[لامارا]

السلام عليكم ورحمة الله وبركاته

~البارت الخامس ~


توقفت سيارة الهمرامام الفلة العريضة المطلة على ساحل البحر واخذت نظرات نواف تتأمل الأنوار اللي خارجه من المجلس الخارجي الذي يدل على ان صاحبها جدا فرحان انفتحت البوابة العريضة بعد ان شافه الحارس


فتح باب السيارة ةاخد يجر خطواته الثقيلة عبر الممر ويقرا الايات التي حافظها لانه ممكن بأي لحظة يخرب الملجه
صوت خطواته مسموع بوضوح وهي يصعد درج المدخل الرخامي استعان بالله واخذ نفس عميق ورسمه ابتسامة غامضة مخفية الالم الدخلي ..ودفع باب المدخل بيده الباردة من اول مادخل لفت الانظار له بسبب مركز ابوه وهيبته جدامهم ..

قال بصوته اللي يتميز بالبحه : السلام عليكم

رد الجميع : وعليكم السلام والرحمه ....... نظر اليه الياس وهو يسلم عليه .... حيااك تفضل ياصديقي العزيز اليوم صاير رزة

ابتسم وهو ماله خلق : أنا طول عمري رزه ماجبت شي جديد !!

الياس بأبتسامه : تعجبني ثقتك

نظر للياس وهو يحاوب يخفي ارتباكه جلس على الكنبه وهو ينظر للناس اللي جالسين في المجلس وينظر لبو الياس اللي مبتسم .... ضغط على يده بقوه وهو يحاول يخفي الم قلبه رفع عينه وهو ينظر لملامح الياس يبي يعرف اذا يشبه جوري ولا لا على الأقل يكون احد معاه كأنه جوري حبيبته كان حاس بالحر ومخنوق .... مو من حرارة الجو ..... من حبه اللي ضاع من يده .... وهو بالنسبة له أن كل شي تحطم خطرت بباله فكره وهو يتذكر أن فارس يموت في البنات ... ومايمر يوم واحد الا تعرف على الاقل على خمس أو سبع !! ضغط على كتف الياس وهو يهمس : أنا بروح للحديقة عندي مكالمة ضرورية .... رفع الياس نظره لنواف : انزين بس لاتتأخر أنا ماعرف اقابل الناس بروحي ... نواف : ان شاء الله دقايق مابطول قام من على الكنبه والكل التفت له وهو يقول بصوت مسموع : اسمحو لي عندي مكامله طويلة البعض قال ......خذ راحتك والبعض تفضل خرج برا المجلس وهو يحس نفسه مخنوق رفع راسه للسماء وهو يشوف قطرات المطر بدت تتساقط والجو شاعري لو كانت اليوم ملجته كان طلع هو وجوري بهالجو الحلو بس( ليس كل مايتمناه المرء يدركه) ضغط على راسه وهو يحاول يبعد جوري عن افكاره بس هيهات أن جوري تبتعد عن تفكيرة ولو لدقيقة وحده رفع موبايله وهو يدور رقم جنى سمع صوت جنى يرد عليه : هلا نواف
نواف بضيقة : هلا جوري
جنى بصدمه وهي تبلع ريقها : نواف شفيك أنا جنى مو جوري
نواف بهمس وارتباك : آسف كان عبالي جوري اخت خالد صديقي
جنى أنا اكثر وحده تعرفك يانواف ماتعرف تجذب : نواف لحظه بطلع برا ماينسمع من صوت الموسيقى
نواف وفكره في باله : اوكي عجل تعالي الحديقة
جنى باستغراب : الحديقة ليش ؟؟
نواف : ابيج بسالفه جنى بلا اسأله بايخه تعالي ولا ترى ياويلج
جنى بقهر ومراعاه لاخوها : نواف لاتهدد دقيقه وبجي بلبس عبايتي بالاول
نواف : بسرعه لاتتأخري
جنى توها بترد الا سمعت صوت القطار وبقهر : أنا ابي افهم اذا اهو غضبان ليش يحط الحره فيني !! مشت بخطوات اصواتها واضحه من الكعب اللي لابسته على مدخل الصاله وهي تاخذ عبايتها وتحط شيلتها على راسها وتتلثم بالشيله لأن وجهها كله مكياج
جنان : جنى جنى وين بتروحين ليش لابسه عبايتك ؟؟
جنى : بروح لنواف يبيني بشغله ضروريه ماراح اتأخر لاتخلينهم يصورون ابي اصورهم وهي تفتح باب المخرج للحديقة وتطلع
جنان حطت يدها على وجهها وارتبكت من طاري نواف تحس نبضات قلبها تدق تدق كأنها صاروخ حطت يدها على قلبها ودخلت داخل

