[فيتامين سي]

`•.¸ )
.•´ `•.¸
(`'•.¸ (` '•. ¸ * ¸.•'´) ¸.•'´)
«´¨` .¸.* .:.*. ( " البارتــــ(6)ــــ" ).*.:. *. ¸.´¨`»
(¸. •'´ (¸.•'´ * `'•.¸) `'•.¸ )
.•´ `•.¸
`•.¸ )
¸.•

المدخل :

الأماكن كلها مشتاقه لك ..
والعيون اللي إنرسم فيها خيالك
والحنين اللي سرى بروحي وجالك ..
ما هو بس أنا حبيبي
الاماكن كلها مشتاقه لك..

كل شي حولي يذكرني بشي
حتى صوتي وضحكتي لك فيها شيء..
لو تغيب الدنيا .. عمرك ما تغيب
شوف حالي آه من تطري علي..
الأماكن كلها مشتاقه لك

المشاعر .. في غيابك ذاب فيها كل صوت
والليالي .. من عذابك عذبت فيني السكوت..
وصرت خايف .. لتجيني
لحظة يذبل فيها قلبي وكل أوراقي تموت..

»►❤◄ «



ببيت جابر

رد بحده : مو من أسبوعين ماعطك ألف دينار وين صرفتيهم
نزلت رأسها بتوتر : كان محتآج وعطيتهم له
وكملت كلامها : شرايك نبيع البيت ونعيش بشقه هذا البيت كبير علي وعليك

جلس بقربها وهو حاس أنه بالفعل لعب بعقلها : أن عدتي كلامك قطعت لك ألسانك ، هذه البيت بيتك تلجئين له بوقت ما تسكر الدنيا عليك أبوابها ، هذه البيت يا شيخة إلي لولا فضل الله لأخذوه أعمامي وصرنا مثل الفضلة يرمونا من عم لي ثاني

وكمل بسخرية : وأنتي ما شاء الله تعرفين أنه أعمامك وايد يحبونا ومن غلاتنا ما أعرفونا إلا يوم توفوا أمي وأبوي ليأخذون الورث
ووقف وهو معصب منها : هذه البيت إلي بكل سهولة قلتي بيعة عشت أسنين أراكض بالمحاكم لجل ما يأخذونه منا

أتبعته وهي حابه توضح له لكنه سكر باب الغرفة بوجها
فتحت الباب وشافته يرمي ثوبه على السرير
شيخة بضيق : جآبر

ما التفت لها وقرب من الضوء وسكره وفتح التكيف لينام
وهو مو مهتم لها
وهي تكلمت بصوت عالي : عليه أديون وطلب مني أساعده
أبتسم بسخرية ومارد عليها وغطى نفسه ، وهي عصبت من تسفيهه لها

: صدق عبدالرحمن أنت ما تحبني وتبي تأخذ كل شي لك
كلمتها صدمته وخلته يعدل جلسته ، بدون أحساس منه قرب منها ولأول مره يمد يده عليها

وضعت يدها على خدها وهي تناظره بصدمة وخرجت بسرعة من غرفته
أما هو فضل واقف مصدوم ونآظر يده إلي أنمدت عليها

وتوجه نآحية هاتفه إلي أزعجه صداه
وبضيق : نـــ‘عـــم
ردت بدلع : جآبر
نآظر هاتفه وعبس وبداخلة ( أبد مو وقتك ) وبضجر : خير
ردت بزعل : مآ كلفت على نفسك تسأل عني صآر لي أسبوعين اتصل بك ولا ترد
أبتسم بسخرية وهو حاب ينهي المهزلة لأنه مزاجه أبد مو رايق لها :

بصفتي شنو أتصل فيك ؟ شكلك فاهمة سكوتي عنك طول هذه المده غلط ، تضنين بأفعالك راح أحبك ، أنتي على العكس طحتي من عيني لأنك خنتي تربيه أبوك ، ومثل ما خنتي تربيته ما بتكونين قد المسؤلية

دمعت أعيونها
وأخذت نفس طويل وهي ابد مو هامته : لو أتغير بتحبني أو على الأقل بتقبل وجودي
سكت لأنه ما توقع ردها وهي كررت كلامها
وقاطعها بقسوة وهو ماله مزاج : لا ، ما راح أحبك ولا أتقبلك ورجاء لا تزعجيني ولا عاد تتصلين ولو تجرأتي راح أخبر أبوك و أعطيه يشوف كل الرسايل المرسلتها
وسكر بوجها بدون ما يسمع ردها



»►❤◄ «