[لامارا]

تابع



هي:هذا الوحيد هادئ من بين الكل دايم انوار غرفته طافيه ومايعرفة غير الدكتور تركي
فجر:اهاااا طيب انا الي بودي له الاكل بليز!!
هي: اوكيه بشرط
فجر:ويش هو؟
هي: تاخذي لبسي وتدخلي فيه ع الجناح
فجر: اوكيه يلا
ورحت وياها غرفة نبدل فيها الملابس اخذت ثياب الممرضه واخذت صنيه الاكل طبعا بعد ما غطيت وجهي زين عشان لوصارت مشكله ما تصيدني الكيمرات
دقت الباب وانا اقول: بسم الله ودخلت كانت الانوار طافيه قال: حطي الاكل وانقلعي
حطيت الاكل بس ما انقعلت ولان الغرفة الانوار طافيه قفلت الباب واوهمته اني طلعت واتخبيت ورى الدولاب
آآآآآه وياليت ماسويت هل السواه وبمجرد انه سمع الباب بسرعة شغل الانوار وهجم على الصنيه ياكل
وانا موت من الخوف كنت اتابعه واشوفه ياكل بشوكة والسكين استغربت طبيعي ميه بالميه حركاته تدل عليه انه عاقل ومافيه شي بعد ماخلص حضرته راح على دورة المياة اكرمكم الله وانا رحت على سريره
انصدمت اول ماشفت الابتوب والجوال واجهزة ما يستخدمها غير العاقلين حتى ادوات الحلاقة كلها مخبيه تحت السرير
سمعت صوت الباب فتح جريت واتخبيت مكاني وهو ما يدري قعد على سريرة وحط رجل على الثانيه واخذ الجهاز المنبه الي ينادي فيه على الممرضه وحتى غرفته ماشفت فيها كيمرا للمراقبه
وبدى الجهاز يطلع صوت غريب في جيبي توهقت وما عرفت ويش اسوي خاصة انه عقد حواجبة وبدى يدور على الصوت وبعدها طفى الانوار قلت الظاهر بينام ورحت على الباب بسرعة بفتحة وبطلع بسرعةويفتح الانوار وايدي على مقبض الباب
وليد:ايوواااااا صدتك مين الحلوا
فجر:هااا الممرضه الجديدة
حاول يستهبل علي يوهمني انه مجنون او متخلف
فجر:هييييه انت عاقل !!
وخرجت بسرعة اركض
رجعت على الغرفة وبدلت ملابسي معاها وشوي وتصل على ريم
فجر: هلا ريوم
ريم: وينك فيه
فجر: بالمستشفى وين بروح
ريم: الحلقي علينا صارت هواشة بين اثنين مجانين دقي على امن المستشفى بسرعة وشيلي معاك شنطةإبر التخدير بسرعة الدور الاول
فجر:اوكيه الحين جايه
ريم : الحقي مو قادرين نوقفهم بسرعة تعالي
واروح بسرعة على الدور الاول وبالقوة قدرنا نوقفهم
وبعدها جت عندي في المكتب
ريم: يووووه اخيراَ!
فجر: خلاص حدي راسي بينفجر!! عندي صداع
ريم: أأخ ايدي تعورني حدي
فجر:ههههههههههه كانت اشكالنا تحفة واحنا نحاول نفكهم !!
ريم:آآآه منهم يالمجانين يعني لازم هواشه في الاسبوع
فجر: ساعات وانا في البيت قاعدة لحالي احن لهواشاتهم
ريم: تذكرين لما نزلنا من الستشفى نشتري لعبه لواحد منهم انكسرت لعبته
فجر: اذكر ما بقي شوي وما سواه في المستشفى لحد مارجعنا في العلبة
ريم: اليوم عاد بتغدين عندنا وبتقولين لي بالتفصيل الممل ويش سويتي مع الشايب الاربعة هذا ك اليوم
فجر: لالا بتغدى في البيت
ريم: لالاهل المرة قلت لك بذبحك
فجر: خلاص راح اتغدى عندكم
وبعدين تعالي هنا بشرط انا واتي نتغدى مع بعض سوى ابوك بذات ما ابي اشوفة
ريم: اوكيه تامرين امر حتى راشد موجاي اليوم عنده غداء عمل
ومازن راح يتغدى اهو وباسم ولد عمي ابو مشاري
سوى مع بعض.. ودخلت
ورجعنا للبيت
عندنا رهف وقلبها يدق وفي ايدها عصير بيبسي
فجر: خير ويش فيك طابه علينا كذا
ريم: في احد ملاحقك انتي والببسي ليه خايفة
رهف بربكه: ولاشي
فجر: ليه شكلك خايفه قولي والا ترى بنشب لك لحد ما تقولي لي
رهف: باسم!!
