الجزء الثامن
جسوف و هو بالطريق لفت انتباهه
لياج مع راسيل و مزون عند مبنى صالون (مشغل)
طلعوا و راحوا لسيارة نادر اللي كان ينتظرهم
عصب منها و من تصرفاتها
تأكد ان نادر وصلهم بيت لياج
و لان البنات نزلوا معاها ما كلمها الحين لان ما بترد
فترة و راحت مزون بيتهم
و راسيل رجعت بيتها
و تأجلت جمعتهم لتجهيز مزون الى يوم ثاني
ام لياج : يما راح اروح ازور ام امجد اللي بيتهم ببداية المنطقة الحرمة مريضة و بقوم بالواجب تجين معاي
لياج : لا يما استحي اروح معاج
ام لياج : طيب ما راح اتأخر انتبهي و قفلي الباب
لياج : ان شاء الله
لياج كانت لابسة بنطلون باللون الوردي خفيف و يوصل الى بعد الركبة بقليل
مع تيشرت ابيض اكمامه قصيرة خفيف جدا و يبان اللي تحته ازراره صغيرة جدا جدا ونصهم فاتحتنهم
تحت التيشرت بدي بسيور ضعيفة باللون الابيض
شعرها البني مفتوح بنعومه مخليتنه على ورى بدون غرة مع تاج ضعيف جدا
جسوف كان وقف بعيد عن بيت ام لياج
لما شاف ام لياج طلعت من البيت
اخذ دورة على المنطقة و وقف سيارته بالشارع العام
و دخل المنطقة و هو يلاحظ ان الشارع خالي و هذا بسبب ان اليوم اجازة و شي طبيعي
الناس تتطلع
كان لابس جينز ازرق مع تيشرت شتوي بأكمام طويلة باللون الاسود فتحة الصدر مثلث و باين منها ياقة القميص لونه ابيض مع ساعة جلدها اسود
ضرب الباب بخفة
لياج بخوف : من
جسوف بصوت حاول يكون هادي : انا جسوف فتحي الباب
لياج خافت اكثر : روح اشلون تجي البيت امي ....
جسوف قاطعها بقهر : اقولج افتحي عارف امج مو بالبيت افتحي بتفاهم معاج و لا و ربي بكسر الباب
لياج فتحته و قلبها يضرب بقوة
دخل و سكر الباب قفله بالمفتاح طالعها بقهر
رجعت على ورى بخوف
لياج بتوتر : انت وش تبي
جسوف بقهر : وين غرفتج ؟
لياج طاح قلبها و هو يضرب بقوة و بخوف : ليشش شنوو صاأأيــ
قاطعها مسك ذراعها طالع قدامه شاف ممر بعد الصالة دخل الممر شاف باب غرفة
جسوف : هذي غرفتج ؟
لياج بخوف : ايي هذي انت شنو تبي وش تسوي
جسوف فتح الباب دخل و هو ماسكنها دخلت و طالعته
قفل الباب
رجعت على ورى بخوف
جسوف شال نظارته و خلاها على التسريحة و حط جواله و مفتاحه و طالعها بقهر
جسوف بعصبية : وين كنتي اليوم ؟
لياج بتوتر و خوف : كنننت بالبيت بس طــلــعــ
جسوف تقدم و القهر واضح على وجهه
جسوف : ردي علي وين كنتي ؟
لياج بتقطيع : كــنـنت مع صديقاتي رحححت لمزون البيت و
جسوف تقدم و هو يناظرها رجعت على ورى
جسوف بقهر : وين طلعتي معاهم جاوووبيني
لياج بخوف و بدأت دموعها تنزل : رحتت معاهم الصالووون
جسوف بقهر : و ليش حضرتج ما خبرتييييني اشلون تطلعيييييي بدون علمي
لياج ما فكرت بهالشي نهائيا
لياج بخوف و دموعها تنزل بسبب عصبيته : لان ن مزوون كانت تعبانه ه و مااا خخطر ببالي اخبرك لاني ني رحت لها بسرععة و هيي منههااارة ة
جسوف تقدم صار قريب منها
جسوف مركز بعينها و صوته مقهور : تروحي الصالون ما تخبرينني لان صديقتج تعباانه منهاارة و التعبان يرووح الصاللوون
لياج بصياح و ضعف : مزوون كاانت تعبانة و تصيييح لان لان اخت زووج امهاا تهاااوشتت معاهاا
و و قصتت شعرهااا ببشكلل عششووائي مووو مرتب اتصلت فيينني
تصيحح تبيننا معاههاا رحننا لهااا حاولت ارتبهه و اقصهه ما عرفتت
اخذتهاا للصالوون يرتبووننه لههاا
( و بشهقة )
ما خطرر ببالي اتصل فييكك اخبررك بطلعتتتي
جسوف ما همه عذرها و كلامها عن صديقتها كان عقله و قلبه مع شهقاتها و صوتها و دموعها و خوفها منه
اخذ راسها قربها من صدره حظنها خلا يد على راسها
و يد على ظهرها
جسوف بحنية و نبرة رجولية : اهششش خلاص اهدأي ليش الخوف
راسها على صدره و يدينها ماسكة تيشرته بشدة و تصيح
جسوف : لياج عمري خلاص خوفتج مو قصدي اهشش بس
لياج بتقطيع : مما قددرت ااخبررك ........
