[لامارا]

بِسْمِ اللهِ الرَّحْمنِ الرَّحِيمِ
صَبآإحٌ ــكم // مسَآإءٌكم
هادئ ..جميل ..رقيق.. كمآ آنتم ...

((البارت التاسع والعشرون))

نقول الصبر ..
ونعلم أن الصبر له حدود ..

~{شــــيـــآطـــيـــــن الـــــــــــﮀ ـب•• }~ بــقــلــمــي•.


باس رآآسهآآ بحنان ...مد يده ومسح دموعهآآ ألي باقي على خدودهآآ ...نآظرهآآ وشكلهآآ نامت من كثر البكئ ...وقف وبتعد عنهآآ ...طلع وسكر الباب وراه بهدوء ...نزل تحت وطلع من الفله متوجه لي الحديقة ... وقف و طالع المسآآحة الفآآضيه قبآآله ... صوت حشرآآت الليل يتردد في المكآآن مختلط مع أصوآآت أورآآق الشجر وهي تتمآآيل مع حركت الريآآح ...رفع رآآسه لي السماء وهو يهمس : خلاص يا ياسر سوى ألي يريحك ولا تفكر في أحد.

لف عشان يرجع ولمحهآآ من بعيد جالسة بالجلسة الموجودة بالحديقة ومعطيته ظهرهآآ وشكلهآآ مو حاسة بأحد حولهآآ ...قرب منهآآ بخطوآآت بطيئه وكل ما قرب تزداد دقات قلبه
يمكن يبغى يعرف وش نهاية علاقتهم ...يبغى يحدد مصيرهم ..ويوقف معاناتهم ...كله أمل أنه يداوي جروحها ويحتويهآآ...لكن كل شي بيدهآآ ..وكله تسأل هل بتفتح يدهآآ له أو بتعطيه ظهرهآ...وقف ورآآهـ وهو يقول :ألمار.

لفت بسرعه مثل المقروصة ..ما توقعت أنهآآ بتقابله...وقفت وصارت قدآآمه...تقدم خطوآآت لين صار ما يفصل بينهم شي ...رفع يده ومررهآ على شعره بتوتر ...همس بهدوء وعدسة عيونه تتحرك بكل مكآآن : أخبارك ألمار.

رجعت كم خطوه لي ورا وقلبهآآ يدق ...شبكت يدينها ألي ترجف ببعض ..بلعت ريقهآآ وبهمس : بخير.
ثبت عيونه عليهآآآ ...ابتسم بحزن ...دخل يدينه بجيوب بنطلونه وبهمس يخالطه نبره حزينه : وأنا الحمد الله بخير اذا يهمك .

حركة عدسة عيونهآآ بعيد عنه...نزلت رآآسهآ وهي تفرك يدينهآآ:............

هز رآآسه بقل حيله ... قرب منهآآ ...مد يده ومسك يدينهآآ بين كفوفه همس بحنان : يكفي.

حاولت تسحب يدهآآ منه بس هو شاد عليهآآ:......

همس بنبرة غريبه : لين متى يا ألمار ...لازم تعطي نفسك فرصه وتعطيني فرصه أداوي جروحك ...يكفي ألي راح كل واحد فينا مجروح ..<<نآآظرهآآ بحنان وكمل كلامة >> أدري أني جرحتك جرح عمر الزمن ما راح يداويه لكن القدر رماك بطريقي ..كل ما أتذكر ألي صار أحس نفسي حقير وواطي ..<<تنهد وكمل >>آآه مو عارف وش أقول لكن بالنهاية القرار بيدك .

عقدة حوآآجبهآ من كلامة ...بلعت ريقهآآ ..حركة عدسة عيونهآآ على فلة عمهآآ سلمان ورجعتهآآ على ياسر ...في كل مره يهزمهآآ الماضي على حاضرهآآ ...ما ضيهآآ مسيطر على كل حيآآته ...سحبت يدهآآ بقوة من بين كفوفه عطته ظهرهآآ ودموعهآآ تنزل ..بصوت متقطع نطقت : ما أقدر والله العظيم ما أقدر ..كل ما أحاول أنسى الماضي أحس نفسي أعيشه ...أنت ما تدري وش حصل لي بعد ما تركتني ..أنت ما تدري بمعانآآتي وخوفي ...كل شي حولي يذكرني بلي صار ...أنا أنسانة ضعيفة ...<<لفت عليه وبهمس كملت كلمها >>..أنت تركتني وأنا جثة ...ما قدرت أرفع نفسي ...جلست طول اليوم أتوجع من الالم والخوف ... كرهتني بنفسي ...قتلت طفولتي ..حطمت حلمي ألي المفروض أعيشه مثل أي بنت بعمري تحلم بفارس أحلامهآآآ...خليتني ناقصة بنظري كل ما حطت عيني بعين أحد أحس أنه دآآري وش صار لي ...الكل يظن أني مجنونه والكل قآلهآآ لي ....<<شهقت بألم ...طاحت من طولهآآ على الارض وكملت>>..أنا انتهيت ما عاد بقى فيني شي ...أنا جسد بلا روح ...روحي طلعت يوم ..<<غطت بيدهآآ على وجهآآ وبكت ما قدرت تكمل كلامهآآ ..

