[لامارا]

الجزء الرابع عشر
راشد كان جالس مع زوجته مها
راشد:تجهزي ترى بنروح بيت اهلي اللحين
مها:والله يا راشد تعبانة ومالي خلق
راشد:ليه؟
مها:من هالحمل شرايك انت!
راشد:أي والله بطنك وارم كل ماله يورم أكثر يمكن توم
مها:أي توم حنا رحنا للدكتور طلع واحد
راشد:يمكن يطلع ثاني
مها:راشد لا تستهبل علي اللي فيني كافيني
راشد:ههههههههههه
ويرن التلفون
مها:أقول أرد أحسن لي
مها:ألو...هلا نور...شلونك شخبارك.....والله الحمد لله طيبة بخير...الحمد الله كلهم طيبين........شخباركم انتو...وشلون رهف مع زوجها والسفر
نور:زينين شكلهم مستانسين
مها:الله يهنيهم
نور:مها وينكم ننتظركم من زمان
مها:يمكن راشد بيجي مع العيال بس أنا ما أعتقد
نور:لييييييييييه؟
مها:والله الحمل متعبني
نور:والله انه عذر سخيف
مها:أكيد بتقولين عذر سخيف أنتي ماجربتي الحمل حبيبتي
نور:بس أنتي تبالغين مع انه هذا الثالث اللي تحملين فيه
مها:ما أبالغ شسوي باخوك هو السبب
نور:والله أخوي يبي عيال مافيها شي
مها:مو على حسابي
راشد:وشذا القرقة انتي وياها...مو على حسابك!!! مين يامها نور؟
مها:صح هذي نور ماتشوفني متنرفزة
راشد:أما تنرفز تنرفز عن جد
نور:أقووووول مهيييييييو عطيني أخوي بس الكريه اللي مايسأل
مها:شدعوة ميت فيك اللحين....راشد حبيبي نور أختك تبيك
ياخذ منها السماعة
راشد:ألو
نور:هلا رشوووووود أحلىىىىىىى زوجتك تقولك حبيبي
راشد:لحظة لحظة هاااو... أولاً مالك شغل زوجتي وتقولي اللي تبيه ثانياً ماني أصغر عيالك تقولين لي رشود
نور:انزين آسفين يا أخ راشد ماراح نقول شي بس المهم تجي أنت وزوجتك وعيالك البيت
راشد:ماأعتقد مها تجي تقول انها تعبانة
نور:أدري قالتلي مع دبتها أنا أوريها... ياللي فبطنها توم واللا الولد عملاق
راشد:أقول يعني لازم نجي؟
نور:أكيد لازم والله طفشاااانة مرررررررررة رهف وراحت وابوي بالشركة وبيجي بعد شوي وحمد وطالع يعني قاعدة بروحي
راشد:أي صح مايصلح تقعدين بروحك ماعندنا بنات يقعدون بروحهم بس شسوي أجي؟
نور:تقعد معاي تونسني
راشد:خلاص إذا جا أبوي من الشركة راج اجي
نور:يعني مكتوب لي الملل
.................................................. ..........
سالم كان يكلم لطيفة
سالم:تراني مليت وبعدين ليمتى بنتم جذي؟
لطيفة:والله مادري يا سالم
سالم بدى بخطته الماكرة:شرايج أشوفج؟
لطيفة:لا والله "بسخرية" شلون؟
سالم:تطلعين معاي
لطيفة:بس ليش؟
سالم:نحط نهاية للي أحنا فيه
لطيفة:شلون بدون ما أهلي يدرون؟!
