[لامارا]

الجزء التاسع عشر
سالم:عيل وين تبينا نسافر شهر العسل؟
لطيفة:مادري..كيفك
سالم:لا شلون كيفي أنتي لازم تقررين وين نروح!
لطيفة:لا صج سالم أنت كيفك..وبعدين هذا شهر عسلنا حنا الاثنين
سالم:هذا أنتي قلتيها شهر عسلنا حنا الاثنين يعني ثنينا نتفق على بلد معين
لطيفة:اممممممممم شرايك بماليزيا أخوي خالد راح لها بشهر العسل ويقول حلوة تينن(تجنن)طبيعتها روعة
سالم:أي بس عاد مو على طول نشوف شنو الأنسب لشهر العسل
لطيفة:أكيد
سالم:مرة رحتي إيطاليا ؟
لطيفة:لا ماشفتهم مادري ما رحت البلاد الأوروبية وأنت؟
سالم:أي أنا رحت فرنسا وإيطاليا وألمانيا وهم دول شرق آسيا تايلاند وماليزيا بعد
لطيفة:أنت تسافر وايد!
سالم:أكيد...بس أول يوم كنت صغير كان أمتع بس من بعد ما تركتنا أمي وطلقها أبوي حتى لو نسافر ما احس بالسعادة...أصلاً...أنا مو سعيد وايد
لطيفة:سالم مابي حزن لا تكدر نفسك انشا الله راح تكون سعيد
سالم:يا رب أكون سعيد معاج
لطيفة:يا رب نكون سعيدين مع بعض
وقعدو فترة ساكتين
سالم:متى تبين يكون عرسنا؟
لطيفة:امممممم في العطلة الكبيرة
سالم:اللـــــه في العطلة الكبيرة؟!!لا لا لطيفة أنا ما أقدر على جذي
لطيفة:ههههههههه شفيك سالم العطلة الكبيرة أحسن موسم للعروس
سالم:أي بس باقي للعطلة وايد حنا تونا في بداية السنة لا يا قلبي نعجل احسن
لطيفة:خلاص الي تشوفه
سالم:المهم ما نطول
لطيفة:شفيك مستعجل؟!
سالم:بس جذي أبيج
لطيفة:هم انا ابيك بس العجلة مو زينة
سالم:أفااااا أنا نبي نجتمع بأسرع وقت ممكن وانتي تقولين العجلة مو زينة؟!
لطيفة:يا رب نجتمع ونكون سعيدين مع بعض
سالم:يلا متى يجي هذا اليوم بسرعة؟!!
لطيفة:لا تخاف الأيام تطير بسرعة
سالم:ياليت باجر عرسنا
لطيفة:الأيام تمر بغمضة عين وما تحس فيها
.................................................. .
من ناحية ثانية بالاستراحة
آلاء:وين لطيفة؟
فاطمة:أكيد مع حبيب القلب
آلاء:تعالي نروح نشوفهم
فاطمة:يلا
آلاء:بس بدون ما يحسون فينا
فاطمة:أي
وراحو فاطمة وآلاء برا المزرعة وشافو لطيفة وسالم يتكلمون في جو شاعري ورومانسي
فاطمة:يا سلاااااام...يا حليلهم شوفيهم عايشين في جو رومانسي
آلاء:يااااي شوفي فارس الأحلام بس يا حظها
فاطمة:شوفي شلون ذايبين ببعض
آلاء:يا حظهم بس
فاطمة:أخاف نطقهم عين
آلاء:حتى لو تطقينهم عين حبهم يحميهم
فاطمة:أي والله
من ناحية ثانية
لطيفة:شركة عمك؟
سالم:أي
لطيفة:وابوك
سالم:شفيه ابوي؟
لطيفة:وشركته الي هني؟
سالم:هني بالكويت مو بالسعودية
لطيفة:يعني ما راح تشتغل في شركة ابوك وتشتغل بشركة عمك الي بالسعودية؟
سالم:أي شفيها؟!!