شد على قبضة يده وغمض عيونه ..كلامهآآ مثل الملح أذا أنتثر على الجرح ...كلامهآآ صفعه له ألجمته ما عرف وش يقول ويخفف عنهآآ ...خلاص ما فيه يتحمل أكثر...نزل بهدوء لي مستواها...لف يدينه حولهآآ وضمهآآ لي صدره ...قرب شفآيفه من أذنهآآ وهمس بخفه : راح أسوي ألي يريحك ...ما راح أضغط عليك ...بس طالبك طلب .

أبعدهآآ عن حضنه وضم وجهآآ بين كفوفه وبهمس : أذا جاء يوم وسمعتي خبر وفاتي اتمنى تسامحيني وتحلليني يابنت عمي الواحد ما يدري بعمره.

غمضت عيونهآآ وشهقآآتهآآ متواصلة ... قرب منهآآ والتصقت شفايفه بجبينهآآ ...باسهآآ بحنان ابعد شوي وانحنى وباس خدهآآ ألي جذبه بنعومته ...ابعد عنهآآ ونآآظرهآآ بنظره أخيرة ....فتحت عيونهآآ ألي متجمعه فيهآآ الدموع ...نآآظرته وعيونهآآ على ملامحه ...ابتسم بحزن وعيونه تلمع....مرر يده على خدهآآ وعيونه بعيونهآآ ...ابتعد عنهآآ ووقف نآآظرهآآ بنظره أخيرة وابتعد بهدوء .

عيونهآآ ثابته عليه وعلى جسمه من وراء ...شكله المكسور أنرسم دآآخلهآآ ... عضت على شفآآيفهآآ ودموعهآآ تنزل ... لفت أيدينهآآ حول جسمهآآ بردآآنه ...الذكريات وماضيها تعبهاا كل شي بنسبه لها ألم ينهش جسمهآآ .

ـــــــــــــــــــــــــ ــــــــــ

بنفس التوقيت ..

نآآظرهم وهو يقول : وين أمي .

هزة رآآسهآآ فرح وهي تلبس عبآتهآآ : بغرفتهآآ.

نآظرهآآ لي ثواني : أنتي على وين .!

ابتسمت ولفت طرحتهآآ وعدلت نقآآبهآآ : مهند ينتظرني برجع بيتي .

ابتسم لهآآ : الله يسعدك .

همست بحب : آآمين .

تقدمت من غرور وباستهآآ وباست قمر ... أخذت شنطتهآآ : يلا باي .

قمر بهدوء : بحفظ الرحمن .

نآآظر بشار غرور : وانتي متى بترجعي بيت زوجك .

ابتسمت :أنا كلمت نايف وراح يجي يأخذني بعد بكرة .

ابتسم لهم بهدوء ...لف وتوجه لي غرفة أمه ...تقدم بخطوآآت سريعه لين الباب ..مد يده وحرك مقبض الباب ...فتح ودخل ....طاحت نظرآآته عليهآآ ...هز رآآسه بحزن وسكر الباب وراه ...تقدم منهآآ ...جلس جنبهآآ على طرف السرير : يمه وش فيك.

ما نآآظرته دموعهآآ تنزل من القهر ألي فيهآآ ...صدت بوجهآآ بعيد عنه :.........

مد يده وضم كفوفهآآ بين كفوفه : يمه حبيبتي انتي ...يكفي دموع.

مد يده على الكمدينه وسحب منديل ...قرب منهآآ ومسح دموعهآآ : يلا يا لغاليه ما شبعتي من الدموع .

من غير شعور ضمته لي صدرهآآ بقوة وبكت وهي تقول : سامحني حبيبي أدري أني كنت مقصرة معكم وحرمتكم من أبوكم .

قاطعهآآ بهدوء : يمه ألي راح راح وما فينا نرجع الماضي ...خلاص أنسي وترآآ حنا مو زعلانين عليك.

شهقت وشدت عليه :.............

ابتسم وابعد عنهآآ...نآآظرهآآ وبحب : يمه ممكن طلب.

رفعت يدهآآ ومررتهآآ على خدهآآ ومسحت دموعها : أمر يمه.

بشار بهدوء : أنتي تدري أن بكرة ثالث أيام العزاء لي جدي الله يرحمه ...أبغاك تجهزي نفسك اليوم ألي بعده راح تنتقلي معانا أنا وقمر الفلة .

نزلت رآآآسه وبحزن زاد أوجاعهآآ : يمه ما أقد هذا بيت أبوي .

