شبكة روايتي الثقافية - عرض مشاركة واحدة - وش فادني صبري ومقطان الحنين اللي سرق عطري سنين للكاتبة \ انا روح حالمة

نزلت كآس آلمآء بربكه ع آلكمودينه
وبخوف : خآلتي تبين شيء ثآني
آم مطر : لا
لميآء : خآلتي
آم مطر : آطلعي بنآم
لميآء بعبره : تكفين لاتزعلين علينآ
آم مطر رفعت عيونهآ لهآ : ليت آلزعل كفآيه
رجعت على ورى وطلعت من الغرفه بسرعه
سكرت آلبآب وركضت لغرفتهآ
لف سعود وجهه للميآء لمى شآفهآ تركض
سعود : لميآء !!
مَ ردت عليه ودخلت الغرفه .. سمعهآ تقفل البآب
تنهد ودخل غرفته
نزل عيونه لمى شآف نظره عيونهآ له
حس بخوفهآ منه خصوصآ بعد مَ شآفته يضرب سآره
شيخه بهدوء وعيونهآ على نآيف : آحط لك شيء تأكله
لف عليهآ : مآلي نفس
نزلت نآيف ووقفت : لازم تأكل آنت لك كم يوم مَ
سعود بمقاطعه : خآيفه علي
بلعت ريقهآ : آكيد بخآف آنت زوجي
سعود مشى لهآ .. ووقف قدآمهآ : آنآ مستحيل آضرك يَ شيخه
مشت عنه للبآب
سعود : شيخه
وقفت وظهرهآ موجه له
لفهآ له : لاتخلين شيء يأثر على حيآتنآ
شيخه : لي هآلكلام
سعود رفع عيونه لهآ : آذآ تبيني آوديك لاهلك ترتآحين عندهم كم يوم
مآعندي مآنع
شيخه هزت رآسهآ بلا : لا آنآ مَ رآح آروح يَ سعود
آنآ عآرفه آنك تبي تتهرب مني بس لاتحلم آني آروح
سعود عقد حوآجبه
شيخه : آنآ مدري شلون طآوعك قلبك تخبي عني شيء زي كذآ
مدري شلون تجآهلت كل آللي قآلته لي
مع آنه كآن وآضح .. < كلام سآره ونغزآتهآ >
سعود : وش كنتي تبيني آقول
شيخه : آلحقيقه
سعود : صعب يَ شيخه
شيخه : ليه !! آشوفه مَ كآن صعب لمى قلت لهآ كل شيء
سعود حط يده على كتفهآ : آنآ مَ آبي آخسرك يَ شيخه
شيخه : آنت حسستني آنك مَ تثق فيني ..
سعود مسك وجههآ بيدينه : آنآ آلغلطآن آدري .. لكن حطي مكآنك بمكآني .. وش بتسوين ؟؟ بتقدرين تعترفين لي
آنه آختك لقيطه ومغتصبه
شيخه فكت يدينه : آنآ مستحيل آحتقر نوف .. نوف آحسن وحده فيكم
نزل وجهه
شيخه ضحكت بسخريه : شفت آنك مَ تعرفني عشآن كذآ مَ قلت لي
آنت خآيف آني آكون زيهآ
وآحتقركم< سآره >

جلست ع آلكرسي آلمنفرد بالصآله
وبيدهآ آلورقه آللي قرتهآ
آكثر من مره بعد مَ آعطتهآ آيآهآ عمتهآ
تنهدت ورجعت فتحتهآ تبي تقرآهآ آكثر
يمكن نست شيء بين آلسطور ومَ قرته ..

