البارت 36
فلاة خالد بعد انتهاء العرس
جراح وغرور كانوا ول من وصل البيت ...وطلال وجنى خذو لهم غرفه بالفندق ....اما هنادي وخالد ردو البيت بعد انتهاء العرس مباشره
جراح راح عند امه
جراح:يما وين البنات
هنادي:البنات مع دانه بالفندق
جراح:بباتون هناك
هنادي:لا توني مكلمتهم وهما الحين بطريج ...بغيت شي منهم
جراح:تأخرو وايد وقلت اسأل عنهم
هنادي ببتسامه:ناطر ليال
جراح:اي
هنادي بفرح:الله يتمم علكم ويبعد عنكم كل مكروه ...يما ليال تستاهل كل خير والله البنت ذهبه
جراح:يما انتي فاهمه الموضوع غلط
هنادي بخوف:جراح شصاير
جراح:مو صاير شي بس ابي اتفاهم معاها على موضوع
هنادي:يما خف عليها شوي البنت مو مقصره مع ملاك
جراح سمع اصواتهم بالصاله الي تحت:شكلهم اوصلو
هنادي :جراح ماوصيك
جراح :ان شالله يما....نزل جراح وهو متحلف في ليال
بالصاله
ليال وهيا شايله ملاك الي نايمه:بنات بتنامون في بيتي اليديد
كادي وهيا تتخصر:عشتو بيتج
ليال:اي بيتي ويالله بسرعه قرروا لان ايدي طاحة
اريام:والله ودي انام هناك بس اخاف
كادي:ليش تخافين
ليال :خلصوني يالله ايدي طاحت
جراح بعصبيه :زين الي شرفتو
التفتو كل البنات بتجاه الصوت شافو جراح نازل من السلم وملامحه ماتبشر بالخير
اريام بهمس:الله يستر
جراح:ليش رديتو جان ظليتو لي باجر
كادي:جريح شفيك احنه ماكنه نلعب كنا بالفندق مع دانه
جراح بعصبيه:ليش دانه ياهل وانا مادري انتو شايفين لبسكم ولا الكيلو المكياج الي بويهكم شبيقولون الناس لي شافوكم بهالمظر وانتو رادين بهالوقت المتأخر
ليال :بنات انا بودي ملاك بفراشها ...ولتفت عشان تمشي لكن ايد جراح الي مسكت زنها بقوه منعتها من الحركه
جراح بعصبيه:انا لمن اتكلمن توقفين لين اخلص كلامي فاهمه
ليال نزلت راسها وخايفه من قربه لها
جراح بصوت عالي وبعصبيه وهو يلزق فيهاويضغط بأيده على زندها بقوه :رفعي راسج وانا اكلمج ...شوفيني
رفعت راسها وهيا خايف ومرعوبه وجسمها كله يرجف
تلاشت كل الحروف والكلامات ونربط اللسانه لمن طاحت عيونه بعيونها الجذابه تلاشت من شاف الخوف بعيونها وحس بدقات قلبها الي بدت تزيد من الخوف
ليال بصوت يدوب يطلعه:جراح ...ملوكه نايمه
جراح بتعد عنها ولتفت على اريام الي كانت تراقبهم والابتسامه على ويها :ريوم اخذ ملاك ووديها فراشها ...ليال لحقيني المكتب
ابتعد جراح عنهم ودخل المكتب
اريام خذت ملاك وهيا تبتسم
كادي:ليول روحي بسرعه لا يعفسنا الحين
ليال:كدوي تعالي معاي جروح يحبج وماعتقد يطقني وانتي موجوده
اريام:لا تحاتي جروح وركزي على كلمة جروح ماضتي يسوي بس بزفج ويغسل شراعج
ليال:ياسلام وحظرتج مستانيه
تبطل باب المكتب وقف جراح وبعصبيه:مطوله
ليال بلعت ريجها وبهمس:كدوي تعالي معاي
جراح صرخ :ليال
كادي:ياك الموت يا تارك الصلات
ليال راحت المكتب وهيا خايفه وتبلع بريجها...دخلت المكتب وهيا منزله راسها
جراح وهو معطيها ظهره :سكري الباب
ليال سكرت الباب وضلت واقفه بمكانها ...التفت جراح عليها وشاف الارتباك والخوف واضح عليها
جراح بعصبيه:ليال ملاك من بنته
ليال بصوت يدوب يطلع:بنتك
جراح:ومنو امها
ليال:مريم
جراح صرخ من قمت راسه :لا تيبين اسمها ..ملاك مو بنت مريم...سكت شوي وضل يشوف ليال فتره تقدم صوبها ..وهيا زاد ارتباكها وخوفها منه
ومن شافتة جوتيه وحسته لازق فيها ارفعت راسها والدموع مليانه بعينها
ليال بخوف :آسفه والله آسفه ماراح اعيدها مره ثانيه
جراح تفاجأ بالدموع الي بعينها ومن الخوف الي يزد كل ما قرب منها
ظل فتره يتأمل ملامحها الناعمه رفع ايه عشان يلمس خدها لكن حركت ليال فجأته لمن رجعت بسرعه لي ورا ولزقت بالباب
بيت بو فواز
بغرفة آلاء
اكنت قاعده قبال التسريحه تمشط شعرها وهيا تفكر ب شكل اختها بالعرس
وكلام الناس عنها وعن شريجتها ...قطع افكارها صوت طقت الباب
آلاء:تفضل
دخل محمد الغرفه :قاعده
آلاء:اي مافيني نومه