شد على يدهآآ وبهمس : أدري بس خلاص جدي مات وما أقدر أتركك لي وحدك .

رفعت رآآسهآآ : طيب ليش ما ترجعوا أنت وأختك.

بشار بجديه : اسمحي لي يمه ما أقدر لي أسبابي .

تنهدت ودمعه من عينهآآ أخذت طريقهآآ : أن شاء الله .

وقف ونآآظرهآآ لي ثوآني ...أبتعد عنهآآ وطلع وسكر الباب وراه ..حاس بألمهآآ وعذآبهآآ بس جلوسهآآ راح يتعسهآ أكثر.

ـــــــــــــــــــــــــ ــــــــــــــــــــــــ

نزلت نقآآبهآ بهدوء وهي تقول : السلام عليكم .

نقزت رغد وركضت لهآآ : فروحه اشتقت لك .

ضحك على خبآلهآآ : ترآآ اليوم كنتي عندنا .

رغد ابتعدت عنهآآ : ادري بس الثلاث الساعات ألي راحت خلتني أشتاق لك.

تقدم منهم : أقول يالحلوه أبعدي عن زوجتي .

حطت يدهآآ على خصرهآآ وميلت شفآآيفهآ : مالت عليك ...أقولك شي وما تنصدم .

حط يده على كتف فرح وضمهآآ لي صدر : قولي أسمعك.

مررت يدهآآ على شعرهآآ وبدلع : يعني لا تنصدم بس حقيقه ..ترآآ زوجتك تحبني أكثر منك.

رفعت فرح حاجبهآآ ونآآظرت رغد ...لف مهند رآآسه لي فرح : أفاا الحين تحبي هذي أكثر مني .

فرح : ما في أحد يجي بحبك ..ما لقيت رغد أحبهآآ أكثر منك .

رغد بصرخة : لا ظلم الحين تحبي ها لشين أكثر مني.

فرح بدلع : الحين زوجي شين مالت ما عندك نظر..

سحب مهند فرح وجلسوا وهو يقول : سمعتي يا رغد ما في مقارنه بيني وبينك.

تقدمت منهم وجلست قدآآمهم ..لفت عل أمهآآ ألي تقول لي مهند: ترآآ كلمت أبوك بكرة يرجع لي عمك خبر عشان نأجل ملكة رغد .

عقدة حوآآجبهآآ : ليش يا خالة .

أم مهند : ما يصير يا بنتي جدك توه متوفي وحنا نسوي ملكه.

فرح بهدوء : لا يا خاله ملكة رغد خلوهآآ نفس ما هي لا تأجلوهآآ .

رغد : ترآآ يا فرح ما راح أسوي ملكتي دامك ماراح تحظري .

فرح سكتت مو عارفه تقول شي ..بس هي ما تبغى تكون السبب في تأجيل ملكة رغد وهي عارفه أن ولد عمهآآ مستعجل ويبغى الملكة الحين.

قاطعهم مهند : خلاص انا عندي حل أذا يرضيكم ...ليش ما تكون الملكة عائليه مو لازم يحظروا ناس.
رغد بتأيد : صح يمه خلوهآآ عائليه .

وقفت أم مهند : خلاص أنا بأكلم أبو مهند .

مهند نآآظر رغد وبخبث : والله وكبرنا وراح نتزوج يا رغود .

وقفت ورمت عليه علبة الفاين : مالت عليك .

ابتسمت فرح : حرام عليك أحرجتهآآ.

مهند بسخرية : ايه باين .

وقفت فرح وسحبته معاهآآ وطلعوا جناحهم يرتاحوا .




اليوم الثاني...

نآآآظر له نظره أخيرة وكله أمل أن الله يشفيه ...حرك عدسة عيونه على الدكتور ألي يكتب بالملف ...حرك شفآآيفه وهو يقول : يعني ما في أمل يا دكتور .

نزل الملف بهدوء ...تحرك خارج وياسر وراه : للأسف لا.

نزل رآآسه ورجع رفعه : حتى بالخارج .

الدكتور بهدوء : أستاذ ياسر أبوك عنده شلل ...الحادث ألي تعرض له كان قوي ... حتى بالخارج ما في له علاج ..عن أذنك .

الكلمة لسه ترن بأذنه "شلل" ...رفع رآآسه لي فوق ومسح بكفه على وجهه ...ما في يده شي يقدمه لي أبوه ألي لسه بغيبوبة وحتى أذا صحى راح يكون مشلول ...همس : اللهم اجرني في مصيبتي واخلفني خيرا منها..

ـــــــــــــــــــــــــ ـــــــــــــــــــــــــ ــــــــــــــــ

الساعة 10 بالليل ..

بالمجمع ...كلهم متجمعين بالمجلس بعد ما طلعوا الرجال ألي يعزوا من عندهم نآآظروا بعض وكل واحد مو عارف وش يقول ....حرك يده على فخذه وهو يقول : أسمعوا.

