[لامارا]

**البارت الثاني**
حين نكون موجوعين من الداخل نبكي من أشياء لا تسبب البكاء أصلا !

جالسة على الكنبة في الحديقة ودموعها تنزل بدون توقف وتتذكر الموقف يوم كلمت ابوها

جوري : يبه لو ماتزوجته ____________ / قاطعها )

أم محمد بصرامة وغضب على غير عادتها : لو ماتزوجتيه دوري مكان تضفي روحك فيه هذا البيت انسيه

جوري : يمــــه .... أنا ، ( انصدمت من كلام ابوها اللي ماتوقعت بحياتها تسمعه

بومحمد : اذا ماتزوجتيه لا انتي بنتي ولا أعرفك وانسي أن عندك ام وأبو واخوان سمعتي ومثل ماقالت امك دوري لك بيت تضفي نفسك فيه

أم محمد : هذا نهاية دلعك لها صارت تعصيك وماتطيعك

جوري انصدمت !!! أنا أنا حبيبه أبوها ودلوعه امها !!! أخر العنقود !!! الكل مدلعني وطلباتي أوامر !! أنا يقولو أني عاصيه وماأطيع ابوي !!

مادرت شترد ولا شتقول

تقول : ( يبه اللي تبيه يصير انا ما أعصيك وأسمع كلامك ، أوكي تامر أمر ، ممكن تسمعني حبيبيى تختبر مكانتها عند ابوها !!

حست صدرها مخنوق ويضيق ونفسها قل وعيونها غارقة كأنها تهددها أنها بتطلع كل اللي بداخلها ما انتبهت انهم طلعو من الصاله كل شي تشوفه ضباب مثل اللي تحسه بقلبها كل شي في حياتها صار لونه اسود كل شي انتهى خلوني تركوني وأنا دلوعتهم وحبيبتهم حست بدموعها بتبدا تبحر حاولت توقفها بس كل هذا مامنع ان دمعة تنزل قطع صحت على صوت على صوت خالتها اللي نبها من اللي اهي فيه ريتاج :كلوووووووووووش ألف مبروك
وانا على وجههي ستين علامة استفهام وخوف :وش فيه !!
ريتاج:شفيك بكرة زواجك ماتبيناه نفرح فيك وضمتها لين صدرها وهي تشوف اثر دموعها يااي على دلع البنات ترى انتي مو اخر ولا أول وحده تتزوجين وحبيبتي هذي سنه الحياه يلا بلا دلع قومي معاي

جوري اااه دلع بنات ياخالتي اي دلع هو بقى فيها دلع اي دلع وانا مغصوبه اي دلع وانا بتزوج واحد يصير ولد عدو ابوي حتى ماشفته في حياتي ااااه ياخالتي وبعد دلع : وين نروح مابي اروح مكان مالي خلق تعبانه شوي

ريتاج : ياعيني على الدلع ماتقولي لي شتعبانه منه لاجهزتي وتعبتي نفسك كل شي علينا ماتقولي لي شتعبتي فيه يلا عاد قومي معانا الحديقة بكره زواجك وقاعده بروحك يلا حبيبتي قومي خلف الله علي انا ليله زواجي اقوم وانظف معي امي واشيل بهالاغراض وانتي تعبانه ومالك خلق يلا

جوري بضحكه : هههه خالتي الزمن يتغير
ريتاج بقهر : ايه الزمن يتغير الزمن مايتغير لاتحطون كل شي على الزمن انفوسكم اهي اللي تتغير مو الزمن يلا ترى فرح بتمشي زوجها الحين جاي لاتأخرين البنت يلا قومي سلمي عليها
جوري بتعب : ان شاء الله

