[لامارا]

الجزء الثامن عشر
طبعاً أعتقد أن الي صار في الجزء السابق أسعدكم لأن سالم خطب لطيفة وهذا شي زين من شاب صايع مثله في عمره يمكن في ناس مو عاجبهم(لأن الناس أجناس) المهم...شفتو يازين الحياة بس مو كلها جمال ولا كلها قبح يوم لك ويوم عليك هذي هي الدنيا يمكن من بعد الجمال جمال الحياة والحب قبح وكره ويمكن من بعد الحقد والكره حب وأمان....المهم مابي أطول عليكم وانتو متشوقين لقراءة هذا الجزء
بو راشد:ألا مادريتو يا عيال
حمد:وشو يبى؟
بو راشد:سالم ولد عمكم خطب
أول ماسمعت نور هالخبر حست بقبضة
حمد:والله!!
راشد:سويلم الصايع يخطب...غريبة..!!من بنته؟!
بو راشد:وحدة يكون اخوها واحد من ربعه يقول عمكم يعني كويتية
رهف:غريبة يا يبى أنا ما توقعت سالم يسويها خصوصاً في هالسن!
حمد:عن جد حتى أنا ما توقعت وهو فوق انه صايع أصغر مني بسنة...بس ليه ماعلمونا؟!
بو راشد:هم توهم خاطبين أمس
حمد:اهااااااااا وأنا أقول غريبة سويلم ما قالي!!
راشد:بس مادري ليه مو مستوعب الموضوع
رهف:مو بس انت كلنا ههههههههه
بو راشد:شدعوة؟!لهاالدرجة مو مصدقين ان ولد عمكم سالم يخطب الحين وراح يتزوج؟!!!
حمد:لا يا يبى يبيلنا وقت علشان نستوعب اجل سويلم المجنون بو البنات راح يتزوج؟!!!
راشد:شدعوة أنت يالي مقطع العقل روح بس أنت زيه
حمد:بس أنا أبرك منه شوي..الي ما تتوقع يتزوجون خاصة في هالوقت سالم ولد عمي وجراح ولد عمتي جوهرة
بو راشد:وهذا سالم ما شالله خطب
نور تضايقت وبتروح فوق
بو راشد:وين يا نور؟
نور:رايحة لغرفتي برتاح شوي
بو راشد:أي خلاص روحي يا بنتي
وراحت نور لغرفتها وأول مادخلت راحت تبكي على السرير وودها لو تنفجر..
أنا صج غبية...غبية اني فكرت في سالم وأوهمت نفسي بحبه..أنا ليه ابكي...ليه..أنا صج اني غبية لأني فكرت فيه يوم من الأيام..مدري ليه صرت مجنونة فيه..ليه افكر فيه؟!..ليه ابكي عليه لأنه خطب..الله يوفقه..خلاص أنا من اليوم ورايح..ماعاد افكر فيه..هو ولد عمي ومثل اخوي وبس
ومسحت دموعها
...........................................
أبرار كانت ناشبة لسالم في الاتصالات حتى انغث ورد
سالم وهو معصب:نعم
أبرار وهي بعد معصبة:هلا سالم شخبارك
سالم:زين
أبرار:شفيك؟
سالم:مافيني شي
أبرار:عيل ليش تكلمني جذي؟
سالم:عيل شلون تبيني اكلمج
أبرار:سالم شفيك؟!
سالم:ما فيني شي أبرار
أبرار:سالم أنت ليش دايم جذي تكلمني...مرة تصير رايق وتقول كلام زي العسل ومرة ما ترد علي أو ترد علي وكأني بايقة حلالك ولا مسوية لك شي..أنت ليش جذي؟!!!
سالم:أنا؟!!!!
أبرار:أي أنت عيل أنا
سالم:أبرار أنتي تبالغين
أبرار:لا ما أبالغ هذي الحقيقة
سالم:شوفي أبرار أنا ودي أقولج شي بس مو الحين
أبرار:شنو؟
سالم:ماينفع بالتلفون لازم اشوفج علشان اقولج
أبرار:انزين...موافقة..بشوف شنو آخرتها معاك
.................................................
فاطمة:مبرووووك لطوووفة
لطيفة:الله يبارك فيج
فاطمة:ماتدرين شكثر فرحانة لج ودي أشوفج عروس
لطيفة:مشكورة حبيبتي وأنا بعد ودي اشوفج عروس
فاطمة:لاااااا أنا بعدين
لطيفة:ليش بعدين؟!
فاطمة:ما عليج مني........المهم أنتي بتتزوجين حبيب القلب
لطيفة:فطوم لا تطقينا عين
فاطمة:شدعوة مو شايفة خير!!
لطيفة:لا بس الحسد هالايام منتشر
فاطمة:لا حبيبتي ماراح نحسدكم الله يوفقكم...المهم انج بتكونين مع حبيب القلب للأبد
لطيفة:خلاص فاطمة لا تحرجيني
فاطمة:ههههههههههه ياحليلها تستحيى هذا ماصار شي تونا
لطيفة:أنتي تعرفيني أنا أنسانة خجولة
فاطمة:أدري عارفتج زين
فوزية(أم يوسف)تجي:مبروك لطيفة يابنتي على الخطوبة
لطيفة:الله يبارك فيج خالتي
أم يوسف:ألا وين أمج ليش ما يات
لطيفة:مادري...تعبانة شوي ومالها خلق تجي
أم يوسف:أي عالعموم مبروك
لطيفة:الله يبارك فيج
وراحت ألا وتجي سارة
سارة:هاااااااااااي
لطيفة:أنتي شلون ييتي؟!!