جنى طلعت من القاعه او بالأصح الصاله وانا امشي بأتجاه الحديقة وانا خايفه احد يشوفني ياويلي من امي لو درت اني طلعت من القاعه ! وصلت للحديقه وانا التفت يمين ويسار ادور على نواف شفت احد يأشر لي عرفت انه نواف مشيت ليما وصلت له ووقفت : هلا آمر نواف شبغيت امي لو درت اني تركت القاعه بتعصب

نواف وهو يفتح جيبه ويطلع الزقاره ويولعها ويناظر الدخان اللي يطلع منها وهو بنظره مايساوي شي من المه وحزنه رفع بطاقة موبايل وقطها على جنى .... جنى رفعت البطاقه وتناظرها وهي مو فاهمه شي : شنو هذا؟

نواف وهو حاط يده بجيبه : هذي بطاقة ماتعرفينها ؟؟

جنى بأستغراب من حال نواف وهي عارفة انه متضايق هي كل ماشافته يشرب زيقاره معناتها انه متضايق : اعرفها بس ليش ؟!

نواف : اتصلي على فاااارس

جنى بصدمه : شنو اي فارس!؟

نواف بقهر وهو يطق جنى على راسها : يعني اي فارس فارس ولد عمتي شفيك صايرة ماتستوعبي

جنى : فارس ولد عمتي زين ليش اتصل له ؟!

نواف بخبث: قولي له ان اسمك فاتن وأنك سمعتي صديقاتك يتكلمون عنه وشفتي صورته واعجبتي فبيه وحبيتيه من اول نظرة !

جنى بأنصدام من اخوها وتفكيرة : نواف من صدقك تبيني اسوي كل هذا زين ليش وبعدين انا ماسمعت صديقاتي يتكلمون عنه ولا اعرف عنه شي اصلا اللي اعرفه انه ولد خالتي وبس !!

نواف وهو يناظر جنى : بتكلمينه ولا لا ؟!

جنى بأصرار وقهر من اخوها : لا مابكلمه

نواف بخبث : تحبين ريااان

جنى بأستغراب : اكييد احبه مو هو خطيبي

نواف : تبين تفترقون وكل واحد يروح بصوب

جنى : لا اكيد لا

نواف بخبث : خلاص نفذي اللي قلتلك عليه وسوي التمثيليه وصحي فارس على كلام حب ونيميه على كلام حب واذا طلب تتطلعون طلعي معاه لأي مكان كان ولا صدقيني باقول لأمي على اللي بينك وبين ريان واعتقد اذا عرفت امي بتفرقكم

جنى بصدمه ودموعها تنزل على خدها واللثمه اللي سوتها تطايرت من الهوى وهي تتقدم بخطواتها وتطق نواف على صدره : تساومني يانواف وانا اختك بنت امك وابوك كل هذا عشان تنتقم من جوري كل هذا تبيع اختك عمري ماشفت اخ يقول لاخته اذا قالك تطلعين معاه اي مكان توافقين وتطلعين انت مافكرت انه يمكن ياخذ شرفي اعز مااملك كل همك الانتقام ماتقولي شبتستفيد اذا سويت جي

نواف بأسى على حال اخته بس اللي في باله مستحيل يتراجع عنه بسبب عناده : بدمر جوري اول شي انتي بتسوين اللي سوته فيني بأخوها وباخذ اختها جنان عشان اعذبها واحر جوري وهي تشوف اختها تتعذب اما الياس مابسوي له شي لأنه صديق عمري وبدمر حياه جوري مع زوجها وبطلقها منه حتى لوكان على حساب شرفك فااهمه !!

