[لامارا]

الجزء الثاني :

لايمكنني النوم .. أكاد أجن , منذ سمعت مادار بين مشاعل ومنيره من حديث وأنا أمر في حاله لم
أعهدها , أحاول أن أذكر نفسي بالتنفس بأنتظام لأن سيكون من الغباء أن أقتل نفسي من جراء
نسيان روتين يومي أقوم به " شهيق " و " زفير " , ياالله ماذا أفعل ؟ هل أوقظ مضاوي وأقطع
عليها حلمها مع زوجها وأبنائها ! , ياالله بماذا أفكر الآن ؟ براحة مضاوي مع زوجها وأبنائها
الوهميين ! , ولكن ماذا أقول لها , انا نفسي أختلط علي كل شئ وماعدت قادره على تذكر كلمه
من كلام الصغيرتان .. أو بشكل أدق الكبيرتان الآن ؟
متأكده فقط ان منيره بالأخص في ورطه , وأن مشاعل تهتم فقط بنفسها , أعتقدت اني قمت
بعمل جيد عندما قمت بتشجيع منيره للإلتحاق بالكليه اللتي تدرس فيها مشاعل ظنا مني
عن جهل أن مشاعل ستؤدي دوري بتوجيه أختنا الأصغر منيره لطريق الصحيح الذي من
المفروض ان تتبعه كل فتاة لتحافظ على سمعتها في مجتمع لايرحم ولايغفر أصغر زلة.
يبدو ان دور الأخت الكبيره والصديقه في نفس الوقت لم يعد ينفع , يجب ان اتصرف كأم
لكن كيف ؟ ماذا تفعل الأم في هذه الحاله ؟ من المؤكد انها تتبع حدس الأمومه , ولكني لست
أم , منيره اختي الرضيعه اللتي سكنت حضني دوما , اللتي اشارة لي ب"ماما" عند اول انطلاقه
للحروف من فمها الصغير العذب الذي دائما طبع القبلات على خدي .
آه ياأخيتي , ماذا أفعل لأنقذك ؟ ومن ماذا أنقذك ؟
أول خطوه علي ان أقوم بها هي منع منيره ومشاعل من الذهاب للكليه غدا , يبدو حلا غبيا لكنه
حل مؤقت يشتري لي بعض الوقت لتفكير واستجداء المساعده من مضاوي على اني أعرف
مسبقا أن مضاوي تغرق في شبر ماء فكيف ستساعدني ؟ كيف ؟ أعتقد أني سأكتفي منها بدعم
المعنوي لأني لاأريد أن أواجه هذا الأمر لوحدي أنه شئ مخيف لايشبه تنظيف البلاط !
أحتاج لأحد أثق به ويفهمني ويهتم لما أهتم به أليس هذا ينطبق على مضاوي ؟ بتأكيد
ينطبق على توأم روحي مضاوي .
في الصباح ...
آآآآآآآآآآآآه بمووووت ياناس بمووووووووت
مضاوي : بسم الله عليج شفيج مناير .
مناير : ماأدري مضاوي ألم رهيب في بطني ماأدري من شنو يااااربي
أسمح خطواتهن الاتي بالكاد تلامس أرض الدار , وهن مسرعات في طريق ألي..
منيره : شفيج مناير .
مشاعل : ياعمري مناير شفيج .
آآآآآآآآآآآآآآآآآآه ماأقدر بموت
مضاوي : تقول بطنها يعورها .
مشاعل : الله يستر لايكون الدوده الزايده .
منيره : فال الله ولا فالج .
بدأ صوت "هرنات" الباص يقاطع انيني المزيف .
منيره : يو هذا الباص وصل .
مناير : لاتروحون وتخلوني أحس بموت .
مشاعل :أكيد ماراح نروح ونخليج بهالحاله .
بدى لي وجه منيره كلوحه أمتزجت فيها الألوان من غير خطوط تشكل تعبير مفهوم.
فجأه بدأت منيره بالبكاء , وفجأة أصبحت بين أحضاني تضمني بقوه لتقول :
منيره : مناير ليت الألم فيني ولافيج ...
