[لامارا]

اليوم الثاني

بالمطبخ
البنات جالسين
لياج مخلية غرتها على جنب شعرها اللى الى وسط ظهرها بعد الكتف شايلة خصلاته من ورى الاذنين الى الوسط ورى الراس بفيونكه صلبه باللون البيج
مزون مخلية شعرها الطويل المقطع كله بفيونكه متوسطة باللون الازرق مو مرفوع مخلتنه نازل مع رقبتها و غرتها قدام
راسيل بشعرها القصير الى كتفها عاملة فرق على جنب و مخلية الغرة الاقصر على جنب و البقية مفتوح

راسيل : وهذا المختصر
لياج : حاولي اكثر بتقولي ما انزل نفسي يعني مو بشكل مباشر
مزون : اساسا هو يحاول و يتقرب هذا موقفه امس و كلامه
لياج : و هذي قالتها مزون هو يقرب انتي بعد ليني شوي
راسيل : يصير خير
مزون : قوموا طلبات
اخذت كل وحدة منهم طلب و راحوا

لياج تمشي بالطلب للغرف طالعت غرفة جسوف بدون شعور
و وقفت جنب الغرفة المقابلة لغرفته ضربت الباب و انتظرت
جسوف فتح باب غرفته لقاها تنتظر جنب غرفة مقابلة
ظل واقف يناظرها بابتسامة كان لابس جينز ازرق فااتح مع قميص ازرق غاامق
لياج سمعت كلمة ( تفضل )
فتحت الباب و دخلت
دقايق و طلعت شافت جسوف واقف على باب غرفته ارتبكت و هو يطالعها
مشت ببطئ
جسوف تقدم لها مسك يدها و مشى لغرفته
دخلوا لفت لياج بعصبية
لياج : انت وش تسوي
جسوف يحاول يكون صوته هادي : من اللي بالغرفة ؟
لياج استغربت و هي ترفع غرتها
لياج بعدم فهم : شنو تقصد
جسوف تقدم منها
جسوف بقهر : اقول لج من اللي بالغرفة قدمتي الطلب الى من ؟
لياج انقهرت : انت وش تقصد ؟ اللي بالغرفة حرمة مع بنتها
و بقهر اكبر و عينها بعينه : تدري اشلون العتب مو عليك علي انا اجاوبك على سؤالك التافه
و مشت بقهر
جسوف ابتسم مسك يدها و لفها له
جسوف بابتسامة : انتظري شوي
لياج بقهر : مااابي
جسوف مد يده لم خصرها بيدينه
ارتبكت من قربه
جسوف : و ربي ما اقصد اللي فهمتيه
لياج من خجلها بيدها الصينية حطت يدها الثانية على يده اللي على خصرها
لياج بغصة و همس : اتــر و سكتت ( كانت بتقول اتركني )
و بسرعة : بعد عني
جسوف ظل يناظرها بنظرة
شافته ساكت و هو ماسكنها فهمت انه مقهور من الكلمة اللي كانت بتقولها
لياج و عينها تحت : ابعد عندي شغل
جسوف قرب راسه من راسها و بهمس يخوف : عيدي الكلمة اشوف
خافت منه و بدات ترجف
لياج بتقطيع : مـو قـقصديي
شدها لصدره اكثر و ببحة رجولية : راح اتساهل هالمرة بس
انقهرت منه و من كلامه كفاية انها بين يوم و ليلة عرفت بزواجها و هو يآمر و ينهي و يمنعها من الكلام حتى
لياج بدون شعور رفعت راسها له بقهر : انت اشلون تفكر ؟ اساسا من سمح لك تعطيني اوامر قولي و لا تقولي مو كفاية انك جابرني عليك مو كفاية داخل حياتي غصب ما لك حق تمنعني و لا تدري اشلون (بقهر اكبر ) اتـــركني و ما لــك دخل فيني اوكي
جسوف ظل ساكت و هو يسمع كلامها و عينه مركزة بعينها
كملت كلامها شدها له اكثر طاحت الصينية من يدها
حست براسه على رقبتها يقبلها ارتفع بقبلاته لخدها و وجهها
لياج تتحرك بخوف : ابعد عننني اتركننني ابععدد
جسوف ظل يشدها له بقوة و شفاته تلمس كامل وجهها بهدوء و بطئ
شدها معاه انحنت من جسمه على السرير على الوسادة صار جسمها على السرير و رجلينها برى بشكل مائل
حنى راسه عليها و سكتها بقبلته على شفاتها
انفاسهم تضاربت وسط تقاربهم
حست بالانهيار متملكنها بيدينه ما تقدر تنتنفس حركت راسها بوسط الوسادة تبيه يتركها و تضربه على صدره
جسوف ما بنيته اي شي إلا انه حب يعطيها درس لا تتطاول بالكلام
حب يغطي شوي من شوقه و حبه لها وسط مقاومتها
هدأت باستسلام حطت يدينها على صدره تمنعه بهدوء
لما حست انها تقدر تتكلم همست بضعف : جسوف اسألك بالله تتركني
و هذي المرة الاولى اللي تقول فيها اسمه قدامه
جسوف ارتفع و يدينه على خصرها و رفعها معاه وقفوا
من رفعته لها حطت يدينها على كتفه
جسوف و راسه قريب من راسها و بهمس : يا روح جسوف
لياج بعدت يدينها عنه بقوة و عنف
و بصياح : انت السبب انت السبب من حركاتك معاي كرهتك
جسوف يحاول يمسكها بشدة
لياج و هي تتحرك و ببحة صياح : كرهتني بنفسي كرهت نفسي لما تقربت مني انت السبب انت السبب
اهــهئ كرهتني فيك بأول مرة شفتك فيها آآآ اا ه ه ه معاملتك حركاتك نظراتك لين تقربت مني انت السبب ليش اهــهـــئ ليش
جسوف شدها له اكثر و بحنية : اهشش اسكتي خلاصي اهدأي
لياج بقهر و صياح و استسلام لحظنه : انت السبب ليش ما قلتي من قبل ليش ما جيت لي بعقد الزواج
ليش عاملتني بهالطريقة انت السبب كرهتني بكل شي كل شي
جسوف نزل راسها على صدره و خله يده على راسها
و اليد الثانية متملك خصرها
ظالت هادئة عنده و شهقاتها متستمرة
بدون شعور منها شدت على قميصه بيدينها وسط صدره
تنزل دموعها ببطئ تحس بعطره اخترق انفها
جسوف بحنية شديدة : اهدأي خلاص كفاية دموع
ظل يمسح على شعرها بهدوء


