[لامارا]

البـ( 7 ) ــآآآرت ~


لُمجرد أنّي أذكرهُ أبتَسم ،
فكيف حينَ اكون بـقربهْ ،
ألا يجدر بدي أن أطيرَ فرحاً ،؟!


* * *

بعد مـرور شهــرين ~
بندر يكلّم بدر بالكـآم ..منفعل : وقسسم كرّهتني بـ حيآتي ..ياخي كـآم مرة زبّدت لها بس ماعندها
كرامـة ..
بدر : طيب انت هدّي ..ياخي ما يصير تعّب علشان وحدة ما تسوى مثل كاترين
( كاترين صـآرت لصقـة ببندر ..وكم مـرّة تحـآول تتقرّب له ..بندر باليداية كان يعاملها باحترام
بس من بعـدْ هالموقف ..بندر تغيّر معها 180 درجـة )
[ صحى بندر من أحلى نومـة ..كـآن يومه مرة متعبْ ..فمـآ صدّق يشوف الوسادة قدّام عيونه و ينـآم
بندر مكشّـر : افففف ياربي مين المتخلّف اللي يجي بهالوقت ؟
فتح باب شقته .. وهو محيوس كلّه [ أعطاه جاذبية أكثر ]
فتح عيونه وهو يشوف كاترين قدّام عيونه
بندر يرجع شعره لورا : احـم .. أهلين كاترين .. صـآير شي ؟
كاترين ذايبة على شكله : هـلا .. " عقّدت حواجبها " ليش لازم يصير شي علشان نشوفك ؟
بندر يحكْ رقبته بـ إحراج : اممممم لا ما قصدت .. بس غريبة بهالوقت " وهو يطالع ساعته 12:00 بالليل
كاترين : آسفة واضح أزعجتكْ ..بس عندي إمتحان بكرى و عجزت أفهمه " وبدلع " مافي مشكلة أكون طالبتك
لساعة وحدة بس !
بندر بقلبه " مدري وش تحس فيه هالآدميـة " : لا مافي مشكلة .. بس انتظريني عشر دقايق واكون
بالحديقة اللي تحت ..
جا بيقفّل الباب بس كاترين سبقته و دخلت و هي تقول : لا الحديقة الحين تكون مزدحمة ..وبعدين انت
تعرف موسكو بهالوقت الواحد ما يأمن نفسه بــررى .."وهي تدخل داخل و كأنه بيتهـا " و بعدين الأجـوآء الحين بتمطّر
بندر مبلّم " واقف " مكانه وبقلبه " لا بجد ناس غريبة " دخل غرفته و عدّل نفسه و طلع لها بالصالة و هو مو طايق نفسه : اوكي
نبدا .. وش اللي مافهمتيـه ؟
كاترين تجلس جنبه و مافي أي حاجز بينهم : كل شششي
بندر " اللهم طولكْ ياروووح "
جلسوا إلى الساعة 2 بالليل ..وبندر خلاص شوي و ينفجر منها ..كل شوي تسوّي حركة مالها داعي ~
بندر تنهّد : بصـرآحـة ما أضنكْ رح تفلحـي أبد
كاترين بوّزت ( بوزت = مدّت بوزها شبرين ..البوز = الشفايف ..حركة الاطفال لمّا يزعلوا ) بـ دلع
بندر تجاهلها و قام واقف : أروح أجيب لنا شي نشربه
راح للمطبخ الصغير .. فتح الثلاجـة .. أخذ كوبين و بدا يصبْ العصير ~
وبنفسه ( هذي ما تستحي على وجهها ؟..بنص الليل تجي عندي ..والله لو ماكانت من جهة محمد كـآن ~
قطع تفكيره اليد اللي حاوطتْ خاصرتـه و بصوت كله دلع : لـ متى حبيبي ؟
بندر مو مستوعب .. صحيح هي من زمـآن كانت تحاول تتقرب منه ..بس ما توقعها بهالحقـآرة
ضغط على إيدهـا وابعدها عنه ..التفت عليه و الشرر يطاير من عيونه : صاحيـة انتي ؟ عارفة وش تسوين ؟
كاترين والدموع بعيونها : يعني بتفهمني انكْ ما تبادلني نفس المشاعر ؟
بندر صدْ عنّهـآ وشد قبضة يدّه لا يقوم يرتكب فيها جريمه : كاترين اطلعي .. اطلعي بسرعة ..مابي أشوف وجهك
كاترين تمسح دموعها : طيّب انا أحبكْ ..أحبكْ يا بندر .. انت الرجال الكامل بعيني ..الرجال اللي كنت اتمنّاه لي انتْ...
ماحست غير الكف اللي نطبع على خدّها