نرجع بالزمن .. وتحديدآ لليوم آللي آنكتبت فيه آلرسآله
بعد مَ تأكد من آنهم كلهم نآيمين
قفل آلمجلس عليه ..
وجلس
فتح آلورقه ومسك آلقلم ..
< نزلت عيونهآ للي تحت آلسلام وآلبدآيه >
آلعمر يمضي يَ هيآء ..]
يمضي وحنآ معه نكبر
عيآلي كبروآ .. وآنتي كبرتي بعيده عنآ
آنآ مآبي آكتب شيء يزيد آللي بيننآ
خلاص آلفآس طآح بالرآس
وآنتي سويتي آللي برآسك
آنآ بسآمحك يَ هيآء على كل آللي سويتيه
ومتى مَ بغيتي ترجعين تأكدي بيت آخوك مفتوح لك
نزلت عيونهآ بسرعه للجزء آللي كآن مكتوب عنهآ ..
آخذتهآ وخليت آم سعود ترضعهآ
بالبدآيه هي حلفت وقالت طلعهآ من بيتنآ
وقالت كلام كثيير وكله كآن صحيح
آلبنت مَ نعرف عنهآ شيء
وآكيد آهلهآ رموهآ عشآن يتخلصون من فضيحتهم
خفت يصير عليهآ شيء آذآ رجعتهآ للمسجد وبقيتهآ عندنآ لين آلقى حل آو آسلمهآ للشرطه
بعدهآ بيوم جآني وآحد
دخلته بيتي وحسيت سآعتهآ آنه فيه شيء غريب
رجآل آول مره آشوفه وبآين عليه آنه عنده خير
من سيآرته وهيئته
قال لي آنه شآفني يوم آخذت آلبنت
وآنه مستعد يعطيني آللي يبي بس آخليهآ عندي وآربيهآ مع عيآلي
كآن آلرجآل يعرف عني كل شيء
ويعرف عن ديوني .. نزل آلشنطه آللي معه وكآن فيهآ فلوس
قال كل سنه بتجيك وحده زيهآ
بس آنت تخليهآ عندك وتربيهآ
سألته عن آمهآ وقال بزود لك آلمبلغ
رجعت وسألته عن آمهآ .. يمكن هي تدورهآ
قال لي آنآ وآمهآ مَ نبيهآ
طلع ظني بمحله هم مَ يبونهآ
مَ عرفت وش آسوي آلحآله كآنت صعبه
طعته وسويت آللي قال لي عليه
يومهآ مَ فكرت بحيآه نوف ولا بمعآمله آم سعود لهآ
آللي كآنت تكرههآ ومَ تبيهآ عندنآ
مرت آلسنين لين جآء عمر نوف 5 سنوآت
مليت من حنه آم سعود ومن شوفه فلوسه
صح آنه وضعي تحسن وقدرت آشتري لنآ بيت
وسيآره وكل آللي كآن نآقصنآ
بس نوف كآسره ظهري
قعدت فتره طويله وآنآ آفكر .. بكره آذآ مت وش بيصير لهآ
هي مَ تبيهآ ويمكن تطردهآ < آم سعود >
صرت بين نآرين
بين تهديدآته وبينهآ ..
بعد مَ سترت عليه صآر يهددني
يقول عني مزور وبسجنك
آلرجآل وآصل وآنآ مَ آقدر آدآفع عن نفسي
قلت بخليهآ وبربيهآ ومن يومهآ
وآلمشآكل مَ تخلص بيني وبين آم سعود
ليتك تشوفينهآ يَ هيآء
بتحبينهآ بسرعه .. سآعآت آصدق آنهآ بنتي
تشبهني كثير
تعلقهآ فيني يخوفني .. مدري وش بيصير عليهآ من بعدي ]
مَ قدرت تكمل قرآءه .. نزلت آلورقه ومسحت دموعهآ
وقفت وبعدت آلستآره عن آلنآفذه لمى
سمعت صوت .. آو تهيأ لهآ آنهآ سمعت
رجعت لمكآنهآ .. رجعت ظهرهآ
[ نوف ]
