[وردة الزيزفون]

البارت 38

فلا خالد
بصاله
جراح كان قاعد بالصاله من اول ما وصلو البيت ..كان يفكر ب ملاك والكلام الي سمعه عنها كان متضايق ومهموم ...بنته الوحيده يصير فيها جذي ...وليش الخوف
افكار وايد كانت تطري على باله ...قرر انه ما يفارقها الا وقت الشغل بس يمكن الي قرب منها تتغير وتحس بالأمان ...قام وراح القسم الثاني من البيت

بالبيت الثاني البنات كانو توهم خالصين من التبديل ونازلين تحت
البنات استغربو من وجود جراح
كادي:جريح شفيك
جراح بضيق:وين ليال
اريام بستغراب:ليال فوق تبدل ملاك وتنزل
جراح راح عند السلم ونادا بصوت عالي :ليال ...ليال ....ليال
كادي:جريح حبيبي شفيك صاير شي
جراح بعصبيه:انتي الي شفيج ....واحد ينادي زوجته يبيها شنو الغريب بالموضوع
ليال من اسمعت جراح يناديها خافت ونزلت بسرعه وهيا شايله ملاك:نعم
جراح:عطيني ملاك
ليال :جراح شفيك
جراح:ابي بنتي حرام
ليال بدون ماتتكلم عطته ملاك ...الي بجت من خذاها جراح:ملوكتي انا بروح اسوي حليبه حق ملوكتي الحلوه انتي قعدي مع بابا
ملاك تهز راسها بنفي:ماما لولي
جراح لمها حيل وكان يبوس راسها :بس بابا بس حبيبتي لا تبجين
ليال :اصلا ملاكي حلوه وشاطره وتسمع كلام بابا صح....وباستها على خدها وراحت
اما ملاك ضلت تبجي وجراح يحاول يسكتها
جراح:ريوم هذي جنها ردت نفس قبل
اريام:لا ويين
جراح:عيل ليش ماتسكت
كادي:اهيا وقت نومتها ماتبي الا ليال
جراح يكلمها بكل حنيه:ملوكه حبيبتي بس بابا والله قطعتي قلبي لا تبجين البنات الحلوين مايبجون
ملاك:ابي ماما لولي
ليال اطلعت من المطبخ وبيدها حليبت ملاك :كاني ماما
جراح:عطيني الحليب انا اعطيها
ليال:ماراح تسكت خل تشرب بعدين اخذها ..ليال خذت ملاك من جراح وراحت اقعدت عند البنات وحطت ملاك على صدرها وايدها تحت راس ملاك ..وملاك ماسكه الحليبه وتشرب
كادي:ليال عفي هوديها فوق مالنا خلق تفلسفها علينا
ملاك طلعت الحليب من حلجها :اووش انا نامين
جراح على الضيقه الي فيه ماقدر يمسك نفسه:هههههههه
اريام:يالله خذ ...ام السان ماتعرف تسكت
ليال:بس سكتو خلوها تشرب على راحتها
كادي :ياسلاااام ...حبيبتي اخذ بنتج وصعدي فوق
ملاك ردت طلعت الحليب :اووووش
جراح اخذ الكوشيه وحذفها على كادي:سكتي خل بنتي تشرب
وعم الهدوء بالمكان
جراح راح قعد عند ليال وعينه على ملاك الي تشرب حليب والبنات ماصدقو خبر اريام وكادي بدو يطالعون بعض ويضحكون ومرات يغمزون حق ليال ...الي من تشوف حركاتهم تعفس ويها بويهم وهما يضحكون بعد فتره نامت ملاك على صدر ليال
ليال بصوت واطي:افراج
كادي:مابغت
اريام:اي والله افراج ..مره ثانيه نوميها فوق
جراح حط ايده على راس ملاك وهو يمسح عليها وهو يكلمها بصوت واطي :ملاكي بابا انا معاج وين ماكنتي ما راح اخليج لا تخافين من شي طول ما راسي يشم الهوا...لاتخافين بابا والله ماراح تضلين بروحج
ليال التفتت عليه وشافت الحزن بعيون حست بضيقه على زعله وخوفه... حست انه محتاج احد معاه وخصوصا انه جراح صارله جم يوم متضايق
ليال :جراح ملاك مافيها شي تطمن
اريام:جريح ليش مكبر الموضوع
جراح:اشلون ما تبيني اكبر الموضوع وانتو تقولون انها تخاف من الوحده وحتى وحنه بالمطعم ما كانت طبيعيه هذي بنتي اشلون ما اخاف عليها
كادي:جريح حبيبي ترى والله عادي اغلب اليهال جذي ..صدقني من تدخل الروضه كل شي يتغير
جراح:واذا ما تغيرت
ليال كانت تسمعهم وبقلبها(يابختج ياملاك عندج ابو يخاف عليج جذي ...اما انا ابوي ما عمره فكر فيني وهمه الوحيد كلام الناس )
ليال:تتغير مثل ما يتغير كل شي بالدنيا....خل اوديها فوق قبل ماتقعد
جراح :خليها انا اوديها
ليال :اوكي بس شوي شوي ...اول غرفه على ايدك اليمين
جراح خذا ملاك من ليال وصعد فوق
اريام:بستغراب:هذا من صجه ولا يتغشمره
كادي:انتي شفتي ويها عشان تقولين يتغشمر ...حرام عور قلبي
ليال:تصدقين حتى انا اول مره ادري انه عنده احساس ويحس مثلنا كسر خاطري
كادي:ليش قالولج قلبه صخر مايحس ...ليول ساعات تقطين حجي مادري شلون صاير
ليال:وهذا الصج اخوج طول عمره منفس ورافع خشمه وكله معصب على شنو مادري
كادي وهيا متنرفزه :الحين جراح كله منفس ورافع خشمه
اريام تقاطعها: بس عاد شنو ماكو سيره بهالبيت الا جراح ماعندنا شي ثاني نتناقش فيه
كادي:علمي مرت اخوج الي ما تثمن كلامها
ليال بعصبيه :ليش كلمة الحق صارت اتزعل ولا لان جراح اخوكم ما ترضون عليه ...طبيعي انا بنت الناس وين بتحسون فيني
اريام:ليال خلاص
ليال عصبت وقامت اصعدت فوق
اريام:انتي شفيج عليها
كادي:مافيني شي بس مصختها لي متى تغلط على اخونا واحنه ساكتين
اريام:لاتلومينها من الحره الي فيها
كادي:لا والله ليش جراح شنو واذا على الزواج اهو لا اول ولا اخر واحد يتزوج على مرته
اريام:الشريجه تحر لو هي بالقبر حطي نفسج بمكانها وبعدين تكلمي ...عن اذنج وقامت