............

ع الصبـح 6,00 الفـجر ~
فيـلآ الجد ~
حوسـة و إزعـآج ..وواحد رآيح و الثـآني جـآي ~
رائد الوحيد اللي ماعنده شي يسويـه .. : ماتبون تخلصــون ؟
راكان يلفْ الشمـآغ على راسـه بشكل " متعمم " ..ولابس بنطلون جينز رمادي وتيشرت أسود : وش رايكْ بالله فيني ؟ "ويغمز" أجنن صح؟
رائد يرفع طرف ثوبـه و يطلع الدرج : لحظة لحظة .. بجيب الكـآم
ثواني و رائد نازل من الدرج و معلّق على رقبته " الكام " ..ويدف كل اللي بطريقه
تالا تضرب الدرج برجولها ..وبعصبيـة : اللـــــه ياخذك يارائد ..قل آآآمين
أحمد : له له مين مزّعل حبيبة أبوها ؟
تالا بعصبية : هذا ابن أخوك..مدري أعمى أو أعمــى ..اففففف ..ما تتركون أحد بحاله ..
طاحت عينها على راكان وهو لاف الشماغ حول راسه بطريقة شبابية ..على طول راحت ركض له : وآآآآآآآآآآو راكان بالدوووب وش ذا ؟
وربّي مافي مثلكْ اليوم
راكان بحركات استهبال لكاميرا رائد : احم احم ..أحرجتيني يابنت الخال
رائد مركّز على الكام : تالا ابععدي ..صورتك بتطلع
تالا تتلفت يمين شمال ..تدوّر على شماغ ..لمحت شماغ مرمي على الصوفا بإهمال وبدون تردد نطّت و أخذته وطلعت جناح البنات
فسّخت عباتها و طرحتها ..وتلثّمت بالشماغ بحيث ان شعرها مايبين ..ثواني و هي طالعة قدّام "الكـآم" ولابسة عبايتها طبعاً : يللا صورة
صورة
رائد بنص عين : هذا اللي ينقصني
تالا : تكفى رئوود ..يلا صورة وحدة بسس
رائد ثبّت الكام على تالا و راكان اللي مسوي من وراها " حبيتـــين "
بدر بهدوء ما يناسبه : تـالا .. جيبي الشمـاغ
تالا مطنششة : يللا رائد ..ماعليكْ منّــه
بدر بحدّة : تـــالا .." توجّه لهم وسحب الكام من رائد " ..بســرعة جيبي الشمـآغ
تالا : اففففف .. في أحد قالك من قبل انك ما تنطـاق ؟
بدر بهدوء : أدري ما يحتاج تقولين .. وبسرعة لو سمحتي الشمـاغ
طلعت تالا لجناح البنات وهي تفصخ الشماغ : يـآربي ..متى الله بياخذه ويريحنا منه
شوق تضبّط الفيونكـة على شعرها : ميــن ..؟ ..بدر ؟
تالا : وأحد غيره ؟
شوق : حــرام عليكْ ..والله بدر مافي أطيب منّه
تالا : كثّري منها .. بس لانه أخو حبيب القلب ؟
وطلعت وهي تعدّل طرحتهـا ..ورمت الشماغ بوجه بدر
بدر ماله خلق للمشاكل أصلاً هالأيام ماله خلق حتّى لنفسه ..تغيّر صـآير هادي و عصبي~
تركي يعدّل كابـه : بدّووور ..وش فيكْ ما جهزت ؟
بدر بملل : مارح أروح
رائد : لالالا ..مو معقووول !..بــدر ..يفوّت المزرعـة ؟
بدر : ياخي والله مالي خلق
تركي : اذا بدر مو رايح ..انا ببعد موب رايح
رائد : والله مع نفسسكم .. بتروحوا وغصب عنكم
شوي و يرّن موبـآيل "رائد " ..ابتسم من غير شعور و هو يطالع الاسم
بدر يهمس لتركي : قلتلك .. ركوون الدب لاعب بعقله
تركي : لا وين ..ما أتوقع ..رائد مو حق حركات مراهقة
راكان بلقافة : وش وش فيه ركوون ؟..كنّي سمعت اسمه !
تركي : أبد سلامتكْ .. بس نقول مافي أعبط منّه
راكان يبعد عنّهم : أدري .. أدري .. قديمــة
***
في بيت " فهــــد "
مشاعل ماسكة موبايلها : هلا والله بهالصوت
جاها صوتها وهي نايمـة : مشـآعل ؟..والله تستهبلين ..في أحد يتصل بهالوقت ؟
مشاعل :أكيد محد غيري يتصّل بهالوقت ..وبعدين ليش معصبة رتووج ؟..على حد علمي زوجكْ مو موجود اليوم صح ؟
ريتاج : صحيح ..علشان كذا انا رايحة عند وائل اليوم
مشاعل : زوجكْ مو ناوي يقول لاهله انه متزوّج ؟
