[لامارا]

البارت الخامس,,,,

,,,,,,,,,,,,,,,,,,,,,,,,,,,
الجد ابو خالد/وش تسوين انتي؟
ياسمين/وش تبي ياجدي؟
الجد/روحي سلمي على ولد عمك؟
ياسمين/أي ولد عم!!!
الجد ابو خالد/أي واحد يعني؟؟نواف طبعا,,,
ياسمين بقهر/مو ولد عمي!!
الجد ابو حالد/اجل وش يصير لك يالعاقلة؟
ياسمين/ولد عم امي وولد اخوك؟
الجد ابو خالد بعد تفكير/أي صحيح...
ياسمين/طيب لؤلؤة معه؟
الجد ابو خالد/لا عند امك وجدتك بالمطبخ؟
ياسمين/جدي والله مالها داعي اسلم عليه؟
الجد ابو خالد/لا لازم تسلمين..هذا ولد عمك وبعد كم يوم بيصير زوجك؟
ياسمين...ياليت ها اليوم مايجي ياجدي ياليت..قالتها بصمت وحسرة مكبوتين داخلها ولبست عبايتها,,,

**************************************
جابت له الاكل على الفراش وهي تارسة الصينية شموع وحركات وحطتها على جنبه وراحت تصحيه برقة/خالد..خالد يالله الاكل جاهز يالله حبيبي قوم..
خالد وهو يتمغط/يالله قمت..
وضحى/يالله ياعمري..
خالدوهو يعتدل بقعدته ويشوف الصينية/اوه ه ه اليوم الغذى ملكي!!!جاي لحد عندي بالفراش؟
وضحى وهي تحط الصينية بينها وبينه/ومو هذا كل شي؟
خالد/ليش في شي ثاني بعد؟
وضحى/طبعا في....اني ااْكلك بيديني..
خالد/لا السالفة كذا خطيرة؟
وضحى/شفت اني مدلعتك وانت مو حاس؟
خالد/ياعمري ترى اذا قصرت معك بشي مو بيديني سامحيني...
وضحى/مايجي منك قصور يالغالي صدقني مايجي...
خالد/يابعد عمري انتي,,,
وضحى/تسلم لي ياقلبي...
خالد/اقول خلاص عاد بسك غزل وخليني اكل ميت جوع؟
وضحى/هههههه اهم شي الكرشة؟
/خالد وهو يحوس بالصينية/وضيح,,ادري فيك سويتي لي عصير طبيعي وتعبتي نفسك بس تدرين فيني الكبسة ماتمشي معي الا مع بيبسي شيلي عصيرك وجيبيلي بيبسي...
وضحى/انا اقول خسارة التعب فيك بس مين يصدقني؟
خالد/هههههه
**************************************
تركي/حصة جاية تتغذى معنا اليوم؟
حصة/من زمان ماشفتكم قلت اجي اتغذى معكم...
عبدالله/تسلمين يااختي...بشري انتي كيفك وكيف عيالك؟
تركي/الا صدق وينهم مالهم صوت ومو هاذي عادتهم؟
حصة/عند امي بالمطبخ...يالله انا رايحة اساعدها في تجهيز الاكل مو تتاْخرون؟
قاموا ثنينهم وركبوا وهم على الدرج همس عبدالله لتركي/اليوم صار سوء تفاهم بين حصة ونوف؟
تركي مسوي نفسه مو مبالي وهو بيتقطع على مايعرف/ليه؟
عبدالله/مدري بس نوف اليوم ماراحت الجامعة؟
تركي/ليش ماراحت؟
عبدالله/ماعندي خبر بس وانا طالع من غرفتي الصباح لقيت حصة عند باب نوف وانا على الدرج سمعتها تغسل شراعها,,,
تركي/وماقلت لها شي؟
عبدالله/لا..بنات ومو حلوة اكون بوسطهم لاتنسى ان حصة تفهم الشي على كيفها وخصوصا اذا السالفة فيها نوف...
