 عصبتني شيخه
اولا مساء الخير اخواتي سهم المملكه و فيتامين سي اعتز لاني من المقلين بالردود و لاكني من المتبعين المتشوقين والمعجبين جدا جدا جدا بالروايه و يمكن علقت من قبل مره واحده لاني لست كاتبه اي نعم انا قارئه نهمه ولاكني لست كاتبه لاقوم كما تفعل بعض الخوات ماشاء الله عليهم في التعليق علي الفصول و ابدأ آرائهم فانا ايضا حريصه علي قرأة تعليقاتهم عن الروايه و ايضا قرأة ردودك عليهم ولاكن اليوم استفزتني شخيه اشد الاستفزاو و يمكت هتكلم باللهجه العاميه المصريه علشان اعرف اعبر عما بداخلي
ايه دا يا شيخه مفيش حاجه بتأثر فيها دايما تفتخر بتربية ابوها ليها انا مش شايفه ان تربيتها تستدعي الفخر ابدا دي مش متربيه اصلا مهما كان حصل لها فليس مبرر انها تكون وقحه قاسيه لا تحترم احد و لا تحشم احد ولا اشعر بها تحب احد وهي بتقول بتحب صقر هي فكره الحب ايه دي بهدلته و هزئته و مسحت بكرامته الارض و ما خلت له ا اي حاجه كويسه وكان وه كتير اتحمل منها حاجات وكان نفسي فعلا انه يربيها ولما قال هيتجوز بد متحاول تكون كويسه معاه و ترجعه لها لا بهدلته و اترقيت عليه لما اوهمته انها هتروح له و تجاهلته و استفزته خلته يروح يتمم الجوازه و ما زالت تستفز فيه حتي مع واضحه لما شددتها من بلوزتها عاوزها تنزع احساس الامومه من قلبها ايه ده ايه الي ممكن يخليها تحس بالي حواليها و تحس انها غلطانه اي حاجه تجرح كرامتها تهيج و تميج و تقلب الدنيا لا مسموح ليها هي تجرح و تهين و تزل عادي يعمي و يا عيني عليك يا صقر جيت تربيها جبت لنفسك بلوه وسيمه الله يعينك انا اعتقد ان شيخه هتطلع حامل ايوه فاكرين المره الي كان صقر في المطبخ وهي دخلت عليه يومها حصلت اشياء بينهم و هي دايخه اعتقدها حامل يمكن المره دي تتهد و تتلم و تبعد عن الافكار المجنونه عاوزه تروح ترفع قضيه و تخلي سيرة اهلها و ابوها وامها علي كل لسان يعني لو جدها سفيه و معندوش عقل و منيل بستين نيله وقال كلام غلط علي امها بينهم و كل العيله عارفيه سفيه و عارفين كلامه غلط تروح هي تفضح الدنيا و تعملها فضيحه تبقي علي كل لسان بصراحه نفسي تحصل لها حاجه تهزها من جواها تخليها تحس هي بتعمل ايه تشوف تصرفتها مش بس مش شايفهالا نفسها
اما بالنسبه لساره يا عيني عليها مظلومه من الجميع حتي اخوتها رغم ان المفروض المظلوميحس بالمظلوم الي زيه مفيش واحده من اخواتها فكرت تعرف منها ايه الي حصل الكل اعتبرها مجرمه و حكم عليها مش هي اختهم و المفروض عرفينها كويس و عارفين تربايتها مشكوش و لو لحظه ان في شئ مش مظبوط قدروا يلغوها من حياتهم بكل سهوله و يتمنوا لها الموت لكي الله يا ساره حتي البوه شيخه قبل ما يتجوزها نايف كانت عاوزه تبلغ هيئة الامر بالمعروف عارفين يعتي ايه تبلغ الهيئه يعني يقام عليها حد الزنا حسبنا الله و نعم الوكيل فيكي يا شيخه و علي طول بتدعي علي ساره و تتمني لها الشر ونايف الخايث بيقولها المغتصبه مش بتحب الرجاله يعني انت عارف انك اغتصبتها و انها مكنش بارادتها و مع ذالك قاعد بتعذب فيها و تهين فيها لاكن انا متأكده ان ربنا هياخد لها حقها و تبان الحقيقه لانها مظلومه من الكل حتي اخوتها بقوا زيهم زي نايف ظلمه لها
بالنسبه لنور انا شايفه ان ان شاء الله هتبدأ الامور تتحسن لها و تبقي كويس يا رب
هند وفارس برده حاسه انهم هيكونوا لبعض
واضحه الله يعينها و تقدر تغير فهيد لانه ابو ابنها و عسي ربنا يجعا هدايته علي ايدها
ضاحي والله حاسه نور مظلومه
ريم بطلي دلع شويه و انشفي كده مفيش راجل يحب انه يحس انا مراته كارهه الحمل منه
و اخيرا حاولت شويه اعبر عن احداث الروايه و مستنيه الفصول الجديده و سلمت يداكم و متابعه معاكم فتقبلوني
|