[لامارا]

البارت الـثامن #
..
على الساعه 9 المساء ..
( بدأ القصر يمتلي حبه حبه .. والبنات كل شوي يدخلون يتطمنون على ملاك ويطلعون برا يسلمون على الحريم ..
دخلوا الغرفه .. وكانت الكوفيرا تحط آخر لمساتها على وجهه ملاك .. طبعا المكياج جدا بسيط بطلبها .. )

شيما : زيدي زيدي
ملاك : شاللي زيدي ماابي
شيما : مممرا فاااااهي
ملاك : ديما حلوو
ديما : لآتزيدين .. البساطه آحلى
ملاك : خلاص كافي .. (وقامت )
شيما : وين فستانك ؟
ملاك : بالدولاب ..
***
من جهه ثامر ..
طلعوا من البيت الي كل الشباب مجتمعين فيه .. عشان يسوون له موكب ..
عبدالعزيز : يلا تقدموا علينا .. وأحنا وراكم ..
...
بداخل سياره عبدالعزيز #

مشعل : ثامر .. فيه شي ؟
ثامر أبتسم : لآ
مشعل : آجل وشفيك مب على بعضك ؟
عبدالعزيز : أسسستانس اليوم زوآآآآآآججججك
ثامر ضحك : وانا مستآنس ..
مشعل : مو واضحه عليك ..
عبدالعزيز : وش صاير يا ثامر ..
ثامر : ماصار شي ..
عبدالعزيز : آشك .. ياهوووه وش يبي ذاا ..
مشعل : خلك على اليمين
عبدالعزيز تنرفز : الطريق سالك ليه مقرب من سيااارتي
مشعل فتح الشباك : هييي صديييييق ايش يبغاا انت
ثواني أنفتح شباك السياره الي ورا : والله ما تتزوجها ياثامر
( ثامر حس بوخزه بصدره من سمع الصوت لف بسرعه الاها رنا .. )
ثامر : أنتي شدخلك بحياااتي !
عبدالعزيز : من ذييي .!!
مشعل مسك الباب بعصبيه : والله لا أنزل أوريهاا قليله الحيا
عبدالعزيز مسكه : السياره تمشي انهببببلت ..!!
رنا : ابيك تتعذب مثل ماعذبتني (وضربت سواقها .. اللي ينتظر الاشاره عشان يدخل على سياره عبدالعزيز ..
عبدالعزيز لف بسسرعه وضرب بسياره طلعت بطريقه وصارت سيارته تلف تلف ولاقدر يتحكم فيها وضربت بعمود اناره من جهه ثامر .. الدخان بدا يطلع من السياره .. الحادث كان مروع ووقفت كل سيارات الشباب بنص الطريق ونزلوا يشوفونهم والخوف متحكم فيهم ..
سياره عبدالعزيز أندمرت من جهه ثامر أكثر شي .. حاولوا يفتحون باب السياره من جهته عشان يطلعونه بس كان داخل على جوا ولا قدروا عليه .. فتحوا من جهه عبدالعزيز وطلعوه وقدروا على مشعل .. الي كانوا فاقدين الوعي ..