محمد:اممم...شلون العرس
آلاء بضيق:حلو
محمد:زين يعني استانستي بعد الحكره الطويله بالبيت
آلاء لاتعليق
محمد وهو رافع حاجبه:الووء شفيج
آلاء:مافيني شي ..بس مو قادره انسى شكل ليال
محمد بستغراب:ليش...يعني من اي ناحيه ...صار معاها شي
آلاء:كانت جميله بشكل خيالي
محمد:وشالغريب بالموضوع ليال طول عمرها جميله
آلاء :لبسها شعرها ستايلها اليوم كان غير ولاتشوف ام جراح كانت طايره فيها ...طول الحفله كلنت ليال واقفه معاها وتستقبل الضيوف
محمد يقعد على فراشها:شي حلو ...بس انتي ليش متضايق جذي
آلاء بغصه:انت شفت شريجتها
محمد:لا
آلاء:حمود فرق والله فرق السماء عن الارض مو لانه ليال اختي اقول جذي ...شريجتها كبيره وايد وفوق هذا مو ذاك الجمال ..وتكمل بستهزاء...ولا لو شايف لبسها ولا مكياجها ..لابسه نفنوف منفوش ستايل سعاد حسني ...والميك اب قصه ثانيه....هذا كله كوم وكلام الناس من دخل جراح القاعه كوم ثاني
محمد:طبيعي بتصير مقارنه بيت ليال وشريجتها وطبيعي الناس بتتكلم وانتي قلتي بعظمة اللسانج اهيا كبيره ولا لبس مثل الاوادم ولا مكياج اما ليال غير صغيره وحلو ...بس حضها اهو الي قطها على جراح
آلاء:ليش يصير فيها جذي والله حرام ليول ما تستاهل ...بيتزوج باللعنه خل يتزوج بس ياخذ وحده صغيره مو اكبر منه ...ليال قطعت قلبي من دخل جراح ...كل بنت متزوجه بأي عرس تنطر ريلها لمن يدخل وتكحل عيونها فيه وهو نفس الشي تلاقي الريايل من يدخلون اعيونهم تحوس عند الحريم ...بس الي صار شي يقهر هذاك عيونه ماطاحت من على البقره ..وليال من كان يشوفها يعصب عليها
محمد:آلاء بس كافي لا تزيدين علي .....وبعدين اهو الخسران مواهيا
آلاء:بس ليال تحبه وتموت فيه وبعده عنها خساره كبيره بالنسبه لها
محمد:ما يندرا يمكن هذا اختبار من رب العالمين...ويمكن جراح مو من نصيب ليال الله العالم شنو خاشت لها الايام
آلاء:الطيب ماله حظ بالزمن الاغبر
محمد:الله كريم انشالله كل شي يتغير مع الايام...المهم بما انج خلصتي متحاناتج باجر عازمج على العشا انتي وليول
آلاء ببتسامه:اوكي
محمد:يالله تصبحين على خير
آلاء:وانت من اهل
فلاة خالد
دخلت ليال غرفتها وصكت الباب بسرعه وحطت ايدها على قلبها
اريام:ها بشري
ليال :يما يما يما ...زين ماذبحني ...والله قلبي شوي ويوقف
كادي:جراح معروف لي عصب يفصل وما يشوف جدامه
ليال وجنها تذكرت شي:الا صج ليش يتوه ني
كادي:قلنا باجر نروح هناك من الصبح
ليال:يا سخيفات ما عندي ملابس هني قومو خل نروح هناك
اريام:بالاول قولي شنو كان يبي منج
ليال:يعني شيبي مني بالله ...تبينه يلمني ويقولي زوجتي قمروما ابيج تفارقيني ولا لحظه
البنات كانو يتبادلون النظرت وماعلقو على كلامها
ليال:الاخ معصب ليش قلت ملاك بنت مريم ...ياربي شنو الغلط بالي قلته
اريام:ليال ترى جراح من قبل ما تتزوجون اي وحده منا اذا قلت ملاك بنت مريم يعصب او مجرد نذكر اسمها يعفسنا عفاس
ليال:والله دام مو عاجبته ليش خذاها وضل معاها 6 سنوات ولا اخوج متعود على جذي كل فتره مع وحده
اريام:ليال لا تظلمينه جراح وايد تأذى من مريم وشاف معاها انواع واشكال من الخيانات
ليال بستغراب:أول مره اعرف سبب طلاقهم ..كل الي اعرفه انها ملسونه وصاحبت مشاكل وماتسمع الكلام
كادي:صح وهم هذا سبب بس جراح كان يطوف لين اكتشف خيانتها
اريام:خلونا من جراح ومريم ويالله قوموا نروح بيتنها تصدقون احس حياتنا بتتغير وايد
كادي:اي وناااسه
وقامو البنات وراحو القسم الثاني من البيت كل وحده فيهم دخلت غرفتها ليال حطت ملاك بالفراش غطتها وباستها ...ادخلت غرفة التبديل وطلعت لها ملابس ودخلت الحمام خذت لها شور وطلعت
ليال:الحين وين انشف شعري ..خل اشوف البنات ...راحت غرفت اريام
ماحصلتها واسمعت صوتها بالحمام تغني ...اضحكت عليها وبدت اتنشف شعرها
بالحديقه الخلفيه للفلا
