[وردة الزيزفون]

البارت 39


ثاني يوم الصبح
قامت ليال على صوت الاذان ...صلت صلات الصبح وبعدها دخلت الحمام خذت لها شور وطلعت ...سوت شعرها استريت ورفعته من جنب واحد وحطة كلبسه ورده كبيره وراحت البست .....بعد ما خلصت خذت اغراضها وطلعت



بيت احمد
محمد يدخل الغرفه على آلاء:ها خلصتي
آلاء:اي خلصت
محمد:يالله مشينا
آلاء:ليال وصلت
محمد:ليول بطريج
آلاء:اوكي يالله

بعد ماوصلت ليال اركبت بسيارت محمد وتحركو
ليال:والحين قولي وين بنروح
محمد:اممم اول شي بنروح المختبر
آلاء:مختبر شنو
محمد:بسوي لكم تحاليل انتو الاثنين
ليال:انا ما احتاج تحاليل
آلاء:ولا انا
محمد:مو بكيفكم بتسون التحاليل غصبت عنكم كلها قزت ابره ليش اتفلسف
ليال:الحين منو الي يتفلسف احنه ولا انت
محمد:يعني لي حبيت اتطمن عليكم اصير اتفلسف
آلاء:حمود يبا ندري انك دكتور بس مو تجرب فينا
محمد:شكو اجرب فيكم انا بوديكم عند واحد من الربع يشتغل بمختبر تحاليل وابي تحاليل معينه وهو الي بسوي لكم التحليل مو انا
ليال:اها
آلاء:حمود شطاري تحاليل وعفسه ليش يعني
محمد:حرام اتطمن على خواتي
ليال :ببتسامه لا مو حرام

بالمختبر
قعدت ليال ويمها آلاء ...والي كان ياخذ العينه حق ليال كان رفيج محمد
وليد وهو يربط ايد ليال رن تليفونها
ليال خذت تليفونها بالايد الثانيه وردة:الوو
جراح:وينج
ليال:مع حمود
جراح:ادري وين بضبط
ليال:بالمختبر اسوي تحليل دم....(وليد غز الابره بأيد ليال)..آي
وليد: بطلي ايدج
جراح:منو هذا
وليد يكلم ليال:خلاص...واسف الاني عورتج
ليال:لا عادي
جراح بعصبيه:هي انتي قاعد اكلمج ليش تحقريني
ليال:معاك
جراح:منو هذا
ليال بعد ماقامت من عند وليد:يعني منو...اكيد الي سحب الدم مني
جراح:وليش ريال مافي مره تاخذ منج عينه
ليال:مادري
جراح:طبيعي ماتدرين اصلا انتي شتدرين عنه ....وانتي بروحج معاه
ليال:حمود معاي
جراح:اها ...انزين متى بترجعين
ليال:بليل
جراح:وين بتروحين
ليال:ما ادري
جراح بعصبيه:شنو انتي تمشين مثل الهبله كل شي ماتدرين عنه
ليال:يعني اشم ايدي اذا حمود ماقال وين بنروح شلون بعرف
جراح:ماشي بلغيني اول بأول عن مكانج فاهمه ...مو تقولين نسيت
ليال:ان شالله
جراح:يالله باي
ليال :باي ...وراحت عند محمد
محمد كان يكلم وليد:جذي خالصين
وليد وهو يضحك:والله ماعندنا غير تحاليل اذا تبي سونار انزل تحت
محمد ببتسامه:لا بس تحاليل ...متى تطلع النتيجه
وليد:يعني يبيلها نص ساعه
محمد:ماشي بينه تليفون ...يالله تامر على شي
وليد:سلامتك...سلم
محمد:يوصل فمان الله
وليد:حياك
وطلعو
بالسياره
آلاء:ما شاء الله أيده خفيفه ما حسيت بالابره
ليال:حرام عليج خرم ايدي وتقولين خفيفه
محمد:لا عاد وليد صج ايده خفيفه عشان جذي يبتكم عنده
ليال:المهم وين بروح الحين
محمد وهو يبتسم:توقع
ليال:بنتريق بره
آلاء:اي والله حدي يوعانه
محمد ببتسامه:اممم ...لا
آلاء:نعم شنو لا ..انا ميته من اليوع ابي اتريق
محمد:بتاكلين بس مو هني
ليال:عيل وين
