 أسمها فراخ بالميونيز
الأكلة أسمها فراخ بالميونيز مش تقلقوا بجد جامدة جدا انا بموت فيها بذات ريحتها وجربوها وبأذن الرحمن هتعجبكم
المكونات
فرخة بيضاء مش تنفع بلدى وتبقى حلوة كدة ومليانة تكفى 6 أشخاص كيلو ونصف مثلا ومتقطعة 8 او 6 قطع وطبعا تكونى غسلة الفرخة غسلة ترضى ايديكى ونظافتك وتشيلى اللى فى ورك الفرخة البتاع اللى عامل زاى الزلال دة وبعدين بالدقيق او الطحين دة كدة وتسيبها منقوعة فية وبعدين تشطفيها كويس وبعدين تنقعيها فى الليمون والخل وتشطفيها كويس منه
+ علبة زبادى
+ بصلة كبيرة ومفرومة فى تويستا او متقطعة قطع صغيرة جدا بالمبشرة
وتحطى ملح وفلفل أسمر الكمية حسب المذاق
+ معلقة زعتر كبيرة
+ معلقة عسل نحل أبيض كبيرة
+ معلقة ميونيز كبيرة
= وتخلطى او تمزجى كل دة على بعضه فى كيس نايلون او ياريت علبة ليها غطاء وعميقة شوية وترجيها تهزيها شوية 10 دقائق اوعى العلبة تتفتح منك أقفليها كويس ولو هتعمليها فى نفس اليوم يبقى تسيبيها يجى 5 او 6 ساعات مع أنى أفضل أنك تحضريها قبليها بيوم بحيث الفرخة تتشرب خالص من الصوص دة
التحضير
بصلة او بصلتين كبيرتين تتقطع شرائح + بطاطس او اتنين كبار تتقطع شرائح على قد الصينية اللى هتعملى فيها وبعدين ترصى الفراخ بالصوص والخلطة اللى عملتيها فوق على البطاطس والبصل اللى رصيتيهم فى الصنية وتغليفى الصنية بورق الفويل او اللى هو ورق ( الأمونيوم ) وتكون حرارة الفرن عالية فى الأول يجى ثلث او نصف ساعة و بعدين تنتظرى ساعة ونصف عليها فى الفرن تأخذ وتدى مع بعضها و يا سلام لو تدوقى كل فترة والثانية قطعة منها و تطمنى عليها و بالمرة مش تسبيها لوحدها فى الفرن ونسي وحدتها و تكونى عمله معها زر معمر فى الفرن او رز أبيض او مكرونه شوفى براحتك وياريت طبق سلطة وعيشى ياريت مش أكون رخمت وطولت ولو عايزين طريقة الرز المعمر أنا موجودة
السلام عليكم ورحمة الله وبركاتة
|