ماكان قادر يطرد شكلها وهيا خايفه ومرعوبه منه ولا قادر يستوعب سسب خوفها منه ...تنهد بضيق وهو مو عارف شلون يتصرف معاها وشنو نهاية علاقتهم ولي وين بيوصلون ..ولع زقارته وهو يقول بقلبه
جراح(ليش تخاف جذي ....هالدرجه انا مخيف ولا الي صار معاها مع الجلب سبب لها عقده ...ولا زواجي عليها اهو السبب ...لالا ما اتوقع زواجي اهو السبب ياما شباب تزوجو ثنين وثلاث عادي ماتغير شي مجرد غيره ...اكيد الي مايتسمى اهو السبب اكيد ...والله لو اشوفه مره ثانيه لذبحه بيدي )
داخل الفلا بقسم البنات
دخلت اريام غرفة ليال وشافتها واقفه عند الدريشه الي اتطل على الحديقه
اريام:ليول شفيج واقفه جذي
ليال لفت عليها وردت اتطل:جراح صارله فتره بالحديقه وقاعد يدخل بشكل جنوني
اريام وهيا تروح عندها:اضاهر متضايق وايد
ليال:اول مره اشوفه يدخن
اريام:جراح يدخن بس مو وايد واذا تضايق عادي يشرب 4 او 5 باكيتات بنفس الوقت
ليال تشهق:من صجه هذا ..ليش يسوي بنفسه جذي ...انزين عمي مايقوله شي
اريام:ليول اتحسسيني انج مو زوجته ولا تعرفين جراح
ليال بضيق :انا زوجته بالاسم ...واذا قصدج بالفتره البسيطه الي قضيتها معاه ...ماعتقد انها فتره كافيه عشان اعرف كل اطباعه
اريام:ليول انتي ليلحين تحبينه
ليال ردت على سؤالها بسؤال :اريام ...تتوقعين صاير معاه شي بالشركه
اريام:جنج طنشتي سؤالي بس يالله ماعليه بجاوبج...انا اتوقع انتي سبب الحاله الي اهو فيها
ليال بستغراب:انا ...بس انا ماسويت له شي...واذا قصدج على سالفة مريم انا عتذرت منه ووعده اني ماعيدها
اريام:انتي لو شفتي نضراته لج طول الحفله وشكله وهو واقف جدامج ونقلب حاله من لزق فيج جان عرفتي السبب
ليال بضيق:اريام لا تعشميني بشي مستحيل ...قلبي ماعاد يتحمل صدمات ثانيه
اريام:ليال انتي بيدج كل شي صدقيني
ليال:بيدي اذا كنت بروحي مافي مره ثانيه تشاركني فيه او بالاصح اهيا الكثير وانا لي القليل ...لفت ويها عن اريام وهيا تحاول تخفي دموعها الي غرقت عينها
ثاني يوم الصبح
فتحت عينها وشافت المكان الي اهيا فيه ...لفت ويها وبتسمت لمن شافت ملاك نايمه ...باستها وقامت من الفراش ...ودخلت الحمام
غرفت كادي
طلعت من الحمام وبيدها الفوطه :اريام ...ريوم
اريام وهيا نايمه:امممم
كادي:يالله قومي بسرعه تأخرنا
اريام وهيا تقعد :اوووف
كادي:قومي بسرعه يدوب نبدل ونروح المطار ....راحت صوب الدريشه وفتحت البرده ...وتفاجأت لمن شافت جراح قاعد بالحديقه....غريبه جراح متى قاعد من النوم متى تريق
اريام :ليش
كادي:قاعد بالحديقه
اريام قامت وراحت صوب كادي:اي والله ...معقوله جراح من امس على هالقعده
كادي بصدمه:امس
اريام:اي جراح امس كان قاعد بالحديقه بعد الي صار مع ليال
كادي :بروح اشوفه
اريام:تعالي وين رايحه
كادي مارت عليها وطلعت من الغرفه ...اما اريام راحت غرفت ليال
اريام:صباح الخير
ليال:صباح النور
اريام:ليول جراح ليلحين على قعدته ماتحرك من امس
ليال :تحلفين
اريام:والله وكدوي انزلت له
قامت ليال وراحت عند الدريشه تشوف جراح وكادي يسولفون
بالحديقه
كادي:افا ياجروح افا انا اختك حبيبت قلبك تخش عنها
جراح رفع حاجبه :جروح لقب يديد
كادي وهيا تبتسم:اي الله يسلمك امس ليول من الخوف قامت تقط خيط وخيط وقالت لي تعالي معاي اخاف جروح يذبحني
جراح بستغراب:اذبحها
كادي:خلنا من ليول الحين واقولي انتش فيك
جراح:بالاول انتي قوليلي ليش كانت خايفه وليش قالت اني بذبحها
كادي:الانها خوافه وصراحه انت امس كنت معصب وايد وخافت انك اطقها عشان جذي كانت تبيني بدي قارد لها
جراح لاتعليق
كادي:والحين قولي شفيك
جراح:ما فيني الا العافيه بس قاعد افكر بمشروع يديد
كادي:جراح ولي عافيك لاتقول مشروع وسفر ترى تعقدنا
جراح:ليش
كادي:تذكر قبل ماتسافر كانت على طول سرحان واذا سألناك قلت افكر بمشروع يديد واخر شي طلع مشروع زواج...والله ياخوفي في مشروع زواج بعد