ريم: ويش فيه ويش سواى لك
رهف: بشرط واحد
فجر: جينا للمصالح!!
رهف: بس آكل معاكم جوعانه
قعدت على السفرة وبسم الله بدئت تحكي ويش الي صار تقول: كان يومي مرهق في المدرسة رجعت على البيت حدي هلكانه من الزفت المدرسة اخذت شور وزاد جوعي واشم ريحة المندي انطلق للبحث عن الريحة ادخل على مجلس الحريم واشوف ذيك السفرة على الارض ولسه قصديرها فوقها الظاهر من المطعم جايه حولها عصير لشخصين وفواكه ياااااااااييي كيف اقدر اقاوم وانا ما ادري ان باسم هنا
مازن: حياك تفضل الغداء جاهز
وافتح السفرة وبسم الله بديت في الاكل بشراسة قويه طبعا مندي وما اقدر اقاوم
باسم: الله يحيك
مازن: اسبقني على الغرفة بغسل ايدي وبيجي وراك
مشى باسم ويدخل على وتيجي عيني في عينه اللقمة في حلقي علقت لا دخلت وطلعت بساهل نزل عيونه على الارض وهو مبتسم علي شكل العصير في ايد والثانيه فيها القلمة ما صدقت وانفرد بحالي بعيد عن تقاليد امي على الغداء ام شوكة وسكين ولباقة مع شويه تفلساف
طلع بسرعة الا في وجه اخوي مازن
مازن: ادخل يارجال حياك !!
باسم مبتسم ولا قال شي
وانا داخل الغرفة اعدل الي سويته الدمار الشامل الي في السفرة ابي اهرب قبل لا يطب علي مازن
باسم: ادخل انت الاول!! الظاهر نسيت لا اتصل بالوالد واقول له
دخل مازن ويتفاجئ فيفني
مازن: رهف ويش جابك هنا
رهف: اممم والله ياخوي ما كنت ادري ان باسم هنا
مازن بحرة: اكيد شافك الحين شفت وجه عليه ابتسامة هل الكبر
رهف: والله العظيم ما ادري ان هل السفرة لكم الاثنين
مازن: حنا ساحبين على اهلنا من تفلسافهم تاكينها انتي
رهف:مازن موقصدي !! صدقني موقصدي اكلها وبعدين يادوب بديت في الاكل
مازن:يلا اطلعي بشوف ويش الي بقى لنا .. وكان حاط ايدة على خصر ويتاطلع في السفرة وبوجهي وكانه يقول
عسى بس بقى لنا شي
رهف:ههههههههه
مازن: لهل الدرجة عاجبك الموقف بدل ماتستحين على وجهك
رهف: بليييز امي لا تدري والله راح تعلقني برقبتي
مازن: اطلعي يلا
ف اخذت الببسي وانا طالعة
مازن: حتى الببسي راح تاخذينها معاك
رهف بابتسامة: اكيد
طلعت اركض على أي مكان وجيت هنا فتحت الباب على خفيف وشفتكم ارتحت ودخلت
ريم: وانتي ماتدرين ان ابوي جمع كل مكيفات مجلس الرجال وودها على المغسله لان الغبار دخل فيها عشان كذا مازن
اهوا وباسم قعدوا بعيد عن امي والكل
رهف: ما دري ؟؟ بس الحين باكل خلوني
فجر:ههههههههه
ريم: مساكين بيفتكون من اهلنا تروحين انتي وتاكلها عسى بس ما خلصتي كل السفرة
رهف:يوووووه يعني لهدرجه انا كذا بنظركم ترى بروح عند أمول
ريم:اقعدي!! وكلي بالعافيه تليها انقلعي عند أمول حقتك
فجر:هههههه تلقينها اهي الثانيه قاعدة تبلع في هل الاكل
بعد ما تغديت عند ريم رجعت على بيتنا ودخلت شفت ابوي والكل مجتمع وياكلون شفت وجه اخوي وابوي ما تبشر بالخير شفت وجه امي وأمول عادي مايدرون عن شي نادت لي امي تبين اقعد على الغداء قلت لها تغديت عند ريم طلعت على غرفتي وانا مطنشه نظرات ابوي وماجد لي قلت باخد غفوة لحد المغرب لان الهنوف جايه عندنا اليوم
قفلت عيوني واستسلمت للنوم إلا واسمع صوت الباب راح ينخلع من كثر الدق قمت من فراشي وقلبي يدق وافتح الباب
فجر: ماجد!!
