[لامارا]

السلام عليكم ورحمة الله وبركاتة
بسم الله الرحمن الرحيم

البارت { الثالث }

وقفت نورة أم طلال من الصدمة وحطت يديها على فمها
ابو طلال غرقت عيونه الدموع
طلال ظل بصرة شاخص في ريما
وبدر اعتلت وجهه الضحكة وقال بوناسةة : الله سوسو طالعةة قمر 14 ما شاء الله عليك
ام طلال ركضت لبنتها وحضنتها ودموعها نزلت وهي تقول : شكرا يا ريما خليتيني اشوفها كذا قبل اموت
انصدمت ريما وش قصدها وانسحبت وهم مشغولين بسارة ركضت لغرفت ام وابو طلال
وراحت تفتش بالادراج لحد ماشافت ملف باوراق غريبة قرته وشهقت وطاحت الاوراق من يدها

استغرب عدم وجودها وراح يدورها شاف باب غرفة امه وابوه مفتوح دخل وفتح باب المكتب

سمعت صوت وعلى طول دخلت اوراق ودخلت للحمام ( يكرم القارئ ) بهدوء وتوزت بالبانيو
وهي تقول في نفسها مستحيل مستحل ما اقدر اصدق

دخل يدور بالمكتب وكان بيفتح الحمام ( يكرم القارئ ) بس ناداه ابوه وطلع من الغرفة

زفرت براحة لما سمعت صوت القفل وطلعت وهي تترنح بمشيها من الشيء الي قرته وفكرت تروح لمكتب طلال تفتش بس بسرعة هزت راسها وهي تشيل فكرة مشت لجناحها هي وسارة وتروشت بموية حارة ولبست بيجامتها وانسدحت وهي تغطي وجهها بالمفرش وهي تردد مستحيل مستحيل


انصدمت ونزلت الدموع من عيونها وهي تسمع أمها تقول : كنت عند خالتك اليوم وقالت لي أن طلال ملك وزواجة يوم الخميس هذا يعني بعد بكرة
صرخت بقهر وهي تبكي : بس انا يا ماما انا احبه وخالتي دائما تقول طلال لك ليش يا ماما يروح يتزوج غيري وصارت تقطع بشعرها وهي تبكي وتصارخ
امها ركضت لها تحضنها وهي تسمي عليها وتقرا معوذات وقلبها بيتقطع على بنتها : يا ماما هو باعك وتزوج غيرها انسيه وبعدين امس خطبك رجل اعمال صغير وغني ووسيم من ابوك
ماردت على امها ومشت للجناح قفلت على نفسها الباب وهي تسمع ضرب امها
بكت وطاحت على الارض وهي تشهق وتقول كيف كيف وصارت تبكي بحرقة لما غفت عينها

{ دلال بنت طيبة ومغرورة وهذا الي مخرب عليها ودلوعة والي تبيه لازم تحصلة دلوعة امها وابوها والبنت الوحيدة بين اربعة اولاد
عمرها 22 سنة تخصص حاسب عشان تشتغل بشركة ابوها مملوحة ومليانة مو نحيفة ولا سمينة شعرها مقصقص فراولة ومصبوغ باللون الاحمر الغامق بخصل حمراء فاتحة وتحب طلال من وهي ام 14 سنةة لان من وعت على الدنيا وهم يقولون لها انتي لطلال وطلال لك }

دخلت سارة وهي حاسةة بفرحةة بعد ماشافت فرحة امها وابوها كانت انانيةة وفكرت بنفسها وبس مافكرت بالم امها وابوها لما يشوفونها بهالحال راحت للمطبخ وطلبت من الطباخ يسووي لريما عصير طبقات لانها تحبه ولان سارة تبي تشكرها بس لما دخلت انصدمت وهي تشوف المفرش يهتز وصوت مكتوم يتمتم بكلمات غريبةة اتجهت لسرير وفتحت المفرش وانصدمت لما شافت ريما تشاهق بدون دموع وتمتم بكلمات غريبة على طول حضنتها وقالت : بسم الله عليك ريامي وش فيك
شدت ريما على حضن سارة وهي تقول بالم : انا شريرة مستحيل مستحيل يا سارة مسكينة مسكينةة واغمى عليها
انصدمت سارة ونزلت دموع من عينها حسبتها ماتت ماكانت تبي تعيد تجربة وفاة يارا وهي توها لقت الي تفهمها ركضت وهي تبكي ودخلت عليهم بالصالة
وقفوا لما شافوها وهي تكلمت بخنقةةة والكلمات مو راضيةة تطلع : ما تت زي يا را ك لل هم خل وني وما تو
راح عندها بدر وهزها وهو خايف : سارة تكلمي قولي لي وش فيك
اشتد وعلا صوت بكائها وهي تاشر على جناحها البعيد بالنسبة لكبر الصالة : ماتت ماتت
ركض طلال لانه عرف قصدها وابتسم وهو يركض وتمنى لو صدق ماتت وريحته من الانتقام الي حلف ينفذ وهده لها وينتقم من ريما لما دخل وشافها على السرير وجسمها معرق وحار ومافي فيها نبض اخذها وركض وهو يصرخ جيبووو سيارتي لحقة بدر وركبو السيارة وهي على رجلةة
بدر كان راكب قدام جمب السواق لانهم ماهم قادرين يسوقون وهم بهالحالة وريما طلال حاضنها وكانت جالسهه على رجل ابتسم وقرب من اذنها وهمس بكلمات وبعد

