[درة الاحساء]

فارس هشام جوعاااااااااان
هشام باستعباط طيب كل احد ماسكك
فارس والله آكل الحشيش ولا الورد لا يكون بقرة وأنا ما ادري
هشام الحمد لله انك دريت
فارس قووووم جيب لي شي بسرعة بطني تصفر
هشام والله ما حد قالك تقول ما أبغى عشا يعني انك ما أبغى أتعبكم
فارس قوووووم يا خي ذليتنا
هشام وهو ينسدح عالعشب والله هلكااان روح أنت
فارس لا
هشام ليه ما في احد الكل نايم وأنا مو قايم لا تحاول
فارس طيب روح تأكد
هشام أقولك ما في احد الكل نايم
فارس وإذا طلع احد
هشام اوهوو علينا يعني لو في احد بدخلك بعقلي انا
قام فارس - اوكيه لو شفت احد مسؤوليتك مو مسؤوليتي
هشام عشان اقلع عينك
فارس هههههههههههه
ومشى لين وصل المطبخ اللي واجهته عالحديقة لقى الباب مفتوح دخل
بسم الله مين هاذي
طرااااااااااااااااااخ طاح كاس العصير اللي كان بيد رنا
فارس أول ما شافها اصلاً نزل عيونه وجا يبغا يطلع
سمع صوت الكاس حسبي الله ما جا ينكسر إلا الحين هشام بيذبحني أكيد هذي رنا ولا هالة
فارس وعيونه بالأرض رجع ع ورى وطلع فوراً بدون ما يقول ولا كلمة
رنا كانت قاعدة تشرب العصير تستنى هالة ولما دخل انفجعت ومن الخوف
انكسرت الكاسه بيدها يا ربيييييي فشيلة يا ويلي من هشام لو قاله
اه يدي ودخلت هالة لقت رنا واقفة زي الصنم قدام باب المطبخ ويدها مليانه دم
صرخت رنو اشفيها يدك
رنا انتبهت اشش رخي صوتك انفضحنا
هالة ليه كل هالدم وشافت الكاسة كيف انكسرت
رنا ااااااااه يدي تعورني
هالة تعالي انظف الجرح كيف انكسرت الكاسة
رنا اسكتي قلبي وقف
هالة ليه
رنا وأنا قاعدة اشرب العصير واستناك دخل... دخل
هالة مييييييين حرقتي أعصابي
رنا بصوت واطي فارس
هالة فتحت عيونها ميييييييين
رنا وقلبها يد بقوة فارس صاحب هشام
هالة فارس فارس
رنا ايواا فارس ما غيره اشفيك انتي مو قبل شوي قلتلك انه في الحديقة
هالة ايواا بس اش دخله عالمطبخ
رنا واش درى ابوي انا نظفيه والله يدي تعورني
هالة تعالي أشوف وكان الدم ما زال ينزف والله جرح كبير وهي تحط المطهر
رنا اخخخ يعور وقفي الدم والله اخاف لما ينزل كذه كثير
هالة يللا ما بقي شي ولما خلصت حطت عليه شاش يللا قومي ناكل
رنا والله ما حط لقمه بفمي هالكيك المشؤوم
هالة ههههههههههههه اجل قومي ننام ورانا قومه بدري وشغل
رنا يللا وطلعوا كل وحده غرفتها


فارس الله ياخذ عدوك يا هشام الحين أكيد البنت انجرحت
ابتسم بس شكلها يضحك وهي خايفة
مع إني لمحتها لمح ولا ثانية بس يالله الله يعين اش بقول لهشام رجع
هشام أشوف يا بو الشباب رجعت بدري أكلت عالريحة
فارس اش هالورطة اش بقوله شفت أختك
والله لينحرني لا بس قلت برجع افطر مع أختي بعد الفجر
هشام احلف بس وتوك (يقلده) بطني تصفر