ماجد: أيوه انا ويش فيك ليش مفزوعة كذا؟ويش شايفني
فجر: ولاشي بس كنت نايمة وانت دقت الباب بقوة ودفاشه بعد ايش تتوقع وجهي اول ما اصحى
دخل وقفل الباب
ماجد: امي طلعت على السوق ! ابوي راح للمجلس ! أمل راحت عند رهف يعني البيت فاضي مافيه غيرنا
فجر: نعم!! وخير ياطير وانا ويش دخلني جاي تقول لي نشرة الاخبار
ماجد: لا انتي اليوم الطبق الرئيسي
فجر: ماجد بدون لف ودوران قول خلصني ترى حدي عندي صداع وابي انام
ماجد: تمام انتي مثلي انا بقول لك ويش الي ابيه وايش راح اسوي فيك لو اصريتي على الي تبينه انا ابعرف بس انتي كيف تجيك الجراءة والعين القويه توقفين قدام اعمامي وتقولين لهم كييييف؟؟
فجر:ههعع سهله لاني بنت وما اخاف غير من الي خلقني وبس والله لو يبقى راشد اخر رجال ماتزوجته لاانت ولا حتى ابوي او غيره يقدرون يغصبوني عليه
ماجد:كبري عقلك زين يا اختي انتي ما تدرين ايش كثر فيه مصالح وفوائد من ورى هل الزواجة
فجر: المصالح لك انت وابوي هههع كم فلس راح يصير لكم بحسابكم كم **** اومن هل الخرابيط راح تنفك انت وابوي ترها ياماجد ماتسوى شي قدام انك تحرم احد من سعادة وانا متأكدة ان سعادتي مو معى راشد
ماجد: صدقيني راح نعيش فووووق اكثر من كذا
فجر:انت وابوي ماهمكم غير الفلوس والعز والمصالح ماجد الدنيا هذي فانيه لا الفلوس ولاغيرها راح تغنيك يوم ماينفع الندم ماجد انت وانا وابوي وراشد وكلنا مرجعنا لحفرة صغيرة وكفن باقل الاسعار
ماجد: امي لحد الان ماتدري بسواد وجهك انا الوحيد من بين اعمامي ادري اهم قالوا اعقلك يمكن يرد لك عقلك هههع اذا فيه
فجر: الحمد الله والشكر خليت العقول لاصحابها!!
فجر:لو مهما يصير راشد ما ابيه والله ما ابيه ماتفهموااا انا قلت الي عندي وما راح اتراجع الا على موتي انا
ماجد: الظاهر الكف الي اعطاك ابوي ماجاب نيجة معاك !
فجر: لا كف ابوي ولا غيرة ولاحتى اقوى منه بعد ماراح يرجعني في قراري
ويلا الحين برى؟ ابي انام
ماجد: انا طالع بس
قاطعته: يلا برى مو ناقصاك انت بعد وحتى لو امي درت ماهمني
وطلع وبدت دموعي تجمع في عيوني مجمدة ماتنزل آآآه اليوم ماجد درى وماجد لاحطني في راسه آه الله يستر من بكرة مين راح يدري كان ودي احلها بيني وبين اعمامي
نمت لحد المغرب قمت اخذت شور على السريع ولبست بلوزة فوشي وفيها احرف سوده وبنطلون ابيض وصندل من نفس لون البلوزة سويت شعري كيرلي لاني ما لي خلق اسوي استشوار ولمسات خفيفة من المكياج
نزلت من غرفتي وانا اتمنى ما اشوف لاماجد ولاحتى ابوي ولااحد من اعمامي موجودين
دخلت الصاله واشوف أمول والهنوف وام راشد وريم بنتها الكل جالس سوالف عادي الحمد الله الظاهر الامور اليوم تمام
ريم:ليش ماتردين على الجوال؟
فجر:هااا الظاهر قبل لاانام خليته صامت سووري ماشفت الجوال!!
ام راشد: مشاء الله هذي فجر احلوت والله!
فجر:هههه هذي انا ماتغيرت
ام راشد: لاكبرتي واحلويتي وصار ويش زينك بنت كل الرجال تبي تشتريك
فجر: مشكورة
ريم بغيرة مزيفه: وانا يمة ما احلويت؟
امها:هههههههه انتي اسا س الحلى
فجر: اقول ريم تعالي شوي على الحوش نسوف وتنرك الباقي براحتهم
ريم:يكون احسن عندي لك كم سالفة
طلعنا على الحوش
ريم: ويش فيك؟ اليوم مو على بعضك
فجر: ماجد!!
