[لامارا]

( البارت الرابع عشر)


هااا دكتور بشر
د/والله البنت نزفت كثير وحطينا لهاا دم بس لازم تتعدى مرحلة الخطر خلال٤٨ساعه
ابو سامي/ لا اله الا الله انااا لله وانا له راجعوون
فيصل /طيب وسعد
د/والله ماعرفش مع الدكتور محمد
وراح
فيصل /ان شاء الله بتقوم بسلامه يعمي
ابو سامي بحزن/انشاء الله الله يسمع من ياوليدي
فيصل/يارب
دق جوال ابو سامي
ابو سامي/هلا
تركي /هلابك ياعم أخبارك
ابو سامي/الحمد الله بخير بشر عن اخبارك واخبار الاهل
تركي/الحمد الله عمي
ابو سامي /سم
تركي بتردد/انا في تركياا عن سامي
ابو سامي /عسااهم طيبين ياوليدي ترة ماندري عنهم من سافرو ماكلمنا سامي
تركي/والله مدري وش اقول يابو سامي
ابو سامي/عسى ماشر ياوليدي
تركي /سامي تعبان ونوره توفت
ابو سامي بصدمه /وش فيهم
تركي ياخذ نفس/اليوم نوره صار عليها حادث اصدمتها سياره وتوفت
ابو سامي/عظم الله اجرك يابوك
تركي بحزن/اجرنا واجرك وسامي مدري وش بلاه
ابو سامي /ليه وش صاير
تركي /والله مدري ياعمي بس الرجال مو على خبرنا ابد تغير تقول ولد صغير
بعقله وجسمه مو مثل قبل
ابو سامي /في سبوع
تركي /اي والله ياعم انا متوهق كيف اخلص امور نقل جثت نوره اختي لسعوديه
وكيف اهتم بسامي لازم احد يداريه
ابو سامي وقلبه يتقطع على عياله /الله كريم يابوك رح لسفاره وهم
بيخلصون كل شي
تركي /مالي الا السفاره
ابو سامي/اهتم بسامي لما توصولون
تركي /لا توصي حريص هو اخوي قبل ولد خالتي بس ياعم ابي منك توصل
خبر نوره لأمي وابوي
ابو سامي /ان شاء الله ياوليدي بس انت خلك على اتصال معي ومراح
اخبرهم الا اذا اكدت كل شي ومتى طيارتكم
تركي / ان شاء الله ياعم
سكرت الجوال وطالعت بسامي الي يلعب بالعاب الي بالفندق آآآه اموت
وأعرف وش صار فيك ياسامي وش زينك يوم العرس
سامي/وين نوره
تركي/وش اقولك ياسامي وايش اخلي
خلها على الله ياخوك
سامي/انت وش فيك بعد ماتحبني مثل مهاا
تركي بأهتمام /من مهاا
سامي يرفع أكتوفه/مدري بس انا احبها وابيها ونوره تقول انها كانت
تضربني وماتحبني ونوره تحبني وماتخليها تضربني بس
تركي يهز راسه بياس من حالت سامي
شاف جوال نوره ينور دليل رساله
فتح الرساله
شاف وش مكتوب
نونو وينك ماتبيني الحين اناا اوريك اذا ماجيتي اليله في اليخت راح ارسل
صورك ومقاطع التصوير الي عندي لأهلك
حاوول يتمااسك عشان يقدر يستدرجه
ارسال رساله
ماعليه حبيبي اهلي عندي
ارسل
يعني ماتقدرين تجين طيب بكلمك اسمع صوتك
ارتبك تركي ارسل
لالا انا اذا فضيت دقيت عليك لا تدق الحين حنا بنطلع بنروح لحديقة ........
اذا وصلت ارسلي رساله وانا بوقولك وين اشوفك
ارسل
اوكي انتظرك ياقلبي
قام يجهز نفسه عشان يواجه الحثاله هذاي ودق على واحد يعرفه وقوله
تعال ابيك تساعدني
عطيت سامي أكل وكل شي يحتاجه
وقلت له بجي بس شوي وراجع
سامي/اخاف تروح مثل نوره وماترجع
تركي/لا بجي تطمن لا تشيل هم انت أكل واذا خلصت نام
سامي يهز راسه مثل الطفل /طيب بس جيب لي سياره وكوره خلاص
تركي يتنهد/طيب يالله اجلس شوف التلفزيون
سامي/حط توم وجيري مالقيتهاااا
تركي يدور عليهااا وحط عليهااا وطلع من الشقه وسكر الباب كويس
ونزل تحت شاف صديقه وركب معه بسياره وقاله السالفه واتفقواا انهم يهددونه
وصلوو للمكان وراحو مكان يكون مافي ناس وقريب من سيارتهم
وارسل رساله انه ينتظره في ذا المكان بس تركي قال له جيب لي معك كفي
عشان يعرفه
انتظروا نص ساعه كانت طفيل انهاا تحرق اعصاب تركي اول ماشافووه
قرب أعملو حاله يسولفو عشان مايلفتون انتباهه
ولما تعداهم بشوي امسكوه وحااولو يربطونه بس هو كنت معه
سكين وضرب تركي في صدره