بغرفة ليال
جراح كان منسدح على فراش ليال وملاك يمه ...ليال ادخلت الغرفه ولمن شافته نايم انقهرت منه
ليال:ابي انام
جراح:ابي انام عند بنتي اليوم
ليال:وانا وين انام
جراح:الفراش كبير تعالي نامي
ليال بعصبيه:ياسلام
جراح:مو عاجبج روحي عند البنات نامي
ليال:اوووف ...ولفت عشان تطلع لكن وقفت على صوته
جراح:روحي يبيلي ملابس مومعقوله بنام بدشداشتي
ليال:نعم
جراح:اعتقد سمعتي الي قلته روحي يبيلي ملابس بسرعه
ليال:قول حق الخدم وخواتك انا مالي شغل
جراح رفع نسه شوي وشرار يطلع من عينه:لمن اقولج شي لاتراديدن فاهمه ومافي غيرج بروح ايبلي ملابس يالله اشوف جدامي روحي
ليال:واذا ماراح
جراح بعصبيه:ليال انتي تدرين فيني لي عصبت ما امسك نفسي قصري الشر وروحي
ليال:دق على ماما عوده تيب لك م واهيا زوجته
جراح بنبره حاده:ليال
ليال بخوف:انزين ...وطلعت من الغرفه وهيا تتحلطم ....اوووف ادري حركاته هذي كلها عشان يقهرني انا اعلمك
اريام :ليال شفيج وين رايحه
ليال كملت طريجها بدون ماترد عليها ...انزلت تحت وخذت تليفونها وطلعت للبيت الثاني ...ودقت على جنى لكن جنى كانت نايمه وماردت عليها

ليال:اوووف شسوي الحين ...لو يموت ويقطع نفسه قطعه قطعه ما اروح عند عقرب الرمل

عند جراح
جراح بقلبه(انا شلون خليتها تروح هذا وقته الحين يتهاوشون وتعال فجج وفوق هذا ماني ناقص غرور صايره حنانه صج لي قالو يامن شراله من حلاله عله وانا ماخذلي علتين مو وحده ...خل اروح اشوفهم قبل مايسون مصيبه )قام من الفراش ونزل تحت واول مافتح الباب شاف ليال بويها
ليال بيها ملابس:تفضل
جراح اخذ الملابس وما علق...ورد صعد فوق اما ليال ردت طلعت من البيت وراحت البيت الثاني ...راحت لي غرفتها القديمه عشان تنام فيها وقبل ماتنام طرشت مسج حق اريام (انا بنام بالبيت العود وجراح عند ملاك اذا قامت باليل ورحي لها) وصكرت جهازها ...لكن ماقدرت تصكر قلبها الي مشتعل بالنار ...نار ظلم وحقد ....ماقدرت تتمالك نفسها صارت تبجي وتشكي لليل همها و وحدها
تشتكي من ظلم الايام الي عمرها ماضحكت لها كل الي تحبهم اي اليوم الي يتخلون في عنها ...ضلت تبجي وتشاهق لين نامت