سالم:ماعليه أحلها لج أنتي وافقي
لطيفة:لا يا سالم أنا ماوصلت لهالحد عيب علي أسوي جذي
سالم:أفاااااااا يعني أنتي مو واثقة مني؟
لطيفة:آسفة بس هذي مجازفة كبيرة حتى لو تركنا موضوع أهلي مايصير أطلع مع شاب مو محرم لي بروحي
سالم:نبي نكون مع بعض عشان ماحد يفرقنا
لطية:بس أنا خايفة
سالم:خايفة من شنو؟
لطيفة:لو هلي كشفوني شنو بيصير موقفي والا شنو بيسوون فيني
سالم:ماراح يكشفونج وبعدين حتى لو صار جذي كل شي على مسئوليتي
لطيفة بسخرية:شنو بتسوي مثلاً؟
سالم:أنتي لاتشيلين هم
لطيفة تكمل أسئلتها:أنت ليه تبي تطلع معاي؟
سالم:عشان نحط أهلج جدام الأمر الواقع
لطيفة:شلون؟
سالم:نهرب مع بعض وبعدين أهلج بيدورونج نفس هلي وبعدين نقولهم أن احنا ماراح نرد لهم الا لما يرضون يزوجونا
لطيفة:لا ياسالم هذا شي خطير
سالم:وشنو الخطير فيه؟
لطيفة:ماراح نسوي الشي الصح
سالم:بالعكس هذا عين الصح بجذي أهلنا ماجدامهم الا أمل واحد وهو انهم يزوجونا والا نتصرف تصرف ثاني
لطيفة:بس هذي مجازفة
سالم:يمكن تكون مجازفة مثل ماتقولين بس ماجدامنا ألا هالحل الوحيد...هاشقلتي؟
.................................................. ..
أمل كانت زايرة نور بنت عمها بالبيت وهم جالسين بالغرفة
نور:أمل تتوقعين يوم من الأيام أحد بيجيك ويعشق الأرض اللي تمشين فيها؟
أمل:ههههههههههه نور شفيك انتي؟!
نور:مافيني شي بس اسأل يمكن يصير هالشي
أمل:ما أعتقد
نور:ليه؟؟؟
أمل:شي بعيد عني...طيب وانتي
نور:أنا اللي حبيته طلع مايحبني
أمل:مين هذا؟
نور:واحد
أمل:تحبين من ورانا؟
نور:حب شريف
لأمل:كني عرفته...بس ممكن اعرف من هذا؟
نور:خلاص اجل واذا عرفتي ماراح تستفيدين
أمل:عشان احل مشكلتك
نور:مو مهم تعرفين من هو...بس شسوي عشان يحبني؟
أمل:حاولي تكسبينه بكل الطرق بس مو تفتينه لا بتصرفاتك تكون هادية وناعمة...زي كذا فهمتي علي؟
نور:هذا ماينعطى وجه
أمل تعرف مين بس تسوي روحها ماتعرفه:طيب مين هذا؟
نور:سالم ولد عمي ماغيره
أمل:والله اني قايلة بس أتأكد
نور:المهم شسوي أحقره بس أحس اني ما أقدر
أمل:أسمعي أعتقد انك تدرين أن سالم ولد خكري وصايع ويكلم ألف بن صح؟
نور:للأسف صح
أمل:أنتي بنت عمه والأقرب له هو مهما كان لمن يشوف أخلاقك آخرتها بيحبك ويميل لك
نور:هذا يكون في الأحلام
أمل:مع انه مايستاهل تحبينه
نور:حرام عليك
أمل:لا مو قصدي...بس احس انه انسان بايع الدنيا وصايع...شباب آخر زمن
نور:ليه مين اللي تشوفينه زين من شبابنا أحنا وعيال عمي وعمتي؟
أمل:يمكن اخوانك...خاصة...راشد معتدل ورزين
نور:أكيد ماهو أهبل مثل حمد اخوي ولا جراح ولاسالم
أمل:شباب طايشين
نور بمكر:طيب شمعنى راشد؟
أمل:لأنها الحقيقة هو شاب رزين
نور:علينا
أمل:نور أستحي ترى أخوك متزوج"أمل استحت"
نور:ههههههههه طيب شفيك استحيتي ياحليلك؟!!!
أمل وهي للحين مستحية:أستحي من وشو هو متزوج وعيب تقولين هالكلام
.................................................. ....
