[جرح الذات]

السلام عليكم ورحمة الله وبركاته

هذا الموضوع لتسليط الضوء على مشكله تواجهنا في حياتنا ايا كانت كل واحد يمر اتمنى يكتب اكثر شيء يكرهه ..

يواجهه في حياته العاديه حتى لو كان يستخدم هالصفه


كمثال بأبدى انا ...

اول شيء اكرهه هو النفاق الاجتماعي يعني الواحد يضحك في وجهك لين تطلع من عنده وقام يقول يوه يكرهي لهالشخص << طيب ليه من البدايه نتعامل مع شخص نكرهه او لنقول فيه صفات ماتعجبنا ..

قبل فتره قابلت وحده ماتحب اهل زوجها ودايم تشتكي من تصرفاتهم اللي ماتحبها فيهم . وتفاجئة مره ثانيه انهم اجتمعوا في مكان واحد وهي شفتها تتكلم معهم وتضحك ولا كأن بينهم شيء << وجهة نظري دائما في تصرفات اهل الزوج والزوجه ان سبب اختلافهم على الاغلب ان كلا الاطراف ما يعرف بعض تلاقين الزوجه تتكلم بكلمه على سبيل المزح وهم يزعلون لانهم مو عارفين طريقتها ونفس الشيء يرجع لهم تصرفاتهم اغلب الشيء تزعل حتى لو كانت مزح والسبب لانهم ما يعرفون بعض حق المعرفه ..

مع ان الحل بسيط جدا بالمصارحه والعتاب البسيط تتصافى القلوب بإذن الله بس بجد ملاحظه العكس مو بس الزوجه واهل زوجها اي اثنين او طرفين ليست علاقتهما علاقه وطيده .. الكل يقفز لاستنتاجات ورسم اشياء ليست موجوده او مقصوده على الاغلب

المشكله لو تقابلوا يكونوا شايلين في داخلهم على الشخص امامهم الكثير ومع هذا يستمرون في الضحك ولبس الاقنعه !!

بجد هذا ملاحظاه حتى في اهالينا اكون بعض الاحيان مجبره اني اكون لبقه مع ناس بنظري ما يستحقون حتى النظره لهم اكره اني اتعامل معهم ومع هذا يجبرونا على لبس الاقنعه وانه عيب وووووو ..

اتوقع الكل لبس هالاقنعه ..



انتم ايش تكرهوه يقابلكم في حياتكم خلون نخلي الموضوع هذا للفضفضه عن اللي نكرهها ههههههه لتنفيس لا اكثر .. الدعوه عامه للكل رجال ونساء