[درة الاحساء]

//



شهرزآآد



،


انسدحت ع السرييير....حضنت مخدتي بقووة...
افكر كيف....كيف اروح لفجر...؟ فـ يوم الحادث شكلها ما طمني..
ولازم انا وياها نساعد بعض عسب نطلع من المكان..
بعتمد على نفسسي..بس ابي حد ويااي يشجعني...
سليمان معطيني اجازة هالايام..
ولازم استغلها..

نقزت فجاة...وظهرت من الكمدينو دفتر وقلم..
هممممم....برسم خططه...
اولاا....كيف اظهر من هني...؟!
كتبت فـ الورقة عدد الكاميرات الموجودة..واماكنهم..
انزييييييين....غرفة المراقبة....ولا مرة دخلتها...
المشكلة الحراس وايد متشددين واي...اففف...يعني ما ينفع اقردنهم..
.
وبعد....كيف بوصل للحديقة بدون مالخدم يجوفوني..؟
الكاميرات كلها موجهه لبراا...مب لداخل..وهذا الشي لصالحي..بس لما اظهر...؟
لالالا ما ينفع...
بتريا لين وحده من حفلااتي..
وعقبها بفكر فـ طريقة..
اوووكي....ووو متى قت التنفيذ... ؟
وعند منوو ارووح..؟
لالا...ما بشرد...لازم اول شي افتك من سليمان...
حسيت الحقد يمتلي فـ قلبي..من ذكرت اسمه..
ما برتآح الا لما أثأر لامي وابوي..!!!

عضيت صبععي بقههر...وانا كلي شوق لهاليوم...!!
.
نقزت وانا اسمع صوت طق خفيف ع الزجااج..
ركضت صوب الليت وبندته...
اقترربت من البلكونة....بعدت الستارة بشويش..
لمحت حد متخبي ورا الشجرة..؟
فتحت البلكونة..
وظهرت منها....نزلت راسي تحت عسب محد ينتبه لي..
جفت ورقة طايحة...شليتها...

" شهرزآآد...نزلي تحت...اتريآآآج....! "

رديت اطالع تحت....المقنع..!!

شهقت..!!
كيف قدر يدخل.....!!! الغبي بيمسكووونه..!!
لحظة..؟ كيف انزل له..؟
جفته يأشر لي...يعني انزل من هني...!
بس كيف..؟

رديت الغرفة..
وبدلت ملابسي...لبست بدلة سودا...وكآآب...ودخلت شعري تحته..
خذت تلفوني...
فتحت الدرج...وطلعت منه شريحة يديدة....
حطيت كل شي فـ جيبي...
.
الحين كيف انزل..؟
ما عندي حبل ...
.
لمحت سكارف....! يتني فكره..
ظهرت كل السكآرفآت عندي....وربطتهم ويا بعض..
ورحت لطرف الحديد اللي ع البلكونة بهدووء....وربطته بالسكآرفات...
فريتته....تقريبن وصل للنص...مب مشكلة...
.
وقفت ع الحديد...مسكت السكآرف بقووة...
قلبي بدا يدق....اتخيل لو تبطل السكآرف وطحت...
يممه....!!خذت نفس عمييق....لالا انا ما اخااف..وما بيصيير شي ان شاءالله..
نزلت شوي..وانا بعدني ماسكة طرف الحديدة...
وو
بعدت ايدي عنها..وتشبثت بالسكآرف بقوووة...
غمضت عيني بخووف....
طالعت تحت....
جفت المقنع تحتي بالظبط...ويشجعني انززل...!!
غبببي...هذا...بيجووفونه...!
بديت انزل ببطىء..
.
ولما قررب...تبطل السكآآآآرف...!!!!!!!!
صرخت وانا اطييح...بس مسكني المقنع بسرعه...وحط ايده ع حلجي...
وسحبني بين الاشجار..
يلست وانا اتنفسس بسرعه...ياا وييلي كنت بطييييح..!!!
قربني منه اكثر وهو بعده حاط ايده ع حلجي..

طااح قلبي فـ بطني لما سمعت اصوات الحراس قريبة من مكانا..
لصقت فيه اكثثر من الخووف...
ياااارب ما يكتشفوون مكااناا..

ارتحت...لما سمعتهم يبتعدوون...الحمدالله شكلهم ما انتبهوا للسكآرفات ..

ابتعدت عنه..
ابتسمت له بامتنآآآآآن...

عقبها تذكرت شي...قلت بخووف : كييف دخلت هنيي..!!!! انت ما تدري ان المكان كلله كاميرات مراقبة..وحرآآآس..!!! تخيل...تخيل....لو اكتشفوا مكآآناا.....؟! تدري شو بيسوي فيك سليمان...!!! بيــ..

حط اصبعه ع حلجي..وسكت....
خلع قنآعه...
وابتسم بعذووبه...: تخآفين علي...؟

دق قلبي بعننف...وانا اتأمل ملامحه تحت الاضاءة الخفيفة...
مارديت عليه...

رد : ماعليج كيف دخلت....المهم اني قدرت اجوووفج...

انحررجت....نزلت الكااب اكثر على على ويهي...

ضحك بخفه.....وسحب الكآآب من ع رآآسي....
تنآآثر شعري ع ويهي...

لمحته يتأملني...
اففف احسس بحررررررر...

قلت بتوتر: لااا تطآآآآلعني جييي...
ضحك بقووة: هههههههههههه....

رد الكآآب ع رااسي...

قلت بهمس احذرره وبعدني منحرجة : اوووووشش بيسمعووونا...
قال بابتسامة هادية : سآآمي...
قلت باستغراب : سآآمي..؟ اسمك..؟!!!!