أماني:يمكن فيه شي
علي:مادري عنهم
أماني:بس انشالله الله يعوضها بزوج أحسن منه بألف مرة يكون من أحسن الشباب
علي:والله هالشباب خاصة هالايام مو ذاك الزود
أماني:بس موكلهم
علي:أكيد...موكلهم يكفي أنا
أماني:ههههههههههههه
علي:شنو شيضحك؟
أماني:مغتر بنفسك
علي:والله ياحليلي
أماني:هههههههه
علي:الحمد لله والشكر...تعالي أماني شلونج مع التدريس
أماني:زين بس بعض البنات كسلانات
علي:مع ان اللغة الانجليزية سهلة وايد
أماني:أكيد أبد مو صعبة بس بنات المدارس الأهلية أكثرهم رايحين فيها
علي:ماعليج هذا هم المراهقات
أماني:عندك شي عادي بس عندي هم تعبت من التدريس مع ان ماصارت لي سنين طويلة وانا أدرس
علي:التدريس يتعب لهالدرجة؟
أماني:أي...أقول أقوم لولدي سعد أشوفه رقد ولا لا (تقوم لولدها)
علي بقلبه:والله ما أعتقد بحصل مرة مثلج يا أماني
.................................................. .............
لطيفة كانت xxxxxة ماتدري شتسوي مع سالم اللي طلب منها هالطلب الصعب كانت تكلم نورة:
لطيفة:أففففففففففف مادري شسوي يا نورة مادري
نورة:شنو ماتدرين طبعاً لاتطلعين معاه هبلة انتي؟!!!
لطيفة:أدري بس يقول عشان نحط أهلنا جدام الأمر الواقع
نور:أي أمر واقع أي خرابيط لطيفة لاتطلعين معاه يمكن يسوي فيج شي
لطيفة:ماراح اطلع معاه شفيج انتي وبعدين حتى لو طلعت معاه أنا ماني هبلة علشان أوافق على اللي ممكن يطلبه مني
نور:ما أنصحج توافقين على اللي يقوله تراه نصاب في أشياء كثيرة تخليج تندمين أنج تطلعين معاه أولهم هلج
لطيفة:عارفة هالشي بس....مادري شسوي
نورة:لا يا حبيبتي ما يحتاج المسألة سهلة قوليله مابي أطلع معاك وبس وبالطقاق
لطيفة:أحس اني في مشكلة ولو تركني
نور:لاهي مشكلة ولاشي واذا تركج بيكون احسن
لطيفة:بس أنا أحبه
نورة:حبج برص أنتي وياه... شنو تحبينه في هالحالات مافي شي أسمه حب
لطيفة:أف خلاص بقوله ماراح اطلع معاك مع اني قايلتله انها مجازفة كبيرة بس هو أصر
نورة:بس أنصحج لاتطلعين معاه أبد
.............................................
في بيت عبد الله كانت آلاء بالغرفة وطفشانة وحنان مشغولة وتاركة جوالها والباقي طالعين
آلاء:أففففففففففف والله مليت
ويرن جوال حنان وشافت آلاء من المتصل وكان المتصل خالد
آلاء:والله حبيب القلب اتصل عليها بس وينها اللحين
ويرن ويرن وآلاء ودها لو تاخذ الجوال وترد
آلاء:أقول أرد بس أسالف معاه واستهبل عليه أطير هالطفش (وترد وتغير صوتها)
آلاء:ألو
خالد:ألو حنان؟
آلاء:أي نعم حنان شفيك مو أنت اللي متصل علي؟!
خالد:لا بس صوتج متغير
آلاء:ههههههههه لاتغير ولاشي هاذا صوتي
خالد:حبيبتي شلونج شخبارج؟
آلاء:والله الحمد لله بخير أنت شلونك حبيبي؟
خالد:بخير يا حياتي
آلاء:خالد... شرايك نطلع اليوم؟
خالد:معليه بس إذا أبوج رضى
آلاء:أكيد بستأذن من ابوي علشان أطلع
خالد:وين تبين تروحين؟
آلاء:مادري.. أي مول يعجبك
خالد:أوكي على أمرج
آلاء:خالد
خالد:عيونه
آلاء:تصدق مابقى شي على عرسنا
خالد:اسبوعين تقريباً...والله قرب عرسنا
آلاء:خالد أنت تحبني؟
خالد وهو مستغرب من سؤالها:أكيد يا حياتي!!! شهالسؤال؟!!