جوري مشينا للحديقة وانا مالي خلق اصلا مابقى شي واصير زوجته مابيه ياناس ودي الاقي احد يفهمني امي تقول لي اذا تزوجتيه ضفي نفسك معقوله امي اللي مدلعتي اخر دلع تطردني عشان واحد مايسوى حتى ظفري واحد يصير ولد عدو ابوي ولا ابوي يقول لي انا بري منك ليوم الدين لو ماتزوجتيه وانسي ان عندك ابو وام واخوان ولا أخوي فارس واخوي الياس يقولون لي شوفي لو ماتزوجتيه خذي اغراضك وانقلعي لين الشارع وحتى لو شفتينا مانبي حتى سلام منك ولاخالتي ريتااج تقول لي بلا دلع اااه القاها من وين ولامن وين كل اللي حولي صارو ضدي كل اللي حسيتهم انهم يحموني اذا جار علي الزمن واقفين ضدي لمين اشكي ااه مافي الا فرح وجنان اختي ومحمد اخوي وزوجته فاطمة اهم الوحيدين اللي واقفين معاي ومو راضين على اللي يصير فيني محمد كلم ابوي بس من يكلمه ابوي يصد عنه ومايعطيه وجه فديتك يابو جاسم انت الوحيد اللي حميتني وحاس فيني اااه منك يازمن تخلي اللي عمرك ماتوقعته يوقف ضدك يصير بيتبرى منك !!!! وضلنا الحديقة وانا مو حاسه بنفسي شفت كل اللي موجودين ناظرتهم بأبتسامه حزن تعكس كل اللي بداخلي اول من ناظرت ناظرت امي كنت اتمنى اشوفها مبتسمه لي بس شفتها تناظرني وبعصبيه وبعيونها جووف من القهر علي شفت خالاتي وكانو مبتسمين لي وبالاول قامت خالتي رشا وباستني وهي تقول لي :
كلوووووووووووش ألف مبروك
يالغالية واخيرا تحققت امنيتي وانا اشوفك عروس وهمست لي والله كنت اتمنى تصيري زوجه جابر ولدي بس للاسف سبقوني يالغالية قلت في قلبي ياليت ياخالتي على الاقل جابر يصير ولدك بيحن علي وبيحميني اكثر من الغريب ياليت بس رديت عليها : الله يبارك فيك سمعت
امي تقول لها : والله ياختي تعرفين كل شي قسمه ونصيب وبنتي قمر الكل يبيها والله يعوض ولدك بالي احسن منها بس ما أظن يلاقي ولا أنا غلطانه يارشا

رشا بأبتسامه تحمل كثير من المعاني : لا ياختي كلامك صح وين يلاقي مثل هالقمر كامله والكمال الله جمال ودلال ومال واخلاق الله يعوضه خير ، بعدها قامت خالتي ناديه وسلمت علي وهي تبوسني : الف الف الف مبروووك يالغالية وبهمس محد يسمعه غيري حبيبتي انا ادري انك انتي ونواف تحبو بعض بس مو كل اثنين يحبون بعض يتزوجون وان شاء الله تتوفقين مع اللي بتتزوجينه لا تحزنين نفسك

جووري تذكرت نواااف ااااه ياقلي شكثر احبه هالانسان وينك يانواف ليش ماوقفت بوجهم ورفضت وصارخت وكلمت ابوي ليش ليش من وين نزل عليك البروةد وخليتهم يسون بحبيبتك جي معقولة صدقتهم ان انا موافقه اااه ياقلبي المكسووور من يداويك !!! سمعت صوت اصغر خالاتي صوت خالتي دانه وهي تبوسني وتحضني وتقرص خدي : ياااا فدييتك جوجو كبرتي وبتتزوجين ههه تذكرين يوم كنا نلعب بالحوش الحين بتتزوجين ههه بس تدرين ماقول الى الله يعين اللي بياخذك ياالدلووعه الف الف مبروووك مبرووك لو اعرف اكلوووش مثلهم كان هههه