لفوا عليه والكل أنتبه له ....خالد بهدوء : تفضل يا عمي.

جلال بهدوء : أنا راح أنتقل من المجمع لي فلتي الاسبوع الجآآي.

سعيد عقد حوآآجبه : ليش .

نزل جلال رآآسه : ما أبغى أجلس هنا يكفي ألي صار ...والورث متنازل عنه لي الجمعيات الخيرية .
سعيد بعصيه : أنت أهبل .

قاطعه جلال ويده تتحرك على خرز السبحة : أيه أهبل أذا أخذت شي حرام .

لف جلال على خالد وياسر وبشار ألي جالسين يناظرونهم : وأنتوا وش بيصير عليكم .

خالد بهدوء : أنا وياسر من زمان بعيدين عن شغلكم ...أحنا كونا نفوسنا والحمد الله مو في حاجة أحد ... أنا راح أرجع لي جده وبعيش هناك .

جلال نآآظر ياسر : وانت .

ياسر نزل رآآسه من غير ما يقول شي:............

خالد بهدوء نآآظر ياسر ورد: أكيد معي .

بشار نآآظر خاله : وأنا بكره راح أخذ اختي وأمي وبنرجع فلة أبوي.

لف على أخوه : وانت ياسعيد.

نآآظرهم بهدوء ...نزل رآآسه : وش يجلسني بها لمجمع الكبير لي وحدي ...أنا بطلع عندي فلة بالشرقية بستقر هناك.

سند ظهره على الكنبة وناظر أبوه وهو يقول : يبه ما لقيت ألا الشرقية ليش ما تجي عندي جده .

سعيد نآآظر خالد : لا يبه الشرقيه احسن لي..

حرك ياسر عدسة عيونه على خالد ألي أنقلب وجهه وكأنه تذكر شي ...زفر بضيق ووقف وهو يقول : عن أذنكم .

طلع ولحقه خالد ألي يناديه : ياسر .

لف عليه : نعم .

خالد دخل يده بجيب بنطلونه : على وين .

ياسر بطفش : بيت جدي أهل أمي الزين حالتهآآ حاله ...وامي جابرتهآآ تجلس هناك بالغصب .

خالد بهدوء : وش رايك تأخذهآآ ونرجع جده .

ياسر بهدوء : يصير خير .

ـــــــــــــــــــــــــ ـــــــــــــــــــ

أيامنا تمر ولحظاتنا الحزينة ترسم ملامحهآآ الكئيبة على صفحاتنا ....تتزاحم همومنا في قلوبنا ولا نجد ما يستمع ألينا .....فملجئنا الوحيد دموعنا ....هكذا هي حياتنا الحزينة أوراق متبعثرة لا تجد من يلمها لي يحتفظ بهآآ ...قدرنا يرسم لنا طريقاً نعبر من خلاله ممرات ضيقة واخرى واسعه ....ولكن سؤالنا هل نهزم أحزاننا ونواجه ماضينا أم سيكون لنا طريق آخر ....كونوا معي في فحبري بداء يعلن الجفاف..

"""""""""""""""""""""""""""""

اليوم ..أول يوم بالعيد ..الصباآآح.

تقدم لهآآ وهو مبتسم ...شكلهآآ آسره ..عيونه ثابته عليهآآ ..لابسة فستان ناعم وردي يوصل لي الركبة شكلهآآ فيه فاتن مع بطنهآآ البارز ...شعرهآآ الاسود منسدل بنعومته على ظهرهآآ ...تقدم بخطوآآت وآآسعه ..ضحكتهآآ ألي مالية القصر برنتهآآ ...صار وآقف ورآهآآ وهي حاملة بيدهآآ كأسة عصير تشرب سامر منه ....لف يده حولهآآ وضمهآآ لي صدره من وراء ...دفن وجهه بشعرهآآ وشم ريحته وهو يقول : كل عام وانتي دنيتي .

لفت علية وبدلع وفرحه باينه عليهآآ ...ضمته لي صدرهآآ : حبيبي أنت ...الله لا يحرمني منك.

ابعد عنهآآ ومرر يده على خدهآآ المورد : وش فيهآآ حبيبة قلبي فرحانه .

ريسان بفرح : خالتي راح تجي عندي توهآآ كلمتني .

أبعد خصلات شعرهآآ عن وجهآآ ورجعهآآ لي وراء أذنهآآ ....ابتسم وباس جبينهآآ بحب : دوم الفرحة يا رب .

لفت يدهآآ حول رقبته وبدلع ميلت وجهآآ : بوجودك يالغالي .

حط كفه على بطنهآآ ..حرك عدسة عيونه على بطنهآآ وبهمس : بطلي دلع .

قربة وجهآآ منه وباست خده : تأمر حبيبي .

حرك عدسة عيونه على سامر ألي جالس على الارض لابس ثوب أبيض وجزمة سوداء (أكرمكم الله ) .

