[درة الاحساء]

الجزء الأول

لا تحدثني عن الحب دعني أجربه بنفسي
** زهرة النجمة هي رمز الحب**


يوم الثلاثاء الساعة 2:00 الظهر
عالغداء سامي متغدي اليوم عند أهله
على طاولة الأكل
أبو سامي وعلى يمينه زوجته نهى ومقابلها سامي وعلى يمنه سعود ومقابله هشام وعلى يسار هشام رنا ومقابلها كرسي هاله لكنها ما هي معهم قاعدة تتغدا مع عايشه
أبو سامي: هاا يا رنا الفرح باقي له 5 أيام بالضبط وش شعورك من غير هاله
رنا بحزن: والله يا بابا ما ني عارفة اش بسوي لما بتروح
سعود: من جد بنفقدها
هشام وهو ياكل: ايواا والله بنفقدها...اممممم عزيز متى راجع
أبو سامي: والله عمك قال لي بعد بكره بس ما ادري ايش يصير
سعود: تخيلو تطير عليه الطيارة يوم فرحه
نهى خافت من الفكرة: بسم الله على بنتي فال الله ولا فالك
هشام ورنا وسامي: هههههههههههههه
سعود: ههههههههه أتخيل شكل هاله
أبو سامي: أعوذ بالله سكر الموضوع يا سعود دايماً فالك شر
سامي: هههههههههه من جد يا شيخ ليه تفكر بهالأشياء
سعود ابتسم: خلاص إنشاء الله يجي اليوم ويتزوجوا
رنا: لا يا حبيبي هاله بنت عبد الله ما تتزوج بدون فرح
سعود طالع فيها: أعوذ بالله بسكت كليتوني بملابسي
رنا: هههههههه الله يعين ناس
سعود ما صدق: إلا كيفها يا قلبي من زمان عنها
أبو سامي طالع فيه انحرج سعود
سامي بنذالة: صحيح كيف الريم من زمان عنها
سعود: تسلم عليك تقولك كيف حالك يا عمو
سامي: عمو بعيون العدو أنا ما بيني وبينك إلا 4 سنوات بس
سعود: ههههههههههههههه عشان ما تسأل عنها مره ثانيه
أبو سامي قام: الحمد لله
نهى: بالعافية يا عبد الله
عبد الله وهو طالع: الله يعافيك

هاله وعايشه بيتغدوا مع بعض
عايشه: هلوو وين رنا
هاله: ههههه جالسه تاكل معهم تعرفي هشومي هناك
عايشه ابتسمت: رنوو مره متعلقة بهشام
هاله وهي تاكل السلطة: هو مدلعها عالأخر ما تقول الشي فوراً يجيها
عايشه: الله يعينها لو تزوج
هاله: هههههههههههه بالأحلام هشام قايل ما بيتزوج إلا إذا زوجنا كلنا حالف يزفنا أنا ورنا بنفسه لأزواجنا
عايشه: الله يخليه لكم
هاله: آمين تعرفي هشام هو يخلي الواحد يحترمه ويحبه
عايشه: ايييه حتى زوجي يجنن
هاله تنرفزها: ههههههه هشام أحلى
عايشه بدفاع: والله سامي أحلى
هاله: هههههههههههه زعلتي انتي ووجهك
عايشه ابتسمت بخبث وحركت حواجبها: أبداً ليه أزعل وأنتي كلها كم يوم وتضفي وجهك على بيت زوجك مو حلوه نفترق متضاربين
هاله عصبت: عايشه بلا سخافة تعرفيني ما أحب أتذكر هالموضوع