جراح ضحك عليها:يجوز
كادي تشهق وتحط ايدها على قلبها :بعد زواج مره ثالثه
جراح ببتسامه:وليش لا الشرع حللي اربع
كادي:حشى الحاج متولي مو جراح
جراح ضحك بصوت عالي:صج حريم
بالمطار
اليوم سفرت فواز والعنود ودانه وعادل وثنينهم على نفس الرحله
ليال ماكانت عارفه انه فواز بسافر بنفس اليوم ...كانت نظراتها تحوم حول جراح ومن تحس انه جراح شافها او عينها طاحت بعينه تلف ويها وتسوي نفسها مشغوله مع ملاك ....ارفعت راسها وهالمره طالت نظراتها له سرحت بشكله وجاذبيته شكله وهو واقف بين عادل وطلال وكانت تقول بقلبها(انت غير يا جراح غير)..انتبهت وهيا تشوفه يطالعها سرحانه فيه ابتسم لها وحرك راسه وجنه يسأله ليش اطلعيني جذي...ليال انحرجت ونزلت راسها
رتاج:احم احم نحن هنا
ليال ابتسمت:هلا رتوج بغيتي شي
رتاج ببتسامه:سلامتج بس بغيت اقولج ترى جراح ريلج وحلالج قومي روحي عنده ...يعني مافي داعي للنظرات هذي كليتيه بعيونج الحلوه
ليال تحاول انها تنكر:انا منو يقول وعلى اي اساس آكله بعيوني من زينه
رتاج:هههههه صح واضح والدليل ويهج الي صار لونه احمر
ليال:رتوج بس عاد بلا سخافه ...وهيا تكلم رتاج شافت شخص واقف عند الكاونتر وشبهت عليه انه يكو فواز ...ومن شافت احمد يحوس حوله ابتسمت وقالت حق رتاج:رتوج مسكي ملاك شوي
رتاج:مو قلنا من الاول روحي له
ليال:ومنو قال اني بروح عند اخو جانا بروح عند اخوي حبيبي شكله بسافر اليوم
رتاج:اها
قامت ليال وراحت عند فواز....اما جراح الي كان لي الحين يضن انه ليال عينها عليه لتفت وماشافها في مكانها وشاف ملاك بيد رتاج استغرب الانها مو مع البنات ولا مع امه ....بس اعتقد انها راحت الحمام وماهتم وكمل حديثه مع عادل
عند ليال وفواز
ليال:خيانه عظمى شلون تسافر بدون ما تسلم علي
فواز:انا جم مره اروح بيت ابوي ما احصلج واذا سألت عنج يقولون لي مشغوله بتجهيز العرس
ليال:عذر اقبح من ذنب بس ماعليه انطوفها لك
العنود:وليش انتي ما تسألين عنه ولا خلاص من لقى احبابه نسى اصحابه
ليال :سكتي لحد يسمعج ويقول صج
فواز:ليول لاتحاتيت سنه بالكثير وانا عندج وفكج من جراح واخذج معاي
ليال:اي ذاك الوقت الله كريم ...اهم شي انت حط بالك على العنود واليهال
فواز :العنود بعيوني
العنود :تسلم يا بو احمد
ليال كانت تسولف وتضحك مع العنود وبنفس الوقت سمعو النداء الركاب
بهالوقت جراح بدا يسأل عن ليال الي اختفت من جدام عينه
جراح:كدوي وين ليال
كادي:مادري قبل شوي كانت موجوده
جراح بخوف :وين راحت هذي ...راح عند امه وسأل عنها وكان ردها نفس رد كادي .....زاد خوف جراح على ليال وخصوصا انه كان يدق عليها وليال ماترد
رتاج:ادور على احد
جراح:ماشفتي ليال
رتاج وهيا تبتسم :راحت عند اخوها
جراح:اي اخو
رتاج:فواز قالت بسافر وبتروح تسلم عليه
جراح بهال لحظه خطر على باله انه ليال بتسافر مع فواز :وينهم
رتاج:مادري بس اكيد تلاقيهم عند البوابه الحين
جراح راح بسرعه للبوابه وقف ينتظرهم شوي وشاف ليال تمشي بوسط اخوانها وشايله ولد فهد ولد فواز الصغير
محمد:جراح هني
ليال:شرايك اكيد بقون موجود اخته بتسافر وشي طبيعي بيكون موجود
محمد عف سويها وجنه مو عاجبه
فوازيوقف ويكلم محمد بصوت واطي عشان لاتسمعهم ليال:حمود عشان اختك مو عشان سواد عيونه مابي اي تصرف يضر ليال
محمد:لاتحاتي
وكملو طريجهم للبوابه
فواز ومحمد سلمو على جراح ابرود عكس سلامهم لي طلال الحار والكل لاحظ هالشي
جراح بصوت واطي:ماتعرفين تعطيني خبر قبل ماتتحركين
ليال على نفس النبره:آسفه بس توقعت رتاج بتقولك
جراح :هين حسابج معاي بالبيت
ليال تنهدت بضيق وبعدت عنه وراحت عند دانه سلمت عليها وبعدها راحت عند العنود وسلمت عليها
ليال انزلت لي مستوى احمد باسته ولمته حيل :فديييت الحلو يا ناس ...حمادو اسمع كلام ماما انزين
احمد:ان شاء الله
ليال:وين بوسه عمه
احمد باس ليال على خدها