عند البنات
كادي ادخلت على اريام الغرفه :ريوم ليول طلعت من هني تهقين وين راحت
اريام بعصبيه:جهنم الحمره ...يعني وايد هامتج
كادي:انتي شفيج تكلمي عدل ...وبعدين ليشم اتهمني مو معناته اني دافعت عن جراح يعني ماتهمني احنه بحسبت خوات والنجره تصير بين الخوات عادي
اريام:كدوي بنام ممكن
كادي:شلون تنامين وليال وينها
اريام:والله مادري ورحي دوريها ولا اقولج لاتعبين نفسج دقي عليها احسن
كادي:دقيت كله مغلق
اريام:دام مغلق روحي نامي
كادي:انزين ليش جهازها مغلق
اريام بستهزاء:لي شفتيها باجر فتحي معاها محضر ...تصبحين على خير ...ونسدحت وغطت نفسها
طلعت كادي من الغرفه ورن تليفون اريام
اريام:هلا جراح
جراح :وين ليال
اريام:بغيت شي
جراح:ا يشلون على ملوكه اذا قامت بليل شسوي
اريام:دق علي وانا اي لها
جراح:اوكي ..تصبحين على خير
اريام:وانت من اهله


عند جراح
بعد ماصكه من اريام حط التليفون ورفع فسه شوي عشان يطفي ليت الابجوره شاف مذكرات ليال
جراح:مذكراتي بعنوان عهدي مع الايام ..(ضحك)..صج البنات سخيفات ...ونسدح ...(لكن الفضول بده يداهمه وقرر انه يقرى مذكراتها)...خل اشوف شنو كاتبه يمكن حاشف فيني ...بطل المذكرات من النص وبدا يقرا

عنوان الصفحه كان (اول لقاء)
اليوم كانت خطبتي على جراح وهو اول لقاء بينه سمعت عنه وايد لكن من اول ماقعدت وفواز طلع حسيت الدنيا ادور فيني من ريحت عطره الي كفخت راسي
عطره كان عجييب بس مادري شنو اهو بدا جراح يكلمني وانا اسمع واجاوب على قد السوال وعيني كانت على جوتيه صراحه اول مره اشوف جوتي يلمع جذي صج ولد فلوس خخخخ
جراح ابتسم على تعليقها وقلب جم صفحه
عنوان الصفحه( حياتي غير )
اليوم جراح كان عندي وكان يحن علي عشان اروح بيتهم وانا رفضت الصراحه مابي اروح وناقصني شي انا لي الحين ما جهزت شي وهو يبيني بسبوع اخلص كل شي الله يقدرني واخلص بالوقت الي عطاني ياه جراح ما ابيه يزعل او يتضايق مني مايهون علي زعله واااي حبيبي ربي لايحرمني منه اعشقه بشكل جنوني
اعشق ابتسامته طوله سماره عيونه الناعسه الي من اشوفها احس انه مسويلي سحر هذا كوم واسلوبه معاي كوم ثاني بعد عمري طيب وحنون ومايرضى علي واستانس لمن اناديه ويرد على يعيون وقلب ونبض جراح فديت عيونك يابعد عيني صج ماجذب عبدالكريم عبدالقادر لمن قال حبك سرى بدمي ونساني كل همي وخلا حياتي غيير
احبك يا أغلى من روحي
جراح ابتسم ابتسامه عريضه وهو يقرى ويتذكر الايام الي فاتت ...وبدا يقلب الصفحات كان يدور على شي معيه ولقاه

عنوان الصفحه(ليلة عمر )
يسمونها ليلة عمر بس بنسبه لي كانت ليلة شأم بهاليله تذكرت اشياء ما احب اتذكرها وماقدرت اطردها من بالي كنت خايفه من الفشل للمره الثانيه كنت خايفه وايد مادري ليش بهاليوم بذات كنت اشوف جراح على هيأت يعقوب يوم عرسنا كان منظر مخيف وبشع انا وجنس ثالث معاي بغرفه وحده منظر مرعب ادري انه جراح يختلف وايد عن يعقوب وبكل شي وماكو اي مقارنه بينهم بس انا مادري ليش انتابني هذا الشعور يمكن هذا شعرو طبيعي او يمكن انا بالغت بالخوف الان جراح تضايق وعصب علي وهذي اول مره جراح يزعل مني وان شاء الله الاخيره


جراح تنهد بضيق:وين الكتاب هذا عني ليش ماطاح بيدي من قبل جان ماصار كل هذا ...وبدا يقلب بالصفحات لين طاحت عينه على عنوان صدمه

عنوان الصفحه(خيانتي لي جراح)
اي خيانه انا خنت جراح لمن ماحافضت على وعدي له ماحافضت على الامانه ما حافظت على ملاك آآآخ ياملاك والله مو بيدي الي صار غصبا عني مريم مادري من وين اطلعت لي ومادري شلون قدرت تاخذها مني اذا رجع جراح ومالقى بنته شنو اقوله شلون ابررله الي صار ان شالله طلال وعمي ايبونها لي الله العالم بحالها الحين مادري شنو قاعده تسوي مريم مو ام مريم وحش على هيأت بشر اهيا ويعقوب نفس اطينه حسبي يالله ونعم الوكيل فيهم
يارب ترجع لي ملاك سلامه يارب