محمد:بالطياره
ليال وآلاء/@@...طياره
محمد:بنروح دبي
ليال :جذاب
محمد:والله
آلاء بصراخ:ونااااساااا
ليال:حمود من صجك
محمد:اي من صجي بنروح الحين ونرد بليل
ليال:لا حمود ما تفقنا على جذي
محمد بستغراب:ليش
ليال: اخاف جراح يعصب
محمد:خل يولي زين انتي معاي مو بروحج واذا فيه خير خل يبطل حلجه بحرف
آلاء:ليول دقي عليه وقولي له
محمد:لا دقين ولا شي خليه يولي
ليال:اي بس اهو قالي بلغيني بكل تحركاتج
محمد:ههههههه حلوه ليش داشه حرب وانا مادري
آلاء:ليول انتي مو ناقصه دقي عليه وبلغيه ...انتي بتطلعين بره الديره على الاقل يكون عنده خبر انتي بروحج مو ناقصه
ليال:بدق بس اذا ما وافق
محمد بعصبيه:ياكل تبن بكيفه ما يوافق انتي قولي له انا مسافره مع حمود وطيارتي بعد ساعه وبرجع بليل انتهى الموضوع
ليال بتردد:اوكي ...وخذت تليفونها ودقت
جراح:هلا ليال
ليال بخوف:جراح ...امممم
جراح:خير
محمد كان يخز ليال يعني تكلمي ولاتخافين
ليال:بروح دبي الحين وبرجع بليل
جراح :نعم نعم شقلتي
ليال:بروح دبي مع حمود وآلاء وبرجع بليل
جراح:اها وبكيف منو ان شاء الله
ليال بخوف:حمود اقترح علينا وانا داقه اخذ رايك
محمد طق بسكان الان تنرفز منها وبهمس:ليول بذبحج
جراح:واذا قلت ماكو سفر
ليال سكتت فتره وبصوت مبحوح:اي ليش عاد
جراح:جذي مزاج ما ابيج تسافرين
ليال حاشها حباط وخنقتها العبره :جراح ابي اغير جو كلها يوم واحد
جراح :وانا قلت ماكو سفر تفهمين
ليال بصوت مبحوح : باي
جراح:وين وين
ليال:....
جراح:الووو ..ليال انتي معاي
ليال خلاص شوي وتبجي:اي
جراح:متى طيارتكم
تبدلت ملامح ليال من حزت لي فرح:مادري
جراح:هم قالت مادري ...سألي محمد متى طيارتكم
ليال: اوكي...حمود متى الطياره
محمد : الطياره بعد ساعتين بس انا لي الحين مو حاجز
آلاء:ياااسلام دام مو حاجز شلون تقول بنسافر
محمد:اي عادي نروح نحجز الحين شالمشكله يعني
ليال:الحين بنروح المطار وبيحجز
جراح:اها...وبتردون بليل ولا بتباتون
ليال:لا اكيد نرد الان ما معانه جناط ولا شي
جراح: اها...انزين بتحجزون على الكويتيه ولا الاماراتيه
ليال:حمود على اي طياره بنسافر
محمد:الاماراتيه
ليال:اماراتيه
جراح:اوكي خلاص ...بس اكيد ترجعين بليل
ليال ببتسامه:اكيدين
جراح:ديري بالج على نفسج
ليال:ان شاءالله ...وانت بعد حط بالك على ملاك
جراح اندقر :اوكي
ليال:باي
جراح:باي


بالمطار محمد حجز التذاكر والبنات كانو طايرين من الوناسه ..وخصوصا ليال من تزوجت يعقوب وهيا ماشافت يوم حلو ولا سافرت والسفره المفاجأه كانت شي مميز بالنسبه لها ...منه كسر روتين وهم تغير جو
ليال:امبييه مو مصدقه اني بسافر واااي وناسه
آلاء :حمود شلون خطرت الفكره الجهنميه هذي على بالك
محمد:تبون الصراحه هذي فكرت فواز وهو متكفل بتكاليف كل شي
ليال:الله لا يحرمني منكم
آلاء:اي والله... الله يخليكم لنا ذكر وتاج على روسنا يا احلى اخوان بالدنيا
محمد ببتسامه :ولا يحرمني منكم
آلاء:انا ابي اقعد عند الجامه