ليال :يختي عليه ولمته حيل
ملاك بجت لمن شافت ليال لامه احمد وتبوسه يبدو انه غيرت الاطفال اشتغلت عندها ..بجت واهيا تنادي ليال:ماما لولي
رتاج:جراح اخذ بنتك المزعجه
جراح اخذ ملاك من رتاج وكان يحاول يهديها
اريام:انتي ليش تبجين يعني اهيا وين بتروح قاعده تسلم ماتبي اطير
جراح رفع حاجبه وبنبره حاله:ريوم ليش تكلمينها جذي هذي ياهل
اريام:اذتنا على كل شي تبجي
ليال وخرت من احمد لمن سمعت فوازيقول لها
فواز:شدعوه سلمتي على الكل الا انا شنو ما بتسلمين علي
ليال ببتسامه ممزوجه بالحزن راحت عند فواز :حبيبي راح اشتاق لك
فواز لمها حيل من شاف الدموع بعينها حس بالتعب الي بداخلها من صوت شهقاتها حس بالظلم والهم اليم تحملته على صغر سنها كان يحاول يتماسك جدامهم ضل يمسح على راسها بكل حنان
فواز:ديري بالج على نفسج واذاحتجتي شي دقي علي بأي وقت
الموقف هذا اشغل نار الغيره بقلب جراح زوجته بحضن ريال غيره حتى لو كان هذا الريال اخوها بالاول والاخير اهو ريال وكلمات ليال لخوها زادت الطين بله
فواز ابتعد عن ليال ومسح ادموعها بأصابعه وباس راسها :ليول اي وقت دقي ان شالله تالي اليل ورد باس راسها مره ثانيه ورد لمها لمن سمع صوت شهقاتها
جراح ماقدر يتحمل اكثر راح صوب ليال ووسحبها من حضن جراح:ليال بس خلي فواز يدخل الحين يتأخر على الطيراه....رفع راسه وطاحت عينه بعين فواز اليم اقدر يتحمل نظراته له
فواز:ماوصيك على ليال
جراح:لاتوصي حريص
محمد ابتسم ابتسامه كلها حزن
طلعو من المطار بعد ما ودعو المسافرين ...جراح وهنادي والبنات كانو بسياره وحده..وخالد وطلال وجنى بسياره
بسيارة طلال
خالد:طلال
طلال:سم يبا
خالد:سم الله عدوك ...بغيت اسألك عن جراح
طلال:شفيه
خالد:صاير بينه وبين اخوان ليال شي
طلال:والله علمي علمك
خالد:نظراتهم له مبين انه فيهم شي
طلال:مو شرط يكونون متهاوشين او شي جذي ...يكفي انه جراح حط مره ثانيه على اختهم وفوق هذا مطلع دينها
خالد:صدق
بعد مرور 6اشهر
ليال ارجعت الكليه بعد محاط لها خالد عدت واسطات .....كانت تقضي معظم يومها مابين الكليه وملاك وبليل تدرس وتخلص شغلها بالهل فتره هدت ليال ورتاحت اكثر الانها بتد تسوي شي يخصها ....اما جراح
بهالفتره كان مشغول وايد ومحد يشوفه لان السنه الماليه لشركه صارت على الابواب ولازم تكون كل حساباته جاهزه كان يطلع من الصبح ومايرجع الا اخر اليل مهدود حيل يحط راسه وينام اما البنات كانو على وضعهم ماتغير شي
بليل فلاة خالد بقسم البنات
الكل نايم ماعدا ليال الي كانت قاعده بالصاله وتشتغل على الاب توب
وهيا تكتب حست بالعطش شافت الماي الي على الطاوله خلص ...حطت الاب توب على حافت الطاوله وهيا ماتدري من قامت طاح الاب توب على الارض
ليال:يويلي لابتوبي انكسر ...شالت الاب توب من الارض وحاولت اتشغله ماكان يشتغل
ليال بضيق:لاااااا مو وقتك عفيه والله تعبت...حاولت اكثر من مره بس بدون فايده ...ماكو الا عمي اقوله يسلفني لابتوبه ...طلعت ليال من قسمهم ودخلت قسم الثاني ...راحت صوب المكتب وطقت الباب ..وماسمعت اي رد ..افتحت الباب وماشافت احد بالمكتب سكرت الباب وهيا تتذمر
ليال:صج غباااء بالله منو قاعد لي هالحزه اوووف ياربي شالدبره ....انقزت من اسمعت صوت
:بغيتي شي
ليال حطة ايها على قلبها ولتفتت اتجاه الصوت
رفع حاجبه بستغراب:في احد قالج اني اكل بشر
ليال:لا بس عبالي الكل نايم وتفاجأت بوجودك
جراح كانت توه راد من الشركه :اممم ....انزين شعندج بالمكتب
ليال:بغيت عمي
جراح وهو رافع حاجبه :شتبين فيه
ليال:لاب توبي طاح على الارض وشكله خترب ...وعندي شغل لازم اخلصه اليوم
جراح:اوكي وابوي شعلاقته بالموضوع
ليال:بغيت اتسلف منه لابتوبه او يشوف لاب توبي ليش مايشتغل
جراح:اممم ...كان واضح عليه التعب والارهاق من كثرت الشغل
ليال ماشافت جدامها الا جراح تستنجد فيه :ممكن تسلفني لابتوبك
