[لامارا]

راسيل نزلت الطلب على الطاولة
خصلات شعرها القصيرة تتطير
راسيل بلباقة : اي خدمة ثانية
الشخص باحترام و ابتسامة : مشكورة يعطيج العافية
راسيل : الله يعافيك
لفت تمشي شافت قدامها سرمد جالس على الطاولة المقابلة
تجاهلته
سرمد بهدوء : لو سمحتي
تقربت من طاولته بانجبار
راسيل برسمية لعامة الناس : في اي خدمة
سرمد و عينه الاوراق اللي بيده و لابس النظارة ( رغم ان الجو بارد إلا ان في شمس )
: ليش التطويل في الطلبات ؟
راسيل فهمت انه يقصد الطاولة اللي قبله
راسيل بهدوء : اظن هالشي ما يعنيك و ما لك حق , في اي طلب ؟
سرمد و عينه الاوراق : قهوة سوداء , و لي رد ثاني على الشطر الاول من كلامج , تقدري تتفضلي
مشت بهدوء
قهرها قهرها بقوة " لا يفكر اني مهتمة برده الثاني على كلامي و لا يهمني بعد
بس هو ما يشرب القهوة السودا الى اذا كان مشغول و فكره تعبان و انا وش علي منه "

راسيل دخلت المطبخ
راسيل : نادر واحد قهوة سوداء
نادر : حشى بهالوقت ( و لف يطلب القهوة من اللي وراه
راسيل تقربت من مزون و بهمس
: هاا وش صار
مزون بهمس : و لاشي عادي حتى ما ناظرني
راسيل بابتسامة : وش دراج انه ما ناظرج
مزون بهمس : احلفي عااد
راسيل : ههههه طيب ارسلي القهوة عني
مزون : طيب هاتي وين عاد
راسيل : بالحديقة رقم الطاولة (و بتفكير ) ما ادري ما لاحظت
مزون بضحكة : لا و الله وشدراني اي طاولة
راسيل بهمس : مزون هذا الطلب لسرمد
مزون : زين ليش ما تبين توديه مو تقولي ما يهمج و خلاص
راسيل : هو صحيح بس ما ابي اشوفه
مزون تبي تغيظها : طيب رقم الطاولة
راسيل : مزوون لا تسوين نفسج ما تعرفي شكله روحي الحديقة بتشوفيه مرتز على وحدة من الطاولات
مزون بضحكة : عيديها شنو هذي مرتز
راسيل : مزون مو وقت نعومتج الحين
مزون : هههههههههه طيب لا تموتي

اخذت الصينية و راحت
طلعت الحديقة تلفتت بهدوء شافته
راحت للطاولة و هي تنزل الطلب
سرمد و عينه على اوراقه و صوت رجولي : ليش التأخير
ارتبكت مزون و هي تنزل الطلب من صوته
و بارتباك واضح على صوتها : اا عفوا ان شاء الله المرة الاخيرة
سرمد عرف من الصوت انها مو هي , هو بس شاف اللبس توقع هي بدون ما يرفع عينه
سرمد رفع راسه و طالعها و بابتسامة : حصل خير
مزون بعومة متوترة : اي خدمـة ثانية
سرمد : يعطيج العافية , بس لو توصلي امانه الله يعافيج
مزون : ان شاء الله تآمر
سرمد : ثواني بس
و نزل راسه الى اوراقه كتب بالورقة و عطها مزون
سرمد : وصليها الى راسيل
مزون : ان شاء الله
سرمد : مشكورة اختي
لفت مزون و مشت بتوتر

مزون دخلت المطبخ و التفت على راسيل تعدت طارق و نادر
مزون : هذي آخر مرة ترسليني لزوجج المتوحش
راسيل : هههههههههه (و بجدية) ليش وش سوى
مزون : رعبني قالي بصوته المخيف (و هي تقلده) ليش التاخير
راسيل : هههههههه احلفي و بعدين
مزون : تعرفي شكله كان يحسب اني انتي
خوفني و ربي هذا انتي اشلون تتعاملي معاه المهم
و مدت لها الورقة
مزون : قالي اوصلج هالامانة تفضلي
راسيل خذتها باستغراب و راحت مزون ترسل طلبات ثانية
فتحت الورقة
] انتي تعرفي اني لما اشرب القهوة السوداء يعني تعبان وبقوة , اشلون ترسلينها لي مع غيرج خلاص ما ابيها , يعني ما بشربها و انا بحاجتها يرضيج ؟ تعالي اخذيها ما ابيها [