ليال:لا انا ابي اقعد عند الجامه
آلاء:انا الي حجزت قبل
ليال:انا اختج الكبيره ولازم تسمعين كلامي
محمد:ههههههههههه ...سكتو فشلتونا لحد يسمعكم
آلاء:حمود شوفها انا ابي اقعد ...انا قلت قبلها
ليال:ألوء ياسخيفه انا ابي استانس لاتخربين علي انا بروحه وانتي برده
آلاء:يا سلام وليش مو انتي الي برده انا ابي الحين مالي شغل
محمد:هههههههههه ....بس الله يغربل ابليسكم ...ههههههه
ليال مدت البوز:خلاص هونت مابي اسافر
محمد:هههههههههه
ليال بعصبيه:مافي شي يضحك
محمد:يبا انتو الاثنين بتقعدون عند الجامه بروحه وبرده ...انا حاجز مقعدين ورا بعض بس راح اقعد عن وحده فيكم بروحه والثانيه برده
ليال ببتسامه :والله خوش اخو
محمد وهو يغمز لها:افا عليج اضبطج


فلاة خالد
جراح بدل وخلص ونزل بسرعه...وكانت هنادي وخالد يتريقون
جراح:صباح الخير
هنادي وخالد:صباح النور
خالد:مبجر اليوم
جراح:اي عندي شغلو لي الراس لازم اخلصه...ويكلم هنادي...يما لا تحسبون حسابي لا على الغدا ولا على العشى راح ارجع متأخر قولي حق البنات يحطون بالهم على ملاك
هنادي:ان شالله ولا تحاتي ملاك ليال قايمه فيها
جراح:لا ليال طالعه مع اخوها وما راح ترجع الا بليل
هنادي:اوكي
جراح:تامرون على شي
خالد وهنادي:سلامتك


بالطياره
محمد قعد عند ليال وبالمقعد الي جدامه كانت قاعده آلاء ويمها وحده
ليال:حمود جد مو مصدقه
محمد ببتسامه:لا صدقي ...واذا عجبني الوضع كل شهر بنسوي جذي
ليال:والله يبيله كل شهر ...على الاقل نفتك من الغلقه
محمد بضيق:ليول شلون الاوضاع بينكم
ليال:قصدك جراح...عادي
محمد:شلون يعني
ليال تتنهد:حمود وغلاتي عندك لا تسألني واليوم بذات ابي انسى ادنيا بالي فيها ابي استانس لي متى بضيق خلقي على اشياء تافها وما تسوى
محمد ببتسامه :بس ما طلبتي شي ...اليوم اخليج تنسين جراح وطوايف جراح
ليال ابتسمت
بعد فتره بسيطه وقبل اقلاع الطايره نادت المضيفه اسم ليال
ليال بخوف:شسالفه
محمد وهو يفتح الحزام:الحين اشوف ...وقام راح وبعد شوي رجع وهو عافس ويها وما كان بروحه كان يمشي وراه جراح
آلاء التفتت على ليال:ليول ليكون ياي ياخذج
ليال بحباط شديد:عادي الحقاره تشتغل بأي وقت عنده وبدون سبب
آلاء :لآااااء ...اووف
ليال لفت ويها صوب الجامه وهيا تحس بضيق شديد (يارب ليش وين ما اطقها عويه ليش مايخليني اتهنا بشي ليش قلبه اسود جذي )ولفت ويها لمن اسعته يكم البنت الي قاعده عند آلاء
البنت:انا مرتاحه بمكاني
جراح:بس هناك بترتاحين اكثر
البنت:اكيد آخر الطياره
جراح:ماعتقد انه مكانج احسن من درجت رجال الاعمال
البنت بعد تفكير:اوكي ...وقامت وخذت البوردق من جراح
جراح :مشكوره واسف على الازعاج
البنت :لاعادي ...وراحت ...محمد قعد مكان البنت ...وجراح قعد عند ليال
ليال كنت منصدمه وما علقت
جراح وهو يبتسم:مفاجأه صح
ليال:اي
جراح ببتسامه:شلون اخليج تسافرين بدون فلوس وفوق هذا ..هذي اول سفره لج بعد زواجنه ماحبيت اخليج بروحج
ليال :.......
