أما عند ضآري إلي كان مصدوم من طلب أبوه على قله ذوقه مع أخوه : تبيني أتزوج مرت أخوي !!
أبو فيصل وهو لأول مره يجبر أحد أبنائه : طيع شوري إذا تبغيني راضي عليك ، مستحيل حفيدي يربى عند غريب
ضآري وهو مو مستوعب : يــــبــــ ـــــ ـه أنتت جد مستوعب إلي تقول هذه زوجت يوسف ، يوسف يا يبة إلي لو يشوف أحد يحط عينه بعين زوجته يثور ، تبيني أخون أخوي وهو موصيني بزوجته
وسكت لأنه أبوه سكر التلفون بوجهه
ومن قهره ركل الحجر بقوة
»►❤◄ «
خآرج حدود مملكة البحرين
حملها بين يده و أخذها لشقته
وضع الكمآدات فوق رأسها وهو بداخلة مستغرب مساعدته لهذه البنت
لكن آلمة قلبه وهو يشوفها كيف مرمية بالأرض وكتبها مرمية حولها ، والكل يناظرها بشفقة
»►❤◄ «
ببيت جابر
رد بحده : مو من أسبوعين ماعطك ألف دينار وين صرفتيهم
نزلت رأسها بتوتر : كان محتآج وعطيتهم له
وكملت كلامها : شرايك نبيع البيت ونعيش بشقه هذا البيت كبير علي وعليك
جلس بقربها وهو حاس أنه بالفعل لعب بعقلها : أن عدتي كلامك قطعت لك ألسانك ، هذه البيت بيتك تلجئين له بوقت ما تسكر الدنيا عليك أبوابها ، هذه البيت يا شيخة إلي لولا فضل الله لأخذوه أعمامي وصرنا مثل الفضلة يرمونا من عم لي ثاني
وكمل بسخرية : وأنتي ما شاء الله تعرفين أنه أعمامك وايد يحبونا ومن غلاتنا ما أعرفونا إلا يوم توفوا أمي وأبوي ليأخذون الورث
ووقف وهو معصب منها : هذه البيت إلي بكل سهولة قلتي بيعة عشت أسنين أراكض بالمحاكم لجل ما يأخذونه منا
أتبعته وهي حابه توضح له لكنه سكر باب الغرفة بوجها
فتحت الباب وشافته يرمي ثوبه على السرير
شيخة بضيق : جآبر
ما التفت لها وقرب من الضوء وسكره وفتح التكيف لينام
وهو مو مهتم لها
وهي تكلمت بصوت عالي : عليه أديون وطلب مني أساعده
أبتسم بسخرية ومارد عليها وغطى نفسه ، وهي عصبت من تسفيهه لها
: صدق عبدالرحمن أنت ما تحبني وتبي تأخذ كل شي لك
كلمتها صدمته وخلته يعدل جلسته ، بدون أحساس منه قرب منها ولأول مره يمد يده عليها
المخرج :
زمان اذا جيتك وفي داخلي هم . .
تشيل همي قبل ماتشيل همك . . .!!
واليوم اجيك من العنا . . وأتألم . .
واروح ماحركت قطره في دمك . . !!
سكت وجا الوقت اللي فيه أتكلم . .
هذا إذا باقي . . كلامي بيهمك . . !!
ان كنت تبغى تذلني فانت تحلم . .
وبتعيش ماحققت في يوم حلمك . .!!
أنتظروني بالبارت السادس من روايتي الثالثة
.. وللمعلومة البارت كل سبت ..
" أنا لآمن نويت أعشق أعشقك لو تروح أميال
لكن ! لا نويت الصد صدقني لو إنك بحضني تتعب ما تلاقيني
━╃ ملتفت صوبك لوعينـ❤ـك تهل دم ╃━