سارة:ييت والشوق يابني
لطيفة:صايرة شاعرة بعد
فاطمة:هلا سيورة من زمان ماشفتج
سارة:وانا بعد يا بنت عمي العزيزة
وجلست جنبهم
سارة:لطيف خطيبج شفته يجنن يهبل بصراحة سويلم ماتوقعته جذي
لطيفة:انزين جب عاد عيب عليج هذا وخطيبي خطيب اختج والله قلة أدب
فاطمة:الله لطووووف أشوفج تغارين على سالم وايد
لطيفة:أي مو خطيبي وبيصير زوجي أكيد راح أغار عليه
فاطمة:هههههههه والله أنتي تحفة
لطيفة:يالله بس
سارة:أنتي مالت عليج يالطيف أمدح في خطيبج تهاوشيني
لطيفة:أي أهاوشج تتغزلين في خطيبي
سارة:انزين خلاص خطيبج خايس ويلوع الجبد سويلم الخبل
لطيفة:لو سمحتي أسمه سالم وهو مو خبل فهمتي
سارة:والله ماعرفنالج إذا مدحناه ما رضيتي واذا سبيناه هم مارضيتي عيل شنو تبين؟!
لطيفة:مابي شي خلاص فكيني وجع
سارة:يوجعج
فاطمة:عيل كلام سارة صح خطيبج حلو يالطيفة؟
لطيفة:وانتي بعد الثانية؟!
فاطمة:هههههههه"تهمس لسارة"نبي نجننها زين؟
سارة:أي.........."وتعلي صوتها"والله يا فاطمة سالم خطيب لطيفة أقولج قمر مو أنسان
فاطمة:أنا بشوفه بس عندي أحساس انه حلو ويجنن
سارة:لا صدقيني
لطيفة:وويعة توجع عمركم صج مافي أدب
فاطمة وسارة:ههههههههههههههههههه� �ههههههه
لطيفة:ههههههههه يا كرهكم
فاطمة:ألا تعالي متى الملجة(الملكة)؟
لطيفة:والله يمكن بعد شهر
فاطمة:شهر قليل لاتنسين ان ما بقى الا أسبوع وتجي المدارس وانتي تدرسين حق الكلية
سارة:وووووووووووعععع لاتذكريني بالمدارس
لطيفة:ههههه... بس يا فاطمة هذي ملجة بس وبتكون حفلة بسيطة وهي ملجة مو عرس
فاطمة:مادري كيفج
لطيفة:بس تصدقين ودي أقول لسالم يمددون شوي صح كلامج ماودي يكون كل شي بسرعة
فاطمة:أي مثل ماقلتلج وأنتي عاد كيفج
.........................................
سالم:أبرار أنا....أنا
أبرار:أنت شنو؟!
سالم وهو مرتبك:أبرار...أنا خطبت وراح أتزوج
أبرار:....................خطبت؟!!!!! وراح تتزوج غيري؟!!!!
سالم:أي نعم خطبت وراح اتزوج غيرج
أبرار:وأنا...أنا وين رحت يا سالم...راح تتركني وتاخذ غيري؟!..ليش..أنا شنو سويت لك؟!!ليش!ليش!
سالم:.....هالبنت هذي أنا حبيتها...حبيتها من كل قلبي وابي اتزوجها...أنا ما غلطت
أبرار:وأنا وين حبك لي...وينه يا سالم وين راح؟!!طار في الهوا انتهى؟!!وحبي لك؟!!
سالم:لا أنا ما قلت جذي...بس حتى البنت الي خطبتها أحبها
أبرار:تحبها أكثر مني؟!
سالم:.................................
أبرار:جاوبني...تحبها أكثر مني يا سالم؟!
سالم:المهم اني احبها وراح اتزوجها
أبرار:وأنا يا سالم وأنا
سالم:أنتي شنو؟!
أبرار:أنا أبرار..حبيبتك...نسيتها؟!!
سالم:أنا ما نسيتج..والدليل انج يالسة(جالسة)تتكلمين جدامي..هذا دليل انج تهميني ...أنا لو بغيت انساج واتركج وما أعيرج أي اهتمام...كان خطبت وتزوجت بعد بدون ما تعرفين أي شي...بس كاني خطبت...وعلى طول خبرتج
أبرار:بس أنت ما تخبرني..أنت تذبحني..تطعني...تدمرني...أنت جذي تعذبني وأنا حسبتك تحبني ومستحيل تعيش مع غيري
سالم:بس أنتي تقدرين تعيشين مع غيري
أبرار:مستحيل اقدر
سالم بصراخ:لا تقدرين..أنتي عندج ربع شباب وايد..تقدرين تخلين واحد منهم حبيبج
أبرار:سالم أنت شقاعد تقول...ما اقدر اخلي أي واحد منهم حبيبي...أنت حبيبي الوحيد
سالم:لا أنا مو حبج الوحيد..أنا يا أبرار ما أقدر أتزوج وحدة مثلج
أبرار:ليش..أنا شفيني؟!!!شنو ناقصني عشان ما تقدر تتزوج وحدة مثلي؟!
سالم:أنتي الشباب الي مرافجتهم وتكلمينهم وايد ..عندج حرية مالها حدود... كل شي عندج عادي
أبرار بسخرية:يعني الي بتاخذها ما كانت تكلمك من ورا أهلها؟
سالم:امبلى كانت تكلمني ومن ورا أهلها...بس ما كانت تطلع مع شباب ولا حتى عندها ربع شباب ولا عندها هالحركات...كانت تخاف..تخاف على شرفها وعفتها...وبالموت ترد على مكالماتي حتى...كانت بنت بسيطة مو متكبرة أو عندها كل يوم حفلة وشارية الدنيا بكل ما فيها
أبرار:أنا كنت دايم أكلمك واطلع معاك لأني أحبك وجذي تجازيني؟!