جراح قلب الصفحه وكان يمشي بالصفحات بسرعه يبي يعرف اكثر عن شعورها الحين اتجاها
عنوان الصفحه(راح حبيبي)
ماني قادره اتخيل حياتي بدون حبيبي ماني قادره اتخيل انه انتها من حياتي ليش الزمن كله ضدي ليش من حسيت بالسعاده مع جراح يضيع كل شي بلحظه كلهم يقولون جراح مات جراح صارله سنه مختفي لكن انا ادري انه بيرجع لي حبيبي الاني عارفه انه يحبني ويحب ملوكه ولازم يرجع انا ولاك مانقدر نعيش من غيره
ودي اصرخ بأعلى صوتي واقول يبولي حبيبي يبولي قلبي الي غاب عني يبولي من اسمي مرتبط بسمه ابي حبيبي ابي نظر عيني ابي سندي بالدنيا ابي جروحي حبيب قلبي متى يرجع ويملي البيت علي ماني قادره انام اليل وخصوصا اليوم لمن عمي قالي رفعي قضية طلاق وتزوجي وعيشي حياتج
اي حيات هذي ياعمي وجراح مو فيها اي حيات هذي وملاك بعيده عني اي حيات هذي وانت تبي اسمي يرتبط بأسم شخص ثاني غير حبيبي وحتى اذا صار هالشي معنه مستحيل شلون اعيش مع شخص وقلبي مع غيره قلبي ملكه جراح ومستحيل اي شخص يشوف او ياخذ مكانه قلبي ملك لجراح وبس

جراح كل ماكان يقرى صفحه يتضايق اكثر لان بدا يعرف شغلات عن ليال اهو ما يعرفها او يتجاهلها وهو يقلب بصفحات وقف عند صفحه

عنوان(كارثة حياتي)
الي صار ما يخطر لا على البال ولا على الخاطر جراح رجع لكن رجع مع زوجته الثانيه جراح الي كنت ذابحه نفسي عليه وما انام اليل عشانه جراح الي خدي تحفر من كثر البجي على فراقه رجع ومعاه زوجته الثانيه باعني اي باعني بكل سهول عشانها ليش وشنو السبب ماني عارفه بس ان شالله مايتهنى لحظه معاها وعسى حوبتي ماتتعداه

جراح :حريم مسرع ما يقلبون

عنوان الصفحه (مراهق بالاربعين)
كل ما اشوف غرور اتذكر مسرحية مراهق بالخمسين نفس الشي بس الادوار تختلف وياشين السرج على البقر عيووز ريل بدنيا وريل بالقبر وتتدلع جنها بنت العشر سنوات مادري على شنو من جمالها ولا من دلالها ولا الي يقهر سي السيد الحاج متولي جراح مايرضى عليها مادري يمكن يخاف منها او يحبها نساني
اكيد نساني لو مانساني جان ماتزوج انا عايشه معاه الحين بس عشان اربيله بنته
لا اكثر ولا اقل ويمكن من تكبر شوي يطلقني عادي جراح لازم اتوقع منه كل شي والله حاله انا اجابل ملوكه وهو يدلع العيوز شي يقهر مادري على شنو ابي شي واحد سنع فيها لا اسلوب لا منطق ونجريه وجيكره وعيوزه حتى جسمها كله شد وتفخ عشان تغطي عيوب الي بويها يعني انا اصغيره مادري تقص على منوا كيد في غيره المدمغ جراح اهو لو عنده نظر جان ماتزوج على بس اذا طلقني شلون اعيش بدون ملوكتي اهي كل دنيتي انا اول وحده قالت لي ماما معني مو امها بس هالكلمه عطتني احساس غريب ومابي اخسر هالاحساس الله يخليج لي ياملوكتي ولايحرمني منج اما عيوز النار وابوج انشالله اتشب بينهم نار ما تنطفي
جراح اكتفى بالي قراه وقرر يكمل بوقت ثاني سكر المذكرات وحطها بنفس المكان ونسدح يم ملاك وغمض عينه عشا ينام لكن ماقدر ينام اليوم اكتشف شغلات وايده كانت غايبه عن باله اليوم عرف احساس ليال شنو كان وشنو صار اليوم عرف وايد شغلات بقلب ليال ويمكن محد يعرف عنها شي رغم انه الكلمات الي قراها كانت بسيطه لكنها تعبر عن شغلات وايد وفتحت عين جراح على شغلات وايده



