[لامارا]

صور رأس الحمرا في المرفقات...



&

&



&


تكملة...

بعد نص ساعة ...
وصلوا رأس الحمرا و وقفوا سياراتهم بالباركنغ ، نزلوا و هم متحمسين .
وليد : يللا بنات تعالوا نزلوا الأغراض معانا .
حركوا رؤوسهم بالإيجاب و راحوا عندهم .
ميس أخذت الحصائر مع السجادات و هي تلتفت لفارس : أي مظلة ؟
فارس إلتفت للمظلات بعدها إلتفت للشجرة الكبيرة اللي قريبة من الجبل : ما نريد المظلات عندنا خيمة ، روحي لعند الشجرة !
ميس حركت رأسها بالإيجاب و مشت .
مسك أخذت الشراشف و أكياس الشبسات و راحت ركض .
و البقية صاروا يوزعوا على بعضهم ، ملك مسكت الكول بوكس من طرف و إلتفتت لنورس : نورس تعالي ساعديني !
نورس إبتسمت لها : سووري شوفي و هي تراويها اللي بيدها : بروح أحط هذول و أرجع لك !
ملك حركت رأسها بالإيجاب و وقفت تشوف الكل يروح عنها .
حط اللي بيده و إلتفت لها و في خاطره : روح لها يا وليد ، هذي فرصتك ، لا تفوت و لا دقيقة منها !
إبتسم و جا بيمشي بس وقفه فارس : على وين ؟
وليد أشر على ملك و بإبتسامة : رايح أساعدها !
فارس إلتفت لها و من ثم لوليد : خليك أنا بروح
وليد : لا ، أنا ... ما قدر يكمل كلامه لأنه فارس راح عنه ، أخذ نفس و دار للكل و صار يساعدهم بالترتيب .

شافته جاي لها بس سوت نفسها ما تشوف عليه و مشغولة بشيلتها .
فارس و هو يمسك الكول بوكس من طرف الثاني : يللا إرفعيه !
ملك و هي تمثل الإستغراب : أنت متى جيت ، أنا حتى ما شفتك !
فارس حرك عيونه بملل : لا تكذبي شفتك تشوفي علي !
ملك و هي تأشر على نفسها : من ؟؟ أنا ؟؟ أكيد غلطان ، شكلا أنت لازمك نظارة ، تريد تستعير نظارتي !
فارس ترك الكول بوكس و صار يمشي عنها : جيبيه لحالك !
ملك بسرعة : إنزين ، إنزين تعال !! ما أقدر أحمله لحالي !
فارس إلتفت لها : بدون كلام فاضي !
ملك حركت رأسها بالإيجاب ، و مسكت البوكس من طرف و فارس من طرف الثاني و صاروا يمشوا
ملك و هي تقلده بصوت واطي عشان ما يسمعها : بس بدون كلام فاضي !!!!!
فارس سمعها : ما قلت بس إذا تقلديني قلديني صح !
ملك : ها ؟؟
فارس لا رد .
ملك في خاطرها : أفففففففففففففف !
وصلوا و حطوا البوكس و جلسوا يساعدوا الكل .
الشباب جلسوا يركبوا الخيمة و البنات قاموا عشان يروحوا لعند البحر .

ما وصفت لكم رأس الحمرا ، عبارة عن شاطئ مرجاني برمال بيضا ، بين مرتفعات القرم ، يعني جبل ، بحر و من ثم جبل هههههههه ! فيها كم من مظلة و شجرة وحدة بجنب الجبل ( ما أتذكر إذا في أشجار ثانية ) هالمنطقة يسكنها الأجانب يعني تشوفوا بيوت أجانب بكل مكان بس بعيدة عن الشاطئ شوي !