ريم: ويش فيه؟؟
فجر: ريم ماجد درى بكل شي واليوم بعد ماتغدى والكل طلع من البيت جاء عندي
ريم:لا دام ماجد فيها خلاص انتهيتي
فجر:لا مستحيل يسون الي براسهم
ريم: ماجد هذا موهين ما راح يخليك بحالك حتى يسوي الي بيه
فجر: اصلا اهم ماقالوا له الا وهم عارفين اخوي زين الي براسه يسويه
ريم: ويش بتسوين؟ على ايش ناويه؟
فجر:راح اكون دايم مع امي او مع اخواتي ما راح اخليه يستفرد بي لان المرة الاولى تكلم معاي والثانيه راح نتهاوش اكيد والثالثة راح يمد ايدة علي وما ادري ويش تاليها مع هل الاخوا
ريم:والله حتى انا مادري ويش اقولك اشجعك والا اخوفك من اخوك الي انتي ادرى فيه والا اسكت واشوف نهايه لهل السالفة
فجر: خليها على ربك يحلها
ريم: وانا اقول سوي الي انتي تشوفينه صح الي راح يسعدك حتى لو على حزنهم كافي الي سواه بمشاري والهنوف
اتبعي قلبك وحمكي عقلك وماعليك منهم عليك بالي اقوى منهم بلي راح ياخذ حقنا كله منهم
فجر:حكمت على نفسي الشقى من اول ما اخذت هل القرار بس متاكدة ان ورى هل الشقى سعادة وراحة
ريم: خلاص لا تكدرينها اليوم ودي اتونس
فجر:يلا ندق على الباقي ونروح على الحديقه
ريم: هل المرة نجرب نركب خيول يلا على الاصطبل
فجر: لحظة بقول لامل ورهف وانتي دقي على الباقي
دخلت على المجلس وقلت للبنات بس ماقلت لهم قدام امي اننا بنركب الخيول عشان نصايحهم الي مالها نهايه اولها انتبهي لا تعوري والثانيه مو زين للبنات ظهرك بعيورك اركبي مع اخوك....ألخ
طلعت انا ورهف أمل وريم على الحديقة الاوالكل مجتمع وكل وحدة جت ومستعدة تمام واولهم ليان كنا شوي خايفين لان اهلنا مايدرون دخلنا على الاصطبل اعطينا حارس الخيول كم فلس عشان يستر علينا وبعدها قلنا له يطلع عشان بنكشف وبناخذ راحتنا في الحديقه طبعا كابتن ليان اهي الرئيسة وهي الي تقودنا وتشجع البعض على الركب جلسنا كلنا وهي قعدت واقفه تقول: اولا الي جبانه ما ابيها معاي!!وثانيا انا بعلمكم كيف تركبونها بس بشرط ابي الكل يلبس
بنطلون
فجر والباقي: لابسين
ليان: عفارم عليكم تربيتي!!
ريم: اقول خلصينا واختصري ياليت
لينان:اسمعوا ياحلوين راح نقسم الي فريقين ونسوي سباق وخط البدايه من عند احواض الشجرة الي النافورة
مابي دلع بنات الي راح تبيكي ماتلوم نفسها اذاجاها الطراق على وجهها والكلام مقصود فيه
<<قصدها على أمل ورهف
ريماز:بنات نبي حماس اوكيه وما نبي احد يقول للعيال او الشياب الاربعة
سمر: اظن ركوب الخيل للعيال وبس احنا ويش لاقفنا فيها وبعدين ما جابوا الخيول الا عشان فيصل
ليان:يوووه وراك ما تنقلعين على البيت!!
أمل: يلا علمينا كيف ترى زهقت
ليان: راقبوا كيف امسك اللجام و وين احط رجلي و انتوا بتعرفوا
وبعد ماتعلمنا هههههه وكانت اشكالنا تحفة واحنا نتعلم والبعض منا طاح وتعور كم مرة بس تعلم وركب والبعض ركب من اول مرة وناس عندها خوف منها والي متقرفة منها المهم ركبنا كلنا وليان وصلت قبل الكل على خط البدايه واحنا نحاول في الخيول نبيها تودينا مكان ماقالت كابتن ليان واخير بعد محاولات سيطرنا عليها وعرفنا كيف نقودها مكان مانبي استعدينا وفقنا صف واحد المتسابقات هم ريماز ولميس ريم رهف سمر وليان وامل واخيرا انا وقفنا صف واحد وبدت ليان في العد الي الثلاثه
ليان: واحد..اثنين..ثلاثة..