سالم:مو بس الي أنا تكلمينه ولا أنا الوحيد الي تطلعين معاه..أنتي كل شي عندج عادي..حرية عندج...شلون تبيني أتزوجج
أبرار:مشكور يا سالم...مشكور عل الكلام الي قلته...الحين عرفتك على حقيقتك..أنت أنسان أناني ونصاب..وخاين...كنت اظن طول هالفترة انك تحبني...بس طلعت غبية...طول هالأربع سنوات...كنت اظنك تحبني وما تحب غيري...عالعموم..مشكور يا سالم...مشكور...يجي منك أكثر
سالم:مهما صار يا أبرار لازم تعرفين أن أنا مو مذنب ولا مرتكب جريمة...أنا أنسان حبيت بنت وراح اتزوجها...يعني أنا ما سويت شي غلط
أبرار:كيفك...روح لها..تزوجها...أنا ما عدت ابيك..إذا أنت ما تبيني..أنا أنسانة لي كرامة
..........................................
أماني:والله انج حركات يا لطيفة بس شكله مو هين مثلج
لطيفة:شدعوة يا أماني أنا مو هينة؟!!
أماني:لا مانتي هينة تسوين كل شي من تحت لي تحت وجامنا هادية..أثرج انخطبتي
لطيفة:ههههههههه..والله انخطبت من هني وييت اعلمكم من هني حتى ما صار اسبوع
أماني:ويوم تتصل امج وتعلمنا هذا شمعناته.؟!!
لطيفة:يوو الحين شسوي
أماني:هههههههههه شفتي أعرفج
لطيفة:والله يا أماني مشغولة تعرفين اتجهز حق السنة الجديدة...الدراسة قربت وانا اشتري ملابس للكلية....تعرفين لازم
أماني:أي أدري...بس بعد الزواج راح تكملين دراستج ولا لاء؟
لطيفة:مادري على حسب الظروف إذا كانت تسمح كملت دراستي
فاطمة وهي جايبة الشاي:لا يا حبيبتي راح تسمح قعدي بس درسي معاي في الكلية مثل عادتج
لطيفة:يا سلام يعني تلبيني أدرس علشان أجلس معاج؟!!
فاطمة:أي مالت هذا الي تبيج...هذا جزاي!!
لطيفة:هههههههه...لا يا قلبي انشا الله بكمل دراستي معاج لا تخافين
فاطمة:أيه اشوى حسبت بعد
سارة:والله انكم أغبياء في وحدة تيي الفرصة ليعندها وترفضها
لطيفة:أي فرصة انتي الثانية؟!!
سارة:انج تفتكين من الدراسة الي قاعدة على قلبج
أماني:خلي أختج تدرس شفيج عليها؟!
لطيفة:هذي ما عليج منها ما تحب الدراسة والمدرسة وحطتها في الكلية الي أدرس فيها
سارة:شفتي يا أماني الحمد لله والشكر
أماني:والله يا حلو دراسة الجامعة بنات ووناسة وفوق جذي تلقى لها شغلة..تستانس منها
لطيفة:أي والله عدل كلامج بس إذا رضى سالم...انشا الله يرضى..عالعموم هالموضوع خلوه بعدين...أول شي أتخرج..وبعدين يصير خير
.................................................. .
أبرار وهي تبكي:أنا خلاص مابيك..كل شي بينا انتهى
سالم:أبرار أنا آسف...غصب عني
أبرار:لا مو غصب عنك...هذا بإرادتك...أنت مو مغصوب على البنت...أنت الي تبيها
سالم:...أبرار ما اقدر خلاص...لاتعذبيني أكثر...خلاص اسكتي
أبرر:أنا بسكت وبروح...بروح من حياتك للأبد..الله يوفقك...الله يوفقك في البنت الي تبيها
وراحت عنه وسالم يحس انه يبي يموت يا الله يا أبرار ليش تعذبيني...أحس اني بظلم البنت...لا ماراح اظلمها...أنا راح اترك أبرار وخلاص...وراح ابدي حياتي الجديدة
يتبع...
.................................................. .
أمل كانت قاعدة بغرفتها وتقول يقلبها:"معقولة تحبينه...بس هو متزوج...وعنده عيال...وأنا أفكر فيه...أفكر في راشد...لا لايمكن اني أحبه..لأني ماراح اقدر أوصل له...هو رجال متزوج وعنده عيال...مستحيل أصلاً يفكر فيني...أنا صج مخرفة...ولا أفكر في واحد متزوج...حرام عليك يا أمل..وزوجته من أحسن ما يكون..أقول...أبعد نفسي عن هالتخاريف احسن
.............................................
حنان:عيل ما قلتلي عن الي خطب لطيفة....راهي ولا أي كلام؟
خالد:لا يا مدام...راهي ونص..أبوه صاحب ملايين وعنده شركة
حنان:والله لطيفة محظوظة شكلها بكره بتتكبر علينا
خالد:لا أختي مو جذي
حنا:انزين هو كبير ولا صغير؟
خالد:لا توه صغير...توه متخرج من الجامعة
حنان:يا حليله هذا صغير وايد على أختك
خالد:ليش أختي عيوز(عجوز)؟
حنان:لا بس توه متخرج من الجامعة...يعني يمكن أكبر منها بسنتين بس
خالد:أي معلي كا أنتي كبري ويمكن أكبر مني
حنان:................. يعني شنو...أنت ما تبيني؟!
خالد:أفا...أنا قلت هالحجي...أنا بس أقولج ان الي بيتزوج لطيفة مو صغير وايد
حنان:أي خلاص دريت
.............................................

أبتدى العام الدراسي وانتهت العطلة الصيفية وكان هذا أول يوم دراسي والكل مستعد له
في الكلية الي تدرس فيها لطيفة كانت لطيفة ونورة جالسات في الاستراحة الي بالكافتيريا>>>
لطيفة:والله يا نورة السنين تطير بسرعة ما اصدق اني وصلت لثالثة جامعة
نورة:أنا مثلج ماصدقت اني راح اظل ادرس لي هالسنة
بعد فترة سكوت
لطيفة:واااااااااااااي يا نورة تصدقين اني للحين مو مصدقة اني انخطبت خصوصاً من سالم!
