[اسطورة !]

البارت : الثاني عشر
هُنآك ؛
دقةة نبض غَريب? !
تسكنُ قلبي `
- عِندمآ آشاهد أسسسمك . .
+ فَقط ♥

الساعة 8 بالليل
بعدما جهزت جمانة ولبست فستان ابيض قصير وناعم وخلت شعرها الطويل والناعم مفتوح وحطت مكياج خفيف حيل .. جلست تنتظر اتصال من فيصل .. سمعت دق جوالها وكان المتصل فيصل
فيصل : آلوو
جمانة ابتسمت : هلا فيصل
فيصل ابتسم بقوة : يابعد فيصل انتي .. شخبارك ياعمري ؟
جمانة ابتسمت : فاااين .. وانت ؟
فيصل يقلد دلع صوتها : ههه فاين ههههه [ عدل نبرته ] ها جاهزة حبي ؟
جمانة هزت راسها : ايوا جاهزة ..
فيصل ابتسم : يلا نزلي سلمي على اهلج وانا برا خلي آدم يطلع معج اوك ؟
جمانة بحيا : اوكيه
فيصل : باي حبي
جمانة : باي
اخذت اغراضها وتأكدت ان مافي شيء ناقصها ونزلت لتحت .. شافت البنات
سارة ابتسمت : ياعمري زوجة اخوي .. هالله هالله باخوي ماوصيج عليه [ وغمزت لها ^* ]
جمانة بحيا : ان شاء الله
سلمت ع البنات
وصلت لنور وضمتها وبكت نور : احبجج جووون
جمانة بتبكي بس ماسكة نفسها وضحكت : هههه حسستيني اني داخلة ساحة جهاد .. هههه وانا اموت فيج خيوسة
نور : ههههههههههه ..
رحت لأمها وضمتها بكت مع امها بكي
ام آدم وهي تبكي : يابعععد روحي .. انتي ريحة الغالي .. انتبهي لنفس جوانا وصيت عليج فيصل .. وان شاء الله انتي في عيونه
جمانة ابتسمت : لاتخافي يالغالية .. [{ وبغصة }] بتوحشيني ماما كثير
ام آدم ضمت بنتها : ياعمري انتي .. جعلني مافقد حسج قدامي .. روحي يابنتي لزوجج وانتبهي لمستقبلج .. وانتي قدها يابنتي ..انتي تربيتي وانا واثقة فيج
جمانة ببتسامة : ان شاء الله .. وناظرت آدم اللي ساكت ..
راح لها ووقف ومشى بكرسيها المتحرك لسيارة فيصل برى المزرعة ..
جمانة وهي تضم آدم وتبكي وفيصل كان حاضر الموقف
جمانة ببكى : بشتاق لك آدوووم .. وربي بشتاق لك
آدم وهو يبتسم : وانا بعععد بشتاق لك .. [ حب يلطف الجو ] ههه لاتخافي بنشب لج وبييي لج كل في بيتكم ..
جمانة بابتسامة لطيفة : هههههه حياك يالغالي .. انتبه للتشفيرك < تقصد نور ^*
آدم : هههههههه من عيوني [ واشر على عيونه]
جمانة : عيونك سالمة ياخوي
فيصل مسك جمانة : يلا عاد جونآ ..
جمانة ابتسمت بهدوء : يلا .. وركبت السيارة بمساعدة منه .. وصار يمشي بالسياارة والهدوء هو سيد الموقف ..
شغل اغنية ياجنوني لراشد الماجد

ابتدت الأغنيية وهي تسمعها وفيصل يغني معه بصوته الروعة

والله وغلات عيونك .. ماعيش عمر دونك
عسى البشر يفدونك حبيبي .. ياعيوني
حبك ذبحني حبك .. والحب نعمة ربك
أدري مايقدر قلبك حبيبي من دوني ..
ياهواي وياجنوني .. يامن تساوي عيوني
مقدر احيا العمر دونك .. وانت ماتقدر بدوني
كيف اغيب بيوم عنك .. والوله مني ومنك
انا لو ساعة اشوفك ..والله ماتغمض جفوني
ياحياتي لك حياتي .. خذها فدوة ولاتحاتي
قبلها مهديك قلبي .. قبلها ماخذ عيوني
ياهواي وياجنوني .. يامن تساوي عيوني
مقدر احيا العمر دونك .. وانت ماتقدر بدوني

