موضوع جدا جميل ومفيد للكل ..........كل الروايات الي انذكرت قريتها .....وخصوصا المكتملة ...بصراحة بسبب انقطاع الكاتبات المفاجئ لبعض الروايات بعد ماعلقونا فيها صارت بطي النسيان وخصوصا الي صار لها سنوات ...
صار عندي عقدة من متابعة الروايات الغير مكتملة بس لاني احب اعلق واتابع وادقق مع الكاتبات افضل من انو اعلق تعليق واحد شامل للرواية مااقدر امنع نفسي من قرأت الروايات الجديدة
مع انو في بعض الكاتبات لهم مجموعة من الروايات كملوها بس اخر روايات لهم يقطعونها بعد مايعلقونا فيها وياليت في سبب لهذا الانقطاع او يعطونا امل ...
انا حبيت روايات اقدار الثنتين وروايات انفاس قطر وروايات الجوري او زهرة الاوركيد وروايات طرماء وثرثارة وخصوصا لقاء الخريف وروايات وديماالعطاء واتابع الحين معاها روايتها الجديدة ورويات حبيبت قلبي ضمضم ضمني بين الاهداب وخصوصا روايتها الثانية بدعت فيها مع اني من روايتها الاولى كنت اعشق وصفها الساحر لكل تفصيل بالاحداث
وتابعت روايات امي روحي الثلاث وروايات الكاتبة معاني وغموض الورد بس حبيت روايتها الثانية اكثر سجينات في قضبان
وروايات ملح الحياة الي من عرفت قلمها صرت اتابع كل رواية لها بس في روايتين ماحبيتهم وامتنعت عن تكملة المشوار معاها لانو الفكرة الي تناولتها للابطال جدا ماتناسب ابطال رئيسين وخصوصا فكرة العلاقات خارج اطار الشرعية وهم شرعك اللهم لااعتراض واخر رواية لها كان لي راي غير ايجابي فيها وماحسيت انو لها هدف من ورى كل هالعلاقات فماكملتها
وطبعا في روايات ابداع لكاتبات متميزات مازالو يتممون رواياتهم عسى ربي يوفقهم ويوصلونهم لمسارهم الاخير مثل صدود وشبيهة امي وطين وماء وسهم المملكة ودهن العود وام وسن ونيروز احمد وغيرهم الي ان شاء الله تكتمل رواياتهم بمثل مايتمنوه ونتمناه
في روايات جميلة وترسخت بذاكرتي وماامل من قرأتها لكاتبات ماكررو تجربة ثانية لهم وفي الي لهم اكثر من رواية بس هدول كانو مميزين جدا واسلوب راقي وقضايا اجتماعية لها اهداف جميلة منها
1/عندما تشرق شمس المحبة .........رواية سعودية جميلة جدا واسلوب الكاتبة راقي تمنيت اقرأ لها شي جديد
2/ بعدني عنه وترك جروجي تنزف ....للفجر البعيد الي اختفت فجأة قبل تكمل مولودتها الثانية رماني القدر بأحضانك كنت متابعة لروايتها الاولى الين اكتملت والثانية اتمنى ترجع وتكملها
3/عيون تحمل الغرق للكاتبة ريم الحجر الي لها روايتين بعد هذي بس احب ذي اكثر وحدة
4/قلوب تجرعت الحب/ لاحزان الخليج اول رواية تعرفت فيها على هالكاتبة وتابعتها بشغف وتابعت روايتها الثانية اسيرة الماضي والرواية الثالثة بس بالرابعة انقطعت واختفت بعد ماقطعت مشوار كبير فيها
5/شئ من الاحزان من اجمل الروايات الي قريتها وفكرتها كانت مميزة واسلوب الكاتبة يشوق القارئ للمتابعة
6/خايف ياقلبي خايف رواية مميزة بفكرتها رواية تحكي معاناة البنت الي تتطلق والظلم الي تعرضت له من الناس لما تزوجت للمرة الثالثة من البطل المطلق وكيف اثرت حياتها السابقة وماضيها المر على حياتها الجديدة بس جدا تجنن ونهايتها حلوة
7/ رواية انت قدري للكاتبة لولة الحلوة رواية رهيبة وفيها اشياء واحداث وظلم يشيب لها الراس بطلة مرت بأحزان مايتحملها بشر ظلم وحقد بدعت الكاتبة في تصويرها ياما بكينا من التأثر ونهايتها كانت دواء لاحزاننا ..........هذي الرواية لها وقع على قلبي لانو الكاتبة تعرضت لهجوم بسبب تصويرها للمأسي الين وصلتها لبر الامان وكنت انتظر منها رواية جديدة مثل ماوعدتنا وفجعنا بخبر موتها بحادث مع زوجها تمنيت يطلع اشاعة بس اختفائها وتأكيد الخبر من المقربين اكد هالشي
الي حز بخاطري انو كاتبة مثلها عندها سعة صدر واسلوب راقي بالتعامل مع قرائها حتى بعد الكلام القاسي تنرمى روايتها الوحيدة في الارشيف ولم اراها منقولة في اي منتدى كتخليد لذكراها مع انها مكتملة والرواية جدا جدا رائعة ومميزة ومالقيت وحدة من الكاتبات تناولت فكرة السحر وتأثيره مثلها اتمنى من كل قلبي انها تنقل هنا وتلاقي قرأ يذكرونها فيها ويترحمون عليها
8/ رايتي السوداء الى متى سترفرفين .......رواية سعودية مميزة تحمل الكثير من الغموض والاشياء الغير متوقعة
9/ جرح المدينة وجرح القلوب الحزينة رواية جميلة تحمل الكثير من العبر بطريقة دينية محببة وخفيفة على القلب
10/بصدري وجع ياناس كنت احسبه ...للكاتبة وحيدة واهلي كثيرين
11/ ملامح وجهي القديم لحديقة الظلام رواية اماراتية تحمل الكثير من الحزن والغموض بس نهايتها مرضية تم تكريم هالرواية بمنتدايين من روعة اسلوب الكاتبة والان طرحت مولودتها الجديدة
12/ مايموت عزمك دامني جنبك من اجمل الروايات المميزة والي كنت اتابعها اول بأول مع الكاتبة الي اتمنى ترجع لنا بمولودة ثانية
13/ احرف مطمورة بين طيات الورق جميلة جدا
14/ مافادني زينه ماطالني غير شين فعوله من اول الروايات الي شدتني للكتاب الشباب وللاسف لم تكتمل مولودته الثانية وغاب عنا الكاتب والله العالم اذا بيكملها او لا
15/جروحي تنزف احزاني على الرغم من انها قديمة بس احب هالرواية واذا قريتها ارجع اتأثر بنفس المشاعر الي تحس فيها البطلة
وبس هذا الي جاء ببالي من الروايات المكتملة الي قليل من القرأت يتابعوهم او قروئهم من قبل لانو الي انذكرو من قبل مايختلف عليهم احد في الروعة بس حبيت اضيف روايات يمكن ماسبق انعرفت لاحد بس تستحق القراة وبجدارة اتمنى الي يقأ اي وحدة منهم يعطيني رايه وفي الكثير غيرهم