عايشه ههههههه سوري والله ما برجع افتحه
هاله: ههههههههه نشوف تعالي بروح غرفتي
عايشه: لا بروح أشوف سموي أكيد رجع البيت ومجود هناك
هاله راحت: أوكيه
دخلت عايشه على فيلتها جنب قصر أبو سامي فيه فلة سامي
ما تقل فخامة عن قصر أبوه
عنده ولد واحد اللي هو مجود "ماجد"
دخلت على أطراف أصابعها حتى ما يصحى مجود نعسانة وتبغا تنام
لكن لما قربت سمعت صوت ضحك دخلت لقت سامي رافع مجود وقاعد يلعبه ابتسمت: سموي متى جيت
لف عليها هلا بعيون سموي جيت لقيت الأخ قاعد يلعب قلت اسليه اللين ما تجي
عايشه انسدحت عالسرير وبدلع: ايوااا سموي الله يخليك خذه معك ابغا أنام تعبانة
سامي وهو يقوم: من عيوني يللا مجود نروح نشتري واواه
عايشه: سكر الباب وراك
سامي: تامري كم عيوش عندي
عايشه وهي تتغطى: أكيد وحده اللي هي أنا
سامي يبغا ينرفزها كعادته مين قال انه انتي
عايشه عارفته أقول سامي اطلع ولا تبدأ حركاتك ما ني ناقصة
سامي لا يا شيخه - رجع مكانه- ما نتي ناقصة هاا انسدح عالسرير ونيم مجود جنبه: يللا حبيبي ننام
عايشه عارفه مجود ما بيخليها تنام توه صاحي: لا سامي الله يخليك خليني أنام
سامي بخبث ابتسم: أول بوسي راسي
عايشه: لاااااااااااا بليز سامي اطلع براا
سامي: لالا بسرعة ولا ما ني بطالع
عايشه قربت منه وبرقه باسته على راسه: يللا
سامي زادت ابتسامته واشر على خده: وهنا وحده بعد
عايشه شويه وتبكي: والله ما أبوسك لو طرت واجلس هنا عادي بس لا تفكر اليوم تنام بالغرفة هاا بغرفة المكتب ولا بالصالون ومجود معك
سامي قام: هههههه لا عاد إلا هاذي وراي دوام اصحى مكسر
عايشه ابتسمت ورجعت حطت راسها عالمخده
سامي رمالها بوسه بالهوى: ههههههههه نومه بقومه انشاء الله وطلع
عايشه ابتسمت وغمضت عيونها تموت بسامي وحركاته اللي تنرفزها


العصر رنا طايره دقت الباب على غرفة هاله
هاله كانت بغرفتها تفضي الأشياء اللي ما عاد تحتاجها قبل ما تتزوج
تفضل
رنا دخلت هلوو خبر يجنن
هاله ايش قولي
رنا احم ماما وافقت الحفلة تصير بالبيت
هاله رمت البلوزة من يدها احلفي
رنا ابتسمت والله وربي وافقت مو مصدقه
هاله بفرح كيف وافقت مين أقنعها
رنا سعوودي لما عرف قال خلوها علي بخمس دقايق كان مقنعها
هاله وقفت احلفي يبغاله بوسه وطلعت بسرعه من الغرفة
رنا ارتبكت هاله تعالي هااااله
لكن هاله طلعت من الغرفة نازلة تحت وبصوت عالي حبيبي مانــ....
سكتت لما طالعت بالوجيه اللي بصالة القصر أمها مبتسمة لها وأبوها مبتسم يخفي ضحكته والوجه الثالث كان ......