آلاء:ليه مستغرب طبعاً بتقول أي بس من نبرة الأنسان يبين إذا يحب ولا لاء
خالد بقلبه"مسوية روحها ذكية هذي ولا تستهبل!":حنان أحس انج متغيرة
آلاء:في شنو متغيرة؟
خالد:مادري طريقة كلامج
وقعدت آلاء تسولف مع خالد مدة وهو طووووول الوقت يظنها حنان (غبي)
بعد كذا جات حنان واتصل خالد
حنان:ألو
خالد:هلا والله بحبيبتي
حنان:هلا خالد شلونك؟
خالد:بخير يا قمر ها متى تبين نطلع؟
حنان:وين نطلع؟!!!!
خالد: مو قلتي نبي نروح أي مول؟!
حنان:خالد شفيك سم الله عليك أنا ماقلت ان احنا نبي نطلع أنا أساساً مشغولة اليوم
خالد:ألا قلتيلي أبي أطلع لا وسألتيني سؤال غريب قلتي أنت تحبني؟
حنان:هههههههه خالد حبيبي تستهبل علي؟!!!
خالد:لا والله جد أتكلم!!!!
حنان:خالد أنا أصلاً ماقلت أبي أطلع أي مجمع ولا قلت انت تحبني..عشاني أعرف انك تحبني!
خالد:عيل مين اللي كلمتني؟!
حنان:لايكون..........
خالد:لايكون شنو؟
حنان:لايكون آلاء الملقوفة والله لو كانت هي أوريها شغلها
خالد:مادري!!!!!!!!!!يعني أنا طول الوقت يالس(جالس) أسالف مع أختج؟!!!!
حنان:يعني ماكنت تدري؟!!!
خالد:ااااا...ماكنت أدري مع اني شاك بالصوت
حنان:ياسلاااااام شاك بالصوت انزين بعدين نتفاهم باي
خالد:باي
بعدما سكرت حنان:هين أنا أوريج يا آلاء
.................................................. ....
في بيت بو سالم هناك حوسة بحيث يعقوب يعاقب ولده عن سالفة المخدرات اللي يتعاطاها سلمان وراح لغرفته وضربه ضرب الويل
بو سالم:تتعاطى مخدرات يا جلب (كلب)
ضرب بو سالم شديد وهو أن ضرب فيمكن يموت ..وجا سالم وهو مسرع وكانت ام سالم مو موجودة يعني في بيتها
سالم:يبى ...يبى هدي خلاص سامحه الله يخليك
بو سالم:أي أسامحه وهو يتعاطى هالسموم
سلمان وهو يصرخ:وخر عني أنت مو أبو وخــــــــر عني
بو سالم:ماراح أوخر عنك ألا لين تندم على اللي تسويه
ويضربه زيادة ضرب عذاب
سالم:يبى خلاص تكفى خلاص
بو سالم:ماراح أوخر عنه أبي أأدبه واربيه هذا آخر تربيتي فيك يا سلمان مخدرات
وسلمان يتألم:اااااااااه
سالم يمسك ابوه:يبى ماراح يعيدها سامحه علشان خاطري
بو سالم وهو بينفجر من الغضب:أنت مالك خاطر عندي وخر عني (ويدف سالم)
سالم:بس أنت بتذبح الولد
بو سالم:هذا ولدي وانا اعرف اربيه
يأس سالم من ابوه وترك ابوه يضرب اخوه وهو يسبح في بحر الذكريات تذكر يوم ابوه ضربه ضرب سالم ضرب شديد كانت هذي الحادثة قبل6سنين تقريباً يعني كان سالم كبر سلمان أو أصغر وهذا قبل لايطلق ابوه امه في الذكرى:
بو سالم وهو يضرب سالم:أنا جم مرة قايل لك لاتسوي هالمشاغبات بالمدرسة آخرتها تطلع من المدرسة بدون أذن
ام سالم وهي خايفة على ولدها:بو سالم خلاص توبة ماراح يعيدها
بو سالم:خليني ياحصة أأدب ولدج شكلي ماربيته زين
سالم وهو يتألم ويبكي:يبى........ماراح اعيدها ...ااااه
بو سالم وهو يضرب ولده:أنت جب ولا كلمة تطلع من المدرسة ويليتها مرة أكثر من5 مرات تسويها أنت وربعك
أم سالم وهي تبكي:خلاص يابو سالم خلاااااااااص
وتم سالم وهو يتذكر وهو سارح وكان واقف ولا حاس باللي حوله بس رد لوعيه
سالم بصراخ:يبى خلاص..كافي..بتعذب سلمان مثل ماكنت تعذبني
يعقوب فجأة قام يطالع بسالم وناظره بنظرة قوية قاتلة
بو سالم(يعقوب) يكلم سلمان:أن عدتها ماراح أخليك تعيش ومافي طلعة من هالبيت
وراح عنهم وتركهم سلمان وسالم سلمان يبكي ويتألم وسالم مايدري شيسوي
سالم:معليه ياسلمان هذا أبوي
سلمان وهو يبكي:بس هذا بيذبحني بيذبحني
سالم:لا ماراح يذبحك هذا أبوك
سلمان:يسويها أنت قلت بنفسك ...أن هذا مو أبو وحش
سالم وهو منصدم:.........(مادرى شيقول)لاتبجي ياسلمان...لاتبجي... أنت رجال... ترى حتى أنا انضربت من ابوي ويمكن ضرب أكثر منك هو يبيك تترك هالمخدرات بس... صحيح ان ابوي قاسي علينا...بس هو يحبنا وخايف عليك من المخدرات
وراح عنه وخلا سلمان يبكي لين يشبع مافي حل لهالمشكلة أصلاً مابيلقون حل مع الأبو الوحش اللي قلبه متحجر والا الأم اللي مو مع عيالها ببيت زوجها أو سالم اخوه الولد اللي مايقدر يسوي شي لأنه حتى هو يتعاطى سموم بس مب مخدرات هو يشرب خمر يعني رايح فيها
.................................................. ....
حنان:آلاء شالسخافة!!
آلاء:شنو؟
حنان:ليه كلمتي خالد...لاتقولين مو أنا؟!
آلاء:ماكلمته ولاشي "تحاول تنكر"
حنان:عيل منو اللي كلمه غيرج منو كان غيرج بهالبيت؟
آلاء:يمكن يستهبل عليج
حنان:مايستهبل علي مبين انه صادق ومايمزح
آلاء:شدراج؟
حنان بصراخ:آلاء...أعترفي مو أنتي قلتي لخالد أبي أطلع؟
آلاء:لا...لا...مو أنا
حنان:آلاء قولي الحقيقة
آلاء:وبعدين
حنان: بصراخ:آلاء
آلاء: OK OK أي....كلمته
حنان:ليه؟
آلاء:بس جذي...كنت طفشانة وسالفت معاه...وسويت نفسي أنتي
حنان:ليه شنو هالسخافة يا آلا؟
آلاء:قلتلج طفشانة خلاص فكيني أف
وراحت آلاء عنها وهي معصبة
حنان:هين أنا أوريج
واتصلت بخالد بسرعة
حنان:ألو...هلا خالد
خالد:حنان شفيج؟
حنان:ليش يا أستاذ خالد تكلم آلاء؟
خالد:ماكنت اعرف انها هي
حنان:ماكنت تعرف هاه....وصوتها
خالد:أنا سألت ان هي حنان قالت أي
حنان:ماشااااالله يعني ماتعرف صوتي؟!!
