[شبيهة امي]

في غرفة عليا

عليا تدرين ابوي من كلم البارح
عليا: من ؟؟
نسرين : هذاك
عليا بنرفزه: وجعة جدي له وللي يجيب طاريه
نسرين: عليا لازم تسمعين وش قاله ابوي
عليا لوت بوزها اقوى شي :ما ابي اعرف
نسرين: الا لازم تعرفين
عليا : هاااه وش قولي لا تموتين ماقلتي
نسرين : قاله ابوي غبت بما فيه الكفايه وراك امور مهمه لازم تجي تشوفها

رفعت راسها بحده والكلام
شد انتباها وحفز حماسها: اي وش رد عليه ذاك الغبي
نسرين هزت كتافها بمدري
:بس اشوف ابوي انبسط

عليا: عاد الي يشوف حماس ابوتس بيقول
اني موافقه
نسرين :خاله تكفين وافقي
عليا : نسرين حبيبتي ذا الموضوع ما احب
اعيد وازيد فيه انتي عارفه رأي فيه
وان عدتيه علي مرره ثانيه تراني بزعل واتضايق
نسرين نطت تحب راس خالتها
: لااااا تكفين الا الجنونه بتاعت الزعل
مش عاوزينها تبان
ضحكت عليا : ماشاء الله عليها سعديه
اثرت فيس ههههه
نسرين : تدرين بنت اللذينا تركت فراغ يوم راحت مصر
عليا : ماتدرين متى ترجع
نسرين : مدري ابوي ماقال شي
بس اكييد مو اكثر من اسبوعين
عليا نامي ورانا بكره يوم طويل




*************

:اف اوووووووف متى تخلصين

قطعت الخيط باسنانها وعطته الثوب
:هاك جهز ثوبك اللي كل ما زعلت قطعت ازاريره

رد بوقاحه :انتي السبب عارفتني ما احب احد يساألني وين انا رايح والا منين جاي

وطلع من غرفتها الصغيره دون ان يشكرها
او يقدرها لو بنظره
خرج من البيت وبيغيب عنه اسبوع او اكثر كالعاده
دون ان يتفقدها او يطمن عليها ولا رجع يكون باسوء حال
مخمور فاقد لعقله ولدينه

هذا حال ام احمد ولدها الوحيد

*********

ياسر جالس في سريره ويفكر بعمق

"مخنووق وضايق سلطان نكش موضووع كريه كنت اتناساه

لمتى وانت تعاقبها !!
لازم تروح وتشوفها
هز راسه بالرفض
طيب كلمها حرام عليك مهما سوت
ما تستحق ان تحرمها صوتك طول هالسنين

تحسبني مبسوط وانا هاجرها.
ترى زعلي على قدر شرهتي
اعوذ بالله من الشيطان الرجيم
انا احسن حل اسويه اقوم اصلي ركعتين
استخيير ويارب ارتاح من هالهاجس
الي ما خلاني انام


********

اخر الليل

دخل عليان البيت وهووو منهد حيله
وحالته حاله محتاج ترويشه عاجله ونومه مريحه
وراه بكره اهم يوم في حياته
دخل الصاله عادةً بيتهم ذا الوقت فااضي
اخته عليا اكييد نايمه
ناظر ساعة الصاله لقاها 2 ونص راح لغرفته

وفتح الباب وتفاجأ بالبنت اللي في غرفته
وقف ثواني غير مستوعب
قربت منه وهي تحط
شعرها الاسود الفاحم على كتفها بدلال
وبهمس :أليان (عليان )
بقلبه تعوذ من الشيطان وبصوت مكتوم
: ا نا كم مررره قايل
لا تدخلين غرفتي برى يالله يا حيوانه
وقف برى الغرفه وهو ينتظرها تطلع
صدمة عمرها ما توقعت انه بيصدها اذا تزينت وسلمته نفسها
ناظرت فيه بعيون غايمه من الدموع
I love you:
مسكها بتقزز من شعرها ودفها برى الغرفه وصك الباب
وهي مصدومه من ردة فعله
طلعت تركظ لغرفتها
استغفر عليان وتروش وبعدها
راح لعليا بغرفتها دق الباب عليها


طلعت عليا وشرشفها للصلاه على راسها
هلا عليان
عليان :شوفي لي حل مع الخدامه
ما ابيها تقرب غرفتي سمعتي لاتدخل
عليا : وش فيه يا خوي
عليان : تعوذ من الشيطان
بس كذا ما ابيها تدخل حايسه اغراضي الله ياخذها
عليا : فاقد شي
عليان : لا خلاص بدخل انام يالله تصبحين على خيير



نزلت بعدها للمطبخ وجهزت صينيه
وحطت فيها الاكل المهروس والادويه
وتوجهت لغرفة امها
شافتها نايمه
صحتها بهدوء ومحبه يمه يماااه حبيبتي
جبت لس علاجس قومي يا كل دنياي
فتحت ام عليان عيونها الذابله ومحاجرها الغايره

عدلت مناير وضع امها ووجلستها بشكل مريح
وبدت تأكل امها وتسولف عليها
:يمه بقولس شي
نسرين قالته لي تقول ان ابو عبد الاله
اتصل على هذاك وقاله لازم تجي تنهي
امورك المعلقه
نزلت الملعقه ومسحت فم امها بنعومه
وابتسمت لعيون امها الغرقانه دموع
:يمه حبيبتي تصدقين احيانا اقول عساه للموت
واحيانا اقول ليته يجي ويريح ويرتاح
وينهي هالوضع البايخ
يمه بالله عليس عاجبس وضعي
و عمري اللي راح
احياناً اقول حلو الوضع اللي انا فيه
اني عندكم واني معاكم واهم شي
اني قريبه منس يمه
واحياناً اقول لا هذا وضع ما ينسكت عليه
انابوضع صعب معلقه وبيد من !!
بيد الخايس
اللي هاجر امه وتاركها تعاني من هجره
يمه ذا الانسان مريض
ياحرام يا خالتي قمرا والله تحزن
وين تلقاها من زوجها الشرس
اللي كنه ملاكم ويبقس فيها حارمنا منها
والا من ولدها اللي ما يسأل عنها
ارحمها كثيير وينه ما يجي
يعز امه ويكون لها سند ويوقف بوجه ابو ساري
سكتت شوي ورجعت تكمل
عليا : يمه حبيبتي لا تزعلين مني تكفين
اعرف ما ترضين عليه ولد اختس
بس انتي الوحيده يمه اللي اقدر اقولها
كل اللي بخاطري
باست راس امها وقامت يالله يمه حبيتي بقوم انام

********


قراءه ممتعه لكم وردود حلوه لي