ظل تركي واقف عند باب غرفته لثواني بعد ماراح عبدالله غرفته وهو متردد يدخل ولا يروح لنوف يشوفها ورغبته بشوفة نوف طغت عليه ومالقى نفسه الا قبال جناحها هي ومشاعل ويدق الباب(ابو تركي مسوي لهم جناح خاص فيه حمام ومطبخ وصالة استقبال علشان نوف تاخذ راحتها بما انها تتحجب عن عيال عمها وتظل دايم بعبايتها وهم موجودين)بعد فترة جاه صوتها واللي مبين عليه انه كان يبكي وهي تقول ينتظر شوي..
نوف/هلا تركي...
تركي رفع راسه وشاف عيونها الثابتة وفيها لمحات حزن,,,
تركي/هلا فيك....
نوف/.....
تركي/......
نوف/في شي ياتركي؟
تركي/وراك مارحتي الجامعة اليوم؟
نوف/ولاشي بس مالي خلق...
تركي/نوف ودك تروحين البحر اليوم...
ناظرته وابتسمت بمرارة وقالت بهمس/ياليت والله بكون شاكرة لك من قلبي...
تركي بلهفة ماانتبهت لها/خلاص اجل بعد الصلاة بنروح انا وانتي ومشاعل......واللحين انزلي تغذي..
نوف/مو مشتهية والله؟
تركي/مو ملزم عليك تنزلين ادري بيرجعون ينادونك بعد شوي,,,
مشى عنها وراح لغرفته وتفكيره فيها اكيد فيها شي مكدرها لاني واحد من ضمن الناس اللي يدرون عن نوف اذا تضايقت تحب تروح البحر.......
*************************************
مشت لصوب مجلس الرجال وهي تقدم رجل وتاْخر الثانية حاسة انها سلعة قاعدة تنباع غصب لنواف اللي مايبيها ومو راضي فيها....
تنهدت بقوة وهي ماسكة دلة القهوة وتعدل غطاها الثقيل عليها وتدق الباب وتدخل....
رغم انها حاسة نفسها بتموت من ها الغطاء الثقيل اللي عليها بس يوم دخلت وماشافت جدها تاْزمت نفسيا...سلمت بهمس وماسمعت حتى صوت نفسها...
تقدمت لعند الطاولة وحطت الدلة فوقها وقبل لاترفع راسها قال نواف بشماتة/اكيد انتي ياسمين؟
وقفت مكانها وماتكلمت..
نواف/تدرين كيف عرفت..؟
ياسمين/.........
نواف/من قلة ذوقك!!! ولاحتى تسلمين؟
تنهدت ياسمين بقوة وسمعها نواف وقال بشماتة/وبعد تتاْففين؟
ياسمين بارتباك وصوت واطي مقهور منه/مو قصدي بس انا سلمت بس ماسمعتني..
نواف بلا مبالاة/مو مهم سلامك؟مين طابخ الاكل اليوم؟
ياسمين/وش ها السؤال الغريب؟اكيد امي مين يعني؟
نواف/وليش ماطبختيه انتي!!!
ياسمين بقهر/عندي جامعة؟وتوني رادة منها؟
نواف/ولاماتعرفين؟
ماردت عليها ومشت لعند الباب وهو يقول بصوت عالي/مشاءالله قمة الذوق ها البنت !!!ماتنلامين مارباك رجال وعلمك السنع!!!
**************************************
في المطبخ,,,
الجدة شالت الصحن اللي قبال مشعل وقالت بقهر/مافي تاكل؟
مشعل/جدتي جوعان توني راد من المدرسة؟
الجدة/قلت لك مافي اكل....
لؤلؤة/مرة عمي حرام عليك خله ياكل؟
الجدة ام خالد/لالالا لازم يتاْدب عن افعاله الشينة اللي يسويها فيني!!
ام مشعل/مشعل وش مسوي في جدتك بعد!!
مشعل/شسويت يمه ولاشي؟
الجدة /ولاشي ها؟؟انا اعلمك..قوم قدامي...
سحبت مشعل من يده ومشته وراها وتنهدت ام مشعل
ام مشعل/هذا حالهم يابنت عمي طول الوقت...هواش وصيحة؟
لؤلؤة/ههههه الله يخليهم لبعض ان شاءالله
ام مشعل/انا ربي مو راضي عني يابنت عمي ولا..
