الجزء الثاني
الا وسياره مسرعه متجهه عندهم وحاول ابو راشد
يتحاشاها قد مايقدر بس سرعه السياره كانت اكبر ؟!!!
وحدث اصطدام بين السيارتين وسبب في انقلاب
السياره المسرعه ووفاه بطلين من ابطال قصتنا فقدنا
راشد وابو راشد ........
نقلت العائله من المستشفى وادخلت رندا العمليات وام راشد العنايه ....ومضى اسبوع بعد الحادث ودفن ابو راشد و
راشد وصحت ام راشد من الغيبوبه وكان وقع الخبر عليها كبير واثر في نفسيتها فقدت الغالي اللي تحدت العالم
عشان تاخذه فقدة روحها وعمرها وحياتها فقدت حاميها فقدت ولدها وضناها فجأه تذكرت ...
ام راشد\رندا وين رندا ابي رندا نادوها ابي رندا وينك يا بنتي وينك يارندا محد بقالي غيرك وهي تحاول تقوم من
السرير والتم الاطباء عليها واعطوها ابره مهدئه
وهكذا الحال عند رندا تنادي امها وابوها واخوها واهلها بس وين بتلقى ابوها واخوها وين بتلقى اللي مدللها
ويمشي على هواها وين ... راح ابوها وراح اخوها وما بقى غير الام امها اللي نفسيتها سيئه من بعد فقدانها
لزوجها وولدها
مر شهر على رندا وامها وهن مو مستوعبات اللي صارلهم طلعن من المستشفى وقررت رندا تكون قويه لنفسها
ولـ امها لازم تكون قويه ..
امها خلاص عافت الدنيا وعافت الكون بعد رحيل زوجها وخصوصا بعد ما عرفت ان رندا صار عندها ضيق بالتنفس
وما تتحمل زعل او صدمات او اجهاد..
ام متعب\ هاه وشلونكم اللحين ان شاء الله احسن .
ام راشد\خليها على الله والله ماني قادره اتحمل ماني قادره استوعب احس انها فتره وبنرجع لحياتنا انا وابو راشد
وراشد ورندا مثل ما كانت والله كان حاسسني قلبي انه بيصير شي والله حاسه
ام متعب\ استغفري ربك هذا قضاء وقدر ولاتعترضي على قضاء ربك يا ام راشد
ام راشد\ اللهم لا اعتراض بس ليش حنا ليش
ام متعب\قولي لا اله الا الله وش هالكلام هم راحو لدار الحق احسن من هالدنيا .
ام راشد\ياليتني رحت معهم ياليتني ما.....
الا ورندا داخله عليهم \لا يماة لاتقولين كذا حرام عليك يمه وتخليني لمين اسفه يمه اسفه انا حرمتك منهم ..
ام راشد وهي تمسح دموعها\على شنو اسفه شفيك يمه فيك شي وبعدين وش اللي حرمتيني منه
رندا\انا اللي اصريت نروح انا والله ماكنت ادري انه بيصير كذا والله وقعدت تصيح
ام متعب\لااله الا الله عليكم قولي استغفرالله يا بنتي قوموا توضوا وصلوا ركعتين وراح ترتاحون انا استاذنكم .
ام راشد\اذنك معك مع السلامه
ام متعب \ مع السلامه
في الصباح ام راشد\رندا يلا حبيبتي قومي يلا بتتأخرين
رندا \يمه وش اللي بتأخر عليه..
ام راشد\ليش انتي نسيتي الجامعه قومي يلا.