***
دخلت ديما وشيما الي كان مبين على وجهها أثر البكا ..
ملاك ابتسمت ومسكت طرف فستانها : ايش رايكم ..
ديما بابتسامه : قمر ..
ملاك شكت : إيش فيكم ؟؟
ديما : احنا ؟ مافينا شي وش فينا
ملاك : لاتكذبين علي
( شيما صارت تهف على وجهها بيدها لان العبره خنقتها )
ملاك : شيماااا وش فيك
شيما : مافي العدسات تحرقني بس
ملاك مسكتها وصارت تهز فيها : شيمااااا طول عمرك تلبسين عدسات قوووولي خوفتيني
( ثواني دخلت ام عبدالعزيز وتطالع فيهم )
ملاك : ماما ايش فييييه
ام عبدالعزيز : كل خير ان شاء الله
ملاك : طيب ليييه تبكووون فهمووووني
ام عبدالعزيز بتردد : عبدالعزيز سوا حادث
ملاك بصدمه : جججاه شششي
ام عبدالعزيز : بيصير بخير
ملاك مسكت يدها : ثامر معاه
ام عبدالعزيز : ..............
ملاك تصرخ ودمعت عينها : جاوبوووني ثامممر معااااه
شوي دخلت ام مشعل وتصيح : انا بروح مع عبدالإله اشوفهم
ملاك : وششش فيييه
ام عبدالعزيز : ماجاه شي لاتخافييين
ملاك : بروح معاك
ام مشعل : لآ لآ وراك عرس وش بيقولون الناس
ملاك نزلت دموعها : مايهمني اححد اببببي اشوفه عطيني عبايتي ديمااااا عطيييني
ام عبدالعزيز : كيف بتطلعين ؟ كذا !!
ملاك : آيييي
(لبست عبايتها وغطت وجهها أي كلام وطلعت .. وشيما راحت معاهاا وماسكه يدها عشان تقدر تمشي لآن الفستان طوييييل ..
( دخلوا المستشفى لقسم الطوارئ وكل الانظار عليهمم .. أشكالهم ملفته خصوصا ملاك .. قالوا لهم انهم دخلوه للعنايه فوق .. طلعوا فوق وأنتظروا لما طلع الطبيب المشرف على حاله ثامر .. )
ابو مشعل : طمني
د / صلاح : وش اقولك يااخوي
ابو مشعل : طمناا الله يطمن قلبك
د / صلاح : الحالات الي وصلتنا 3 اخطرها حاله ثامر .. اما البقيه طلعناهم للغرف العاديه ... وتقدرون تشوفونهم أما ثامر يبغاله وقت
ابو مشعل : يعني طيب
د / صلاح : الكسور بجسمه كله .. وهو حاليا بغيبوبه .. إحتمال تكون مؤقته .. لكننا بنراقب حالته ونبلغكم
ابو مشعل : لاحول ولاقوه الا بالله
ملاك تمسك عمها : ابي اشووفه ياعمي
ابو مشعل : أمسحي دمعتك وانا ابوك ..
ملاك زاد بكاها : آبييي اشوووفهه
ابو مشعل : مايصير يابنيتي مايصير
د / صلاح تعاطف معها : تقدرين تشوفينه .. آنتي بس وماتطولين
ملاك : ايي انا بس
د / صلاح : الله يصبر قلوبكم
..
( دخلت عنده .. دمعت عينها من شافته .. ممدد على السرير الابيض وكمامه الاكسجين بفمه وعلى صدره اللزقات حقت النبض .. وعنده كسور بمناطق كثيرهه والجبيرة بيده ورجله .. ورقبته .. الحادث كان قوي ومن جهته ..
قربت منه ومسكت يده الي عليها المغذي وباستها .. وصارت تمرر يدها على وجهه وبآسته على خده وطاحت دمعه من عينها عليه .. مسحتها وقامت تتأمل فيه .. لما قطع عليها الطبيب
: آسف .. بس لازم يرتاح
( ملاك هزت راسها وغطت على وجهها وطلعت )
***
أنتهى الزواج بدري .. بعد ماأعلنوا ان العريس جاه حادث وطلبوا من الناس يدعون له .. وأنقلب من فرحه لحزن وخوف على حالته ..
ورنا هي الوحيده الي كانت فرححححانه الا ميته فرح من الي سوته وأنجزته .!!!
***
ب المستشفى :
أنتظروا لما طلعوا المعازيم وتوجهوا لهم .. ويدينهم على قلوبهم .. مع ان ابو مشعل اتصل عليهم وطمنهم .. أن حالتهم مستقره .. بس لازال الخوف مسيطر عليهم ..
طلعوا فوق .. حصلوا ابو مشعل وملاك جالسين ب الانتظار وهو يقنع فيها أنها ترجع للبيت لكنها رااااافضه ..
..
ابو عبدالعزيز وباين التأثير على وجهه : السلام عليكم
كلهم : وعليكم السلام ..
ابو عبدالعزيز : للحين أنتي فيه .. ليه مارجعتي ياابوي ؟
ملاك تمسح أنفها : مابرجع لما يصحى ثامر
ام عبدالعزيز : وشرايك يمه نرجعك البيت .. تغيرين ملابسك وترتاحين لك شوي ..
ابو عبدالعزيز : وانا مستعد اجيبك الصباح هنا ..
ملاك : ماابي ماابي خلووني براحتتي > وقامت
( ام عبدالعزيز لحقتها ..)
ابو عبدالعزيز اثر فيه : الله يصبر قلبهآآ ..
ابو مشعل : ويصبرنا كلنا وانا أخوك ..!
..
ام عبدالعزيز : يمه ملاك .. آسمعيني
ملاك : ماما ماابي اتركه بروحه ..
ام عبدالعزيز : ياملاك كلنا عندهه .. ماهو بروحه
ملاك تبكي : ماابيه يصحى ومايحصلني جمبه ..
ام عبدالعزيز تمسح دمعت بنتها : واذا كان صاحي .. كان يبيك ترجعين ترتاحين ..
مستعدين نجيبك هنا الصباح ..والله نجيبك .. مع شقه الشمس تكونين عندهه .. واذا جاء بالليل ترجعين للبيت ترتاحين .. لما يفرجها الله ويقومه بالسلامه .. اسمعيني ياملاك وطيعي امك ..
ملاك : ماما ماأقدر .. مااقدر !!
ام عبدالعزيز باستها : الي يريحك !!
ملاك ضمتها : آحبك
ام عبدالعزيز : وانا بعد احبك يمه ..
***
رجعوا لبيوتهم .. وطلعوا ثامر من العنايه .. وبقى بالمستشفى ملاك .. ونواف الي كان يتنقل بين غرفهم ..
دخل على غرفه ثامر .. وحصلها تتأمل فيه ودمعتها تنزل بصمت ..