قاطعتها لؤلؤة/لا ياام مشعل وش ها الحكي عاد!!الا ياسمين وينها ؟
ام مشعل بتنهيدة/تبدل ثيابها وبتجي...
**************************************
عند غرفة مشعل..
مشعل/جدتي شتبين؟
الجدة ام خالد/ادخل غرفتك؟
مشعل/ليه؟؟
الجدة/ادخل وبنتفاهم داخل؟
مشعل/اووفففف جدتي هذا وقت تفاهم عاد؟
الجدة/لاتطولها وهي قصيرة عاد ادخل يالله؟
دخل مشعل وهو يتحلطم عليها وبس دخل سكرت وراه الباب وقفلته بالمفتاح من برى الغرفة,,
مشعل وهو يطق الباب/هيه انتي فتحي الباب ليش قافلته؟
الجدة بانتصار/اقعد خيس بغرفتك اليوم مافي اكل علشا تعرف ان الله حق وماتعلم جدك على تماظر وغيرها؟؟
مشعل بعصبية وصراخ/بلاهبال علي ياجدتي تماظر فلم كرتون تحاسبيني عليه؟
الجدة/ايييه...انت مابتعقل الا اذا تاْدبت ومااكلت شي....طالع على جدك اهم شي بطنكم....
مشعل وهو يصارخ ويدق الباب بالقوة/ياعالم احد يلومني فيها لو ذبحتها؟هاذي جدة هاذي؟؟هاذي علة اللهم ياكافي!!!
******************************************
في غرفة مشاعل..
نوف/قومي بس قومي مافي تشبكين اللحين؟
مشاعل/ليه؟
نوف/قلت لك تركي المغرب بيودينا البحر؟
مشاعل/المغرب مو اللحين؟
نوف/وانتي لازم تنامين لانك لو مانمتي بتخربين علينا الطلعة باخلاقك التجارية اللي بتجين فيها؟
مشاعل/هههه لابس شوي وبقوم؟
نوف/لاشوي ولاشويات قومي خمدي نامي...ماابي الطلعة تخترب بسبتك..
مشاعل/قمت..قمت...
نوف/أي خلك كذا شاطرة وتسمعين الكلام؟
مشاعل/نوف..
نوف/هلا..
مشاعل/صاير شي اليوم؟
نوف وهي تبعد عن نظرات مشاعل/شي مثل شنو؟
مشاعل/مدري بس حاسة روحتنا البحر مو جاية من فراغ؟؟خصوصا ان حصة هنا؟
تنهدت نوف وماقالت شي....
مشاعل بحنان/مو قلنا بنطش كل شي.....
نوف بضيق/قلنا....بس ساعات..مانقدر يامشاعل؟
نورة/كلمة كلمة مو فاهمة لك شي؟
ياسمين وهي تبكي/وش يقصد بكلامه يعني!!!
نورة/ياسمين والله مو فاهمة عليك شي...
ياسمين/الشره مو عليه يانورة....الشرهة على اللي بايعيني له برخيص؟
نورة/وش ماقال احقري..لاتعطينه فوق حجمه؟
ياسمين/انا مو طايقة نفسي يانورة...
نورة/روحي نزلي عندهم ولاكان صاير شي؟
ياسمين/انا سلمت...اقسم لك اني سلمت عليه بس هو ماسمعني!!!
نورة/بالناقص فيه!!!لاتقهرين حالك علشانه ونزلي عيب لؤلؤة تنتظرك اكيد لاتحسسينها بشي؟


،




البارت السادس



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
ياسمين/اقول نورة هذا مشعل معي على الخط اكيد بيقولي انهم يبوني انزل بشوفه وبعدين بدق لك؟
نورة/ضروري تتصلين...ترى مابنام اليوم الا اذا تطمنت عليك وسمعت اخبارك؟
ياسمين/طيب يالله باي.......الو هلا مشعل..
مشعل على الخط بضيق/أي هلا.
ياسمين/شفيك؟
مشعل/جدتي قافلة علي الغرفة ياياسمين؟
ياسمين/ليه!!!