ريتاج اللي ماتحب طاري هالموضوع : آآخ ..حليها على الله ..طيب انتي شلون فهد الحين معكْ؟
مشاعل "لاعت كبدها من الاسم " :وجعع ..لاتجيبين لي طاريه ..انا اتصلت عليك ابي أتونّس مو تنكدين علي
ريتاج تضايقتْ من حالة أختها :طيب براحتكْ ..شرايكْ تجين معي لبيت خالي وائل ؟
مشاعل : حبيبــــــــي والله اشتقت له
ريتاج : مشـآعلوووه انقلعي .."وصكّت السماعة بوجهها"
مشاعل : طييب انا أوريك يا ريتاجوووه
ماحست غير الأنفاس اللي تخترقها ~
فهد يهمس بأذونها : وببعد ..عندكْ حبيب ؟..يعني في قاسم مشتركْ بيننا
مشاعل وعينها بعينه : ايييوه ..عندي حبيب عندكْ مانع ؟
فهد نرفزه ردّها بس ماحب يبين .. ابتعد عنها : يعني تنطرين منّي أروح علشان تفلّينها مع ذاك اللي ما يتسمّى ؟
مشاعل بعدم مبالاة : والله افهمها مثل ما تبي
فهد بحدّة : قومي بسرعة اجهزي
مشاعل : ليش ؟..على وين إن شـآء الله ؟
فهد : بمزرعة أبوي ..عاد تدرين انا ما أحب الطلعت ذي مع أهلي و لا حتّى معك ..بس هالمرة عنـاد فيكْ علشان ماتشوفي حبيب القلب
مشاعل بقلبها " جت من الله ..نفسي أشوف البنات "
***
بسيـآرة بدر [ البنات كلهم و معه رائد ]
و بسيارة تركي [ جواد ..تركي ..راكان ..أحمد ..]
وبسيـآرة أبو رائد [ الجد و الجدآت ..وأبو رائد ]
و بسيـآرة يوسف [ زوجته و أخته أم رامي ]
و بسيـآرة أبو فهد [ زوجته و عيـآله البزرآن ]
***
بدر سيّارته بجنب سيّارة تركي مايفصل بينهم شي ~
بدر يطالع للسيـآرة اللي دخلتْ مع بـآقي سيّأرات العائلة : غريبة هالسيارة مو تبعنا صح ؟
جواد : له له غريبـة ..هذي سيـآرة أخوي فهد
الشبـآب فتحّوا عيونهم بكبرها و حطّوها على سيـآرة فهد
فهد وهو بسيـآرته أشكـآلهم طـآلعة تضحك ..ماقد يمسكْ ضحكته وأشر لهم بمعني سـلام
كلّهم بنفس اللحظة لوحوا بيدهم له و على روسهم أكبر علامة تعجّب ~
رائد : والله غريبة ..في تطوّر يعني ؟
البنات مسويين حاجز بينهم و بين بدر و رائد علشان يقدروا ياخذوا راحتهم ~
شوق بـ صوت عالي علشان تسمعها شادن بسبب الإزعاج : شـــــــآدن ..كــــآم الســــآعـــة ؟
شادن بصوت مماثل : نعـــــــــــم ؟
شوق تأشّر على معصمها "يعني الصاعة كـآم "
شادن مسكت موبايلها علشان تشوف الساعة.. بس شافت " 3 مكالمات من الغالي " ..جت بتتصل عليه [ بندر ] ..بس هو سبقها
شادن بلهفـة : بندووووووورة ..والله وحشششتني
بندر : بندورة بعينكْ ..بعدين تعالي وش هالازعاج اللي عندكْ ؟
شادن : احنا بالسيارة ..رايحيين للمزرعة ..تعال انتْ .."جت بتكمّل ..بس قطعها بندر "
بندر : هي هي ..وش تحسين فيه ؟..قصّري صوتكْ ..لاجي و أقطع لسانكْ
شادن : ماتغيرت يعني .."وبمزح" قلت يمكن تروح هناك و بنات موسكو يغيرونك
بندر : مع نفســـكْ
شـآدن : آآآآآآآآآآآآآآآآآآآآ
بندر بخوف : شادن وش فيك ..وش صـآر
شادن : الله ياخذكْ يا سحر ..قطعتي شعري"وترد تكلّم بندر " لامافي شي بس ذي سحر شدّت شعري
بندر : وششو ؟..يعني مولابسة طرحتكْ؟
شادن :بندر لا تصير عبيط ..السيارة مظللة ..ومسويين حاجز بينا و بين الشباب
بندر : غطّي الحين ..ولا بيصير لكْ كلام ثاني
شادن : يعني مثلاً وش بتسوي ؟..بتيجي من موسكو و تطقّني و تروح ؟.."تذكّرت" صحيح بندر متى بترجع ؟
بندر : امممم تقريباً شهرين وراجع ..شدّون لحظة خلّيك على الخط شوي " ثواني ورجع لها " يللا باي ..اكلمك بعدين مشغول الحين
وصكْ السماعة بوجهها