هز راسه بهيه..

قلت : اخييييرا قلتلي...!!
قال : وبيكون سرر..! مابي اي حد كاان يعرف بوجوودي...
قلت باستغراب : لييش..؟
قال باصرار : عشان اقدر احمييج.." سكت كأنه تذكر شي " صح..ابي اسالج عن البنات اللي في المنظمة...
قلت : شو فيهم...؟
رد : ابي موآصفآآتهم...
قلت بخوف: لييش..؟ بتروح للمنظمة..؟!!!
قال بحيرة : ماعرف....بعدني بجوووف...للحين ماعرف وين مكاانهم..!
قلت وانا اتذكر مواصفاتهم : البنية الصغيرة....ممم اظن اسمها بدوور..نفس ما قالتلي فجر...من شكلها...عمرها تقريبا 5 سنوات...ضعيييييفة...وظهرها متقوس...ما تقدر تمشي عدل.....اما التوأم...اسمهائهم مريم وريم....اعمارهم تقريبا 16 ..او 17 سنة....بس ينعرفون على طوول...

هز راسه بتفهم..

قال وهو يرد القناع لويهه : خلااص الحين بروووح...
مسكت ايده بسرعه : ويييييين...؟

حط ايده ع راسي بحناان : لا تخااافين...بيي مرة ثاانية...
قلت بسرعه : بسييير ويااااك..
هز راسه بلا : انتي تمي هني...مابي يصير لج شي..
قلت بترجي : الله يخليييييك...
قال باصراار : لااااا..انا مادري متى بوصل لهم..وبحصلهم..

سكت افكر....عقب قلت بحماس : انزين....تقدر تظهرني من هني..؟ ابي اسير لفجر....

طالعني وهو يفكر...
كملت اقنعه : ابي اجووفها....وعقبها برد هني....ما بطوول...ومحد بيلاحظ اني مختفية...ارجووووووووك..ابي اطممن عليهآآآآآآآآ...
سكت...عقب...
قال باستسلام : اووكي...

طررت من الونااسة...اخيرن بظهر ....دخلت شعري تحت الكآآب..
مسكني من ايدي..
ومشيت وراه بين الاشجاار..
لين ما وصلنا ورا القصر بالظبط...

قلت بهمس : هني في حراس....
رد يطمني : ماعلييج...انتي بس خلييج هاادية..

تحركنا ببطىء من عدالهم..
لين ابتعدنا..
ومن بين الاشجار...
جفت باب خشبي صغيير فـ السوور....!
عقدت حواجبي ممر سري...هذا من متى هنيي...؟!!

فتح الباب....انحنى ودخل منه....
عقبها تبعته...
بعد ماظهرنا...
بند الباب بهدووووء...

قلت بهمس : هالممر من متى موجود...؟!!
قال : من زمان ...قبل لما كنت ادور مكان اتسلل منه..حصلته..
قلت باستغراب : ليش انت كنت تيي قبل...؟
شد على ايدي........وقال : وااايد كنت ايي هني...

تفاجات..!
ابتسمت فـ الظلام....

مشينا فـ الظلام عدال السور...

قلت : في هني كاميرات مرااقبة...
ضحك بخفه : خربتهم..!
عقدت حواجبي : خربتهم..؟؟!! بس بيعرفون ان في حد تعبث فيهم...!!
قال : هممم....لا...بيتحسبوونه عطل فني...! وو بعدين بس الكاميرات اللي خلف القصر خربتهم..اما الباقي لا..


زآآآآد اعجآآبي فيه وبشخصيته...!
ذكي...وشكله مب هين....!
شخص يعتمد عليه..!!
،
بعد ما مشينا مساافة وابتعدنا....

قلت : خلاص سآآمي....تقدر تروح...انا بروح لفجر...وبرد بسسرعه..
هز راسه بالنفي : لا بوديج عندها..وبردج عقبها..
قلت : لالا...لا تخااف علي...
قآطعني باصراار : لا تحاولين ..

استسلمت له...
.
بعدها وقفنا تآكسي....ووصلنا لبيت فجر....
اول ما وقفت جدامه..
استرجعت ذكريآآتنا ويا علي وفجر...
يتني غصة لما تذكرته..
.
الله يرحمك....!

نزل سآمي...ابتسم لي : بتريااج هني..

ابتسمت له بامتناان..
دخلت البيت وصعدت لين فوووق...
دقييت الباااب على فجر...
حسييت المكاان هآآآآآآآآدي....
دقييت مرة ثاانية وثاالثة....
بس مححد فتح لي...!
يمكن مب موجوودة....!؟ وين ممكن تكون...؟

مادري ليش حاولت افتح الباب....وو انفتح.!
فتحته كلله..
ظلاااااااام...!
دخلت بهدوء...و تحسست الطوفة..ادور مفتاح الاضاءة....
وو شغلت الليت..
تأملت المكآآآن..

زقرتها : فجـــــــــر.....فجــــر....ا� �تي هنيي..؟؟

لا رد..! يمكن راقدة...؟

مشيت ببطىء لغرفتها....
دخلتها..جفت من الظلام...هيئة حد راقد...
شغلت الليت...

جفت فجر....
.مب رااقدة...؟
جفت عيونها معلقة ع السقف..

اقتربت منها...قلت بحنان ممزوج بحزن : فجر...اناا يييت...!

نزلت نظرها وطالعت فيني..
ابتسمت لها بحزن....يلست عدالها ع السرير..
حضنت ويهها بايدي...

قلت : فجر.....انتي بخيير....؟!