جنى بقهر وحزن ودموعها تنزل بدون توقف لان هي مستعده تسوي كل شي بس امها ماتدري عن اللي بينها وبين ريان قبل لايخطبها : والمطلوب مني

نواف بتفكير وبخبث : سمعي انا قلت كنت ابيك تكلمينه وتخلينه يحبك هذا المطلوب منك وبعدين بقولك متى توقفين

جنى بصدمه وهي رافعه يدها بتعطي نواف طراق بس يد نواف كانت اسرع وقدرت تلتقط يدها بسهوله : ماعاش من يمد يده علي جنى سمعي سوي اللي قلت لك عليه ولاتخافين بريان مابيشك بشي بيكون عندك بطاقه ثانيه بتكلمينه من هنا ماراح يعرف ريان شي.....

جنى : لو انت اخوي كان ماقلت اللي قاعد تقوله تبيع اختك وتقوله مابصير شي شنو انت من انسان نواف ليش تغيرت وين نواف الحبوب الطيوب اللي ابتسامته ماليه وجهه حرام عليك تخليني لعبه بيد ولد خالك انت ماتهقى انه يعرفني

نواف : لا طبعا انتي بتعطينه صوتج واذا طلب يشوفك بتحاولين تغيرين شكلك مابيميزك وهو مايدري عن شي واذا على نواف هذاك انسيه هذاك مات بزواج جوري !!!

جنى : واذا ماسويت اللي قلته

نواف : بسيطه بقول لامي سواء اذا بتتركين ريان او بتستمرين معاه سمعتي ! ها شرايك

جنى بدموع : انت خليت فيها راي متى تبيني اسوي الحقاره مالتك

نواف بأسى وحزن وهو حاس انه بيظلم اخته بس هذا الحل الوحيد : اليوم تبدين تكلمينه وتخلينيه يتعلق فيج سمعتي وعندك مده سبوع بس لين ماتخليته يحبك واكثر شي ممكن اعطيك اياه سبوعين بس ابيه يعشقك بجنون وسمعي مو

جنى ببكي ودموعها على وججها : سامعه وهي تركض لين داخل القاعه وادموعها اكبر دليل على حزنها ظلت تركض وتركض وصلت لين باب القاعه ويوم جت بتدخل حست روحها ماتقدر تدخل اذا شافو وجهها المغرق بالدموع ركضت وركضت لين ماأبتعدت عن القاعه حست بتعب برجلها ونظرت لين يمينها ويسارها شافت شجره قريبه منها جلست بقربها وهي حاسه ان رجلها منكسرة وقلبها بيوقف حطت راسها على الشجره وهي تفكر بالي قاله اخوها اللي عمرها ماتوقعته منه وهو اعز الناس على قلبها صدمها والله صدمها !!!

وقفه لتعريف في الشخصيات

جنى عمري 18 سنه شعري بني مثل الشوكليت بيضاء وجسمي نحيل
بس مو وايد يعني حلوو وعلى قولت صديقتي جسم عارضة ازياء و عيوني وسااع ولون
عيوني عسللي ووساع وجذابه شفايفي صغيرة ولونها لون الفراوله

نواف:اخو جنى الكبير عمره 25 سنة مازال اعزب وكان بيتزوج جوري لو مالي صار عصبي بس وسسسسسسسسيم
شعره اسود لحد رقبته يخقق وعنده سكسوكة وعيونه ناعسة وشفايفة وردية
جسمه معضل يشتغل بشركة ابووه وعنده عمل اضافي ثاني هو شرطي بس مايرووح دايم يعني عمل اضافي غيووووور وايد وخصوصا على جوري صديق الياس الروح بالروح

........................