بندر يصافح محمّد : مابغيت تجي
محمد : ههههههههه .."وبغمزة " هذا حال المتزوجين
بندر : روقنـا بالله
محمد : صحيح ليش ما تتزوج ؟..ما شاء الله ظروفكْ مناسبة و عمركْ كمـآن
بندر : ياخي لا تفتح معي هالموضوع ..مـا أطيق النواعم
محمد : اسمع ..الرجال ما يعيش بدون حرمة ..والحرمة نفس الشي ..هذا فطرة من الله
بندر بابتسامة : ذكّرتني ببدر و راكان ..هذا محور كلامهم الأساسي
محمد : يا حليله بدر .. نفس أقابل هالانسان
بندر : منجد ..أقولكْ بدر إنسان .." هو يحاول يعبّر ..بس خانه التعبير " ..كيف أقولكْ ..انسـآن ما ينوصف
محمد : سبحان الله ..على كثر إختلافكم ..بس ما تتخلون عن بعض
بندر : يقولك بدر كل ما كان الاشخاص مختلفين ..كل ما كانت قلوبهم أقرب
محمد : بالله ما تملّون من بعض
بندر يضرب محمد على ظهره : عمـــى الحين تصكنا بعين
محمد : ههههههههههه .. ولا تزعل ..ما شاء الله
" هذا حال محمد و بندر ..بندر متعلّق فيه كثير و يحسه أخوه الكبير"
***






انتظروني بالبـآرت 8 و إن شـآء الله منّه بتبدأ الروآيـة صح