في المطبخ
طارق : غرفة رقم 000
جميلة : طيب
راسيل سمعت رقم غرفته
تقربت من جميلة
راسيل : جميلة انا آخذ طلبج للغرف و اخّي طلبي الى الجلسات رقم الطاولة 000
جميلة مبتسمة : يكون احسن بدال ما اصعد

اخذت راسيل الطلب و راحت وقفت على باب الغرفة ضربته بخفة
سرمد : تفضل
دخلت تلفتت ما لقته نزلت الطلب على الطاولة بهدوء
سرمد طلب الطلب و يعرف انها راح تجيبه
وقفت تلتفت سرمد طلع من دورة المياه و تقدم ناحيته
لما ما شافته لفت بتمشي طلع بوجهها
ارتبكت منه
كان لابس البنطلون بس و بدون التيشرت
تقرب منها اكثر
تجمدت وراها الطاولة ما تقدر تتحرك
ارتبكت من صدره العاري و هو قدامها قريب
سرمد طالع وراها بالطاولة الطلب و طالعها
بصوت رجولي : مشكورة راسيل
راسيل هزت راسها ببطئ وسط ارتباكها بمنظره اللي اول مرة تشوفه
راسيل : ممكن راح اروح
تبيه يبعد عنها بتمشي
سرمد بصوت رجولي هامس : طيب ثواني بس
مد يده لوجهها خلا اصبع الابهام على خدها و اصابعه ورى رقبتها تتحس خصلات شعرها القصيرة
ارتبكت بعنف و هي تحس بملمس يده
قرب راسه بهدوء لامست شفاته شفاتها برقة
حست بالانهيار و هذي المرة الاولى اللي يقبلها من ارتباطهم للحين
ما قدرت تتحرك
طـَول بقبلته فقد عقله من ملمس شفاتها و يده الرجولية تداعب خصلات شعرها برومانسية
حست بالاختناق وسط ذوبانه و احساسها بأنفاسه اربكها زيادة ابتعد ببطئ يقتل
همس بذوبان : ما بتقولي في اي طلب ثاني
راسيل ابتعدت عنه و نزلت يده اللي كانت على رقبتها و هي تمشي
راحت بارتباك وسط ابتسامته