نورة:شدعوة...ولا تصدقين حتى أنا...أنا قلت من سابع المستحيلات ان سالم يتقدم للطيفة...هو أكيد يخدعها ويلعب عليها
لطيفة:أنا مثلج....بس يوم تقدم لي للمرة الأولى ما صدقت وقلت استحالة يجيني مرة ثانية...حبيبي جا وما خيب ظني
نورة:يا حليلج شكلج تموتين فيه
لطيفة:صدقتي
وتجي فاطمة من ورا لطيفة:هاااااااااااااااااي
لطيفة:يمممه خرعتيني...هلا فطوم...شخبارج
فاطمة:أنا الحمد لله زينة...شلونكم مع أول يوم
لطيفة:جالسين وماسوينا شي...زهق
فاطمة:مثلنا مثلج والله
لطيفة:وين رفيجاتج؟
فاطمة:استأذنت منهم شوي قلت بقعد مع بنت عمي العزيزة...شنو ما تبيني؟!!
لطيفة:لا يا حبيبتي أبيج أنا ما قلت شي
.................................................
سلمان:أحلى يا سويلم راح تصير معرس
سالم:أجل هالكلام بعدين راح اصير معرس مو الحين
سلمان:عاد حلوة؟
سالم:مالك شغل
سلمان:ويعة علم اخوك...ماردي بشوفها
سالم:لا ياحبيبي ماراح تشوفها...راح تتغطى عنك
سلمان:يا سلام!ليش تتغطى عني مو كويتية؟!
سالم:أي كويتية بس زوجها سعودي وانت تعرف ان الحريم السعوديات يتغطون عن غير المحارم...وانا انشا الله راح اخلي زوجتي تتغطى
سلمان:يا شيخ رووووح انزين أنت جالس بالكويت
سالم:واذا..وبعدين يمكن بعد الزواج أستقر هناك بالسعودية
سلمان:يا سلام بتكون هناك بالسعودية وتستقر وانت ما عندك فلوس ولاشغل؟
سالم:أولاً أنا عندي فلوس وايد حتى بدون ابوي..ولا مين الي يدفع فواتير جوالي غيري..أنا الي أدفعهم بنفسي مو أبوي...ثانياً الشغل وهو أسهل شي أشتغل في شركة عمي أو حتى لو مااشتغلت لا تنسى اني دارس في كلية الطب وثلاثة أرباع الشركات يقبلون توظيفي فهمت الحين؟
سلمان:أي فهمت بس مثل ما قلتلك ماراح تتغطى
سالم:والله مو شغلك زوجتي وانا حر إذا قلتلها تغطي تتغطى واذا ماقلت تكشف
سلمان:بس سالم ما أعتقد انها راح تتعود
سالم:لا انشا الله راح تتعود
سلمان:انزين أنا اخو زوجها
سالم:مو محرم لها
سلمان:شفيك صرت جذي مطوع وحالة
سالم:أنا ما صرت مطوع...شف فكني..أول شي أملج وبعدين يصير خير
سلمان:ههههههههههه أي والله
.................................................. .
تابع
جا يوم ملكة لطيفة من سالم هذا يوم السعد والفرح بس كانت لطيفة في غرفتها مرة مستحية وودها لو تنشق الأرض وتبلعها من الحيا ومو موجود الا الأقارب أهل سالم وأقاربه ولطيفة وأقاربها وكانت مرتبكة
فاطمة:يلا عاد لطيفة
لطيفة:شنو يلا؟
فاطمة:يلا تجهزي وبلا خوف
حنان:يلا لطيفة خلي المرة تشوف شغلها
لطيفة:اوووووووووووو...لازم يعني
حنان:أكيد لازم يا خبلة خلاص راح يصير ريلج
لطيفة:بنات أنا وايد خايفة...ما اقدر...وايد مستحية منه
آلاء بهمس:الحين يا خبلة كا أنتي كنتي تكلمينه الحين تستحين منه؟!
لطيفة:لااااااا يا ألاء والله انج فاضية شنو الي أكلمه ما أكلمه الحين غير
آلاء:هههههههههههه يا حليلج يا لطوف مستحية
سارة:يلا لطيف ترى راح انزل الحين عند الناس ومابي حيا زايد لاني اعرفج يمكن يغمى عليج من الحيا
لطيفة:عاد شسوي افففففففف
نادين(الي تمكيج لطيفة):يلا يا حلوة وشك حلو عالطبيعة إزا وضعت الميك أب كيف حيطلع أمر(قمر)
لطيفة:أنتي الثانية فاضية
فاطمة:أقول يلا مابقى الا المكياج يلا لطيفة بلا دلع
لطيفة:زين...زين
أم ناصر جات:ها ما خلصت للحين؟
فاطمة:لا خالتي تقول انها مرتبكة وتبي تهدى الآنسة عشان تحط لها المرة المكياج
أم ناصر:يا بردج يا بنتي يلا الناس ينطرونا تحت وانتي للحين ما خلصتي!
لطيفة:صبر يمى بس تحطلي المكياج وألبس وخلصنا
أم ناصر:يالله استعجلي يلا برود...هناك يالسين أهل سالم ينطرونج تحت
لطيفة:انشا الله يمى انشا الله(وخلتها تحط لها المكياج)
لطيفة ونادين تمكيجها:تصدقون بنات أهله مااعرف ولا واحد منهم
فاطمة:ولا واحد منهم ليش؟!!