عـــــبد العزيـــــــــــــــز
لا وكان مبسوط والابتسامة ماليه وجهه على باله هاله متقصدته
هاله لما استوعبت جرت بسرعه لفوق وهي تقول والله ما ادري انه هو والله
أبو سامي قعد يضحك عليها استحت مره تسحي من عزيز
عبد العزيز انبسط عليها جاي من السفر وعارف ما راح ترضى تشوفه اللين يوم الفرح وهو صار له شهرين ما هي راضيه تكلمه ولا تشوفه حتى يشتاق لها يوم الفرح والحين جات من الله استأذن وطلع
هاله طلعت فوق وهي تدور على رنا بتذبحها رنوو
رنا واقفة عند جناح هشام وماسكه يده وهم الاثنين يبتسموا عرف اشصار لها هشام
كان وجهها احمر زي الدم
هاله قربت رنوو يا سخيفة والله ما لك داعي
رنا ببراءة ناديتك وما رديتي
هشام يبغا يحرجها عادي اشفيه شكلك حلو جات من الله وجا اليوم تغيرت طيارته
سعود كمل عليهم اااااه تلاقي عزيز يعد الثواني للفرح بعد ما شافك الحين
هاله تمنت تنشق الأرض وتبلعها وجهها حمر مشت عنهم قلة حيا كلام كبار لا تتكلموا فيه
هشام وسعود ههههههههههههههههههههههه
رنا ضحكت بإحراج سعود ما يثمن كلامه مع أخواته يموت يشوف وجيههم حمرا


سعود ماشي مع صلاح هاا ايش مسوي
صلاح كله تمام بس إلى الآن أبوي ما عطاني إدارة شركة لحالي
سعود ههههههههههههه ما بيعطيك إلا إذا قررت تتزوج
صلاح ههههههه اجل خلينا مريحين وردد يالليل ما طولك
سعود ههههههههههههه
صلاح بجديه سعود ودي أسألك أنت ايش بينك وبين مروان
سعود سكت تجمع الدم بوجهه
صلاح شافه تضايق: سعود إذا ما ودك تقول عادي بس أنا ولد عمك وسرك ببير
سعود اخذ نفس وهو ماشي كانوا رايحين يشتروا مويه وراجعين للشباب طالع السيارات اللي تمشي
أنا يا صلاح اكره هالإنسان إنسان بلا ضمير عشان حسد كان بيروح مستقبله ومستقبل غيره تنهد اللي بيني وبينه انتهى طالع لبعيد ....
يوم كنت رايح لمكتبة جرير وقفت السيارة ونزلت وأنا داخل ما أشوف إلا ثلاثة من رجال الأمن ماسكيني أنا استغربت على بالي غلطانين لكن للأسف ابتسم بسخرية طلعت مطلوب ... سكت شوي وكمل بهدوء وقهر بتهمة ترويج مخدرات.....
طلعت عيونه صلاح انفجع
سعود كمل طبعا أنا ما رضيت أروح معهم لو يموتوا المشكلة عارفيني أنا سعود السامي يعني مو أي احد عارفين مكانة أبوي وأعمامي الاجتماعية واسمهم في البلد من اكبر التجار لا وولدهم مروج مــــــــــروج ياليت قال يتعاطى وبس لا مروج ما رضيت أروح معهم وركبت سيارتي وجيتهم دقيت على أبوي وجاه كنا لحالنا أنا وأبوي وسامي كنتم مسافرين قبل ثلاث سنين في تركيا وهشام معكم جا أبوي كلم عمي عبد الكريم وعمي محمد وجو..
تستغرب يا صلاح لو قلت لك إني لا أنا ولا أبوي ما حاولنا فيهم إنهم يخرجوني أصلاً السجن ما رضيت أدخله لأنه ما في شي يثبت جنايتي هذا كان الصبح الساعة ثمانية الساعة تسعه الليل كنت خارج ببراءة وتعويض - قرأ بعيون صلاح السؤال كيف - كمل بتسألني ايش اللي صار بالضبط كيف اتهموني هذا كان مخبي المخدرات بكيس بالسيارة في أشيائي ولما فتشوا لقوه بمكتبي بالشركة وبالأماكن اللي دايماً تكون حولي الحين أنا بريء بس ما في شي يدل على هذا لأن بصماتي بكل مكان وبصمات الأخ مو موجودة عليها
صلاح باستغراب كيف جات بصماتك عليها؟!!