كانت تقوم وترجع تغفي ولا تدري ليش شافت نفسها بسيارة غريبة بحضن طلال كانت بتقوم تعترض وتلعن خيرة بس وقفها لما شافته يلف وجهه لاذنها ويهمس من قوة الكلمات شخص بصرها على بلوزتةة ولا تكلمت وبلعت غصتها ورجعت تغفي

وصلوا للمستشفى وحطوها على العربيةة وطلال يمثل العصبية قدام بدر بس حتى مايشككه انه بينه وبينها شيء

بعد مرور ساعة طلع الدكتور وبلغ طلال بان جاها انهيار عصبي فقط ولو كان حاد كان راحت من يدينهم
طلال صفق الجدار بقبضته وقال بهمس : جنية بسبع ارواح
بس الي استغربه انها ما بكت
راح بدر يتحد بسلامة ريما لطلال ويكلم اهله يبشرهم

عند ريما قامت وناظرت الغرفة البيضاء حست بعطش ونزلت من السرير وصلت ل الكومدينه الي كان فيها علبه موية شربت شوية وحست بان توازنها انخل حاولت تثبت يدها بالطاولة ولا قدرت جلست على اقرب كنبة قدامها وخطت ورفعت رجولها على الكنبة وحطت راسها على رجولها وهي تعد بهمس شديد { 1 2 3 4 5 6 7 8 9 10 } وبعدها ابتسمت بهدوء وهي تقول طيب يا طلال الزفت اجل كذا الموضوع وتذكرت الي قرته بالاوراق وغمضت عيونها راحت بسرعة لتليفون المستشفى وتوها بترفع السماعة تتصل على بيت اهلها كانت محتاجة حنان امها مهما سوو لها يظلون اهلها الا بدخلة طلال وهو يقول باستهزاء : قطوة بسبع ارواح على بالي بتموتين فرحت تفكيني من وجهك الودر
ابتسمت وهي تقرب له وتعرف مدى تاثير سحرها وجاذبيتها
ارتبك لما شافها تقرب وعلى وجهها ابتسامه ونظرات عيونها على عيونه ولا عرف يفسر نظرتها
قربت لحد ما لصقت فيه وهي قرفانه بس مادام هو ناوي يلعب معها وهو الي بدا الحرب يتحمل
ابتسمت وهي تلعب بازاريرة وتقول بدلع حاولت تخليه رباني مع ان صوتها فيه دلع : طلال
كان متخدر من قربها وانجن لما سمعها تقول اسمه بدلع : نعم
حست انها بترجع من قربه بس مسكت نفسها وذكرت نفسها بهمساته بالسيارة الي شكله ما كان يدري انها صاحية وتسمعه : ممكن طلب حبيبي
طلال : اطلبي
ريما : ممكن لو سمحت تعطيني جوالك بكلم سارة
طلع جواله من جيبة وعطاها اياه بحثت بالقائمة ولفت انتباها اسم دخلت ولما شافت الرقم ابتسمت وقالت عشان كذا يا حشرة وصارت تدور رقم سارة دقت ودخلت للحمام ( يكرم القارئ )
ثواني وجاها صوت مبحوح من البكي : ماتت زي يارا صح
انصدمت ريما بمعزتها في قلب سارة وقالت وهي تبتسم للانسانة وحيدة الي حبتها من عائلته " الزفت " على قولتها : سارة حبيبتي انا ريما ما متت (وكملت بضحككة تلطف الجو ) ههه ولا تبيني اموت
ابتسمت سارة الي كانت حابسة نفسها بالغرفة ولا ترد على ضربات الباب عشان كذا ما درت ان ريما بخير : الحمدلله يا ريما كنت بموت
ريما : بعدويني يا رب
ابتسمت سارة الي ما كانت فاهمه قصد ريما والي كان قصدها طلال
ريما بعد تردد : سارة ممكن اطلب منك طلب تكفين لاترديني هذا اول طلب اطلبك اياه
سارة : امري قولي الي تبين ومن الحين تم