جمانة كانت تسمعه ومبتسمة .. تنهدت براحة .. واطلقت آه راحة .. ابتسم وهو يشوفها مرتاحة .. مسك كفيها الصغير ومسح عليه باصبه وباسه .. وحظن كفها في صدره ..
جمانة اللي توردت خدودها .. ساكتة بهدوء وهي تشوفه يسوق .. ملامحه الحادة دوم تجذبها .. حواجبه .. عيونه .. شفايفه .. كل شيء فيه يشدها له .. بعدت عيونها بخجل اكثر وهي تبعد افكار عن راسها ^*
فيصل اللي عرف شفيها ابتسم : ياحياتي اللي تنح فيني واستحى
جمانة تصاعد الدم كله بوجهها : ..................
وقف السيارة : يلا حبي وصلنا ..
جى بادي قارد وفتح السيارة لفيصل وكان بيفتح لجمانة الباب بس فيصل مارضى وهو اللي فتح لها الباب وطلع كرسيها المتحرك وساعدها عشان تجلس عليه .. صار يمشي بها .. وصعدوا للشقة .. انبهرت وهي تشوف الأثاث الفخم والكلاسيكي كانت الصالة بلون بيج وبني وكنب اسود كلاسيكي مزخرف بنقوش بيج وبني .. وطاولة خشبية صغير بالوسط وقدامها شاشة بلازما وشمعدان شفاف مزخرف بورود ومحطوط فيه ورود وشموع بتنسيق حلو .. وريحة العطر المنتشرة .. شافت الورد في كل ارجاء الشقة وهي تعشق الورد .. كان في 4 غرف غرفتين فاضين وغرفة للنوم مأثثة بأثاث فخم وكان لونها فوشي واسود والأريكة كانت مخمل فوشي وكانت الغرفة مفروشة بفرشة سودا ومحطوط فوقها فرش من ريش لونه ابيض .. وداخل فيه غرفتين تبديل وحمام فيه بانيو كبير منثور فيه ورد لونه فوشي .. شافت جدار الغرفة اللي لونه اسود ومزخرف بفوشي وصاير شكله خقق .. وهي تحب هاللونين ..
ابتسم وهو يشوفها منبهرة : عجبتج الشقة ياعيوني ؟
جمانة بانبهار : واااااو .. حلوة مرة مرة
فيصل ضحك على انبهارها : هههههههههه [ يقلد عليها ] وااااو حلوة مرة مرة
جمانة ابتسمت بخجل : هههههه لاتقلدني
فيصل ابتسم ابتسامة تخقق وقال بصوت خققها : والله ؟
جمانة خقت وظلت مفهية وفاتحة فمها : هاااه ؟
فيصل ضحك على حركتها : ههههههههههه ياقلبي اللي يخقون
جمانة خجلت وحمرت خدودها وشفايفها من الخجل وحطت ايدينها على وجهها : سخخخيف
فيصل بهيام : احلى سخيف لعيووونك ياعمري
جمانة فسخت عبايتها وحاولت تقوم من الكرسي من غير مساعدة ولا قدرت .. تألمت من حقيقتها وفي داخلها " مدري يافيصل شلون بتستحملني .. الله يعينك " .. صارت تحاول وفيصل يطالع فيها بدهشة وذهول
فيصل مسكها بسرعة وجلسها ع الأريكة : لاتسوين أي شيء الا بمساعدة مني
جمانة بغصة كاتمتها : طيب واذا كنت بالشغل كيف اقوم وكيف اجلس ؟
فيصل ابتسم وحط كفه على خدها وبحنان : لاتخافين ياقلبي .. فيه دكتورة جايبها لك من امريكا خاصة بالعلاج الطبيعي .. والعملية بنسويها لك بعد اسبوعين
جمانة خافت وطيرت عيونها : عملية وين ؟؟ في رجووولي ؟
فيصل ابتسم على شكلها : هههه أي وين يعني ؟
جمانة خافت : لالا مابي ..
فيصل مسك ايدها وشدها لحضنة : كيف بعدين بتمشين
جمانة وهي في حضنه وخجلت مغزى هالحركة : هاا .. أي ماعليه ماعلبه
فيصل وهو يسحبها معه ع السرير بحيث تصير ففي حضنه
جمانة اللي توسعت عيونها وهي خجلانة : فييييييييصل
فيصل وهو خاق ويناظر عيونها : عيوووونه ؟
جمانة حست ماراح ينفع معاه حاولت تقوم بس هو سحبها بسرعة وباس شفايفها وباسها في كل مكان ووو ........................... ^*