مشعل/تقول بتاْدبني لاني خليت جدي يشوف تماضر اللي بسندريلا!!!بذمتك هاذي جدة هاذي؟
ابتسمت ياسمين رغم الالم اللي فيها وقالت بمرح/ياولد الحلال شوفتها وتغار عليه!!
مشعل بنرفزة/أي تغار عليه انتي بعد!!!شيبة منتف ؟؟؟
ياسمين /من قال لك عاد!!جدي عنده خير بس محد يدري؟
مشعل/يصبرون علي اذا مالهفته كله!!بس مو وقته تعالي يابنت الحلال طلعيني ميت جوع...
ياسمين/يالله بجي بشوف شسالفتها,,,
**************************************
ابو تركي على سفرة الغذى/نوف وينها؟
مرام/نامت هي ومشاعل,,,
حصة/عارفين الوقت وقت اكل بعد ليش ها العناد بعد!!
تركي بحزم/اقول حصة...مو كاْنك كبرتي على سوالف البزارين ؟
سكتت حصة ..
ام تركي/تركي..شها الحكي يمه....وش قالت اختك؟
تركي بنفس الحزم/هي عارفة وش قالت لنوف اليوم؟
ابو تركي بعصبية/انتي قايلة شي لبنت عمك ياحصيص؟
حصة انخطف لونها وظلت ساكتة...
ام تركي/يايمه حرام عليك البنت يتيمة ومالها غيرنا..
ابو تركي بحزم نفس حزم ولده/بنتي ماهي يتيمة؟؟؟نوف انا ابوها واللي يزعلها بكلمة وحدة ماهو شايف خير من وراي سامعتني!!!
حصة بقهر/مشاءالله لحقت تتصل فيك وتعلمك بعد ياتركي؟؟ليش..
قاطعها عبدالله بهدوء قبل لاتكبر السالفة بينها وبين تركي/انا كنت طالع لدوامي الصباح يوم شفتك واقفة قبال غرفتها تكلمينها ...وبعدين كان صوتك عالي والكل سمعه؟وقلت لتركي.....
حصة/وصايرين ثنينكم محامين لها بعد!!!
تركي بصراخ/اعقلي يابنت...وش ها الحكي؟
حصة بقهر/يعني مو كفاية اخذت ابوي وامي صوبها حتى انت واخوك؟وش ظل لنا ان شاءالله؟
ابو تركي بهدوء/حصة قومي عن سفرة الاكل مانبي نشوف وجهك!!روحي اكلي بالمطبخ مع عيالك....
ساد الهدوء المكان ومحد قال شي لان ابو تركي كلمته ماتنرد ابدا..وقامت حصة وهي بالعة غصتها وفشلتها وتتوعد في نويف اللي مسوية حاجز بينها وبينهم,,,,
*********************
سعد/شلون يعني؟
مشعل بنرفزة/يعني جدتي صارت تسوي سوالف تقهر؟اجل تحبسني بغرفتي كني بزر عندها؟
سعد/هاذي مراهقة لاتشيل في بالك؟
مشعل/اللحين لازم نسوي شي يرفع ضغطها ويرميها طريحة الفراش؟
سعد/يبيلها شي قوي مو مجرد دعابات خفيفة مثل اللي نسويها..
مشعل/الليلة مالازم ننام الا واحنا عاصرين مخنا ومطلعين فكرة جهنمية؟
سعد/انا اقول مو لازم نستعجل علشان لانطلع أي فكرة لازم نجيب شي حلو..
مشعل/اجل بنتظارك وبنتظار اتصالك واذا قدرت تجي ونفكر تفكير جماعي بعد يكون احسن انا اللحين بروح ارفع ضغطها بكم شغلة بسيطة خفايف على قولتهم؟
*****************************
المغرب على البحر
,,,,,,,,,,,,, ,,,,,,,,,,,,,,,,
مشاعل/مااجمل ان يكون الهواء عليلا في هذا الوقت امام البحر؟
تركي/مشاعل واللي يسلم عمرك اتركي الفصحى لااهلها؟
نوف/هههههه..
تركي/بذمتك نوف اللحين مو ترفع الضغط وهي تتكلم كذا!!
مشاعل بثقة/طبعا لا...
تركي/قومي بس اشتريلي موكا..