ريما بصوت هامس ما تبي طلال يسمعها : سارة انا عندي جوال احتياطي فيه كل الارقام الي في الجوال الاصلي وارقام مهمه ثانية وموزيته في بيت اهلي في غرفتي في الصيدلية حقت الاسعافات الاولية ابغاك تروحين الحين و
قاطعتها سارة بصدمه : مجنونه انتي الحين الساعة 1 الليل
ريما برجا : تكفين سارة الله يخليك الموضوع فيه حياة وموت وابغاك تجيبينه لي وتجيبين لي ملابس من جناحنا ولك ملابس لانك بترافقيني لان الدكتور مانع يطلعني الحين
سارة : مستحيل
ريما : تكفين سارة تكفين الله يخليك
سارة بعد تفكير : مين بيفتح لي
ريما : بدق على الشغالة وبقول لها واذا سألوك امي او ابوي لا تعلمينهم اني بالمستشفى قولي بنطلع البر وريما برا بس ماتبي تسلم عليكم
سارة : طيب طيب باي
ريما صكرت وهي مبسوطة بخطتها الي بتستعين فيها ب { ********* } وبسرعة اتصلت على جوال الشغالة وقالت لها بتجي وحدة الحين افتحي الباب ووديها غرفتي وبعطيك 1000 ريال
وطبعا الشغالة ماصدقت خبر ووافقت
حذفت بسسرعة مكالمتها لشغالة من سجل المكالمات وطلعت وهي تمشي لطلال وترمس التليفون عليه بقرف
انصدم من حركتها وعرف ان الدلع بس عشان يعطيها الجوال : لا جات المصالح تجيك الكلاب مشتاقة
ناظرته باستهتار ومشت لسرير رمت نفسها عليه وهي تقول : انت الي بديت تحمل انا ريما مو اي احد
مافهم قصدها على باله عشانه سبها ما كان يدري انه تهديد مبطن من ريما
كملت وهي تلف على الجهه الثانية : انقلع برا سارة في الطريق وهي الي بترافق معي
طلع وهو يصفق الباب ومشى للكورنيش قدام البحر مكانة المفضل

سارة راحت بسرعة لبيت اهل ريما واخذت الجوال وطلعت تركض وركبت السيارة وقالت لسواق يروح المستشفى وهي تفكر بجنون ريما ووين بيوصلها
وصلت ووقفت عند الرسبشين وسألت عن حاله اسمها ريما خالد ال
دخلت للجناح وابتسمت وهي تشوف ريما جالسة على السرير ومبتسمه : الحمدلله على السلامةة
ريما: الله يسلمك
وحضنتها بقوة
ريما بتساؤل : جبتي الجوال
رفعت سارة الجوال بوجة ريما
ابتسمت واخذت الجوال لفت على سارة وقالت : سوسو انا بروح للكفتيريا اجيب لنا اكل
عرفت سارة ان ريما تبي تكلم بدون ماتسمعها لان اصلا توهم متعشين بالمطعم الساعة 11
طلعت ريما وهي لابسه عبايتها المخصرة الي جابتها لها سارة لان ريما طلعت بدون عباية
وحطت لثمتها الشفافة وراحت للكفتيريا وجلست على طاولة وبدون ماتنتبه ان الطاولات كلها عزابية
دقت رقم حافظته صم ثواني وجاها الرد : هلا والله وسهلا
ريما ونظرها لبعيد : هلا بك زود ي الغالي
******: انتي ماتدقين علي الا للمصالح هاه غردي وش تبين
ضحكت بخفة ودلع : هههههه فاهمني زين ي حبي لك ابيك تبحث لي عن علاقة بين ثنين وحدة اسمها غنج فيصل ال وواحد اسمه طلال خالد ال بس تكفى ابي كل شيء حتى اتفه التفاصيل
وبس ي الغالي
ابتسم وهو يقول : على هالخشم
ريما : مع السلامةة
*****: مع السلامة


تحياتي