جراح: شكل المفاجأه تعيسه
ليال:لا شكو
جراح:مو مبين عليج
ليال:لا بس اخر شي كنت اتوقع انك اتي معانه
جراح ببتسامه:قلبي ما طاوعني تسافرين بروحج
ليال:انا مو بروحي
جراح :اقصد بدوني ...يالله وريني احلى ابتسامه
ليال كانت تشوفه وهيا مستغربه من حركاته
جراح ضغط بصبعه على خشمها:ابتسمي
ليال ابتسمت ولفت ويها على طول (مو صاحي)
جراح سحب ايدها من حضنها ورفعها وباسها ...ليال التفت عليها وهيا مصدومه
تحركت الطياره بدت تمشي ابطأ وشوي شوي زادت سرعها واول مارتفعت عن الارض
جراح قرب منها وبهمس:احبج .....وبتعد عنها رفع ايدها وباسها ...احبج
ليال بطلت عينها على وسعها ظلت اتشوف عيونه فتره كانت اتدور على معنى الكلمه الي قالها بعينه لكنها مسرع ماتذكر معاملته معاها وزواجه عليها وضلمه لفت ويها وهيا تقول بقلبها (جذاب لاتصدقينه ياما اقال احبج والنتيجه تزوج علي وظلمني جراح جذاب ومايعرف الحب ولا معاني الحب ...اهو بيحرق قلبي وبس )

جراح طول الوقت ماسك ايد ليال شوي يبوسها وشوي يلعب فيها وكان ماسكها بقوه الان ليال حاولت تبعد ايدها عن ايده اكثر من مره لكنها ما قدرت
جراح: ليال بتضلين طول الرحله لافه ويهج
ليال وهيا لافه ويها:المطلوب
جراح :المطلوب تعطينا ويه شوي ولا مانستاهل
ليال لفت ويها وهيها متنرفزه :هذا ويه شفته
جراح ببتسامه :شفته بس ماشبعت منه
ليال:بطل نفاق ...انت مايعجبك الا ويه السنيوره ماما عوده
جراح وهو رافع حاجبه:شياب طاريها الحين
ليال بعصبيه:اي ما ترضى عليها
جراح :لا تفسرين الكلام على مزاجج...ممكن نعيش اللحظات هذي بدون كدر
ليال:الحين انا الي ايب الكدر ....دام جذي ليش يت
جراح يقاطعها :ليال بس عاد مو كل ماقلت كلمه بتفسرينها على مزاجج ...ابي اسافر معاج واقضي وقت ماينسي ممكن ابي استانس معاج ممكن
ليال :ممكن بس موعشانك لاني انا ابي استانس
جراح :عشانج ...عشاني ...المهم انكون مع بعض ونستمتع بكل لحظه لا تنسين انها السفر الاولى لنا
ليال بنفسيه:سبحان الي يغير ولا يتغير
جراح رفع ايدها وباسها:قولي الي بتقولينه اهم شي اكون قريب منج
ليال تنرفزت:انزين بطل مصاخه وهد ايدي
جراح:اسف
ليال :اوووف ....وجدمت شوي لي الكرسي الي جدام وتكلم الاء....الوء عندج منظره
آلاء:لا ما عندي
محمد :بغيتي شي
ليال ببتسامه:ابي منظره
محمد بستغراب:ليش
ليال:شنو لي شابي اتمكيج شايف ويهي شلون اصفر
محمد:زييين الي اعترفتي انه ويهج اصفر
جراح وعينه عليها:حتى وهو اصفر حلو
محمد ابتسم :لي وصلنا المطار دخلي الحمام وتمكيجي
ليال ببتسامه:اوكي
جراح يقرب منها وبهمس:كل هالابتسامه الحلوه حق اخوج وانا مالي نصيب فيها
ليال :جراح بس عاد ترى صج بديت اتنرفز
جراح قرب اكثر وطبع بوسه سريعه على خدها وبهمس :والله احبج
ليال ويها قلب الوان من طاحت عينها بعين محمد الي شاف كل الي صار ...نزلت راسها وهيا منحرجه ...اما محمد ابتسم ولف ويها
جراح حس بربكتها واحراجها من شاف محمد لف ويها وعشان يضيع السالفه :ليول عطيني تليفونج
ليال:شتبي فيه
جراح: بخيليه عندي
ليال:ليش انشالله
جراح:مابي شي يشغل تفكيرج اليوم ...عطيني التليفون
ليال طلعت تليفونها :تفضل
جراح خذاه منها وشغله ..وبطل الكاميره عشان يصور ...قرب منها :ابتسمي عشان الصوره تطلع حلوه
ليال:هههههههههه
جراح:انا قلت ابتسمي مو ضحكي
ليال:صاير منهم
