[وردة الزيزفون]

بالصاله
جراح كان منسدح على القنفه ومقعد ملاك على صدره وكان يلعب معاها وهيا ميته من الضحك
جراح كان يحط ايده على ويها ويسألها :وين بابا ...يشيل ايده ...كا بابا
وملاك تضحك
جراح :يالله بعد
ملاك:اي
ويعيد الكره معاها وهيا تضحك
كادي قربت منهم :جراح امي وينها
جراح:مادري ماشفتها اليوم
كادي:ولا انا حتى ابوي ماله حس بالبيت ...ليكون مسافرين وحنه ماندري
جراح:لا يبا موجودين بس تلاقينها عندها شغل او معزومه عند صديقاتها
كادي:يجوز
جراح رد يلعب مع ملاك وهيا مستانسه
انزلت ليال واريام وهما يسولفون بصوت واطي
ليال:هذا ليلحين هني
اريام :ليول جراح مو خالي صدقيني شكله يبي المياه ترجع لي مجاريها
ليال:انتي قلتي مجاااري يعني شي لوووعه وانا مابي المجاري هذي
اريام انفجرت من اضحك:ههههههههه الله يغربل ابليسج انا وين وانتي وين ههههههه
ملاك من اسمعت صوت اريام وهيا تضحك التفتت عليها وشافت ليال نازله من السلم صرخت من قمت راسها
ملاك:ماما لولي ...ونزلت من صدر ابوها وركض
ليال وهيا تبتسم:شوي شوي لا طيحين

ملاك وهيا تلم ريل ليال:ماما لولي شيلي(شيليني )
ليال شالتها ولمتها حيل :حبيييبتي ملووكه ...وباستها
ملاك تقلد ليال لمتها:حبيتي ماما
اريام وهيا ترفع صوتها:ارتحتي الحين ردت روحج
كادي:اكيد ترود روحها هذي ماما لولي مو حيالله
ليال:ماما تبين ام
ملاك تفتح حلجها وتأثر داخل :ابي ام
ليال :هههههه خايسه منو معلمج جذي
كادي:هذي لغت الطرمان الله يسلمج
ليال :اسم الله عليها لا تقولين جذي مو زين
ملاك:ماما ام ام
ليال:انشالله من عيوني
ملاك:من عنوني
اريام:حشى كاسكو
ليال راحت المطبخ ولا عبرت جراح الي ماشال عينه منها
ليال تكلم الخدامه:سوي شوربه حق ملاك وانا سويلي نسكفيه ويبيه بيت بابا خالد
الخادمه:اوكي مدام
ليال طلعت من المطبخ وتوجهت للباب الي يفصل بين البيتين
اريام:وين بتروحين الحين بتي لينا
ليال:اذا وصلت عطيني خبر
اريام :اوكي
طلعت ليال وصكت الباب وراها ودخلت البيت ...خذت نفس عميق وتنهدت بضيق
لكن مسرع مانرسمت احلى ابتسامه من شافت خالد وهنادي داشين البيت
خالد :مساء الخير
ليال:هلا عمي مساء النور
ليال راحت وحبت راس خالد وهنادي
هنادي:عيل وين البنت
ليال:قاعدين بالبيت
خالد:انا جني تحسفت لاني خليتكم تروحون هناك البيت صار صخه
هنادي:اي والله حتى ما قمت اشوفهم
ليال:لان المكان يديد ليلحين نطرو عليه فتره بنمل وتلاقينه 24 ساعه هني ويمكن انرد انبات هني
خالد:شلونج مع الدراسه
ليال:الحمدالله
هنادي:عاد تدرسين ولا مجابله ملاك
ليال:اذا نامت اقدر ادرس ولا اذا اهيا قاعده ما اقدر
خالد:الا البنات شعندهم هناك وليش انتي مو معاهم ليكون متهاوشين
ليال :لا مو متهاوشين بس اريام ناطره لينا الحين يايه بطريج
هنادي:اي زين عاد توني بدق عليها ابي اعدل صبغتي ...البنات شنو بسون