ماردت علي.....تمت تتاملني..بنظراات بآآآآردة ما طمنتني...!!!!
مادري ماعرفتني ولا شو..!؟

قلت : فجر حبيبتي...انا شهرزااد...

ماردت علي....و عقبها ردت علقت نظرها فوووق..
شوو فيها فجر....؟
تألمت وااايد عشاانها...فقد علي صععب...صعب واااايد..وخاصة عليها...ادري انها كانت متعلقة فيه واااايد..مادري كيف بتتخطى هالحززن...

مسحت ع راسها وقلت اواسيها واواسي نفسي : فجر.....خلييج اقوى...خلييج قووية شرات ما علي يبااا....

طالعتني بحززن لما طريت اسمه....
وهززت راسها بلا...
.
شدييت ع ايدها : لا...بتكووونين قوويه..سواء بوجود علي..او بدووونه...!! ارجووج فجر...الله يخليييج...خلييج اقوى عن جذي....

صدت عني..متجاهله كلامي...
خذت نفس طويل : فجر..ادري اللي جفتيه مب شويه...بس خلييج صبوورة...اصبرري..علي مااات...و كلنآآآ حزنـــآآ لموووته....بس اللي تسوينه فـ عمرجـ..

قاطعتني لما يلست فجأة..ومسكتني من كتووفي...وتمت تهززززني بانفعاااال...!!!
وهي رافضة كلامي قطعيا...!!
حطت ايدها ع اذنها ما تبا تسمع شي..!!!

سحبت ايدها بقوة...
قلت ودموعي فـ عيني : علي ضحى بنفسسسه..!! ضحى عشان منوو...؟ قوليلي ..لمنوووو..!!!

طالعتني وهي تتنفس بقووة..

نزلت دموعي...شهقت : مآآآت....انقتتتتل......!! لييش..!!؟ لانه دااافع عنا...لانه.وقف ويانا...... قتلوووووه...!! شرات امي.......شراااااات ابووووي." وبحقد "...ذبحووهم بدم بااااارد....!!!

جفت ملامح الكره والحقد فـ ويهها...
شدت ع قبضتها بقوووة...

جفتها تحرك شفاايفها بانفعاااااال...
؟؟؟
عقبها....تحسست رقبتها....وو عضت ع شفايفها بغيض...!!

طالعت فـ عيونها بحيرة....!!؟
صدت عني ...!!!!

همست : فجـــر...!؟

هزت راسها بلااا...
لا....!؟
طالعتني بجمود....واشرت لي...
لحظظة...!!!
ما تقدر تتكلم...!!
جفتها تراويني انها ما تقدر تظهر ولا صووت..!!!!!

مسكتها من كتووفها بخووف....: بــ..بلاعيمج تعوورج..." بلعت ريجي " صح..!؟

صدت عني....!!

هزيتها من كتووفها بقووووة...: فجرررر....تكلمممي....اكييد تمزحيييييييين....فجـــــــر ...

غمضت عينها بقووة..
حطيت ايدي ع حلجيي...
لاااا.....لاااااااااااا..

قلت بصووت مرتجف : فـ..ـجر...!! شو....صآآآر لج......فجــ.....ــــــر..!! الله....يخلييييييج...تكلمي...ق وووولي .....شي...!!!

طالعتها بضعف....!! ماعرف شو اقووول...او شو اسووووي...!!
فجر بتضيييع من ايدي...!!!!

مسكت ويها بكفوفي...واجبرتها تطالعني...

قلت بسرعه وانا احاول اخفي شهقااتي : فججــ..ـر.....سممعيني......خليي� � قووية......لا ....لا...تبتعديين عني....ماابيج تروووحين بعييد....!! سمعتيييني...!! " حضنتها بقوة " الله يخلييييييج...اوعدج.... بتم ويااج للابد...بس..لا ترووحين عني...

بعدت عنها...
سكت احاول اظبط اعصااااابي.....

كملت : فــجــ..ـر.....لا تنسيين....!! وراانا انتقآآآآم...!! لا تضعفين قبل ما تنفذييينه....!!! انتقآآآآآآآآآآآم...!

جفتها بدت تركز معااي...

تشجعت اكمل : لازم ندمرهم......خذوا منا كل شي..! كللل شـــــــــي..!!...فجر...شهرزاد ....علي...امي...ابوي ..!! بدر البدور....مريم.....ريم....!! وياا الوقت اللي ناخذ حقنا منهم....لين متى بنسكت..؟! لين متى بنجوف واحد ورا الثاني يموتون جدآآمنااا...!!

حطت ايدها ع كفووفي..وشدت عليهم...

قلت اشجعها : فجر....كوني قووية...انتقمي لعلي....تسمعيني...؟!! اقتلييهم كلللهم..." عضيت ع شفايفي بقهر "وانا بعد.......بقتله...بقتل سليمان وبندمر المنظمة." رفعت صوتي "...سمععععتي...بندمرهم شرات ما دمرووونا...

جفت فـ ويهها ملامح الانتقآآآآآآآآم..

وقفت وانا حقدي يكبر ويكبر...
تنفست بعمق : خلااص عيل....ما بنلتقي مرة ثانية....الا و نحن قادرين على تنفيذ انتقامنا..., انا بغير نفسسي...وبصير اقوى..واقوى..., فجر...لا تخاافين من حد...وخليج قووووية..!

مسكت ايدي..وشدت عليها موافقة...
طالعتها بتحدي...
وتركتها...على امل نلتقي للانتقام..
.