= ٱڶخطأٱ . .
لَٱ صصٱړ ( أگبړ ) ،
" من حْړۈف : اڶإعَۃذارْ
. . . گفنّۈ ړوَح ٱڶمحب? هَ '
[ فِ مقاابر أسفين ]
عند سيف ووتين ..
وهم يتمشون بالمجمع .. كل مامشى معها وشاف فستان وسألها حلو ولالا تقول يعع مو حلو ولا مابي ولا تسكت
شاف فستان لونه احمر ومخصر ع الجسم واكمامه كت ( من غير اكمام ) وقصير فوق الركبة ..
سيف ابتسم ومسك وتين : شوفي هذا حلو .. شرايج ؟؟
وتين عجبها بس قالت : لا مو حلو .. عاري مرة
سيف انقهر : وتييييييييين وبعدين معاج .. من ساعة وحنا بالسوق كلما شفنا شيء قلت لا لا .. باخذه لج وغصب عنج
وتين انقهرت : مابي مو عاجبني غصب هو يعني .. انت اللي بتخسر فلوس مابلبسة
سيف ارتفع ضغطه : شوفي ياتاكلي تبن ولا اقطج بالسوق وامشي .. والفستان بشتريه لج وبشتري لج اعظم منه بعد واذا مابتلبسيه عادي انا البسج اياه غصب
وتين بحرقة قلب : ياخخخخي انا مامشي على كيفك .. طفشتني تفهم
سيف ابتسم : احسسسن تستاهلي هذا اللي ابي
وتين تقلد عليه : احسن تستاهلي هذا اللي ابي [ وتطلع لسانها ]
سييف قرصها من كتفها : وجعععع .. حركات هالبزارين مابيها
وتين عورها كتفها من شدة القرصة : آآآآآآآآييي .. وش هالأيادي اللي عليك
سيف بسخرية : ههههه لسى باقي بعدين ماشفتي شيء
وتين خافت وبلعت ريقها : وش بتسوي فيني ؟
سيف بهدوء : ممششي مششي المحل وخلينا نشتريه .. وبعدين نتفاهم ياوتين
وتين كتفت اياديها : مابي .. [ وببراءة ] انتب تضربني صح ؟؟
سيف خق ع برائتها : اممم ع حسب .. اذا مشيتي سيدا امشي معج سيدا وما اضربج
وتين بدلع مسكت يده ولفت يدها بيده ومشت : يلالالا
سيف خقق وابتسم : عيني عليج بارده [ وغمز لها ^* ]
وتين : ههههههههه
مشوا للمحل وصارت تتدلع وتقول له سيف هذا حلو لا هذا مو حلو .. وسيف خاق عندها واللي تبيه شراه له .. طبعا مع الفستان الأحمر ماننسى ^*

عند نجوى اللب منقهرة " وش فيك يافيصل رحت مع هالبزرة وانت مستانس وش أسوي فيكك .. ؟؟ وينه هذا اللي مابيروح معه .. تصالحووا ؟؟ لالا ان شاء الله لا "