ليال:انا بقص وبصبغ واريام بس صبغ
خالد:لا يبا حرام شعرج حلو انتي اطول شعر بالبيت خليني احس انه البيت في بنات
هنادي:خلها تقص وتغير
ليال:اي والله يما مليت وبعدين الشعر الطويل يبيله اهتمام وانا ماعندي وقت
هنادي:واي لون بتصبغين
ليال:ابي بس خصل
هنادي:اي احلى انتي ماتحتاجين كامل لان شعرج فاتح مو اسود
وهما يسولفون طلعت الخادمه وبيدها الشوربه ...حطت الصينيه وماكان فيها النسكفيه
الخدامه:مدام سوري سير جراح يقول لايودي نسكفيه
ليال انقهرت لكن اسكتت :اوكي خلاص روحي
خالد وهنادي تبادلو النضرات
ملاك:ام ام
ليال :صبر ماما خل يصير بارد شوي
هنادي:ليال
ليال :هلا يما
هنادي:شفيه جراح
ليال:ما ادري
بنفس الوقت طلع جراح من البيت الثاني
هنادي بصوت منخفض:كان عندكم
ليال:اي
هنادي:اها عشان جذي انتي هني بدون البنات
ليال نزلت راسها وسكتت
جراح قرب صوبهم سلم على امه وابوه ولتفت على ليال :مو زين تشربين نسكفيه على معده خاليه
ليال طنشت وجنها ماسمعت شي ...وبدت تشرب ملاك الشوربه
بعد اشوي طلعت كادي من البيت:ليول لينا وصلت
هنادي:خليها أتي هني انا ابيها بعد
كادي:اوكي
دخلت لينا ومعاها ثنين من المساعدات :مساء الخير
الكل :مساء النور
لينا:كيفك مدام
هنادي:بخير الحمدالله انتي شلونج
لينا:نشكر الله ...مين بدها تبدي بالاول
هنادي:ليال انتي خل يبلشون فيج الانج بطولين
ليال:عادي يما خل تستلم جانا من اخلص من ملوكه اي
هنادي:على راحتج....وقامت هنادي ولحقتها لينا وكادي
خالد:ملوكه انتي ماتبين تسوين شعرج بعد
ملاك تبطل حلجها وتأشر داخل:آم
خالد:تبين تاكلين ...اكلي عليج بالعافيه
اريام طلعت من البيت :ليول وين لينا
ليال:بالصالة الثانيه
اريام:وانتي مابتين
ليال:اخلص من ملاك واي
اريام:خو يبيها وتعالي
ليال:ماقدر ريحت الصبغ اتأذيها
اريام وهيا تتخصر:انشالله تبيني امسكها ...لاحبيبتي ابوها موجود خل يمسكها
جراح:بل بل كليتينا روحي بس روحي
اريام :عبالي بعد ...وراحت
خالد قرر انه يتركهم بروحهم يمكن يتفاهمون على شي (مسكين وايد متفائل):يالله انا اقوم ابدل ....قام وصعد فوق
اما جراح قام من مكانه وراح قعد عند ليال ...من قعد ليال لفت ويها صوبه ومن طاحت عينها بعينه ارتبكت خذت نفس وردت تشرب ملاك الي كانت قاعده بحضنها ...جراح مسك ايد ملاك وكان يلعب بأصابعها ...لكن الصمت اهو الغه الي عمت المكان وبعد فتره من الصمت جراح حط اصابعه بين شعر ليال
جراح بهس:لا تقصينه انا احبه طويل
ليال من حط جراح اصابعه بشعرها وهيا تحس بكهربا بكل جسمها حست انها انشلت حتى الكلام ماقدرت تتكلم ....جسمها بدا يرجف وخصوصا لمن اخذ جراح خصله من شعرها وبدا يشم ريحتها ...ومن لاحظ رجفتها
جراح بهس:لي هالدرجه قربي منج يخوف
ليال كانت ترجف ويدوب تاخذ نفس
جراح وخر ايده من ايد ملاك وحاول يمسك ادها لكنها وخرتها بسرعه ...ضل يلعب بشعرها ويشم ريحته
