[لامارا]

البـــ[12]ـــارت
مشكوووووريين حبايبي من جد من جد فرحاااانه ع ردودكم وتوقعاتكم ولا تعزلوون جبت لكم البارت


راح عبد الرحمان لبيت بو امجد
امجد يفتح الباب : حيا الله من جانا
عبد الرحمان ابتسم: الله يحيك
امجد: تفضل
دخل عبد الرحمان المجلس حق الرجال وسلم ع بو امجد بعد السؤال عن الحال والأحوال وتعشوا بو امجد مارضى لعبد الرحمان يروح لبيته خلاه ينام عنده...
امجد: يلا دحوم قولي علامك اليوم
عبد الرحمان: مانسيت
امجد: لا ولا بنسى اخلص عليّ
عبد الرحمان: قبل ما اجيك كنت عند ابرار في بيت بو عبد السلام<< عبد الرحمان مايقول لأبوه يبه يقوله بو عبد السلام
امجد بلع ريقه: وو هناك اكيد مرة ابوك عطتك من الكلام الي يسم البدن
عبد الرحمان نزل راسه: اي
امجد يغير السالفة: الا شخبارك انت وريم
عبد الرحمان تذكر الي سواه اليوم وقعد يضحك: ههههههههههههههههههههههههه ههه
امجد : باسم الله انجنيت ايش فيك تضحك
عبد الرحمان : هههه تخيل اليوم الصبح ارسلة اثنين من الحرس يخربون سيارة عادل والسواق عشان اقدر اكلم ريم
امجد: هههههههههههههههههه الله يقطع شرك طيب كلمتها
دحوم بحماس: ههه اي الله يقطع ابليسها تخيل مهربه جوالها
امج: ههههههههه والله مو بهينه ريمو
دحوم يدعي العصبية: احترم نفسك وقول حرم عبد الرحمان مو ريمو
امجد يضحك: بأي قانون خليتها حرمتك
دحوم بثقه: اي حرمتي ولا انا غلطان
امج: هههه اقول رح نام احسن لك اخاف صرت تهلوس
عبد الرجمان: هههه عن اذنك بروح الحمام —اكرمكم ال لله—
امجد يتثاوب: اذنك معاك
طلع دحوم<< ع فكرة تعبت وانا اكتب عبد الرحمان فابكتب دحوم اسهل لي اوك
وراح للحمام — اكرمكم الله — اول ماطلع طلع جواله من جيبه=مخباته ودق ع ريم
&&& في بيت بوعادل &&&
في غرفة ريم بالتحديد ..
رجعوا من الفله وع طول دخلة غرفتها وبدلة ونامت سمعة صوت جوالها فتحة عين ومسكرة عين
ريم: مين الي يدق بذا الوقت شافة الساعة 12
ريم: الوو
دحوم: الووو هلا ريوم كيفك؟؟
ريم فتحة عيونها: عبد الرحمان
دحوم: عيونه
ريم: انت موشايف ان الوقت متأخر
دحوم: لا عادي الساعة12
ريم: الساعة 12 عادي
دحوم: اي
ريم: تيب ايش تبي؟؟
دحوم: مابي شيء
ريم: عجل ليش داق؟؟
دحوم: عشان اسمع صوتك
ريم: لا ياشيخ
دحوم: والله العظيم
ريم: تيب انا ابي انام
دحوم: نامي حد قلك لا
ريم: تيب يلا با
دحوم: لااا ع كيفك تقفلين
ريم ببرائه : انت قلت نامي
دحوم: انا قلت نامي ماقلت قفلي الجوال
ريم: لا ياشيخ تبيني انام والجوال في اذني
دحوم ببرود: اي
ريم: عبد الرحمان انا من جد تعبانه وبكرة عندي مدعسة ومادري ايش بليييز سكر
عبد الرحمان: هههههههه مدعسه
ريم ابتسمة: تيب يلا باي
دحوم: لا
ريم: افففف
دحوم: افين يلا نامي
ريم: ماقدر
دحوم: خلاص اجي واعلمك كيف تنامين ترا والله اسويها
ريم خافت يسويها لأنه مجنون : لالالا خلاس خلاس بنام
دحوم ابتسم: زين يلا نامي
ريم سكتت
دحوم : ريم
ريم: همم
دحوم: سكري عيونك
ريم سكرة عيونها
دحوم: يلا نامي
سمعة صوت تنفسه يهدى
قعدة ريم نص ساعة تحاول تنام
سمعة صوت عبد الرحمان: آآآه
ريم نقزة: عبد الرحمان فيك شيء
عبد الرحمان ابتسم همس لها: تخافين عليّ؟؟