يااااه كم هي مؤلمه كلماتها, للحظه كدت ان اقول لها لاتحزني أنا بخير ألف ألف خير وأنتي بين
أحضاني أحميك من الكل حتى نفسك .
مضاوي : خلاص يابنات لاتقلبونها مناحه بروح لأم الهول عشان ادبرنا ونروح المستشفى .
ذهبت الحبيبه مضاوي للخاله ام الهول كما يحلو لها ان تلقبها بين الحين والآخر , على أني
متأكده انها تقوم بأصعب مهمه , فمضاوي تكره جدا حتى مجرد طرق باب غرفة خالتي سلمى
ولكنها تفعل من أجلي .
الخاله سلمى : خير .
مشاعل : مناير تعبانه حيل ولازم نوديها المستشفى .
الخاله سلمى : زين لحظه .
مشاعل : !
الحمدالله اني لست مريضه في الحقيقه لأني أأكد لكم أني كنت سأكون في عداد الموتى .
فلقد استغرق نقلي للمستشفى أكثر من الساعه , ولكن ليس هذا ماعلي التفكير به الآن
علي الآن أن أجد كذبه أخرى ممكن ان تنطلي على دكتور ! انها المهمه المستحيله .
عدنا إلى المنزل بنفس البطء لأن سيارة جارنا ابوعبير تحتضر , يجب ان لاأستهزأ بهذه
السياره فهي تعتبر كاالام برضاع لجميع أبناء الحي.
في غرفتي :
مضاوي : خلاص يابنات روحو لغرفكم وخلو مناير ترتاح .
مشاعل: يله منيره مشينا اليوم أنتي السندريلا .
منيره : لعيون مناير اصير السندريلا طول الشهر واللخين بروح اسويلها أحلى شوربه.
مناير : مشكوره ياعمري بس مافي داعي روحي ريحي وذاكري دروسج .
منيره : مانبي قرقر واجد بروح اسوي لج شوربه موديل جديد مامر على أحد.
مشاعل : مادام فيها موديل جديد بروح معاج المطبخ اتطمش .
مضاوي : راحو البنات خيرا اللحين ريحي .
مناير : ليش اريح مافيني شي قربي بقولج سالفه .
........................... وسردت لها كل شئ.
مضاوي : مصيبه شنسوي ألحين ؟
مناير : فكري معاي يامضاوي انا خايفه عليهم اثنتين وخاصه منيره.
مضاوي : الله يستر يامناير ياخوفي تكون منيره مثل البنات اللي كانو معاي بالكليه اللي الكل
يتحجى فيهم من عمايلهم السوده , هذي مسأله كبيره متعلقه بالشرف شنسوي ؟
مناير : أقولج فكري معاي تقولين لي شنسوي ؟ أنتي المتعلمه مفروض يكون منهج التفكير عندج
متطور .
مضاوي : شتكلمين عنه ؟ ياشينج إذا تفلسفتي , المهم أنا أشوف نمسك كل وحده بروح وراح
نبتدي بمشاعل اللي أكيد ودها تقولنا بس خايفه .
مناير : اللحين بديتي تفكرين صح , يله قومي ناديها مادام منيره مشغوله بشوربه تلقينها اللحين
حايسه وماراح تخلص قبل ساعه !
وهذا ماحصل واجهنا مشاعل اللتي جهشت بالبكاء وكان أسكاته مهمه شاقه وفهم ماتقول من
خلال شهقاتعا مهمه أصعب.
مشاعل : ماأدري شلون تعرفت على شلة الفساد انا ماكنت أبيها تروح وتجي معاي لأن رفيجاتي
مايحبونها وهي ماتطيقهم , فجأه شفت أشوفها مع الشله الفاسده رحت وكلمتها وهددتها اني راح
اعلمج يامناير بس هي سبقتني بالأبتزاز وهددتني انها راح تعلم أني أهرب من المحاضرات
وأدوج بسوق وأنا معترفه أن الغلط راكبني وانا آسفه والله آسفه .
