[jana123]

	رجعت لواقعها تطالع في الصندوق وهي متردده تفتحه ولا لا مسكت الورقه الموجوده برا الصندوق وقريتها للمره المليون " خاص لـ توليب يفتح بعد سنتين يوم 1/1 اتمنى انك تتفهمي كل شي " اليوم يوم 1/1 اخذت المفتاح وكانت يدها ترجف كل ما حاولت تدخل المفتاح بالقفل تفشل بسب رجفة يدها اخذت نفس عميق ثبتت يدها ودخلت المفتاح بالقفل ثواني وانفتح الصندوق طالعت بداخله وشافت ورقه وسلسال أخذت السلسال الي كانت لمعته ملفته للانتباه شالته بيدها وصارت تتأمل فيه التعليقه على شكل وردة مثل وردتها توليب مكتوب بخط رائع توليب ملتفه الحروف حولين الورده ابتسمت وهي تطالع بالتعليقه اخذت الورقه بيدها البارده مثل الثلج فتحتها وانفتحت جروح جديده بحياتها "السلام عليكم ورحمة الله وبركاته توليب الان عمرك اصبح 17 يا وردتي البيضاء انا اعلم بأني بنظرك خائن لأني لم أدافع عن حبي لك وأقول أني أريدك ... وردتي انا لست خائن يا عزيزتي لكن الأمر صعب بأن تتفهميه ياوردتي انا الان بالمستشفى لا تقلقي .. لكن اريدك ان تعرفي عندما قلت لكي "مبروك" كان قلبي يتمزق انا لا استطيع انا اربط حياتي معك لأني مريض لا تذرف دموعك يا طفلتي إني مشتاق لكي عندما أسافر كنت أتعالج من مرضي الذي هلك جسمي أصبحت المستشفى منزلي السرطان هلك كل شي بجسمي اسافر ومن ثم اعود لكن الأن ليس لي عوده لا اريد أن أراكي وتزداد ألامي ولكن ان لم اعد فأعلمي بأني ذهبت الى اللـه وإن عدت فهذه بشاره بأني تعافيت وسوف أتي لكي انتزعكِ من جحيمك اما الان اتفقت مع ساعي البريد لكي ياتي يوميا هنا وياخذ منك اوراق هل تريدِ ان تكتبين لي وأنا أريد قلبي يطمئن على حالك لا تحزني ارجوكِ ياوردتي البيضاء " محبك Muhannad مهند رسمت على وجها الابيض الطفولي ابتسامه الم خالطتها دموع حزن على حبيبها المريض كنت احسب سفر مهند عشان يدرس طلع عشان يتعالج اتنهدت وانا اقرب الورقه من انفي واشم ريحتها كل يوم يزيد حبي لمهند رغم بعده عني الا انه في شي يربطني في ~ في الغرفه ذات الون البنفسجي والاثاث الوردي غرفه كانت فوضويه باللوحات المنتشره بكل مكان كان في بنت واقفه وبيدها فرشاه تحركها بطريقه احترافيه وقفت عن تحريك الفرشاة وهي تطالع بلوحتها بعدم رضاء الألون في وجها منتشره وفي الروب الأبيض الي لابسته قربت من المرايا وهي تطالع في شكلها اطلقت ضحكه انثويه يووه وش سويت بنفسي انا مره تحمست دخلت عليها اختها وفي وجها علامات استغراب جوري: يوووووما تكلم نفسها نرجس : ههههه شوفي وجهي جوري تنقل عيونها بين اللوحة ووجه نرجس : هي اللوحه فين بالضبط ؟؟ ههههه : هاهاها يا الدم الخفيف جوري: دمي خفيف من يومي : تدري انو شي واحد يخليني احبك ايش : ايييش : انك تشبهي توليب طالعت فيها بقهر: وجع نرجس: هههههههههههه بس عيبك دوبه جوري وهي مفجوعه : انا دوووبه نرجس : لا ياشيخه ينقال ماتعرفي نفسك جوري نزلت راسها تمثل البكاء: وش اسوي احب أكل : ول عليكي ايش هذا شوي وتصيري فيله جوري: انا اااااااااااااااااا وخرجت من الغرفة وهي تجري متوجها لغرفة اروى ونرجس ورآها وتضحك دخلت عليها بدفاااشه : ارووووى اروى كانت تتكلم في الجوال انفجعت من شكل جوري حسبت في شي : اييييييييش امي صار لها شي "الجده عايشه ام ابوهم يقول لها امي " وضعت نرجس يدها على وجها وهي تضحك اروى: الو بدوري اكلمك شوي اروى: ايشش في تكلموا جوري بحززن : اروى انا فيييله اروى بقهر و معصبه : الحين ذي الحفله كلها عشان كذا ايووووووووا انتي فييييله قعدت على الأرض وهي متربعه ونزلت راسها وغطى شعرها الأسود وجها وحضنت المخده الي بالأرض: من جد والله ما كنت ادري طالعت اروى في نرجس الي تضحك اروى: نرجسو يا دوب أنتي ألي قلتي لها أنها دوبه نرجس: لا لا لا تقولوا