لفت ريسان على سامر ابتعدت عن هاني ... ونزلت لي سامر وضمته بحب ووقفته وهي تقول : حبيبي شوف مو ولدي مزيون .

ابتسم على كلامهآآ ...من يوم ما طلق روني وسفرهآآ ...ريسان احتوت سامر وصار ولدهآآ المدلل ...حس فيهآآ حنان وطيبه ...يمكن القسوة ألي كانت تعانيهآآ زرعت بدآآخلهآآ حنان تحاول تعوض من حولهآآ عشان ما يعيشوا ألي عاشته ...نزل لي مستوآآهم ..مد يده ورمى طرف غترته على ورا : أيه ولدك مزيون بس مو مثل أبوه .

باست ريسان خدود سامر الحمر وبدلع : فديت ولدي وأبوه المزيون .

قاطعهم صوت الخدآآمه : ماما هذا في حرمة برا .

وقف هاني وقال لي الخدامة : خليهآآ تتفضل .

مدت ريسان يدهآآ ومسكت كف هاني ألي ساعدهآآ ووقفت : حبيبي شكل هذي خالتي .

تقدم لي ولده ومسك يده ومشاه معه : أنا راح أروح مجلس الرجال وبأخذ معي سامر .

هزة رآآسهآآ وابتسمت وهي تشوف خالتهآآ ألي تسلم على هاني ...ونور ألي مرت من عندهم بخطوآآت وآآسعه ...تقدمت من نور وضمتهآآ : وحشتيني .

نور بحب : وانتي أكثر ...أخبارك يا قلبي..

ريسان : تمام وانتي .

نور : الحمد الله .

نزلت سامية نقآآبهآ وقت ما طلع هاني يستقبل مصعب برآآ...تقدمت من ريسان وضمتهآآآ وهيس تقول : يازين ها لريحه ألي فقدتها.

ضمتهآآ ريسان بقوة : والله أشتقت لك يا خالة .

ابتعدت عنهآآ سامية : كل عام وانتي بخير .

ريسان : وانتي بخير .

تقدمت لهم رقيه وسلمت عليهم ..لفت ريسان على نور : نور فصخي عبآآتك هاني ما راح يدخل .

فصخت نور عبآتهآآ وأخذتهآآ رقيه منهآآ ...ريسان : أخبارك ياخالة .

سامية ابتسمت : الحمد الله ...وانتي يمه أخبارك زوجك أن شاء الله زين .

ريسان : الحمد الله مثل ما أنتي شايفة .

جلسوا يسلفون ..الوقت سرقهم ...وهاني حلف عليهم يتغدون عنده .



بالليل ..الساعة 9 .

مد يده وصافحه وهو يقول : مبروك يا وائل .

ابتسم وائل : الله يبارك فيك .<<شد على يده وكمل كلامه >> عقبالك ان شاء الله .
بشار : ان شاء الله .

قرب وائل من أبوه وضمه بفرحه ...ابتسم أبو وائل وبارك له ...تقدم ياسر وخالد وجلال وباركوا لهم ...أستأذن بشار ودخل عند خوآآته وأمه ...أبتسم وهو يشوف قمر تبكي بحضن أمهآآ ...تقدم منهآآ : أقول أمشي قدآمي وبطلي دلع .

ابتعدت عنه أمهآآ : وين .

ضحكوآآ عليهآآ ..بشار بخبث : وين يعني ...عند زوجك .

نآآظرت أمهآآ وخوآآتهآآ : لا ما أبغى .

بشار : مو على كيفك الرجال ينتظر يلا بسرعه .

مسكتهآآ غرور وعدلت لهآآ مكياجهآآ ...سمت با الله وطلعت مع أخوهآآ وغرور ألي راحت تواصلهآآ.
لفت فرح على أمهآآ ألي لبسة جلابية سودا وطرحه لفتهآآ على شعرهآآ ...حركت شفآآيفهآآ وهي تقول : يمه ليه أصريتي تكون الملكة بنفس ماهي .

ندى نآآظرت بنتهآآ وبهمس : عشان سعادة بنتي ..

فرح : يعني عشان كذا خليتيهآآ عائلية ولا أحد حظر حتى أم وائل وأخته ما حظروا .

ندى بحزن : أبوي ومات الله يرحمه ..<<تنهدت وكملت كلامهآآ >>.. بحزني عليه ما راح أرجعه ...ليش أأجل ملكة بنتي وأنا أشوف السعادة بعيونهآآ .

فرح قربت منهآآ وضمتهآآ : يمه أنتي تغيرتي .

دخلت غرور تركض وأطراف فستانهآآ الكحلي يتحرك وشعرهآآ وراهآآ ...سحبت عبآآتهآآ ولبستهآآ .
فرح : وش فيك مستعجله .