نزلت تحت عند سامي...وانا افكر كيف بنفذ انتقامي....؟
غمضت عيني بقووة...ان شاءالله ما افقد فجر...
اعتصصر قلبي بالم...الصدممة اثررت عليها بالقوو..
فجر بدت تفقد نفسها اكثر مما هي فاقدتنها..

فتحت عيني لما حسيت سامي قريب مني..

طالعني بقلق..: صار شي....؟
هزيت راسي وقلت وانا احاول اكون قوية : لااا..

يت فـ بالي فكرة....!!

قلتله بترجي : الله يخليييك سآآآمي....برووح ويآآآك....ابي اكوون قووية....ارجووك " وباصراااار "سااعدني عشان انتقم من سليماان...ابي اقتله....!!
هزر اسه بنفي : قلتلج لااااااا.....شهرزاااد افهمينـــــــي ارجوووج...!!

سكت....نزلت رااسي...و
صديت عنه مشيت...وفيني غصصة...
لازم اسوي شي بسسرعه...مابي اخسسر حد ثاااااااني...

حسيت فيه يلحقني...ومسك ايدي...وخلاني اصد له..

قال بهمس : شهرزآآد....

عضيت ع شفاايفي امنع دموعي تنززل...

تنهد وقال : شهرزآآد..صدقيني انا اسوي كل هذا لج.....انــا...افهمـــج و.....
قآآطعته : انتـ..ـ ما تفهمنــ..ــي...!!!

نزلت الكاب ع ويهي...وحطيت ايدي ع حلجي ابي اكتم شهقااتي اللي بتطلع..
بس ما قدرت..شهقت و بكييت بقووووة انفجررت فيه : انا اخسسر..واحد..ورا الثآآآني..جداام عيووووووني......وماا...اقدر اسوي......اــ..ـ وو بسبــبي....
بسببي انــ...ـــا مــ...ـ

قاطعني لما ضمني لصدره بقووة...دفنت راسي بقميصه...وطلعت كل اللي فـ خآآآطري..
همس لي بصدق : انا افهممج....!!!.

تمسكت فيه بقوووة...
هزيت رااسي بلاااا...
مسح ع رااااسي بهدووء..

بعد ما تقريبا هديييت..

قال بجدية : اللي تبيينه بيصير..
رفعت راسي له مب مصدقة : صدق....!!!!!!!
هز راسه بهيه..

بعدت عنه مسحت دمووعي بفررحه...!! اخيييرن....اخيييييييييييييي رن..!!
.
ركبنآآ تآآكسي...
يلست وانا احس برآآحه وبالامان فـ نفس الوقت...
ظهرت تلفوني....طلعت الشريحة...وكسرتها....وبدلتها باليديدة...
واول شي سويته....طرشت لـ فجر مسج

" فجـــر..انا بختفي فترة .....خذي هالرقم.....اسمه الريال :حمد...! ماعرفه واايد...بس اظن انه ريال تقدرين تثقين فيه...و ممكن يساعدج فـ جريمة قتل علي........شهرزاد. "

بعد ما تأكدت ان المسج وصل...حذفته...
مابي اقول لـ سامي عن حمد ابدن...!

//



ريـــــــــم



،



جفت باب وعليه قفل مفتوح...
فتحت الباب بشويش...دخلت راسي اجوف في حد...؟
طلع مخزن..؟
دخلت بهدوء...الاضاءة كانت خفيفة..
مشيت بتفحص المكان..
لما دققت في الاشياء.......عرفت انها اسلحه...!!
تحسست الاسلحة بايدي بحمآآآآآس...
بس صرااحه اشكالهم في الحقيقة تخوووف..
شليت واحد بحذر...اوو...واااايد ثقييل..
رديته مكااانه...
جفت مسدساات اشكال والوان...وسكاكين...واشياء ثانية ما عرفتتها...

خذت مسدس صغير شوي...
وآآآآ....كشششششخه...
صوبت شرات الافللاام...بووووم بووووووم.....
ههههههه حلوو الشي...!
حطيته فـ جيبي...وخذيت سكينه متوسطة...
هيي....هذا الاكشن ...!!

لحظة بااقي الرصآآص..؟ اخذ اي نوع..؟
مممم لا هذا شكله طوييل زيادة...ما بيدخل...وهذا..مم مادري..؟!

ظهرت المسدس وقلبته بايدي...يمكن مكتوب اسم الرصاص عليه...
اففف...ويينيه...
طفررت..رديته فـ جيبي...وخذت كم نووع من الرصاص..
وطلعت بهدوء..
.
انجيييين....ممم وين اروح الحين..
ليش ما اروح عند المساجين..؟
لالا اخااف برووحي...
انزييين...وين ارووح الحين...!
.
مشيت فـ الممرات المتشاابهه...احس تلخبطت مادري كيف ارد..
بس حبييت المكاان...فيه اشيااء واايد حلوة..
حصلت اسلحة..
خخخخ اكييد عندهم دبآباات...وطياارات حربيية..
يآآي...لو فيه طيآآرة..!!!

جفت عاملة مرت من عداالي...
وقفتها قلت بستهبل وياها...

قلت : تعااااالي بتخبرررررج...!!
....: نعم آآنستي...

آآنسة..!! اوووووه...كلااام كبيير ههههه...

نفخت صدري بخقه...كملت وياها عبط : تعرفين وين مكان الطيارة..؟
...: الطائرة..؟! بالتاكيد انها فـ الاعلى...!
قلت متفاجأة : فووق.؟ فـ السطح..!!

هزت راسها بايجااب....واستاذنت ..
.
لحظة...!! يعني صدق في طيآآآآآآآرة هني...!!
لحظة..لحظة....والله مش مسدءه...!!