سعود في أشياء أنا اتركها بالشركة خاصة لي مثلا الله يكرمك في الحمام مشطي ملابسي أي شي
المهم هو كان ناثر المخدر على منشفتي اليد الخاصة بحمام الشركة فاهمني يعني أشياء مستحيل يستخدمها غيري
والمصيبة إنه في إبرة هيروين
مره أنا دخلت الحمام وكنت مصدع لقيت إبره على الرف حق المغسلة زي ابر الأنسولين وسكرتيري عنده السكر جا على بالي أنه مسكين اضطر يدخل الحمام مع إني كنت ناوي أهزئه بس الله رحمه
ومسكت الإبره رفعتها طالعت فيها ورجعتها وخرجت ماهتميت كثير بالموضوع عشان كذا لما جابوها وعليها بصماتي تأكدت انه واحد من الشركة مسويها لكن سبحان الله ربي ما يخلي احد جا واحد عالعصر واعترف انه مروان هو ورى كل اللي صار وهو كان مشارك معه مو هو بالشركة فكان يساعده لكن ماله دخل بالباقي بس انه ساعده ودخله مكتبي طبعا انطرد وسفره أبوي لبناني هو بعدها اعتذروا وسالفة لكن انا ما رضيت إلا انه يجيبوه وزي ما سوو اللي سووه قدام الناس يبرؤني قدام الناس
صلاح تحمس كيف ايش سويت
سعود امممم طبعا هو خرج منها زي الشعره من العجين لأنه الضابط يشتغل عند أبوه وتعرف هالناس الله لا يبلانا يعرف انه ولده راعي هالحركات ويتركه عشان السمعة واسمه بالسوق نشروا البراءة في الجريدة أسبوع وكان موجود اسم مروان لكن بدون ما يعلنوا انه ولد التاجر وأنا هذا اللي قهرني بس ايش ساحب عليه حسبي الله ونعم الوكيل ونشوف كيف نجى منها مره ولو مره ثانيه نجى نشوف كيف بينجو يوم الحساب
صلاح ضربه على ظهره وابتسم كل هذا فيك يا واد وساكت
سعود ابتسم اسمع لا يطلع ترى ما حد يدري غير ابوي وأعمامي وهشام وسامي وأنت وعبد العزيز
صلاح ضرب صدره ابشر من عيوني
سعود هههههههه امشي نروح لهم
الشباب جالسين بالكوفي شوب عالكورنيش
صالح مشاء الله كل هذا مويه حفرتوا بير
سعود ههههههههههههههه
صلاح ههههههههههههه حط لهم المويه تفضلوا
هشام ساكت مو متعود يطلع بدون فارس وفارس أبوه رسله بداله على فرع الشركة بدبي ولسى ما بيرجع الحين
صلاح هشام اش عندهم عماتي بيجو يوم الأربعاء مو الفرح الجمعة
هشام ايواا مسويين حفلة وداعية لأختي للبنات
عبد الإله بحماس متى الأربعاء من الحين ترى أمي طاردتني من البيت بجي أنام عندكم
صالح ههههههههههههههههه ما أدري اش عاجبك فيهم
سعود الشغلة فيها بنات اجل عبود على طول مطرود من بيته
الشباب هههههههههههههههه
وقفت سيارة بورش حمرا ونزل منها شاب وسييم واضح عليه مظاهر الغنى الفاحش اللي ظاهره عالشباب الجالسين رغم طيبة قلوبهم إلا انه الله مغرقهم بالنعم غنى النفس وغنى المال
قرب منهم رفع نظارته الشمسية "جورج أرماني" هلا شباب
الشباب يا هلا حياك
هشام التفت هالصوت مو غريب لكنه مو قريب منه في ارض ثانيه لف يتأكد
وقف فــــــــــــــــــــــــ ـــــــــــارس
فارس ابتسم بلحمه ودمه ضمه كيف حالك ياخوي والله ما صدقت إني رجعت
هشام ههههههههه مرحبا ملااااايين ولا يسدن
فارس ههههههه يعني تعرف إماراتي
هشام هههههه دامك رحتها أتعلم هندي عشانك
فارس ههههههههههه - سلم عالبقيه
صالح خلصتوا مغازل ببعض
الشباب ههههههههههههه
هشام جلس ههههههههههه شحارك
صالح ههههههههه يا هلا بفارس كيف الأحوال متى وصلت
فارس توي من المطار للبيت سلمت على أهلي جلست شوي ورحت هشام واحشني والله أسبوع مو شايفين بعض
هشام ابتسم تسلم والله اسألهم مو حلوه الجلسة بدونك
