[لامارا]

بارت (6)

في الشرقية الساعة 8
ريما وشموخ كانوا مره طفشانين
ام مشاري بمزح : محزنين لسه عشان روان مو معكم
ريما بضيق : مره اشتقت لها البايخة الجلسة بدونها طفش
دلال بدلع : ههههه تراها ماطقت لكم خبر هناك
شموخ : انتي وش دخلك الحين ؟
دلال : ابد سلامتك مافيني شي بس كاسرين خاطري تفكرون بذيك وهي مافكرت فيكم
ريما بدت تعصب : ذيك على قولتك ترا عندها اسم
دلال بغرور : للاسف ناسيته
شموخ : طيب ممكن تكرمينا بسكوتك
دلال تبي ترفع ضغطهم : اقول ريومه حبيبتي اتصلي على روان واسأليها عن احمد ابي اتطمن عليه
مره خايفه
ريما : تراك ازعجتينا كل ماقلنا شي قلتي احمد ياختي افهمي الولد مايبيك الا غصب ناشبة فيه
هنا ام خالد تدخلت بالموضوع : اقول حبيبتي ريما انتي ماتدرين يعني ان بنتي ان شاء الله راح تكون لاحمد
وماراح يكون لغيرها ابد
ريما : اذا سمعت هالكلام من احمد صدقت انا عارفه احمد ماتعجبه هالنوعية
هنا دلال عصبت : اوف منك كل هذا غيره ؟
ريما : هههههه اغار على ايش حبيبتي ؟ انا احمد مثل اخوي والكل عارف هالشي اوف منك عكرتي مزاجي
والتفتت على شموخ وتقول بأستهزاء: شموخه حبيبتي انتي تعالي فوق نكلم روان عشان نطمن عليها (رفعت صوتها ) ونطمن على احمد
ام مشاري ماتكلمت لان هي كانت عارفه ان بنتها تبي تنرفز دلال .. شموخ قامت وراحت فوق مع ريما
ودلال مره انقهرت منهم .. شموخ وريما ماراح يتصلوا على روان اصلا لان يدرون انها يمكن تكون مشغولة
..
في مكة روان بالمطعم هي وعمها ورامي
روان : يوو شبعت بطني انتفخ شكلي بسمن 10 كيلو
احمد : الله يسامحك فضيتي أكلهم مابقيتي لهم شي
رن جوال رامي شاف رقم غريب
رامي : الو
...: هلا والله روان انا ريم
رامي حب يستهبل : هلا والله ريوم كيفك ؟
ريم منصدمة مين هذا ! : اسفه انا شكلي غلطانه
رامي : لا ابد مو غلطانه بس شدعوه ماعرفتيني
ريم : هذا مو جوال روان
رامي : ههههه لا لا انا عمها رامي شدعوه عاد نسيتي يوم كانت امك تحطك عند ام روان وتجين بيتنا ؟
ريم بنفسها : شفيه هذا طاق الميانة
ريم : ممكن روان ؟
رامي ضحك وعطا روان الجوال
روان : الو
ريم : يالسخيييييفه قلت اببي رقم جوالك مو جواال عمك
روان بفهاوة : مدري ياختي وش يدريني مو اول شخص اعطيه رقم عمي تقبلي الموضوع
ريم : ولا هو عاجبه الوضع جالس ويسولف
روان : ههههه ماعليك منه المهم سجلي رقمي عندك يالله