نواف : السلام عليكم
ملاك تمسح دمعتها بسرعه : وعليكم السلام .. هلا
نواف وقف جمب سريره : هلافيك .. كيفه آلحين
ملاك رجعت عيونها عليه وقالت ببحه صوتها : نآيم !
نواف : الله يقومه بالسلامه ..
ملاك : آمين .. أجل وين رهف ؟
نواف : توها راجعه هي ووليد مع فيصل .. وبعنااااد .. لما صحى عبدالعزيز وأدبها
ملاك : هههههههههه ياحبي لها
نواف يلطف الجو : عقبال مايصحى السيد ويأدبك
ملاك أبتسمت .. : يسوي الي يسويه .. ( مسكت يده ) بس يصحى !
نواف : بيصحى ان شاء الله بيصحى ..
***
مر اسبوعين على هالحاله .. وكل يوم ترجع ملاك الظهر للبيت .. وترد للمستشفى المغرب .. تنام شوي .. وتغير ملابسها وترجع .. على هالحاله لما جا ذاك اليووومم .. :
دخلت ملاك لغرفته ومعاها نواف .. وحصلت عبدالعزيز واقف والجبيره بيده .. وواضح على وجهه التعب بس مابين .. وعلى الكنبه منسدح مشعل وبالثانيه جالس بها وليد وفيصل ..
نواف : السلام عليكم ..
ملاك : السلام عليكم
كلهم : وعليكم السلام .. (ومشعل تعدل بجلسته ..
نواف : خذ راحتتك .. وشدعوه
( مشعل ابتسم وأشر على ملاك ..
وهي ماكانت منتبه لأي أحد .. وقفت بجنب سرير ثامر ومسكت يده وعينها عليه .. متأمله انه يصحى اليوم ..)
بعد ربع ساعه من هالحال حست بحركه بيده .. شهقت شهقه كلهم لفوا عليها وبصوت واحد : وشفيييييييك ؟؟؟
ملاك ويدها على فمها : تحرك !
عبدالعزيز : ماشفت شي .!!!
ملاك تأكد كلامها : حسيت بحركه فيدهه متأكده .. (ثواني رمش بعينه ) شووووف عينهه رمششش وربي رمش
( كلهم قاموا وقربوا من سريره .. وينتظرونه يسوي أي حركه تثبت حكي ملاك ..
ماكملوا عشر دقايق .. رجع ثامر يرمش مره ثانيه .. وبدأ يفتح عينه بصعوبه وبأقل من مهله .. )
ملاك دمعت عينها : حبيبي .!!
( ثامر حرك يده الي كانت داخل يدها بخفيف .. كانه بهالحركه يطمنها بأنه بخير وبيبقى جمبها .. وماراح يتركها لوحدها أبدا .. )