فارس هههههههههههه إيه غيرت رأيي مطبخكم يخوف
هشام لا والله
فارس إيه والله
هشام قم قم خلينا نمشي الصلاة ارحم من مقابل وجهك
فارس مشينا بس بكره لا تقولي ابغا أشوفك
هشام يعني أنه برئ انااا
فارس لا جدتي
هشام قوم والله فيني نوم
فارس يللا وقاموا
بعد الصلاة وهما راجعين
هشام فارس بكره بنطلع البلاد(الاستراحة)
فارس ما تبغا تقابل وجهي
هشام وأنا اقدر
فارس عارفك منت قد فراقي
هشام مشكلة الواثقين
فارس إيه بكره طالعين الاستراحة ليه
هشام اش ليه
فارس لا يعني قصدي انه الجمعه يوم الخميس في بيتك ليه خليتها في الاستراحة
هشام بكرة حفلة الوداعية حقت أختي وتعرف خرابيط البنات
وما يصير يكون في عيال في البيت لأنه البيت مليان بنات
فارس تذكر اللي شافها بالمطبخ آآآآآآآآ يا بخته عبد الإله
(( ما يدري اش مخبى لعبد الإله))
هشام ههههههههههه ما يصدق
فارس (وهو يفتح باب السيارة) يللا اجل مع السلامة
هشام فوداعة الرحمن أشوفك بكرة على خير
هشام ذكي ما فاته رفض فارس للأكل ولا كيف راح وكيف جا
بس أكيد بعرف دخل القصر وتوجه لغرفته وقبل ما يدخل تذكر رنا قال ببدل وأروح لها
رنا ما نامت على طول بعد الصلاة عكس هالة
اللي أول ما صلت حطت راسها ونامت من التعب والإرهاق
هاليومين هي ورنا بس يرتبوا للحفلة والفرح
رغم انه أكثر شغل الحفلة على راس رنا بس هم يوم الفرح وحده يكفي هالة
رنا كانت مسدوحه عالسرير وفاتحه الأبجورة
ابتسمت شفت فارس بس والله انه ولد حلال ما طالع ناحيتي على طول نزل عينه في الأرض
.. دق الباب
رنا استغربت مين يجي بهالوقت أمها قبل شوي ماره عليها ليكون
.. وقبل ما تكمل تفكير دق الباب مره ثانيه
رنا اعتدلت في جلستها ادخل
فتح الباب ومد راسه هشام صباح الورد رنووو
رنا آهلين هشومي تفضل ونسيت الجرح وطوايفه
وقامت رايحة تسلم عليه بوسة الصباح على قولتها "مشكلة أهل الدلع"
باست راسه صباح النور
انتبه هشام ومسك يدها وهو عاقد حواجبه اش هذا رنو
ارتبكت رنا هااا
هشام اش هااا اشفيها يدك وليه كل هالشاش
رنا وهي عارفة انه ما بيتركها إلا لما يعرف "هذا هشام"
ممما ما فيها شي بس أمس بالليل كنا انا وهالة بنرتب الشرايط وانجرحت بالمقص
هشام كل هالشاش على جرح بالمقص وفتح الشاش أشوف الجرح وهو يفتح جات يده عالجرح
رنا صرخت اااااااااخ اااااااااااخ يعور هشاااام
فتح هشام الجرح وكان كبير بس موعميق عقد حواجبه رنو هذا جرح مقص ها
رنا منزلة راسها إيه
هشام رفع راسها طالعي بعيني من ايش هذا الجرح
رنا استسلمت كنت نازلة المطبخ قبل الفجر آكل شي أنا وهالة كانت معي بس طلعت تجيب شي وترجع وأنا بشرب العصير شفت قدامي رجال انفجعت وطاحت الكاسة وانكسرت ..
مع انه الرجال ما طالع فيني وطلع فورا بس انا خفت..