ليال بصوت يدوب يطلع:شيل ايدك
جراح :شعرج حلو
ليال بحزم:جراح شيلا يدك
جراح يقرب من اذنها :قولي جروحي من زمان مو سامعها منج
بالهل وقت دخلت غرور وشافت جراح لازق بليال وين ينونها :جراح شقاعد تسوي
ليال بصوت واطي :امبييه ماما عوده طاحت عليك
جراح ضحك على تعليقها للعلم انه ما يرضى اي احد يقط على غرور اي كلمه
غرور بعصبيه:جراح قاعده اكلمك
جراح يلتفت عليها وبنفسيه:نعم
غرور: نعم الله عليك ممكن اعرف شنو الي قاعد يصير بينكم
جراح:بالله واحد ويا زوجته وبنته قاعدين مع بعض شنو يسون ...يبوقون لا يرقصون
غرور بعصبيه:شكو قاعد عندها فهمني ليش قاعد معاها
ليال بقلبها (هذي فرصتي عشان احرق قلبها خل تحس بالحرقه الي بقلبي) قربت من اذا جراح وبهمس: ماما عوده معصبه عليك لا تروح عندها ترى تاكلك
غرور بصراخ:يا حماره وخري عنه هذا ريلي
ليال :نعم ريلج حبيبتي هذا ريلي قبل مايكون ريلج ولا تنسين انج انتي الي خذيتيه مني مو انا الي اخذتج
غرور:جراح باعج بالرخيص ولاتضنين ولو واحد بالاميه انه ميت فيج اهو بس خايف على بنته ولا انتي شي وانتها
ليال تضايقت وايد لان الكلام يا على الجرح لكن ماحبت تبين ضعفها جدام غرور:حبيبتي ما الحب الا للحبيب الاولي
غرور:على شنو يحبج انتي اقصاج وحده من الشارع
جراح بصرخه:غرور ثمني كلامج دام النفس طيبه عليج
غرور:تصرخ علي عشانها
جراح: واكسر راسج بعد انتي حتى ما حترمتيني قاعده تغلطين وانا ساكت
غرور بعصبيه:تصرخ على عشان وحده يايمه من الشارع
ليال بعصبيه:انتي يايه من الشارع لا اهل ولا عمات عين حبيبتي شوفي انتي شلون تزوجتو انا شلون ...انا خطبني من ابوي لكن انتي شلون خذاج... والحمدالله اهلي ربوني احسن تربيه كنت بيت ابوي وناس تخطبني مو اركض ورا الريايل عشان اتزوج
خالد نزل على صراخ الي شال البيت...ومن شاف جراح قاعد عند ليال عرف انه غرور متضايقه من وجود جراح قرب ليال
خالد:ليش الصراخ شلي صاير
غرور:تعال تعال شوف المهزله الي صايره الاخ لازق فيها شوي ويقع بحضنها
جراح بصراخ هز البيت هز:غرور ذلفي فوق احسن لج
غرور:جراح انا غرور تكلمني جذي عشان هذي
ليال بصوت واطي :والكوبه
جراح ضحك على تعليقها العفوي
غرور بعصبيه اكثر:ليش تضحك شقالت لك اكيد عيبت صح اكيد قالت شي عني
ليال تقاطعها :ليش ماعندج ثقه بنفسج
غرور:انتي انطمي يابنت الشوارع
ماحست الا ابأيد تنزل على خدها بكل قوه ...كانت هذي الايد اهيا ايد خالد
خالد بعصبيه:اذا سمعت هالكلمه مره ثانيه البيت يتعذرج والله جدامي فوق ما اشوفج تحت يالله
غرور كانت ايها على خدها وعينها على جراح الي كان لاف ويها ويشوف الدموع الي تيمعت بعيون ليال حس بضيق على الي صار ...غرور صعدت فوق ...اما ليال اول مره تحس انه بهالبيت في احد يدافع عنها غير هنادي والبنات ريال اذا قال كلمه ما تتثنى ...كانت محتاجه اتحس انه في احد يدافع عنها وعن كرامتها حست انه خالد اهو ضهرها من بعد اخوانها ...خالد قرب منها