لفت طرحتهآآ وعدلت نقابهآآ ...قربت من أمهآآ وأختهآآ باستهم وسحبت شنطتهآ : نايف برآآ ينتظرني ...يلا باي ..<<نآآظر فرح وغمزة لهآآ وهي تقول >> لا تنسي قولي لي وش يصير على قمر .

نآآظرتهآآ ندى لين ما اختفت ...لفت على فرح : أقول فرح ... غرور كيف يعاملهآآ زوجهآآ وأهله .
ابتسمت فرح : يمه يحبونهآآ ...والحمد الله ربي رزقهآآ بولد الحلال .

ابتسمت ندى ودعت بدآآخلهآآ لي بناتهآآ بالسعادة ..

...........................

وقف وعيونه عليهآآ مو مصدق أنهآآ صارت زوجته ...تقدم لهآآ لما شافهآآ وقفت ما دخلت ...مد يده وسحبهآآ له وهو يقول : ليش واقفه تفضلي .

تحركت معه وجلسوا جنب بعض ...نزلت رآآسهآآ وفركت يدهآآ بتوتر ... ابتسم وضم يدهآآ بين كفوفه : تصدقي أن اليوم فرحتي كبيرة بشوفتك .

عضت على شفآآيفهآآ ...قلبهآآ يدق بقوة .:..........

مد يده ورفع وجهآآ ..طاحت عيونه بعيونهآآ ...ابتسم لهآآ : مبروك حبيبتي .

قمر بخجل : الله يبارك فيك .

قرب منهآآ وباس جبينهآآ ...ابتعد عنهآآ دخل يده بجيب ثوبة وطلع علبة ..فتحهآآ وأخذ دبله لبسهآآ بيدهآآ وباسهآآ .

أخذت دبلته ولبسته ...نآآظر فستانهآآ البيج الناعم ومكياجهآآ الهادي مناسب نعومتهآآ ...وده يقول كلام كثير بس حاس بخجلهآآ ألي مذوبة .

دخل عليهم وهو يقول : يلا يا لحبيب على بيتك خلصت العشر دقايق .

وائل رفع حاجبة : أقول أطلع بس .

بشار : لا في بيتي وتطردني .

وائل : أقول لا تتمنن علي .

بشار : خلاص لك خمس دقايق بس .سلام .

طلع بشار ..لف وائل على قمر: ما عليك منه .

جاه صوت بشار من برآآ : سمعتك .

ابتسمت قمر على حركاتهم ...همس بحب : فديت ها لبسمه.

ـــــــــــــــــــــــــ ـــــــ

مد يدهآآ وحضنة يده بين كفوفهآآآ وبدلع : حبيبي وين بنروح.

ابتسم ولف عليهآآ : الحين بتشوفي .

غرور :نيوفي تكفى قول لي .

نايف بهمس : شوي بس وراح تعرفي .

بوزة وصدت عنه :.........

شبك يده بيدهآآ وشد عليهآآ : فديت الدلع .

ما رادت عليه وسوت نفسهآآ زعلانة :..........

لف الدكسون ..وصار وآآقف قدآآم فندق ...لف عليهآآ : يلا أنزلي .

نآآظرت الفندق ونآآظرته : هنا .

هز رآآسه : أيه يلا .

نزل من سيارته وسكر الباب ...تقدم بخطوآآت لي بابهآآ وهو يعدل غترته ...فتح الباب ونزلت ...سكر الباب ومسك يدهآآ ...شدت على يده :نايف وش معنا هنا.

قرب رآآسه وهمس : أول عيد لنا مع بعض...أبغى يكون لنا ذكرى حلوة .

ابتسمت من تحت نقابهآآ وهي عارفة انه يحاول بكل الطرق عشان يرضيهآآ ...ويعوضهآآ ...نآآظرت ملامحه ألي آسرتهآآ وما تقدر تستغني عنهآآ صار كل شي لهآآ ..دعت ربي يحفظه لهآآ وتمم عليهم السعادة .

ـــــــــــــــــــــــــ ــــــ

بنفس التوقيت ...


نزل كوب العصير على الطاولة وهو يضحك : من جدك .

عفس وجهه : لا من خالي ...أيه وش فيك أتكلم جد.

حرك أصابعه على دقنه : وأنا أقول وش عندك طاب علي ....ومسوي نفسك جاي من جده مخصوص عشان تعيد علي ..طلعت السالفة كلهآآ مصلحه .

ابتسم له : تكفى أنا أخوك الوحيد .

هاني : خلاص كسرت خاطري ...بس قولي أنت في أحد معين بتخطب عنده .

حرك حوآآجبه : طبعاً وليش جيتك .

نآآظره بجديه : طيب أبوك عنده خبر أنك بتخطب.

بدر بهدوء : من يوم ما طلقت زوجتي الاولى وهو قالي ما راح أجبرك على شي ألي تبغاها خذهآآ .
هاني : أوكي أنتي قولي تبغى تخطب عند مين .