لطيفة:عمامه في السعودية ولانسيتو...وخواله كويتيين ومااعرفهم ولاعمري شفتهم شلون تبوني أتعرف عليهم
حنان:معلي راح تتعرفين عليهم بعدين
آلاء:بس تعالي أنتو وين بتسكنون هني بالكويت ولا بالسعودية؟
لطيفة:أي والله...تصدقين ذكرتيني بهالموضوع...بس بالاول تخلص الملجة وبعدين يصير خير...أحس اني وايد مرتبكة
فاطمة:عيل يوم العرس شنو بتسوين؟
آلاء:أي والله شنو بتسوين؟
لطيفة:بسوي الهوايل والله مادري شلون بيكون شكلي يوم العرس
.................................................. ........
حمد:مبروك يا سالم
سالم:الله يبارك فيك يا ولد عمي
حمد:أحلى سالم راح يتزوج
سالم:ليه شقالولك مجنون ولا منفس هههههههههههههه
حمد:هههههههههههههه لاااا يا أخ مو قصدي بس شكلك شي اجل كيف راح تطلع يوم العرس
سالم:عادي بعد شلون بس طبعاً أحلى
حمد:أكيد أحلى وبتكون مع زوجتك حبيبتك يا سلاااااام
سالم:أقول خلني عاقل على الأقل لو بس الحين وبعدين قول الي تبيه زين ههههههههه
حمد:ههههههههه زين يا الشيخ
من ناحية ثانية
يوسف:أقول خلود شوف اخوك منفس شفيه
خالد:مادري شكله يبي يتزوج
يوسف:أي مبين من عيونه التي تنظر نظرة ثاقبة
خالد ويوسف:ههههههههههههه
يوسف:لا صج شوف اخوك شفيه
خالد:عزيز...عزيز
عبد العزيز:نعم
خالد:شفيك ياخوي؟!
عبد العزيز:لا لا تخاف مافيني شي
يوسف:في أحد مضايقك؟
عبد العزيز:لا ماعليكم مني مافيني شي
خالد:لا قول لا تخبي علينا..أنا أخوك وهو ولد عمك ما في شي يتخبى
عبد العزيز بهمس:بصراحة...أنا مو مرتاح لسالم الي بيتزوج لطيفة
يوسف:وانا بعد
خالد:ليه؟!!شفيه؟!!
عبد العزيز:مادري احس انه مو صادق ووفي أو مثل جذي..أحس ان لطيفة ما راح ترتاح معاه
خالد:لا ماعليك يا خوي انشا الله يحافظ عليها ويصونها...استانس اليوم ملجة اختك
عبد العزيز:مادري ليش مو مرتاح له
خالد:لا توسوس وخل الشيطان عنك
.............................................
جهزت لطيفة وكانت روعة كان فستانها حلو لونه أحمر وفيه قصات وحركات تخليه من تحت طويل وقصير بنفس الوقت ومن فوق عاري ومكياجها يجنن صحيح انه ناعم بس حلو كانت حلوة بشكل عام
حتى سالم كان يجنن شنبه وسكسوته الخفيفين مضبوطين وعيونه السود الناعسة معطيته سحر وبالغترة والعقال والثوب السعودي الي يجي مفصل على جسمه الرهيب الطويل
وبدى التلولش يوم تقابلو الاثنين
كانت لطيفة ميتة خوف وحيا وارتباك وبتموت من الحيا عيونهم التقت لبعض وبعد التلولش انفردو سالم ولطيفة بغرفة بروحهم
سالم:مبروك لطيفة
لطيفة بحيا:الله يبارك فيك
سالم:........شفيج؟
لطيفة:...لا مافيني شي
سالم:وأخيراً ملكنا وماحد راح يفرقنا
لطيفة:يا رب يا سالم
سالم:سمعي لطيفة من اليوم ورايح مابي حيا زين أنا ملجت عليج وأنتي الحين زوجتي بحكم الشرع زين؟
لطيفة:...زين
...........................................
عند الحريم
.....................................


كانو مشغلين أغنية ( هلي ) وقاعدين البنات يرقصون وبعد ما خلصت الغنية جلسوا:

فاطمة: يااي الله يهنيهم والله هالبنت تجنن
الآء: أي والله تستاهل هالبنت والله أني أموت فيها
فاطمة: الآء بقولج شي؟؟؟؟؟
الآء : شنو؟؟؟؟؟؟؟؟؟؟
فاطمة: ياختي هالبنت محظوظة واااايد ريلها ( رجلها ) يجنن قمر ما شاء الله عليه الصراحة ماشفت أحلى منه
الآء: ( وهي دايخه عليه ) أي والله..... صج...... قمر..... يموت ......ياحظ لطيفه .......يموووووت .....خلاص أنا بموت ....... وااااااي حلو
فاطمة: أقووول عن المياعه الزايدة .....هذا ترى مو ريلج ( رجلج ) عشان تموتين
فيه
الآء: مالت عليج أنتي الي باديه بالسالفه ........بس ماغطلتي يوم قلتي أنه قمر ههههههههههه
فاطمة:هههههههههه
......................................