جراح وهو رافع حاجبه :من منو
ليال:شباب هالايام كل شي يسونه لازم يصورونه
جراح:اي عادي وناسه ...ذكرى شفيج
ليال بقلبها(هذا من صجه ولا بس ناوي يحرق قلبي اكثر ...انا شعلي منه اهم شي استانس اليوم )
جراح لزق راسه براسها :يالله ابتسمي
ليال ابتسمت وجراح اخذ الصوره وبعدين شافها :حلوه
ليال ببتسامه:اكيد حلوه دام انا فيها
جراح ببتسامه:اقعد ...وطلع تليفونه ...يالله بعد صور
ليال:اووووف
جراح طقها على الخفيف على راسها :اقول لاتتأففين عبالج ما ادري انج متشققه من الداخل
ليال :على شنو
جراح وهو يغمز لها:بطلي حركات الثقل عبالج مادري انج ميته فيني
ليال:ههههههههههه ...وايد واثق الاخ
جراح:لو ماكنت واثق من حبج جان ....وسكت
ليال:كمل ليش سكت
جراح ببتسامه:مايحتاج اكمل انتي عارفه كل شي
ليال:جراح بعطيك من الاخر مو معناته انك مسافر معاي ولا انك قلت لي احبج معناته انسى كل الي صار ..انت غلطان ...انا ساكته من وجودك معاي الاني ابي استانس لا اكثر ولا اقل
جراح تضايق:ولا انا اقدر انسى الي سويته فيج ...ليال انا ما اقولج انسي على الاقل تناسي خلينا نبدي صفحه يديده خلينا نبدي حياتنا من اللحظه هذي
ليال:مافي شي بيبدي الان كل شي انتها ...جراح لو انا جرحتك او خنتك بيوم بتنسى او تتناسى وتبدي معاي صفحه يديده بأسم الحب
جراح:بس انا ماخنتج
ليال:صح بس فضلت علي غرور وتهمتني بشي انا مالي علاقه فيه ...مستحيل انسى وابدي معاك صفحه يديده وجنه شي ماصار انت هدمت كل شي بيدك
جراح بضيق:انا مافضلت احد عليج والله الشاهد ...غرور
ليال تقاطعه:جراح ولي عافيك انت مو ملزوم تبرر لي شي ...غرور زوجتك ولو مافضلتها على جان ماحطيتها على راسي للعلم اني ماضريتك بشي ومريم الي ماشفت منها يوم حلو ماسويت الي سويته معاي
جراح: مريم لو كنت احبها جان ماطلقتها
ليال:اها يعني بتقنعني انك تحبني عشان جذي فضلت انك تتزوج علي بدال ماطلقني
جراح:ما اتخيل يمر يوم وما اشوفج قبالي
ليال:صراحه جواب مقنع ....دام تحبني لي هالدرجه ليش تتعمد تجرحني اكثر ليش ادافع عنها وانا لا ليش ليلحينها على ذمتك ...مو عرفت اني مظلومه ليش ماطلقتها
جراح :....
ليال:شفت شلون ...انت ماتقدر تتخلى عن غرور الانك تحبها وماتقدر تتخلا عني الان بنتك ماترتاح الا معاي هذا كل الشي لا هو حب ولا عمات عين
جراح بضيق:ليول والله تعرفين شنو والله ...والله وغلات ملاك اني اموت فيج مو بس احبج ...ادري انج مو قادره تصدقين الان الي صار مو شويه بس ابي منج فرصه
ليال تقاطعه:لا تتوقع مني شي طول ما العيوز على ذمتك وغير هالكلام ماعندي
جراح:......
ليال لفت ويها وهيا مقهوره منه (كفايه جذب كفايه نفاق وتمثيل ...شلي بتوصله ياجراح...شلي تبيه مني ...انت مو خالي وفي ابالك شي تبي توصله ولا انت جراح خالد ال....تتنزل نفسك وتعترف انك غلطان ...على منو ياجراح على منو )

محمد يكلم آلاء بصوت واطي :سمعتي الي انا سمعته
آلاء:اي ...الله يهديهم ان شاء لله
محمد: تتوقعين بيرجعون مثل قبل
آلاء:ان شاء الله يارب ...ليول تحب جراح وايد وحرام تهدم حياتها دام جراح عرف غلطته
محمد :بس اهيا مو لعبه بأيده وكل كلمه قالتها معاها حق فيها وزين تسوي فيه عشان يعرف قيمتها واي شي بسويه يحسب له الف حساب ولو راده علي جان طلقتها من زمان بس ابيها تكمل دراستها وبعدين تتطلق وانا عارف انها تبي هالشي بعد