كلام انا ما قلته انا قلت انها فيله مو دوبه قامت جوري وهي عاقده حواجبها : ينقال كذا اعدل اتحركت وهي متجها للباب : عااادي مايهمني ان شاءالله اكون زي الباااب اصلا انتو مقهورين اني انا بيضاء وانتو سوود يا صوماليات خرجت من الغرفه ورمت الباب وراها بقوه اروى: زين تركتنا لوحدنا ابيك في موضوع نرجس: قولي يا اروى ايش :تعالي نجلس جلسوا على سرير اروى غطاء السرير ذات اللون البنفسجي والأورنجي أشكال عشوائية ومخدات منتشرة بشكل حلو نرجس : ايه وش عندك اروى:مازلتي رافضه الي اتقدم لكي نرجس: اروى احنا قفلنا على هذا الموضوع اروى: نرجس ايش في راسك نرجس سكتت وماقالت شي اروى: في ايش تفكري نرجس : ماافكر في شي : اجل ليش رافضه : اروى انا اللحين ما افكر غير في المعرض الي بسوي لا تشغلي تفكيري اروى: بكيفك؟ نرجس : ادري انو بكيفي اروى: انا ابغى مصلحتك فارس ما يتعوض نرجس: الله يسعده ويوفقه في صباح يوم ثاني قامت من سريرها على صوت المنبه وقفت قبال المرايا بشعرها المبعثر في كل مكان قربت من المرايا ورمت بوسه لنفسها راحت للحمام اتروشت وخرجت تصلي لبست ثوب ابيض بورود فيروزية وشيله بيضه اخذت الورقة الي كانت حاطتها على التسريحه وضعتها في جيبها واتوجهت للمطبخ " اليوم نروح المزرعة الله اخيرا بياخذوني معاهم " رسمت ابتسامه طفوليه تدل على فرحتها طلعت الدقيق من الدولاب والبيض وحطتهم في زبدية بيضاء كبيره الدقيق عدم وجها لكنها ما اهتمت لأنها مبسوطه كانت تعجن وفرحانه فردت العجينه وحطت الصلصه عليها والخضار خرجت الجبنه المبشوره من الفريزر وحطتها عليهم ودخلتها الفرن كانت تطالع في البيتزا من قزاز الفرن وهي ضامه كفوف يدها ومتحمسه للنتيجه ~ في الطياره قررو يروحو جده بطياره دخل وليد عمهم الطيارة وخلفه جوري ونرجس انظار البنات ما تركت عمهم وليد بحاله لأنه الشاب الي تحلم في كل بنت طويل وجسمه رياضي عيونه كانت عسليه فاتحه ملفته للأنتباه بشرته برونزيه حواجبه كانت سوده وفيها قطع وعامل سكسوكه بشنبه التفت وليد لنرجس وجوري : لذي الدرجه انا حلو جوري من خلف الثمه : لاتصدق عمرك يقولوا مين الحلوين ذول الي معا وليد: اقول لا يكثر نرجس: عمي عمي هنا هنا المكان حقنا جات جوري وهي مبسوطه انا ابي عند الشباك طالع وليد بالورقة الي بيده : هذا رقمي انا ونرجس تعالي أشوف انتي وين جوري بصدمه: أنا مو معكم نرجس : ههههههه أحسن نفتك من الحنة راحت جوري مع عمها فجأه شافتو وقف عند حرمه عجوز قاعده في المقعد الثاني والمقعد الي قرب الشباك فاضي : انااا هنا الله عمها: اوكي دام مع حرمه خليكِ أي شي محتاجته تعالي قدام قولي لي : زين يسلمو يا احلي عم جلست على الكرسي المخصص لها فتحت الشباك وتتفرج على الناس والي يجري متأخر وخاف الطيارة تطير فتحت الثمه وبانت ملامحها الملفته ماكانت حاطه ولا نقطة مكياج في وجها الحرمه العجوز التفت لها وقالت من غير ما تدري : ماشاءالله تبارك الله ابتسمت جوري ابتسامه خجل خدودها حمره من الأحراج : وش اسمك يا بنتي : جوري : فعلا جوري ضحكت بأنوثه ونزلت رأسها للأرض سندت جوري رأسها لشباك ثواني وداعب النعاس عيونها وغفت كان الشخص الي بقربها منزل راسه "جاسم" بدلت مع امي عشان امي تبي تجلس مع خالتي اول ماجلست شفت البنت الي كانت راميه راسها جهة الشباك ونايمه ماشاءالله تبارك الله مثل الملاك حاول جاسم يبعد نظرو عن جوري لكن بعد جهد جهيد حس بشي ثقيل على كتفه التفت وكان راس جوري على كتفه نايمه وماخذه راحتها ماحب يزعجها وتركها نايمه بعد دقايق صحيت وهي مفجوعه طالعت فيه مصدوومه والتقت عيونو بعيونها " لا الله الا الله ماشاءالله تبارك الله ملاك وربي ملاك" على طول رفعت جوري الثمه حقتها وقالت بصوت مرتجف : وين العمه الي كانت هنا " ماشاءالله حتى صوتها حلو " جاسم رفع شعره بطريقه عاديه لكن خلى جوري تطالع فيه وماتشيل عينها : امي تبي تقعد مع خالتي جوري : اهاا رجعت وجهت راسها لشباك وهي تتفرج قاطعها صوت جاسم المخملي : رايحين زياره لشخص ولا بس تتونسوا اتكلمت ومنزله راسها للأرض: لا كذا ولا كذا : كيف يعني : ندور على اختي الصغيره جاسم بأهتمام: ضاعت : لها ثمانية سنين مفقوده :من جد أتنهدت جوري : ايه والله : طيب قولي اسمها يمكن اعرفها لان احنا كل شوي بالمدينه ولنا اهل هناك يعني نقدر نخليهم يساعدونكم جوري: اسمها توليب :ماشاءلله اسمها حلو : وكم يكون عمرها اللحين : عمرها 17 سنه :طيب اذا عرفت أي شي عنها كيف اوصل لكم " اوه وهذي الوهقه اعطيه رقمي ولا ايش اسوي بعطي رقمي وبقولو هذا رقم عمي " : اوكي بعطيك رقم عمي : اوكي اعطيني وانا بخلي الأهل قد مايقدرو يساعدونكم : تسلم خذ الرقم ******* ~في المزرعه كانت توليب في قمة اناقتها والسبب انو عمتها خلتها تلبس من ملابس فرح ومرح ماتبي اهلها يعرفون انها ماخذتها شغاله جوري لابسه بنطلون جينز ضيق من تحت وبدي فوشي واسع وضيق من الخصر بمطاط ستان ومن فوق مربوط من عند الكتوف بشرايط ولابسه صندل واطي فوشي لان هي اصلا طويله وكانت فارده شعرها الأسود الكريلي ومتناثر على كتفها دخلت توليب غرفة الحريم وكانت الأنظار كلها حوليها : ماشاءالله تبارك الله ذي يا فوزيه البنت الضايعه : ايه هي يا مريم سعاد: اهاا ذي خطيبة ريان ابتسمت توليب برقه وهي تسلم على سعاد وسعاد مانزلت عيونها من توليب : ماشاءالله والله ريان يحق له يصر انه ياخذها وقفت توليب على كلمة سعاد وهي مصدومه " وشو يصر انه ياخذني " مريم: ايه ولله ام ريان تقول سوا الويل عشان يوافقوا انه ياخذها فوزيه الي انتبهت لتوليب إنها لسا موجوده: توليب يا بنتي روحي خرجت توليب مصدومة ريان كان مصر ياخذني ليش لييش عشان يذلني قاطع تفكيرها نجود اخت ريان نجود: توليب وش الحلاوه ذي توليب: هههه تسلمي : تعالي نتمشى في المزرعه خرجت توليب مع نجود وجالسين يتمشو توليب ما كانت طايقه احد الا نجود لان نجود طيبه معاها توليب: ليش ماتجلسي مع مرح وفرح نجود: توليب تحسبيني احبهم توليب انا شفتك كيف في البيت هم يعاملونك واليوم هم ما لبسوك كذا الا عشان محد يعرف انهم معذبينك سكتت توليب وهي تجلس على كرسي من الكراسي الموجوده : يارب يا نجود ما تكوني مثلهم : والله يا توليب صدقيني انا مو مثلهم مع الأيام بتعرفي انو عائلتي كلها مو مثلهم : يا ليت : أنتي تكرهين اخوي ريان اتنهدت توليب : بصراحة ايه : ليش يا توليب : انا اللحين اعرف ليش يا نجود توليب ونجود طالعو في مصدر الصوت الي طلع لهم طالعوا جهة شخص كان اجمل واحد شافتو عيون توليب لابس بنطلون جينز وتي شيرت بيج عليه كتابات سوده اشر بيده لنجود عشان تروح طالع في توليب بنظرات أعجاب ما قدر يخفيها : والله خالتي كانت دامرتك يا توليب يازوجتي المستقبليه : وين كنت ذي السنتين كلها قرب منها وأنفاسه اختطلت مع أنفاسها وأنفاس توليب بدأت تتسارع قرب منها اكثر وهو يحط يده على يدها : وش فيك متوتره فلتت توليب يدها من ريان ورجعت جلست مكانها : ليش تكرهيني يا توليب : كذا اكرهك عندك شي قرب وجلس بجنب الكرسي الي جالسه عليه قامت توليب من مكانها : مايجوز تتكلم معايا كذا أتحركت وتركته خلفها صارت تمشي بالمزرعه ومو عارفه هي وين رايحه تمشي وعيونها تذرف دموع تفكر في مهند وريان جلست تحت شجره وتركت دموعها تجري وفتحت الأبواب لأحزانها " أهـ يا مهند وين رحت وتركتني هنا وينك يارب يشفيك يارب تعال خذني ارجوك تعال لا تروح مني " بمجرد ماخطر في بالها فكره انو مهند يموت زادت شهقاتها ودموعها انتظروني في البارت الجاي الكاتبه:عطر البنفسج

�����:
null