[ayoosh206]

كل سنة وانتو بخير وصحة وسعادة يارب

زى ما هو باين من العنوان بالظبط ازاي تكتشفى خيانه جوزك ليكي فى 10 نقطة :

1 _ الموبايل ... بيحطله كود سري . ميتفتحش غير برقم سري

2 - الموبايل بيبقي في وضع صامت في بعض الاحيان من غير مبرر واذا سألتيه يقولك مش عارف بقي صامت ازاي .. سبحان الله يا اخي

3 - اذا رن الموبايل يروح باصص عالرقم ويقولك .. واحد صحبي مش عايز ارد عليه . رغم انك مسألتيهوش

4 - الموبايل مبيفارقش ايده لانه خايف يقع في ايدك و تكتشفى او تستنتجي حاجة

5 - يمسك الموبايل و يوصلك انه فاتح الاله الحاسبة او موقع اخباري و هو بيرد على المسجات الي بتيجي . وكل شوية يرميلك كلمة تخص الاخبار او اي حاجة تاني .. أل يعني بيقرا و منفعل بالاخبار الي بيقراها ..

6 - لو لاقاكي مسكتي الموبايل في لحظة غفلة منه .. يحري عليه يقولك هاتي صحيح . ده انا لازم اكلم كذا . او البرنامج الفلاني بيتحمل . اوعي تفتحي حاجة

7 - اول ما يفتح عينه الصبح يمسك الموبايل يشيك على البريد الوارد و الرسائل الواردة

8 - لو لقيتي اسماء غريبة على موبايلة .. مثلا ابو ملك .. ابو بدور .. حروف انجليزي كانها اسم شخص اجنبي . كدا يعني

9 - اذا كان بيستني نومك او انشغالك بفارغ الصبر عشان يقعد عالنت براحته

10 - لما تلاقي البريد الوارد سواء عالموبايل او الفيس بوك او الايميل ممسوح اول بأول . و الصادر و الوارد من موبايله

لو عندك 3 نقط من دول موجودين في جوزك انتبهي

لو 6 شغلى خاصية الانتباه و التركيز و التفحيص و التمحيص و حطي الضحية في دماغك


لو اكتر من 6 ... حضري الاكياس البلاستيك و السكينة المسنونه .. و الديتول عشان تطهري مكان الجريمة


وربنا يقدرنا دايما على فعل الخير

منقول من الفيس للامانة