هاذي كل القصة رنا ما تخبي شي عن هشام
يعني إذا تبغا تفضفض تروح له بس مواضيع كذه تستحي وتخاف أكثر منه
وطالعت فيه وهي خايفة من ردت فعله
هشام وأنا أقول ليه الولد رجع بسرعة بس الحق علي هو ما رضي وأنا خليته يروح : طيب تعالي أنظفه لك
رنا تنهدت الحمد لله ما عصب: ما يحتاج هالة نظفته
هشام لا بس ما يحتاج كل هالشاش انا بعدله وغمز لها وبعدين بكرة حفلة يعني شكل يدك مو حلو
رنا ضحكت هههههههه ليه عادي كلهم بنات نعرفهم
هشام ابتسم بخبث مو عشانهم عشان ما يقولوا أخت هشام هبلة
رنا طلعت عيونها لا ااااا والله يعني مو لله
هشام هههههههههههه اجل يللا يللا خليني انظفه وعالنوم
رنا اوكيه بس شوي شوي
ونظفه وراح غرفته ينام ورنا نامت

يوم الخميس الساعة 4 العصر
سعود وهشام كاشخين وواقفين تحت الدرج
سعود رنااااااااا هالووووو
هشام ياخي مو كذه الواحد ينادي
سعود تأخرنا عالشباب
هشام شوف وأتحداك لو ما نزلوا ونادى بصوت مسموع رنااااااااااااااااااااااا اااااي
سعود خيييييييييييبة من فين طلع هالصوت
هشام ههههههههههههههههه قول ما شاء الله
سعود ما شاء الله على ايش إن أنكر الأصوات لصوت الحمير
هشام هههههههههه بتشوف الآن بتنزل
نزلت رنا نعم هشومي
سعود الله ينعم عليك من متى وأنا أنادي
هشام تعالي حبيبي وين كنتي ما تسمعينا ننادي
رنا بدلع سوري والله ما سمعت إلا توي
سعود سوري والله ما يخرب البنات إلا دلعك يا( يقلدها) هشومي
هشام ههههههههه وأنت اش حارق رزك
سعود يللا بغيتوا شي لأن إحنا رايحين وما بنرجع إلا بالليل
رنا مشكورررررين ما نحتاج شي
هشام اجل يللا في أمان الله إذا احتجتوا شي دقي علينا
رنا إن شاء الله يعطيكم العافية ما قصرتوا
سعود وهشام الله يعافيك
سعود في أمان الله هشام يللا بسيارتي بنروح مع بعض شرايك
هشام مشينا


دخلت رنا غرفتها وفتحت الدولاب تطلع لها لبس مناسب للحفلة
اختارت لها تنورة كلوش لنص الساق لونها اخضر حشيشي
وأطرافها وردي وبلوزة ورديه وعليها جاكيت سديري بنفس اللون
ربطت شعرها ذيل حصان اللي يوصل لآخر ظهرها
وكحلت عيونها وحطت قلم اخضر وجلوس وردي
كفاية طلعت جناااااان أصلاً هي من غير مكياج تطيح الطير من السما
فكيف بعد المكياج
لبست صندلها وراحت تشوف هالة اش صار عليها
هالة كانت بغرفتها لابسة وقاعدة تسوي شعرها
كان لبسها بسيط بنطلون جينز كحلي وبلوزة ليموني..
حتى ميك اب ما هي حاطه غير مرطب الشفاه وشعرها رافعته بشكل عشوائي ..
