[درة الاحساء]

الجزء الثــــامــــن
*******************************************







في بيت ابو خلف ...
يوسف في غرفته وعنده عهود تسوالف مع عبدالله اخوها الاصغر منها
و يلعبون بلاستيشن ... ويوسف غرقاان في كتابة الشعر في دفاتره
ويكتب في كل صفحه اسمها ....اسمها كان يزين كل صفحه من صفحات دفاتره يوسف
وكان الكل مايدرون بقصة حب يوسف لوصايف غير خلف و عهود ساكته من كثر التهديد عليها من يوسف
هههههه مسكينه يا عهود
ونذكر يوسف انه ما ارسل حق وصايف هاليومين مسج .. وقام وارسل لها هذا المسج

يا حبيبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دووم يطريك
وماظن ينسى من يسوي سواتي
متعلق قلبي يودك ويغليك
وعسى غلاك ما يسبب وفاتي

وصايف كانت مغلقه الجوال الانه مافيه شحن .....وانتظر يوسف
يبي الرد لكنه ما لقى رد وتضايق كثير وحاول يتصل لكنه خااف يكون عمه
جنب وصايف او احد جنيها وكذا خاف يدق او ما ارسلة الانه عندها احد ...؟؟
عهـــــــود ....... يوسف وش قاعد تسوي ؟؟
يوسف ... يؤ وش تبين ياالدبه ؟؟
عهود ....يؤ كلكم كذا دبه ... المهم ما ابي ارد عليك .. ابي اعلمك انه باجر راح تكون ملكت اخوي خلف تدري؟؟
يوسف ... اي ادري انه اخذ وحده ما تسوي اظفر بنت عمي مناير ..
عهود ... وش تقصد في قصدك اظفر ؟؟؟
يوسف ... انتي تدرين انه مناير بيضه كانها اللبنه وعيونها وساع وشعرها طويل وناعم وجسمها نحيف
واللي يبي ياخذها اولا عبده ثانيا اكبر منه بسنتين ثالث شعرها شوشه تقول جدتي وانتي سمعتيها ورابع
عهود قطعته .... بس بس بس بس ؤيؤيؤيؤ كل هذا تعرفه ماشاءالله في زوجة خلف الجديده
وهو راضي وما قال شي عنها
يوسف .... وش تبينه يقول جدام امج ؟؟ تبينه يقول انه مناير احلى منها خلف كل شي يعلمني عنه حتى خطيبته اللي
تبي تصير زوجته قالي وش موصفاتها وقال لي انه مناير احلى منها بس خلف ما يعترف بحقيقه انه ندماان كثير
على طلاق مناير ..
عهود ... وانت علمت وصايف انه خلف راح يمالك باجر ؟؟
يوسف ... عهود انا كم مره قلت لك مالك شغل فينا ووصايف بعدها ما تعرف شي وما ابي اقولها كل شي عن خلف
الاني انا غير وخلف غير احب اوضح لك هذي المعلومه وصايف ما اكلمها لسه تشك واللي عاجبني فيها
اصرارها على انها رافضتني ورافضه غيري
عهود ... مجنون انت تحبها الانها لسه رافضتك ورافضه غيرك !!!
يوسف ,..... اي نعم
عهود .... يمكن تحب غيرك وتبيه يتقدم لها ؟؟
يوسف بعصبيه ... لا لا لا تقولين كذا ...وصايف تحبني وانا متاكد من اسلووبها وانتي قلتي لي قبل هذي المره
عهود ... يااخوي البنت كل يوم لها واحد .... اسالني انا
يوسف بستغراب ؟؟؟ اسالني انا ليه يالدبه انتي تحبين ؟؟؟
عهود ...برتبااك ..ها ها ها لا ابد ياخوي اقوولك اسالني الاني بنت واعرف سوالف البناات
يوسف ..... عبالي تحبين كان من الحين دزيتك له على البريد المستعجل هههه ههههه
عهود ... اووكيه وش تبي تسوي الحين مع وصاايف
يوسف .......ابي اكلم ابوي عشان اخطبها