عند البنات ...
نورس وقفت عند الماي و دخلت رجولها شوي ، إبتسمت و هي تحس بدفء الماي
مسك نطت في البحر و هي تصرخ : ياااااااااااااااهوووووووو و !!!
البنات : هههههههههه
مسك و هي تلعب بالماي : تعالوا إيش تنتظروا ، ما راح تندموا !
سارة و هي تضحك : مسك ، إطلعي من الماي ترى الجو برد و بعدين بتبردي !
مسك : سارونة خليني شوي توني داخلة !
سارة : مسك أنت .. ما قدرت تكمل لأنه قاطعها و هو يوقف جنبها : خليها ، لما تمل بتطلع .
سارة إبتعدت عنه شوي و ما ردت .
وائل إبتسم و إقترب منها مرة ثانية ، إرتبكت من حركته و نزلت عيونها للأرض ، وائل حس فيها ، إقترب أكثر و بهمس : مالك خفتي ؟ تراني ما آكل !
سارة بلعت ريقها و صارت ترمش عيونها بإرتباك ، وائل إبتسم و مشى عنها و من ثم لف لها ، إبتسم بخبث و فسخ قميصه اللي بنص كم : سارة !
سارة رفعت عيونها له
وائل بإبتسامة : إمسكيه ! و رمى القميص لها !
سارة رفعت حاجب و مشت عنه : إيش يحسب نفسه هذا !
وائل ضحك على حركتها و دخل في الماي و بعدها بشوي شاركوه الشباب .
ملك وقفت تشوف عليهم : و الله حظهم ماخذين راحتهم و نحن ليش جايين عشان نشوفهم بس !
نورس إبتسمت : إنتي إصبري شوي ، تونا جايين ، و بعدين بنكون هنا لحد بكرة فيجي دورك لا تخافي !
ميس إلتفتت لملك : ملوووكة ، أنتي تعرفي تسبحي ؟
ملك ضحكت : لا
سارة : و لا أنا !
ميس و نورس : حتى نحن !
ليان و هي تضحك : و لا حتى أنا !
الكل : هههههههههههه !
ملك : يعني إذا غرقنا ما عندنا إللا هذول يساعدونا و هي تأشر على الشباب .
ميس إبتسمت : نورس جا لها تغرق !
نورس ضربتها على كتفها بخفة : هيييي !!
ملك : جد ؟؟؟
سارة : و كيف طلعت ؟ من ساعدها ؟
ميس بخبث : حبيب القلب ، حسوووووم !
البنات بخبث : ووووووووووووه !
نورس إحمروا خدودها : سخييييييفات !!
البنات : ههههههههه
ميس و هي تكمل : من وقتها هي بدت تحبه !
نورس رفعت عيونها لحسام اللي كان يضحك مع أنس و بصوت واطي : بس هو مستحيل يحبني !
ليان : ها ؟؟ قلتي شيء !
نورس حركت رأسها بالنفي و مشت للخيمة .
سارة بإستغراب : إيش صار فيها هذي ؟
ميس حركت أكتافها : ما أعرف و جلست على الرمال : يللا نعدل قلاع و نخلي الشباب يختاروا أحلى قلعة .
ليان بحماس : يللا !
سارة : عيل أنتي و ميس تشتغلوا مع بعض و أنا و ملك مع بعض .
حركوا رؤوسهم بالإيجاب و جلسوا ، و بدوا ، بعد فترة طلعوا لهم الشباب .
ميس و ليان وقفوا عند قلعتهم : إيش رأيكم ؟