خالد بحنان:ليال بابا مسحيها بوهي
ليال حاول كثر ماتقدر انها تحبس دموعها بعيونها قامن وباست راس عمها :ربي لايحرمني منك
خالد :ماعليه ليال اهيا منقهره عشان جذي قالت هالكلام لاتحطين ابالج خليها تولي
ليال وهيا خانقتها العبره:لاتحاتي انا ماشلتها من ارضها
خالد يحاول يغير الموضوع:شنوا لقعده مع جراح نستج لينا الي يايه
ليال نزلت راسها وهيا منحرجه
خالد:قولي حق لينا تخلص بسرعه عشان نطلع نتعشى بره
ليال ببتسامه:انشالله
خالد :انا بالمكتب اذا خلصتو عطوني خبر....وراح المكتب
جراح راح صوبها وهمس بذنها:ما الحب الا للحبيب الاولي وبس
ليال رفعت راسها وبضيقق لكنها ماعلقت على كلامه
جراح :عطيني ملوكتي وانتي روحي ...عشان تخلصين بسرعه ابوي مايحب ينطر وايد
جراح وهو يشيل ملاك مسك ايد وعينه تلاقت بعينها ...ليال اسحبت ايدها ووخرت عنهم
ملاك من خذاها جراح بجت وتصارخ ماتبيه تبي ليال

بعد 3 ساعات
عند البنات بعد ماخلصو لبس
كادي:ليال خلصت ولا بعد
اريام:ما اتوقع ...لو خلصت تلاقينها بينا
كادي:على قولت جالا جراح بي معانه
اريام:مادري دقي عليه وسأليه
كادي خذت تليفونها وقبل مادق انطق باب الغرفه:تفضل
دخل جراح ومعاه ملاك
اريام:ماشالله عمرك طويل تونه بسيرتك
جراح:هذا وانا اخوكم 24 ساعه تحشون فيني
كادي:لا ماتحش بس كنت اسأل اريام اذا بتي معانه ولا لاء
جراح:اكيد بي الطالعه عائليه
اريام التفتت وبسرعه قالت:جراح حبيبي ولا عليك امر غرور مانبيها تي ...وانت قلت طلعه عائليه يعني انا وامي وابوي وخواتي واخواني وحبيبت قلبي ليال وبس
جراح وهو متنرفز:بلا هذره زايده مسكو ملاك خل اروح ابدل
كادي:عطني ملاك وانت روح بدل
جراح طلع بعد ماخلا ملاك مع البنات وبعدها بفتره بسيطه ادخلت ليال
ليال:شرايكم
كادي:واااو اتيننين
اريام :ليول ماقصيتي وايد
ليال:حرام عليج كل هذا مو وايد
اريام:اي مو وايد لي نص الظهر يعني ليلحين طويل
كادي:بس حلو
ليال:اممم يعني اروح اقصه بعد
اريام:مو وقتج خليها باجر الحين روحي لبسي بسرعه
ليال:الا منو بي معانه
اريام:انا وانتي وكدوي وامي وابوي و رتاج
ليال :بس
كادي:اي بس
اريام:منو تبين اي مثلا
ليال:وجنى ليش ماقلتو لها
كادي وهيا تبتسم:اكيد قصدج جنى ...على العموم جنى بيت عمي وقالت مالها خلق تطلع
ليال:اها ...اوكي خل ابدل ...ريوم حبيبتي انتي بدلي ملوكه
اريام:اوووف ليول ستين الف خدامه بالبيت خل اي وحده تبدلها
ليال:انتي تدرين انه ملاك ماتحب الخدم يقربون منها...بدليها عشان لانتأخر
كادي:روحي انتي انا ابدلها
ليال:اوكي شكرا
اريام:ليول
ليال:هلا
اريام:شنو بتلبسين
ليال:مادري بشوف
اريام:اممم ...انزين ممكن انقي لج البدله
