[انجال]

**************************
الســـاعه 7 الصبح ..
متعب .. عمره 26 سنه .. عنده كلبه اسمها (عبله )

رجاال بدوي حـده ..يسكن في قريه بدائيه (نائيه) لا فيها كهرباء ولا حتى مويه . لكن يوصل لهم الماي بسهوله
عن طريق التناكر (السيارات المحمله بالماء) .. متعب .. ساكن بروحه و عنده اخت اسمها حصه ..
متزوجه من قبلان صديق متعب.. وعنده راس غنم شريك مع قبلان زوج اخته ..

متعب واقف عند بااب بيته عند وانيته << سيارته

مع كلبته (عبله) كان يبي يمشي للغنم .. تناديه حصه .. متعب متعب
متعب.. هلا حصه وش بلاك ..
حصه .. سلامتك يا اخوي اباك تقول لقبلان يجيب معه لبن الانه اللي عندي خرب ..
متعب.. ما طلبتي شي يا ام محمد ..
حصه .. تسلم والله يا اخووي ..
متعب.. تبغين حااجه ثانيه قبل لا اروح ..
حصه .. سلامتك ..
متعب ... الله يسلمج .. والله الله في الغدا يا ام محمد ما اوصيج ..
حصه .. لا توصي حريص يالغالي ..
متعب .. فماان الله اجل ..
حصه .. فمان الله ..
ويركب متعب وانيته مع عبله يبي يمشي للغنم ..
وهو مااشي في طريق العام للربع الخالي ..يوقف على جنب ..
كان متعب حصراان يبي يتبول (الله يكرمكم ) (هههه تابعوا من غير ضحك )

وقف على جنب بعيد عن الشارع شوي .. ونزل من وانيته .. جلس على زبره (قطعه ارض مرتفعه )
وبعد ما خلص شااف عبله تسحب شي ابيض بيعد اشوي عن مكانه اللي واقف منه ..
قرب لعبله .. وحاول يناديها لكن عبله اركضت لمتعب وامسكت ثووبه وقامت تسحبه للشي الابيض وكانها تقول
تعال شوف وش اللي فيه ..
متعب حب يعرف وش اللي تبي منه .. وشااف الكفن الابيض .. وتعوذ من ابليس وحاول يرجع لوراء خطوه
لكن كانت عبله تسحبه لشي الابيض ..
متعب مستغرب .. كــفــن في البر مرمي كذا ؟؟!!!.. حررام عليهم ما ادفنوه ,!!!,

قرب متعب للكفن وشاف انه الوجه كان باين شوي.. تفااجاء لمى شااف الوجه قال هذي بنت ..
وشعرها ابيض لــيش ؟؟ لا هذي اكيد جنيه .. لا اكيد جنيه ويتعوذ من ابليس .. لكن كانت عبله تصرخ
وتعوي له بانه البنت حيه .. وتعض عبله ريم مع يدها وتسحبها لمتعب الانه كانت ريم خفيفه مره
..اللي شااف وجهها عدل وشاف الشريط الاصق على فمها .. وشااف الدم اللي على الكفن الابيض متروس ..

وقرب منها قريب .. وشااف عيونها ترتجف .. وشال من فمها الشريط اللي كان يزعجها .. وجلس يتامل فيها
كانت شبه ميته .. طاايحه تتنهد باخر انفااس لهـــا .. كانت تطلب من الله ان الله يصبرها ويريحها من دون
عذااب .. وكان كل شي فيها يرتجف ..حتى شفايفها العطشاانه اليابسه من المااا .. وحتى نظراتها كان ترجف ..
كانت تشووف الدنيا تدور حواليها ..

متعب لمى عرف انه البنت عايشه ركض للوانيت وجااب معه موويه .. وسقاااها بيده بشويش .. واخذ بيده
الثانيه يسندها على صدره .. ويسقيها ويرشف المويه على وجهها ويمسحها ويرمي الكفن عنها ولاحظ
انه البنت شبه عاريه وسترها بالكفن مره ثانيه اللي كان فيه بقعات دم ..
وحملها بين يدينه وحطها في الوانيت ..

وهويشوفها ويقول ياربي وش سالفة هالبنت؟؟.. ليه مرميه في هنـــا؟؟
ليه ملفوفه بالكفن ؟؟ ليه شعرها ابيض كذا ؟؟ وش اللي جابها هناا .؟؟ وش اللي جرى لها .. ؟؟
ويركب متعب الوانيت وهو يسال نفسه هالاساله ؟؟ ويعود لبيته ..
اللي كان ناوي يرووح للغنم لقبلان .. ولمى شاف البنت هون ورجع للبيت ..