الياس: عمره25رجال وسسسيم و غامض كان يحب دينا تعرفون قصتها بالاحداث ه وشديد شوي وكلمة مسموعه ويشتغل بشركه مع اعمامه كان مره وسيم وجميل شعره تحت رقبته وعيونه كبار ولونها عسلي صديق نواف الروح بالروح يعشق اخته جنان ويكره جوري رغم انه كان يعاملها زين

فارس عمره 24 سنه .. مغرور وايد .. و مغزلنجي .. كل يوم مع وحدا .. لون بشرته برونزيه فاتح .. وعيوونه عسلييه وله جسسم قووي و عضلات .. وشعره يطول احياناً بس يقصه بسررعه .. .وخشممه سلت سييف .. ومطييح كل البنات بس مو احلى من الياس يحب جنان اخته ويكره جوري غيووور بالموت ممكن يذبح احد من شده غيرته


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛
فله بو محمد
في قاعه الملكه
جوري كنت اهز رجلي بتوتر كاره نفسي هالأنسان ماحبيه مع اني ماسمعت الا صوته المغرور : مبروك عليك أنا .... بذيك اللحظه حسيت نفسي برد عليه وبطول لساني وبقوله : الله لايبارك فيك ولا في الساعه اللي انغصبت فيها على الزواج منك طلقتي والله اني اكرهك واهجم عليه واكفخه انا صج نعومه بس لو احد آذااني اصير وحش وافترسه !! تذكرت نواف انا احبه والله احبه ليش محد حاس فيني قمت اتخيل هذا اللي يسمونه زوجي هو نواف !! والله مو قادره اتحمل على الاقل توقعت نواف يقول لي كلام يريحني بعد ماسمع بخطبتي او على الاقل يعاتبني بس مو يتركني ولا حتى يكلمني ويوم كنت في عز حاجتي له واتصل عليه وكان يحقرني واذا رد سكره في وجهي تعبت والله تعبت انا احبه مو متخيله نفسي اعيش مع واحد غيره واسمي يرتبط بواحد غيره اتذكر وقت اللي جابو لي كتاب التوقيع على عقد الزواج كنت خاايفه وكان ودي اصرخ : مابيه بس ماحبيت افشل ابوي حتى لوغصبني آآآآآه يااارب ساعدني ماحسيت الا بدمعه تنزل من عيني حسيت بهمسه وهو يقول : لاتبكين تو الناس على الدموع وفريها لوقت ماتقدرين حتى تدمعين فيه رفعت عيني لعينه وأنا منصدمه من كلامه شيقصد !! انصدمت ماتوقعته يكون وسيم لهالدرجه

وقفه لتعريف بالشخصيات :

جوري (عمرها 20سنه...ثاني سنه لها في الجامعه ..
شوويه طويله طولها168سم..ووزنها 40...يعني هي رشيقة وجسمها متناسق كأنها عارضه ازياء خصرها يجنن .. شعرها بني غامق لآخر ظهرها مخصل بأشقر ناااعم حرير يجنن ريحته جنان يضرب فيه المثل ..عيونها بنيه ممزوجه بأخضر يعني ماتتميز جذاابه بشكل رائع يبين من عينها انها بريئه..بيضاء على حمار..الكل لما يشوفها يقول انها مصريه ولا اردنيه من بياضها.. على امها..طيوبه بالموت مع اللي تحبهم..شفايفها متوسطه لاهي بمليانه ولا هي بصغيرة لونها بلون التوت ..جميلة بمعنى الكلمه..الكل لما يشوفها يمووت فيها..على حسن جمالها..بس عيبها عصبيتها وعنادها اللي محد يقدر عليه واذا كرهت شخص مستحيل تحبه

نادر (عمره 28سنه مو مبين عليه ابدا...وسيم لابعد درجه..كلمه وسيم شويه عليه..عيونه وسيعه رماديه..خشمه طويل سله سيف..شفايفه محدد بالسكسوكه..شعره اسود وطويل ونااعم يجنن..طويل وجسمه رياضي..عنده غميزه ع خده..رجل اعمال ناجح..عنده عده شريكات من عده دول... يعشق امه وابوه ويدور رضااهم حنون مع خواته وامه وابوه وقاسي مع الكل
نرجع للروايه
قطع علي تفكيري بالكلام اللي قاله وبشكله صوت اختي جنان اللي كانت واقفه وراي معاها فاطمه سمعتها تهمس لي : الف الف الف مبرووك ياعسل فدييت اختي انا تدرين طلع يجنن شكله يابختك فيه !!
ناظرتها وانا مبتسمه ابتسامه سخريه على اللي قالته وهمست : من قلبج