لطيفة:صج كل واحد يعود لأصله
سالم:ههههههه شفتي شكثر أنا حنون على الوطن؟
لطيفة:وهني؟
سالم:هني..هني حياتي الي عشتها...عشت عمري كله بهالبلد وهني...التقيت بأحلى بنت بحياتي
لطيفة:لو ما كنتو ساكنين هني بالكويت كان ما التقينا ببعض كان ما اعرفك
سالم يصرخ:ااااااااااه أنا سعيييييييييد
فاطمة تضحك بصوت عالي:هههههههههههههههه شفيه هذا مينون؟!!!
آلاء:"وهي تدزها"اشششششششششششششش شفيج انتي فضحتينا يا المينونة!!!
لطيفة التفتت لهم من سمعت الضحكة نفس الشي سالم
لطيفة:س....سالم...عن اذنك...اشوفك بعدين
سالم: يلا غلاي باي
لطيفة:باي
وراحت لطيفة داخل الغرفة الي يجلسون فيها راحت للثنتين وهي عارفتهم وشايفتهم وشافتهم قاعدين ولا كأنهم سوو شي
لطيفة:هاااااااااي أنتو شعندكم تجسسون علينا
آلاء:والله مو أنا هي
فاطمة تشهق:هييييييييي...أيا السخيفة أنا؟؟!! حتى أنتي قلتي تعالي نروح نشوفهم
آلاء:....لطيفة..صح كنا نشوفكم بس ما خرب جوكم ألا هي
فاطمة:أنا شنو سويت؟!!
آلاء:أنتي ضحكتي بصوت عالي وخليتي لطيفة وسالم يسمعونج
لطيفة:خلاااااااااص مابي أعذاركم السخيفة....بس مرة ثانية إذا تبون تشوفونا هذا طبعاً إذا ماكان بيني وبينه أسرار...إذا تبون تشوفونا مابي ازعاج منكم أوضحك..لا تفشولني جدام الريال
آلاء:أي ريال؟!!!
لطيفة:سالم بعد منو؟!!
آلاء:قولي ريلي حبيبي..
لطيفة:قلبي بعد شرايج؟!!!
آلاء:ههههههههه الي تبين يا الرومانسية
لطيفة:تصدقون جاتني الرومانسية فجأة جذي من عرفت سالم؟!!
فاطمة:ندري ما نجهل عنج
لطيفة:ههههههه ويعة حافظيني
آلاء:أي حافظينج مو بنت عمنا!
لطيفة:اااااااه منكم
.............................................
خالد:هههههههههه صج ملقوفات
حنان:ما شفت شي بيسوون أزيد
خالد:عاد آلاء وفاطمة كملو!!
حنان:ههههههه مسكينة لطيفة انحرجت منهم جدام ريلها
خالد:أووووووو عاد اختي واعرفها زين تموت حيا من هالمواقف
حنان:وذولي فاضيين ما عندهم شي قالو ليش ما نجننها
خالد:عاد ما لقو ألا المسكينة لطيفة
حنان:الله عطاها بنات عم وأخت يرفعون الضغط
خالد:أقول حنان شرايج نقوم نتمشى وبعدين نرد؟
حنان:أي صج يلا
...............................................
مها:الحين شالسالفة لطيفة؟
لطيفة:ولا شي!!
مها:نور شالسالفة؟؟؟!
نور:مادري والله!!
أماني:راح اقولهم يا لطيفة...كل السالفة ان فاطمة وآلاء راحو يتجسسون على لطيفة وسالم الي كانو بره بس
لطيفة:يمى شلون عرفتي!!
أماني:عرفت وبس
نور:ههههههه الحمد لله والشكر
مها:والله حالة
رهف:شعندهم هاذولي يتجسسون على الناس
لطيفة قامت من سمعت رهف تتكلم وأماني بعد
مها:رهف البنت زعلت هي وبنت عمها
رهف:خليها تزعل شعلي منها أنا ما قلت شي غلط
نور:شعليك منها ها!