مشاعل/اوووف من ستار بكس؟بعيد؟
تركي/وين اللي بعيد كاهو ورانا بكم خطوة؟
مشاعل/ماتخاف عليّ؟
تركي/لامااخاف عليك بس اخلصي واشتري لي...يلعبون لعب بعدين يقولون ماتخاف علينا....
مشاعل/وعلى الحساب بعد!!
تركي/أي.....
بعد ماقامت مشاعل,,,,
تركي/هاذي مشاعل وقامت ..
نوف/واذا؟
تركي/انا مصر اعرف اللي مزعلك؟
تنهدت نوف تنهيدة طويلةوقالت بالم/تركي انت قد حسيت انك مو مرغوب فيك؟
تركي بنرفزة/ماعليك من حصيص هاذي سفيهة؟
نوف/لاياتركي حصة مالها شغل,,,
تركي/,,,,,,,,,,,,,
نوف بنفس الالم/جرحي ماهو منها,,
تركي/سعود؟
نوف ماقالت شي بس مسحت دمعة بطرف عينها..
تركي/تتوقعين لو كنتي قاعدة عند سعود بتكونين مرتاحة؟
نوف/لا اكيد....بس على الاقل بيكون جرحي اهون ...والله اشتقت لعياله...ودي اشوفهم من زمان...تعرف متى اخر مرة شفته ياتركي هو وعياله؟بالعيد اللي فات!!صرنا اغراب ياتركي ومانشوف بعض الا بالعيد؟ياليته يرد عليّ اذا دقيت له ويقولي أي شي بدل مايتركني كذا ماادري وش فيه ولا شنو عنده ولا اللي صاير فيه!!!
تركي/نوف سعود اخوك من يوم يومه قليل اصل مع الكل..ماالمفروض انك تزعلين منه ابدا!!
نوف بقهر/انا اخته ياتركي!!انا بذمته بعد وفاة امي وابوي؟؟انت متصور كيف اعيش مع بيت عمي وعيال عمي كباروبيت اخوي مفتوح للقاصي والداني من اهل مرته!!!صحيح انكم مثل اخواني وحجابي عنكم مو حاط بينا أي حواجز بس يظل هو اخوي اللي معي من نفس البطن؟
مايدري ليش سكت لحظتها..هل هي صعبت عليه السالفة بكلمتها (انتوا مثل اخواني)ولاهو كبر الكلمة وهي ماتسوى؟؟؟؟شوف الايام وش تقول ياتركي لاتستعجل؟
*************************************
خالد/وش برنامجنا اليوم؟
وضحى وهي تغسل يدينها/ولاشي..ماعندي شي محدد...
خالد/ماتبين نطلع؟
وضحى/بكيفك....
خالد/خلاص بعد مانسبح نطلع...اي مجمع تبين تروحين؟
وضحى/مدري ...بس الضهران حلو...
خالد/لالالا خليها الراشد؟
وضحى/وليش الراشد يعني؟
خالد/لانك تطولين بالمحلات...على ماانتي تتسوقين انا اروح ارقم لي كم وحدة؟
وضحى/لاوالله!!
خالد بثقة/اجل اقعد فاضي كذا انتظرك؟
وضحى/طيب......
واخذت كاس وملته موية وفوق راس خالد اللي قعد يضحك....
وضحى/يالله روح رقمهم كذا بها الشكل؟
خالد بضحكة/لاتحاولين بكل الاشكال وسيم وبنظرة مني ينذبحون....
وضحى/عدال ياتوم كروز...
خالد/تعالي اليوم السبت,,,
وضحى/أي,,,
خالد/اجل مافيها طلعة...انا مواعد الشباب اليوم؟
وضحى بقهر/اووووف..خالد توك تقول بتطلع معي!!!
خالد/والله نسيت ان اليوم السبت...معليش بكرة....
**************************************
الجدة ام خالد/نواف ماقال شي عن سالفة العرس اليوم؟
الجد ابو خالد/ولاكلمة؟
ام مشعل/شلون يعني؟تظل البنت معلقة..
الجد ابو خالد/ياسمين مالها غير نواف ولد عمها يا تاخذه يا على قبرها..