رغم انها انقهرت من حركة الورقة بس ابتسمت بخفة
فكرت انها ما تروح و تتطنشه تقهره مثل ما قهرها بردة فعله
لكنها راح تروح ..
طلعت من المطبخ للحديقة
و على طاولته

راسيل تقدمت بدون ما تتكلم مسكت كوب القهوة بتنزله بالصينية
سرمد و عينه على الاوراق : ليش التاخير
راسيل و هي تنزل الكوب الصينية
: و هالمرة تعرف من الواقف
سرمد رفع راسها له و حط عينه بعينها و بصوت رجولي
: عرفتج من عطرج
ارتبكت من صوته و كلمته
سرمد : ليش ما جبتي القهوة
راسيل : كاه الكوب ساخن خذها
سرمد : ما ابيه دامه مو انتي جايبته
و نزل عينه للاوراق : جيبي لي كوب ثاني من يدج , اذا مو يدج طبعت عليه ما ابيه
سرمد : بالله اشلون استعذر للزملاء ليش القهوة راجعة
سرمد رفع راسه : همج ترضيني و لا تستعذري للزملاء
ارتبكت منه و لفت تمشي
ابتسم على الحال الجديد بينهم اللي هو بناه و بدأه

راسيل و هي رايحة فكرت انها تتخلص من القهوة علشان ما تنسأل عنها
احتارت وين تتخلص منها فكرت انها تشربها شربتها على الرغم من انها ما تحب القهوة
و دخلت المطبخ و طلبت غيرها و ظلت تفكر فيه

طارق مد الصينية لمزون و عينه تحت
ما يبي يحرجها بهالموقف خصوصا انه يعرف انها خجولة و بزيادة
مزون اخذت الصينية و وقفت و هي تناظر عينه
على الرغم من انها خجولة بزيادة و حياها منه يزيد كلما شافته
بس بهالدقيقة ما تدري ليش وقفت تبيه ينظر لها لو نظرة
يمكن وحشتها عينه طول اليوم ما طالعها
طارق حس بوقفتها رفع راسه عن الدفتر و طالعها
5 ثواني بينهم و ابتعدت مزون بحيا و خجل من تصرفها

راسيل اخذت الصينية و راحت
وقفت جنب الطاولة و نزلت الكوب بهدوء
سرمد و عينه على الاوراق : ما في حتى تفضل
راسيل : في اي طلب ثاني
سرمد رفع راسه لها
و بنظرة رجولية : اي في , انتي
راسيل لفت بارتباك
سرمد بهمس : على فكرة لا تكثري عطر
مشت و قلبها يتحرك بقوة منه

.~.~.~.~.~.~.~.~.~.~.~.