في
كنت امشي بعد ما خلصت شغل الي اساسا المفرض اليوم الخميس
ماعندي شغل بس لما شافني الدكتوره فهد قالي مريضتك لي ماسكه
حالتها تعبانه لازم تشوفيهاا
ورحت اشوفهاا يوم خلصت طلعت وانا ماشيه بطريقي شفته الي اقول
لمها يشبهلك
رحت له وقلت اخوي ممكن مساعده
لف علي متفاجئ منهاا /امري
بس بغيت تروح معي لقسم وابيك بس شوي
ممكن
علي/ايش معنى اناا
في/عندي مرضه محتاجه دم وابي احد يتبرع لهاا كم فصيلة دمك
علي/+a
في ولعبتها صح/ايوه هي +a
علي/في المختبر
في/ايوه
علي/خلاص انا رايح
في /اوكي بس اجيب اغراض وامر عشان اكتب اسمي على اوراق
تبرعك انتظرني اوكي
علي/ان شاء الله
دقيت على مهااا وقلت تعالي انا بالاستراحه الي بالطابق الي تحت الي
قريبه من مكتبي
رحت جبت اغراضي من مكتبي الامها جااايه
مهاا/ايش فيك
في/تعالي ابيك
وصلنا المختبر شفناا يسحبون منه الدم قلت لمها شوفي ذا الرجال الي قلت لك عنه
حسيتهااا تصنمت فااتحه عيونها على الاخر
سمعتهاا تقول علي بس بصوت خاااافت شوي شوي طلع صووتهااا بصوت
عالي علــــــــــــــــي وراحت تركض له وشفته وقف من الصدمه حرمه تناااديه
ارتمت على صدره
استغربت بقووووه منهم



مهااا
كنت عند امي واسوولف عليهاا مثل كل مره
أحس قلبي قاابضني حييييل وسامي ذا اليومين احس قدام عيني واليوم بزود
من شفت امه يالله يالدنيااا صغيره ام سامي تعتذر مني يالله الله يعفو
ويسامح مو انا العبد الي
ما اسامح قلت لأمي عن ام سامي وكيف اعتذرة مني وكيف رديت عليهاا
سبحاان الله الانسان الضعيف اذا انظلم يتكون لديه ردت فعل قويه على الي ظلمه
وسالتهاا يمه لوعلي مادخل السجن كان حالنا كذا ولا احسن صح هو مظلوم
وانه اتلبس قضيه مو له بس الله مانصفه هو بسجنه وهم برى يلعبوون بالدنياااا
سمعت جوالي
يرن الا في تبيني اجيهااا للاستراحه القريبه من مكتبهاا قلت يمكن بتعطيني
شي لرونق ولا مي
ويوم وصلتهاا قالت تعالي
ولماا وصلنا المكان الي تقووله شفته هو بشحمه ولحمه الي بالسجن
متعذب قدام عيني متى وكيف مدري بس هو انا متاكده هو علي
بس نحفااان عن قبل الا هو علي
الا يارب انه علي
احس صرخت لاشعوووريااا علــــــــي
وركضت لما شفته وقف يوم سمعني طحت على صدره احلاول ابين له
وش كثر حنااا محتاجينه وان حنااا مشتاااقين له


علي
ماني بمصدق الحين مهاا اختي بين يديني يالله قد ايش الدنياا صغيره ماتوقعت ابداا
لماسمعت تصرخ باسمي تذكرت صوتهاا يوم صرخت باسمي يوم الشرطه
جت وكلبشوني قدام عيونها هي وامي ماانسيت صرختها في ذاك الوقت
والحين نفس الصرخه
تتكرر بس بتغير المكان
بعدها شوي عن صدره ومسك اكتوفها الي تهتز من البكي
علي/انتي مهاااا اكيد مهااا
مهاا وهي تبكي/ايووه مهااا ياعلي
ضمهاا مره ثانيه لصدر تذكر امه
علي /وين امي وين امي يااااامهااا
كان خايف انها تقول الي بباله




