[لامارا]

آلبآرت آلآول

{ في بيت ابو محمد}

كان الكل متجمع على الفطور ماعدى سمر اللي رفضت تنزل نايمه وملاك قآلت شوي بتنزل

نزلت ملاك واهي تدندن آغنيه: صبآآح آلخير

آلكل: صبآح آليآسمين

توجهت لآبوها و آمها وبآستهم فوق رآسهم

جلست على كرسيها وجآبت لها آلخدآمه صحنها وبدت تفطر

آبو محمد بعد ماخلص آكل : آلحمدلله ,, محمد اذا خلصت فطورك الحقني على المكتب

محمد: انشاء الله يبه وقآم ورآ ابوه

طق طق

آبو محمد: تفضل وآنآ ابوك

محمد: سم يبه امرني

ابو محمد : انت عارف يامحمد مابقى من العمر كثر ماراح

محمد واهو ينزل رآسه : بعد عمر طويل يبه

ابو محمد: محمد منت ناوي تتزوج وتفرحني وتفرح قلب امك بـ عيالك

محمد انزعج من الموضوع: يبه انشاء الله قريب

ابو محمد هز راسه بـ ايه : على راحتك ماراح اغصبك بس ابيك تفكر بالموضوع

محمد: انشاء الله يبه عن اذنك

آبو محمد : تفضل

في نفس البيت عند ملاك

بعد ماخلصت فطور صعدت غرفتها واتصلت على دانه

ملاك : هلا دندون

دآنه : هلابيك ياروحي كيفك

ملاك : بخير وانتي ياعسل

دآنه : بخير يوم سمعت صوتك المروق ~_~

ملاك : هههههه شرآيك نسوي بآرتي آليوم ونعزم البنات

دآنه : اوكي ماعندي مانع

ملاك : خلاص انا بتصل على شوق وجوري وبقول لهم كل وحده تقول لأختها وانتي روحي السوبر ماركت اشتري العده للسهره وانا بروح سعد الدين وباتشي

دآنه : اوكي واذا ماامداك تسوي كل هذا عطيني خبر وانا اساعدك

ملاك : لاتخافي علي انتي اعتمدي بس

دآنه: آوكي بآي

ملاك : بآيآت

_______________________________________

في بيت { آم عبدآلله}

نزلت دانه تركض وهي تنادي امها

ام عبد الله : تعالي يمه انا بالمطبخ

دانه: يمه انا بروح مع السواق بشتري اغراض اليوم ملاك مسويه بارتي

ام عبد الله : طيب وانتبهي لنفسك

دآنه : انشاء الله يمه يلا باي

______________________________

اما عند ملاك بعد مااتصلت للبنات استأذنت من امها وراحت سعد الدين شرت الكيك
وبعدها توجهت الى باتشي وشرت كميه كثيره من الشوكولاته ورجعت البيت

____________________________________________

عند شوق بعد ماسكرت من ملاك توجهت غرفة اختها

شوق : سآرونه وش تسوين

سآره : ابد جالسه على اللاب طفشانه

شوق : حلو اجل عندي لك خبر يخلي الطفش يروح منك

سآره سكرت آللآب وتوجهت عند شوق بحماس وجلست قبالها: وشو اتحفيني

شوق : اليوم ملاك مسويه بارتي وعازمتنا

سآره طيرت عيونها وكنها مو مصدقه بتطلع : حـــــلفي وآآآي ونآسه

شوق: يآلله قومي جهزي لك لبس ولاتأخريني كالعاده

سآره: طيب شرايك تطلعين لي لبس وانا اطلع لك

شوق : طيب ماعندي مانع يالله روحي غرفتي

سآره: طيب

توجهت شوق وفتحت خزانة اختها وبدت تحوس في الفساتين الى ان استقرت على ثوب اصفر هادئ
للركبه وتحت الصدر شريطه فضيه بوسطها فيونكه ناعمه
اختارت لها كعب ناعم باللون الفضي يلتف حول الساق واكسسوارات فضيه ناعمه

آمآ عند ساره : اختارت لأختها ثوب ابيض فيه كرستالات ذهبيه موزعه على الثوب وكعب عالي ذهبي
واكسسوارات ذهبيه

_____________________________________________

عند جنى : بعد ماقالت لاختها جوري قرروا يلبسون مثل بعض :

كان لبسهم عباره عن ثوب اسود مخصر على الجسم واكسسوارات فضيه وبوت اسود

________________________________________

ملاك بعد ماجهزت كل شي هي والخدم صعدت غرفتها وتروشت وطلعت جهزت لها تنوره جينز قصيره
وبلوزه سوده تلتف حول الرقبه ولبست حلق ناعمه واكسسوارات كثيره باليد اليمين وباليسار ساعه ولبست دبلتها

______________________________________________-

دانه لبست سكيني اسود وبلوزه طويل ماسكه على جسمها لونها ازرق غامق فيها كلام انجليزي
ماحبت تلبس شي قصير عشان مايبين الجرح اللي برجها من اخر مره لم كانت نازله ع الدرج وزلقت

_____________________________________________

سمر لبست ثوب وردي فاتح وفيه كرستالات ذهبيه واكسسوارات ذهبيه ناعمه

وكلهم اكتفوا بـ ميك اب نآعم يبرز جمالهم




{ بيت ابو فهد}
كان فهد جالس بالصاله الواسعه يتنظر خواته لان راح يوديهم بيت عمه ابو محمد

نزلت شوق وساره كل وحده تقول الزين عندي

صفر فهد تفصيره اعجاب لخواته اللي واقفين يلبسون العبايات

شوق استحت وابتسمت له اما ساره ردت عليه بلسانها اللي مايعرف يسكت : تسلم والله محد زين غيرك ياحلو وغمزة له
ضحك فهد على اخته ومشى واهم وراه وركبت شوق قدام وساره ورا

____________________________________

اما جوري وجنى راحو مع السواق ومروا على دانه وبدور


آنتهـــى آلبآرت آلأول

توقعاتكم

1- ايش راح يصير بالحفله

2- هل محمد بيفكر مثل ماقال لابوه ولا بيطنش الموضوع

آنتظروني بالبارت القادم يوم الاثنين