يا الله مشتاقة فصل قمة في الروعة و اخيرا ظهر أدم و ظهرت معاه علامات استفهام جديدة
سارا انا من وجهة نظري شايفة انك فعلتي الصواب زي ما سامر قال لازم حد يساعدها و الحد دا هو أدم ظهوره دلوقتي مهم ليها هي محتاجاه و كانت بتستنى اللحظة اللي هيظهر فيها و يجلها و اخيرا جيه متوقعتش بسهولة انك توصلي لحاجة انت و سامر بس حكمة ربنا انه يظهر في الوقت دا و في المكان دا
سامر ياريتك ظهرت من زمان بجد اولا حبيت جدا وقوفك جنب سارا و مساندتها في حظنها على مريضة على الرغم ان ممكن حد غيرك يضايق و كان ممكن تحصل مشاكل لكن انت بالعكس احترمت مشاعرها و وقفت جنبها و دعمتها و فوق دا كله حاولت تساعد مريضة لا عمرك شفتها ولا حتى عرفتها و دا يخليني اقولك الطيور على أشكالها تقع سارا محظوظة بيك زي ما انت محظوظ بيها
يافا المقتطفات اللي مرت في ذهنك و انتي في الغيبوبة لازملها وقفة
اولا بعد ليلة الهايد بارك هو تعب و انت اكتشفتي انك بتحبيه و عشان انتي بريئة و عفوية عكسه تماما اعترفتي بدا و رحبتي بيه على الرغم انك عارفة انه هيكون بداية المشاكل
حدث ما حدث و اللي لسه منعرفهوش و اتجوزتوا و بناءا على رأي سارة في صورة الفرح ان الموضوع متمش عن رضا كامل او لنقل ان خوف أدم من وجودك معاه و بحكم انك مراته يعني ملكه ظهر على ملامحه و لكن مع الوقت بدأت الاقنعة تسقط لكن مظنش انها سقطت قبل الحمل لان مشتاقة وضحت انه غضب جدا لحظة ما عرف انك حامل و مكنش عايز الطفل و السؤال هنا ايه اللي حصل خلاه يغير رأيه و يكون أدم الحنون و المحب ؟؟؟
مشهد اخر و انتي واقفة قدام الباب بتشوفي أثار خيانته ليكي لكن هسألك هل فعلا كان بيخونك ؟؟؟ ولا انتي بعقلك و حبك و غيرتك و جرحك منه و عدم ثقتك فيه خلوكي ترسمي المشهد زي ما سيلين كانت عايزاه يبان ؟؟
و تجري و في لحظة بتعملي حادثة اسئلة بقى هنا كتيرة اولا هل انتي كنتي حامل وقت الحادثة دي و نتيجتها اجهضت او لنفترض انك كنتي حامل لكن في اواخر الحمل و اضطريتي تعملي عملية عشان تولدي و البيبي نزل و لكن بعد فترة مات نتيجة حاجة اصابته من الحادثة ؟؟ ولا ان الجزء دا كان في أول جوازكم و مش عايزة اخمن خطوبتكم لاني مظنش ان جوازكم كان طبيعي عشان تحظوا بفترة خطوبة ؟؟
احم احم احم مشتاقة هجننك من الاسئلة
ياترى بقى الحادثة دي هي اللي كشفتلك انك مريضة بالكانسر ولا الحادثة دي كانت في وقت اخر لا يمت بصلة لحقيقة مرضك و اختفائك 5 شهور و محدش يعرف عنك حاجة ؟؟
أدم و تركيزك على انها حصلتلها اي مضاعفات بيقول ان يافا كانت مريضة بحاجة خصوصا انك كنت بتقول ان اخر مرة شفتها في المستشفى مكنش شكلها سئ كدا يعني واضح انها متعودة على المستشفيات و دا بيخليني ارجع للحادثة اللي حصلتلها بعد ما نزلت من عندك و اخمن انها نتيجة الكسور اللي حصلتلها كانت الاصابة قوية و كان بيحصلها مضاعفات بسببها أو يكون حملها السبب ؟؟؟ زهقتي عارفة بس اعمل ايه لازم اسأل و احط كل الاحتمالات قدامي
أدم 5 شهور متعرفش عن يافا اي حاجة و من الواضح انك كنت بتسأل و بدور عليها 5 شهور كنت فين يا ادم 5 شهور هي بتتعذب في المستشفى و بتستنى انها تشوفك و انت مش موجود كنت مختفي فين 5 شهور بحالها و سايبها تعاني لوحدها و من قبل الخمس شهور كنت فين و هي بتتعذب هل كنت اعمى للدرجة دي ظهورك هيحل الغاز كتير لاني على الاقل هسمع الحكاية من طرفك و اسمع مبرراتك حوالين اختفائك و حوالين تعاملك المتذبذب معاها و الحاجز اللي بنيته بينكم
نقطة لما قالت على ايده و فكرت ترسمها فدا معناه ان تخميني طلع صح و ان يافا رسامة ؟؟؟ قولي ايوة بقى و خليني احس اني خمنت حاجة صح
" استيقظي ايتها الحمقاء ولا تتركيني الآن " اسمحلي ارد بالنيابة عنها و اقولك و انت فين وقت ما كانت هي محتجاك بتطلب منها اللي انت معملتهوش زي ما سارا قالت " التفاني في مراعاة شعور الآخرين يجعل من كل الآخرين حولها كائنات أنانية " و اهو انت اول مثال للكائن الاناني
مشتاقة مش قادرة استنى للفصل اللي جاي عشان اعرف رد فعل يافا ايه لما تشوفه ولا استنى عشان اعرف هو كان فين الوقت دا كله