ليال بضحك:لا طبعا ماني بيبي اعرف البس
اريام :قلت ادب هذا وانا اطلب منج بكل ادب تردين علي جذي
ليال:هههههه بروح البس عشان ما اتأخر .....كدوي بره برد وايد لبسي ملوكه شي عدل
كادي:اوكي روحي خلصي بسج قرقه
ليال:اوكي ...طلعت ليال من الغرفه وراحت غرفتها

بجناح جراح
جراح كان واقف قبال المنظره يعدل نسفته وغرور قاعده على الفراش وهيا ميته من القهر
غرور:وين بتروح
جراح مارد عليها
غرور وهيا متنرفزه:جراح قاعده اكلمك رد علي ولاتحقرني
جراح بنفسيه:خير
غرور:وين بتروح
جراح:وانا من متى اقولج وين بروح ولا من وين ياي
غرور بعصبيه:جراح لوسمحت تكلم معاي بكل ادب وحترام انا ماني ياهل عندك
جراح لف ويها وبعصبيه :هي انتي تكلمي عدل انا ماني موضف عندج ...عدلي اسلوبج بالاول وبعدين تعالي كلميني
غرور:شفيه اسلوبي ...الحين مو عاجبك
جراح:بالله عليج هذا اسلوب وحده تكلم فيه ريلها
غرور:من القهر الي بداخلي
جراح:اي قهر انتي الثانيه انتي بروحج اتيبين المشاكل وصايره حنانه بشكل مو طبيعي
غرور:اكيد اذا بشوفك قاعد مع ست الحسن شنو تبيني اسوي استانس لكم على فكره انا مره والمره طبعها غيوره وما ارضى احد يقرب من ريلي
جراح:لاتنسين انها زوجتي قبلج
غرور :بس انت فضلتني عليها ولو كنت تبيها جان ماتزوجت صح ولا لاء
بهالوقت رن تليفون جراح
جراح:هلا يبا
خالد:ها جراح خالص ولا بعد
جراح:اي خالص الحين انزل
خالد:انزين انا بمشي الحين ومعاي امك وخواتك ليال بالبيت بعدها ماخلصت
جراح ببتسامه:ماشي يبا تم
خالد:اي بس مو طولون
جراح: يالله ياي الحين ماراح اطول ان شالله
خالد:ماشي ...يالله مع السلامه
جراح:حياك ...سكر التليفون واخذ مفتاحه وتعطر
غرور:بتطلع مع عمي
جراح بنفسيه:اي ...في شي بعد
غرور:جراح بسألك سوال وابك اتجابوني بصراحه وبغلات ملاك عندك
جراح وهو متنرفز:اللهم طولج ياروح ...خلصي شتبين
غرور:انت تحبتي ولا تحبها
جراح :غرور سوالف المراهقين بطليها ...انا ماشي طولت على ابوي
جراح ترك غرور وهيا متنرفزه على الاخر
غرور:هين ياجراح والله بتشوف شي عمرك ماشفته ما اطلع غرور اذا ماخليتك اتبوس ريلي وتترك اهلك عشاني

جراح راح القسم الثاني من البيت وقعد بالصاله ومعاه ملاك ينطر ليال تنزل
جراح:ملوكه منو حلوه
ملاك:ماما لولي
جراح يبتسم:ملاكي بعد حلوه
ملاك:ابي ماما لولي
جراح:ماما ليال قاعده تلبس بس تخلص تنزل تحت
ملاك:دين (انزين)
جراح يلعب بشعر ملاك ويسولف معاها سمع صوت خطوات ليال وهيا نازله من السلم رفع راسه وشافها ابتسم على شكلها ولبسها ومكياجها كانت مثل مايحب جراح واكثر ...اما ليال تغيرت ملامح ويها من شافت جراح قاعد
ليال:وين البنات
جراح:راحو
ليال بصدمه:نعم
جراح:اذا خالصه يالله خل نمشي عشان لانتأخر عليهم
ليال بقلبها(سوها فيني والله اعلمهم)
جراح :خالصه ولا بعد
ليال :اي خالصه
اطلعو من البيت وركبت السياره وحطت ملاك بحظنها