جراح:شنو تسلفني وين قاعدين ..طراره اهيا ولا شنو
ليال تنرفزت منه:خلاص مشكور انا ادبر نفسي...لفت ويها ومشت جم خطوه لكنها وقفت على صوت جراح
جراح:وين لابج خل اشوفه
ليال ببتسامه:بالبيت
جراح بنبره حاده:ادري بالبيت يعني وين بكون
ليال بصوت واطي:لا مو جذي يدقرون بعد اكثر
جراح:خلصيني ترا تعبان ومالي خلق
ليال:انت ارتاح وانا ايبه لك
جراح بستهزاء:من متى اتهمج راحتي
ليال بقلبها(اللهم طولج ياروح):دام جذي تعال
جراح راح مع ليال للقسم الثاني للبيت وكانت هذي اول مره يدخل فيها عندهم من بعد ماسكنو فيه البنات للعلم انه جراح عنده المفتاح الخارجي الي يطل على الحديقه لكن مافكر ولا لي لحظه انه يدخل هناك
ليال:تفضل ...هذا الاب توب
جراح ضغط على زر التشغيل وماشتغل معاه:هذا مايشتغل ...شكل الشاشه احترقت
ليال بكل برائه :لاااا ..جراح الله يخليك الله يخليك عدله لي والله اسويلك كل الي تبيه
جراح وهو يقعد على الكرسي طاحت عينه على بطارية الاب طايحه على الارض
جراح ببتسامه اسحرت فيها ليال:ماشي بس انتي قلتي تسوين لي كل الي ابيه
ليال وهيا تأشر على عيونها:من العين هذي قبل هذب ..بس عدله
جراح يتكلم وعينه على ليال الي بدت تتغير ملامحها :بما انج زوجتي وانا ريلج....سكت ...شفيج ليش ويهج قلب
ليال برتباك:مافيني شي قول
جراح ابتسم على شكلها وهيا واقفه وتنتظر منه طلبه:اوكي....بما اني توني راد من الدوام والحين الساعه ثنتين ونص يعني مافي ولا مطعم فاتح ...عشان جذي لازم تدخلين المطبخ وتسوي نعشى محترم حق ريلج الي من الصبح على لحم بطنه
ليال بعفويه:بس ...والله عبالي عندك سالفه ...حست انها قالت شي غلط وحطت ايدها على شفايفها
جراح رفع حاجبه :جنج قلتي شي
ليال:اسفه مو قصدي بس ...
جراح:بس شنو
ليال وهيا تفكر شلون ترقع:اي بس شنو تبي تتاكل
جراح:اي شي يسد اليوع
ليال :اوكي ...وراحت للمطبخ وبعدها بشوي اطلعت....جراح مافي غير بطاط وهمبرجر
جراح:اوكي
ادخلت ليال المطبخ وسوت العشاء ...بعد ماخلصت شالت الصينيه وطلعت بالصاله ...حطت الصينية على الطاوله
جراح كان يتأمل شكلها من اول ماطلعت من المطبخ وتذكر ايامهم الحلوه مع بعض وقطع تفكيره وسرحانه صوت ليال وهيا كلمه
ليال:جراح العشاء
قام جراح وراح لي طاولت الطعام سحب الكرسي وقعد
جراح :صج لي قالو اليوع كافر
ليال:بالعافيه
جراح ببتسامه :الله يعافيج
ليال راحت عند الاب توب وشافته شغال :الحمدالله انه شتغل ...ولتفتت على جراح ..مشكور
جراح:العفو
ليال بعد ما تطمنت انه الاب توب شغال ...راحت صوب السلم عشان تصعب بس اوقفت على صوت جراح
جراح:وين رايحه
ليال بقلها (الي يسمعك يقول ميت على شوفتي):بسبح
جراح:تعالي قعدي عندي لين اخلص اكلي وبعدين روحي ماعرف اكل بروحي
ليال (يا سبحان الله ):ماعرف اقعد وريحتي قلي ...وصعت فوق قبل تسمع رده
دخلت غرفتها واخذت لها بجامه لونها وردي فاتح وعليها رسومات من اويشو دخلت خذت لها شور وطلعت اريام كانت نايمه بغرفتها حست بحركتها رفعت راسها وشافتها تشيل الفطوطه من شعرها
اريام بستغراب:ليول احد يتسبح بهالوقت
ليال ماكنت معاها كان تفكيرها وقلبها كله تحت مع جراح ...اريام شافتها سرحانه قامت من فراشها
اريام:الحلو بشنو سرحان
ليال وهيا سرحانه:جراح
اريام بستغراب:جراح ...شفيه
ليال وهيا تنتبه على اريام الي واقفه فوق راسها :منو ياب طاري اخوج
اريام :العصفور
ليال سكتت وبدت تمشط شعرها الي طال وايدعن قبل
اريام:ماقلتيلي شفيج جراح
ليال :جراح تحت بالصاله
اريام فتحت عينها على وسعها:هاااا وين
ليال:تحت بالصاله قاعد يتعشى
اريام:تحلفين
ليال:والله جراح تحت
اريام:جراح تحت وانتي قاعده هني قومي بسرعه نزلي قعدي معاه هذي فرصتج
ليال :طاف
اريام:شنو الي طاف قومي نزلي ...وبعدين شلي يابه عندنا
ليال:انا الي طلبت منه
اريام:لالالا ما اصدق