وبعد مرور شهر من الملكة
في غرفة لطيفة كانت ذايبة في سالم تطالع صورته كان في الصورة شي رهيب وبقلبها تقول"أموت فيك يا سالم"ألا وبعد ثواني ودق جوالها ألا يطلع سالم وتلم جوالها بقلبها وترد عليه وبكل حب:الو
سالم:يا هلا والله بأغلى وأروع وأحلى بنت في الدنيا
لطيفة:ياااااااااااي على هالصوت
سالم:ههههههههههه لا تجامليني صوتي يخرع
لطيفة:وجع بالعكس صوتك يجنن وانت تجنن
سالم:وانتي بعد........أحبج
لطيفة:وانا بعد....................أحبك
سالم:اااااااااااااه بموت خلاص
لطيفة:ههههههههههه
سالم:المهم لطوفة
لطيفة وهي ذايبة من سالم:يا عيون لطوفة
سالم:فديت هالعيون أنا
لطيفة:آمر
سالم:أبوي يبيكم تييون أنتو واقاربكم واحنا بعد واقاربنا لمزرعتنا
لطيفة: متى؟؟؟؟؟؟؟؟
سالم: يمكن بعد باجر
لطيفة: امممممممم خلاص راح أقول لأبوي بس موجنه مبكر
سالم: أي مبكر بس أبوي قالي جذي
لطيفة: اهاااااااا أنزين بشوف
سالم: مافي تشوفين يلا ألحين قولي لأبوج
لطيفة : ok يلا باي
سالم : شنو باي؟؟؟؟؟؟؟؟؟؟؟ وين الكلام الحلو؟؟؟؟؟
لطيفية: امممممممم يلا أحبك وأموووت فيك
سالم: ياي أموت فيج عمري عطيني بوسه
لطيفة: ســــــــــــالم خلاص عاد شل القلة الحيا
سالم: عادي أنا ريلج( رجلج )
لطيفة: شف بعد العرس يصير خير يلا عاد سلومي بلا هذره زايده
سالم: أفااااااااا من ألحين زهقتي مني؟؟؟؟؟؟ خلاص أنا زعلت.....( سكت شوي )
لطيفة : حبيبي سلومي لا تزعل أنا أمزح معاك ( باقي أشوي ألا تصيح )
ســالم : قلبي جنج تبجين؟؟؟؟؟؟؟؟
لطيفة: لأنك زعلت مني وأنا مااقدر على زعلك ياحبي
سالم: ههههههههه خلاص يا قلبي أنا مو زعلان
........................................
وراحت لطيفة تحت عند أبوها
لطيفة:قوه يبى
عبد الرحمن(بو ناصر):الله يقويج
لطيفة:قبل شوي اتصل علي سالم(وهي منحرجة من ابوها)وقالي.....أنهم بعد باجر عازمينا في مزرعتهم
بو ناصر:خلاص يصير خير
.................................................
الجزء الثامن عشر
(الفصل الثاني)
أبرار:والله يا مريم ودي أذبحه
مريم:ههههههه لهالدرجة
أبرار:أنتي شفيج تضحكين والله ما أعتقد انه شي يضحك
مريم:آسفة برور بس تذبحينه
أبرار:أنتي ماتدرين شلون قالها وبكل وقاحة...أنا خطبت وراح اتزوج غيرج
مريم:يا حلوة أنتي الولد ما يبيج فهميها!
أبرار:مايبيني!!!ليش ما يبيني أنا شنو ناقصني يمكن أكون أحلى منها
مريم:خلاص أبرار الي صار صار هذا بدل ما تقولين الله يوفقه دامج تحبينه
أبرار:أي أحبه بس أبيه لي أنا مو لأي أحد ثاني لا شرايج أنتي لو يصير لج مثل الي صار لي شراح يكون موقفج؟
مريم:أنا إذا الواحد ما يبيني ما أبيه "مايبانا مانباه"
أبرار:أنتي الصراحة ما تعرفين شي أبد
.................................................. ..............
من بعد دقايق ما قالت لطيفة لابوها عن طلعة المزرعة راحت فوق لغرفتها ألا تدق على سالم
سالم:يــــــــــــاهلاااا� �ااااا بالقمر
لطيفة:هلا بهالصوت
سالم:ها يا قلبي قلتي لابوج؟
لطيفة:أي قلتله ووافق
سالم:ااااااااااه أبي أشوفج
لطيفة:أنا أصلاً ما أبي أشوفك عشان تشتاقلي أكثر و أكثر
سالم:حرام عليج ليش تعذبيني جذي!!؟
لطيفة:لهاذي الدرجة ما تقدر تصبر يوم واحد بس؟؟؟؟؟؟!
سالم: تبين الصراحه؟؟؟
لطيفة: أكيد
سالم: أنا ماأقدر ألحين أصبر دقايق شلون تبيني أصبر يووووووووووووم
لطيفة: لهاذي الدرجة أنت تحبني ؟
سالم: أحبج وبعد أمووت فيج والله لا يحرمني منج
لطيفة: وحتى أنا الله لا يحرمني منك
.................................................. .............................
في السعودية

أم حسن: أقول رهف يابنتي قومي نروح للجيران أعرفك عليهم
رهف: أيش للجيران أروح للعجوز أنا ماأروح للعجايز
أم حسن: في هناك بنات صغار في عمرك
رهف: ولو ماأبي أروح ولا أبي أتعرف عليهم خلاص وبعدين هالبنات مو في مستواي
أم حسن: ليه يابنتي قومي نروح لهم وش حلاتهم والله طيبين
رهف: وأنا ماأبي أروح... غصب هو ولا وشو تبين تغصبيني على شي أنا ماأبيه
أم حسن: أنزين خلاص مو لازم تروحين أكلتيني
رهف: لا والله أنا ألي أكلتك ولا أنتي ألي تبيني أروح بيت جيرانك بالغصب
أم حسن: أنا ماأبيك تروحين بالغصب بس أبيك تتعرفين على الناس يارهف
رهف: وأنا ماأبي ولا غصب هو على العموم مشكورة ياخالتي ( وسكرت الباب في وجهها )
ام حسن : حشى هاذي مو بنت ياحسافه أني ولدي خذها
..................................................
أتصل بو سالم على أهله في السعودية وقال لهم أنه عازمهم على مزرعته ألي في الكويت
.................................................. ........
