[فيتامين سي]

»►❤◄ «

بمكان ثاني
ناظره بصدمة

: متأكد بأنه سافر ؟
هز رأسه بتأكيد : بابا أحمد سافر من ثلاث شهور

رفس كفرات سيارته بقهر ( صآر له أشهور يدور عنه ويوم لقى بيته بالأخير يطلع مسافر )
: قهر ، والله قـــهر

وأخرج هاتفة من جيبه و أتصل ليآسر

وبدون مقدمات : الحيوان طلع مسافر
ياسر بعدم إستوعاب : ضاري روق وكلمني
ضآري بنفس العصبية : أحمد طلع مسافر ، رحت له بيته وطلع مسافر
يآسر بانفعال: أنت صاحي ، تبي إلي


صار لأخوك يصير فيك ،
كافي نفسيه أمي و أبوي لازالت تعبانه ، ناقصين أحنا مشاكل ، قلت لك أصبر أنا ما راح أعديها له وراح أخذ بثار أخوي ولو كان على قطع
أرقبتي ، لا تتهور ما نبي أي غلطة
وزفر بقوة : ما باقي على ملكتك إلا أسبوعين ، هذا بدل ما تدور لك شغل ، لتصرف على بنت الناس منه
ضآري بضيق وهموم الدنيا بداخلة : ياسر أنا مو قادرة أفكر

صعبة أتزوج زوجه أخوي يا ياسر صعبة ، أحس أني راح أضلمها معي ، أنت بنفسك شفت زوجوني من قبل بنت ما أبيها وطلقتها لأنها مو أختياري ،
ما أبي إلي صار يتكرر ، تعبت والله تعبت ودي بس لو
أعرف ليه أبوي أختارني أنا مو أنت ، أنت الأكبر

يآسر بقسوة متعمدة : لأنه المرحوم موصيك على حرمته ،
و أنت رجال قدها وقدود ، وإذا تعتقد أنك راح تطلقها مثل الأولى فأنت غلطان ، لأنه عندك مسؤلية تربية ولد أخوك إلي من لحمك ودمك ،

وما في أي رجال غيرك راح يعتني به ويخاف عليه أكثر منك و أنت أتشوف الشيء صعب لأنك ما واجهته لكن صدقني كل شي بيصير عادي ،
وهذه التوتر إلي فيك بيختفي ، أنت بس لو تترك عنك التهور
والتسرع بالأمور تكون بخير


وتنهد بقوة : تبي أطلب من جابر يدور لك شغل بالبنك ،
أو تبي أقدم أوراقك لقوة الدفاع
ضآري بعدم أهتمام ووهو يركب سيارته : ما عاد يهمني شي ، أي مكان وخلاص

»►❤◄ «

بمكان ثاني

ضمتها بقوة : لا تخافين راح أساعدك
ردت وهي تأشر لها عل نفسها وعلى أعيالها لصغار: شوفي أيش سوى فيني وفي أعيالي ، أحس أنهم راح يجنون من فعايل أبوهم ، سكران طول الوقت ، ومو فالح بغير ضربي

وبكت بحضنها : يقول لي بربيك من جديد باين أنك ما تربيتي ببيت أهلك ، أنا خلاص عافته نفسي ما أبيه ،
أبي ألتفت لحياتي أبي أشوف نفسي و عيالي ، أبي أتطلق منه تكفين ساعديني يا ريم مالي غيرك بعد الله أبيك تأخذيني
لمركز الشرطة أو لمجلس المرأة أو للمحكمة المهم أتخلص منه ما أبيه ما عدت أقدر أنام الليل ولا أنام بالنهار ، معيشنا معه برعب

ريم إلي آلمها قلبها عليها : لبسي عبايتك وراح أخذك لوين ما تبين هذه الرجال ما ينعاش معه



»►❤◄ «