رندا\ يماه مالي نفس اروح للجامعه ما ابي
ام راشد\وش اللي ما تبين لازم تروحين وتفرحيني فيك وبشهادتك
رندا\خلاص دقايق وانا نازله
ام راشد\يلا انا جهزت الفطور ناطرتك
رندا\ان شاء الله
نزلت رندا وقعدت تفطر مع امها على الطاوله
ام راشد\رندا انا بروح لام متعب الضحى داعيتني
رندا\ بتتأخرين ؟
ام راشد\لاماراح اتاخرانتي خذي المفتاح الثاني معاك
رندا\انشاء الله خلاص ماراح ارجع الا الساعه 1 الظهر يالله تبين شي انا ماشيه
ام راشد\لاسلامتك
رندا حبت راس امها ولبست عبايتهاوراحت
ام راشد شالت الفطورورتبت السفره وحطت عبايتهاعلى راسهاوطلعت لجارتها ام متعب
بيت ام متعب ...مين عند الباب؟
انا ام راشد وانفتح الباب
ام راشد \وين ماما
الشغاله\ماما داخل
ام متعب\حيا الله من جانا
ام راشد\الله يحييك هلا شلونك؟
ام متعب\بخير انتي شلونك؟
ام راشد\بخير الله يسلمك
ام راشد\ها حبيبتي داقه على الفجروتقولين لي تعالي خير انشاء الله
ام متعب\ايه. لا اول نتقهوى وناكل الكيكه الي سويتها ويصير خير تعطيني رايك فيها
ام راشدوهي تحاول تجرجرها بالكلام\الله يهداك جايبتني من بيتي عشان تبيني اقول رايي في كيكتك
ام متعب\لا الله يهداك مو هذا موضوعنا
ام راشد\اجل وشو موضوعنا
ام متعب\انتي شفيك مستعجله
ام راشد\وانتي ليه ما تقولين الي الحين
ام متعب\لان فيه مخمخه وتركيزوفيه مصير
ام راشد\ام متعب شفيك احد دازك علي ترفعين ضغطي
قولي تراك خوفتيني
ام متعب\فيه واحد يبي يتزوج بنتك رندا
ام راشد\بنتي رندا بس رندا صغيره وتدرس
ام متعب\حتى لوتدرس معليه انتو حريم لحالكم يبي لكم واحد يحميكم
ام راشد\مادري يا ام متعب البنت صغيره وتدرس وغير كذا ابوه...
ام متعب\ادري بتقولين ابوها واخوها هذولا الله يرحمهم الحي ابقى من الميت
ام راشد\والله ما ادري وش اقول
ام متعب\قولي تم ولا صاير الا الخير والولد معروف
ام راشد\ الا هو من وشلون عرف بنتي
ام متعب\هذا الله يسلمك احمد
ام راشد\احمد؟مين احمد؟
ام متعب \احمد صديق ابو راشد وابو متعب بالدوام
ام راشد وهي تقوم\بس هذا كبير عليها حرام
ام متعب \لاحرام ولا شي انتم يبيلكم واحد يحميكم
ام راشد\والله ما ادري وش اقول اشاور البنت واقولك
في بيت ام راشد الساعه 1 الا ربع ظ
جهزت الغدا وجالسه على الطاوله تجهز الكلام
اللي راح تقوله لـ بنتها اذا جت وهي تعيد وتزيد في نفس الكلام وترتبه وكلها لحظات وتدخل رندا وتشيل الغطا من
راسها وتبتسم لامها وتحبها على راسها رندا\السلام عليكم
ام راشد\وعليكم السلام هلا يمه شلونك
رندا \الحمد لله بس تعبانه وبصعد احط راسي وانام
ام راشد\والغدا اللي قاعده اسويه لي ساعه
رندا \لاقمت اكله
ام راشد\لالازم تاكلينه الحين بعدين يتغير طعمه
رندا\ان شاء الله ابدل وانزل
ام راشد \خلاص انا بصخنه اكيد برد
رندا\ خلاص
انتهى البارت
توقعاتكم:
"وش راح تكون ردت فعل رندا لما تسمع الخبر؟
"وش التغيرات اللي بتصير لحياتهم للمره الثانيه؟
اتمنى لكم قراءه ممتعه
تحياتي عنيده وعاجبني عنادي
للكاتبه\ ঔღঔģħмαţ зţяঔღঔ