ثاني يوم الصبح
عند جراح
فتح عينه وشاف ملاك نايمه بحضنه بتسم وباسها وسحب ايده من تحت راسها شوي شوي عشان ماتقعد...غطاها عدل وقام راح البيت الثاني عشان يبدل دخل الجناح وشاف غرور توها قاعده من النوم
جراح:صباح الخير
غرور اتشوف جراح بستغراب :جراح من متى قاعد ومتى يت امس
جراح بستغراب:نعم
غرور:صارلي يومين انام وما احس متى تنام ومتى تقعد
جراح واقف يطالعها وهو منصدم وبقلبه(هذي تستعبط ولا شنو )
غرور وهيا رافعه حاجبها :جراح من وين لك هالملابس اول مره اشوفهم عليك
جراح :انتي شفيج خرفتي ولا شنو بضبط
غرور بعصبيه:جراح ثمن كلامك شنو خرفتي
جراح:غرور حسج ماترفعينه علي فاهمه ....حريم اخر زمن
غرور:جراح شفيك قاعده اسأل ابي اتطمن عليك حرام
جراح:الصراحه جواب مقنع (خذا فوطه )زهبي ملابسي مستعيل
غرور:انا بعد عندي شغل ومستعيله اخدم نفسك بنفسك
جراح بصرخه:غرور اطلع من الحمام القا ملابسي جاهزه (ودخل الحمام)

بعد ماخلص طلع وشاف غرور تتمكيج ...ومالقى ملابسه جاهزه
جراح:وين الملابس
غرور بدون ماتشوفه:بالكبت
جراح:نعم انا مو قلت لج زهبي ملابسي
غرور:قلت لك مستعيله
جراح:لا والله يعني عيزانه اطلعينهم من الكبت ولا بياخذ منج وقت بس انتي وين ومجابل ريلج وين انتي حتى مادرين اذا انا انام عندج ولا لاء
غرور لفت ويها بسرعه وقلبها شوي ويوقف:يعني ماكنت تنام هني
جراح مارد عليها طلع ملابسه وبدا يلبس
غرور:جراح وين كنت امس
جراح يبدل وهو مطنشها
غرور:انا اقول الملابس الي لابسهم اول مره اشوفهم عليك اكيد شاري تلك ومخليتهم عندها عشان لا اكشفك بس الله فضحك انت كنت عندها
جراح :ليش نايم عند رفيجتي وانا مادري ترى ليال زوجتي وحالها من حالج
غرور:هذا الي ناقص بعد تقارني فيها ...جراح انت كنت عندها ....رد لاتسكت
جراح :غرور ترى مالي خلق نجره من صباح الله خير فكيني من حنتج ...بدل بسرعه وخذا قترته وعقاله وطلع من الجناح

عند ليال
..افتحت عينها وتمقطت بنعومه ...لكن مسرع ماحست بدوخه وصداع
ليال:اووف يالله صباح خير صداع من الصبح ..استاهل في احد قالي ابجي على شي تافه ...(خذت تليفونها وفتحته وهلت المسجات والمس يو واغلبها من كادي شافت الساعه)...امبيه تأخرت يدوب الحق ...قامت بطلت الكبت وتذكرت انه اغلب ملابسها بالبيت الثاني خذت لها بنطلون اسود وقميص ابيض ودخلت الحمام غسلت وبدلت وسوت شعرها ارفعته كله ولمت سوته ذيل حصات اوقفت قبال المنظره وشافت شكلها ابتسمت ابتسامت حزن من شافت ويها الذبلان من كثر البجي تنهدت وقامت اطلعت من الغرفه انزلت تحت وشافت غرور وجراح وهنادي وجنى يتريقون اما خالد كان طالع مبجر وطلال مع حنان بالشقه

ليال :صباح الخير ...وباست راس هنادي
هنادي:صباح النور يما جنج متأخره اليوم
ليال:اي يما راحت على نومه
هنادي:نوم العوافي
ليال:الله يعافيج
جراح رفع راسه وشاف لبس ليال بنطرونها كان ضيج والقميص قصير :ان شاء الله بتطلعين جذي
ليال:لا بروح بلبس بالطو طويل
جراح:عبالي بعد
غرور :الحمدالله عمره ماعلق على لبسي الان لبسي محترم
ليال طنشتها وماردت
هنادي:لا وانتي الصاجه مايعلق على لبسج الانج كبيره ومافي احد يطالعج اما ليال صغيره وحلوه وتلفت الانظار
ليال :عن اذنج يما بروح اخذ اغراضي وراحت
جنى:صدقتي يما ليال صغيره وجراح من حقه يدقق بلبسها ويغار عليها
غرور:ترى انتو وايد ماخذين مقلب فيها
حنى:هههههههه قصدج العكس
غرور:الله العالم شنو نيتها من ورا هاللبس شوفي راسمه على منو
هنادي وهيا مقهوره:غرور ترى انا خطبت ليال من بيت ابوها مو مثلج ركضتي ورا جراح لين خذاج
جنى :صج لي قالو كل من يرى الناس بعين طبعه