ليال:لايروح فكرج لبعيد ..لابتوبي طاح وماشتغل ورحت اشوف عمي ماحصلته وشفت جراح بويهي وقلت له تعال شوف الاب توب ...وبس
اريام:اممم عشان جذي متسبحه
ليال بعصبيه:ليش قالولج معفنه وما اسب حالا عشان سواد عيون اخوج
اريام:عيل ليشت سبحتي ...صاير شي بينكم
ليال:هذا الي ناقص بعد ...سويت له عشا الانه يوعان عرفتي السبب الحين
اريام:اممم انا اقول قبل ما انام كنتي سابحه...نزين يالله نزلي قعدي معاه
ليال:انا بنزل بس موع شانه بنزل الانه عندي بحث ولازم اخلصه ....هذا شي والشي الثاني اتوقع انه راح يعني لا تحطين امال على اشياء تافها
اريام:ليال لي متى
ليال:اخوج مايستاهل تراب ريولي تفهمين ....حطت المشط وطلعت من الغرفه ونزلت تحت ...ليال تفاجأت لمن شافت جراح حاط لابتوبه يم لابتوبها وقاعد يشتغل ....اوووف هذا ليلحين هني
رفع راسه من حس بحركتها بالصاله ضلت عيونه عليها وهيا تدخل المطبخ وترد تطلع ... ماقدر يشيل عينه منها كبرت وزدادت انوثه وجمال شعرها زداد طوله وغمازتها الي سوتها من قبل 3 اشهر زاهدا جمال فوق جمالها ....وطولها ورشاقتها كل شي فيها يسحره كل شي فيها يجذبه ويبهره ..حس بنظراتها له الي لكاها استغراب وحب يرقع الموضوع
جراح:ليش مانشفتي شعرج الجو بارد
ليال:مالي خلق انشفه .....راحت صوب الاب توب وخذته من على الطاوله وراحت اقعدت على القنفه وحطت الاب توب بحظنها وبدت تكمل البحث
غرفة ليال
الفضول ذبحها وطير النوم من عينها ...قررت تنزل بعد تفكير طويل ...انزلت اريام ابطئ وحذر كانت على امل تشوف شي يسرها لكن خاب ضنها لمن شافت كل واحد فيهم قاعد بصوب ولابتوب جدامه
اريام تسوي نفسها متفاجأه بوجود جراح( استعباط بنات ) :جراح هني...من وين طالعه الشمس
جراح:يعني ماتدرين اني هني ...قالها وهو يطالع ليال الي كانت مندمجه بالبحث
اريام:بالله شلون بعرف اذا انا توني نازله
جراح:امممم
اريام:ماعلينه شلي خلاك تتكرم وتتعطف علينا وتي بيتنا المتواضع
جراح :ضروف
اريام:عينا ....ليكون كل ليله اتي بدون علمنا وتقعد مع ليل
ليال تفاجأت من كلامها ولتفت عليها وهيا تخزها ..لانها عارفه انه جراح بفكر بشي ثاني
جراح بعصبيه:ليش في احد اي عندكم مثل هالوقت
اريام وهيا تستعبط:اسأل نفسك
جراح:وانتي ماتدرين منو الي يدخل بليل
اريام حست انها سببت مصبيه لي ليال وحاولت اترقع الموضوع:انا انام امبجر بس كدوي ماتفارق ليال الا وقت انوم ...شكلكم كل ليله تسهرون من وراي
جراح:دام كدوي ماتفارق ليال الا وقت النوم وينها ما اشوفها
اريام توهقت:كدوي توها توها نامت كانت قاعده مع ملوكه عشان لا تأذي ليول
جراح:اها ..الا انتي ليش قعدتي
اريام:قعدت ومالقيت ليال قلت اشوفها اذا خلصت ولا لاء
بالهل وقت رن تليفون ليال والكل انصدم الوقت متأخر وفي تليفون يرن على الطاوله الي بنص الصاله
جراح بنبره حاده:تليفون منو الي يرن
ليال بخوف:تليفوني ...بس منو الي داق هالحزه
جراح بعصبيه:في بنت محترمه يدقون عليها بهالوقت المتأخر
ليال تنرفزت منه:انت قلنا البنت المحترمه مايدقون عليها هالحزه ...قامتواخذت تليفونها وشافت الرقم امها ورتبكت ...سترك يارب
اريام:منو
ليال ردت على امها بخوف:الووو...الوووو
حصه بصوت يدوب يطلع:ليال
ليال من سمعت صوت امها اختبصت وخافت لايكون شي مكروه صار بواحد من اخوانها:يما شفيج شصاير
حصه بخوف:ليال يما انتي بخير
ليال:اي يما انا بخير انتو فيكم شي
حصه:لاتخافين حبيبتي مافينا شي ...بس انتي مافيج شي
ليال اقعدت وهيا تحس انه ريولها مو قادره تشيلها من الخوف :يما حبيبتي شلي صاير شفيج ليش داقه علي بهالوقت
حصه وصوتها الي بدا يتغير :داقه اتطمن عليج
ليال:يما ولي سلمج خبصتي قلبي شلي صاير
حصه:سلامة قلبج يابعد قلبي مو صاير شي
ليال من سمعت صوت امها تبجي بجت الانه اول مره تسمع هالكلام منها واول مره تسمع صوت امها وهيا تبجي :انزين ليش تبجين