جراح:ليش حاطتها بحظنج خليها ورا احسن لها
ليال :ماتعرف تقعد بدون كارسيت
جراح:ووين كارسيتها
ليال:مايحتاج خلها عندي
جراح:اوكي ...ومشى
طول الطريج ليال كانت تلعب مع ملاك وكاشته ب جراح ...امها جراح كان كل شوي يلتفت عليها ويبتسم من يشوفها ...كان يحس بشي فقده من زمان يحس انه قاعد بين اسرته الصغيره البنت والام وهو الاب وهذا الاحساس الي كان فاقده من فتره طويله رغم انه ملاك معاه بالبيت وطول ما اهو بالبيت يحاول يتقرب منها ويعوضها عن الايام الي فاتت
جراح:الصبغه مغيرتج
ليال لاتعليق
جراح:حتى القصه محليتج وايد
ليال بنفسيه:طول عمري حلوه
جراح وهو يبتسم:اكيد حلوه لو ماكنتي حلوه وماليه عيني جان ماخذيتج
ليال بقلبها(ماتعرف اتجذب لو كنت ماليه عينك جان ماتزوجت علي )
جراح:ليش ساكته
ليال:مشكور على المجامله
جراح بستغراب:مجامله...انا ما احب المجاملات وانتي تدرين فيني
ليال ببتسامه وستهزاء:سوري بس انا ما عشت معاك غير فتره بصيطه يعني ماعرفك عدل ...وماقدر اقيم كلامك اذا كان مجامله ولا لاء
جراح :تغيرتي وايد يا ليال ...وين ليولتي الدلوعه وين ليولتي الي البتسامه ماتفارقها وين ليولتي الي تحب القعده معاي وماودها تفارقني
ليال بحزن :ماتت...اي ليال الي تتكلم عنها ماتت من سافر ريها وختفا ماتت من سمعت انه مفقود ماتت من زمان
جراح:بعد عمر طويل ليش تقولين جذي
ليال لفت ويها عنه كانت تحاول تبعد نظراتها عنه عشان لايشوف الدموع الي تيمعت بعيونهاا عشان لايشوف ضعفها وجرحها الي سببه لها
جراح حس انها تضايقت وماحب يتكلم اكثر عشان لايخرب الطلعه ...عم السكوت بينهم لين وصلو المطعم


بالمطعم
كادي تساسر اريام:امبيه اكيد صاير بينهم شي شوفي ليول ويها معفوس
اريام:الله يهديهم ان شاء الله
ليال:السلام
الكل:وعليكم السلام
خالد:الله شهالزين اش هل حلات صكيتي على بناتي
اريام:نعم نعم ...منو يصك علي والله ماتوصل
خالد:انتي حلو بس ليال احلى وكلمت الحق تنقال
ليال:مشكور عمي عيونك الحلوه
ليال اقعدت عند اريام وهنادي قبالها اما جراح قعد عند هنادي وقبال اريام
اريام بهمش:شفيج
ليال التفتت عليها وماعلقت على كلامها
اريام على نفس النبره:ليول والله ابوي اهو الي
ليال تقاطعها :ريوم مو وقتج
اريام :على راحتج
جراح :رتوج وينها
خالد:بطريج
جراح:مشاري معاها
خالد:لا مشاري مسافر اليوم الصبح
جراح:وطلال
خالد:يقول عنده شغل مهم ومايقدر ايه
بهاللحظه اوصلت رتاج
رتاج:مساء الخيير
الكل :مساء النور
رتاج سلمت على امها وابوها وقعدت عند جراح قبال كادي
رتاج:مسوين نيولوك ليش ماقلتولي
اريام:محد قالج لاتين عندنا
كادي:اي والله تصدقين نسيت انه عندي اخت
رتاج بعصبيه:لا والله
جراح:ماعليج منهم اصلا اهما مايستغنون عنج
رتاج:ادري فيهم مايحتاج تقول
طلبوا لعشا وبدو يتعشون وجراح طول الوقت عينه على ليال وهيا تسولف وتضحك