وطالعة تجنن بشكل بريء دام فرحها بعد بكرة ما يصير تتكشخ
عشان يوم الفرح تكون لها طله دخلت رنا
هالة ابتسمت في اختراع اسمه دق الباب
رنا سوري خلصتي بسرعة ترى البنات اغلبهم جايين بدري
هالة حطت المشط خلاص يللا ننزل
رنا طالعت فيها بنظرة هالة ابتسمت اشفيك شكلي مو حلو
رنا دمعت عينها إلا يجنن وحضنتها ما ادري كيف بيصير البيت بدونك
هالة رنوو بديناااااااا
انفتح الباب بقوووة
: بووووووووووووو
رنا نقزت بسم الله اللهم سكنهم في مساكنهم
نورة يا عيني يا عيني عالرومانسية وبعدتهم عن بعض بعدي يا بنت وسلمت على رنا ازيك يا حببتشي
رنا هههههههههههههه بخير الحمد لله
وبعدين هالة ازيك يا عروس
هالة ههههههههههههههه بألف خير
ودخلوا خلود وسلمى ودعاء ومها وماريه والريم : اهليييييييييييييين
هالة ورنا أهلا وسهلا
وبعد السلام
دعاء ما شاء الله هالة محلوه وعرفنا عروس بس رنوو ليكوووووون - وغمزتلها-
رنا استحت وبغرور و دلع قالت من يوم يومي حلوة ما يحتاج أنخطب عشان أحلو
خلود قامت مسكتها من رقبتها يا ربي هالبنت بتذبحني من فين جايبه كل هالغرور والدلع
مها الله يخلي هشام
ماريه لا وأنتي الصادقة هشومي على قولتها
البنات هههههههههههههههه
رنا يا ربي اشفكيم علي اليوم انتي و سعود يعايروني بهشومي كأنكم أول مرة تسمعوها
ريم استحت لما جابوا طاري سعود خطيبها ..
وطارت لعالمها من زمان ما شافته مع انه خطيبها بس أبوها
متعقد من إنها تجلس مع خطيبها بعد الملكة هذا وهو ولد عمها بس هو كذا تفكيره
وهم عاذرينه أكيد في شي بباله بس الوحيد اللي مو قادر يستحمل هالوضع هو سعود ويا ما قام بمغامرات....
سلمى هههههه لا بس ودي أشوفك وانتي تقوليها له
رنا فالك طيب خليه يجي
هالة قوموا ننزل تحت الحين بيجو البقية
نورة يعني طرده
هالة هههههه ايواا
نورة افااا والله بس لأنك عروس بنمشيها لك
هالة جربي تقربي عشان اعلم عزيز
مها من الآن ما شاء الله محامي الدفاع بدا
هالة هههههههههه من زمااان
الريم اسكتي عزيز مطفشنا في البيت ما في إلا هلو وهلو
هالة فديت زوجي أنا
الريم وتتفدى بعد فينك يا خوي تسمع
الكل هههههههههههههههههههه
نزلوا تحت والبيت كان فاضي ما في ولا احد حتى عايشة زوجة سامي في بيت أهلها
والحريم كلهم راحوا بيت عمهم عبد الكريم يعني فللللللله كله بنات


سمر و سحر كانوا مع رنا بالمطبخ تجيب الحلا
سمر رنووو شفتي صحبتك دانة
رنا تقطع حلا جلد النمر ايواا اشفيها
سمر أخذت قطعة من الحلا وعطت سحر قطعة اممم
يقولوا انه البنات بالجامعة سوو حركات مالها داعي لما جا أخذها أخوها
رنا يدها على قلبها اللي بدا يدق بقوة اش سوو يعني
سحر هي ما عندها إلا أخ واحد صح اسمه فارس على ما أظن سمعتهم يقولوا
رنا تنرفزت وليه إنشاء الله فيلم هو عشان يتناقلوا أخباره صح قلة حيا
سمر وسحر طالعوا ببعض شدخلهم تعصب عليهم الحين
سمر وإحنا شدرانا بس هاذي في بنت اسمها دلال يقولوا سوت حوسه لما جا
رنا تفكر مين دلال