يــــــوم المـــزرعة
عند الحريم كانوا مجتمعين الكل أم ناصر والبنات ( لطيفة وسارة ) وأم يوسف وبناتها( فاطمة وأماني ) وأم حنان وحنان وآلاء وجوهرة (أم جراح ) وبدرية وأمل ونور ورهف ومها وعيالها وكان زحمـــــــــــة
أمل : لطيفة أنتي تدرسين؟؟؟؟؟؟؟؟؟
لطيفة: أي أنا أدرس سنة ثالثة
أمل : أي كلية؟؟؟؟
لطيفة: كلية الآداب... وأنت بعد ياأمل شنو تدرسين ؟؟؟؟؟؟؟
أمل : أدرس في الجامعة قسم اللغة الانجليزية
لطيفة: أمممممممم وأنا بعد بنت عمي داخلة قسم أنجليزي وألحين أهيا تدرس
نور : هاااااي بنات
لطيفة وأمل : هااااي نور ( مع بعض )
نور: شخبارك لطيفة؟؟؟
لطيفة: الحمد لله وأنت شخبارج؟؟؟؟؟؟؟؟
نور: الحمد لله ... مبروك يالطيفة بس الله يخليك حافظي على ولد عمي
لطيفة:ههههههههه طلبج أحطه في عيوني
نور:كيفك مع سالم؟
لطيفة:زينة...بس من اسبوع ما شفته تصدقين عاد!!
نور:ههههههه شصاير؟!
لطيفة:لا يقول انه مشغول شوي
نور:أي صح سالم ما شتغل؟
لطيفة:لا....يقول ماودي اشتغل الحين...وبعدين تدرين هو ممكن يحصل شغل بأي مكان تقريباً
نور:أيه بس يشتغل بشركة ابوه أحسن
لطيفة:أي ولد عمك يقدر يحصل شغل بأي وقت
رهف بغرور:أقول لطيفة...كيف تعرفتي على سالم؟..عن طريق الجامعة والا بالرقم؟
لطيفة:.........لا.....أنا أصلاً ما كنت معاه بالجامعة.....أنا أخوي يعرفه
نور:خلاص رهف...حنا نعرف سالم ولد عمي شكثر هو يتغزل في البنات ويحب يرقم..بس الحين عقل وراح يتزوج هالقمر
لطيفة:...مشكورة نور
رهف:طيب عمي جا مع سالم علشان يخطبونك؟
لطيفة:أي جا معاه...علشان يخطبني
رهف:اممممممممم..والله يمكن يكون عمي يعقوب تغير ولاهو ما يحب هالحركات
نور تهمس لرهف:رهف خلاص عاد عيب..البنت انحرجت...تعايرينها على فقرها؟!
رهف:مالت عليك الحين مو أنتي تبين سالم...خليني أحرق أعصابها
نور:أي بس إيش ذنبها البنت..وبعدين سالم خلاص شلته من راسي وماعاد ابيه
رهف:كيفك...بس لازم تعرف ان عايلتنا أصحاب الملايين ما يناسبون هالاشكال عيال الفقر
نور:انزين ممكن ما تتكلمين عن هالمواضيع الحساسة على الأقل لو قدام البنت
رهف:طيب
........................................
عند الرجال
خالد:أنا يا سالم صراحة...أحس انك وايد مجتهد بالدراسة!!
سالم:الله ليه؟!
خالد:أكيد راح تكون مجتهد...تدرس بكلية الطب لا وقسم المختبرات أصعب قسم!!!
سالم:هههههههه والله مو لذيك الدرجة
خالد:شلون؟؟؟
سالم:أنا صحيح اني داخل في كلية الطب بس ما أذاكر وايد حتى ربعي...بعض الأحيان تشوفني ما أترك الكتاب..وبعض الأحيان تشوفني ولا افتحه
خالد:عيل أنت أنسان متناقض أو مزاجي....هذا تحليلي الدقيق للشخصية
سالم:ماشااااا الله...وانت شنو شخصيتك يا أبو العريف؟
خالد:أنا أنسان شاعري رسام حساس...رقيق المشاعر...فهمت شلون؟
سالم:ههههههههه...أقول بلا فلسفة ترى فلسفتي عن الطب أحسن
حمد:أسمحولي أتدخل...ألا فلسفة سويلم اااااااه ياهي عذاب يا خالد...
خالد:هههه أف شلون عذاب؟!
حمد:بيقولك أشياء ما تفهمها عن الهيدرا وعن الـDNA مادري أيش والخلايا وخذ خربطة الطب
سالم:إذا أنت ما تفهم كيفك يا خوي
حمد:روووووح...أنا أساساً أحس ان دخولك كلية الطب غلط
سالم:أفا...لا تكفى أنت..ليش عاد؟؟!!
خالد:صج ليش عاد الأخ يبي يصير دكتور يوماً ما؟!
حمد:هههههههه يصير دكتور ههههههههه أنت لو سمعته ذيك اليوم أيش بيصير كان فقعت ضحك
خالد:شبيصيرالأخ سالم؟
سالم:حميد جب لا تقوله
حمد:لا يا حبيبي راح اقوله دامك واثق بنفسك
سالم:هاااااااااااااي أخاف يضحك علي
حمد:لا ماراح يضحك بالعكس راح يفتخر بالنسيب
خالد: عاد شنو قولو لنا؟!