عندي آسئله كثييره يبه .. آآآه يَ ليتك قلت لي بحيآتك وعلمتني بكل شيء بدل هآلرسآله آللي زآدت جروحي جروح
رفعت رآسهآ بسرعه لمى سمعت صوت آلسيآره
دق قلبهآ بقوه وكأنهآ رجعت للحيآه
ركضت للبآب فتحته وطلعت
مَ حست بنفسهآ لمى آبتسمت له بخفه
تأملته بشوق لمى صعد آلدرج ومر من جنبهآ
بدون مَ يطآلعهآ
آنجرحت وتألمت من حركته
لفت على ورى ورآقبته لمى صعد فوق
وآختفى عن عيونهآ
زآد خوفهآ ... قوت من قبضتهآ
تبي تتمآسك
سكرت آلبآب وتنهدت
عضت على شفتهآ ومشت للصآله
دخلت آلورقه بالظرف
وصعدت فوق ..
وقفت عند آلبآب لمى شآفته وآقف عند بآب آلبلكونه
ومعطيهآ ظهره
مشت له بتردد شديد لانهآ عآرفه آنهآ بتسمع منه كلام
يعذبهآ آكثر
وقفت ورآه ومَ عرفت وش تقول
آلفيصل غمض عيونه وآخذ له نفس لمى حس بقربهآ
قوى نفسه ولف عليهآ
لمح آلدمع بعيونهآ .. نزل رآسه ومشى عنهآ
نوف مشت ورآه : لمتى بتتجآهلني
مَ رد عليهآ .. وقفت قدآمه
مدت الظرف له وبعبره : آقرآه
آلفيصل بعصبيه : آقرأ آييييش
نزلت عيونهآ للظرف : آقرأ آلمكتوب فيه
آخذ آلظرف منهآ ورمآه ..: ليه رجعتي ليييه
نزلت عيونهآ للارض وبتلعثم : هذآ بيتي
الفيصل مسكهآ وهزهآ: بيتك كنتي مَ تبينه .. آرجعي للمكآن آللي جيتي منه
نوف رفعت عيونهآ له
الفيصل فكهآ : بلاش هآلنظرآت
نوف : آي نظرآت
آلفيصل : آنتي مو مسكينه آيآك تمثلين علي
نوف بتردد : آنت
آلفيصل بعصبيه : آنآ آييشش
نوف : آنت تكرهني !!!! .. حطت عيونهآ بعيونه
الفيصل آشآح وجهه عنهآ : آطلعي خليني بنآم
نزل عيونه لهآ لمى شآفهآ للحين وآقفه
ولاحظ شفآهآ آلرآجفه آوجعه قلبه عليهآ
آشآح وجهه عنهآ مره ثآنيه وبلع ريقه
نوف : مآتبيني آقول لك
الفيصل نزل رآسه لهآ وبحده : قلت آطلعي
نوف : ليه تعآملني كذآ
الفيصل : بعد لك عين تسألين
نوف : آنآ مآلي ذنب
الفيصل : آنتي خبيتي عني طول هآلمده
نوف : وش كنت تبيني آقول
الفيصل : تحآسبيني على مآضيي آللي آنهيته وآنتي هذي حقيقتك
نوف بالم من قسوته : آنآ مَ آخترت آكون لقيطه
الفيصل رفع يده : نوف خلاص روحي عني مآني طآيق آشوفك
نوف بآلم : وش بيختلف لو قلت لك .. هذآ آنت كآرهني
آذآ تبي تطلقني ريحني وطلقني آللحين
نزلت رآسهآ لمى دخل غرفه آلملابس
حطت يدهآ ع فمهآ عشآن تكتم شهقآتهآ
ومشت للسرير ..
شآلت مشآري بشويش وطلعت بسرعه من آلغرفه
غمض عيونه بقوه وتسند على آلكبت لمى طلعت وسكرت آلبآب
رمى آلبيجآمه ع آلارض وجلس ع آلكرسي
الفيصل بدآخله : آنآ عرفت كل شيء يَ نوف
تنهد ومسح ع وجهه