دق جواله طالع الشاشة "ضحكة الدنيا"
توسعت ابتسامته عن إذنكم شباب - راح يرد
الووو هلا رناي
رنا آهلين هشومي وينك
هشام امممممم مع الشباب ليه محتاجه شي
رنا إذا طلعت من عندهم ابغا أروح السوبر ماركت عشان حفلة هلوو
هشام بتفكير اوكيه بس فارس توه راجع من الإمارات تجهزي المغرب اجي اخذكم
رنا عرفت مدام فارس جااا فـ " انطر يا حمار اللين يجيك الربيع"
رنا خلاص خليها يوم ثاني مدام خويك جاي
هشام وإلا أقول البسي الحين جاي اخذكم بسرعة
رنا لا والله عادي هشام أروح مع السواق مو مشكلة
هشام البسي قلت جاي اخذكم يللا باي
رنا مستر عنييييييييييد باي
هشام ههههههههه باي
سكر ورجع وهو مبتسم
صالح يستهبل عليه أشوف الابتسامة شاقه الوجه مين هاذي خويتك
هشام خويتك بعينك انا ما عندي هالحركات عارفني
سعود وهو يحرك الملعقة بالكابتشينو رنا اجل
فارس أكيد أتحدى احد يفتح نفسه زي أختك رنا
صالح مدلعها اش تبغى يعني
هشام هاا ما كأنكم تتكلموا عن أختي
فارس رفع يده باستسلام انا موثوق فيني صح هشام
صالح بلا مبالاة وأنا ولد عمها عادي لو طلعت قدامي حتى بطولها
هشام عصب من بين أسنانه صالح سكر الموضوع أحسن لك
سعود سكت متعود على هالحالة صالح ما يبالي وهشام كبريت من هالموضوع حتى لو بنت عمه لكن الدنيا لها حدود
فارس استغرب من صالح دايماً يقول انه بنات عمه أخواته وهو أصلاً ما يطيق البنات بس مو لهالدرجه انه يطلع قدامها
صالح سوري ما قصدت بس أقول لك يعني بنت عمي أختي ماني طمعان فيها
هشام ايواا وفارس واثق فيه أكثر من نفسي
فارس ابتسم تسلم
صالح شف ترى انا ولد عمك من لحمك ودمك هاا
هشام هههههههههههههه رغم انه عليك حركات بس ما عمري شكيت فيك
صالح ما أحلاها تشك فيني وأنا ما أطيق سيرتهم
هشام ههههههههه وقف انا ماشي اعذروني عندي مشوار
فارس وقف معاه ولما وصل لسيارته
فارس ما جلست يا هشام
هشام والله عارف كان ودي اجلس بس تعرف مو أختي بتتزوج في كثير مشاوير لازمه
فارس الله معك خلينا نشوفك هاا
هشام ركب سيارته الأودي السوده طبعا يللا في أمان الله


نزلوا سوبر ماركت جيان- مجمع الظهران مول
هشام الحين وين أول ودكم تروحوا
رنا انا بروح اشتري الحلويات
هشام لحظه اجل مع بعض لا تروحي لحالك
هاله كانت جهة البسكويت تتفرج رنا إذا جات تقضي حلويات ما تعرف احد
اشترت بالكراتين تويكس جلاكسي بأنواعه كيت كات سنيكرز المفضل لهاله
توفي كرسبي كوالتي ستريت توفيفي مالتيزرز إم آند إمز "كاكاو- كرسبي - فول سوداني"جات لحبيبتها سكتلز مدت ايدها تاخذها لكن كان في بنت بتاخذها وهم الاثنين تركوها على طول
البنت سوري خذيها
رنا ابتسمت من ورى لثمتها مو غريب عليها الصوت لا عادي خذيها في غيرها
البنت لا والله تاخذيها
رنا يا ربي صوتها اعرفه لا العيون العسلية هاذي مليون بالميه هي لو سمحتي ممكن اسمك
البنت طالعتها باستغراب دانة الكابر
رنا تركت العلبة وسلمت عليها يا ذكيه انا رنوو
دانة هههههههههه رنوو والله شكيت بس قلت لا ما اعتقد
رنا ههههههه شفتي كيف الصدف
دانة مع مين جايه رنوو
رنا لفت راسها تشوف هشام مع هشــ.. انصدمت وقف الزمن عندها هشام واقف مع شاب شكله بنفس سنه وسيم بشكل فضيع لابس ثوب كحلي وشماغ احمر
ملامحه حاده انفه المستقيم كأنه سيف برفعته وحدة عيونه الواسعة حواجبه المرسومة رموشه الكثيفة عيونه من جمالها كل بنت تتمنى تكون عيونها هي لوحة ربي أبدعها..