رهف:صج انهم عيال فقر ما عندهم حيا
أمل:حرام عليك يا رهف
رهف:وش حرام أنتي الثانية بلاك ما تدرين وش وراهم هاذولا
شيخه وجوهرة وفوزية ونوال وبدرية مع بعض
أم جراح(جوهرة):والله ما عندي ألا ولد جراح بس
أم ناصر(شيخه):أي الحمد لله يا ام جراح خير ونعمة
أم جراح:أي والله الحمد لله خير ونعمة شي أحسن من لا شي
فوزية(أم يوسف):على الأقل واحد أحسن من يكون عندج وايد وبعيدين عنج
أم جراح:أي والله هذا أم سالم مسكينة من طلقها يعقوب وهي بعيدة عن عيالها وقليل تشوفهم
نوال:لا هم زين ما عندها ألا أولاد أحسن من أن يكون عندها بنات تخاف الأولاد يعتمدون على نفسهم
أم ناصر:مثل ما قلتي يا نوال الأولاد يقدرون يعتمدون على نفسهم
بدرية:بس مهما كان يبقى الابن يحتاج لرعاية من أمه وأبوه
أم ناصر:أي أكيد هالشي ما ننكره الولد يحتاج لامه وابوه
أم جراح:والله يكسرون خاطري عيال اخوي بروحهم وامهم بعيدة عنهم وواحد في سن خطر والثاني بيضيع منه بس الحمد لله انه راح يتزوج...بس الله يهدا أخوي يعقوب
أم ناصر:والله الدنيا ما لها أمان
.................................................. ........
عند الرجال
الشياب قاعدين مع بعض بو سالم وبو ناصر وبو جراح وبو راشد
أما الشباب من ناحية ثانية كان موجود راشد وحمد وسالم وسلمان وحسن أما خالد طالع مع حنان وعبد العزيز وناصر ويوسف بعد طالعين
سلمان:اووووووه أنا وايد طفشان يلا شباب قومو نسوي شي نتمشى ولا أي شي ثاني
راشد:يا كره المراهقة خلك بمكانك وسالف معنا
سالم:خله ذا ما عليك منه
سلمان:ليه ما عليه مني...شايفني غثة ولعين
سالم بعصبية:جب
حمد:ههههه خلاص انت...شرايك يا سلمان نقوم نلعب كورة
سلمان:أيه أخيراً في شي يونس يالله قومو
حمد:يالله شباب قومو
جراح:وين؟!
حمد:نلعب كورة
سالم:عاد قسَم مو جذي
راشد:أنا الأكبر وأنا الأفهم حنا كم؟
حسن:ولا يدري كم عددنا حنا....6
سالم:حارسين والباقي هجوم
حمد: ماشا الله عليك على كيفك
سلمان: أوووووووه معقدين مسألة كوره حارسين والباقي هجوم
سالم:وخلصنا
راشد: أجل مين الحكم؟
حمد:أقول يلا قومو بس ما في حكم
وقاموا الشباب يلعبون كوره
راشد: شوفو أنا راح آخذ حسن وسلمان
سالم:أنا طبعاً أحباب قلبي جراح وحمد
حمد: ههههههههه ياسلام وأنت معنا ياللعيب يلا نرقعهم10
سالم: يلا
وراحوا يلعبون كوره راشد وحسن وسلمان فريق وكان سلمان الحارس وسالم وجراح وحمد فريق وكان حمد الحارس
وقامو يلعبون أول شي حسن قام يهجم على جراح وسالم بس سالم كان يلعب بمهارة ويروح وبعدين حسن وراشد ألي كان لعبهم رايح فيها وناولها سالم لجراح ألي قام يلعب وبالأخير ناولها لسالم ألي سجل أول قووووووول
سالم: ووووووو قووووول
جراح: هااااااااااااااي
حمد :1-0 وووووووووو
راشد: اااو مالت تونا
سالم: والله ماراح تقدرون تهزمونا ماأعتقد
راشد: ليه؟؟؟؟!!