صرخت بصووت عاالي من الونااسة...وركض فـ الممرات ادور الدري او اللفت اللي بيوديني لـ فووق...!!

وبعد ما ضعت اكثر من مرة فـ هالممرات....حصلته..
ضغطت زر اللفت...بس ما رضى....وطلعلي ليت احمرر.؟! insert the card

ادخل بطاقة.؟ اي بطااقة..!؟
يآآآربي....عااد لا تخربون علي ونآآآستي يالسخييفيين...
.
جفت واحد ياي...و ظهر بطاقته من شنطته...
وقفت عدل وسويت روحي ادور بطاقتي فـ جيبي...
لين ما جفته شخط البطااقة...
وانفتح اللفت...
دخلت ويااه بهدووء...وبدون ما اخليه ينتبه لشكلي..
.
ضغط زر الطاابق الارضي..
حبست انفااسي لمجرد فكرة انه يعرف منو انا..
يممممه...!!
شو بيسوي فيني في الطابق الارضي..
عادي يذبحني ويموتني...ومحد يدري عني شي...
لالا...اتحدآآآه ويا ويهه...
طالعته بحقد...
حسييت انصدم...!!!
هيه شو عبااله هالغبي...عندي مسدس...وسكيين..ورصاااصاات...!!

انفتح اللفت...جفته انحنى لي بخفه...وظهر...!!
ما سووا شي..!؟ خخخخ ما عرفني...
.
حطيت ريولي ع الباب بسسرعه قبل ما يتسكر...
ظهرت رااسي اجوف المكان...
بآآركنااات..؟
.
فكرت اظهر من اللفت...ولا اطلع فووق..؟
لا ابا اجووف الطياارة...
..
ضغط الزر اللي يطلعني فووق..
.
وصلت....انفتح اللفت..
انخشيت فـ الزاوية...
ظهرت رااسي..محد...
ظهرت منه...
لااااااع لحظة...رديت حطيت ع الباب...
اففف...غبييية انا...لو تبند...ما بقدر افتحه..!
جفت مزهرية عدال اللفت...
سحبتها وحطيتها عند الباب...وظهرت...
علق اللفت....حلووو...

وين اروح الحين.؟ يميين...
مشيت....
وو
شهقت من الفررحه...طيآآآآآر مروحية...!!
ركضت صوبها بونااااااسة...!
جفت اثنين واقفين ويطالعوني بشك واستغراب...
كنت اناقز حولها...

رحت عند واحد منهم...وكل ثقة قلت : افتح الباب...

انحنى بادب...وانا هني تشققت....!!!
وفتح لي الباب.....
وااااااااااااا...زين ما شهقت بصوت عاااالي...!!
مشيت بغروور..واول ما حطيت ريولي ع الدري....زين ما اغمى علي..
جمييييييييييلة....!!!
ابااا اسووووقها.....!! هههههه عيبتني الساالفة..
وينج مريوووم الدبة...فااااااتج نصص عمررج..!

دخلتها وانا اطالعها بدهششة وباعجآآآب...
يلست مكان القيادة....وااااااااااااااو ...شعوووور...ما ينوصف...!!
حطيت السماعات ع راسي...: آآآلووووووووووو...
ياني صوووت : هناا 345 ....الى اين الوجهه ....حول..

فريت السماعه ...الله يخسسه..خرعني...
جفت ازراااار واااااايد...!!
دخل الكابتن ويلس ع السيت اللي عدالي...

قال بأدب : سيدتي.....المكان..؟

وآآآآآآآآآآآآآو.....لااااا... كل هذا ماقدر علييه...!

قلت بغرور : ولا مكاان..." بس مسسرع تغيرت ملامحي وقلت بحمآآآس " ارجوووووووووك...

جفته تفاجاأ...

كملت برجآآء : علمني كييييف اسوووووقها...!!

جفته يطالعني مصدووم...

قلت وانا احااول اكسسر خااطره : ارجوووووك...علمني...!! خااطري استوي كآآبتن طيآآرة...

ويهه استوا احممممر...وارتبك.. : أأأأ...
قلت بسرعه : بس شوووووووي...بس...بس خليني اطير فيها فووووق ..وعقب بنزلها...
عقد حواجبه وتوتر زيادة : انــ..ــا ماقدــ
قاطعته بحزم : اللي قلتلك اياه نفذه...!

تفاجأ من نبرتي...
بس صرخت صرخة لما هز راسه مواااافق...: يسسسسسسسسسسسسسسسسسسس....

نقزز متخرررررع...!

ضحكت علييه...شويه وضحك هو بعد.....حلييله..
مسكت السكآآن بحمآآآس...: ويين البتروول..؟! والبرييك.؟ مااشي..
ضحك بقووة : اي بترووول..!! الله يستر...شكلنا اذا طرنا ما بنرررد..
ضحكت وياه وانا مادري ليش يضحك...

قال : مافي شي اسمه بترول وبريك عند الريوول...

وبداا يششرح لي...الازراااار...والسكان كيف يتحكم فـ الطياارة...وكل شي...
بصراحه تلخبطت...كيف بحفظ كل هذيلا...؟

قلت باستعجال : ماعلينا من هذا كلله....السالفة كلها..اني ارفع السكاان..وبتتحرك الطياارة..
ابتسم : شكلي دووختج بكل هذا..
هزيت راسي متململة : يلا...شغل الطياارة..

لما جفت الطيارة تشتغل....عدلت يلستي بحمااس...وربطت حزام الامان..
وحطيت السماعات...
لالا...هذا مايكففففي....ابااا اصوور هاللحظة..!!
آآخ.....غبييية مريووووووم...ليتها ويااااااي...!!