جوري بأبتسامه حزن وضحكه : هههه انتي ماتجوزي من سووالفك الله يبارك فيك ويابخت اللي بياخذني هه سمعت صوت صديقتي ورفيجه دربي وتوام رووحي ووه فديتها : جوووري يالدبه سلمتي على الكل ونسيتي صديقتك راحت الصداقه وهي تتصنع الزعل مابي هنت عليك يالدبة
جوري وهي تحضن فرح : ههه انا مودبه لامانسيت الصداقه وفي احد ينساك يالغالية انتي اللي نسيتيني جيتي من شهر العسل ونسيتي ان عند صديقه تحبينها هه مفروض انا اللي ازعل واتضايق
فرح : ههههه بل بل كل هذا شايلته بقلبك يمه منك بس وهي تشوف جوالها اللي يرن يلا جوجو انا تأخرت على مازن وهي تبوسني اشووفك بكرره ياعرووسه باااي
جوري : ههه روحي لاتتأخري على الحبيب اخاف يزعل علينا باايات حسيت بيد جنان على كتفي وهي تهمس : فدييتك يالغالية شفتي شلون تقدرين تنسين جوري التفت لجنان وهمست لها : بس ياختي انا مانسيت انا تناسيت
وعااانا عن كلامنا صوت الصراخ اللي جاي من المجلس الخارجي ركضناا لين اهناك انصدمت يوم شفت ابوي بيمد يده على محمد ركضت وقفت جدام محمد وجا الكف في وجهي انا تألمت وانا ابكي : يبه لا هذا ولدك يبه هذا محمد اللي عمره ماعصاك لايقص عليك بليس يايبه وتمد يدك عليه لفيت لمحمد : وانت ياخوي ياعزوتي لاتزعل ابوي عليك وانا السبه تراني ماأستاهل اللي تسويه عشاني وقال تعالى (لن يصيبنا الا ماكتب الله لنا ) واذا ربي كاتب اني اخذه باخذه لو شنو يصير واذا ربي مو كاتب لو الكل يبيني اخذه ماباخذه لا تعصي ابوي عشاني يابو جاسم ومعروفك مابنساه على الاقل ماهنت عليك مثل ماهنت عليهم وانا أناظر الياس وفارس اللي يناظروني وعيونهم تطلع منها الشراار وخصوصا ان عيال خالتي كانو هناك بس أنا ماأنتبهت انا وجنان وامي ركضنا من غير مانحس وخالاتي دخلو داخل من جي ماسمعو الصوت ناظرت اولاد خالتي وانا اهمس : السموحه ماكنت اعرف انكم هني اسفه وطلعت من المجلس ودموعي تتساقط وانا اذكر قسوه ابوي على محمد اللي كان دائما حنون معاه واحن واحد بخواني على ابوي ونظرت الياس وفارس اللي ممليه بالشرار وموجهه لي انا انا اللي احبهم انا دلوعتهم اااه ااه يازمن ياغداار وانا اتذكر نظره ابوي ماوعيت الا على امي وهي لافه وجهي وماحسيت الا بالكف اللي من قوته طحت على الارض امي ماهمها اذا تألمت ولا لا نزلت لمستواي وعطتني كف ثاني وثالث وجرتني من شعري وجنان تركض وراها وتقول لها : يمه الله يخليك هذي جوري دلوعتك شلون تهون عليك يماااه تكفين ماكنت اسمع شي بس كنت اتألم بس طق امي وانا مسكره عيني وابكي امي عمرها ماصارت قاسيه علينا ماوعيت الا انا بغرفتي ومقفول الباب شفت امي عطتني كف ثالث ورابع وهي تنادي : فاارس فااارس سمعت صوت فارس يقترب من الغرفه : امري يمه امي : فااااارس اسمع ادب هالي ماتستحي طالعه قدام اولاد خالها وخالاتها بهالشكل لاحيى ولا مستحى وواقفه بوجه ابوك شفت فاارس يناظرني بخبث خفت من نظراته وانا اسمع صفقت الباب يوم طلعت امي شفته يقرب لي وهو يصارخ : انتي شلون شلون تدخلي بهالطريقه وتوقفي بوجه ابوي تدرين انك مو وجه الدلع اللي دلعناك اي فاارس اخووي اللي يحبني بس غيووور غيوور بشكل فضيع ممكن يذبح اي انسان من شده غيرته وشلون انا طلعت قدام اولاد خالي بدون حتى عبايه ماحسيت الا بضربه في كل جسمي ماحسيت الا بالالم طحت على الارض وانا اتألم والدم ينزل من خشمي ماوعيت الا على صوت الياس وهو يجر فاارس ويصارخ : انت جنيت مره وحده شفيك فارش ذي اختك وحتى لو غلطت ودخلت قدام الناس مو بهالطريقه تضربها عيب ترا نسيت يافارس انها جوري هذي اختك دلوعتك سحباه من يده وطلعه براا الغرفه بكيت وبكيت ماحسيت الا ببكاء جنان وهي تحط الثلج عند خشمي وعلى الكمدات اللي بوجهي وظهري وانا اتألم وهي تحظني وانا ابكي بحضنها : جناان اااه حرام عليهم انا مدري ان في احد في المجلس انا خفت على محمد لانه ماله ذنب ليش امي بهالقسوه وليش فارس طقني جي انا اخته معقوله ماهقيت يكونو قاسيين علي جي اااااه
جناان : اوووووش اوووووش اووووش جووري حبيبتي خلاص هدي نفسك ربي بياخذ حقك لانك مظلومه يلا قومي تأخر الوقت لازم تنامين وعيونها تدمع بكرا ملجتك يلاا يلا حبيبتي مسكت يدها وانا حتى مو قادره اشيل نفسي انسدحت على السرير وكل ذره من جسمي تألمني ونمت وانا خايفة من بكررره خاايفة من يوم وفاتي !!!!!

........