لياج غسلت وجهها و تنشفت بعد بكاها
و جات بكوب عصير ليمون
اخذه جسوف و شرب منه و خلاه عالطاولة
جسوف : ليش واقفة
لياج ببحة من البكا و عينها على الطاولة : عاادي
جسوف و هو يمسك يدها من المعصم و يشدها تجلس : لا مو عادي
ارتبكت من يده عليها
حط يده على ظهر الكنب بامتداد
و كان راسها انحصر بكتفه
بهمس : اشفيج
لياج ظلت ساكته
مو قادة تتحمل اكثر يكفي خجلها منه و ارتباكها من وجوده جنبها و فعلة ابوها
جسوق ببحة رجولية : عارف كل شي صار بسرعة و مفاجاة يبي لج وقت تفهمي و تستوعبي
و تعرفي كثير اشياء راح نعرفها بعدين بس الاكيد تشيلي من بالج فكرة الانفصال
طالعته بنظرة ما لها معنى لانها اساسا فكرت في الفكرة
و عينه بعينها : عارف فكرتي بهالفكرة بس شيليها من بالج
بتقولي لي راح تجبرني راح اقولج للحين ما عرفتيني و ما تعرفتي علي علشان ترفضي
اذا عرفيني عدل و ظليتي معاي و شفتي حياتج معاي مستحيلة بعدها تفكري بالانفصال
اما من البداية بدون اي تعارف و تقرب راح اقولج لا
نزلت راسها بعد كلامه و مو عارفة ترد عليه
جسوف بهمس : ما ابي اسمع ( اتركني و ما لك دخل فيني )
هالكلمتين تنرفزني و تقهرني و انتي شفتي نتيجتها قبل
حطت يدها على جبينها بخجل و حيا لانها تذكرت لما قالت هالكلمتين له وش سوى
ابتسم على خجلها و حياها
بصوت مثير : تبين تطلعين قهرج فيني حلال عليج اي شي
بما فيهم كلامج القبلي ( بعد لا تلمسني لا تقرب ) هذا ممكن اتقبله إلا هالكلمتين
لياج : احم ااا آآآ متى أأ ت تـ
قاطعها جسوف : تاريخ الملجة ؟
هزت راسها بهدوء
جسوف بابتسامة 00 \ 00 \
نزلت راسها بضعف
جسوف وقف
وقفت معاه بدون شعور
طالع ساعته و ناظرها بنظرة خاصة
جسوف : طيب راح اروح الحين و مرة ثانية نكمل كلامنا
لياج باستسلام هزت راسها بهدوء
جسوف تقدم خطوة منها
و بهمس : ما بتقولي لي متى المرة الثانية ؟
لياج بارتباك تحركت قليل من قربه
ابتسم جسوف بشدة
جسوف : طيب احمم انا انسان فضولي لقت الجوال على الطاولة قلت اكيد جوالج لما رحتي
عملت اتصال لرقمي و سيفته عندج مثل ما سيفتج عندي
لياج متوترة الى حد كبير و ساكته
تقرب خطوة صار راسها قريب من راسها
جسوف بهمس يتوتر : عسى بس ما عندج مانع
لياج ما قدرت تتحرك و لا تنطق بشي
جسوف : طيب يعني هذا رقمج مو
لياج هزت راسها بخفة خافت يصدم راسها راسه و هي تحركه
جسوف بهمس : طيب بس نظرة اخيرة ناظريني و اروح
لياج ساكتة تحس بيغمى عليها
جسوف : بس نظرة صغيرونة
لياج رفعت راسها و طالعته
جسوف بنظرة خاصة : عندي شي بخاطري بس دام هذي حالتج نخليها للمرة الجاية
انحرجت و نزلت راسها
جسوف ابتسم بشدة و اخذ نظارته و جواله و تقدم مشت هي وراه
جسوف لف لها عند الباب
بهمس : اشوفج على خير ديري بالج على نفسج و مع السلامه
سكتت و ما قالت اي شي
لما راح قفلت الباب و راحت لجوالها
لقت اسمه بجوالها
جسوف
ما لحقت تفكر بأي شي جوالها رن بمسج
فتحته و كان منه
(( ما لقيت غير اسمي اسجله ..
رغم اني ابيه شي ثاني ..
بس ابيها منج انتي ..
اذا لقيتيني شي غير جسوف ساعتها سجليه ))

ارتبكت منه
" واثق اني راح افتح جوالي بعد طلعته "
ظلت تفكر بكل الكلام اللي قاله و بكل حركة سواها
مو مصدقة مو قادرة استوعب اشلون يعني يحبني قبل ما يجيه ابوي
الله يسامحك يا يبه وش سويت فيني
امي اشلون راح تعرف وش راح تكون ردة فعلها
و هو يقولي انسى فكرة الانفصال
الله يهديك يا يبه تروح لصاحب الفندق تعال تزوج بنتي
اشلون فكرت ساعتها بهالشي
نزلتني كثير نزلتني و رخصت فيني
لكن ؟! اهله شنو ردة فعلهم يدرون او لا
اسئلة كثييرة و محيرة


و مثل ما بدا اليوم انتهى بمثل التفكير و السهر