حسن: أي والله ليه؟؟؟؟؟؟؟؟
سالم: لأن أنت وياه أكبر منا حنا أصغر منكم وأخف
حسن: ههههههههه مو شرط
حمد:لا شرط ونص الأكبر أثقل والأصغر أسرع أخف
سالم: والحارس تحفه
سلمان: روح بس روح
جراح: إبداع ياسويلم مثل ماكنت من قبل
( وبعدين كملوا لعبهم )
...........................................
نروح لحنان وخالد الي كانو رايحين لمول السالمية كانو يتمشون شوي وبعدين راحو في السيارة
حنان:...خالد
خالد:نعم
حنان:راح اقولك شي يفرحك
خالد:يفرحني..! شنو؟!
حنان:لازم تستعد للخبر ما اشوفك فرحان
خالد:مو اعرف بالاول يا حبيبتي
حنان:ابيك فرحان ابتسم
خالد ابتسم:وهذا أنا فرحان
حنان:خالد...أنا حامل
خالد:.........حامل!!اللــــــــ ه يا كبر الفرحة الي بقلبييييييييييي يا قلبي أنتي يا حنان أحس ان الدنيا ما توسعني
حنان:ههههههههههه وانا بعد
خالد: بس من متى وانتي حامل؟!
حنان:من شهرين
خالد:من شهرين مخبية علي!!بس يا سلام بيكون عندي ولد وبكون أبو
حنان:هههههههه يمكن بنت
خالد:بنت ولد الي يي من الله حياه الله
حنان:المهم انه يكون منا حنا الاثنين
.................................................. ...
في الاستراحة كانت لطيفة تسالف مع سمر مرت اخوها
لطيفة:شفتي الشباب شلون يلعبون؟
سمر:هههههههه أي شفتهم..مشا الله خطيبج سجل أول قول
لطيفة:سالم ماهر مشا الله عليه
سمر:بس ناصر أمهر منه
لطيفة:هههههه بس ناصر مو هني أصلاً
سمر:أدري هو طالع بس بعض الأحيان أشوف لعبه
لطيفة:ههههههههه قولي أبي أمدح فيه
سمر:لا لا أنا ما أمدح
ورن جوال لطيفة وتشوفه رقم غريب
وترد باستغراب:ألو!
صوت بنت..:ألو لطيفة؟
لطيفة:أي نعم أنا لطيفة..منو؟
..:لا ولاشي(وسكرت الخط)
لطيفة:غريبة!!!!!
سمر:شنو؟!
لطيفة:الرقم كان غريب ولمن رديت سألتني بنت أنتي لطيفة قلت أي وسكرت الخط!!
سمر:منو هذي؟!
لطيفة:مادري بس شلون عرفت اسمي؟!!
سمر:يمكن بنت تعرفج وتستهبل عليج
لطيفة:بس اقولج رقمها غريب!!
سمر:ما عليج لاتشيلين هم
لطيفة:بس مادري شعرفها باسمي!
سمر:شعرفها باسمج يعني تعرفج
لطيفة:ما أعتقد صوتها غريب!
.................................................. .
أبرار:تسلمين يا أغلى رفيجة عندي بالدنيا
ريم:شفتي رفيجتج شلون؟
أبرار:مشكورة يا ريم أنا مديونة لج
ريم:لا شدعوة هذي مساعدة بسيطة بس
أبرار بس أنتي ما تدرين من ورا هاالمساعدة البسيطة هذي شنو بيصير
ريم:والله مادري شوراج يا أبرار مادري على شنو ناوية!!
أبرار:لا تخافين كل خير
........................................
حنان وخالد وهم راجعين للاستراحة
خالد راح لامه وخواته
خالد:هلااااااااا
وراحو له أم ناصر ولطيفة وسارة
أم ناصر:هلا بولدي ها شسويت؟
خالد:الله يا يمى ياني مستانس.....عندي لكم مفاجأة
لطيفة:وشنهي المفاجأة؟!!