بدر : أول شي كلم أم بدر .

هاني باستغراب : مين أم بدر .

بدر : زوجتك ..أن شاء الله ألي جاي بطريق يكون بدر.

هاني بسخرية : وليش متأكد انه ولد يمكن بنت ..عاد ما لقيت ألا انت عشان أسمي بك.

بدر بغرور : وليش ما تسمي بي .

هاني : ليش كاره ولدي عشان أسمية بدر.

بدر : الله يجيبه بالسلامة..

هاني : آآمين .

بدر : خلاص أنت كلم زوجتك أذا فاضيه بكره تروح عند ناس أعرفة تشوف لي وحده مزيونة .

هاني : لا بكرة معزومين .

بدر : خلاص بعده ...تكفى يا هاني لا تنسى أخوك ..

هاني : لا تخاف مو ناسيك .

وقف بدر وتقدم من هاني ..باس رآآسه وهو يقول : الله يخليك لي .

ـــــــــــــــــــــــــ ــــــــــــــــــــــ

اليوم الثاني ..

نآآظره ورجع صد ينآآظر الطريق ...يحس فيهآآ شي حتى سكوتهآآ غريب مو من عادتهآآ ...صح ألي حصل لهآآ مو شوي لكن ما بيده شي يقدمه لهآآ ...هو يبغى من يكون معاه ...زفر بتعب ...وقف السيارة جنب باب فلة عمه ...لف عليهآآ : الزين ..

نآآظرته بهدوء :...........

ياسر : وش فيك.

هزة رآآسهآآ ..دخلت يدهآآ تحت نقآآبهآآ ...عرف أنهآآتمسح دموعهآآ ...مد يده ومسك يدهآآ : وش فيك قولي لي أنا أخوك.

مسكت عبرتهآآ وهي تقول : لاما فيني شي ...بس زعلانه على بابا .

زفر وبحنان : أن شاء الله ربي يقومه بالسلامة أنتي أدعي له....بس مو هذا السبب ...<<شد على يدهآآ >> أذا ما قلتي لي تقولي لي مين.

بكت من غير شعور : ما ابغى أرجع بيت جدي .

عقد حوآآجبه : ليش ..!!

الزين وهي تبكي : أنت تدري أني ما أحب أهل ماما ...مو ما خذه راحتي عندهم عادي يتقابلوا الشباب والبنات ...انا مو متعودة ....ماما حابسه نفسهآآ بالغرفة وما تطلع منهآآ كثير ...ما عندي أحد علاقتي في بنات أخوآآلي مع ذاك الزود ...<<شهقت وكملت كلامهآآ >> ياسر تكفى أبغى أرجع بيتنا .
غمض عيونه : الزين حبيبتي تحملي كلهآآ فترة وتعدي أن شاء الله ..

الزين مدة يدهآآ وسحبت منديل ... مسحت دموعهآآ ألي تنزل غصب عنهآآ ...نآآظرت أخته بحسرة يدري أن نفسيتهآآ تعبانة ...الزين حساسة وتتضايق من أي شي ...نزل وهي نزلت معه ... دخلوا بيت عمه جلال ألي عازم العايلة كلهآآ على الغدى ..

دخل المجلس بخطوآآت وهو يقول : السلام عليكم .

جلال : وعليكم والسلام ..ها جبت معك الزين من زمان عنهآآ.
ياسر : أيه دخلت دآآخل .

وقف جلال وهو يقول : بأروح أسلم عليهآآ .

حرك عدسة عيونه عليه : وش فيك .

ياسر بهدوء : ما في شي .

خالد بجديه : علي قول هالكلام لي أي أحد غيري .

زفر بتعب وهمس : خالد أنا تعبت أحس نفسي راح أنفجر ...كل شي حولي يجب لي الهم ...أبوي ما أدري متى يصحى من غيبوبته ...أختي من ناحية ثانية نفسيتهآآ زفت ما تبغى تجلس عند خوآآلي ...تقولي مو مرتاحة ...و ألمار مو قادرة تنسى الماضي وتعيش حيآآتهآآ وشكلي راح أطلقهآآ أحسن لي ولهآآ ..آآآهـ بس قول وش ما فيني ...

حط يده على كتفة وشد عليه وهو يقول : الصبر يا خوك .

ضم وجهه بين كفوفه : أستغفر الله العظيم ..

قاطعهم صوت أول مره يسمعونه : السلام عليكم .

توجهت أنظارهم على الباب شافوا عمهم جلال ومعاه واحد ما سك طفل بيده ردوا : وعليكم والسلام ..
دخل بكل هيبه وولده بيده عيونه عليهم ...جلس في صدر المجلس بهدوء وجلس ولده جنبة .
ابتسم جلال : تو ما نور البيت .

هاني : منور بوجودك يا عمي .