حمد:الأخ سالم يبي يصير عالم لا ومو أي عالم...عالم في الاستنساخ
خالد:هههههههههههههههه
سالم:هين أنا أوريك يا وحيمد
حمد:ههههههه...أنا ما قلت شي غلط هذي الحقيقة
خالد:عيل انسخنا يا سالم نبي نصير متكاثرين نبي نكون كثير
سالم:ضحكو وراح تشوفون بعدين
خالد:ياخي رووق ما عليه نمزح معاك
حمد:لاااااااا هذا سويلم ما يعرف المزح بو شرين
سالم:أفااااااااااا...أنا جذي يا حمد هذا وانا ولد عمك
حمد:ولد عمي ولا ولد خالي....هذي الحقيقة يا حلو
سالم يطلع لسانه لحمد
وحمد بعد طلع لسانه:لا تتبيزر زين؟
سالم:أقول أنا أروح عنكم أحسن لي
حمد:وين؟
سالم:مادري
حمد:والله عليك حركات يا سويلم
ويدق جوال على لطيفة الي كانت من الناحية الثانية بالمزرعة عند البنات
لطيفة:عن اذنكم
سارة:منو الي داق؟
لطيفة:مالج شغل(وردت)ألو
سالم:هلا بالقمر
لطيفة:هلا سالم
سالم:شالاخبار؟
لطيفة:الحمد لله تمام
سالم:أنا مشتاقلج واااااااايد
لطيفة:والمعنى؟
سالم:ههههههههه على طول فهمتيني....يعني أشوفج
لطيفة: OK وين؟
سالم:اممممممممم..برة..مكان ما يكون فيه أحد
لطيفة:انزين أطلع الحين وانتظرني لين اييك
سالم: OK حياتي باي
وطلع سالم وانتظر لطيفة لين تجيه وطلعت لطيفة وكانت روعة كانت لابسة بلوزة كت بنفسجية وتنورة قصيرة لين الركبة تقريباً أو تحتها بشوي وكانت التنورة مثل الفستان منفوشة شوي وتجنن وسالم انهبل على هالشكل
سالم يغني:أحلى من القمر هي...واحلى يمكن شويه...واحلى من العسل كلمة...قالتها بحنية...أحبك لما قالتها..يا بختي قلت ساعتها
لطيفة:ههههههههههه يا حلوك ويا حلو صوتك وأنت تغني
سالم:أدري مو لازم تمدحيني
لطيفة:وي مغرور
سالم:هههههههه..شلونج لطيفة؟
لطيفة:تمام شلونك انت؟
سالم:تمام التمام...ما ودج نتمشى شوي
لطيفة:يلا
وراحو يتمشون وهم يتمشون
سالم:لطيفة
لطيفة:نعم سالم
سالم:شوفي لطيفة..انشا الله بعد زواجنا...ماراح نيلس(نجلس) هني...راح ننقل للسعودية
لطيفة:شلون؟!!!
سالم:راح ننقل للسعودية ولانسيتي ان أنا سعودي حتى ما أخذت الجنسية
لطيفة:أي..بس ليش؟!!
سالم:لأنها بلدي وأنا بكمل حياتي هناك
لطيفة:وأنا
سالم:أنتي شنو؟!!!
لطيفة:وهلي ورفيجاتي وناسي؟!
سالم:انشا الله راح احاول مابين فترة وفترة نيي هني
لطيفة:بس سالم حتى أنت...أنت متعود على الحياة هني بالكويت وأنا بعد
سالم:أدري يا حبيبتي...بس راح أحاول أتأقلم مع الحياة هناك
لطيفة:ودراستي؟!
سالم:معلي أسجلج بالكليات والجامعات الي هناك
لطيفة:بس سالم حنا ما اتفقنا على جذي
سالم:وهذا حنا اتفقنا
لطبفة:مادري يا سالم...قرارك الي اتخذته صعب
سالم:لاهو صعب ولاشي أنتي راح تتعودين بالوضع مع الوقت
لطيفة:يعني أنت راح تشتغل هناك؟
سالم:أكيد
لطيفة:والسكن؟
سالم:انشا الله بعد زواجنا نسكن ببيتنا الكبير الي هني وترى مافيه أحد ألا أخوي وابوي وبعدين راح نسكن بفلة هناك بالسعودية وعلى بال ما تخلص نسكن بشقة مؤقتاً
لطيفة:يعني راح نسكن هناك بفلة؟
سالم:أي
لطيفة:...خلاص الي تشوفه
سالم:أنتي زعلانة؟
لطيفة:لاماني زعلانة هذا قرارك وانت كيفك
سالم:أثبتيلي
لطيفة:........بعدين
سالم:انزين عطيني بوسة
لطيفة:ســــــــالم عييييييييب
سالم:ههههههه...خلاص الحين ما عليه بس بعد الزواج...تعطيني بوسة يعني تعطيني بوسة زين؟
لطيفة:هههههههه زين يا سيد
............................................
أبرار وريم كانو جالسات مع بعض
أبرار:ريم تكفين حاولي
ريم:مادري يا أبرر هذي مجازفة
أبرار:أي مجازفة أنتي الثانية...بس تاخذين جوال مرت ابوج وتاخذين الرقم وخلاص
ريم:متى ماتركت الجوال أحاول أدور الرقم
أبرار:بس أكيد رقم البنت عند مرت ابوج
ريم:أي يمكن مرت ولدها...بس ماراح اضمن لج
أبرار:ريم تكفين حاولي أنتي أملي الوحيد
ريم:راح احاول أبرار لا تخافين بس تعالي شعرفني فيها
أبرار:بكل سهولة سألي مرت ابوج وكأنج فاتحة موضوع
ريم:أي صح كلامج
أبرار:خلاص عيل تييبين الرقم اليوم؟
ريم:مادري باجر ولا اليوم بس انشا الله راح أقدر اجيبه
أبرار:أي عفية عليج ريم رفيجيتي
ريم:لا تخافين اعتمدي علي
أبرار:بس المهم أكلمها
ريم:كلميها وانشا الله تفلحين
أبرار:يا رب...بس اخلي سالم يبتعد عنها
ريم:ويندم انه تركج
أبرار:أي هين راح أحرق اعصابها واعصابه وابين لها حقيقة خطيبها...وبعدها تشوفين شنو بيصير...راح يتركها ويرد لي ويرد كل شي مثل اول
.................................................
مع الأحداث الكثيرة لهذا الجزء
شراح يصير بعدين للطيفة وسالم؟
وحنان وخالد شراح يصير لهم؟
ورهف وحسن وتكبرها متى راح تتركه؟
وأبرار كيف راح تخرب على سالم ولطيفة حبهم الي راح يجمعهم للأبد؟
وانتظروني في الجزء التاسع عشر مع أحداث جديدة