وكل وحدة ضربت بايدها والي بصوت وانطلقت الخيول طبعا لانها خيول فيصل والاغلبيه مدربة كيف تسابق بس قيادات البنات لها مو تمام فا الي انطلق خيلها وراح يمين والثانيه يسار والي الي مشى مع السباق
وفي وسط الحوسة في الحديقه دخلت الخدامه وهذي في صفنا
لميس: نعم خيير؟
الخدامه: ماما فيصل والباقي كلهم جاي هنا عند اصطبل يبي يلعب
لميس: يووه مو وقتهم ابد انتي روحي عند ليان وقولي لها تقول للباقي
الخدامه: اوكيه
وكل وحدة درت ونزلت بسرعة وسحبت الخيل معاها الى الاصطبل
بقت سمرتحاول فيه مو راضي يمشي يبي يشرب مويا من النافورة وبسرعة تيجي الخدامة وتحاول معاها لحد مادخل مع الباقي في الاصطبل وبعدها غطوا وجههم وثم قعدوا قعده عاديه وسوالف على ما وصلوا العيال عندهم الا وكل شي تمام بس نسو الحارس ما ينادونه عشان يرجع للخيول
فيصل بعصبيه: وينه؟؟ وين ذلف؟
ريان ينادي عليه: يامحمد؟
عند البنات
ليان:محمد نسيناه مارجع للحين؟
لميس: مسكين الرجال راح فيها وطي
ريماز:ياريه ويش نسوي ؟ مسكين فيصل ماراح يرحمة
ريم: بنات لازم نرقعها له مسكين اهو الوحيد الي يطلع لنا الخيول يستر على عمايلنا في هل الحديقه
رهف: ويش نسوي الحين فيصل اسمعه مزلزل الدنيا على محمد
سمر: نقول له قلنا يروح يجيب طلب من المطعم
ليان:تمام واذا سالنا عن الخدم نقول له مشغولين او موب فاضين
أمل:والمطعم يقول ان خدمه التوصيل مزحومة او شي كذا
فجر: انتوا متأكدين راح يقتنع اهو والباقي؟
لميس: عاد كلن وله اسلوبه المقنع؟
سمر: بروح لفيصل
وراحت سمر عند فيصل اخوها بعرفكم فيه
فيصل اخوا سمر وليان وريان واخيرا رائد اهو الكبير فيهم عضلنجي وعصبي بمعنى الكلمة اهو خيال ويحب الخيول
وعندة اصطبل كله خيول يحب يقضى معظم اوقات فراغه مع خيوله ومتعلق فيهم حيل
راحت سمر عندة
سمر:سلام!! ويش فيك صوتك واصل لحد عند البنات
فيصل: محمد امس وانا اقوله لايترك الخيول والحين ما ادري وين ذلف
سمر:امممم
فيصل: نعم ؟خير؟لايكون تعرفي وين مكانه
ليان تدخلت: اسمع يافيصل الرجال راح يجب لنا اكل وراح يرجع
فيصل: محمد شغلته الخيول وبس وانتوا مين عشان تقول له؟
سمر: يا خوي مافيها شي وبعدين الكل مشغول ما لقيناه الا اهوا وحنا قاعدين في الحديقه لحد مايرجع يعني لو صار لهم شي حنا موجودين
لميس والباقي راحوا يجبون محمد
وشوي واهوا عندهم
فيصل: انت ليش روح وتترك الخيول كم مرة قايل لك الخيول لا تتركها في غيابي انت ماتفهم حيوان!
سمر: خف شوي يافيصل
فيصل: انتي وياها اووووص تفهمون !!
ليان بعصبيه: لا ماراح نسكت وحرام عليك تاكل الرجال بقشورة وبعدين تعال هنا ليش كل هل الخوف عليهم طول الوقت في الاصطبل قاعدين واحنا الي قلنا لمحمد يروح يجب لنا عشا من المطعم
فيصل حقرها والفت على محمد:الظاهر بكنسل اقامتك وبرتجع على اقرب طيارة لديرتك
وصار محمد يترجى فيصل
وتدخل فجر: حرام عليك كل هذا عشان الخيول بتسفر الرجال واحنا قلنا لك احنا الي خليناه يروح اهو مجرد عبد مأمور
فيصل: انتوا بذات لاتدخلون
فجر:ليش منت مصدق الي قلناه اسأل محمد
ومحمد يهز براسه بمعنى نعم
فيصل: انا ما ابيه ..اهو رجال ورى المصالح وبس
فجر: والله ما اقول غير مالت عليك وعلى هل الخيول ترها مجرد بهايم مسويلنا سالفة طويله عريضه
لوهي بشر ماسويت هل السوات
فيصل: فجر!! وخري عني زين ترها واصله معاي؟؟
راشد كان موجود وسمع فيصل يقول هل العبارة
جاء بسرعه عندهم خاصة انه درى ان فجر في السالفه شافته اخته ريم ولحقته
راشد: خيير؟؟خير ؟؟اصواتكم عااليه
فيصل: شيل البنات من هنا وروح لا اقلب اليوم عزى
راشد: بنات روحوا ويش مسوين هل المرة بعد لا يكون سويتوا شي بخيوله!!