بشـ... هيييه وين وصلت أعوذ بالله حرام استغفر الله يا ربي لفت وجهها وهي مصدومة أول مره تجلس تتأمل رجال لا وطريقه كلامه الرايقه نقزت لما سمعت صوت دانة معصبة
دانة رنوو اشفيك أول مره تشوفي أخوك
رنا انحرجت هاا لا طبعا وقالت تصرف ايواا هذا هشومي
دانة اهاا اجل الواقف مع اخوي فارس يالله هذولا الاثنين كيف يحبوا بعض
رنا رددت ببلاهة هذا أخوك فارس
دانة ايواا ههههههههههه
رنا بلعت ريقها اشفيه شي يضحك
دانة هاذي العربية اللي وراك حقتك
رنا حمدت ربها ما انتبهت دانة عليها ههههههه ايواا لحفلة هلوو يا سخيفة ليه منتي جايه
دانة والله كنت بجي بس بنت خالة ماما في الجبيل والده ولازم نروح نزورها
رنا تشوف هشام يأشر لها تجي اهاا يالله خيرها في غيرها انا رايحة هشام خلص
دانة باي انتي وعربيتك ما ادري كيف بتجريها
رنا هههههههه الله يخلي هشام
راحت لهشام وبالها مو معاها مع أبو نظرات حاده فارس أحلامها اختارته من أول نظرة هشومي يللا
هشام مبسوط بشوفة فارس بس انفجع لما شاف رنا تأشر له عالعربية رنوو اش هذا بتفضحينا ايش بيقولوا الناس عمرهم ما شافوا خير
رنا هههههه عادي قول لهم عندي حفلة أختي بتتزوج
هاله جات ايواا عادي هشومي
هشام هز كتوفه بقلة حيله عادي عادي ايش أسوي الله بلاني بأختين أغلى ما عندي ما اقدر أرد لهم طلب
رنا ابتسمت يا قلبي يا هشومي أموت فيك
هشام هههههههههه لا يسمعك زوج المستقبل يمكن يكون مار بالصدفة
رنا ابتسمت جا على بالها فارس على طول أي زوج مستقبل بالخير بدري علينا
هاله ابتسمت دمعت عيونها بتفقد هشام وحنيته كثير
هشام انتبه عليها ساكته قرب منها هلوو حبيبتي اشفيك تعبتي نرجع البيت
هالة مسحت دموعها لا لا يالله نكمل
هشام تنهد ااااااااه باقي لسى تكملوا شكلي بتبرى منكم من جد
رنا ههههههههه باقي شويه بس


أمام الحب , وأمام الموت , لا فائدة من أن يكون المرء قويا..

يوم الأربعاء الساعة 3 الفجر ...
الغرفة بااااااردة بس مو برد مكيف لاااا برد طبيعي
والأنوار مسكره ما في غير نور البلكونة الخفيف مفتوح وباب البلكونة مفتوح والستاير تطير من الهوا
"عاد جو الشرقية في الحج اااااااااااااااه ولا أحلى "
نزلت رنا من عالسرير وراحت جهة البلكونة وقفت برا واتسندت عالسور وشعرها الأسود الطويل يداعبه الهوا ...