عند ليال
دخلت غرفتها ولبست بالطو طويل لي فوق الركبه وحطت ميك اب خفيف عشات تخفي الورم الي بعينها وطلعت من الغرفه
اريام:صباحو ياعسل
ليال وهيا مالها خلق شي:صباح النور
اريام حست انها متضايقه :اممم تريقتي
ليال:لا
اريام:اوكي عيل نتريق مع بعض
ليال مشت بدون ماتعلق على كلام اريام ودخلو صالت بيت العود
اريام:صباح الخير
الكل :صباح النور
غرور:اي الحين زين لبسج مو توه
ليال:الحمدالله وشكر
غرور انقهرت منها وسكتت
جراح:غرور انا اليوم مسافر دبي بقعد يومين هناك انتي بتقعدين هني ولا بتردين بيتج
غروربستغراب:دبي شعندك
جراح:عندي جم شغله ولازم اخلصها
غرور:متى طيارتك
جراح:ليلحين ماحجرت بروح الشركه واحجز
غرور:اوكي عطني خبر اذا حجزت
جراح:بتروحين بيتج
غرور:اي بروح بيتي بشوف شو ناقصه وهم اغير جو
هنادي:لو تأجل بروح معاك
جراح :لا يما ماينفع لازم اليوم اروح
غرور:اي جراح اجل عشان اي معاك ...ليش مستعيل جذي
جراح:لا يبا بروح بروحي عندي شغل مو فاضي حق احد
ليال :يمكن بيب الثالثه عشان جذي مستعيل
غرور تلتفت على ليال:شقصدج
ليال:وهيا تبتسم:عادي الشرع حلل ليش تعصبين
غرور:حبيتي مو غرور الي تنحط شريجه على راسها فاهمه ...وقامت ..انا تأخرت تبي شي حبيبي
جراح:يما ناوليني الخبز الي عندي خلص
غرور عصبت ومشت
اريام:ههههههههههههههههه زين تسوي فيها ....وتقلدها تبي شي حبيبي ....هههههههه
هنادي:الا ماقلت لي شعندك ب دبي
جراح وهو يبتسم:انتي موقلتي عندج عشاء اليوم وماتبينها موجوده خلاص انا صرفتها لج
اريام:يعني ماتبي تسافر
جراح:لا
اريام:هههههههههههاي .....واي بطني هههههههههههه ودي اشوف ويها لمن تعرف انك مومسافر
هنادي:ريمو بسج ضحك
اريام وهيا تضحك:يما ما اقدر اسكت ههههههههه
ليال :الحمدالله ...وقامت ...يما تامرين على شي
هنادي:سلامتج يما ديري بالج على نفسج
ليال :انشالله ...باستها وراحت خذت كتبها
جراح:ليال انا اوصلج
ليال:مشكور مايحتاج
جراح:يما تبين شي
هنادي ببتسامه:سلامك درب السلامه يما
جراح :مع السلامه يالله ليال
ليال وجراح طلعو من البيت وهيا راحت صوب سيارتها
جراح:وين رايحه تعالي انا بوصلج
ليال:قلت لك مشكور اروح بروحي
جراح وهو متنرفز:بطلي سوالف اليهال وامشي جدامي
ليال:مابي ابي اروح بروحي ليش توصلني
جراح بصرخه خلت ليها ترجف بمكانها:ليال جدامي
راحت صوب سيارت وركبت ومشا جراح
جراح:لمن اقولج شي تنفذين على طول بدون نقاش فاهمه
ليال لاتعليق
جراح بعصبيه:فاهمه ولا لاء
ليال:فاهمه ...ولفت ويها