خالد:أعرفه بس...المهم انتهى الموضوع
حنان:لا ما انتهى شلون تتكلم وياها دامك شاك بصوتها؟
خالد:اللحين شنو وبعدين؟
حنان:بقولك شي يا أستاذ خالد..مرة ثانية إذا كنت شاك بالصوت على طول سكر...باي (وسكرت الخط)
وخالد مسكين مايدري شيسوي مع هالحنان
................................................
في بيت سعود(بو راشد) كان موجود راشد وزوجته مها وعياله سعود ورغد
نور:ماراح تقدرين تعصيني
مها:لا والله حسيت اني طفشانة وجيت..مع اني تعبانة
نور:زين درينا يا بنت الحلال انك تعبانة...........مها بسألك سؤال
مها:أسألي ياكثر أسألتك
نور:ههههههههه..مها شكثر تحبين راشد؟
مها:ليش هالسؤال؟
نور:أشوف حياة المتزوجين حلوة ولا لا...يلا قولي شكثر تحبين راشد؟
مها:...........كثر شي ماله حدود
نور:يعني
مها بحب:أحبه موت..أحبه كثر الكون بوسعه ما أقدر أوصف حبي له
نور:اللـــــــه شهالرومانسية....يا حظك يا راشد
مها:وجع يوجعك خليتيني أنسى نفس
نور:والله حلو هالحب خاصة بعد الزواج
مها:أكيد...الحب قبل الزواج أحس مامنه فايدة
نور:مو شرط
مها:لا هذا من وجهة نظري
نور:وانا من وجهة نظري الحب قبل الزواج له فايدة يعني لو تزوجو الطرفين المحبين بيكبر حبهم بعد الزواج
مها:امممممممم...نظرية حلوة بس ما تتماشى مع مجتمعنا
نور:عارفة...بس اللي أقوله أحسن.. يعني مثل ماقلتي وجهة نظر
مها:طيب...ليه هالسؤال؟
نور:لا ولاشي بس أسأل مجرد فضول
مها:وانا ماحب الفضول وهذا السؤال ما أعتقد انه فضول
نور:ولا أنا ماحب الفضول بس شي سخيف...لاتشيلين هم
مها:....أخاف تبين تحسديني
نور:تجننها:يا حظـــك يامها
مها تسوي حركة عن الحسد:قولي مشا الله لايروح حظي
نور:وشذا الحظ اللي عليك
مها:قولي ما شالله
نور:ههههههههه...ماشالله ماشالله
.................................................. .....
خالد كان رايح لحنان يراضي حضرتها
خالد:شفيج زعلانة؟
حنان وهي معصبة:........مافيني شي
خالد:انزين ليش تكلميني جذي؟
حنان:افففففففففففففففف شلون يعني تبيني أكلمك
خالد:حنان شفيج؟!
حنان:................قلتلك مافيني شي
خالد بنعومة:حنان............زعلانة مني؟
حنان:....................
خالد بعصبية:حنان ردي علي ريحيني..قولي أي شي
حنان:بصراحة أي زعلانة منك
خالد:ليه؟
حنان:خيبت أملي فيك يوم كلمت آلاء
خالد:قلت لج ما كنت ادري والله العظيم ما كنت ادري
حنان:عارفة انك ما تدري بس شدعوة ما تعرف تفرق بين الاصوات؟!!
خالد:حنان لاتصيرين دقيقة خلاص
حنان:هذي مو دقة...عدم تفريقك بين صوتي وصوت غيري يدل على انك...ما تحبني
خالد:افااااااااااا...أنا ماحبج!!حنان أنتي شنو قاعدة تخرفين!!!
حنان بدلع:لا مو ماتحبني...تحبني بس مو وايد
خالد:أنتي ماتدرين شكثر احبج؟
حنان:شكثر تحبني؟
خالد:أحبج كثر هالكوووووووووون ووسعه
حنان:أي قص علي بهالحجي
خالد:انزين شلون تبيني أراضيج وتعرفين مقدار حبي لج؟
حنان:مادري بأي طريقة تعجبك...وتعجبني
خالد:متأكدة؟
حنان:متأكدة!