بغرفة جسوف
لياج غسلت وجهها و تنشفت
جسوف واقف معاها ماسك يدها و راسه نازل لها
جسوف : راح نتكلم بكل شي و تعرفين كل شي
لياج هزت راسها بهدوء
جسوف بابتسامة و صوت يربك : ما راح تقولي شي
لياج ساكته
جسوف بصوت يضرب القلب : راح توحشيني
لياج رفعت يدها و مسحت جبينها بخجل و حيا بدون ابتسامة
جسوف مبتسم : طيب خلاص نسحب كلامنا
لياج تبي تمشي و منحرجة من اللي صار
جسوف بهمس : لياج لا تحطي ببالج سؤالي و ربي مو قصدي شي انا عارفج عدل بس ما اثق بالناس
( و ببحة رجولية ) و لا ما يحق لي اغار
ارتبكت اكثر و لاحظ يدها المرتبكة بيده
جسوف بابتسامة مثيرة : يا سبحان الكريم كلمة مني تستحين و راسج بالارض و قبل شوي تضربيني
لياج حاولت تفك يدها من يده إلا انها شد عليها
جسوف باببتسامة : طيب طيب خلاص , لو ادري اللي صار بيخليج تنطقين اسمي قدامي كان صار من زمان
لياج ما قدرت تستحمله اكثر
لياج بهمس خجول : خلاص بروح ات احم ابعد
جسوف فهمها : هههههههههه طيب
رفع يدها اللي بيده قبلها برقة
جسوف بهمس : راح اشتاق لج
لياج سحبت يدها ببطئ و راحت بخجل واضح ..


.~.~.~.~.~.~.~.~.~.~.~.


راسيل دخلت المطبخ بارتباك و هي تهدأ دقات قلبها
جلست على الكرسي
مزون : اشفيج
راسيل بهدوء : عادي و لا شي
مزون بابتسامة : اليوم شفتي المتوحش
راسيل بشبه ابتسامة : مزون تركيني عنج ما لي مزاج
مزون : ههههه و انا وش قلت ( و بهمس ) شفتيه مو
راسيل : مزون
مزون : هههه طيب طيب
راسيل : و انتي وش صار عليج
مزون بهدوء : بعدني ما ردت على ابوي
راسيل : اقصد موافقة او لا
مزون : بعدني محتارة اخاف ما اقدر على مسؤلية
لياج جلست : تتكلمون عن شنو
مزون : قبل ما تعرفي عن شنو راسيل شافت المتوحش اليوم
لياج بابتسامة : حرام عليج مزون , صح تصافيتوا و لا
راسيل : لا و تقريبا اي
مزون : اشلون هذي بالله
لياج : يعني في و ما في
راسيل : بالضبط
مزون : فكوها سيرة و تصافوا عن الرخى و الشدة
لياج : ههههه عجبتني رخى و شدة
مزون : هههههههه
راسيل : لياج بذمتج هذي للحين محتارة
لياج : مزون بالله ليش ترى طارق ما ينرد
مزون بخجل : عارفة بس اخاف على مسؤلية من الحين
لياج : اي مسؤلية ؟ انتوا راح تعملون ملجة بس يعني خطوبة و بعدين الزواج بعد الدراسة
راسيل : هذا الصحيح
مزون : بس خجل انا و هو بمثل المكان و مالجين مخطوبين
لياج بابتسامة : من قال راح تتطولون على هذا الحال ببداية السنة راح تدرسون انتي سنة اولى جامعة و هو سنة رابعة
راسيل : اساسا مدة قصيرة بتمون فيها مع بعض بالفندق اقصد بالمطبخ
لياج : هههههههه بالمطبخ
راسيل : ههههههه
مزون بضحكة : بعدوا زين