بعد فتره من الصمت
جراح:من وين يبتي الملابس
ليال:اي ملابس
جراح:الي يبتيهم لي امس
ليال:من غرفة ملاك
جراح:ملابس منو
ليال:ملابسك ...ولفت ويها صوب الشارع وهيا تتكلم....هذا اخر لبس كان عليك قبل ماتروح لندن بعد مافصخته خذيته وحطيته عندي ونسيت انه موجود بالكبت وامس تذكرت ويبته لك
جراح:بيييييه انتي حدج قديمه
ليال ابتسمت بحزن:قديمه بكل شي ...وسكتت
جراح حس انها تضايقت :لا بس شلون تتذكرين اخر لبس كنت لابسه شكلها ذاكرتج قويه
ليال لاتعليق لكنها تعلق على كلامه بقلبها(واتذكر كل تفاصيل الي صارت بهاليوم هذا اخر يوم لي معاك شلون ما اتذكر كل شي فيه) وسرحت ليال بذكرياتها ومانتبهت الا على صوت جراح
جراح :ليال...ليال وصلنا
ليال:هلا اي واكي ..مشكور
جراح وهو يضحك:نزلي بس خلصينا
نزلت ليال وستغربت لمن شافت جراح نازل معاها:شفيك نزلت
جراح:شنو شفيني نزلت بروح العن خير الاستاذ
ليال:اول ماراح يدخلونك ثانيا انا مو محتاجه احد يدافع عني
جراح يقاطعها بعصبيه:اقول امشي جدامي ولا تتفلسفين وايد
ليال:ما اتفلسف روح خلص شغلك منت ملزوم فيني
جراح سحب ايدها ومشى
ليال:آي آي عورتني شوي شوي
جراح:امشي وانتي ساكته
ليال:انزين هد ايدي
جراح طالعها بطرف عينه وهو معصب:ليش تخافين احد يشوف جمعاي
ليال:لا بس مو حلوه داشين جذي شبي قولون عني مو مصدقه ولا اخاف ياكلونك
جراح:امشي زين ...وسحبها ومشى وهو ماسك ايدها ...ابتسمي عشان رفيجاتج يحترون منج
ليال:على شنو يحترون
جراح:ريلج داش الكليه معاج
ليال :الي يسمعك يقول صج
جراح :غصبا عليج فاهمه ولمن اقولج شي لا تراددين
بهالوقت رن تليفون ليال :انزين برد على التليفون هد ايدي
جراح :مو ضروري تردين
ليال:اوووف
كملو طريجهم ودخلو الكليه
وهما يمشون مع بعض الكل كان يشوفهم ويتساسر ليال حست بالحراج ونزلت راسها
جراح ابتسم :ترى عادي ريلج
ليال لاتعليق
وهما يمشون ليال شافت القروب الي تقعد معاهم طبعا بنات وشافو رفيجتهم معاها واحد اللقافه لازم تشتغل كلهم راحو صوب ليال وجراح
هند:هاي ليول
ليال وهيا منحرجه:هاي
عذاري:صباح الخير
ليال:صباح النور
هند:ليول ليش تأخرتي ترى الاستاذ حسبج غياب
ليال:عادي مو اول مره ياما حظرت وكان يحطني غياب
جراح:ليول يالله عشان لا نتأخر
هند:شنو ماتبين اداومين
ليال وعينها على جراح:يمكن
هند:اها
جراح:وين الاداره
ليال بخوف:لا جراح انت روح انا ما ابي اي
جراح وهو رافع حاجبه:ليش
ليال:والله اخاف يهزئني
جراح بعصبيه:منو يهزئج ورويسج لخليه بيزه مايسوى
ليال:روح بروحك ما ب ياي اخاف
جراح:تخافين وانا معاج
ليال حست بنظرات رفيجاتها لها :اخاف يفصلوني
جراح وهو متنرفز منها:ليال امشي جدامي
ليال بدلع ذوب قلب جراح :جراااح ...روح بروحك ما احب ادخل الاداره
جراح :جدامي ...ورن تليفونه ...هلا طلال
طلال:جراح شفيك متأخر عندنا اجتماع بعد نص ساعه
جراح:اجل الاجتماع عندي شغله مهمه الحين
طلال:صار بس متى تبي
جراح:خلها العصر
طلال:ماشي ...يالله اخليك الحين
جراح:حياك..(ويلتفت على ليال)يالله
ليال:عن اذنكم بنات
هند وعذاري:اذنج معاج
جراح وليال دخلو الاداره وتوجهو لي مكتب العميد ...ادخلو المكتب وليال كانت تحس بخوف مو طبيعي كانت ضاغطه على ايد جراح بقوه بس من دخلو جراح وخر ايده عنها وسلم على العميد وعرفه بنفسه وقاله السالفه كلها والعميد طلب من ليال تتكلم وليال قالت كل شي صار معاها من اول الكورس العميد طلب الاستاذ وبعد فتره وصل الاستاذ الي من شاف جراح وليال انقلب ويها ...وجراح من شافه شبت نار الغيره هذا الي يتحرش بزوجته صار جدامه ...بدون اي مقدمات قام وعطاه طراق ووسفل فيه العميد حاول يهدي جراح وبعده عن الاستاذ لكن ماقدر يسكته كان يصارخ من قمت راسه شال المكان بصراخه والاستاذ ساكت وماقدر يدافع عن نفسه ...دخل اكثر من دكتور مكتب العميد وحاولو يهدون جراح ماقدرو ...لكنهم طلعو الاستاذ من المكتب ودخلوه مكتب ثاني العميد كلم جراح وعتذر منه وكتب قرار تحويله لي التحقيق ...اما ليال كانت مثهوله من الي يصير جدامها ...اول مره تشوف جراح بهالحال يصارخ بشكل جنوني وكل هذا عشانها جراح يدافع عنها الموقف هذا دخل الفرحه بقلبها لي من فتره طويله مادخل في اي شي يفرحها حست براحه مو طبيعيه ....طلعو من مكتب العميد وشافو البنات ملتمين عند الاداره
جراح مسك ايها ومشا جنه مو صايرشي ومن بتعدو شوي عن البنات
جراح:بل صج لقافة بنات كل هذيل ...اتوقع كل البنات الي بالكليه كانو موجودين
ولا شرايج
ليال ببتسامه:مادري....جراح عندي محاضره الحين
جراح:لا ماراح تحضرين اليوم
ليال بعد فترت صوت:اوكي ...وراحو السياره
ليال:جراح شنو بسون فيه
جراح:يحققون معاه ويسألون البنات واذا ثبت انه الشكوى صحيحه ينفصل على طول
ليال:واذا طلع منها
جراح ببتسامه:من صجج انتي ورويسج مايطب الكليه بعد اليوم ...ما اطلع جراح اذا ما وديته ورا الشمس ...شنو الدنيا فوضى اهو ياي يدرس مو يتحرش في بنات الناس ويضايقهم
بعد فترت صمت
ليال:مشكور وما تقصر ماتدري شكثر كنت متأذيه منه
جراح وهو يبتسم:لاتشكريني على شي انا ماسويت شي يستاهل الشكر ...انتي زوجتي وشايله اسمي وفوق هذا مجابله ملوكه وحاطتها بعيونج شبي اكثر من جذي
ليال خابت كل امالها والفرح تحول لي حزن من اسمعت كلامه وبقلها(يعنتي مو عشاني مو الانك تحبني بس الاني شايله اسمك بس الانك ماتبي شي يضر اسمك وفوق هذا تعترف انك ماتبي شي مني غير اني اجابل بنتك )قطع عليها صوت جراح
جراح:شفيج سكتي
ليال بضيق : ولا شي ..ولفت ويها عشان لا يشوف دموعها