جسوف : اشش خلااص حبيبتي بدون صياح
هدأت و هي بحظنه حست بالخجل من كلمة حبيبتي و عمري و هي وسط صدره و مختنقة بعطره
حط اصبعه على ذقنها و رفع راسها
رفعت راسها له و هي تناظر عيونه
جسوف و هو يتاملها : كفاية دموع
لياج ببحة واضحة : ما قدرت اخبرك
جسوف بنبرة مثيرة و هي بين صدره : راح انساها لانها اول مرة بس لا تنعاد
لياج ابتعدت شوي عنه بخجل و حيا
لياج : ان شاء الله ما بعيدها , اشلون عرفت
جسوف : شفتج مع صديقاتج بالشارع
لياج و هي تمسح دموعها : آخر مرة مو قصدي آسفة
جسوف بهمس : خوفتج ؟
لياج هزت راسها و هي تمسح بقية دموعها برموشها المبللة
تقرب منها مسك يدها اللي تمسح عينها نزلها مسح بقايا دموعها استحت من قربه و ملمس يده على خدها
جسوف بهمس و صوت رجولي : ما راح اعصب و اصرخ عليج اذا ما سويتي شي يقهرني و يعصبني
لياج فجاة رفعت راسها له : امي اخاف ترجع
جسوف بضحكة و هو يرفع خصلات شعرها ورى اذنها : و هذا اللي مخوفج
لياج بخوف و ضعف : اخاف ترجع و انت هنا ساعتها وش اقول لها
جسوف مو مهتم لكلامها و بهمس : زعلتي بسبب آخر مرة بغرفة الفندق
استحت من كلامه لما تذكرت موقفهم استبعدت جملته
بدون شعور رفعت يدها حطتها على يده اللي على خدها
لياج بصوت ناعم ببحة : الله يخليك اخاف امي ترجع
جسوف حس بيدها الناعمة على معصمه
جسوف بهمس : انتي اشلون لابسة لبس خفيف بهالبرد
لياج : داخل البيت مو برد بس برى
نزلت يدها من يده و هو للحين ماسك وجهها
لياج بهمس ناعم : راح انشغل مع مزون و اطلع معها خلال هالايام
علشان تجهز عطيتك خبر ما له داعي اخبرك قبل ما اطلع معها
جسوف للحين يناظرها بتركيز
لياج بخجل نزلت راسها : طيب روح الحين اخاف حد يشوفك
جسوف و هو ماسك وجهها شد على اصبعينه الابهام و رفع راسها نزلت نظرها عن نظره
جسوف قرب راسه
انتفضت بشدة
طبعت شفاته على شفاتها بهدوء
حست بالخجل و الارتباك و الخوف و هو قربها
ما قدرت تتحرك بدون شعور رفعت يدها مسكت يده من المعصم و هو ماسك وجهها
ابتعد قليل و انفاسهم مختلطة
جسوف بهيام و همس : ديري بالج على نفسج و تدفي
قبل جبينها بهدوء
ابتعد اخذ جواله و مفتاحه و طلع و هي معاه وصلته للباب
و راح قفلت الباب و راحت غرفتها
دخلت غرفتها بارتباك منه و قلبها يضرب بقوة انتبهت لنظارته
شالتها خلتها بالدرج الاول
فكرت ان امها ممكن تشوفها شالتها خلتها بشنطتها
و لو امها شافته بالغلط راح تقول لها انه لراسيل نستها عندها
اليوم الثاني
لاحظ طارق ان مزون شعرها وصل لكتفها و بعضه اقصر من الكتف بتقطيع بحركة حلوة تغيرت بعد ما كان شعرها طويل .. استغرب من هدوئها الغريب حتى مع صديقاتها و لياج و راسيل دايم معاها
طارق بنفسه " شفيها هادئة بغرابة و يبين مزاجها متعكر و خلقها ضايق
و الاكثر ابوها اتصل للمطبخ يبي يكلمها ؟!