طلعت من غرفته بعد مَ شآفته نآيم
مشت بالممر بشرود
شعور غريب .. لا هو رآحه ولا تعب
كآنت خآيفه طوول هآلسنين
وبالنهآيه تكتشف آنه آلحل عندهآ
وهم يعرفون من دون مَ تقول آي شيء
صحت من شرودهآ لمى وصلت لنهآيه آلممر
تنهدت ونزلت تحت ..
مستحيل تنسى نظرتهم لهآ
حطت يدهآ ع قلبهآ لا آرآديآ
[ هيآء ]

مَ آبيهم يكرهوني .. آنآ مَ كآن بيدي حيله
كنت مجبوره آسكت وآخبي
آآآآه لا مَ رآح يكرهوني
آنآ سويت هآلشيء عشآن نوف وعشآنهم
وبعدين آنآ مَ كنت آعرف
< جلست ع آلكنبه بعد مَ دخلت >
لا تخآفين يَ هيآء مهمآ صآر مَ رآح يخلونك
هذولي عيآل آخوك آللي آنتي وقفتي معهم وعنتيهم
وآللحين خلاص كل شيء آنحل
وآلقرآر عند نوف ..

بجـــــدهـ
رجعت بسرعه للجوآل
بعد مَ سمعت رنه آلرسآله
فتحته وقرت آلمكتوب بسرعه
[ سمور تكفيين ردي على ]
جلست وآرسلت لهآ : لموي وش فيك
لميآء مسحت دمعتهآ وتعدلت بجلستهآ : مَ نمتي
سمر : مَ قدرت آنآم
لميآء : مثلي
سمر : صآر شيء جديد
لميآء : آلوضع بالبيت متكهرب .. آآآه ضيق وملل
محد يكلم آلثآني
سمر : خآلتي شلونهآ
لميآء : شيخه آحسن منهآ على آلاقل تتكلم معنآ وتسأل
لكن خآلتي سآكته وبس جآلسه بروحهآ
سمر : مآلومهآ كل شيء عرفته فجأه
لميآء : آلله لايوفقك يَ سآره وين مَ لقيتي
سمر : آمييييين آن شآء الله آيآمهآ كلهآ تعآسه بتعآسه .. بيطلقهآ !!
لميآء : حلف آنه يخليهآ معلقه
سمر : آخآف يرجعهآ
لميآء : مَ آتوقع بعد آلضرب آللي آخذته خلاص مآلهآ رجعه
سمر : ليته ذبحهآ
لميآء : ليتك تجين ..
سمر : وش تبيني آقول له .. آختي عرفت من آهلهآ ولازم آروح
لميآء : آآآه المشآكل جتنآ من كل صوب
سمر : آنآ مو مصدقه آنه عمتي تعرف كل شيء ومخبيه
لميآء : لمى عطت نوف آلرسآله .. حسيت آني احلم
معقوله يكون آلجوآب عندهآ طول هآلسنين وحنآ مَ نعرف
سمر : حنآ خبينآ وهي خبت .. تصدقين يمكن بالنهآيه كآن آللي سوته سآره صح
لميآء : وش تقولين آنتي .. هي هدمت حيآتهآ .. نوف يمكن تتطلق
وخآلتي زعلت علينآ ومو بعيده تقول رجعوني بيتي
سمر : آعصآبك مَ قلت شيء .. آنآ بس فكرت من منظور ثآني
لميآء : لا عآد تقولين هآلكلام مره ثآنيه
سمر : لميآء ..!! آنآ مَ مدحت سآره ولا حبيتهآ بعد آللي سوته
آنآ لو آشوفهآ آكلتهآ بآسنآني
لميآء : تقولين يمكن آللي سوته صح
سمر : آنتي مَ كنتي تبين تعرفين من آهل نوف وليه رموهآ
خلاص كلنآ عرفنآ آللحين وهي تقدر ترتآح آللحين
لميآء : وزوجهآ
سمر : هذي هي آلمشكله آللحين .. زوجهآ
لميآء : مآني قآدره آنآم وهي هنآك .. ودي آكلمهآ بس خآيفه
تكون نآيمه وآصحيهآ
سمر : لا خليهآ .. يمكن لو كلمتيهآ بتتذكر وترجع تتعب من جديد
لميآء : سعود يقول قلت له كل شيء
سمر : آيييه
لميآء : يقول آحسه شآيل علينآ ومَ يبي يشوف رقعه وجهي
سمر : آآآه آلله يعين نوف
لميآء : سمر
سمر : وش فيك
لميآء : تتوقعين بيطلقهآ ..؟؟