نآآظرهم جلال وهو يقول : أعرفكم هاني سلمان أحمد الـــــــ

حركوا عدسة عيونهم عليه بصدمة ...هم يدروا أن عندهم ولد عم بس ما أهتموا لي الموضوع كثير ....تقدم منه سعيد ووقف قدآآمه مو مصدق أنه يشوف ولد أخوه بعد ها لعمر ...مد يده : أخبارك ياولد سلمان أنا عمك سعيد .

نآآظره ونزل نظرآآته لي يده الممدودة ...ثوآآني والمجلس يعمه الصمت وكلهم عيونهم على سعيد ألي ماد يده وهاني ألي ينآآظره ...وقف ومد يده ...ضمه عمه ودمعة عينه : سامحني يا ولد سلمان ..

لازم ينسى الماضي عشان يكمل حيآآته بهدوء هذا القرآر ألي أتخذه : مسموح يا عم .

وقف خالد وسلم عليه وهو يقول : هلا والله انا خالد ولد عمك سعيد.

هاني بهدوء : هلا فيك تشرفنا .

تقدم ياسر وسلم عليه وبحزن وهو عارف أبوه وش سوى بهاني : أنا ياسر ولد ..<<سكت مو عارف وش يقول >>

جلال بهدوء : هذا ولد فايز .

ابتسم له هاني ..ما راح يحمله ذنب غيرة لي أنه ماله يد في لي صار : هلا والله .

ابتسم ياسر له ...تقدم بشار وسلم عليه : وأنا ولد يوسف الــــ......

ابتسم هاني وتذكر يوسف أبو بشار ألي تعرفعليه بالصدفه : هلا فيك .

جلال نآآظر مهند ونايف ووائل وعرفهم على هاني ألي سلم عليهم .

أحمد أخوى خالد نآآظر سامر وهو يقول : هذ المزيون ولدك.

هاني مسح على شعر ولده ألي جالس مكانه بهدوء : أيه هذا سامر .

أحمد : ما شاء الله مزيون ...<<تقدم منه وأخذه وجلس يبوسة >>

جلال نآآظره : عطني هو يا أحمد.

مد أحمد سامر لي عمه جلال : خذ .

ذكر الله جلال وباس سامر : ما شاء الله الله يحفظه .

جلسوا يسلفون وأصوآآت ضحكهم مالي المكآآن ...رغم الاوجاع ألي بقلوبهم والحزن ألي ممتزج بدمهم .

.............

همست لي أختهآآآ : والله أنهآآ مزيونة .

قمر : ما شاء الله عليهآآ.

فرح خزتهم : أنتوا وش عندكم .

غرور : ولا شي بس ما شاء الله زوجة ولد خالي سلمان حلوة.

فرح نآآظرت ريسان ألي تتكلم مع ندى :والله أنك صادقة ..

ألمار : زيون وش فيك.

الزين ابتسمت : لا ما في شي .

نآآظرتهآآ ألمار وهزة رآآسهآآ :..............

تقدمت الخدآآمه وهي ماسكه سامر ألي رسله هاني لهآآ ....ابتسمت ريسان وأخذ سامر بحضنهآآ ..
ندى : هذا ولدك...

ريسان بحنان : ايوه ..

ندى : ما شاء الله ..عطيني عنك أنتي حامل راح يأذيك.

أخذت ندى سامر بحضنهآآ ...تقدمت قمر وجلست عند أمهآآ وباست سامر : وآآي يجنن الله يحفظه .
وقفوا غرور وفرح ألي قالت : يا رب ترزقني بواحد يشبهه .

ابتسمت ريسان : أن شاء الله تحصلي واحد يشبهه بس مثل ولدي ما في ..

قمر : أقول ريسان يشبه أبوه صح .

ريسان : أيوه ليش .

قمر : ملامحه شوي غريبه .

ابتسمت ريسان وما ردت عليهآآ ...كملوا سوآآلفهم وجلستهم ألي أول مره يجتمعوا فيهآآ ..بعد ما سلم هاني على عمته ندى ألي ماصدقة انهآآ تشوفه

ـــــــــــــــــــــــــ ـــــــــــــــ

بعد ثلاث أيام ..

تحرك بتوتر ...نآآآظر جوآآله ..زفر بقهر ورمى نفسه على الكنبة ....مو عارف وش يسوي ...ما توقع هالحركة منه ...يعرفه أكثر من نفسه لكن بين يوم وليله يختفى كأن الارض انشقت وبلعته ...رن جوآآله برقم غريب ..عقد حوآآجبه ورد :ألو .....ياسر ....وينك فيه ....أنت وش تقول .
نزل الجوآآل ونآآظره بصدمه هذا ألي كان حاسب حسابه بس ما توقع يسويهآآ بها لسرعه .......................


لي أروآآحكم اكليل الورد.: عطني الأمان بحياتك..

:.: لنسعد أيامنا بالإبتسامة بدلاً أن نملأها بالدموع :.: