[لامارا]

**البارت الثالث **

أخبرتني الحياة ذات ليلة ان ليس كل مانريده ونحلم به ونحبه نحصل عليه احيانا يحدث العكس !

فتحت عيني وأنا أتخيل أن كل اللي صار حلم وأني باحصل اللي ابيه وبتزوج الانسان اللي احبه وأن ابوي اللي مدلعني وانا اعز وحده على قلبه ماصارخ علي و ما بيطردني من البيت لو ماتزوجت اللي هو يبيه ولا ناظرني بنظره ماعمره ناظرني فيه نظره حسستني اني ولا شي عنده ، وأن امي ماطقتني وجرت شعري وصارخت علي في يوم وقالت اذا ماتزوجت اللي يبونه انساهم وانها مانادت اخوي عشان يطقتي وأن فارس اللي يموت فيني ماكان امس بيذبحني ولاكان هو مع الياس يناظروني بذيك النظرات وأن محمد اخوي ماكان ابوي بيطقه علشان انه عارض على اللي بيسوونه فيني بس للاسف كل هذا صار وبالضبط لما سمعت صوت باب غرفتي ينفتح وتدخل جنان غمضت عيني بسرعه قلت يمكن لاجت جنان ووعتني من الحلم اللي انا فيه صدق يكون خيال لكن جناان قالت : جوجو حبيبتي قوومي يلا الكوافيره برا تنتظر تتروشي عشان تسوي شعرك وتحط لك مكياج يلا
فتحت عيني وهي تدمع : ليش ؟؟
ناظرتني جنان بصدمه : شنو ليش حق تجهزك لين زواجك يا أحلى عروسه
غمضت عيني وأنا أهز جنان من كتوفها : هههه اي زواج ياربي عليك جنان هذا حلم انتي ليش مو راضيه تصدقين صدقيني حلم ليش مو راضيه تصدقين أنا عارفه ان اليوم زواجي بس في الحلم زواجي كان واحد ثاني بس في الواقع زواجي من نواف حبيبي مو جنان

جنان لا هذي مو جوري أختي مستحيل تكون جوري ماعمرها مرت في هالحاله حظنتها وأنا أهمس : جووري ياقلبي كل شي في هالحياه قسمه ونصيب وربي مو كاتب انك تتزوجين نواف ربي كاتب انك تتزوجي واحد ثاني يمكن يكون احسن واطيب ويعجبك وتعيشي حياه سعيده معااه ويمكن اثنين يحبون بعض يتزوجون وهم يموتون في بعض وحياتهم كلها مشاكل ربك كاتب تاخذي واحد ثاني يلا حبيبتي اليوم ملكتك مفروض تتجهزي واي بنت اليوم ملكتها بتكون مشغوله يلا حبيبتي مانبي نتأخر على الكوافيره تراها مستعجله يلا بدلي حبيبتي

جوري ناظرت جنان وعيوني تاييه موو معقوله هذي اختي جنان اللي تحبني وتموت فيني معقووله صدمتني منها اشكي لها واني احب نواف وبدل ماتواسيني تقولي قومي قومي بدلي مايصير نتأخر على الكوافيره معقووله ناظرتها وهي حاظنتني وتناظرني بنظره حنان دزيتها بسرعه ناظرتني بصدمه فتحت باب الحمام ( الله يكرمكم ) بعصبيه وسكرته بقووه غسلت وجهي وأنا امسح دمعتي اللي نزلت غصباا علي وأنا اناظر وجهي وانا منصدمه من الهالات السوداء اللي تحت عيني من التعب حسيت بألم في بطني ناظرته بصدمه وانا اشوف الكمدات منتشره فيه هذا من شنو انا ماطحت !!! رفعت شعري عن وجهي وانا اقكر تذكرت اي صح هذا طق فاارس لي دمعت عيني معقوله فارس اخوي اللي اموت فيه اللي مدلعني يسوي فيني جي ناظرت وجهي ملامحي الباهته ماكني انا جوري الاوليه وانا اشوف خدي المحمر هذا من ضرب امي بكيت وضحكت بنفس الوقت انا دلوعه ابوها اللي اي احد يحاول يطقها حتى لو سوت خطأ وهي صغيره ابوي يعصب ويصارخ ومستحيل يخلي احد يطقني تنضرب وابوي رااضي !!اااه ااااه

جنان ناظرت يدي اللي كانت طايحه من وقت اللي دزتني جوري معقوله جوري تدزني وانا اختها واعز الناس لها ليش انا شسويت لها انا احبها مو كافي اني ضحيت بحبي علشانها معقوله تسوي فيني جي انا اموت فيها ولا ارضى عليها ليش عااد وعيت على صوت باب الحمام ( الله يكرمكم ) وهو يتسكر بقوه شفت جوري وهي تناظرني بنظرات احتقار ماكأني اختها كأني عدوتها !! شفتها فتحت باب غرفه الملابس ودخلت طالعت مكانها بأستغراب اللي ابي اعرفه انا شنو غلطت فيه عشان تزعل علي رحت وراها لين الغرفه وانا اهمس: جوجوو حبيبتي شفيك ليش دزيتيني وتناظريني بهالنظرات انا ماسويت لك شي حبيبتي . شفتها تناظرني بأستحقاار حاولت اتمسك ومااعصب هذي اختي حبيبتي : جوجو يلا ياقلبي لبسي عشان مانتأخر على الكوافيره تبين اناديها
ناظرتني بنفس نظرتها وقالت بعصبيه : اعتقد ان انا عندي لسان اقدر ااناديها مو محتاجه لخدماتك فهمتي والحين طلعي برااا

تخيلت ان اللي سمعته موصدق انصدمت من جووري اشرت على نفسي وانا اهمس : جوري انتي تطرديني انا ؟؟!!!
ناظرتني بنص ابتسامه وهي تقول : هه اي اطردك انتي ليش مو مصدقه انتي امي ولا ابوي عشان مااطردك يلا براا دزتني لين ماوصلت لين الباب ودزتني براا غرفتها وهي تقول : ها انا طلعتك برا غرفتي والحين ماله داعي اوصلك لين برا الجناح يلا طلعي بنفسك وسكرت الباب بعصبيه
سمعت صدى صوتها وانا منصدمه جوري تطردني انا جلست على الكنبه وانا مومصدقه !!
جوري سكرت الباب وانا مغمضه عيني وهي تدمع انا طردت اختي جنان انا اموت فيها بس هي هي اللي جرحتني انا اشكي لها بدل ماتهون علي تقولي يلا عشان مانتأخر بس يمكن اهي ماغلطت انا غلطانه لاني معصبه ظنيت فيها هالشي وهي اكثر وحده تحبني لا لا مستحيل اهي تقصد اصلا انا متأكده انها ماتحبني مثلهم دخلت غرفه الملابس وانا غارقه بالتفكير اللي مادري وين بوصلني !!!

..........

فرح @ مازن

فرح دخلت الجناح وانا هلكانه من التعب جسمي احسه بيتكسر شفت مازن نايم على السرير ولاكأنه سوى شي اااه ودي اذبحه من القهر فتحت باااب الحمام ( الله يكرمكم) وفتحت الماي واندمجت قطرات الماي مع دموعي امه هلكتني ماخلت ذره في جسمي صاحيه لفتني على البيت كله والبيت مو صغير فله كامله ثلاث ادوار ماخلت مكان ماخلتني انظفه ااه جسمي تكسر كنت اخاف اقولها لا وتقول لولدها هي تدور علي الشاره وانا عارفه مازن مابيقصر بالي بيسويه فيني غمضت عيني بتعب وانا هلكانه كنت اتذكر كلماتها مع بنتها لمن كنت انظف الحوش وهي تقول : هههه لاياحبيبتي امك موسهله الخدم عطيتهم اجازه ابيها هي تشتغل محد بيسنعها غيري صدقيني بربيها من اول وجديد بطلع اللي سوته امها فيني من عيونها ههه لا قاعده تنظف الحوش اي تعرفين امك مو سهله لا هه تمنيتك موجوده وهو قاعد يطقها علشاني شعور لايوصف حزتها ههه لا افااا عليك تنظف الفله كلها ولامكان تخليه ههه شعبالك امك هه اي خلاص بعدين اكلمك هذا الكلام هزني معقوله انا صرت لعبه بين ايدينها حسيت بالاهانه من اللي صاار مو قادره استحمل الا عشان مازن وبس بس لو زودها خلاص بترك البيت له انا مو بنت شوارع عندي ام وابو واخوان مابيرضون لي في عيش الذل بس شنو ظرتها امي فيه ليش شسوت لها فشلتني اااه نزلت دموعي بغزاره وانا اتذكر صديقتها يوم تجي سألتها من هذي قالت لها : خدامتنا الجدديده كنت بقوم اذبحها لو مامسكت نفسي ااه اااه لبست روبي وطلعت من الحمام وانا اشوفه يصلح شعره عند المرايه ولا كأنه مسوي شي ولاحتى عطاني وجه دخلت غرفه الملابس اخذت بجامه حرير صفراء ولبستها عشقي اللون الاصفر وكنت اتمنى اصبغ جناحي فيه بس امه الله استغفر الله مابي العنها الله يهديها هي اللي سوت جي في جناحي وعفسته لي طلعت من غرفه الملابس وانا مخليه شعري بدون اي شي حتى يجف بروحه ماحب اجففه انا طلعت برا الغرفه عرفت انه طلع من الجناح جيت بنام على السرير خلاص حاسه نفسي بموت من الم كل ذره من جسمي وتعبانه من الليل مانمت والعصر ابي اروح لين جوري الليوم ملجتها مابي اخليها بروحها شفت تلفوني عشر مكالمات من جوري معقوله ماشفتها قلت اللحين بنام بعدين بكلمها قطيت نفسي على السرير الا اسمع صوت امه وهي تنادي : فررح فررح ووجع ياخذك قولي امين عساك الماحي نزلي حضري الفطور الخدم موهني من القهر خذت المخدات وحطيتهم على اذني خلاص ماعاد اتحمل انا تعبانه بيتعبها يعني الفطور اف ولا علي منها ببين اني نمت غمضت عيني وانا افكر ونمت بدون ماحس

في غرفه الطعام

ام مازن وهي تكلم مازن وتمثل انها تبكي : شفت شفت زوجتك تحقرني الحين زوجتك تحقرني انا امك جنتك ونارك وهي تستغل نقطه ضعف مازن لانه يموت فيها معقوله ياولدي هنت عليك انا ماحبيت اقولك اليوم يوم تنظف كانت تقولي : انتي ياعجوز النار انا مابنظف عشانك صدقيني اطلع كل هذا من عينيك فاهمه اهئ اهئ ياولدي مااتوقع اني اهون عليك .......
ماامداها تكمل كلامها الا اهو ركض على الدرج ابستمت ابتسامه النصر هه عبالك بخليك تنامي يافروحه صدقيني لاهلك حتى ملجه جووريووه ماخليك تروحين صبري علي بس حلو ان بومازن مسافر عشان يفضى لي الجو هه

مازن دخل الغرفه وهو معصب واللي زاد عصبيته ان فرح نايمه راح لها وهو معصب جرها من شعرها فتحت عينها بخوف وهي تناظره ماوعت الا على طراقه اللي خل راسه يطيح على السرير وهو يصارخ : انتي شلون ماتسوين الفطور وامي تناديك وتحقرينها وهو يجر شعرها هااه انتي شلون تسوين هالشي وشلون تقولي لامي ياعجوز النار وتهددينهاا عطاها كف ثااني ودموعها اكثر دليل على اللي في قلبها : اهئ اهئ حراام عليك انت ماعندك احساس ماازن انا فرح فرح حبيبتك فرح اللي تبيع الدنيا وتشتريك تسوي جي انت تدري ان انااا انا فرح المتربيه اقول لامك عجوز النار انت صدقت انت نفسك تصدق اني اقول هالكلام انا رضيت لنفسي الاهانه ونظفت البيت كله ولا قلت شي بدل ماتشكرني وتقول ماقصرتي حبيبتي مو كفايه تحملت اهانات امك ماكفاااك اهئ اهئ مابسامحك اهئ
ماحست الا وهي في الطابق الاول وقدام امه وهو يقول : يمه جبتها لك بتسوي الفطور وبتعتذر لك يلا اعتذري
ناظرته بصدمه وسحبت يده عن شعرها وهي تصارخ : لاعاد طالت وشمخت انا مااشتغل عندكم ولا خدامه جايبينها من المكتب انا بنت عايله وابوي وامي مايرضون بالي تسوونه فيني وانتي خالتي اذا تبين خدم ترى بجيب لك لكن ماتسويني شغاله انا نظفت علشانك خالتي ولك احترامك لكن بعد كل هذا مستحيل اتحمل ناظرت مازن مازن ورقه طلاقي توصلني بيت ابوي حياتنا مستحيله ولا المحاكم بينااا ركضت على الدرج ركض وراها من غير مايحس بنفسه دخل الغرفه عباله تمزح انصدم وهو يشوفها تسحب شنطتها وتاخذ الملابس من غرفه الملابس وتحطهم بالجنطه وهي تبكي سحب يدها جمبه وهو يرفع راسها : فرووحه قلبي يهون عليك تخلين حبيبك يالغاليه وانتي تدرين انه مايقدر يعيش بدونك يهون عليك
ناظرته وعينها مليانه دموع : اي يهون علي مثل ماهان عليك تهيني وتسويني شغاله مثل ماهان عليك تطقني قدام امك مثل ماهان عليك تجرني من شعري وانا نايمه مثل ماهان عليك امك تتطنز علي قدام خواتك وتهيني مثل ماهان عليك تطقني مثل ماهان عليك اهئ اهئ خلاص مااازن انا صبرت وتحملت لاني احبك بس انت ماتستاهل كل هالحب انت ماتساهل وهي تجر شنطتها بتطلع من الغرفه سحبها من يدها وحطاها على صدره وهو يهمس : سمعتي دقات هالقلب بتوقف اذا خليتيه بيوقف
ناظرته بخوف وحزن ودموع وهي تحط يدها على فمه : اووووش لاتقول هالحجي اسم الله عليك لاتقول جي حراام لاتقول اهئ اهئ
حط راسها على كتفها : اذا ماتبيني اقول هالحجي لا تروحي وتخلي هالقلب وحيد
ناطرته وهي تهمس : بس ماقدر اعيش مع قلب يهيني حتى لو احبه سحبت شنظتها وقفها صوت ضربه قويه التفت وراها وهي تشوف مازن طايح على الارض ركضت له وهي تصاارخ : مااازن مااااااازن حبيبتي ماااازن

..............................

محمد@ فاطمه

محمد وهو قاعد على السرير وحاط يده على خده من وقت ماجا من بيت ابوه وهو على هالحال فاطمه وهي تطلع من الحمام وتنشف وجهها بالفوطه وتقعد على السرير وتمسك خصلات شعره الناعمه : حبيبتي شفيك ياقلبي هونها وتهون ترى مافي شي فهالدنيا يسوى زعلك يالغالي
محمد وهو يحط يد فاطمه على يده ويضغط عليها : فااطمه ابوي ابوي كان بيمد ايده علي قدام اخواني وعيال خالاتي وخوالي لوماجوري ابوي يموت فيني كان بيهنيني جداامهم كلكهم فااطمه انا مو مصدق ابوي يافاطمه هذا ابوي زعلان علي !!

فاطمه ويدها تألمها من ضغط محمد بس ماشالتها يمكن هالشي يخفف عليه : حبيبي لاتشيل هم صدقني ابوك ماسوى جي الا كان معصب ولا هو مستحيل يمد يده عليك وبعدين هذا ابوك حموودي يمون لاتسوي في نفسك جي

محمد بحزن : بس ابوي اكيد زعلان علي وما بيسامحني بس يافاطمه هذي اختي اانا ماحب اشوف الخطا واسكت الساكت عن الحق شيطان اخرس وانا مابي اكون شيطان لو واحد غريب ومظلوم بوقف معاه وبدافع عنه شلون اختي صعبه يافاطمه صعبه !!

فاطمه بأبتسامه وهي تحضت كتوفه بين يدينها : هذا الشي اللي يحببني فيك انك ماتسكت عن الحق حبيبتي ولاترضى بالخطأ وربي اكيد راضي عليك لانك ماسويت الا الصح وابوك اكيد هذي لحظه غضب وبس والانسان مو معصوم عن الخطأ واذا غضب يفقد اعصابه صدقني انه مو زعلان يمكن بس حاز بنفسه ان ولده العود رفع صوته عليه انت اليوم ملكه جوري تكشخ وتسنع وروح ولاكأنه صاير شي وبوس راسه واستسمح منه وجوري اكيد بتفرح هذا قضاء الله وبتسنانس انك معاها حبيبي يلا روح الحين احلق حتى تروح الملكه

محمد وهو مغمض عينه ومبتسم وباس خد فاطمه : ريحتيني الله يريحك دنيا واخره يالغاليه من دونك مادري شكنت اسوي

فاطمه بأبتسامه خجوله : لاحبيبي انا ماسويت شي اذا ماوقفت مع زوجي الغالي اوقف مع من واساند من ؟!!

محمد بأبتسامه : فدييتك يلا انا بقوم ابدل واروح الحلاق عشان اراضي ابوي يلا معسلامه

فاطمه بأبتسامه رضا : الله يحفظك حبيبي

..........

بيت بونواف

ام نواف وهي تحظن ولدها : حبيبي الزواج قسمه ونصيب وربي مو كاتبه تاخذ جوري وربك مايسوي شي الا فيه خير يمكن لو اخذتها ما تعيش بسعاده حبيبي اذا انت بتسوي بنفسك جي شتبي البنت الفقيره اللي مالها حول ولا قوه تسوي يلا انت رجال امسح دمعتك حبيبي ورح ساعد بيت خالتك في التجهيز للعرس يلا حبيبي

نواف ببحه يتميز فيها : يمه انا احب جوري احبها هي روحي هي خاينه تتزوج واحد ثاني هي دلوعه ابوها اكيد هي راضيه على الزواج ومو مغصوبه اهي ماتستاهل حبي حسااافه وانا مابنزل دموعي على وحده مثلها حسافه ضيعت دره من ايدي يلا يمه انا بروح اجهز معاهم اوثقي ان ولدك مايبكي على بنت مهما كانت اهي

ام نواف بفرح وحزن في نفس الوقت : حبيبي ولدي الله يوفقك ويرزقك بالي احسن منها بس ترى انا متأكده انها مالها ذنب وهي تستاهل حبيبي عمووما يلا روح ساعد اولاد خالتك يلا حبيبي

نواف وهو مومقتنع بكلام امه : ان شاء الله يمه معسلامه

ام نواف: في امان الله

...................

نادر

بونادر قام من على طاوله الطعام : نادر تعال المكتب ابيك بموضوع

نادر : ان شاء الله يبه التفت على امه تهقين شيبي ابوي

ام نادر : مادري بس يمكن يبي يكلمك بخصوص ملجتك

ندى : اكييد بيعطيك هديه ملجتك مو انت دلووعه

نادر بعصبيه وهو يناظر ندى : انتي جب سمعتي مايهمك اذا تكلمت مع امي انتي ماتتدخلي

ندى بدموع : مشكوور اخووي ركضت على الدرج وهي تبكي

ام نادر : نادر شفيك على اختك ماقالت شي اذا انت معصب لا تحط حرتك فيها هي تنزل القبشه والشوكه الحمدالله

نادر وهو يبوس راس امه : اسف يمه كنت معصب بس ولا يهمك بروح لاوبي وبعدين براضيها

ام نادر بأبتسامه : هذا ولدي حبيبي

نادر بأبتسامه تدووخ : عن اذنك يالغالية

نادر توجهت لين مكتب ابوي وانا متأكد انه بيكلمني بموضوع الملكه اليوم انا فرحان اني باخذ البنت اللي دخلت راسي مع اني بخليها بس ابجوره في البيت وبتزوج ثانيه بس المهم ماحرم نفسي من شي ابيه انا نادر الراسي محد يقدر ياخذ مني شي ابيه صدق انا مابي اعذبها بس وعدت ابوي وماخلف بوعدي دقيت باب المكتب

بو نادر : تفضل

نادر وهو يقعد على الكرسي : زاد فضلك يالغالي امرني

بونادر وهو يسترخي على الكرسي : مايامر عليك عدو اسمع انا رضيت تاخذ بنت عدوي وطبعا انت عارف اني مستحيل ارضى بهالشي بس لانك ولدي الكبير ومابي ازعلك وانت اقرب واحد لي في اخوانك واي ي يدخل راسك ماحرمك منه من جي رضيت ولا كان مستحيل ارضى عارف ولا لا

نادر : عارف يالغالي

بونادر : المهم انك عرفت هالشي بس انت بعد عارف اني مارضيت الا بمقابل انك تعذب بنته وتحرمها من ابسط حقوقها اللي اهو العيال تعطيها حبوب منع حمل ثانيا تتزوج عليها بنت عمك جود وتخليها خدامه عندها ببساطه تعذبها وتهينها يعني تاخذ حقي من ابوها

نادر برضا وبتأنيب ضمير : ان شاء الله يبه تامر امر عن اذنك

بونادر : تفضل

نادر طلعت من المكتب وتأنيب الضمير قاعد يلعب فيني عقلي يقولي ماااسوي جي بنت الناس مالها دخل بالي يسويه ابوها ولا لها دخل بعلاقه ابوي بأبوها مسكينه مالها اي ذنب حرام اعذبها وقلبي يقول لي بلا تستاهل هي بنت ابوها ولها ذنب انها بنته وانت وعدت ابوك وانت رجال ماتخلف بوعدك يانادر ولازم تعذبها وتكسر راسها وتخليها بس مزهريه لك تشبع منها وبس اااه بس طلعت لين سيااارتي وانا متوجه للحلاق وفي بالي الف فكره وفكره

.............................

انتهى البارت

اعتقد انه طويل بما فيه الكفايه تعبت وانا اكتب فيه لاني بكره واللي بعده مابنزل لاني مشغوله بالمذااكره

اتمنى يعجبكم

لاتحرموني من توقعاتكم

اعذب الود