جراح بقلبه(وتقول ليال ماتت هذي ليال الي اعرفها ليال الي سحرتني بجمالها ودلالها وبرائتها ..لازم ترجع لي لازم تنسى كل شي لازم تسامحني )
هنادي:اي قبل ما انسى باجر عازمه رفيجاتي ولازم تكونون موجودين
رتاج:انشالله
هنادي:جراح مابي غرور تكون موجوده اطلع معاها اطردها اي شي بس الامهم مابيها بالبيت
جراح:ليش
هنادي:ليش تبيني اقول لهم انها زوجتك عشان يقولون ولدها استخف ماخذ وحده بعمر يدتي ...وبعدين ليال موجوده وابي اتباها فيها جدامهم مابي تصير مقارنه بينهم ...الان بصراحه مافي اي وجه مقارنه
جراح:ان شاء الله يما
هنادي:من العصر تطلع من البيت ...ولا اقولك سفرها وفكنا منها
اريام:ههههههههههه ...ماما شنو يسفرها خدامه اهيا
هنادي:كيفه خل يتصرف معاها المهم ماتكون موجوده
جراح:ماطلبتي شي يالغاليه ...وليال تكفي وتوفي
رتاج تساسره:اهيا من زمان تكفي وتوفي
جراح ماعلق اكتفى ببتسامه
كادي:دام جذي خل لينا اتي باجر بعد
اريام:شنو بتلبسون
خالد:بيييه من الحين تفكرون شتسون
كادي:اي بابا لازم نقرر من الحين لان اذا ما قررنا لازم انروح الصبح السوق
اريام:والله فكره يبيله روحه لسوق باجر الصبح
كادي:ها ليول شقلتي باجر انروح
ليال:لا وين باجر بروح الكليه مايمديني
اريام:وااي ليول سحبي عليهم يوم
ليال:مابقى شي على الفاينل ولازم احظر
رتاج:ماعندج فراغ
ليال:عندي ساعتين
رتاج:ساعتين حلوين
ليال:مع هذيل يبيلج اقل شي اربع ساعات
اريام:انا ذوقي صعب ومايعجبني اي شي
ليال:وانتي الصاجه تفترين السوق محل محل وتالي تختارين لج بدله
خالد:الا موملاحظين شي غريب
الكل:شنو
خالد:ملاك طول الوقت ساكته ومالها حس
اريام:اي بابا احنه معطينها دروس ماتبطل حلجها وحنه بره البيت
جراح:ياسلام لاعبين بحسبت بنتي المسكينه...يلتفت على ملاك...تكلمي بابا طلعي كل الي بقلبج يابعد قلبي
هنادي:صج انتو شمسوين فيها مخرعينها بشي
ليال:لا يما ماعليج منهم بس احنه عودناها اذا طلعت تقعد هاديه
اريام:اي يعني مالنا خلق حنت ياهال على راسنا ..نبي نستانس وانتو عارفين انه مدام ليال ماتطلع بدونها
خالد:والله منو هينين شكلكم ذابحين البنت وقاعدين
كادي:بابا لاتتبلا علينا بس احنه معلمينها انه بالاماكن العامه ماتصارخ وتسولف وايد
هنادي تشوف ملاك وتضحك:هذي منصجها ساكته ....الله يغربل ابليسكم كل هذا عشان طلعتكم لاتخترب
ليال:لا يغركم السانها بالبيت من تطلع السانها يختفي ...وتقرص خدها...واي فديتها ..وتبوسها
اريام:ملوكه تخاف تقعد بروحها لازم وحده فينا معاها وخصوصا ليال من تشوفها ترتاح
هنادي:انا لاحظت عليها من فتره بس قلت يمكن تبي تلعب معاكم
كادي:لا يما اهي من زمان جذي من وهيا صغيرها ..ماشفتيها امرضت من ليال ابتعدت عنها ...ملوكه خوافه وايد
ليال كانت تلعب بشعر ملاك وهيا سرحانه بكلامهم