ريم : لا واللي يرحم والدينك شوفي رقمي بجوال عمك خزنيه عندك لا الحين تعطيني رقم جدك بالغلط
روان : ههههه طيب يالله طسي بسكر عشان نرجع الفندق
ريم : ماقول الا مالت عليك باي .. وسكرت قبل ماتقول روان باي
..
روان : ههههههههههههه الهبله هذي عصبت
رامي بلقافه : اقول روان كم صار عمرها ؟؟
روان : امممم 18
رامي : اها ماشاء الله
احمد : يالله عن الكلام الفاضي وقوموا نروح الفندق فيني النوم
رامي : انت ماصحيت الا 11 والحين 8 ونص !! امداك بسم الله
احمد : ياخي وش عليك ؟ انا اللي بنام ولا انت
رامي : لا يكثر ويالله
..
رجعوا الفندق ونام احمد
الساعة 10 وصلت لها رسالة
فتحتها ومن نفس الرقم الغريب ! : هلا حبيبتي جهزي شنطتك عشان بكره ترجعون وانتبهي على نفسك وتراك واحشتني حيل
روان بنفسها : مين هذا المريض ! طنشت رسالته
ورتبت شنطتها ونامت
..
في مكة الساعه 10 الصباح
صحاهم الجد من النوم : يالله قوموا ورانا سفر مافي وقت ركبوا الشنط ويالله مشينا
ركبوا الشنط وركبوا
روان : اوووووف ابي انام
الجد : انتي 24 ساعة نوم ؟ خلاص يكفي نوم
روان : مانمت شي ترا
الجد : دايم هذا كلامك مانمت شي
روان مدت البوز وجلست تتفرج من الشباك
وصلوا المطار وجلسوا يستنون النداء
رن جوال احمد وشاف رقم غريب
احمد : الو
... : هلا والله
احمد بانزعاج : هلا دلال امري بغيتي شي
دلال بدلع مو لايق عليها : هههه هد اعصابك داقه ابي اتطمن عليك
احمد انصدم من وقاحتها ! : دلال تبين مني شي ؟
دلال : اممم لا بس كيفك احمد
طووووووووط
سكر في وجها
دلال :: يووووووو انا اوريك يا احمد تسكر بوجهي اجل ؟ والله لاردها لك انتظر بس
..
احمد ومبين عليه متضايق
رامي : احمد شفيك ؟
احمد : ياخي بنت اخوك ذي داقه علي وجالسه تتدلع وتضحك وتقولي بتطمن عليك
رامي باستغراب : مين ؟؟؟
روان : ههههههههههههههههه دلالوه صح
احمد : أي وش دراك
روان : عادي عارفه حركاتها تعود وانا اختك خالتي تبيك لبنتها
احمد بقرف : باحلامها اخذها .. تذكر ريما وابتسم ( احمد يحب ريما من يوم وهم صغار بس محد يدري الا عمه رامي حتى ريما ماتدري ولا فكر انه يقولها وينتظرها لما تكبر عشان يخطبها )
روان مستغربه : بسم الله توك معصب ومتنرفز من دلال شفيك ابتسمت فجأه
احمد : هاه :/ لا ولا شي اقول مو كأنا طولنا
رامي : الا والله مدري ليش