قال : يلااااا....ارفعييها ببطىء...

قلبي بداا يدق بقووووة...مادري خووف ولا حمآآس..
بديت ارفعها ببطىء ...
طالعت الارض...نحن نرتفع بشووييش...
وآآآآآآآو.....رووووعه...!!
بديت ارتفع اكثر واكثر...
لين شفت المديينة كللها....

قلت للكابتن : استلم القيادة..

تركت كل شي...وبطلت الحزام..
رحت للدريشة...ولصققت فيها...
يجننننن....!!
كل شي من هني يخببببل...!!
كل شي صغييير...!
تأملت كل شي للحظاات...

عقبها سمعت الكابتن يكلم حد من المايك..

قالي : آآسف...لكن بضطر انزل..
قلت بخوف : لييش..؟
هز كتوفه باسف : وصلتني اوامر اروح للمدينة الثانية..
تنهدت بارتياح : اها...رديت اقعد واحط الحزام....ونزلنا للسطح..
بطلت الحزام بسرعه... وقلتله بامتنااان : ماتدري شكثر انا مستآآآآآآنسة..!!!! والله احلى شي سويته بحيآآتي....كان حلم بحيااتي وتحقق...
ابتسم لي..: ولوو ...انا فـ الخدمة..

انفتح باب الطيارة....وقبل ما انززل قلت : بس بيكون سرر بيينا...!! لا تقول لححد..واكيد برد يوم..وبنعيدها..

غمزت له...ونزلت اركض لـ اللفت...
بعدت المزهرية...وضغطت زر طابقنا....

تنفست بهدووء ..احاول انظم نبضات قلبي...
يااارب ..مايتنذل فيني..ويخبر حد عني..

انفتح اللفت....وركضت بسرعه...
اففف لايكون بضييع مرة ثااااانية..!؟؟!
تميت اررركض..وارركض...ليين اخيييرن وصلت...

فتحت البااااب بهدوووء....يااارب مريوم بعدها رآآقدة...بتغسسل شراعي لو عرفت اني ظهرت بدون لا تدري..

الحمدالله الليت مبند...اكيد رااقدة..
دخلت بصمت...وبندت الباب وراااي...
وبخفة...انسدحت عدالها ع السريير...
واااا....وصلت للامآآآآن..

نقزت....لما سمعت نبرتها المخييفة : ويييييييييييييييييين كنتي....!!
غمضت عيني بسرعه : اناا رآآقدة...ريموو راااقدة حاالين...ريموو لا تستطيع ان تكلم احد الان....ريمــ....
قالت بعصبية : ريمووو جب.....!!! قوليلي وين كنتي...!!؟
قلت ارقع : أأأمم...كنتــ..
قالت بنفااذ صبر : انتي اكييد تستهبليين...!!! كيف تطلعين برووحج...!!؟ وكللل هالوقت...!! شو كنتي تسويييين..!! مب لاني ماقدر اتحرك واايد..تاخذين رااحتج...

نقزت عليها ..بست راااسها ودفنت رااسي فـ حضنها : مريووم...اششش....خليني اكمل ونآآستي....

حاولت تبعدني من حضنها...وواضح انها معصصبة..!

مريوم : ريموووو...بعدي عني...البنية رااقدة عداالي...ياااويييلج لو نشت...بالمووت رقدت..


اووووهوو...هيه والله مافيني ع صيآآآحها...
بس طنشت مريوم...
قلت بضحكة وانا اقاومها : ماا باااا...اباا ارقد....تعبت من الحوآآطة ومن الاكشناات اللي صاارت ويااي...

وهي تدزني بعيد عنها....تحسست شي ..؟

قالت باستغراب : شو هذا..؟!
بعدت عنها بحمااس : ما بقوولج الا لما تكونين رااااااايقة...وبقوولج كل شي صاار ويااي..!
ضحكت : خلاااص روقت..

يلست متحمسة...
وانا اطالع فـ عيونها فـ هالظلام..
ظهرت المسدس بشويش...وحطيته فـ ايده..
لما تحسسته...
شهقت..!

ضحكت بحمآآس : وناااسة صحح..!!
طلعت شهقة اكبر : كششششششششششخه...!!! من وييييييييييين يبتييه...!!!
قلت بغرور : من مصادري الخااصة..

جفته تتحسسه فـ الظلام..وتحاول تدقق فييه : روووعه...اول مرة ألمس مسدس..ليييييش ما يبتيــــلي وااااحد...!!!
قلت وانا اسوي روحي ..انا العااقل : لاا..لاا...لاا...هذا خطير علييج...!! " ظهرت السكينة " مممم...هذا شوي خطير...بس ينفع لج...!
قالت باحتجااج : نننعععععم...!!! مآآآيخصني...اباااااااااا..... ريموووووو....يالمعففن ة...ليش ما يبتيلي..
قلت وانا اقولها بكل لهفة : تخيلي حصلت مخززن كلللللللللللللله اسلحة....!! كان حلووووو الشي...ماعلييج ..بنرد له مرة ثاانية..بناخذ حموولة منه..
انزيين صحححح...نسييت اقووولج....!!
حصصلت مكان نقدر نشرد منه...!

