم:والله من الناس اللي يصادقهم...أشكال خلت اخوي يتعاط مخدرات
أم سالم:أناخايفة على أخوك ياسالم أنا خايفة عليكم
سالم:أعتقد سمعتي الكلام اللي قاله سلمان يوم قالج لو كنت أهم شي عندج كان ماتركتيني.....وتزوجتي....صح لو كنا نهمج كان ماتركتينا أنا واخوي وتزوجتي
أم سالم:كان اخوك مخرف وهو يتكلم
سالم:أنا ما أنكر أن سلمان كان توه متعاطي السم بس كلامه صحيح
أم سالم وهي تبكي زيادة:بس ياسالم خلاص أنا ماسويت شي غلط يوم تزوجت... مرة تطلقت وتزوجت شفيها؟
سالم:يايمه مافيها شي بس أنتي تركتينا ولا اهتميتي فينا وتزوجتي هذا الحثالة
أم سالم تمت تبكي لحال عيالها اللي تدهور ويمكن يتدهور أكثر واكثر ويمكن ينصلح حالهم ماحد يدري
.................................................. ..........
في الجامعة اللي تدرس فيها أبرار كانت أبرار مع رفيجتها مريم
أبرار:ماشفتي سالم؟
مريم:لا والله ماشفته
أبرار:الظاهر مارح يجي اليوم
مريم:ما أتوقع الوقت متأخر واللحين بتبدي المحاظرة
أبرار:يا ترى شفيه؟
مريم:وانا شدراني عنه أقول يلا أمشي لاتفوتنا المحاظرة
أبرار:أووووووووووه
...............................................
في ذاك اليوم اللي غايب فيه سالم كان بسبب انه يروح لبوه بالشركة فراح سالم لشركة أبوه
بو سالم:شعندك يايني هني ليش مارحت الجامعة؟
سالم:يبى ودي أقولك شي بالبيت بس أخاف تثور علينا هناك عشان جذي أنا قلت أييك بالشركة واقولك أحسن
بو سالم:السالفة جايدة؟
سالم:الصراحة أي
بو سالم:عسى ماشر شصاير؟
سالم:يبى.....سلمان.....
بو سالم:شفيه سلمان؟
سالم:سلمان.........يتعاطى مخدرات
بو سالم:شنو؟ولدي مدمن مخدرات؟!!!!!
سالم:أي نعم أمس اكتشفنا أنا وامي انه مدمن مخدرات
بو سالم:هين أنا أوريه
سالم:لا يبى تكفى أنا كنت أبي أقولك الخبر هني عشان ماتعصب على سلمان وتضربه
بو سالم:أنا بعلمه
سالم:يبى لا تقسى عليه تراه صغير ومراهق
بو سالم بعصبية:مو أنت اللي تقولي وتعلمني لأنك من طقته والفرق اللي يبينكم 5سنين
سالم وهو مفتشل:ا....زين يبه بس لاتضربه واللي يسلمك
بو سالم:انزين خلاص خلاص
.................................................. ......
في بيت أمل كانت زايرتهم مها مع دبتها
أمل:أشوف كنه قرب موعد ولادة هالبيبي ياكبر بطنك
مها:لااااااااااا وين باقي له 5شهور عشان يشرف
أمل:الله يسهل....إلا شخبار العروسين رهف وحسن؟
مها:بخير يا حليلهم محظوظين توهم بشهر العسل باقي لهم العمر طويل
أمل:أكيد لازم كل أنسان تجيه فرج ومصايب.......(سرحت أمل)
مها:أمل شفيك سرحتي؟
أمل:خايفة أقولك شي وتضحكين
مها:وشو خايفة ياحبيبتي حنا بنات عم قولي ولاتخافين ماراح اضحك
أمل:أنا...اللحين صار عمري22سنة ولا أحد دق باب بيتنا وخطبني من أحد أقرباي
مها:هههههههههههههههههه.....ب س كذا!!الله يقطع بليسك ياالسخيفة أنتي توك صغيرة أنتي بنفسك تقولين عمري22سنة أجل شلون اللي وصلو الـ30
أمل:أخاف أوصل الثلاثين وماأتزوج وبعدين قلتي انك ماراح تضحكين
مها:شفيك انتي انهبلتي أنتي ماناقصك شي أبد ماشالله عليك كاملة والكامل الله
عن جد أمل كاملة دين وأخلاق ومال وجمال شعرها طويل بني غامق بيضة وحلوة
أمل:لا ناقصني شي....أبوي
مها:أمل بدينا؟
أمل:وشو اللي بدينا أنا ماحسيت بحنان الأبوة يامها
مها:الله يعوضك انشالله بأنسان مايكون بدال الأبو بس بدال الأبو والأخو والصديق وكل شي
أمل:أنشالله
.................................................. ....................
سارة:لطيف....لطيف
لطيفة:ها
سارة:بقولج شي
لطيفة:أنتي تقولين كل شي ها شنو؟
سارة:أنتي للحين تكلمين ذاك سالم؟
لطيفة:مالج شغل
سارة:يلا عاد لطوف
لطيفة:انزين فرضاً قلتلج شنو بيهمج؟
سارة:أوديج للطريق الصحيح
لطيفة:ماشالله ليش ماتدرين أن أنا أكبر منج؟!!!!
سارة:في ناس صغار أفهم بألف مرة من اللي أكبر منهم
لطيفة:أنا عارفة كل شي ما أحتاج أحد يوعيني
سارة:انزين بس جاوبي يمكن أفيدج
لطيفة:شتفيديني فيه؟
سارة:قولي وبتشوفين
لطيفة:أف أي
سارة:ليش؟
لطيفة:وهذا سؤال!!لأني أحبه
سارة:بس أنتي تكلمينه من ورا أهلج يعني من ورانا
لطيفة:وانا شيخصني فيكم؟
سارة:خلينا من ورا أهلج...بس ترى هذا حتى لو كان حب هالحب ماراح ينفع
لطيفة:شدراج مو جا وتقدم لي وانتو رفضتوه
سارة:ردينا لهالسالفة....موعدنا هالسالفة مليون مرة بس ترى مو من الأخلاق أني أكلم شاب لاهو حتى يقربلي ولاشي مجرد شاب عادي من عصاقيل هالزمن
لطيفة:سارة فكيني وقوليلي الزبدة
سارة:أبي أقولج أتركي هذا عنج ولاتكلمينه
لطيفة:ليش؟
سارة:بس أنا خايفة عليج
لطيفة:لا يا حبيبتي لاتخافين صحيح ان عمري20بس مخي مخ وحدة عمرها30

.................................................. ............

انتهى الجزء الثالث عشر
أنشالله نلقاكم بالجزء الجديد بأحداث أحلى وأروع
نبي منكم المتابعة الزينة لأن كلما أحداث القصة تزيد إثارة
أحداث القصة تزيد جنون لأن أصلاً القصة جنون
شنو بيصير بعد زواج رهف وحسن؟
وإيش بيصير لسلمان بتعاطيه المخدرات؟
وسالم ولطيفة شبيصير لهم؟
وأمل نصيبها مع مين؟
وخالد وحنان هل بيستمر حبهم؟
نبي الردود ونلقاكم على خير ان شاءلله