سحر وحده مطفوقه تخيلي طلعت جوالها وصورته اللين مشى قليلة الحيا
المشكلة انه شكله ما يعطي وجه أبداً يعني مو حق هالحركات
رنا ايواا أصلاً هو روح بالروح مع هشام
سمر طالعت فيها بنص عين وليه خدودك محمره
رنا اناااااااا
سحر وسمر لااااا اناااا
رنا هههههههههه
سمر لفت وجهها عليها رنووو اش قصتك انتي
رنا خدودها محمره ولا شي
سحر سحبت السكينة من ايدها وسحبتها معاها مع سمر وجلستها عالطاولة قولي أشوف بسرعة ليلى زمانك
رنا بحيا هههههههههههه امممم
سمر ابتسمت رنووو بسرعة
رنا تهوي على وجهها بالبلاستيك اللي يحطوه تحت صحون الأكل عالطاولة اففف حر
سحر عصبت رنووو
رنا هههههههههههه خلاص خلاص بقول
بعد ما قالت القصة كلها
سمر صفقت والله انك خطيرة هالفارس جاب راسك
سحر واااااو وناسه رنووو تحبي ما تخيلت
رنا مستحيه اششششش اسكتي انتي وياها
وبجدية أنا قلت لكم انتي وهي لأنكم مره قريبات مني بس توعدوني
ما تعلقوا ما ابغا احد يعرف أنا صحيح أحبه بس بقلبي ما ابغا الخبر
ينتشر كذا يكون ضميري مرتاح لأني ما بسوي شي غلط مو بيدي أحبه
وإلا لأ بس بيدي إني أحافظ على سمعتي وما أتصرف تصرفات غبية
سحر هههههههههههه شكلك داخلة علم نفس انتساب بالرياض
رنا تبعد شعرها وببتسامه لا من جد كثير ناس تفكيرهم الحب قلة حياا مو شرط إذا كنتي تحبي بصمت
هاله وقفت عندهم لا يا شيخه انتي وهي نستنا الحلا وانتوو طاقين حنك هناا
سمر وسحر ورنا فزو
رنا ههههههههه روحي جايبته وراك وربي
هاله طلعت
سمر وسحر ههههههههههه
سحر بسرعة كانت بتكشفنا
رنا وهي شايلة الصحن تدري هلوو ما اخبي عليها
سمر كويس يللا أحس كأننا بمغامرة كنز ما يعرفه غير إحنا الأربعة
رنا ههههههههههههه أي كنز
سحر بصراحة انه انتي يعجبك احد هذا بحد ذاته كنز
رنا الحمد لله ما كان ودي يعجبني احد بس مو بإيدي أكره حركات البنات أحب وما أحب سخافة والله يضحكوا على أنفسهم بعدين
صوت هاله جاهم بنااااااات بسرعة
رنا ههههههههه يا ويلنا

وعالعشاء كانت الصالة مليانة كل البنات جوو
هالة قاعدة تتكلم مع البنات ورنا قاعدة تحكي الريم عن آخر مقالب سعود
والريم "مبسوطة الأخت" دخلت الخدامة دارت عليهم بالعصير وضيفتهم
سحر وهي تاخذ العصير بنات خلينا نطلع براا الحديقة
سمر نبغا نسبح
رنا اوكيه ما في مشكلة غيروا ملابسكم ويللا
الريم حرام عليكم اصبروا شوي أنا دقيت على عبود"عبد الإله" يجب لي لبسي نسيته بالسيارة
نورة لا والله آنسة ريم لمتى نستناك
الريم ما بيطول الله يخليكم اصبروا
رنا طيب ما في مشكلة
هند صاحبة رنا الروح بالروح دايماً يزوروا بعض ومرة يحبوا بعض
هند كانت تعبانه بس جات عشان خاطر هالة ورنا
كانت مزكومة وحرارتها مرتفعة وهي أصلاً تجيها أزمات ربو
هندوون ملامحها ناعمة مرة وشعرها بوي تحت إذنها بشوي
بس مرررررررة ناعم ولونه بني غااامق وكانت لابسة فستان فيروز
وبلا أكمام وعليه جاكيت قصير بأكمام لونه سكري وجزمه سكريه على الأرض
وخشمها محمر من التعب