خالد:ما راح اقولكم حنان هي الي راح تقول لكم
سارة:حنان حنان بس المهم نعرف
خالد:راح تعرفين يا الملقوفة
سارة:أنا ملقوفة الله يسامحك
لطيفة وسارة وأم ناصر راحو لحنان
لطيفة:ها حنان شسويتي مع خالد؟
حنان:رحنا نتمشى وبس
سارة:تتمشون وبس ها...ما قلتو شي؟
حنان:ليش
لطيفة:لأنج مخبية علينا مفاجأة
حنان:أنا مخبية عليكم مفاجأة؟!!مين قال؟!
أم ناصر:خالد ولدي
لطيفة:ههههه سمعتي؟خالـــــــد
حنان:ااااه من خالد هذا
سارة:يلا عاد قولي
حنان:بعدين
لطيفة:يلا عاد حنون
حنان:بقولج بس لا تفضحيني جدام الكل في يوم
لطيفة:ليش شايفتني سوير يلا بس قولي وماراح افضحج
حنان:...أنا حامل
أم ناصر:مبروك يا بنتي مبروووووووك
لطيفة:والله؟!!ألف مبروك حبيبتي
حنان:الله يبارك فيكم
سارة:يا سلام راح اصير عمه
لطيفة:مو أنتي عمه يالمينونة ودحوم وين راح؟!!
سارة:عمه لثاني
حنان:ولاخوج الثاني
سارة:بيصير خلود ابو
لطيفة:تعالي من متى؟
حنان:من شهرين
لطيفة:اللـــــــه من شهرين وتوج تعلمين اخوي المسكين
حنان:مفاجأة شفيج انتي
لطيفة:الله على المفاجآت ما أقدر أنا
حنان:إذا عرستي وحملتي بتعرفين شنو معناة الي أسويه
لطيفة:إذا عرست وحملت وييييييين باقي كثيييير
حنان:كثير ها لا ما باقي شي كل شي يطير بسرعة
ودق جوال لطيفة مرة ثانية
لطيفة:هذا رقم ثاني غريب
حنان:شنو؟!
لطيفة:قبل شوي اتصلت علي وحدة غريبة وهذا رقم ثاني غريب
حنان:ردي وشوفي
لطيفة:ألو
صوت بنت بس غير عن الأولية
..:ألو لطيفة؟
لطيفة:أي لطيفة..منو أنتي؟!
...:أنا وحدة راح تعرفينها بعدين
لطيفة:منو أنتي؟!
...:صبري حبيبتي راح تعرفيني بس أنا أبي أقولج..ابتعدي عن سالم احسن لج..لأنه ما يحبج
لطيفة:أنتي تتخيلين
...:لا ما أتخيل...سالم ما يحبج ويحبني أنا..هو يحب غيرج...ألف بنت غيرج
لطيفة:أنا بس لو اعرفج
..:قلتلج راح تعرفيني باي(وسكرت الخط)
لطيفة بقهر:مين هالحقيرة؟!!
وعند الشباب الي يلعبون كورة كثرو خالد صار مع سالم وجراح وحمد أما يوسف مع راشد وحسن وسلمان وناصر وعبد العزيز جالسين وكان خالد يلعب بمهارة ويسجل قول
خالد:قوووووووووول 5-2
سالم:اووووووووو (ويصفقون يدينهم ببعض خالد وسالم)والله انك لعيب
خالد:أرتبك أنا
سالم:وذولي مصدقين يتحدونا
خالد:ما عليك منهم بس
لطيفة تطالع الشباب وهم يلعبون ومركزة على سالم وبقلبها:معقولة يا سالم ما تحبني معقولة...تحب هذي الواطية والا تلعب علي...تحب ألف بنت غيري...لا يا سالم..أنت لي..لي أنا وبس
سارة:يا سلاااااااام يالله سلوووم يالله خلووود
سالم:ههههههه والله أختك مينونة
خالد:متعودين عليها لاتخاف
يوسف يوم سمعهم يكلم سالم
يوسف بجدية:لو سمحت لا تغلط على بنت عمي
ورجع يكمل لعبه وسالم مستغرب..شنو يبي هذا؟؟!!..والله حالة!!