ويمسك خالد أيد حنان ويبوسها
خالد:أحبج
حنان تفاجأت منه يا الله جريء
خالد:رضيتي اللحين؟
حنان:خالد شسويت؟
خالد:ماسويت شي زوجتي بحكم الشرع وكيفي
حنان:انزين خلاص...ترى مابقى شي على عرسنا
خالد:يعني بعدها بسوي اللي أبيه
وضربته حنان على كتفة
حنان:ويعة ماتستحي
حنان وخالد:هههههههههههه
خالد:ها الحين راضية؟
حنان تهز راسها بالإيجاب
خالد:عفية على الحلوين مابيج تزعلين مني مرة ثانية
حنان:إذا ما سويت شي غلط أكيد ماراح ازعل
خالد:شفتي أنا مااقدر على زعلج
حنان:ولاراح تقدر
.............................................
في بيت بو ناصر كانت لطيفة بالغرفة منسمه كالعادة بسالم وتاخذ جوالها وتقول بقلبها:مابي أكلمه هو اللي يتصل وتركت الجوال
وراحت للمسجل وشغلت غنية راشد الماجد (هلي)
هلي لاتحـــــــرموني منه هلي لاتبعـــــــدوني عنه
مثل ماهو قطعة منـــي أنا ترانــــي قطعة منه
أحبه اموت انا اذوب انا ادوخ انا والله وميت فيه
أحبه وعقلي وقلبي وروحي ياعلني مابكيه
وقعدت ترقص على الغنية رقص حلو وكأنها متخذة الغنية دليل على علاقتها مع سالم
ودخل خالد غرفتها وشافها وقعد يتحمد ربه وعلى طول لطيفة سكرت المسجل
خالد:هههههههه الحمد لله والشكر شفيج؟!
لطيفة بإحراج:هههههههههههه مافيني شي بس مشتهية أسمع أغاني وارقص
راح خالد وجلس على السرير:ماشا الله وراشد الماجد بعد
لطيفة:حلوة أغانيه أحبها
خالد:أكيد وأنا أكثر
وتمو ساكتين شوي
لطيفة:خالد
خالد:نعم
لطيفة:...لا بس كنت ابي أسألك متى رديت من بيت عمي؟
خالد:توني راد.....ليش؟
لطيفة:...شسويت مع حنان؟
خالد بابتسامة:أبشرج رضت علي
لطيفة:زيييييييين.............خال د ودي أسألك سؤال
خالد:أسألي
لطيفة:الحب حرام؟
خالد:هههههههههههههههههههه� �ههههههههههههههههههههه
لطيفة:شفيك تضحك أنا قلت شي يضحك؟!!!!
خالد:لأن سؤالج سخيف...أكيد الحب مو حرام يعني ماتشوفيني أنا وحنان حتى قبل ما أخطبها
لطيفة:أدري تموتون في بعض
خالد:هاذا أنا أقولج الحب مو حرام.... لو الحب حرام جان مافي سلام في هالدنيا.. أصلاً شلون يصير الحب حرام وهو أحلى شي بهالدنيا؟!!