فرح طول الطريق وهو يصارخ صكني رأسي دخلنا بالمواقف اللي في بيت أهله
لأن عيشين معهم أبشركم أهله ما يطيقوني ماعدا اخته شهد وابوه لا من ولدهم ولا من أهله أخذت شنطتي ونزلت بسرعة البيت وانا اسمع امه تسب فيني لاني ماقلت لها عن زواج جوري ولا عزمتها ماسلمت عليها بست راس عمي وماسلمت علينا لين تحترمني بحترمها تمادت صارت تسبني وتسب امي وتتبلى علي دخلت الجناح وجلست على الكنبه وانا ضايق خلقي كل شي بحياتي اهي تختاره حتى لارحت السوف بشتري ملابس تروح معاي وهي تختار لي ولين اخذت شي بدون ماتدري تتبلى علي عند مازن ويمد يده علي بسبتها واذا مالبست الملابس اللي اهي تختارهم تخلي مازن يخليني البسهم غصب وياليت ذوقها حلو مايعجبها الا الجلابيات اللي تجيب المرض حتى اثاث جناحي اهي اللي اختارته البيت كله خدم ساعات ترسل الخدم الا بنته وبنته مو محتاجتهم وتخليني انظف البيت كله طفشت وزهقت لو ما حبي لمازن اللي معذبني كان ماقعدت ولا دقيقه عندها انسانه مسيطره لا تطااق وهو دلوعها ماقدر اتكلم عن امه الا طقني دورت اكره اثاث واختارته لجناحي يجيب الحزن انا وجوري نتفق ان احنا مانحب اللون الاسود بس اهي تدري اني ماحبه
وعطتنا الجداران أسود والسرير أسود وفيه لون خفيف ابيض وكنب
أسود وجلسه أرضيه وفي جدارتق بالترابي الميل علي بيج وفيه لوح ومكيف
مزعج وحمام أبيض يجئ الهم وغرفة ملابس ضيقه مافي مكان حتى المهم دخلت الحمام واخذت شور
دافئ يعوضوني عن شكه وغيرته وطلعت من الحمام الله يكرمكم و نشفت شعري اول ماتطلع من الحمام غرفة الملابس بعدين المنظرره والطاوله بعدين غرفه النوم لبست قميص فوشي طويل حرير واكمامه سيورفتحت الصدر دائريه ومو صغيره واجد فتحت شعري ماحب اسشوره اهو ناعم خله يجف بروحه لقيته واقف وبيده جواله وباين انه معصب سحبني من يدي بشده ولصقني بالجدار وهو قريب مني يمه باين انه معصب شد على كفتي اللي شوي وبينكسر رفعت راسي له وانا خايفه أنا قصيرة ماوصل لطوله فكرت انا شسويت عشان يعصب يمه منه انا عارفه انه معصب
مازن العرق يصب من رقبتهمن العصبيه : انتي شلون تسلمين على ابوي وماتسلمين على امي
فرح عباله بسكت له اهو وامه اللي شايفه نفسها وداايماا تعطيه افكار غلط عني رفعت حاجب وانا خايفه بس مستحيل اسكت له : امك اذا احترمتني بحترمها
مازن شديت على كتفها وانا حاس ان عظامها بتطيح من كثر ما أنا شاد : كل شي الا امي تحترمينها غصبا عليك وعلى عشرة من امثالك
فرح انا ببروود عشان اقهره : كيفي اسوي اللي ابيه
ماحسيت الا بيده على خدي ( ااااه )
ناظرته ببرد : عاادي تعودت لو تذبحني مابتهمني
لفيت راسي شفت امه فاتحه الباب وتناظرني بسخريه حزتها كان ودي ابكي من الاهانه وكرامتي بس حاولت اتماسك وانا اسمع امه : يووه اسفه قطعت عليكم بس ياولدي يامازن انا تعبانه واختك خذت الخدم عشان عندهم عزيمه والبيت وسخ عقب مازارونا اخوانك ماأقدر أنظفه
شفته وهو قاعد على الكنبه ويدخن وحاط رجل على رجل ماكأنه ماد يده علي ولا هامه : افا يمه ولايهمك فرح موجوده ناظرني بنظره استحقار يلا قومي ماسمعتي عمتك تقولك انها ماتقدر تنظف يلا قومي نظفي
حسيت بالقهر وناظرته ببسمه : ههه تحلم انا مو خدامه
ماحسيت الا بيده تجرني وقطني على الارض قدام رجل امه : يلا قومي بلا مرادد واذا ماقمتي بتشوفي شي ماشفتيه بحياتك
ذااك الوقت تراجفت من الخوف انا خايفه اللي سواه ذيك المره يكرره مره من المرات امه جت كعادتها وهي تتحجج انها ودت الخدم لبنتها ولما مارضيت انظف اخذ السيجااره وطفاها فوق سري بشووي ااااه قمت وانا بموت من الخوف ومشت وراه امه واانا حاسه اني بدون كرامه بس والله ماأطوفها له

.............................

مهمه موت توقعاتكم

وهذا البارت بمناسبه العيد اعذروني لانه قصير بس بطلع لين السوق بخلص باقي اغراضي

كل عام وانتم بخيرر

ودي