مي
ابي اتكلم ابي اقووول ابي احد يفهمني
ما اقدر انسى ماأقدر انسى خاااالد مقد انسى اخر لحظه شفته فيهايوم وصاني
على بنته آآآه هذا حبي له اكثر من ست سنوات مقدر انسى سعااادتي يوم سمعته
بزواج سعد آآآه
يافيصل يااخوي ظلمتني ظلمتني يعني انت ماتثق فيني اناا موقد ثقتك الي عطيتني
ايااهاااا كيف
ارجع ثقتك فيني اذا الكلام ماأتكلم ويدي الي اكتشفت اني ما أحركها بس ماقدر
اقول لهم حتى الدكتور
الغبي مانتبه لهاا لازم اقول لفي عشان تشووفهااا بحااول ااشر بيدي الثانيه سبحااانه
الله الكلام
نعمه من رب العالمين كنت واقفه عند شباك الغرفه كان يطل على الحديقه كان
الوقت ليل
ما أشوف شي زين اشوف الناس صغار بس ناس داخله وناس طالعه وطفال
تلعب بالحديقه لانه
وقت زيارة المرضى لفت انتباهي بنوته حلووه صغيره بعمر رهف وشهد تلعب
ويجي ولد ويتكلم معهاا
وهي تحط يدهاا على خصرهاا وتكلمه بعصبيه بعدها دفته بيدهاا وراحت تمشي
مستعجله
ومانتبهت لشي ما اشوفه زين بيمكن حجر صدمت رجلها فيها وضاحت على
وجهها الا الولد يقعد يضحك
عليهاا ضحكت اول مره اضحك من قلب من بعد ماسمعت بوفااته شفت واحد يجي
يكلمهااا كانه خاالد
نفس الطول نفس التشخيصه الي بشماغ بس يوم لف عشان يكلم الولد طلع موهو
اففففف خلاص

يامي انسيي مااااات ماااااااات رحت لسرير حطيت راسي على المخده ورحت
في عالم ثاني


ساره
اليوم غيرنااا مكان السهره ورحنااا لشقة يملكهااا نوااف احس الاسبوع هذا
ا اني عاايشه بعالم ثاني حتى بنتي الي داايم وكل يوم ادق على جوالها واكلمها
موفاضيه لهاا
الشقه كانت غيرر بس من دخلتهاا احس مو مرتااحه لهااا ابد
بدت السهر بس انا ونواف مثل مااوعدني طلب مني ارقص اول مره
من تعرفت عليه يطلب من ذا الطلب
ساره/مممم حبيبي استحي
نواف وهو يضمها لصدره/ياعيني على الي يستحوون عشاني بخااطري
اشوفك ترقصين
ساره وهي ترفع راسهاا من صدره وتبووسه / عشااانك هااا
نواف يبتسم لهاا/ياقلبي انتي يلوموني فيك
سااره وهي تحط يدهااا على صدره وتحركه بدلع/مممم تبي مصري
ولا رقصي العادي
وقف ووقفهاا معها رااحواا للأستريو الكبير وقعد يختار من الأغاني
وطاااح على العنب العنب شاااف طرحتهاا قريبهه على الكنب اخذهاا
وربطهاا عليهااا ولفهااا وجلس
على طرف الكنب وهو يشوفهاا ترقص المصري وكيف متقنه الرقصه وكيف
هي مستحيه مررره
حيهااا هذا هو الي جااذبه اندمجت معهااا وما انتبهت للعيوون الي تراقبنااا
ويوم خلصت الاغنيه ووقفت وقفت ومسكتها مع خصرهااا وبست خدهاا
سمعت صوت واحد يصفق بقوووه وبحراره رفعت عيني الا اشووفه
ماااجد/برااافوووو برافووو وحنااا نقوول وين الزعيم غااايب عنااا
اثرك طايح على كنز من الجمال
ساره خاافت وتخبت ورى ظهري تحتمي فيني /نواف
نواف/وش جابك ياماجد هنااا
ماجد وهو يقرب منهم/جيت اذوق من العسل الي مغرقك
ساره تشد على ظهر نواف من الخوف
نواف انقهرر منه يحس انه يبي يذبحه حس بالغيره/مااااااجد بصوت علي
ماجد وعيونه على ساره الي تحااوول تخبي نفسها ورى نواف/يالبيه امرني
نواف بعصبيه /اطلع برى
ماجد/ببرود ليه
نواف/قلت لك اطلع برى مادام النفس طيبه
ماجد بحقد/مو وعدتني انك تذووقنا من العسل بس تطبخها على نار هااديه
ونواف مايبي ساره تسمع/مااااجد اطلع برى
ماجد بحقد أكثر وهو عارف ان نواف مابيها تسمع/لا تنخدعين بموقفه البطولي
ترى هو بعظمت لسانه انه يبي يستفيد منك وبعدين يرميك لنااا نستانس فيك وو
ماسكته غير البقس الي طاح على الارض جاااه البقس من نوااف وهو
عارف اذاا دخل معه بمضااربه نواف بيفووز وبيكسر عظامه لان معه
شهااادت في الكرتيه
والدفاع عن النفس قاام وهو يتوعد نواف
ماااجد بقهر وحقد/بردهاا لك يانواف الكلب
نواف/اقوول اطلع ليجيك غيره
طلع من الشقه وشاف هندي بشارع عطاه ٥٠٠ريال وقال عطني جوالك
اكلم وارجعه لك والهندي ضعيف ماصدق على الله وافق دق على الهيئه
وبلغ عن الشقه
عطاهم العنوان وورجع الجوال للهندي
وركب السياره ووقفهاا بعيد حتى يشوف نواف وهو يسحب مثل الكلب ماعااد يهمه
احد حتى نواف كون ثروه من صحبته لنواف خلال الخمس سنوات الي
طاافت يقدر يكون نفسه
ويسوي مشروع صغير