قالت بتفاؤل : صدق...!!! كيف..؟ ويين..!!
قلت بتفكير : بس يبالي اتاكد منه اكثر...المهم....لازم تكون عندنا بطاقة عشان نقدر نركب اللفت...ونزل تحت الطابق الارضي...وهناك اكيد بنحصل مكان نشرد منه....واااااااا...اخييرن بنظهر....!!!!! لحظظظة...نسييت اقوولج الحدث الاهم.....تخيلي وانا ماشية..جفت عااملة...جان اقولها وانا اطنزز...وين الطياارة...؟ وتخيلي شوو قاالت..؟!!!!
قالت وهي تضحك : اكيد عطتج نظرة محترمة..وكم كلمة...
قلت بحمآآس اكببر : لااااا.......قالتلي فوووووق السطح.......تعرفيــن اني تخبببلت.....!!
قال متفااجاة : مستحييييييييييل...!!!

ضحكت.....وانا اكملها المغآآمرة اللي سويتها....واخر شي...
حصلت ضرب محترم منها....بسبب ان المغاامرة هههههه فااتتها...!!
وطبعن...نشت اليآآهل..وهي تصييح...يآآآآآآآربي...شو بيسكتها الحين..
وكالعادة قعدنا نحاول نسكتها...>.<




//



فجـــــــــــر



،
تألمت وآآآيد....مآقدرت اقوول لحد.....ماقدرت اقول لـشهرزاد...ان علي...طعنوووه...وعقبها حرقووه...
حآآولت افهمها....بس...بس ماقدرت..!
.
زيآرتها...فادتني وااااايد....شجعتني ع اللي بسويه...
ولازم انفذ اللي قالته...
صدقيني شهرزاد...التقي وياج الا لما اتغير....بتغير وما بعتمد على احد..!
،
فتحت عيوني.....يلست...انا رقدت....؟؟
مسحت ع ويهي...
وقفت...وفتحت الستااارة...وتسللت الشمس لداخل الغرفة...
الحين كم السااعه...؟ ونحن اي يوووم...؟
خذت تلفوني...
9:20 الصبح..
اليوم الثلاثاء..
هاليوم الثالث من بعد الحادث!
جفت مكالمات لم يرد عليها ووايد مسجاات..
اففف ...مب وقته...
.
ضغطت زر....وبالغلط انفتحت اول رساااله..


" فجـــر..انا بختفي فترة .....خذي هالرقم.....اسمه الريال :حمد...! ماعرفه واايد...بس اظن انه ريال تقدرين تثقين فيه...و ممكن يساعدج فـ حل جريمة قتل علي........شهرزاد. "



تأملت الرساالفة لفترة...
بس انا ابي اعتمد على نفسسي...!
بندت الرساله..
ورحت اخذ شاور...
.
بعد ما بدلت...سويت ريوق...اول ما حطيته جدامي ...اكلت لقمتين....
انسدت نفسي...!
مب مشتهية آآكل..
.
وقفت...ولبست جوتيي...وظهرت...رايحه النادي..
لازم ابين للكل اني قووية...
ابي يوووسف يجووفني....!! يجووفني و انا قوووييه..!!
عضيت شفايفي بقهر لما تذكرت..انه جافني وانا بكل ضعفي وانكسآآري..!
،
وصلت للنآآآدي..
دخلته و اناآآ كآآآرهتنه...وكآرهه كل اللي فيه..!!!
.
وقفت اتأمل المكآآآآن...
خذت نفس عمييق...ومشيت متوجهه للمستودع اللي وراا..
.
وقفت جدآآآمه.....طالعت الاشرطة الصفرآء اللي ملتفه حوله " keep out"
رفعت نظري للمستودع..
اعتصصصر قلبي...محرووق كآآمل...!!
رفعت الشريط الاصفر....ونزلت من تحته...رايحه لدآخل المستودع..