لطيفة:الحياة تكون رماد بلا الحب
خالد:أوكي لييييييش هالسؤال؟
لطيفة:لا...بس جذي أسأل أبي أعرف شنو الحب في نظرك
خالد:مو علينا..تحبين؟
لطيفة:.......لا....ما أحب
خالد:يلا عادي قولي ماراح اعلم احد أنا أخوج مافيها شي إذا قلتيلي وطلعتي اللي بقلبج
لطيفة:بصراحة.........أنا أحب
خالد:أعترفتي...منو؟
لطيفة:أحب وبس .....مغني(ترقع السالفة)
خالد:لاااااااااا هذي ماتيي علي أصلاً أغلب البنات يحبون المغنيين والممثلين بس شكلج أنتي تحبين واحد من جد وتعرفينه ويعرفج
لطيفة:..........مادري شقولك..........كلامك صحيح
خالد:يعني أنتي تحبين؟
لطيفة:أي
خالد:منو؟ ومن وين عرفتيه؟ وانا اعرفه ولالاء؟
لطيفة:واحد ما تعرفه
خالد:ماعرفه؟!!!!!لطيفة...لايك� �ن واحد من الشباب الصايعين
لطيفة:للأسف...واحد من الشباب اللي ماتحب اشكالهم وحركاتهم.. ماعليك بس
خالد:لا شنو ماعلي كملي كلامج كملي أسمعج تحبين واحد من هذولا الشباب؟كملي سالفتج
وقالتله لطيفة السالفة كلها
خالد:اهااااااااااااا عيل هذا اللي يا وتقدم لج اللي أبوه صاحب ملايين
لطيفة:أي نعم هذا هو
خالد:هذا غني
لطيفة:أي نعم غني بس مايشتغل
خالد بسخريه:أدري أدري..عيل ليش طرده أبوي
لطيفة سكتت
خالد:لطيفة ترى هذا ماراح ينفعج
لطيفة:كلكم تقولون جذي..شدراك؟
خالد:أنا شاب واعرف الشباب وجالس معاهم ومخالط كل الأنواع ومن جذي أعرف من الشاب اللي فيه الخير ومن اللي ما يعتمد عليه
لطيفة:سؤال بس..شنو السبب اللي يخليكم ما تقبلون هاالأنسان؟
خالد:لأنا مانبيه مايصلح لج
لطيفة:بس أنا أحبه
خالد وهو معصب:شنو؟!!...تحبينه...أنسيه..� �أنج ماراح توصلين له أنسيه يا لطيفة هذا ماعنده مؤهلات للزواج أصلاً
لطيفة:عنده...وبعدين هي بس خطبة
خالد: حنا نخاف عليج مستقبلج راح يضيع معاه بكره يغربج هناك بالسعودية أنسيه
لطيفة:ما أقدر أنساه أحبه يا خالد
خالد:تقدرين تنسينه
لطيفة:لا ما أقدر....لو أبعدوك عن حنان وفرقو مابينكم ترضى؟أوتقدر تنساتها؟
خالد:.................................
لطيفة:شفت....ماتقدر تجاوب لأنك تحبها وماتقدر تبتعد عنها...مثل ما أنا أحب سالم
خالد:أنا صحيح اني ما أقدر أبتعد عن حنان ولاهي تقدر تبتعد عني...بس أنا غير وأنتي غير
لطيفة:في شنو غير؟في العمر؟ياحبيبي الفرق اللي بيني وبينك سنتين ولا ثلاث بس
خالد:لا لا موجذي قصدي أنا ريال وانتي بنت
لطيفة:مافي فرق....الحب حب يا خالد لافي ريال أو مره
خالد:لا الحب بطريقتج هذي ماينفع .....صدقيني إذا تزوجتيه بيدمر حياتج وانتي بتدمرينها بعد
لطيفة:شدراك يمكن نبني حياة جديدة حياة كلها حب وأمان
خالد:هه"بسخرية"أنتي توهمين نفسج....ماعليه أنتي بنت صغيرة
لطيفة:لا ما أوهم نفسي ....ترى حتى سالم يحبني
خالد:يحبج؟"بسخرية"...هو حبج ولا لاء مايأثر..بس هين أنا أوريه أن صدته بس
لطيفة كانت خايفة بس في نفس الوقت مرتاحة لأن خالد درى عن سالفة لطيفة وسالم منها وهو ماعصب واجد وهي صارحته لأنها تعرف ان أخوها خالد متفهم غير عن الباقين
.................................................. ........
شنو بيصير بعد ماصارحت لطيفة أخوها؟
وشنو الشي اللي يقدر يخلي لطيفة وسالم مع بعض؟
شنو بيصير لخالد وحنان بعد ماقرب عرسهم؟
ومها وراشد شاللي بيعكر في حياة واحد منهم؟
ونور شنهايتها مع حبها لسالم؟
ترقبو الجزء الخامس عشر قريباً أنشا الله ولاتبخلون بالردود ترى القصة طويلة وحلوة وتحتاج منكم متابعة علشان أتشجع منكم واكمل القصة واخلي نهايتها ولا أروع