ريم حمرة خدودها: لا بس
عبد الرحمان : بس ايش؟؟
ريم: بس .. اصلاً حتى لو سمعت ولد جيرانا يتألم بخاف عليه
عبد الرحمان بخيبه: افف اوك
ريم : يلا عاد ابي انام زين
عبد الرحمان : اوك يلا باي — سكر في وجها—
ريم"اففف لا يكون زعل…وانا ايش علي منه احسن لي" ونامت
(اليوم الثاني: الأثنين)
الكل راح المدارس والي راح للجامعات والي راح لدوامه…
&&& في المدرسة المتوسطة الأهليه ... &&&
..: واحد اثنين ثلاثه ..ترررررررررررررررررن
البنات: هييييييييييييييييييييييه
المعلمه: بس يابنات لسا ماخلصت الشرح
.. تناظر ساعتها: اتوقع ان حصتك انتهت والحين وقت الفسحة = الفرصة. فماله داعي نقعد اكثر من كذا
المعلمه: ريوووووف احترمي نفسك
ريوف عطتها طناااااش وطلعة من الفصل وبعدها تجرؤ البنات وطلعوا والمعلمة تصرخ فيهم
دانه: هههههه والله انك خطييييرة شوفي البنات كيف طلعوا
ريوف: هذا من حقهم صح
دانه: صحين
&&& في المدرسة الثنوية الأهليه... &&&
... بحقد: شوفي شوفي كيف مسويه شعرها مسويه فيها الشعر الناعم ولاهو كله استشوار
ولا البنات الي معاها ع بالها انهم جين علشانها مادرت ان علشان امول
...: مناوي اسكتي بتفضحينا
منى: آآخ ياخلود قاهرتني ع بالها انها بذي الحركات بتجذب طلال تخسي وتعقب طلال لي والله بيكون لي
خلود: خلاص اسكتي
...: هاااي بنات
خلود: هااي رزون
رزان: شفتو خولة
خلود: نو
رزان تلتفت لمنى: هاي منى
منى لفت عليها بدون نفس: هاي
رزان: اوك بنات اذا شفتوها قولو لها اني أبيها سي يو
منى+خلود: سي يو
في جهه ثانية
...: رييييم
...: والله ان ريم هنا وتسمعك
ريم: هههههه تيب ايش كنتي تبين حياتي
... باستهبال: انا حياتك يالله شقد هالكلمه أثرت فيني
ريم: ههههههه اقول اخلصي عليّ
..: ……… لا رد
..: سحور ان ماتكلمتي راح اتوطى في بطنك
سحر: هههههههههههه خلاص خلاص بتكلم
ريوم وينها امول؟؟؟
ريم: تكلم ميّ
سحر: اها... — صرخة — مياااااااااااامي
ميامي نقزة: بسم الله ايش فيك؟؟
سحر تسدحة من الضحك ودمعة عيونها من كثر الضحك
ميامي: مافي شي يضحك
ريم تضحك: هههههههه الاانتي
ميامي: خلاص عاد
&&& في جامعة البنات …&&&
…: رنود شفتي رغد؟؟؟
ريناد وهي تشرب كافي: نو
…: اففف وينها ذي تعبت وانا ادورها
ريناد: نورة لا تصدعين راسي روحي دوريها وانت ساكته
نورة: طيب طيب شربي بس شربي
ريناد ولي بدة تعصب: نووورة بلعي لسلنك احسن لك
نورة خافت من عصبية ريناد : آاوك سي يو
ريناد ماردت عليها
راحة نورة
وجت جنا وقعدة قدام ريناد : سلااام
ريناد: وعليكم
جنا: علامك متضايقه؟؟؟
ريناد بضيق: من هذي الدكتورة الخايسه
جنا: ههههه وش سوت لك بعد؟؟؟
ريناد بقهر : الزفته فشلتني قدام البنات كلهم
جنا: ههههههههههههههههههه
ريناد ضربة الطاولة بقوة بيدها: جناااااا اسكتي
جنا بلعة لسانها من عصبية ريناد
ريناد قعدة وهدة: بس والله لأوريها الدوقز لتندم انها حطة راسها براسي
جنا: وش بتسوين
ريناد: بعدين بعدين
جنا: والله خايفه من الي بتسوينه
ريناد ضحكة ضحكت شر: ههههههههههههااا
جنا خافة من جد ع الدكتورة من ريماد لأن ريناد لا حطة حد براسها تنتفه تنتف
… بعد صلاة العصر…
&&& في بيت بو عادل&&&
في الصاله بالتحديد...