بعد ماوصلو البيت
اريام كانت قاعده بالصاله مع كادي:ها رديتي
ليال:اي مالي خلق احظر
اريام:شنو صار
ليال :ماصار شي
اريام:اممم ...اوكي دام رديتي مبجر خل نروح السوق ماعندي شي البسه حق بليل
ليال:انتو روحو انا ما اقدر اروح
اريام:ليش
ليال:لوتنفضيني ما اطلع 100 فلس
اريام:اي شي ...ماعندج ولا فلس
ليال:لا
جراح من وراها :ليش وين فلوسج
ليال انقزت من سمعت صوته:بالبنك
جراح وهو رافع حاجه:وليش تقولين ماعندج
ليال:ما معاي شي وكرت البنك سحبته المكينه قبل يومين ومامداني اروح البنك
جراح بعصبيه:انتي لي متى جذي ليش ماتبطلين سوالف اليهال هذي ...ماتعرفين تتكلمين ولا السانج مربوط
ليال:اعرف اتكلم
جراح بصراخ:دام تعرفين تتكلمين ليش ماتين تقولين لي يعني لو ماسمعتج بالصدفه جان ما ادري ونفس الشي سالفت التبن الي يدرسج لو مو بالصدفه سامع ريم اتكلمج جان ماعرفت عن بلاويج شي
ليال بعصبيه:اي بلاوي وبعدين انا ماطلبت منك شي
جراح:جب ولا كلمه لمن اكلمج لاتراددين فاهمه ...اخر مره اقولج بطلي سوالف اليهال ...ومره ثانيه اذا صار معاج شي تعالي قولي لي مو تقولين حق البنات اعتقد انا ريلج مو البنات فاهمه ولا اعيد كلامي
ليال ماقدرت تتحمل اكثر نزلت راسها ودموعها خذت مجراها
جراح بصرخه:فاهمه
ليال بصوت مبحوح:فاهمه...ومشت وهيا مكسورت القلب والخاطر واصعدت فوق
اما جراح انصدم من سمع نبرت صوتها الي واضح عليها البجي كان معطيته ظهرها وماكان يشوف ملامح ويها
جراح:وهذي عسى ما الواحد قالها شي بجت
اريام بضيق:لا تلومها قلبها ماعاد يتحمل كافي عليها غرور ...وصعتد ورها

عند ليال
كانت لامه المخده الي كانت تفوح بعطر جراح ...كانت تحاول تقمت شهقاتاتها عشان لاتسمعها ملاك وتقعد من النوم ...كانت شهقات الم وعتاب شهقات عذاب السنين الي عاشتها شهقات الحب الي ضاع شهقات السعاده الي حست فيها لي ثواني وهيا معاه بالكليه ...حست انها مخنوقه مو قادره تتحمل اكثر من جذي وماكانت قادر تسكت ...لكن بعد فتره هدت شوي قامت وتوضت ولبست ثوب الصلات وبطلت القران وبدت تقرى وتبجي


باليل
الضيوف وصلو والبنات كلهم كانو بأستقبالهم ماعدا ليال الي دايما آخر وحده
هنادي:حيالله من يانا زارتنا البركه
ام فهد:ساعتج ابرك يا ام جراح ...شلونكم بنات ياحلوين
رتاج :بخير خالتي انتي شلونج
ام فهد:دام اشوف هالويوه الحلوه انا بخير
جنى :تسلمين خالتي عيونج الحلوه
ام ناصر :من زمان ماتيمعنا هاليمعه الحلوه
ام بدر:اي والله الواحده فينا يالله تجابل عيالها وشاكلهم وين فاضيه حق عمرها
هنادي:هذا حال الدنيا يا ام بدر والحمدالله على كل حال