باسرع وقت .... وهو في الطريق يشووف البنت تتنهد بصووت مسمووع ويشووف انها صحت ونظراتها
كانت تلتفت .. وكانها تقول ويني من غير صوت .. ورجعت وغفت مره ثانيه..
متعب .. كويس انها عايشه ..

ولمى وصل للبيت لاحظ مافي احد في الفريج اللي ساكن فيه ( يعني مافي احد يشوفه وهو شايل ريم بين يده
الانه رجال عزوبي وعنده بيت برووحه وخااف يقولون عنه كلام ..)
ودخل متعب بيته اللي سااكن فيه .. وحط ريم على فرااشه اللي على الارض
.. ومدها .. وصحت ريم مره ثانيه
تلتفت بنظراتها الناعسه حزينه من دون اي كلمه .. بس تتنهد .. ورجعت نامت
.. متعب كان يشوفها وهي تصحى وتنام
ويشووف الدم على وجهها وعلى جسمهاا ...وحااول يجيب منشفه مبلووله بها مويه
.. ويمسح وجهها من الدم
.. وثم قال استغفر الله .. انا لازم انادي حصه اختي .. البنت مجرووحه حيل وعاريه ..
وانا ما اقدر المسها .. البنت مو حرم لي ..

لكن وش راح اقوول لها .. وش راح تقول لي
اكيد راح تقوول من وين جبتها .. انا ما ابي احد يدري فيها ..

يتنهد بقووه .. ااااااااااا ياربي ..

يالله انا رايح لحصه وقف عند البااب لقى اخته حصه سابقته وواقفه عند الباب..
حصه بخووف .. متعب وش بلاك .. ليه رجعت بسرعه .. شفت وانيتك وخفت .؟
وش اللي رجعك بسررعه كذا ... فيك حااجه .؟؟

متعب ممبله (مستغرب ) .. حصـــه ..

حصه .. اي حصه وش فيك يا متعب .. فيك شي .. او قبلان فيه حااجه ..
متعب يجلس في صالة بيته .. ادخلي يا حصه ابيك في مووضووع ..
حصه .. قلي وش فيك لي سااعه اترجااك تتكلم .. وشفي وجهك صار الواان ..
متعب .. يا بنت الحلال مافيني شي القصه كلها .. راح اقول لها لك .. بس انتي توعديني ما تقولي لحد فيها ..
حصه .. اوعدك بس قلي وش فيك خاايف وترتجف ..
متعب .. تعالي معي لغرفتي ..!!
حصه .. غرفتك !! لــيه ؟؟
متعب .. انتي تعالي وراح تعرفين كــل شي ..
حصه .. يالله نمشي ونشووف اخرتها وين يا متعب .. صج انك تاعب امي الله يرحمها
وتاعبني معك ..
يفتح متعب غرفته ويدخل ويقول لاخته ادخلي وشووفي بعينك ..
حصه بشهقــه عميقه .. ااااااااااااااا متعب وش اللي سويته ؟؟؟
متعب ..انا ما سويت شي يا حصه .. ؟؟ هالبنت لقيتها مرميه في البر بكفنها الابيض الي كله دم ...
حصه .. وليه شعرها ابيض كــذااا ..
متعب .. هذا اللي محيرني .. وانا كنت اظن انها ميته ..
لكن الكلبه عبله اسحبتها لي وعرفت من عيونها انه حيه ...
حصــه .. انت لازم ترجعها للبر يا متعب ..
متعب .. لا يا حصه ماراح ارجعها وهي كذا ..
حصه .. وش تبي الناس تقوول عنا .. انت ما فكرت في رووحك .. وكلام الناس علينا ..
ولا تنسى انك مو متزوج بعد .. متعب البنت هذي اكيد اهلها رامينها هنا ... اكيد انها بنت حراام ..
متعب يقاطعهااا .. حصه انا قلت كلمتي وحده البنت هذي ماراح ارميها للبر مره ثانيه ..انتي مافيك رحمه ..
البنت تتنهد وكلها جرووح كيف تبغيني ارميها ؟؟


@ تتوقعوون وش سر ذبلان ساااره ؟
@ تتوقعون عمر يفشى سر العصابه ؟؟ ويعلم عليهم ؟؟ تتوقعون عمر يتووب ؟؟
@ تتوقعون متعب يرمي ريم مره ثانيه في البر ؟؟
@ وهل يكون هناك اشخاااص جدد في القصه ؟؟

قصتناااا ما انتهــــــت طووويله ..وبعدنا في اولـــــها ..
ما ينقصهـــــا الا متاابعتكـــمـ لهـــــا ..

نتوااااااااصل
انجاااال ...