فجر بخبث تدري ان راشد اكيد راح يكون بصفها:راشد يرضيك بيسفر الرجال عشان قلنا له يروح يجب لنا عشا
ويش فيها لاترك الخيول فترة بسيطة وبعدين احنا البنات موجودين ولو صار شي للخيول كلنا هنا
ليان بغرور: وبعدين ماعليهم خوف دام كابتين ليان هنا
ريان: وراك ما تنثبرين ؟؟
ريم: والحين خلاص كل هذا عشان محمد والخيول خلاص فكوها ما صارت يا فيصل
وسحب راشد فيصل من عند البنات وغمز لمحمد انه راح يحلها ولحقهم ريان
بقى محمد والبنات
ريم:لا تخاف ما راح يقدر يسفرك من هنا؟؟
سمر:الحين راشد راح يروق الامور
فجر: وحتى لو مارضي انا الي بكفلك وبخليك سايق بدل المعفن الي هناك اوكيه
ليان:والله انتا طيب كثير تستاهل نساعدك مثل ماتسعدنا
سمر: والحين روح وارجع لشغلك و لا تخاف
ورجع محمدوالبنات رجعوا اما فيصل وراشد روقوا شوي
بعدها شافوا كل واحد من العيال راكب على خيل وكل وحدة تشوف اخوها
فجر: مشاء الله الكل هنا!!
ريم:حتى مشاري زوج الهنوف معاهم
فجر: الكل هنا ويش السالفة اليوم؟؟
لميس:راشد وماجد وباسم ومازن وريان وخالد حتى رائد جاء كمان غربية صح؟؟!
ريماز:غربيه جاهم والاهوا حياته معلقه في التفحيط
سمر:فديت فصول اخويه شفوه كيف راكب على الخيل بشموخ
أمل:ماعليك بفصيل شوفي اخوك الثاني رائد مسوي تعذيب للخيل ذكروه قولوا له ترها ماهي بسيارة
فجر: ههههه الخيل الي راكب عليها رائد حظها اليوم نحس
أمل: رهوووف وين رحتي؟؟
رهف ماقالت شي طارت على ارض الاحلام وعيونه مانزلت من على باسم
أمل: رهف ياهووااااا نحن هنا!
التفت اخيرا: هلا بغيتني في شي
أمل: اقول قومي نمشي بشوف ويش سالفة السرحان اليوم
ابتسمت رهف وقامت معاها وشبكوا أدين بعض ومشوا عن البنات
ليان: ياحضهم متونسين واحنا نتفرج عليهم بالله موشي يقهر
فجر: قول من الاخير تبين تركبين معاهم والا القعدة في الحديقة حدها من الوناسة
ليان:ايوواا جبتيها لي بروح لريان اخوي الغالي
وابتسمت وراحت عند ريان
ريان:خير ويش بغيتي
ليان: الله يخليك ياريان بركب لو شوي
ريان: انقلعي عند البنات
ليان:بلييييز الله يخليك!!بسوي لك الي تبيه بس ركبني !!
ريان ابتسم بخبث: اكييد الي ابيه؟؟
ليان:ايوه الي تبيه بس في حدود طاقتي
ريان: تركبي وراي اوكيه
ليان: اوكيه
ريان: واذا رجعتي في كلامك!!
ليان:قول عني كل شي اني موكفوا واني موقدها اهم شي تطلب طلب في حدود طاقتي
ريان:طيب بس مو الحين راح اطلب افكر وراح اقول لك
ليان: يعني اوكيه خلاص اركب
ريان:يلا
وركبت معاه وهي مبسوطة وكل العيال يطالعون ريان واخته وراه راكبه بكل ثقه
شافهم خالد وراح عندهم
ليان:يووووه جانا المطوع ههههههه
ريان: انتي اسكتي الحين ويش يفكنا منه
ليان:ههههه
خالد: ريان عيب عليك تركب انت واختك سوى!!