//



مكتب إبرآهيم




،
جآلس خلف مكتبه وهو يفكر بعمق...
والاخر...بنتظر منه ردا..
ابــرآهيم بتفكير : مآآدري....بس الاكيد انها جافته وهو مقتول..
هز راسه بتأكيد...
ابراهيم بعصبية : الغبــي ليش يقتله..!! كنا لقينا حل ثااني....لو خليناه يتعاطى المنشطآت..وعقبها نفرره فـ السجن..
يوسف ببرود : عآآدي...انت ليش معصصب..؟ نقدر نطلع منها مثل الشعرة بالعجين..!
ابراهيم بانفعال : انت تعرف اني خايف على سمعة النآآدي....
يوسف بارتيآآح : لو ما قتله هو...كنت انا قتلته..
ابرآهيم بسخرية : لانه سرق قلب عشيقتك... هآآه...؟
تفآجىء يوسف......لكن لم يظهر هذا على وجهه..
بل واصل حديثه ببرود قآتل : لانه يعرف اشيآآآآآء وآآيد....!
عقد ابراهيم حاجبيه : .....مثل شو.؟
ابعد يوسف ظهره عن الكرسي...ونظر الى ابراهيم بحدة..
يوسف : عن......فجر....ووو المنظمة...
وقف ابراهيم بذهول : كيييف...!!! منوو قااله...!!! لايكون بنت الـ **** قالتله؟ " عض على شفته السفلى بغيض "....والله لارااويها بنت الذييين...يبالي اعييد تأهييلها من اول ويديييد..
هز يوسف كتفيه بلا مبآلاة : هو اكتشفها...من قبل ما تقووله..! " عاد ليسند ظهره ع الكرسي..وقال بشرود " الشي الوحيد اللي متحسسف عليه...ذكآآءه...اللي ضآآع بسبب تهووره...!
جلس ابراهيم على كرسيه وقال بارتياآح: عيل زيين انه مآآآت....!
يوسف بشرود : اعتقد هو اللي تسلل من قبل لمكتبك....وسرق الاوراق..
ابراهيم متفآجىء : الشفرات الخآصة بالمهمآآت..؟!!!
هز راسه بايجاب : بس بعدني مب متأكد..."وبتفكير " يبالي اروح لبيته وافتشه...قبل ما تطيح بايد حد ثآني..
مسح ابراهيم العرق عن جبينه : والله وطلعت يآ علي مب هين..!! " سكت قليلا " بس انت كيف عرفت كل هذا.؟
قال بزلة لسآن : لمآ كنت ارآقبها...ركزت عليه وتآبعته...وجفته مرة فـ موقع تنفيذ وحده من المهمآت...فـ شكيت فيه..
ابتسم ابرآهيم بخبث : ترآقبهآآ..؟ والله ويآآبت رآآسك....بنت الــ.*******
مآ إن انهى جملته...حتى أحس بفوهة المسدس على رأسه
ارتعد من الخوف....!!
ضحك بتوتر : اسوووولف..... ويآآآك....خـ..خلاص...آآسفين..ك� �بتن يوووسف..ما بييب طآريها ع لسآني...
ابعد المسدس ووضعه فـ جيبه...
وعاد ليجلس مكآنه..
تمتم ابراهيم بحنق : مححد يمزح ويآآ هالويوه .....!
ارسل اليه يوسف نظرة نآآرية...
قال بسرعه لينهي الموضوع : المهم ...شرات ما قلتلك...ابيك تسكتها..وتكثف المراقبة عليها.....مآبيها تفتح عيون الشرطة على اشيآء ما يدرون عنها..!
يوسف : اذا تقصد المفتش..؟ مآآعليك...عندنا وآآيد عملاء من المنظمة يشتغلون فـ الشرطة..و بمختلف الرتب...وحتى لو وصلت هي لواحد منهم...ما ظن يوصل الموضوع لرئيس الشرطة....اما عن الرقابة المكثفة مالها دآآعي...لان الخطر زآآل....وهي حاليا فـ حالة ضعف..
وقف يوسف منهيا النقآش : بس تفآهم ويا الضآبط..خليهم يخلصون تحقيقاتهم بسسرعه..
وقف ابراهيم...واخذ السوط المعلق على الجدآآر..ورماه باتجآه يوسف ...تنآوله يوسف..
قال ابراهيم بجدية : اذا لزم الامر....رجعها شرات قبل..
تأمل يوسف السوط ....وبعدها خرج..
فجــر



،


جسمي مب رآآضي يوقف الرجفة اللي فييه...!!
هالحدييد المتفحم...عكآزةعلي..
تجدمت شوي...
.
هنــي....هنــ..ي كآن علي..!!
يلست ع الارض...
وتحسست وين ما كان طايح..
.
بدا صوت انفااسي يعلى...
هنــي كان غآآآرق بدممه....!
شدييت ع قبضتي....
كنت اسمع انيينه ....انفااسه العآآلية..
آآآه...ليييش رااح عني...!!!
.
تميت اضرب الارض بقبضتي بكل قههر...
ليش قتلتووووووه ليييش...
اكرررهكم...اكرههههكم....!!!!!!!!! !!!!!
.
تصنممت...لو حسيت حد طوقني بذرآآآآعه...!!!!!!!
وهمس باذوني : بسس..يآآفجر...بسس...
سرت قشعريرة بجسممي......هذا يوووووسف...!!
فآآآآآآآر الدم برآآآسي...!!!!
مسكته بسرعه من ذرآآآعه....وبحركة سريعة....سدحته بقووة ع الارض..
حطيت ركبتي ع بطنه ...اثبته...
وو مسكته من ذرااعه بقووة...
كنت اتنفسس بقووة...و مبين الغضب من انفآآسي...
طآآلعني بنظرته البآآردة اللي تقهههههر...
تأملته عيوونه اللي ورا نظآرته بغيييض....
سحبت نظااارته بعنف..
وضربتها فـ الارض بقووة...
سمعت صووت تكسيرها.....
.
ليتني اظهر عيوونه من مكاانها....
طالعته بكل كررررره وغييض وقهر وغضب...
لييش قتلته...
.
شديت قبضتي وضربته ع ويهه بكل غييييييييض ..!
بس نظراته الكريهه بعدها موجهه صوووبي...!
آآآآآآآآآآخ مننننننك...
بديت اضربه بكل ايديني...بس هو ما قآآومني ابدا...
ليشش....لييش...ماادري...!!
يسوي رووحه ...انا الطيب..؟ المتسآآمح...!!؟
.
وقفت وانا الهث...خلصت طآآآقتي...! وهو ما نفع وياااه..
ماحسييت انه تألم....وحرتي بعدها موجووووووودة...
مادري شو اللي خلااني التفت للشي المألوف اللي ع الارض...
سوووووووط....!!!!!
يآآآي يعذبني...؟!!! يباا يضربني..
طاالعته بغضب اكبر....
غمض عينه باستسلام....
وردييت اضرربه بقووووة اكبر...
انا مب فجــــر اللي كنت تعرفها....انا فآآآآآآرس..!! فآآآآآآآآآآآآآرس... ... تفهم..!!
,
مسك ايدي فجأة......
جفتها تنتفض بين ايده...
قال بهدوووووووووء : انآ ما قتلته...!
طالعته باستنكآآآآآآر...!!! ينكـــر....!!!!
جفت الثقة بعيونه..ووو......الصدق...
لالالالا....هذا اكبر كذآآآآآآآآآآآآآآآب....
.
تفآآجأت لما شدني بسرعه له...طحت بايده بسهووله...!! خلااااص..نفذت كل طآآقتي..!!
وو
ضمني بقوووووة.....!!!!!






//



~| نهـــــاية الهمسة الخامسة وعشــــرون |~