طلع جسوف من الفندق اليوم وما رجع ما يبي يحرج لياج اكثر
اما سرمد مواصل في تفكيره و مخططه
طارق ينتظر على احر من الجمر

لياج رجعت البيت تفكر و بالها مشغول بجسوف و اللي صار اليوم و محتارة
اما راسيل حاولت تلهي نفسها علشان ما تفكر باللي صار بينها و بين سرمد
مزون رجعت البيت و بالها مشغول عند طارق و اللي اقلقها هو موقف امها اشلون راح يكون راح تفرح لها و لا كأنها ما سمعت شي ..

اليوم الثاني

رن هاتف المطبخ
نادر : مطبخ الفندق تفضل
ابو مزون : اشلونك يا ولدي
نادر بابتسامة بدون ما يعرف الصوت : هلا عمي طيب عساك طيب
ابو مزون : طيب بسماع صوتك يا وليدي ما عرفتني انا ابو مزون
نادر بفرحة : يا هلا و الله ابو مزون عمي شخبارك عساك طيب تآمرني
طارق من سمع نادر يقول ابو مزون لصق فيه يبي يسمع
ابو مزون : طيب طاب حالك و زان ما يآمر عليك عدو يا ولدي بس لو ترسل لي طارق
نادر : ان شاء الله عمي دقايق و يكون عندك ما تآمرني على شي
ابو مزون : لا يا ولدي مشكور كثر الله خير و مع السلامة
نادر : الله يسلمك
و سكر السماعة
طارق بسرعة : شنوو يبي ابو مزون
نادر بضحكة : يبيك قالي ارسلك له
طارق بفرحة : احلف بربك
نادر طالع مزون مو موجودة و قال : طيب يمكن ما هي موافقة مستبشر خير اشوفك
طارق : فال الله و لا فالك يا الشين
نادر : ههههههههههه طيب لا طيح علينا ساكت انتظر صينية القهوة اخذها معالك

طارق اخذ الصينية و راح
دخل المغسلة لقى ابو مزون جالس
تقدم
طارق باحترام : السلام عليكم
ابو مزون : و عليكم السلام
طارق نزل الصينية و تقدم الى ابو مزون و قبل راسه
طارق : اشلونك يبه عساك طيب
ابو مزون : طيب بشوفتك يا ولدي انت شخبارك وش علومك
طارق : الحمدالله
جلس و قدم القهوة الى ابو مزون
ابو مزون : مشكور يا بوك ما تقصر ارسلتك بغيت ارد عليك بخصوص بنتي
طارق ساكت و قلبه يضرب بقوة
ابو مزون : قبل ما اقولك الرد يا بوك خلني اتكلم معالك
طارق : تفضل يبه اسمعك طال عمرك
ابو مزون : يا ولدي انت قبل ما تتقدم لبنتي تدري عن امها , يا ولدي ام مزون مطلقة و متزوجة
طارق ما كان يدري بس هالشي ما يغير شي توه بيتكلم
قاطعه ابو مزون : عاارف يا ولدي عارف هالشي ما يغير لكن لازم تعرف
بنتي ظلت عندي من بعد الطلاق و الحرمة شافت طريقها و تزوجت هي ما لها عيال من زوجها يعني مزون ما لها اخوان من امها , يا ولدي مزون تزور امها كل نهاية اسبوع و بعدها ترجع عندي
طارق " لو مزون مو موافقة ما راح يقول لي هالشي "
ابو مزون : ابشرك يا بوك البنت موافقة لكن رايها تقول تبي الملجة و الخطوبة متى ما تبيها انت
بس الزواج تبيه بعد سنتها الثانية و بيني و بينك يا بوك البنت صغيرة و محتاجة وقت
طارق بابتسامة : بشرك الله بالخير يبه ( قبل راس ابو مزون )
طارق : مثل ما تبي و ما بعد رايها كلام

( طارق وحيد و ما له اهل ساكن بروحه ببيت متوسط الحجم إلا انه جديد و عصري , تم الاتفاق بعد اسبوعين تتم الملجة و الخطوبة )

انتهى الجزء السادس
و لي عودة اخرى