بعد 10 دقايق ركبوهم الطيارة
..
رامي جلس مع الجد
واحمد جلس مع ريما
..
اقلعت الطياره وروان مستانسه بنفس الوقت محزنه شوي عشان ودها تجلس بمكه تحس بالراحه فيها
وفرحانه عشانها بتشوف خالاتها وعمانها وبتشوف ريما وشموخ
..
روان بتردد : احمد بقولك شي بس لا تعصب اوك ؟
احمد : قولي
روان : انا في رقم غريب يرسل لي رسايل ويعرف كل اخباري ! ماعرف كيف وكل مادق عليه ابي اعرف مين يطلع لي مقفل
احمد : ايش يقول ؟
روان : يقول انتبهي لنفسك حبيبتي ولا تتعبين نفسك ومابي زوجتي تتعب وتوصلين بالسلامه !
احمد استغرب : يمكن رامي يستهبل
روان : لا لا ماتوقع
احمد : عطيني الرقم
روان : انتظر بلا حماس جوالي مسكرته
بعد 5 دقايق سحبت روان عليه وكملت نومها
..
وصلوا الشرقية وخذوا شنطهم ورجعوا للبيت

روان تفتح باب البيت الداخلي بملل : اوف وحشوني البنات
فجأه نطت عليها انسانه وحضنتها بقوووووووه
ريما : يا حياتي وانتي بعد وحشتيني
روان مو مستوعبه : بسم الله الرحمن الرحيم اللهم سكنهم بمساكنهم
فكتها ريما
التفتت روان حولها لقت الكل مجتممع ! ما شالت عبايتها لان العيال فيه
روان بفهاوه : وش السالفه ؟ ليش كلكم مجتمعين ؟
شموووخ تركض من فوق وتصارخ : لا يكون فاتني شي
شافت روان بوجها
شموخ بصراخ : روااااااااااااااااااااااا اااااااااااااااان وحشتيني وحضنتها بقوه
روان حضنتها : هلا والله يالهبله حتى انتي وحشتيني
ريما : خلاااص بعدي عنها . تعالي حبيبتي ارتاحي
روان مستغربه : وش السالفه وش هالدلع .. شافت خالاتها ..: بعدوا بعدوا خلوني اسلم عالزين كله
سلمت على خالاتها وزوجه عمها وسلمت على عمانها
..
رامي كان ينزل الاغراض من السيارة هو واحمد
دخلوا ووقفوا
شموخ : هلا والللللللله بالزين كله هلا والله بالعم الفاشل قرب قرب ابوس راسك
رامي : اقول انتي وش جايبك ؟ وليش الكل مجتمع وش السالفه
ريما : سبحان الله كانك روان نفس التفكير
احمد استانس يوم سمع صوتهاا وشافها واقفه قدامه ومتغطيه
رامي يرفع صوته عشان تسمع روان : بسم الله علي انا تفكيري زي تفكير البزر روان ؟
روان : يا نعومك يصير تفكيرك زيي
..
وصلت لها رساله من نفس الرقم : الحمدلله عالسلامه عيوني
ورتها احمد وخذا احمد الرقم ودق عليه .. بس مقفل
..
سلموا عالموجودين ودخل الجد وسلم على عياله ورقى فوق ينام لانه تعبان
وكانوا مجتمعين عشان يسووا حفله صغيرة يتحمدون لهم عالسلامة
..
الساعه 7 المغرب صعدت فوق غرفتها وفسخت عبايتها

..
مشاري : احمد وين السي دي اللي عطيتك اياه
احمد :اصعد فوق وتلقاه بغرفتي
..

صعد مشاري واستغرب ان غرفتها مفتوحه وخلته اللقافه يروح يشوف
..
صنم .. جلس يناظرها من فوق لتحت .. اوووف معقوله كذا شكلها بدون غطا !
انتبه لنفسه ورااح بسرعه وجاب السي دي ونزل
..
رجع الكل بيته عشان بكره دوام
مشاري لسه باله مع روان
واحمد باله مع ريما
ورامي جلس يتذكر كيف ريم صدمت فيه وجلس يضحك ويوم دقت عليه ورفع ضغطها
...
صحت للمدرسة وكلمت البنات عالبيبي
تروشت ولبست المريول وربطت شعرها ونزلت تفطر
..
روان : صبااااح الخير
احمد ورامي : صباح النوم .. يالله تعالي افطري
روان : مو مشتهيه يالله انا بروح تامرون بشي ؟
احمد : سلامتك
..
ركبت مع السواق
في الطريق تفكر في احد بيذكر يوم ميلادها ويجيب لها أي شي او عالاقل يقول عام وانتي بخير
وكانت مره مستانسه ومروقه عالاخر

فجأأه .......................
..

رن جوال رامي واستغرب مين داق عليه
رامي : الو
... : هلا اخوي .. معاك مستشفى ....
رامي والخوف سيطر عليه : امر اخوي فيه شي ؟
... : صار حادث قبل شوي وجابوا لنا شخصين بنت وسواق
ولقينا اخر مكالمه في جوال البنت على رقمك هذا
المهم اخوي للاسف في احد منهم مات ..... سكر رامي في وجهه
ركب السياره بسرعه وركب احمد معه ومشوا على طول للمستشفى
رامي خبر احمد السالفه بالسياره
احمد بكى لا شعوريا ! مايبي يفقد اخته الوحيده اللي مابقى له شي غيرها معقوله هي اللي ماتت
معقوله تروح وتخليني زي امي وابوي ؟
كل هالكلام كان يفكر فيه احمد
ورامي تحسف انه سكر ومايدري مين اللي مات وده يعرف بس ماقدر يستحمل
..
دخلوا المستشفى وراحوا سريع عالاستقبال
وبعدين راحوا للدكتور
رامي : السلام عليكم دكتور .. تو وصصل لكم بنت وسواق مسوين حادث
الدكتور : ايوه ايوه
رامي : مين اللي ماتتتت ؟؟؟

انتهى البارت
اتمنى عجبكم + توقعاتكم + اسفه ماقدر انزل بارت ثالث والسموحه البارتين قصار