ليان:لالالا موعيب ولااهو حرام ركوب الخيل ياشيخ خالد
خالد:انتي بنت ليييه ماتقعدين مع البنات؟؟عييب تركبي بهل الطريقة مثل العيال
ليان: ويش فيك كذا مافيها شي انا راكبه مع اخووووووووي مع محرم
خالد:آآآه استغفر الله وبس
اعرفكم بخالد
خالد الشخص الوحيد فيهم ملتزم ويذكر الله وعليه عيون واسعة وحلوة وصلاته مايتركها وهو اعقلهم وغير عن كل الشباب ودايم اهو وليان يختلفون في الاراء
بعدها رجع عند العيال
ليان:هههههه اذا مالقي تجاوب دايم يرجع
ريان: خلاص الحين والا بنزلك الحين
ليان:خلاص!!خلاص!! اقول مر من عند البنات ابي اقهرهم شوي
ريان:لا
ليان:بلييز!!
ريان:اوووف ياذا البليييز كل شوي حاضرتامرين امر
وراح عندهم
لميس:شوفوا !!شوفوا ليان وريان
ريماز:اقسم بالله اذا موجايين يقهرونا ما اكون ريماز بنت ابوي
فجر: هذي ليان ما تخلي طبايعها
وجت عندهم ومسكت ايدها على كتف ريان والتفت الي البنات
ليان:هااااااااااااااااااا� � صبايا بدكم تركبوا ؟هههههااااي
ريان:ياحرام عليكم يلا ترى فيه حمير جاهزة للركوب الي ودها تركب تروح ترها نفس الخيول!بس الحجم اصغر
ليان:هههههااااااااااااااا� �ي
سمرفي نفسها: ياكرهي لهل الضحكة
لميس في نفسها: اخرتها ياريان تقول نركب حميير؟
فجر في نفسها:أأأأخ لو الحشميه كنت بأنزلكم من شعروكم واخلي الحمير تمشي عليكم بس راح تخوني قوتي
ريماز: بسيطة يا ليان انتي وريان بيجكم يوم؟؟ حنا نركب حمير!!
ليان: اقول ريانواا امشي واحقرها قبل لا الثانين ينفجروا علينا !!ههههههااااااي
ومشوا وريان مبتسم على عيونهم الي هل الكبر عليهم من كثر القهر
بعد ما مشوا من عندهم
ريماز:أأأخ لو عندي تؤم مثلها كان شوفتوني معاهم اتونس
فجر:قولي لاخوك يمكن يرضى ويخليك
ريماز:مين فيهم اقول مشاري عنده ولدة مشعل خالد راح يقول عيب او مايصلح البنت انها تركب خيول وراح يقول كم نصيحة اخوي واعرفة مابقى الاباسم وهو الي راح يوافق
فجر:لالالا باسم ما اعتقد
ريماز:انا متاكدة اني راح اقنعة وبكل سهوله بعد
سمر: اجل ويش منتظرة قومي لاتفوتك الفرصة ههههه
ريماز:فجر اذا اقنعت باسم يركبني معاه تركبي مع اخوك ونسوي سباق هاااا ويش قلتي
فجر:قلت تم اصلا ويش ورنا!! مع اني مو متفائلة
وراحت ريماز عند باسم واقنعته وجت فجر تحاول في ماجد
فجر: ماجد يلا ايش فيك كذا
ماجد:قلت لا يعني لا ماعندنا بنات يركبون خيل انتي بذات لا وخاصة بعد الي سويته اما امل ممكن
ورحت عند ريماز وقلت لها راحت ريماز عند ماجد
ريماز:سلام
ماجد بستغراب: وعليكم السلام
ريماز بحيا وكانت تفرك ايدها وعيونها على الارض:ممكن طلب ياولد العم
ماجد:تامرين امر خير ويش بغيتي؟؟
ريماز:ممكن فجر تركب وياك على الخيل !
ماجد بابتسامة ثقة: أي وليش لا
ريماز: ويش رايك نسوي سابق اخوي باسم وانا وانت وفجر توافق؟؟
ماجد: اوكيه بس بقول لريان وليان عشان المنافسة تكبر وتقوى بنفس الوقت
ريماز:الحين بقول لفجر
وراحت عند فجر
فجر: احلفي؟؟
ريماز:روحي قبل لا اروح واقول له اختك هونت
فجر:لالا خلاص
ريماز: انا وباسم وانتي واخوك وليان وريان كلنا بنسوي سباق
لميس بحرة: ليييه انتوا بس كمان ودي اسابق
سمربخبث:شفوا لنا مكان وراكم ودي كمان العب
ريماز:ههههه في مكان ورى خالدهههههههههه تبي تروحين روحي اركبي!!