قاعدين يشربون الشاهي ويتفرجون مسلسل
كان في الصالة بو عادل و عادل وريم
جت تهاني وبعدة ريم عن ابوها وقعدة هي جنبه
بو عادل: خيير ؟؟
تهاني بدلع مايلبق: ايش في حبيبي ابي اقعد جنبك
بو عادل: لا لاتقعدين جنبي دام بنتي جنبي
تهاني تتخصر: ليه لا مو زوجي ليش عادل وريم جنبك وانا لا وين تبيني اقعد انشالله
بو عادل: لأن ذولا عيالي وانتي اقعدي في اي مكان مو لازم جنبي
تهاني: وانا زوجتك وانا ما احب اقعد الا جنبك
بو عادل بحده: تهاااني قومي
تهاني: اففف
بوعادل : افيين
تهاني قامت وهي مبوزه وزعلانه وطلعة لغرفتها
بو عادل سحب ريم من ايدها وضمها من الجنب وباس خدها: محد بيفرقني عن بنتي حبيبتي
ريم ابتسمت
عادل: يلا ريم حبيبي
بوعادل: ع وين انشالله
عادل: يبه انا وريم بنروح بيت جدي
بو عادل: اها الله معاكم
ريم: بروح ابدل واجي
عادل: اوك بسرعه
راحت ريم لغرفتها تلبس : لبسة تيشيرت تب وردي وفوقه جكت نص ابيض وبرمودا جنيز واسوارة عريضة ورديه وحلقان مدور وردي سوت شعرها ذيل حصان وحطة قلوس وردي وتعطرة ولبسة نعال— الله يكرمكم— كعب ابيض اخذة شنطتها البيضا واخذة نظارتها الشمسيه البيضا وعبايتها ونزلة عند عادل
ريم ببتسامه: انا خلصة — ناظرة لبس عادل — كان لابس تيشيرت بربري ازرق و احمر وفاتح ازاريره الأولى وبنظلون بلاك ومحطي بإيده ربطة حمرا ولابس ساعة بلاك وكاب بلاك ..
ريم بأعجاب: واااو لبسك مرا نايس
عادل ابتسم: وانتي مرا جنان يلا حياتي عشان مانتأخر
ريم : تيب — لبسة نظارتها ومشت قبل عادل—
عادل ابتسم— لبس نظارته الشمسيه البلاك—
&&& في قصر بو وليد&&&
ريوف قاعدة مع وليد ويزيد يتفرجون فيلم هندي...
يزيد: ريوفه وين نورة؟؟
ريوف وهي منسجمه : مادري مادري
يزيد: ريووووووووووف
ريوف وليد نقزو.. ريوف: خير يادوقز
يزيد: هههههههههههههه
وليد بقهر: سخييييييف
ريوف تكمل: بقووووووووووة
يزيد: هههههه المهم وينها اختك
ريوف: في بيت عمتي
يزيد: اي وحدة
ريوف: عمتي ام راكان
يزيد: اها
ريوف: انا طالعه
وليد: ع وين؟؟؟
ريوف: بروح لعامر
وليد: ترا راسه مصدع من امس من يوم رجعتي من بيت صاحبتك
ريوف: ههههههههههههههههههههه
وطلعة عشان تجنن عامر
&&& في قصر بو نواف&&&
في الصاله باتحديد...