تجهز للصلاه .. وطلع من الغرفه
مشى للدرج وسمع صوت آلبآب
لف وجهه وشآفهآ وآقفه عند آلبآب
نزل بسرعه مَ يبي يعطي قلبه فرصه
آللي سوته بوجه نظره لا يغتفر ..
مشت للدرج .. حطت يدهآ ع آلدرآبزين
وبدآخلهآ : مستحيل آتنآزل عنك
نزلت وجلست ع آلدرج
سندت رآسهآ عليه
وعيونهآ ع آلبآب
تجمع الدمع بعيونهآ بسسرعه
ضمت نفسهآ وبكت بصمت
آحسآسهآ بالتعب مَ تغير
مع آنهآ عرفت من آبوهآ
وتقدر تروح له وتعرف منه كل شيء ..
لكن آلفيصل رآح ..
رآح وآصبحت عآيشه على آمل آنه يسآمحهآ
تمنت لو آنه يحن عليهآ ويضمهآ
بس مره وحده
يمكن يزول شوي من خوفهآ بحضنه
مسحت دموعهآ وآخذت لهآ نفس

[ آلفيصل ]
لو آقدر بس آنسى آنك كذبتي علي
وآحضنك
آآآآآآه صعب صعب يَ نوف
آللي عرفته مو شيء سهل
مآني حآب آكون قآسي
كفآيه آلالم آللي تعيشينه
لكني مآني قآدر آشيل هآلآفكآر من رآسي
طول هآلمده كنتي تعرفين ومخبيه عني
آآآه تركتيني عشآن مآضي
وآللحين آنآ متعبني مآضيك
وقف سيآرته .. ونزل للمسجد
رفع عيونه للسمآ : يَ رب عندك آنت بس آحسن آلحلول
ريحنآ يَ رب ..

السآعه 6 صبآحآ ..
فتحت عيونهآ : وين بتروح بهالوقت
لف عليهآ : لعمتي ..
طلع وسكر آلبآب
جلست وبدآخلهآ : وش مخبي بعد عني يَ سعود
رجعت شعرهآ لورى وبعدت آلغطآء عنهآ
نزلت من السرير ..
مشت للبآب .. فتحته
ولفت وجههآ بآتجآه آلغرف آلثآنيه
تنهدت ورجعت للدآخل
فتح آلبآب عليهآ بشويش ودخل
وقف عند آلسرير لمى شآفهآ نآيمه
كسرت خآطره وتذكر كلامهآ له
[ طلعتوآ تسذآبين < كذآبين >
وش مخبين عني بعد .. وش آلفضآيح آلبآقيه
قولوآ .. ليه سآكتين..
آنت تسكت ولا تتكلم .. تسذب علي وتقول آنهآ متزوجه
وبتقعد عندتس وهو مغتصبهآ آلـ...
لا يَ آللي مَ تستحون
شفتوني عجيز على بآب آلله مَ عندي آحد
قلتوآ نلعب عليهآ وبتصدقنآ
آنآ خلاص غسلت يدي منكم .. ودوني بيتي مَ آبي آشوفكم ]
زآد كرهه لسآره ولكل شيء يذكره فيهآ
بهأللــــــحــــــــــظه
لف على ورى ومشى للبآب بخفه زي مَ دخل ..