سمر تغيرت ملامح وجها:لالا الاخالد بيقول لامي والقبر بعدها.. حبيبتي ماودي اموووت وراي مستقبل وتصاميم
تبيني اموت على يد امي ناقصة عمر!!!
لميس:اقول قومي نحاول في احد من اخونا ياجعل يومي قبل يومك يارب
سمر: فديتها لمووووسة اهي الوحيد الي تحس فيني
ومشوا وراحوا عند اخوانهم
سمرتحاول في رائد
سمر: عشان خاطري يارائد بعطيك 200 اذا ركبتني
رائد: احلفي
سمر: والله بس ركبني بحر فجر وليان
رائد: اركبي لعيونك اذا ماخليتهم يموتون من الحرة بس!! سمورة تبي تحرهم !!
وركبت اما لميس راحت عند اخوها مشاري
مشاري:لالا ما راح اترك ولدي
لميس: تكفى يامشاري بس ابركب دقائق وبعدين حبيبي مشعل ماقال شي انت الي ملزم عليه والاهو مايدري
بالخيول وين كل ميولة الكترونيات
مشاري: خلاص بوافق بس تكونين لابسة شي ساتر عشان اول ماتركبي مايبان شي عليك
لميس: جاهزة ولابسه كمان ادري فيك راح تقول لي واستعديت
مشاري:اذا ركبتي ما ابي صياح ودلع بنات
لميس: اوكيه اوكيه يلا
وركبت معاه
بقوا رهف وامل جالسين على المراجيح ويسالفون سوى اما ريم قعدت لحالها تشوفهم كل وحدة قاعدة مع اخوها جاها راشد على خيله وقال لها:اقول ريوم ماودك تركبي؟؟
ريم: ودي بس عندي احساس ما يطمن ابد
راشد: اقول قومي وفليها مثل خوياتك البنات شوفيهم كيف مبسوطين
ريم:لالا روح انت واتونس
راشد: يلا عاد ما ابي اقعد اترجاك شوفيني انا غير عنهم كلهم اهم راحوا يترجون اخوانهم اما انا عكسهم انا الي جيت اترجاك وما اعتقد بترديني خايب
ريم: ماعاش ولا راح يعيش ما يردك خايب بركب معاك!
وركبت معاه مابقى غير
مازن وخالد وفيصل مافي احدراكب معاهم
استعد الكل وحتى خالد ومازن وفيصل شاركوا في السباق طبعا كان اول المعترضين ليان
تقول:السباق هذا للعوئل مانبي شباب
<<تقصد خالد
فيصل: والخيول لي انا يعني باطلع من السباق انا وكل خيولي ويش قلتي؟
ليان ترقع:لالالا انت الكل في الكل خلاص وافقت دام فيه هيئة الامر بالمعروف والنهي على المنكر ماراح يصير شي
خالديدرى انه اهو المقصود وقال من بين اسنانه: ليان اسكتي ترى مورايق لك اليوم!!
قاطعهم صوت ماجد يعد لحد الثلاثة كانت فجر مستحية شوي لان عن يمنيها راشد واخته
حطت ايدها على بكل ثقة على كتف ماجد وهمست له:ماجد زم نفوز احنا؟؟
وابتدى السابق وكل البنات صراخ ووااااااااووو وحماس
سمر من الخوف كانت حاضنه اخوها من ورى وايدها على بطنه ومقفله عيونها بخوف
ليان وريان هم اكثر ناس مبسوطين بهل السباق كلهم يصارخون
فيصل هدوء غربيب ومركز على خط النهاية ولا همة احد اهم شي يفوز اهو الاول
مشاري كل شوي ويقول لميس تستري ويقصدة انها تغطي رجولها وساقها
امل ورهف نزلوا من على المراجحيح يصورون السباق
خالد ماقال شي بس يحاول يسرع اكثر حتى تعليقات ليان طنشها
رائدشاد على اللجام بكل قوته ومتوتر كثير خاصة سمر ماتركت له مجال يتحرك اكثر لانها لاصقه فيه من كثر الخوف
فجر وماجد
كل شوي تقول فجر اسرع ياماجد !!ماجد لاترك راشد يفوز عليك!!
ماجدبسرعة !!
وكل شوي تكررمثل هل العبارات
وماجد يهز براسه بمعنى اوكيه

طاحت الكيمرا من ايدها بعد ما شافتها اختل توازنها وطاحت من على الخيل وراحت تركض من بين الخيول مسرعة


ّّنهايه البارات الاولّّّ