ام مشعل/اسم الله على بنيتي الله يحفظ شبابها يايبى...
الجد/وانا شقلت؟
الجدة/زين انت ماقلت له؟
الجد ابو خالد/مو قايل له يمكن ماعنده فلوس ويطلب مني انا ماابي اعطي احد!!!
الجدة/أي لاتعطي احد خلهم لي علشان اورثك انا بعد ماتموت؟
الجد/المفروض تموتين انتي قبلي لان الحريم يموتون قبل؟
ام مشعل سكتت هي تحاتي هم بنتها وامها وابوها بشي ثاني,,
ياسمين بروحها كانت تمسح دموعها وهي ورى الباب تسمع كلامهم وراحت تفتح الباب اول ماسمعت الجرس ,,,
فتحت باب الصالة علشان تطلع للباب الخارجي وشهقت يوم لقت نواف واقف قبالها وبيده اغراض جايبهم معه,,
نواف/حلو حلو...طالعة كذا تفتحين الباب؟؟؟ليش مشعل مو هنا ؟الشغالة مو هنا ؟ولاانتي تعودتي على الفل بدون حسيب ولارقيب؟
صدمتها بوجوده قبالها وهي كذا بدون عباية ماكانت كبر صدمتها بكلامه!!!
هذا وش مفكرها؟؟؟؟
نواف بصراخ/اكلمك انتي بلا سرحان ومسوية لي فيها مستحية!!!
رفعت راسها مع كلمته وقالت له بحدة/اطلع برى!!!اصلا انت مو رجال وش لك تدخل للصالة بدون لااحم ولادستور وتقوم تعطينا خبر انك جاي!!ولامفكرها وكالة بدون بواب يااستاذ؟اطلع برى؟
ماتدري كيف سكرت الباب بوجهه بقوة وكيف راحت غرفتها وقفلت عليها الباب علشان لااحد يدري وش سوت ولاشنو قالت لها النواف؟
***********************************
في سيارة تركي,,,
نوف/تركي ..
تركي بهدوء/هلا...
نوف/وش فيك؟صار لك مدة وانت ساكت؟
مشاعل/ماظنتي ان احنا غصبنا عليك تجيبنه ؟
تركي بهدوء/لاولاشي....بس كذا...تذكرت شي..
نوف بابتسامة/طيب قول..مو توك كنت تسولف معي ومع مشاعل وغصبت علينا نقولك وسولفنا معك...صار دورك يالله تكلم..
مشاعل/لاتخاف سرك في بير بس مو اكيد؟
نوف/ههههه لابجد تركي قول وش فيك؟
تركي/بس تذكرت واحد من الربع اليوم كان يقولي انه....
نوف/شفيه؟
مشاعل/لاتتكلم بكلمات متقاطعة؟
تركي/هو بس يبي يعرف..والله مدري شقول خلوها لغير وقت..
اسكتوا ثنتينهم احتراما لسكوته...وظل هو شارد بفكره..اذا كانت نوف تعتبره مثل اخوها فهل في يوم من الايام بتوافق تاخذه؟؟؟ولاها الشي مستحيل؟؟؟
*************************************
نورة/خلاص ...هو بعد غلطان...
ياسمين كانت تبكي وماهي عارفة وش تقول من الخوف..
نورة/صدقيني هو الغلطان,,,كيف يدخل البيت ومايعطي خبر؟
ياسمين وهي تبكي/هو مادخل كان واقف عند باب الصالة من برى...
نورة/يعتبر دخل؟وبعدين تعالي وش كنتي لابسة؟
ياسمين بقهر/وانتي متفرغة تساليني بعد وش لابسة؟
نورة/هههه يبى ابيك تروقين...محد يقدر يقولك شي...
ياسمين/انا خايفة على نفسي من ردة الفعل اللي بتصير؟
نورة/لا تكبرينها مااعتقد انه بيسوي ولابيقول شي لانه هو الغلطان؟
ياسمين/يارب..يارب..تعدي ومحد يدري عنها,,,,
دق باب الغرفة وكانت ام مشعل تناديها ..
ياسمين/ياربي..جاك الموت ياتارك الصلاة وش اسوي يانورة؟