شفتها مرتبكه وهي تقول : امم شيلتي اعتفست بعدلها وبجي دقايق ..... مسكت يدها ووقفتها وانا اهمس : ماجاوبتيني على سؤالي بس مابغصبك على الأجابه بس قولي حقي فرح ماجت
ناظرتها بنفس الارتبااك : لا ماجت اكيد بتجي بعد شوي
جوري بأبتسامه سخريه :
ماتخيلت ان الكل تخلى عني بهالسهوله
جنان بأبتسامه حزن على حال اختها : حبيبتي محد تخلى عنك
اتت فاطمه وهي تهمس : حبيبتي فرح اكيد عندها ظروف ولا اكيد بتجي لاتشيلين هم
لفيت عيني على الكل وانا احاول امسك دمعتي كأني اسمع قاعده اسمع كلامه !!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛
في المجلس

فارس وهو يجلس على الكنبه صوب الياس ويهمس : يسوي يلا قوم بنروح نبارك وبغصه حق جوري
الياس بضيقه وتفكير : لا فارس انت تدري اني ماأواطن جوري تكفى روح انت مالي خلق
فارس بقهر وضيقه : يوووه الياس لاتنرفزني ترى حتى انا مابي اروح بس ابوي ملزم تكفى قوم معاي مالي خلق اجابل وجهها بروحي

الياس بملل : اف زين
فارس بأبتسامه : فدييت بو فارس أنا

الياس وهو فاتح عينه على الاخير ويضحك : بو فارس تحلم اسمي على اسمك عان ولدي يطلع مغازلجي وراعي بناات اقول يلا قوم لانتأخر عن الوالد
فارس بأبتسامه وزعل : حراام انا اخوك ليش ماتسمي على اسمي اهئ اهئ هانت عليك العشرة ليش جي انزين بقوم بس احسابي معاك بعدين
الياس وهو يضحك وهو رافع حاجب : نشوف شبتسوي يابطل
وقفو ثنينهم ومشو ورا ابوهم اللي طالع من المجلس هو ومحمد والياس يوصي رائد صديقه يفتح البوفيه عشان المعازيم يتعشون
رائد وبصوت مسموع : ياجماعه تفضلو على العشا

قام الجميع وكل واحد مبتسم وطلعو ورا رائد متوجهين للبوفيه


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛
في قاعه الملجه
كنت قاعده وانا اتذكر نبره صوته اللي تقهرني وكنت افكر اوتعيت وعلى صوت امي وهي تقول : اللي يبي يتغطا يتغطى اهل العروس بيدخل ...... اللي يبي الستر تغطى واللي مابغى بكيفه جوري انصدمت ان ابوها بيدخل توقعته بيكون مثل امها وبيخليها بروحها لعنت ابليس وقفت وهي تشوف ابوها متوجهه على الكوشه البسطيطه واخوانها اللي كل واحد اذا شفتني وجهيهمم تحسين ان قاتلين حقهما أحد !!