مناير : هي شلون عرفت أنج تطلعين ؟
مشاعل : من شلة الفساد قالو لها لاتخافين أختج موبعيده عنا ! وللأسف صدقتهم منيره على أني
قلت لها ان طلعاتنا كلها بريئه .
مضاوي : بريئه ؟ شلون بريئه .. لما بنت تطلع من بيت اهلها على أنها راح أداوم في الكليه اللي
خاست فيها سنين ولاتخرجت وطبعا هذا نتيجه لتهريب من المحاضرات ألخ ..
مشاعل : أدري والله أدري وماني عارفه شلون أعتذر لأن على الأكيد أني ماأقدر امسح اللي صار.
مناير : بس تقدرين تنقذين أختج وانتي ماحاولتي .
مشاعل تشهق ببكائها وتحاول البحث عن تبرير لتقنعنا به وهي تنظر لنا ببلاهه.
مناير : خلاص يامشاعل بسج بجي , هالشي مارح يساعدنا .
مضاوي : اللحين نبي تقولين لنا بالتفصيل اللي تعرفينه عن اللي صاير لمنيره وبالتفصيل وبدون
جذب.
لازلت تبكي وهي تنظر لنا ...
مناير : يله مشاعل ماراح نقعد طول اليوم نكالع فيج وأطالعين فينا هذي فرصتج تتكلمين أو مالج
إلا القعده بالبيت بعد مانعلم الخاله سلمى , لان على الأكيد انها ماراح تبذر فلوسها على طلعاتج
مع رفيجاتج .
مشاعل : خلاص مناير دخيلج راح أتكلم أصلا أنا اكنت أفكر أعترفلكم من زمان .. مثل م
ماقلت لكم أبتزتني ووقتها عصبت وقلت بطقاق خله تروح بداهيه , بس بعد مافكرت وهديت
رحت أكلمها مره ثانيه بس هالمره قلت لها أطلعي معاي أنا ورفيجاتي لأن السبب الوحيد لطلعتها
أنها تبي تشوف الدنيا اللي ماشفناها حتى لو بطريقة ملتويه بس بنهايه من وجهة نظري بريئه ,
بس أقتراحي ماعجبها وحاولت وقتها أعرف منها السبب غير طبعا انها ماتحب صديقاتي بس
كان هالسبب هو الوحيد اللي قالته لي , رديت وفكرت واقترحت ان نطلع انا وياها بس حنا
الثنتين حاولت تتهرب بس مالقت عذر ورضت تطلع معاي , طلعنا ووديتها السينما وأكلنا بمطعم
للوجبات السريعه وحسبت ان هالشي كن كافي بس في اليوم الثاني بالكليه لما دورتها عشان
أتأكد انها مو مع شلة الفساد مالقيتها وماتصورون وقتها شلون أنجنيت وماكنت ادري شسوي
نطرتها عن باب الكليه لين حزة العصر لما شفتها نازله من سياره كشخه وكان يسوقها شاب !
رجعت مشاعل للبكاء ورجعت أذكر نفسي بالتنفس ..
مضاوي : وبعدي كملي .
مشاعل : ماحسيت بنفسي إلا وانا أعطيها كف قدام البنات , ندمت قبل ماأرفع أيدي من خدها .
قعدنا أيام مانكلم بعض كنت احاول اراقبها في الكليه قد مااقدر حاولت أكلمها بس لاحياة لمن
تنادي , لين جتني بعد كم يوم وجاوبتني على كل الأسئله اللي في بالي .
منيره : مشاعل هذا واحد تعرفت عليه بصدفه لما كنت طالعه مع البنات , لما دخنا مطعم وأكلنا
رحت للحمامت ولما رجعت لقيت واحد واقف عند الطاوله ومد لي الفاتوره وقال ان البنات اللي
معاي خبروه ان الحساب عندي ! , ماكنت عارفه كم الحساب بس اخذت الفاتوره وانا ناويه ادفع
الفلوس اللي كنت خاشتهم عشان اشتري كتاب مقرر المحاسبه , بس انصدمت الفاتوره كانت
ب50 دينار وقتها مااعرفت شسوي قلت له ببلاهه ممكن أدفع مقدم !!