آلاء:عيل بعدك ماعرفت ليال ...انت ما سألت نفسك ليش ليال رجعت له ما سألت نفسك ليش راضيه انها تعيش معاه وهو بيعد عنها
محمد:لسببين الاول تفتك من ابوي والثاني الانها متعلقه ابنته
آلاء:انت غلطان ..اذا على ابوي اهيا تعودت عليه ومهما صار هذا ابوها واذا على ملاك اهيا صج اتحبها بس مو لي درجت انها ترضى وتسكت على وضعها هذا
محمد:قصدج انها ليلحين تحبه وهذا الي مخليها تعيش معاه
آلاء:بضبط ....ليال تحبه بجنون على كل الي سواه فيها ترى ليلحن عندها امل انه يرجع جراح الاولي ...لايغرك كلامها ترى كله من ورا قلبها
محمد:وانتي شدراج
آلاء:اذا انا ماعرف شلي شالع قلب اختي منو بعرف ...كثر ماتقدر ادعي لهم ..هذا كل شي نقدر انسويه ...وحط ابالك شغله وحده مافي مره ترضى تقعد مع شريجه ابيت واحد الا اذا كانت تعشق ريلها ولايغرك كلامها عن ملاك وانها متعلقه فيها هذا حجي مأخوذ خيره
محمد:والله مادري شقول حيرتيني
آلاء:ادعي لهم بالهدايه والتوفيق
محمد:يارب اذا ردتها لي جراح فيها خير لها يارب تعجب بالشي وتبعد عنها كل الي يضرها ياررب
فلا خالد
اريام وهيا شايله ملاك:صباح الخير
هنادي:صباح النور...قاعده مبجر اليوم
اريام:هذي تخلي احد ينام ..يما خليها عندج أبي أنام
هنادي:لا تعالي ابيج شوي وبعدين روحي نامي
اريام راحت اقعدت ..امريني يما
هنادي:يما انتي الحين كبرتي و مو مثل قبل وانتي عارفه النصيب الزين مايطق بابنه كل مره ..ام فهد امس كلمتني وتبيج حق ولدها
اريام:يما ردينه على سالفة الزواج...انا ما ابي اتزوج مو غصب
هنادي:اي ليش عاد
اريام:بدون سبب ما ابي اتزوج
هنادي:مو بكيفج لي متى بتقعدين بدون زواج ..انتي كبرتي مو مثل اول عشان ترفضين كل الي ايون لج ..انتي قعدي مع الصبي وبعدين قرري
اريام:يما ما ابي اتزوج فهميني
هنادي بعصبيه:ريمو انتي اكيد مسويه مصيبه عشان جذي كل ما ايب لج طاري الزواج تتهربين وتخافين من طاري الزواج ...تكلمي ليش ماتبين تتزوجين
اريام اهيا معصبه:الان مابي حوبت ليال تطلع فيني ما بي اعيش بخوف طول عمري ليش اتزوج انا مرتاحه جذي ليش ابلش عمري بريل ومادري يمكن زين ويمكن لا وبعدين انتي قوليلي كل الي تزوجو شنو حصلو من زواجهم غير الهم وعوار القلب
هنادي:الي يسمع كلامج يقول كل البنات متأذين بزواجهم ..شوفي خواتج عايشين ومرتاحين ...شوفي جنى وطلال الحمدالله عايشينا حلى عيشه
اريام:يما انتي شدراج شنو الي بينهم الضاهر شي والواقع شي ...انا لي الحين ماشفت وحده تزوجت وهيا مستانسه
هنادي:يما مو معناته انه الي صار مع ليال يصير معاج ...يما حرام توقفين نصيبج على اسباب مثل هذي ...يا يما ياحبيبتي انا وابوج مو دايمين لج واخوانج كل واحد لاهي بحياته
اريام:عادي ..اعيش مع ليال ومابي منهم شي
هنادي بصراخ:لا اكيد انتي ينيتي ...سمعيني عدل باجر تروحين السوق وتاخذين لج شي عدل عشان تقابلين فيه الناس وغير هالكلام ماعندي هالسبوع بتقعدين معاه ...فاهمه



بالمطار
محمد وجراح كانو واقفين قراب من حمام النساء ..كانو ناطرين ليال وآلاء يخلصون

آلاء:ليول انتي مستانسه
ليال :اكيد مستانسه انتي تدرين صارلي فتره طويله ما سافرت
آلاء:لا انا اقصد مستانسه من وجود جراح معانه