حسيت بأبوي وهو يبوس راسي ويهمس : مبروك سامحيني يابنتي
رفعت عيني بعينه وانا امسح دمعته اللي كانت بتنزل وانا اهمس : مسموح يالغالي شفت اخواني يسلمون علي باليد ماكأني اختهم الياس قال مبروك من ورا خشمه ولا فارس حتى مبروك ماقال !! شفت فارس وهو حاط عينه على كل بنت ويرقمها بالجو والياس اللي كان يطالع كل الناس بسخريه وابوي اللي كانت نظراته لزوجي المجهول نظرات حقد الله يستر ماحسيت بأمي الاوهي تبخر الياس وفارس وصوت الموسيقى الخاصب يرتفع في القاعه حز بنفسي ان ولا احد من اهله جاء ابي افهم معقوله عشان انا اصير بنت عدو ابوه الله يستر انا خايفه خايف !! قطع علي تفكيري خروج ابوي واخواني من الصاله وانا ماحسيت فيهم سمعت صوت خالتي ام نواف تقول : يلا حبيبتي قومي عشان تروحو المجلس الداخلي تتبادلو الحديث مع بعض وتتعرفون على بعض اكثر . حسيت ان هذي اللحظه اصعب لحظه في حياااتي كنت اتمنى خالتي ام نواف تناديني عشان اقعد مع نواف بس مافي فايده كل شي انتهى !! شفته يوقف ويمسك يدي بقوه حسيت انها انكسرت بين يدينه حاولت اسحبها بس كا ضاغط وهو يضغط على اسنانه : لو شلتي يدك مابتلومي الى نفسك !! انقهرت جيت برد عليه بس عيب اني اغلط عليه الحين مشيت معاه لين الملجس ويوم دخلنا شفته قعد على الكنبه اليمينيه في يسار المجلس حاولت اقعد بعيد عنه قعدت في نهاية المجلس وانا شابكه ايديني في بعض ومتوتره بس حاولت ابين اني مو خايفه سمعت يتكلم بببحه صوته وبفخامتها : تدرسين بالجامعه ؟!
رديت عليه وانا مو طايقته : اي
نادر : اي سنه
جوري : ثاني سنه
نادر : اي تخصص
جوري : طب
شفت عينه اللي ارتفعت تناظرني بعصبيه وهو يمهس ببرود : وقفي قيدج مافي جامعه ؟!
ناظرته وانا مصدومه : يعني شنو
شفته يطالعني بأستهزاء : كلام الملوك لايعااد قلت مافي جامعه يعني مافيه والحين قومي جهزي اغراضك لاتأخريني
ناظرته بصدمه وقهر وذل : وانت حاسب نفسك ملك وانا حاطه يدي على خصري وانا بروح الجامعه غصبا عليك وليش اجهز اغراضي ان شاء الله يا أستااذ الى ماقلت لي اسمك ؟!
شفته يناظرني ويضحك ضحكه رنانه وببحه : اسمي نادر في وحده تتزوج واحد ماتعرف اسمه
ماحبيت احرج روحي همست : والله عاد انا اعرفه بس نسيته
شفته يضحك وهو يمتص الزيقاره : هه ماتعرفين تجذبين وتجهزين اغراضك عشان تروحي بيت ابوي ياشاطره
ناظرته وانا مصدوومه : وليش اروح بيت ابوك ان شاء الله ليش هم ماجو يسلمون علي ولا انا موقد المقام
شفت يطالعني وهو يضحك : بالضبط اهلي ماينزلون نفسك لوحده حثاله مثلج وبتروحين بيت ابوي عشان تسكنين هناك على ماارد من شهر العسل !!
رفعت عيني وانا اناظره بصدمه ماركزت الى على شهر العسل وانا رافعه حاجب : اي شهر عسل ؟!
ناظرني وهو واقف ويمتص الزيقاره وبسخريه وهو حاط يده بجيبه : شهر عسلي مع حبيبتي وبنت عمي ريفال
ناظرته بصدمه : انت متزوج
طالعني بأستهزاء : لا بس اليوم زواجي ماتشوفي لابس بشت لايكون عشان سواد عينك عشاني جاي من عرسي وجيت بسرعه لك يلا اخلصي وطلعي لي في السياره بتأخر على المطار ..... طلع من الغرفه وانا خلاص عقلي بجن معقوله متزوج وحده ثانيه معقوله اهئ اهئ علي وعلى حالي وطلعت وانا بروح لأبوي بفهم شسالفه !!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

في الاسعاف اللي فيه مازن

ام مازن وهي تطق على خدها ووبكي وهي تمسح يدها على وجه وولدها : ياويلي ياويلي عليك يامازن بتموت وانت بعز شباابك آآآآه ياولدي آآآآآه حسبي الله عليك يافرووح الله لايبارك فيج من بنت بتذبحين ولدي يالظالمه والله ماخليك عساك الماحي ياااارب