عهود .... مجنووون انت تكلم ابوي ... عشان يخطبها لك ؟؟
يوسف ... اي اكلم ابوي ليه انا مقطوع من شجره ما عندي اهل ...!!
عهود ..... لا ما اظن راح يوافق ... وازيدك من الشعر بيت ان امي رااح ترفض
يوسف ... قديمه ... ادري ان امي راح ترفض ...ولا بعد مــو اي رفض يمكن هذا الرفض يسبب بلاوي
عهوود .... كل هذا تدري ورااح تاخذها وتضيع نفسك ؟؟
يوسف ... عهود انا احبها تعرفين اشلون احبها مووت ... هذي حلم حيااتي اللي كبر معي وابي اتزوجها
تكفين يا عهود اوقفي معي ولا تصيرين انتي والزمن علي مثل اخوي خلف اللي ما عرف نفسه وضيع
عمره وبيته وحبيبته وزوجته مناير ......
عهوود .... ساكته .... الله يوفقط يا اخوي
يوسف ... من قلبك يا عهود
عهود .... وصايف بنت ونعم فيها صحيح الزمن فرقنا بس صدقني يايوسف كل ما شفتها اكلمها بعيوني وهي تبادلني
النظره والكلمه
يوسف .... خلاص يا عهود باجر راح اكلم ابوي عن موضووعي مع وصايف ... واللله يسهل الامر
عهود ... امين يا اخوي وتستاهل كل خير
*********************************************
في بيت ابو محمد <<< شخصيات جديده
ابو محمد <<جاسم العمر 48 سنه ارمل
محمد 28 سنه .... مريم ..24..انجود20 ... ناصر .. 18
محمد .. رجال ارمل وعنده ولد وبنت
مريم ...متزوجه وصديقة مناير
انجود ... صديقة وصايف في المعهد وتعلقة انجود بوصايف حييل بعد طلاق اختها الانه صارت بينهم زيارات
تتصل مريم على مناير على الجوال...
مريم .... هلا مناير كيف حالك يالدبه وينك ما عاد نشووفك
مناير ..... والله يا مريم هذا الاسبوع مشغوولين حيل تعرفين عرس اخوي فيصل قرب وحنا مشغولين حييل
وما عندنا سايق وما عندنا غير ابوي وفيصل ... وفيصل مشغول في شقته وترتيبها
مريم ... الله يهنيكم يا مناير ونفرح فيج بعد
مناير ... لا تووبه اتزوج مره ثانيه
مريم ....وليه تووبه هذا نصيبك وهذا المكتووب
مناير ونعم بالله .... بس انا ما ابي اتزوج عشاان صلووحي ما يضيع من يدي واسبب له عقده
مريم .... ههههههه حلوه عقده ياعمي باجر يتزوج وينساج وينسى كل شي سوتيه له يا بنت الحلال انتي توك صغيره
دوري اللي يستر عليكي بس انتي اقتنعي وعندي العريس
مناير .... ضحكتيني منو العريس باللله اللي يرضى يتزوجني وياخذ ولدي هديه معي هههههههه
مريم ... بلا ضحك يالله ترى اتكلم صج ...
مناير ... والله انا توني متطلقه وطلاقي من غير سبب منو رااح ياخذ بنت متطلقه وسببها مجهوووول يا مريم
مريم ..... اخوي محمد وش رايج فيه
مناير ... وش قصدك وش راايي فيه ؟؟؟
مريم ....اووكيه الحين انتي وينك ؟؟؟
مناير... في السياره مع ابوي رايحين البيت ليه ...؟
مريم ... الله يفضحج تكلميني وعندج ابووج
مناير .. لا تخافين ما سمع شي امي جدام وانا وراء في المقعد الخلفي ومشغل اغنيه محمد عبدو اهداء له لامي واسمها
سمي ههههههه قاعدين معي ونسوا اني معهم كملي وش بغيتي يا مريم
مريم ..... اشوه انهم ما يسمعونك اقوول مناير تعالي البيت واكمل لك الساالفه...جوالي ما فيه فلووس
مناير ....اووكيه يا مريم