ليال:والله ما أدري ...ساعات احس اني ابي اكون معاه بروحنه نسولف ونضحق اقوله عن كل شي بداخلي كل شي يضايقني اقوله عن كل شي احبه ودي اقعد واسولف معاه مثل اي زوجه تسولف مع ريلها
آلاء:وليش ما تقعدين معاه دام انتي ودج بهالشي
ليال:ما اقدر ...لان مو من حقي
آلاء بنفعال: شنو مو من حقي ..ليول هذا ريلج
ليال تقاطعها:بالاسم بس .....آلاء شلون تبيني اعقعد معاه واسولف معاه واطلع كل الي بقلبي وانا عارفه اني مو الوحيده بحياته شلون اأمنه على كل الي بقلبي اذا اهو ما امن علي وراح تزوج
آلاء:بس جراح يحبج مثل ما انتي تحبينه
ليال:وانتي شدراج انه يحبني
آلاء وهيا منحرجه:ليول لاتفهميني غلط بس صوته كان عالي شوي وسمعنه الي صار
ليال:وليش افهمج غلط انتي اختي وقلبج على قلبي ...بس لايغرج كلامه كله تمثيل
آلاء:وليش مايكون صج
ليال :لا تمثيل جراح اباله شي يبي يوصله عشان جذي قاعد يقص علي بالكلام هذا وحتى اذا كان كلامه صج تعتقدين اني بتقبل منه ...لا طبعا ...لاني متأكده انه يقول لها احبج ولاني عارفه انه يمسك ايدها لاني عارفه انه فضها علي ..لاني عارفه انه كل شي فيه صار لها اهيا وبس ...الاني عارفه انها تقعد معاه وتسولف عن كل شي وانا لاء ...لانها توقف جدام الكل بكل ثقه وهيا يمه وانا لا ...عرفتي ليش الحين ما اقدر اتقبل شي منه ...لانه جراح مو لي...ألوء النار الي بقلبي مانطفت لي الحين النار الي بقلبي كل مالها وتزيد وتحرق كل شي لين تقضي علي
آلاء انزلت دمعتها ولمت ليال حيل :بعد عمري لاتقولين جذي ...ان شاء الله كل شي يتصلح ...ليول حبيبتي انتي ....ادري الي بطلبه صعب لكن وغلاتي عندج عطي نفسج فرصه تقربي منه وخليه يتقرب منج ..مو عشانه عشانج انتي
ليال:الوء صدقيني جراح جذاب ولو صج يحبني ليش ليلحنها على ذمته ...ما ابي اعيش بوهم واصحى منه قريب ..انا عارفه البير وغطاه
آلاء باستها على خدها :ليول الله اذا احب العبد ابتلاه
ليال ببتسامه:الحمدالله على كل حال ولا عتراض على حكمته ..بس تدرين بوستج احلى من بوست جراح
آلاء:ههههههههههه
ليال:الوء قرقتي على راسي وماخليتيني اخلص تلاقين طلع فيهم فقع بره
آلاء:والله محد قالج لا تتمكيجين بالبيت
ليال:ماكان لي مزاج ...سكتي بس خل اخلص ...وكملت الميك اب ...وفلت شعرفها
آلاء:اي الحين شكلج حلو مو توه الويه اصفر
ليال:امشي بس امشي
وراحو عند الشباب
محمد:غلطانين مو جذي يزرعون
ليال:حموود شفيك لازم تتعلم على النتقع فتره ...لازم تاخذ كورس قبل الزواج
محمد:اذا بنزرع جذي هونت ما ابي اتزوج
آلاء:علينا
محمد :انطمي انتي
آلاء وليال:ههههههه
جراح :وين بتروحون الحين
آلاء:آآآكل ابي آكل يوعانه
محمد:اكليني بعد ...توج ماكله بطياره
آلاء:هذا اكل تسميه
محمد:نطري لي الغدا وتغدي عدل
آلاء:لا والله ...حبيبي انا يوعانه مالي شغل
محمد يكلم ليال وجراح:انتو يواعه
جراح:لا
محمد:ليول يوعانه
آلاء تقاطعه:طه من يسأل ليول وين والاكل وين هذي ماتموت احسن لها
جراح بخوف :اسم الله عليها لاتقولين جذي
محمد تفجأ من جراح وضل يشوف الخوف بعينه فتره
جراح:اذا يوعانه انا اوديج المطعم الي تبينه ..يالله امشي
محمد:وين توديها خلها مابقى شي على الغدا
آلاء: حمود انت يايبني عشان اتناشبني ...انا يوعانه وابي اكل وبعدين انت الي كليت بطياره انا ما اكل شي
محمد:ماكو بتنطرين لي الغدا
جراح:محمد شفيك ...الحين نروح اي كفيه منه نريح ونشرب لنا قهوه وآلاء تاكل لها شي