جراح حس انه في شي قام وراح قعد عند ليال الي كانت ترجف ودموعها تنزل من شدت الخوف مسك ايدها بقوه عشان يحسسها بالامان
ليال:الووو يما حبيبتي ردي علي
حصه وهيا تحاول تمسك نفسها:مافيني شي يما بس حلمت بيدج يايني متضايق من الي يصير لج ...وسكتت ماقدرت اتكمل
ليال :يما والله مافيني شي
حصه:ليش قاعده لي هالوقت المتأخر
ليال:عندي بحث ولازم اسلمه باجر وليلحين ماخلصت
حصه:اكيد مافيج شي
ليال:يما حبيبتي انتي والله مافيني شي ..تطمني انا بخير
حصه:الف الحمدالله يارب الف الحمدالله ...ليال دامج قاعده تعالي الحين
ليال بستغراب :يما شلون اطلع من البيت هالحزه صعبه ...انتي روحي رتاحي الحين وباجر من الصبح انا عندج
حصه:اكيد
ليال:اكيد يما اكيد
حصه:ليال انا ماراح انام ناطرتج تين
ليال:يما شفيج قاعده اقولج مافيني الا العافيه انتي روحي نامي وان شالله من الصبح انا عندج
حصه :ليال لازم اتين ابي اكحل عيوني بشوفتج
ليال:من عيوني يالغاليه ماطلبتي شي
حصه بعد ماحست براحه من تطمتن على بنتها :خلاص عيل اخليج الحين ومن اصبح ابيج عندي
ليال:ان شالله
حصه:ليال يما ديري بالج على نفسج
ليال:انشالله
حصه:مع السلامه
ليال :الله يسلمج سكرت التليفون وهيا يدوب تتنفس وكانت ترجف
اريام قعدت بالجها الثانيه وكانت تمسح على ظهرها
جراح:صاير شي
ليال وهيا اتدق على محمد :مادري امي فيها شي ...ومو راضيه تتكلم ...اكيد صاير شي
اريام:ليال هدي ان شاء الله ماكو شي
ليال:الووو ...حمود
محمد بخوف:ليال شفيج ...شصاير
ليال بخوف:انا مافيني شي انتو شفيكم امي داقه علي تبجي
محمد بستغراب:امي ...شفيها
ليال:مادري داقه تبجي وتسأل اذا فيني شي ...حمود ولي يسلمك روح شوفها ليكون صاير شي
محمد:اوكي الحين اشوفها وادق عليج
ليال:حمود لاطول علي ناطرتك
محمد:ماشي ماشي
وسكرت التليفون وهيا تحس انه قلبها بيطلع من مكانه من الخوف ..ريلها كانت تهتز بقوه ويدوب تاخذ انفاسها
جراح خاف عليها وايد الانها كانت بحاله لايرثى لها:ليال لاتحاتين يمكن امج داقه تتطمن عليج بس
ليال:لاء امي كانت تبجي وصوتها يبينه انه في شي ...اكيد صاير شي امي عمرها مادقت علي بهالوقت
اريام:يمكن اشتاقت لج
بعد عشر دقايق رن تليفونها وبسرعه شالته
ليال:هلا حمود
محمد:مافيها شي بس كانت حلمانه وخايفه من الحلم بس مو اكثر من جذي
ليال:حمود اكيد يعني مافيها شي مو صاير شي
محمد:لو صاير شي اكلمج جذي ...ليول ادري امي خبصت قلبج بس الحلم كان مخوفهها وايد وماقدرت تنطر لي الصبح
ليال:اكيد
محمد وهو يضحك:امي الله يهداها يعني ماتدري انج خوافه ...ليال ارتاحي والله مافيها شي قلت لج مجرد حلم
ليال :اوكي خلاص حمود دير بالك عليها
محمد:افا ياليول توصيني على حلوت البن هذي الغاليه مايحتاج توصيني عليها ...روحي نامي ورتاحي
ليال :اوكي باي
سكرت التليفون وغطت ويها بأيدها ونفجرت من البجي
اريام لمتها حيل:ليووول ليش تبجين
ليال وهيا تبجي:خبصت قلبي والله عبالي صاير شي
اريام:انزين ليش تبجين خلاص انتي تطمنتي انه مافيها شي ليش البجي
جراح رق قلبه لحالتها :ليولتي خلاص اهدي ...ماصار الا الخير
اريام اسألت ليال بعد ماهدت شوي :شفيها امج
ليال تحملت حالتها من البجي الي الضحك :اخبصت قلبي عشان حلم
اريام :ههههههه الله يهداها والله لو شايفه حالتج جان تقول توبه ادق عليها
جراح:شهالحلم الي يخليها خايفه جذي
ليال بضيق:حلمانه بيدي الله يرحمه ...يايها متضايق وايد
اريام:عادي الحلم مافيه شي
ليال بضيق وهيا مو حاسه بجراح الي قاعد يمها وماسك ايدها الخوف خلاها تنسى الاحساس :تقول متضايق على حالتي والي يصير فيني ...وماقدرت اتكمل باجي الحلم
جراح تضايق وبقله(معقوله يعني انا مأذي ليال لي هالدرجه)
ليال والدموع بعيونها وتضحك:الله يهداها سوت فيني فلم ...نزلت راسها وشفت جراح ماسك ايدها اسحبت ايدها من ايده بسرعه وقامت
جراح:ليول وين بتروحين
نهاية البارت
|