فجأه سمعت ضحك مصدره الطاوله اللي وراي واحد بس اللي ماضحك بالعكس قام بكل هدوء
وأخذ الفاتوره من أيدي ودفع الحساب وانا واقفه مثل الصنم ماني عارفه شسوي .
اللي اعرفه ومتأكده منه ان قلبي كان ينبض بشكل مختلف وأن أذوني كان فيها قرع طبول تلخبط
كل شي قدامي, أبتسملي وقال:
دينج دفعناه كاش مو بالأقساط تامرين على شي ثاني ؟
منيره : أأأأأنا ,أنا ( أنا حتى اسمي مااتذكره ) ..
هو : أنتي ؟
منيره : أنا عندي فلوس لايكون تحسب ماعندي فلوس ( يو ليش اصارخ عليه ليش صوتي ارتفع)
هو : عارف ان عندج فلوس بس أكيد كنتي تمزحين مع الجرسون وانا عجبتني النكته وتبين
الصراحه حاب أنج تدفعين لي بالاقساط مو كاش واللحين شرايح تبدأين باول دفعه ؟
مشاعل ماتصورين لما قال هالكلام شلون حسيت بالرعب وقلت أكيد كلامه مبطن بمية معنى
ومعنى وكل معنى أكيد أسوء من الثاني , اللي حصل اني رحت أركض بليا شعور طلعت لشارع
ادور تكسي يردنا الكليه بأسرع وقت بس طال الوقت وماحصلت أحد بس وقتها استوعبت أني
بمكان ماأعرفه ولاأحد يدري من أهلي اني فيه ولاعندي تلفون أتصل منه ولاعندي أدنى فكره
شلون بطلع من هالورطه , سمعت صوته وراي يقول :
واضح أنج ضايعه وإذا وقفتي أكثر بنفس المكان راح ينط لج مية واحد وواحد وكلهم بيحاولون
يقنعونج تركبين معاهم .
منيره : بس أنا ماراح أركب معاهم وانا موضايعه انا قاعده انطر سايقنا .
وقتها يامشاعل عرفت من عيونه أنه مجذبني ومومصدق ولاكلمه من اللي اقوله وابتسم ابتسامة
تشبه ابتسامة الذيب لما كان يبي ياكل ليلى في الغابه , ماتصورين شكثر خفت .
هو : خلاص بنطر معاج .
منيره : ماله داعي السايق على وصول توكل على الله .
هو : بس انا ناطر سايقكم عشان اعرف من عنوان بيتكم .
منيره : وليش تبي تعرف عنوان بيتنا .
هو : عشان الدين اللي عليج , بكلم ابوج واقوله اني دفعت عن بنتك الأموره اللي قصو عليها رفيجاتها .
منيره : أب,اب,,أوي ميت ....وقتها يامشاعل ماقدرت اسكت من البجي بجيت لين أغمى علي.
ولما صحيت لقيت نفسي بسياره غريبه بس الوجه اللي يطالع فيني مو غريب علي هو اللي ديني.
منيره : شلون وصلت لسيارتك أفتح الباب بنزل.
هو : بشويش يامنيره , هدي اعصابج.
منيره : شعرفك باسمي ؟
هو : من بطاقتج , لاتعصبين فتشت جنطتج كنت احسب عندج موبايل فقلت اتصل بأهلج
يجون ياخذونج بس مالقيت إلا بطاقتج وجدولج الدراسي .
انربط اللساني يامشاعل ورديت ابجي وهو يهديني ويقول كبريها تكبر وصغريها تصغر .
وفعلا اصغرت وصارت احلى ذكرى لليوم اللي تعارفنا فيه .
مشاعل : يامجنونه شنو تعارفكم وذكرى وهالخرابيط كلها تراني من اليوم ساكته من الصدمه .
منيره : احبه أفهمي يامشاعل أختج تحب .
مشاعل : منيره انتي مراهقه واللي زاد الطين بله فقيره يعني كل شي ياخذ عقلج ويأسر أحساسج.
ماطاعتني وماعرفت شلون اوقفها ...
مناير : بس أنا أعرف شلون أوقفها .