وليد و هو يدور حوالين القلعة : حلوة بس .. إلتفت لقلعة سارة و ملك : هذيك أحلى !
ليان : ولييييدوه إفتح عيونك و بعدين تكلم !
وليد : ههههههههه
ميس و هي تلتفت لفارس : فارس أنت قول !
فارس و هو يشوف على القلاع : مالكم أحسن !
ميس و ليان : هاااااااااييي !
ملك : أصلا غيران ، ما راح يقدر يعدل مثل قلعتنا فكذي إختار قلعتهم !
فارس إلتفت لها بنظرة خلاها تبلعم أكثر من مرة ، لفت عنه بسرعة و هي تحاول تبتسم : حسام أنت إيش رأيك !
حسام و هو يأشر على قلعتهم : هذي أحلى !
ملك : شكرا ، شكرا ، ناس عندهم ذوق !
فارس تكتف و رفع حاجب ، ملك نزلت عيونها لقلعتهم و سكتت .
سارة و هي كاتمة ضحكتها : و البقية إيش رأيهم ؟
وائل و هو يقترب من عندهم : بصراحة هذي أحلى و هو يأشر على سارة
سارة فتحت عيونها للآخر ، إبتسم و نزل إصبعه لقلعتهم : هذي أحلى !
سارة مسكت يد ملك و بصوت واطي : أنتي شفتي اللي أنا شفته ؟
ملك : أنتي إيش شفتي !
سارة : خلاص و لا شيء و في خاطرها : أنا إيش فيني أكيد قصد القلعة من البداية ، و بعدين ما يتجرأ يقولها لي قدام أخواني !
ليان و هي تلتفت لأنس و سلمان : و أنتو ما عندكم رأي ؟
سلمان و أنس أشروا على قلعتهم .
ميس : يعني تعادل !! لا ما نريد !
مسك و هي تطلع من الماي : أنا بقرر !
وقفت تشوف على القلاع ساااااااعة ، و تدور حوالينهم و الكل ينتظرها تقرر بالأخير صارت تمشي عنهم و بدون ما تلتفت لهم : الإثنين بايخين ، أنا أقدر أعدل أحسن منهم !
الكل : ؟؟؟؟؟؟؟؟؟؟!؟!!!!؟؟؟؟؟؟ و بعدها ضحكوا و مشوا وراها .
جلسوا بتحت الشجرة و صاروا يوزعوا شبسات لبعض ( أحلى ما في الرحلات : الأكل !!! ههههههه )
حسام و هو يجلس بجنب نورس : عطيني الفوطة و هو يأشر عليها .
نورس مدت له الفوطة و هو صار يجفف شعره ، جلست تشوف عليه كان طالع وسييييييييييم بشعر مبلل و كم خصلة نازلة ، إلتفت لها و هي على طول نزلت عيونها ، رن تلفونه بس كان أقرب لنورس .
حسام : نورس شوفي من !
نورس أخذت التلفون و شافت : مروة يتصل بك ! تجمعت الدموع في عيونها ، مدت له التلفون بدون أي كلمة و قامت تمشي بسرعة .
ملك و هي تلتفت لها : نورس على وين ؟؟
نورس ما ردت ، مشت أسرع لأنها خلاص ما قادرة تمسك دموعها أكثر ، تريد تختفي عنهم عشان تبكي بصوت عالي و تاخذ راحتها ، طول هالفترة كلما بكت ، بكت بصمت ، بس خلاص مانها قادرة تمسك شهقاتها أكثر ، ركبت لفوق لعند البيوت و ضلت تمشي لين ما عادت تشوفهم ، إنهارت ، جلست على الأرض و صارت تبكي و تشهق