يحااول يكلمهاا يفهماا ان كذاب كانت منهاره من البكي مسكهاا يضمهاا لصدره
حااولت انها تفك نفسهاا منه بس ما قدرت قوته غريبه ضمته هي بعد محتاجه
لصدر أحد ترتمي
عليه تندم نفسها وحظهاا الي طرحهاا بها الطريق قعدت تصيييح بقووه شد من
ضمه لهاا كان
صااادق بمشااعره معها هي الوحيده الي ارتاح لهاا لمااا حس انهاا هدئت
وجلسوو وهو شبه
ضاامها لصدر ويلعب بشعرهاا يبيهاا تهداء تماما عشان يقدر يشرح لها الموضوع
سمع الباب يضرب
قال روحي لغرفة النوم ياقلبي
راحت وقاام لبس البلوزه بس ترك الازره مفتوحه يعني صدره مكشوف
فتح الباب شاف رجال لهم لحى ومعااهم عساكر ٤
لو سمحت معناا امر بتفتيش الشقه
عرف نواف ان ماجدىهو الي بلغ عنه تووعده بقلبه امسكوه ٣ عساكر
والباقين دخلو يفتشو الشقه لقوو ساره في غرفت النوم قالو لهاا ابسي
عباتك لبست عباتهاا واخذوناا للقسم هيئة الامر بالمعروف والنهي عن
المنكر ساره ماابطلت صياح ابد مصيييبه وماحت على راسهاا ايش تسوي
شاف سيارة الهيئه وهي تتحرك من البنايه بعد ماشاف نواف وهو منذل
حرك سيارته وراح لشقة وحده متعرف عليهااا