قطع عليها كلامها راشد : يمه استهدي باالله صلي على النبي مايصير تسبي بالبنت وهي بين الحياه والموت وهيث مالها ذنب حرام عليج يمه

ام مازن وهي تصرخ : اللهم صل على محمد وآل محمد حراام عليك انت هذي فروح مسويه سحر لولدي وذبحته هي السبب اكيد مزعلتنه هين بس

راشد بهمس : يمه هدي صوتج المسعفين في السياره لاتزعجينهم

ام مازن : اسعج اللي ابي حسبي الله عليج يافرووح الله ينتقم منك عساك ماتتهنين في حيااتج عساج الماحي عساج امراض ماتشفين منها

راشد قطعها : استغفر الله ، استغفر الله ، استغفر الله

ام مازن وهي تصاارخ : سرعو يلا ولدي بمووت بيمووت ويخليني وهي تكلم مازن قوم يابعد روح امك قوم

المسعفين اللي في الاسعاف : لو سمحتي هدي نفسج ولدج باين انه في غيبوبه وازمه قلبيه من خلال اجهزتنا البسيطه كلامك مابيودي ولا بيجيب خليه يرتاح وان شاء الله ينقذونه الاطبااء

راشد نزلت دمعه من عينه : مهما كان هذااا اخوه وحبيبه مايبيه يموت وهو في عز شبابه

ام مازن تبكي بأنهيار تاام : يايمه يايمه على ولدي اهئ اهئ آآآآه آآآآه يارب شافه وانا باخذ حقه من هالعقربه

راشد يهز راسه دليل على عدم اعجابه بخطأ امه على فرح اللي مالها ذنب

وقفه للتعريف بالشخصيات


((مازن عمره26سنه موظف كبير ببنك عايش مع امه وابوه بالبيت لان امه جابرته يبقى معاهم ومسيطرته عليه
وعشقه فرح اللي خطبتها له امه !! من زمان وهو يحبها وهي تبادله

الشعور وسيم شعره حرير ونااعم لين رقبته عينه واسعه وناعسه شفايفه صغار خشمه سله سيف جسمه معضل وطيوب وحبوب واحيانا قاسي مريض بالقلب ومحد يدري غيره هو صديقه ))

((فرح عمرها20 سنه ثاني سنه جامعه صديقه جوري الروح بالروح حريصه جدا على دراستها ومتفوقه تدرس طب مثل جوري جميله جداا جداا وحد مايشوفها الى انسحر عليها عيونها كبار ولونها عسلي وحلوه شعرها اشقر لنص ظهرها وناااعم جداا في رقبتها شامه مخليتها تجنن خشمها سله سيف جسمها جسم عارضه ازياء صوتها ناااعم وشفايفها صغااار ولونهم وردي))





سارة ((عمرها19سنه اول سنه جامعه حنونه جداا ونعووومه جميله وجذابه اكثر من ماهي جميله عيونها لونها اخظر على جدتها الاجنبيه وعذاااب خشمها سله سيف شعرهااا بني فاااتح ناعم لنص ظهرها شفايفها متوسطين ولونهم وردي عايلتها من الطبقه الراقيةتعشق اخوها مازن وفرح مرت اخوها بكل مافيها في نظرها هي الاخت والصديقة ))










((شيخه ام مازن انسانه مغروره كل شي تبيه تسويه من بعد مااخذت ورثها من اهلها اعطته زوحها وساعدته ببداية حياته وماعندها أي استعداد تساوم عليه لانه تعشقه وعشان جي شوي مسيطره عليه حاولت تسيطر على ولادها بس ماقدرت الى على مازن))

((راشد طيب وحبوب فيه طبع العناد شوي يعشق اهله بس مايحب يبين مشكلته يرضي زوجته ويسمع كلامها بالصح والخطأ يعني سكانه مرته معدوم الشخصيه))



((عبدالعزيز العلي من اغنى الشخصيات بالمملكه هويصير ابو مازن طيوب وحنون على عياله ودائما واثق معهم بس احيانا مايقدر يتكلم لان زوجته مسيطره عليه بسبه الفلوس اللي خلته يصير غني ))








؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛


في الاسعاف اللي فيه فرح

تركي : مجوود عطني جهاز النبض بقيس نبض البنت
ماجد سرحان وفي عالم ثاني تركي قط الكلينكس عليه ماجد وهو يمسح وجهه : شفيك
تركي : سلامتك من مساع للحين اكلمك ليش ماترد ؟؟
ماجد : كنت سرحان زين شتبي
تركي : عطني جهاز النبض في الاسعافات اللي عندنا
ماجد عطا تركي الجهاز وهو يقيس النبض لفرح : الحمدالله نبضها مستقر .... قطع عليه كلامه صوت ماجد الشاعري : ياانها جميله وعذاااب شعرها ناعم !!
تركي ناظره بصدمه : انت صاحي ولا مو صاحي قاعد تتغزل في البنت وهي على سرير الاسعااف حسبي الله على بليسك انت متى تجوز حتى المرضى مو سالمين منك اخذ علبه الدواء وقطها على ماجد ماااجد عصب قوه : تروك وبعدين معااك انت كله ظان ظن السوء شهالتفكير ياخي انا ماقصدت هذي
تركي بعصبيه : عجل منو قصدت ها لاتطلع لي قصه من الخيال
ماجد بقهر : مابطلع لك من الخيال وبالحالميه اقصد اللي كانت معاها وتبكي على المريضه عروني قلبي على منظرها البرئ وعيونها اللي تجنن
تركي بقهر من ماجد اللي مايخلي بنت بحالها : استح على وجههك كل هذا شفته اقول ماحفظت مقاس جوتيها ( الله يكرمكم ) كم ؟
ماجد بأبتسامه : للاسف لا بس تصدق تروك وبرومانسيه : ريحه شعرها عذاب تتوقع من الشامبو ولا طبيعي
تركي بصرخه : وجع مجوود حتى شعرها شميته حتى أنت مو آدمي حسبي الله على بليسك خلاص بسك مغازل
قطع عليهم صوت السايق وهو يقول : تركي ماجد نزلو المريضه نزلوها من الاسعاااف

وقفه لتعريف بالشخصيات

((تركي يصير ولد عم ساره بس محد يدري بهالشي اللي من سنين يدور اهله بس مامات ابوه مع امه وهو نفس الشي عمره28سنه طبيب مسعف شاب وسيم بمعنى الكلمه اسمر البشره جسمه رياضي عيونه قويه وحاده شخصيته قويه وعنيد واللي يحطه في باله يسويه يحب بنت من طفولتها بس توفت بحادث وهو تغير 180 درجه بعد وفاتها تحول بروده القاتل الى عصبيه جنونيه عايش بشقه مع صديقه ماجد ))

(( ماجد عمره 28 سنه يشتغل طبيب مسعف مثل تركي صديقه ويصير ولد خالته ابوه شهيد مات في اقتحام للشرطه لـ وكر من كبار تجار المخدرات امه تزوجت من بعد ماتوفى ابوه بسنتين وربته جدته عنده اخت وحده منها اسماء عمرها 18 سنه اصغر من ساره بسنه انسان عنيد متمسك بالعادات وشخصيته قويه ملامحه جميله وهذا اللي جاذب البنات له يغازل بنات بس بالموبايل ماعمره تقابل مع وحده له ورجوليه له هيبه مميزته يعشق تركي كأنه اخوه مو بس صديقه وولد خالته )



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

دخلت دوره المياه اللي كانت خاليه الى بس ابوي وكنت معصبه وكان في بالي بس شي ابوي يعرف انه متزوج ولالا !! دخلت ووووووو


انتهى البااارت

سامحوني تعبت وانا اكتبه من قبل الساعه ثنتين وانا اكتب فيه يدي طاحت خذ لي ساعتين ونص وانا اكتب فيه

اتمنى يكون طويل واعتقد انه طويل

اتمنى يعجبكم

لاتحرموني ردودكم الحلووه

تصبحون على خيرر

لاتحرمووني من تقوعااتكم

ودي