كانت ريناد تفكر كيف تنتقم من الدكتورة
ريناد" والله ما اخليها ان ما علمتها الأدب وانحو ماأكون انا رينادو…" دخل طلال وهو يصفر شاف ريناد
طلال : سلااام
ريناد مو معاه: …… لا رد
طلال استغرب: رينادو
ريناد:….… لا رد
طلال: علامها ذي رينااااااااااااد
ريناد نقزة : بسم الله خييير شايفني افكر ليش تزعجني
طلال يحط رجل ع رجل : وش تفكرين فيه يابزنس مان
ريناد طنشت كلامه: طلول حبيبي
طلال: خيييير؟؟
ريناد تربعة ع الكنبه بحماس: في وحده دائماً تضايقني شسوي لها؟؟
طلال: علمي الأدارة
ريناد: لا هاذي دكتورة
طلال: نعم؟؟
ريناد: تخيل اليوم هاذي الدكتورة فشلتني قدام البنات ودائماً كل ماشافتني تفشلني وتطردني من المحاضره
طلال : انت وش مسويه ؟؟
ريناد بكذب: ماسويت لها شيء بس علشانها حاقدة عليّ من زمان علشاني كنت اصفر وقت المحاضرة
طلال: مشالله عليك ماسويتي شيء
ريناد تهز راسها ببرائه
طلال: بس هذا مو سبب يخليها تحقد عليك لهدرجه
ريناد بالرتباك: ها الا
طلال: ناطرها بنص عين : رنود مسويه شيء ثاني انتي
ريناد ببرائه تهز راسها بلا
طلال بحده: رييينااد
ريناد ابتسمت : بس غنيت اثناء المحاضرة
طلال : بس
ريناد باندفاع: اي لأنه محضرتها تجيب المرض والمغص ووو الحمام
طلال فطس ضحك: هههههههههههههههههههه ههههههههههه وش ذا بعد الحمام؟؟
ريناد: عاد انت افهمها
طلال: طيب والمطلوب مني؟؟
ريناد تحمست زيادة :ابي اسوي لها شي تندم انها حطت راسها براسي
طلال: اها وتبين مني انا الحل
رينا: صححح علييك
طلال : عطيني اسمها الثلاثي
ريناد: وين حنا فيه في مدرسة
طلال: عطيني وانتي ساكته
ريناد: اسمها وجدان انس ال..…..
طلال : اوك خلاص شليها من بالك وخليها عليّ
ريناد: ايش بتسوي؟؟
طلال وهو طالع الدرج : مالك دخل
ريناد: طلا اففف ودي اعرف ايش بيسوي
&&& في قصر بو سالم&&&
امل تكلم ريم بالجوال...
امل: رمروم ليش متجين عندنا
ريم: سوري حياتي بس انا الحين وصلة بيت جدي
امل لفة وجها: اها اوك حبيبتي اخليك سي يو
ريم : سي يو
&&& في بيت جد ريم&&&
بعد ماسلمو ع الكل طلعة سارة وريم لغرفة سارة وصارو يسولفون
سارة: اوف اوف امانه جاء لين مدرستك
ريم: اي والله
سارة: الكلب طيب قولي لعادل
ريم: لا والله لاموت
سارة: ريوم حبيبتي انتي لازم تقولين لعادل
ريم : سارهـ
طق طق طق<< صوت الباب خخ
سارة بصوت عالي: امون دخلي
دخلت اماني وسلمة عليهم بعد السؤال عن الحال وا الأحوال
ريم: جت عمتي؟؟؟
اماني: نو
ريم بخيبه: ليييه؟؟
اماني : مصدعه من ذا البزر تميمو<< اخوها
ريم: الله يعينها عليه
(اليوم الثاني: الثلاثاء)
راحوا كل واحد علا روتينه اليومي الي راح للمدعسه والي راح للجامعه والي راح لدوام
يعني روتينهم اليومي
…بعد صلاة المغرب …
&&& في قصر بو عبد العزيز&&&
فيصل يدق باب جناح امل...
فيصل: اموول
امل فتحة الباب: نعم؟؟
فيصل: البسي صاحباتك تحت
امل : صحباتي؟؟ بس انا ماعزمت احد
فيصل: يقولونرجايين لك مفاجئه
امل: اها
فيصل: البسي احلا شي عندك
امل: طيب بس ليه؟؟
فيصل: مادري بس كذا
امل: اوك
راحة امل ولبسة : فستان بنفسجي غاامق قصير لفوق الركبه وملفوف ع جسمها وفي فيونكة تحت الصدر طالعه وااو ومرره هادي وناعم سوت شعرها كيرلي وحطة قلوس وشوية بلشر وشدو بلاك ورسمة حواجبها
شاينيز لبسة كعب بلاك مرااارعالي تعطرت وصار شكلها مراااااا نااااايس ناظرة نظرة اخيرة لها في المرايه ونزلة من الدرج باستقامه وهي رافعه راسها
انفتح الباب اكبير واول مادخل جمدة مكانها ماقدرت تتحرك او تنطق بحرف ……
انتهى البـــ[12]ـــارت
اتمنى يعجبكم
التوقــــــــعـــــات
1- طلال ايش بيسوي لدكتورة وجدان؟؟؟
2- مين الي طلع من الباب؟؟؟
اراكم ع خير… مو مستغنية عن ردودكن وتوقعاتكم وبليييز مابي احد من ورا الكواليس وبث
مع تحياتي: جذابة والعيون غلابة ^_^