اريام:عشان جذي اتفقنا كل اسبوع انطلعها عشان تتعود على الناس ولاتصير وحشيه
ليال وهيا تلعب بشعر ملاك :يمكن خايفه من الوحده يمكن خايفه الكل يتخلا عنها ...اذا اقرب انسان لها تخلى عنها شلون الغريب ....ليال شالت ملاك وحطتها بحضنها لمتها حيل وقامت اتبوسها وتقول بهمس(مستحيل اتخلى عنج)...ارفعت راسها وطاحت عينها بعين جراح الي كان مصدوم ومتضايق وايد من الكلام الي سمعه عن بنته
خالد:هذي ياهل وماتفهم انه امها تخلت عنها
هنادي:منو قالك الياهل مايحس ...الياهل يعرف امه اول ماينولد من صوت خطواتها ومن دقات قلبها
خالد:اي بس اهيا كبرت عند ليال وماتعرف ام غيرها واهيا احن عليها من مريم
كادي:بابا صح كلامك ليول ماقصرت معاها يمكن اهيا طبعها جذي موشرط كل اليهال نفس الطبع
رتاج:صح في ياهال ما يتأقلمون مع الناس الغرب بسهوله
جراح بضيق:والحل بنتي بتضل جذي طول العمر
ليال:لا ان شاء الله مع الايام بتكبر وتفهم اكثر وتتأقلم على الوضع
كادي:اي والله ويمكن تصير مثل عمتها تحب الهياته
جراح خوف:واذا ماتغيرت وضلت على طبعها
خالد يقاطعه:مافي شي يضل على حاله وانا ابوك كل شي يتغير وبعدين اهيا توها صغيره واغلب اليهال جذي
هنادي:ابوك معاه حق لاتحاتي
بشقة طلال
طلال منسدح بالفراش ويمه حنان
طلال:حنون منتي راده بيتكم
حنان :لا بنام هني اليوم
طلال:واهلج
حنان:قلت لهم بنام عند ارفيجتي
طلال:الي اعرفه انهم مايخلونج تنامين بره البيت
حنان :هذاك اول والاول تحول
طلال لاتعليق
حنان:طلولي
طلال:عيونه وقلبه
حنان بدلع:بترد البيت ولا تبات عندي
طلال:مايبيله كلام طبعا عندج
حنان:و زوجتك
طلال:بيت اهلها
حنان:زعلانه
طلال:لا بس زياره عاديه
حنان:اها دام جذي قول لها انك مسافر يومين وخلها عند اهلها
طلال:هم فكره
حنان:دام جذي سكر جهازك من الحين
طلال:لا خليها باجر يمكن ادق تبي شي
حنان :عيني ماتقدر تستغني عنها
طلال لاتعليق


فلاة خالد
جنى ماكانت ابيت اهلها مثل مايضن طلال ....اهيا فعلا راحت بيت اهلها لكن مسرع مارجعت حست بتأنيب الضمير الانها ضايقت طلال بالفتره هذي وخصوصا وهو مشغلو والسنه الماليه قربت عشان جذي قررت انها تسوي له مفاجأه بالبيت....حطت شموع بكل مكان بالجناح ونثرت الورد على الارض والطاولات ...وشرت كفر يديد حق غرفتها النوم وخذت له عطر مع قلم ...العطر لي رش منه يتذكرها والقلم لي كتب فيه هم تذكرها
جنى بعد ماخلصت دقت عليه
طلال بنفسه:هلا
جنى بدلع:حياتي وينك
طلال:مشغول شوي بغيتي شي
جنى:اي مشتاق تلك وايد متى تي
طلال بحزم:جنى انا مشغول ومو فاضي اذا عندج شي قوليه
جنى :خلاص روح خلص شغلك لاتجهد نفسك اذا حسيت بتعب ريح شوي
طلال:اوكي ....يالله باي ...وصكه قبل مايسمع ردها
جنى بعد ماسكرت التليفون ضلت اطالع المكان فتره تنهدت بضيق وقامت بدلت هدومها ونسدحت بالفراش

نهاية البارت