: اه يالدنيا أمس كنا انا وهالة نلعب مع بعض واليوم انجهز لحفلة الوداعية حقتها وبعد يومين فرحها والله ما كنت أتخيل هاليوم يجي بهالسرعة بس اليوم هالة بكره سعود بعده هشام وبعده أنااااا؟؟!!!! أناااااا!!!!!!!! إيه انا أكيد بيجي اليوم اللي بترك فيه أهلي بس فارس؟؟؟ هييييييييه اش دخل فارس بالموضوع تضايقت من نفسها هي بعمرها ما سمحت لرجال يستحل تفكيرها أو إنها تطالع فيه أبداً كانت تشوف بنات يتكلموا عن الأولاد بس هي من طبيعتها ما تحب تناظر في رجال غريب
اه يا ربي كيف هالإنسان أفكر فيه مع إني ما شفته إلا بالصدفة قبل أسبوع إيه بس أكيد دايماً بشوفه لأني اللي اعرفه انه كان مسافر ورجع وهذا توأم روح هشام فأكيد 24 ساعة مسنترين عند بعض بس والله انه يلفت انا ما اسمح لنفسي إني أتفرج على رجال بس هذا في شي يخليني غصبن عني أشوفه غمضت عيونها هب نسيم بارد خلاها تحس برعشة بجسمها مع البجامة اللي لابستها برمودا ونص كم ...
اسمع صوت هشام ووو فتحت عيونها بسرعة ودقات قلبها تزيد يا ربي أحس انه هذا صوت فارس سمعته مره وحده وعلق ببالها فتحت عيونها وطالعت بسرعة لقت هشام وفارس جالسين في الحديقة
رجعت بسرعه على ورا وانصدمت بجسم ارتعبت
لفت لقتها هالة وشكلها كله نووووووم حمدت ربها انه هي مو غيرها
هالة: رنوو اش قاعدة تسوي هنا
رنا الله يعين اش بتقول: هااا؟ لا بس كنت قاعدة أشم هوا
هالة: احد يشم هوا بهالوقت ادخلي بس لا تمرضي إلا تعالي اسمع حشرة تحت مين فيه وهي تتوجه لناحية السور
رنا بسرعه سحبتها تعالي يا ذكية وين رايحة فيه عيال تحت
هالة طيب طيب بسم الله اتركي ايدي كسرتيها
انتبهت رنا اوووه أسفه بس خفت يشوفوك
هالة بنغزه يشوفوني ولا يشوفني
رنا متفشله لا بس خفت صديق هشام يشوفك
هالة يا عيني ومين يطلع صديق هشام هذا
رنا بحيا فااااااااارس خلاص ارتحتي
هالة سحبتها من يدها وسكرت البلكونة وودتها عالسرير اجلسي
رنا مستغربة اشفيييك؟؟
هالة اش كنت قاعدة تسوي براا
رنا ولا شي صحيت من النوم وطلعت براا أشم هوا وسمعت أصوات لقيت هشام وفارس رجعت لقيتك في وجهي
هالة ابتسمت بعذوبة ادري انك تحبيه وهذا مو حرام ولا عيب ولا غلط إذا احتفظتي بمشاعرك بس ممكن يتطور لحرام مو بس غلط لو عبرتي عنه أو اظهرتيه بغلط بس رنوو يا ويلك تسوي هبااااااالة
رنا هبالة في عينك يعني مثلا اش بسوي
هالة ما ادري عنك انتي لما تحطي شي ببالك تنسي الدنيا
رنا لا لا تخافي أختك عاقلة في هالأمور( ابتسمت ابتسامة تطمن) وانتي ليه صاحية في هالوقت
هالة اممممم ما نمت إلا متأخر تعرفي قلق وتوتر هالأيام
رنا طيب تعالي ننزل تحت انا جوعانة
هالة ولو دخل هشام
رنا يدخل ما بيقول شي
هالة اوكيه يللا
ونزلوا تحت هالة اووه نسيت شي بطلع أجيبه وأجي
رنا مو وقته هلوو بعدين
هالة إلا وقته تعبت عليه ابغا اوريك هو
رنا اوكيه بسرعه وطلعت هالة
تــــآبع ،،