عند حسام ...
أخذ التلفون منها بس لما شاف الرقم ما رد ، إلتفت لنورس و شافها تمشي ، جا بيقوم بس وقفه وائل : حسام ، يللا روح جيب الكرة نلعب طائرة !
حسام قام : أنتو إلعبوا أنا ...
وائل و هو يقاطعه : حسام يللا !
حسام : بس نورس ...
وائل و هو يقاطعه مرة ثانية : أنت شكلك نسيت ، نورس تحب هالمكان كثييير و تحب تتمشى لحالها بترجع ألحين ، خلينا نلعب ، إلتفت للكل : يللا قوموا !
الكل قام .
حسام في خاطره : إيش تكون تفكر ألحين ؟ و أنا ليش أهتم !! إلتفت على وائل و مشى معاه .
كونوا فريقين ، فريق الأول : فارس ، سلمان ، وليد ، ليان و ملك . فريق الثاني : وائل ، أنس ، حسام ، سارة و ميس ، مسك الحكم !
مسك و هي ترسم خط بينهم : هذي شبكتكم فاهمين !
أنس بملل : خلصينا !
مسك رفعت حاجب : أنت برع اللعبة ، محد يكلم الحكم كذي !
سارة : صدقت حالها !
الكل : ههههههههههه !
مسك و هي تلتفت على أنس : سامحتك لأنك جديد علي بس لا تعيدها !
أنس إبتسم : شكرا ، ما راح أعيدها !
مسك وقفت بالوسط ، صفرت و من ثم رمت الكرة ، و صاروا يلعبوا ، ضحك و صراخ ، البنات ما يعرفوا ، يجوا يرموا الكرة تطيح في ملعبهم و الأولاد ملانين منهم .
سارة و هي تضحك : شوفوا ألحين هذا إرسال قوي !
وائل إبتسم لها و إقترب من عندها ، وقف قدامها : إمسكي الكرة بهالطريقة ، مسك يدها و هي شهقت ، جت بتفك يدها من يده بس ما قدرت ، كان ماسكها بقوووة .
طبعا البقية ما يعرفوا إيش يصير لأنه معطيهم ظهره و لأنه طوييييل فمغطي عليها .
سارة و هي مرتبكة : لو سمحت وائل إترك يدي !
وائل : إذا ما تركته !
سارة نرلت عيونها و هي تحس بدموعها تتجمع في عيونها : إت .. إتركني !!
ميس بملل : إيش فيكم ، طولتوا ؟ خلصونا ! مشت بخطوة لوراء و شافته ماسك يدها ، راحت لعندهم بسرعة و فكت يدها من يده و بصوت واطي : وائل بلا حركات بايخة ، أخوانها موجودين و أنت ..
وائل و هو يقاطعها : مالك أنتي أنا بس علمتها و إلتفت للكل و هو يبتسم لنفسه .
ميس لسارة : سارة أنا آسفة عل ...
سارة و هي تحاول تبين عادي : لا ميس ما صار شيء ، هو .. هو بس كان يريد يعلمني ...
سلمان بملل : هييي ملينا ، إيش فيكم ، ما صار تخطيط !!
سارة إبتسمت لأخوها : خلاص نبدأ ألحين ، و رمت الكرة .
ملك و ليان كانوا واقفين وراء فارس ، سلمان و وليد ، يعني ما جا لهم و لا مرة يضربوا الكرة .
ملك لليان : ليان ، هالمرة لازم أضرب الكرة ، فشلة ، واقفين ساعة بس نشوف عليهم .
ليان حركت رأسها بالإيجاب .
حسام رمى الكرة و ملك ركضت و هي تصرخ : هالكرة لييييييييييي و طرااااااخ ، وليد طلع قدامها بالغلط ، إصطدمت بصدره و جت بتطيح بس مسكها من خصرها .
وليد بخوف : تعورتي ؟
ملك إرتبكت من لمسته فبعدت عنه بسرعة و بتلعثم : أن .. أنا .. بخير ! مشت لوراء و إلتفتت لفارس شافته يشوف عليها بنظرة ما قدرت تفهمه بس خافت .
ليان و هي تأخذ الكرة : كيف نكمل ؟
فارس و هو يمشي عنهم : أنتو كملوا ، أنا أروح أشوف نورس وين راحت !
ملك و هي تلحقه بسرعة : و أنا جاية معاك !
فارس بدون ما يلتفت لها : ما في داعي !
ملك ما ردت بس مشت وراه .
حسام إلتفت لوائل : و أنا رايح أدور عليها ! و ركض بسرعة .
سلمان و هو يلتفت على البقية : خلونا ناخذ بريك و بعدين نرجع .
حسام لفارس : أنتو روحوا من هناك و هو يأشر على الجبل .
فارس حرك رأسه بالإيجاب و راح و ملك تركض وراه .