............................
بعد ما خلصو الشباب لعب
عند البنات
جا مسج للطيفة من سالم:
وحشني إحساسك
وحشني حبك المجنون
وحشني قلبك الدافي
يا أروع حب في الكون
لطيفة ترسل:
أشعل شموع الحب
وأرسل لك أشواق
وأكتب على العنوان
لعيونك أنا مشتاق
فاطمة:أووووووووه تصدقون نسيت جوالي بذيك الغرفة وانا أقول وينه وادوره
لطيفة:مينونة عاد روحي جيبيه الحين
فاطمة راحت تجيب جوالها بسرعة
وبعد ماخلصو لعب حمد بنفس الوقت كان رايح للغرفة الي في المزرعة يبي ملابسه
وفاطمة لقت الجوال وبسرعة راحت تطلع منها مع انها ما تدري ان حمد راح يجي ياخذ ملابسه وبتهورها وخبالها تركض الا تصطدم برجال وتطيح أول مرة تشوفه هو أنحرج كثير وهي بعد انحرجت مع انه عادي عندهم يكشفون الكويت بس استحت بشكل رهيب وقامت وسكتو وطالعو بعض
حمد:آ.....آسف.... تعورتي؟..أشوف
فاطمة:لا لا ما تعورت ما تعورت (وراحت تركض بسرعة)
حمد بنفسه:شهالقمر الي صدمت فيه؟!!!
فاطمة وهي تاخذ نفس:بنات...بنات..لو تدرون شصار لي قبل شوي ما راح تصدقون
آلاء:شصار؟
حنان:شالجديد؟
فاطمة:قبل شوي وأنا أركض...صدمت في ريال يجنن بس مادري مين يمكن تعرفينه يا لطيفة
لطيفة:شلون شكله؟
فاطمة:هو أسمر ومملوح طويل فيه شبه من سالم شوي
لطيفة:الي يشبه سالم راشد بس راشد حنطي وانتي تقولين أسمر هذا يمكن اخوه ولا واحد من عيال عمامه يمكن حمد لأنج قلتي انه طويل ما أدري
فاطمة:بس قمر يجنن
...........................................
بعد رجوع الكل من المزرعة رجعو أهل السعودية للسعودية ورجع كل شي
كان سالم زاير لطيفة في بيتها
سالم:لطيفة شفيج؟
لطيفة تحاول تخفي حزنها:لا..ما فيني شي
سالم:لا فيج شي أنا اعرفج
لطيفة:لا سالم ما فيني شي
سالم:لطيفة قوليلي أنا الحين زوجج بحكم الشرع لا تخبين علي
لطيفة:لا تكدر نفسك ما فيني شي
سالم:لا حبيبتي أحس انج متكدرة
لطيفة:خلاص سالم قلتلك ما فيني شي
سالم:انزين ابتسمي
لطيفة ابتسمت له بحيا
سالم:أيوا جذي أبيج الله لا يحرمني من هالابتسامة...أثبتيلي انج راضية
لطيفة:كاني ابتسمت
سالم:انزين........أحبج
لطيفة:........
سالم:قوليها ولا تستحين
لطيفة:أحبك
بعد هذا الي صار مرت الأيام بسرعة وقرب موعد زواج لطيفة من سالم كثير وهم يحبون بعض أكثر وأكثر
.............................................


مين هذي البنت الي اتصلت على لطيفة وتحرشت فيها؟
قرب عرس بطلينا سالم ولطيفة شراح يصير بعد العرس؟
هل حمد وفاطمة صدفتهم وراها شي؟
ترقبو الجزء العشرين قريباً ان شاء الله