*****************
دخل عليها وهو محترق من الغيض مايقدر يقول لابو عليان لا
:يا هييه وينس
وقفت باول الصاله وهي صاده عنه : نعم
قال بنرفزه : نعامه ترفس وجهس وافتك منتس
بالضبط عشر دقايق ابي تجهزين وتلبسين احسن ماعندس
بنروح للعشا
من دون اية كلمه كأنها طفله صغيرره
تبدلت دموعها من الحزن والقهر لدموع الفررح
واخييرا من سنتين ماخلاها زوجها الظالم تزور احد
او تستقبل احد
جهزت في دقايق في النهايه مابتنزل عباتها
وهي طالعه من غرفتها شافت نفسها بالمرايه
"كبرتي يا أم ياسر والهم كبرتس زياده
الله يحنن قلبك علي يا ياسر الله يحنن قلبك
ونزلت دمعتها غبن وقهر وشوق وحنين له
***************
اخر اللمسات على سفرة الرجال واقف معاها عليان ونسرين
:عليان اعجلي يا عليا ابوي لا يعصب علينا
عليا : خلاص كل شي تمام
نسرين: خالي علوي وش انت مسوي بنفسك كأنك محلووو
عليان بغرور مصطنع : محلوو!!!!
انا حلو من يوم خلقني ربي بس انتي اللي ما تشوفين
ولفها مع اكتافها ودفها برى المقلط :يالله برى بسرعه بنقلط الرجال
************
تعالت الاصوات في الصاله
" دخلت الصاله واشوف منيره اختي
تسلم على حرمه وضامتها وتصيح قربت وانا مستغربه منهي ذي
رفعت راسها وانصعقت ما توقعتها تجي من سنتين ما شفناها
حبيبتي خالتي وركظت لها اضمها واسلم عليها
جارتنا ام احمد جت تتهادى بمشيتها
حرمه كبيره وثقيله بثوبها الروز الاحمر المنقط
وطرحتها السودا القطن لكنها تجمع حنان الكون كله
:علامتسن تبتسن
اذكرن ربتسن (ربكن )
وكملت وصلة الضم والسلام على خالتي قمرا
مسحت قمرا انفها بطرحتها وقالت بصوت باكي : ابي اشوف اختي
اخذتها ومن اقبلت للغرفه وزاد صوت بكاها
وقفتها قبل لا تدخل عند امي
:خالتي تكفين امسكي نفسس امي تتأثر وتتعب كثير
ووقفتها قدام المغسله : غسلي وجهس واهدي شوي
نفذت خالتي وتنفست بعمق وهفت على وجهها
غصب عني رجعت احضنها بقووه وهمست لها
: والله نور بيتنا يا خالتي
وردت لي الضمه باقوى منها : يا بعد عيني ياحبيبتي انتي
"دخلت على اختي ام عليان اختي الكبيره الغاليه
اخر من بقى من ريحة اهلي
واحس اني اطير ما امشي لين جلست على سريرها
وشلتها في حضني وضميتها
وكأني متوقعه من شوقي لها انها بترد لي الضمه
:ياحيبتي ياحبيبتي
ونسيت وصات عليا لي اني اتمالك نفسي
ولا انهار قدام اختي
:يا ريحة اهلي انتي يا بعد هالدنيا
يا علني ما اذووق حر فرقاس ياختي
مسكتني عليا واخذت امها من بين ايدي
ورجعت سدحتها على السرير بحنان ورتبت الغطا فوقها
وقالت بإبتسامه : يمه شايفه خالتي قمرا جت تفرح معانا بعليان
ومسحت دموع امها: يمه اكييد هذي دموع الفرحه
من قدس يأم العريس
ورفعت كف امها وباسته بحب ورحمه
"سكت بحلقي غصه كبر هالكون واحساس مر علقم
على عيني ياختي اقطعس والا اغيب عنس ساعه الله لا يسامحك يا خلف الله يريحني منك
|