ناااااااااااااهي احنا هنا بنتكلم عن اتنين مش زي اي اتنين لا نادية زي باقي الستات ولا اسر زي باقي الرجال يعني هو مش راجل طبيعي اتجوز واحدة طبيعية و علاقتهم فوق الطبيعي فميقولش كرامتي
بالنسبة للحب و العاطفة اظن ان لو نادية مش بتحبه او على الاقل منجذبه له مكنتش هتمارس حقوقهم الشرعية بالعاطفة دي اظن كدا انا مبقتنعش بكلام الروايات في موضوع الانجذاب الجسدي دا انا بشوف ان الموضوع عاطفي اكتر منه انجذاب و دا بيميز العلاقات العابرة عن العلاقات الطويلة الامد و اللي اقصده هنا من كلامي ان اسر بيخلي انانيته تتحكم فيه و مش بيسمح لنفسه انه يقف و يفكر شوية
هو من قبل ما يدخل في العلاقة دي و يتقدم لجوازها هو عارف ما يعنيه احمد الناصر لنادية واحدة كانت بتعيش مع ميت عارفة يعني ايه ناهي انك تعيشي حياتك تتخيلي ميت و تروحي تنزلي البحر عشان تبقي معاه و في حضنه و تكلمي نفسك الموضوع مش سهل ناهي و هو كان عارف دا مهما كان اسر الغازي و مهما كانت قوته مش هيقدر انه يخليها تبقى نادية اللي عايزها في خلال اشهر بسيطة و زي ما قلت كان لازم يقبل حاليا باللي قدرت تمنحه دا اقصاها دلوقتي دا اللي تقدر تديه لازم هو يفهم دا مش انه ميفوتش اي فرصة الا و هو بيحاول يثبتلها انها بتاعته ما هي عارفة دا و ان كانت بتنكره قدامه الا انها قدام نفسها بتعترف
نادية مشكلتها انها كانت بتحب احمد الناصر لدرجة انها مش متخيلة انها ممكن تحب غيره او تقدر تمنح غيره اللي هي منحته له و عشان كدا حاسة بالتخبط انها قدرت تحس بآسر و تديله حاجات يمكن كمان مقدرتش تديها لاحمد الناصر و عشان كدا هي واقعة في حيرة فاكرة انها بكدا تكون خاينة لاحمد و مش بعيد تكون بدأت تشك في مشاعرها ناحية احمد نادية بتمر باسوأ مراحل حياتها دلوقتي و للاسف بتعاني لوحدها و للاسف هو مش حاسس بدا كل همه و فكره رجولته و كبريائه و بس مش مهم بقى هي بتمر بأيه ولا في ايه و زي ما قلت انا ضد برودها عشان محدش يقول اني منحازة ليها
اما بخصوص شذى الله اعلم كركر ناوية على ايه بس لو الموضوع انه جرب معاها عشان يقدر يشوف تأثيرها فاسفة لانها في المقام الاول تعد خيانة اما بخصوص الورقة اللي ناوي يكتبها انا مش شايفة انها هتحل قد ما انها هتعقد نادية بتحس بالامان مع آسر و الورقة دي هدمر الباقي منها و اللي مخليها لحد دلوقتي متمسكة بالحياة
نقطة اخيرة علاقة نادية و آسر علاقة مختلفة من حيث المضمون و الشكل و الحلول التقليدية ليها هتكون عامل مؤثر بالسلب اكتر منه بالايجاب