ليال:اي اي خل نروح ابي كبتشينو ما شربت اليوم
جراح ببتسامه:هل مره عاد ما راح انطر ردك باخذ البنات وبروح وان تكيفك بتي معانه ولا تتمشى على راحتك
محمد يشوف آلاء بطرف عينه :دام ليول تبي ماراح اقول لا
آلاء:ياسلام ...يعني بس ليول ها خاطر عندك....وانا شنو
محمد ببتسامه: امشي بس امشي بلا سوالف اليهال
ليال: انزين ليش مانطلع من المطار وبعدين نروح ستار بكس بأي مجمع ...صراحه مابي اضيع الوقت بالمطار
جراح:صار يالله مشينا

فلاة خالد
جناح طلال
جنى من يوم الي عرفت فيه انها حامل وهيا تجهز الغرفه الثانيه للبيبي ..زكانت هذي الطريقه او المفاجاه الي محظرتها حق طلال ...ادخلت اريام عليها الجناح وشافتها حايسه بالغرفه
اريام:جنون انتي هني وانا ادورج
جنى:هلا ريوم حياج ...زين الي يتي شرايج بالغرفه
اريام:مو مهم الغرفه المهم تقومين لنا بسلامه انتي والبيبي
جنى وهيا طايره من الفرحه:ريوم ماتدرين شكثر مستانسه واخيرا حملت
اريام ببتسامه:الي يسمعج يقول صار لها عشر سنوات متزوجه وقاعده بدون ياهل
جنى:سنتين وجنهم عشره ...بس الحمدالله على كل حال ....انزين قوليلي شريج بالغرفه تتوقعين بعجب طلال
اريام:اكيد بتعجبه والي بعجبه اكثر الخبر نفسه ...الله يتمم عليج يارب ...بس ها اذا بنت تسمينها اريام
جنى:الحين انا الي احمل واتعب وانتي الي تختارين الاسم
اريام:انتي حاصلج تسمين بنتج على اسمي حبيبتي انا هونت مابيها على اسمي خوفج تطلع جيكره وباجر يقولن تشبه عمتها على بو انه اسمها اريام ...لا يبا هونا
جنى:ريمو ويهد لاتقولن عن بنتي جيكره وبعدين يمكن يكون ولد
اريام:ولد بنت المهم ياهل يديد ملينا من ملوكه ودلعها
جنى:الفال حق ليال ان شالله
اريام:انسي ...ليال حاطه ابالها تتطلق ماتبي جراح تبي تبدي حياتها بعيد عنه
جنى:غبيه الحين تهد كل الي يحبونها عشان غرور ليش ماتسعى ورا طلاق غرور ليش تتنازل عن حقها بكل شي وطقدمه بطبق من ذهب لي غرور
اريام:لاتلومينها حطي نفسج مكانها شلون تتصرفين
جنى:احافظ على ريلي وما اخليه يبعد عني الان اهو من حقي انا وبس مو انسحب بكل سهوله واقول لها تفضلي اخذي مكاني بكل شي بحياته
اريام:الكلام سهل بس الفعل صعب ...خلينا من ليال الحين وقولي لي وين طلال صارلي يومين ماشفته
جنى:بعد عمري لاهي بشغل الشركه وماعنده وقت يرجع البيت يريح
اريام:عفيه شغل مايخلص
جنى:لان السنه الماليه لشركه قربت ولازم كل الحسابات تكون جاهزه
اريام:على كلامج المفروض حتى جراح مانشوفه
جنى:اي حتى جراح مشغول وانا صارلي فتره ملاحظه انه مو موجود بالبيت ...مساكين الله يعينهم
اريام:منو قالج جراح صارله فتره مايروح الشركه ...وطبيعي ما تشوفيه لان اهو قاعد معانه بالبيت
جنى:تحلفين ...شلون ومتى وليش ماقلتولي
اريام:بل كليتيني
جنى:تكلمي قولي
اريام:والله احنه بروحنا مو عارفين كل يوم عندنا وساعات ينام بعد
جنى ببتسامه:وين ينام
اريام:لا تستانسين كل واحد فيهم بروح بس في شغلات تصير من تحت لي تحت
جنى :كللللووووووش ...وااااي ونااااسااا واخيرا ...الحمدالله يارب الف الحمدالله
اريام :طه هذي اقول لها البنيه ماتبيه عايفته تبيت تطلق ...قاعده تيبب
جنى :مو بكيفها خل تولي ..اهيا وينها الحين انا اكلمها بطريقتي واقنعها
اريام:طالعه مع اخوها من الصبح
جنى:اي زين تسوي خل تغير جو