فيصل
طال انتظارنااا بس عشان يطمنوناا على سعد واخيراا طلع دكتور لبس
اخضر استغربت سالته
الدكتور/والله حنا اعملنا له عمليه لما انتم اتخرتوا والحمد الله هو بخير
بس عاايز راحه له
فيصل وهومنقهر من فهاوة الدكتور/طيب وش عمليته الي سويتهاا
الدكتور/ياابني داه عنده كسر بالفخذ والساق كسر مضاعف وعشان كده
استعقلنا باعمل العمليه له
فيصل يبي يخنقه/طيب الحين كيف حالته
الدكتور/والله العظيم يابني كويس بس عااوز راحه والحين اثر البنج
ماطلعش من جسمه فانت لازم تراعيه
فيصل يقااطعه /خلاص خلاص أقدر اشوفه
الدكتور/ايوه عااوز تشووفه هو في الملاحظه الان بس روح للمرضه وقول انا جي
من الدكتور عبد العلي
فيصل وهو طفشان/خلاص راح اقولها باي
طلعمي من طوري ذا الدكتور في فهااوه مدري وش تبي وقرقه كثير
رحت لهاا وقلت بشوف اخوي عادي دخلتني بدون لاأقول للها الدكتور ولا شي
لبست كمام ونزلت شماغي ولبس قبوع وعقموني لانه توه طلع من العمليه
دخلت الغرفه بااارد مره مظلمه شوي مايعكر مزاج الجو الا صوت جهاز القلب
والتنفس اول مره اشوف سعد قدامي ضعيف ماعمره بين لأحد ضعفه دائما قوي
دائماا يحب
المغامرات بس كان شخص مرح جدااا والجلسه معه ماتنمل لمست يده بااارده
اسمعه ينادي اسم
قربت أحااول اسمع سمعته ينادي امل عدت وقفتي وانا أخذ نفس عميق
وش الي صار لنا مره
وحده اول شي رونق وعدت على خير وبعدها وفاة خالد الله يرحمه ثم مي
وطيحتها والحين سعد
ومرت الله يستر من الجاي بس أحس اهمت بنت في في ذا الاسبوع والشي
الجميل اني لقيت في
طلعت من الملاحظه بعد ماتطمنت على سعد سالت الممرضه متى يصحى وقالت
بكره يكون صاحي قلت بجلس عنده قالت ممنوع باقي اخبر امي والبنات مريت
ابو سامي شفته جالس يسبح ويستغفر احس هم بنت هده بس هو تعب بعد
المكالمه أكثر جلست عنده الساعه الحين ١١ من اليل
فيصل/عمي قوم رح البيت ريح
اابو سامي/ما قدر وانا ابوك قلبي مايطاوعني اروح واتركها
فيصل/انا بجلس واخبركم بكل شي بس روح ارتاح واكيد خالتي ام سامي تحاتيك
ابو سامي/الله يعين وانا ابوك على مصايب ذا الدنيا
فيصل وهو يتنهد/مكتوب مكتوب ياعم
ابو سامي/ونعم بالله ونعم بالله
فيصل بيغير الجو شوي/الا ياعم سامي من اعرس مادق علينا هو كلمكم
ابو سامي وتنزل منه دمعه /لا يابوك سامي الله يفزع له
فيصل بخوف يوم شاف دمعت ابو سامي/اشفيه ياعمي


ام سامي
تاخر ابو سامي وقلبي قاابضني من اصبحت اليوم
جيت من ام فيصل وبناتها الساعه ٨ والله وسعو صدري كثير ياحلو الجمعه
والسوالف موبيت وش كبره فاضي
واهم شي اني لقيت مهاا وتعذرت منها بس احسها شايله علي يارب سامحني
وحنن قلبها عشان تسامحني
وقت ادور بصاله جت/ميري
ميري/مدام مايبغى عشى
ام سامي/لا ياميري مابي بنتظر ابو سامي
ميري/ان شاء الله مدام
جلست سفرت كل الخدم الي ماهم لزمه بس منظر وبقيت ميري وايرنا
والطباخه واهم شي ميري عشان ذاك اليوم شفتها لبسه الذهب الي اخذته
نوره مني عشان تحطه بشنطة مهاا بس ليش نوره ماخطته ليش اعطته
الشغاله وش كان قصدها شكلها من القهر والحسد ماتبي مهاا تتهنى بالذهب
اعرفها بنت أخوي حسود وتغار من كل شي حولها
مسكت الجوال و دقيت على ابو سامي واخيرا رد
ابو سامي/هلا
ام سامي/شلونك بابو سامي
ابو سامي/الحمد لله طيب
ام سامي/وينك فيه تاخرت علي
ابو سامي/جاي بطريق الحين قاصرك شي
ام سامي/مابي غير سلامتك
ابوسامي/فمان الله
سكرت ابو سامي فيه شي مو عل عادته ابد
انتظرته وقلت لميري تجهز العشاء على ما يجي ابو سامي ساندت راسي
على الكنب وغفت عيني بسرعه وحلم نفس الحلم الي يتكرر علي له
اسبوع سامي يبكي ومها تحاول تجيه ونوره مع رجال ثاني والحيه تطلع
من غرفة سامي صحيت على دخلت ابو سامي تعوذت من ابليس وهديت نفسي
شفت ابو سامي متغير وجهه استغربت اصلا من سمعت صوته وانا حااسه في شي
ابو سامي/السلام عليكم ورحمة الله وبركاته
ام سامي/وعليكم السلام والرحمه
ابوسامي يجلس بتعب
ام سامي/عسى ماشر
ابو سامي/ماشر بس واحد من اصحابي صار عليه حادث
مايبي يقول لها الابكره احسن اليل



مواقف
*موقف اعجبكم؟
*موقف ماأعجبكم؟
*موفق فرحتوا فيه؟
*موقف احزنكم؟
*موقف تترقبونه بشده؟





توقعاتكم
*تركي بيرجع لسامي ولا لا؟
*امل وسعد؟
*علي ومها وامهم؟
*مي وفيصل ماحصلت ولا موجهه بينهم وش راح يصير اذا تواجهم؟
*ساره ونواف؟