مثل ما فهمت من عمي انها تروح عند امها نهاية كل اسبوع "
حاول يفكر و هو يربط بين حالتها و روحتها لامها
طارق ينتظر مزون اللي طلعت مع لياج يرسلون الطلب ...
دخلت لياج مع مزون
طارق تقدم لهم ارتبكت مزون
طارق : مزون ابيج شوي
مزون ارتبكت : اأ احمم عندي شغل
لياج فهمت ان مزون مرتبكة من طارق
لياج بابتسامة صغيرة : اخذوا راحتكم لا تحاتي الشغل ( اخذت الصينية من مزون و راحت )
طارق بهدوء : تعالي معاي ابيج ثواني
مشى و مشت معاه طلع من الباب الخلفي للمطبخ وقف وقفت بارتباك
مزون عينها تحت و بارتباك : خلها بعدين مشغولة
طارق : مزون شفيج اليوم ؟
مزون بتوتر : ما فيني شي
طارق : انتي منتي على بعضج حتى انج ما تبي تتمي بالمطبخ معاي ليش في شي ليش حزينة و متغيرة ؟
مزون بارتباك : مما فييني ششي عااديي
طارق : مزون لا تخبي علي قولي لي شفيج
متضايقة من شي احد مضايقج
مزون هزت راسها بالنفي
طارق تقرب شوي و بهمس : مزون تخبي عني قولي لي من مضايقج من كاسر بخاطرج
مزون راسها تحت لمعت عينها و كأنها بتدمع
طارق : مزون بتقولي لي و لا افهم من عمي
مزون رفعت راسها و بصوت باكي : لا لا تكلم ابوي الله يخليك
طارق بهدوء : شنو فيج ؟
مزون بصوت متغير : توعدني ما تكلم ابوي و لا اي احد ثاني ؟
طارق : انتي قولي اول
مزون بصوت متقطع : انا ما راح اروح لامي مرة ثانية و ابوي يعرف لان احمم لاني متضايقة من بيت امي
طارق بقهر : متضايقة ليش احد يعاملج بقسوة احد يضايقج
مزون ببكا و شهقة : اههئ لان اههئئ اخت زوج امي دايم تهاوشني اههئئئ و امس هاوشتنييي و قصت شعرري
اهئ اهئ و اخوها دايم يحاول اهئئ يكلمني و يتقرب مني بس اتجنبه و اتجاهله
بس اهئئ امي تعرف ان اخت زوجها تكرهني بس ما تقول شي لكن ما تعرف ان اخو زوجها يحاول يتقرب مني و دايم يناظرني اهئئ
ابوي يدري بس عن اخت زوجها ما يدري عن اخوها الله يخليك لا يدري ابوي لا تقوله اهئئئ
و لفت عنه عطته ظهرها و هي تصييح
طارق انقهر بشدة و حاس بدمه يغلي من اللي قالته و انقهر اكثر ما يقدر يسوي شي ما يقدر ياخذها بحظنه و يحسسها بالامان و تذكر حركتها الدائمة و هي ترتب ياقة قميصها ..
قبض يده بشدة و فتح الباب بدون ما يدخل نادى لياج و سكر الباب
مزون بصياح : ططارق الله يخليك لا تسوي شي الله يخليك
دخل طارق بعد ما جات لياج الى مزون
~’,.~’,.~’,.~’,.~’,.~’,.~’,.