وقفت عند بآب غرفه آلاكل
رآقبته بشرود وهو يأكل
كآن مره يوقف .. ومره يرجع يأكل
صحت من شرودهآ بخوف لمى وقف وشآفهآ
مشى لهآ : تبين شيء
نوف بترجي : آبي آكلمك
الفيصل : عن وش
نوف : آبي آقول لك كل شيء
الفيصل : خلاص ريحي نفسك آنآ عرفت
< وبسخريه > آرتآحي يَ بنت عبدالمجيد آلـ ..
نوف : آنآ مو بنته < رفعت عيونهآ له > آنآ بنت نآيف
الفيصل حط يده ع آلبآب ونزل رآسه لهآ
وبدون مَ يحس بقيمه كلامه : ليه مَ آنتي فرحآنه آنه آبوك عبدالمجيد آلـ .. آلرجآل غني وعنده خيير كثير
بعدته عنهآ ومشت عنه
الفيصل بصوت عآلي : لاتقولين تبين تتكلمين ثم تهربين
لفت عليه : هذآ مو كلام .. آنت قاعد تبرد حرتك فيني
الفيصل بعصبيه : من حقي .. بعد كل آللي سويتيه
نوف بشبه آبتسآمه : آنت خبيت وآنآ زيك .. خلاص تعآدلنآ
مشى لهآ : وش قلتي
خآفت منه بهاللحظه
الفيصل : تعآدلنآ !!! لا يَ نوف حنآ مَ تعآدلنآ
< آشر عليهآ > آنتي ...
رفعت عيونهآ له لمى سكت
بلع ريقه ونزل يده ..
نوف : آنآ لقيطه .. قولهآ عآدي
الفيصل : بعدي عني يَ نوف آنتي كذآ تستفزيني
نوف : شلون آبعد وآنآ محتآجتك جنبي
الفيصل صر على ضروسه : آنآ مآني قآدر آنسى آنك آنتي لقيطه
مآني مصدق آني عطفت عليك لمى كنتي تحنين لهم
نوف بعصبيه ممزوجه ببكآء : آنآ مَ كذبت هم آهلي ومآلي غيرهم
الفيصل : لا كذبتي علي
نوف بعبره : لو قلت لك وش كنت بتسوي .. بترضى فيني وآنآ آللقيطه
سكت وآشآح وجهه عنهآ
نوف : شفت آني مَ كنت غلطآنه
الفيصل طير عيونه فيهآ : كل هذآ وتقولين مآنتي غلطآنه
نوف : آنآ بس كسبت وقت زيآده معك
الفيصل : لاتظنين آنك بتنسيني بهآلكلام .. آنآ مستحيل آنسى بهالسهوله
آخذ آلشنطه وطلع .. غمضت عيونهآ لمى تسكر آلبآب بقوه
فتحت عيونهآ وبلعت ريقهآ وبتنهيده : لا .. مَ رآح تخليني آيأس

فتحت له آلبآب آلخدآمه ..
دخل ولقى مشعل قدآمه
آبتسم له بخفه : شلونك
سعود : طيب .. عمتي صآحيه
مشعل بتنهيده : عمتك آصلا مَ نآمت .. يمه سعوود هنآ
حط يده على كتفه : يله آنآ بروح آلدآوم آشوفك على خير
سعود هز له رآسه بآيه
هيآء : هلا سعود
لف وجهه لهآ وبآبتسآمه : هلا عمتي
هيآء بربكه : حيآك آدخل
دخل للصآله ودخلت بعده
جلست بعد مَ جلس .. وآلتوتر ذآبحهآ
سعود : عمتي آنآ وآنتي نعرف ليه جيت وعن وش بنتكلم
هيآء آبتسمت بآلم : متى بتخلص هآلسآلفه يَ سعود
سعود ضحك بخفه : مَ آتوقع تخلص
هيآء : نوف شلونهآ
سعود بتنهيده : على حآلهآ
هيآء : كنت بروح لهآ آمس بس
سعود : مَ قدرتي
هزت رآسهآ بآيه : آنآ آدري آنكم مأخذين بخآطركم
سعود بمقاطعه : لا يَ عمتي لاتقولين كذآ .. آنتي مَ كنتي تعرفين ولا حنآ
هيآء : سعود آنآ م َ آبيكم تكرهوني
وقف ومشى لهآ : من قال إنآ نكرهك
حطت يدهآ على عيونهآ
سعود : عمتي تكفين لاتبكين
هيآء حطت يدهآ على يده : انآ ومشعل مآلنآ غيركم
سعود : وحنآ مآلنآ غيرك آنتي آللي جمعتينآ وسآعدتينآ
وجودك غير حيآتنآ
هيآء : يعني مو زعلانين مني
سعود : زعلانين !!! عمتي وآلله آنتي مَ سويتي شيء
يزعل .. حنآ كلنآ كنا نعرف بس محد يبي يقول للثآني
هيآء : آنت آمك آللي قالت لك صح
تنهد لمى ذكرته : آييه
هيآء بلعت ريقهآ : خآلتي للحين زعلانه
سعود : آيه وتقول رجعوني لبيتي
هيآء : ترجع !! لا مستحيل نخليهآ تسكن لحآلهآ
سعود : انآ مَ آبي آغصبهآ آذآ هي تبي تروح بوديهآ
هيآء وقفت : لا .. مَ رآح نخليهآ تروح هي مكآنهآ بيننآ
.. آنتظرني بجيب عبآتي هالموضوع لازم يخلص
كلنآ ملينآ