رنا هندووووون فديتك حبيبتي شكلك تعبانه
هند وهي تمسح انفها تعبانه بس اش أسوي ما اقدر ارفض لك طلب
رنا تسلمي حبيبتي
عفوره هندوون قومي نطلع براا قبلهم ترتاحي شوي بالهوا
نهى لا والله وأنا وين رحت
عفوره هههههههه تعالي انتي بعد يا غيورة
نهى ابتسمت اكيد بجي
قامت هند
عفوره لحظة رنو وين الرسمه اللي زخرفتها هالة وقالت بتورينا هي
رنا فوق حتى أنا لسى ما شفتها وتذكرت أمس بالليل لما شافت فارس بالمطبخ هالة كانت رايحة تجيب شي وهو هذي الصورة كانت صورة رنو وصحباتها وهما ماسكيين بعض في يوم التخرج من الابتدائي وهالة تعرف تزخرف وتبروز بالصوف طلبوا منها تسويها فسوتها لهم ابتسمت بنفسها يا ربي كيف أحب هالإنسان
عفوره بطلع اجيبها تعالي معي رنو
رنو يللا
نهى وأنا
عفوره بمزح افففففف متى تنتهي غيرتك انتي
نهى ههههههههههههههههه مالها نهاية
هند خلاص أنا بسبقكم وكانت من جد تعبانه مره
طلعت مشت بالحوش وراحت جهة النافورة بالوسط
كان شكلها طفولي وهي بتحط يدها بالمويه
سمر طلعت معهم وهما طالعين دق تلفون الصالة الفوقيه
رنا دخلت جناحها مع عفرا ونهى سمور حبيبتي ارفعي التلفون شوفي مين داق
سمر اوكيه رفعت الوو
:................
سمر بصوت أعلى الوووووووووو
:................
سكرت السماعة
رجع دق رفعت الوو
المتصل:............
سمر الوووووو
المتصل:...........
سمر اففففففف سكرت السماعة بوجه المتصل شكله واحد فاضي ويستهبل
رنا طلعت مع البنات مين سمور
سمر بطفش واحد فاضي
رجع دق التلفون سمر والله لأوريه يستهبل على مين رفعت الوووو
المتصل الووو
سمر وجع إنشاء الله وين جالسين إحنا داق عالناس تستهبل عليهم
خالد استغرب مين هذي لا رنا ولا هاله كذا احمممم لو سمحتي عطيني هشام وإلا سعود
سمر بحده مين أنت وعارف انه بيت خويك وتستهبل عليهم صح وقاحة
خالد جاته الضحكة مين انتي ما اعرف انه خالي عنده بنات كذا
سمر عرقت يا ويلي لو يكون واحد يعرفهم مين أنت
خالد ....أنا خالد ولد عمتك
سمر فتحت فمها ورمت السماعة عالأرض
رنا ههههههههه مين
سمر ما ردت
رنا رفعت التلفون الوو
خالد عرفها رنا بنت خاله الصغيرة قال بأدب ههههههههههه ايواا رنا هشام وسعود ما هم فيه
رنا وصوتها عادي حتى تحاول إنها تخشن صوتها الناعم قالت بحزم ايواا مو موجودين
خالد اهاا طيب بالله مين هذي اللي ردت علي
رنا طالعت في سمر اللي وجهها احمر ونهى وعفرا يعلقوا عليها هذي سمر بنت عمي
خالد هههههه ليه كانت معصبه كذا
رنا في واحد كان يستهبل يتصل وما يرد وبعدها أنت اتصلت على بالها أنت
خالد هههههههههههه اوكيه مع السلامة
رنا مع السلامة قفلت وراحت عند سمر ههههههههههه فضحتينا
سمر منحرجه اااا اسكتي لما قال لي خالد ولد عمتك انحرق وجهي
رنا ونهى وعفرا ههههههههههههههههههه
رنا تعالوا ننزل هندون تستنانا
.
.



توقعاتكم الحفلة بتعدي على خير؟؟ وش هو اللي مخبأ لعبد الإله؟؟
.
.
من صمم على بلوغ الغاية استهان بالوسيلة. ( مثل فرنسي ) .<<< نهاية الجزء الأول