[لامارا]

تغـريـد أرواح عاااشقـه/الثااااااااااااالـث
عـــــــشــــــــــــــــ ـــــــــــــــــــــــــ ــر



"يــمــر الــوقــت والــذكــرى نــدامــهــ..ندامه على مــن عــلــم بقلـبـي علامــهــ"


في فيــلااا أبوو مااازن
السااااعه الرابعه عصرا

بعد ما رجعوا من الغدى..صعدوا غرفهم يرتاااحووون..


بغرفة شااايع

أول ما دخل قعد على سريره وبطل أزارير قميصه وفضخ جوتيه{وانتم بكرامه}وقط فوونه وسويج سيارته

طلت بيان براسهاا: ترا را

شايع ضحك: ههههههههههههههه تعاالي..

بيان دخلت وكانت مبدله ولابسه بيجامه سماوي حرير ومخبيه ورا ظهرها ظرف: اممممم قوووول شنوووو بيدي؟؟

شايع ضحك: هههههههههه قوولي مالي خلق أخمن..

بياان ضحكت: هههههههههه انزين خلاااااص بقوووووول..امممم صوورنا بالعرس

شايع ابتسم: صج هاااتي أشوووفها

بيان طالعت السقف بخبث: امممم أول شي قوولي..تحب رنوووو ولا لأ؟؟

شايع ارتبك: شكووو رنا بالسالفه؟؟

بيان ابتسمت: اممم لأنها مصوره معانا وما يصير أشوفك صوورها وأنت ما تحبها مثلاا

شايع وقف بسرعه بياخذ منها الصوور: ييبي

بيان ضحكت وهي تركض وتبعد عنه: هههههههههه لااااااااااا مااااكو قووول أووول

شااايع بعد عنها وقعد عالسرير: اممم حتى لو قلت أحبهاا..فيه فرق بينا..احنا حضر واهم
بيان قاطعته: بدو مو جذي؟؟ شايع إذا أنت تحبهااا لازم تتخطى هالعقبات

شايع تنهد: فاااهمج والله فاهمج..بس قصدي أقوولج يمكن أبووي وأمي ما يرضووون بهاالشي..

بيان: امبلاا..كلم أبووي وشووف رايه وإذا حس أنك جااد بكلامك وأنك تحبها ما راح يقوول شي..

شايع ابتسم: رايج جذي؟؟

بياان ابتسمت: امممم

شايع ضحك: هههههههه انزين عطيني الصوووور

بيااان ضحكت : ههههههههههه ذليتك مووو؟؟

شايع ضحك: هههههههه تعااالي زيننننننننننن

يت بياان فتحت الظرف وطلعوا الصووووور
وصاروا يعلقووون عليهم

شايع شاف أول صوره لبيااان وشهق : هئئئئئئئئئئئئئئ

بيان سحبت الصووره بسرعه: اممممممم آ آ نسيت افلترهم..
شايع طالعها بنص عين: ألعن خيرج..والله لو مرتي تلبس هالنفنووف اشلع أذونها

بيان ضحكت بحرج: اممممم اممم بصراحه
كنت مقهووورة وطلعت حرتي فيهم

شايع ابتسم واهو يطالع الصوور: صج شصار هناك؟؟

بيان فهمت عليه: مااكو..أول ما يت سلمت وصعدت ترتب أغراضها وبعدين نزلت تشوفنا الصور وتقول لنا وين راحوا وشنوو اشترى لها وشنوو تلبس وهالخرابيط..

شايع طالعها: اممم وأنتي شنوو كان شعورج؟؟

بيان نزلت راسها: شايع أنا قاعد أحااول انسى..

شايع ابتسم ورفع راسها وشاف دموعها تلمع بعيونها: وهااذا اهوو عين العقل واللي المفروض تسوينه عالأقل هالوقت..

بيان فجآه: صججججج دريت بااجر بنرووح المزرعه..واااي وناااسه..

شايع ضحك: ههههههههه أدري أبوووووي اتفق مع عمي وخالي..

بيان بحماس: شرايك أدق على رنوووو اعزمها وهناك تقدر تعرف مشاعرك..

شايع تحمس: والله..دقي عليها

بيان طلعت فونها: اوك بس لاا تطلع صوووت بحط سبيكر
وبعد لحظات
...........

رنا : آلوووو هلاا بيان


بيان ابتسمت: هلاا فيج..اشلوونج رنووو؟؟


رنا ابتسمت: تمااام أنتي اشلوونج؟؟ واشلوون التدريس ويااج؟؟

بيان ضحكت: هههههههه يطلع الروووووح..المهم رنووو اليووم طلعوا صوور العرس وأبيج تيين تشوفينهم

رنا بهدوء: امممم أنا الحين بطلع مع أمي..بنت خالتي آموون اللي قتلج عنها تخرجت من الثاانوي مسويه حفله وما اقدر ايي..

بيان تطالع شايع: امممم انزين رنوووو باجر احنا بنروح كلنا المزرعه احنا وبيت عمي وبيت خالي ناصر..وبنتيمع احنا البنات تعاالي أنتي وابتسااام والله بنستانس مع بعض..

رنا بحرج: امممم والله يمكن أمي ما توافق
..احنا ولا عمرنا بتنا برا البيت

بيان طالعت شايع وأشر لها: اممم انزين خلااص شووفي أنا بخلي أمي تعزم أمج شرايج؟؟

رنا بحيا: امممم صدقيني بيوون ماله داعي..
أنا امرج اليووم واخذهم منج..

بيان ابتسمت: امبلاا له داعي..أنا مشتاقتلج وبشووفج..شووفي بالليل بخلي أمي تدق على أمج وتعزمها..اووووك

رنا ابتسمت: خلااص بكيفج..

بيان ابتسمت: أخليج الحين مع السلاامه

رنا ابتسمت: مع السلاااامه..

.........

بيان: هاا شرايك؟؟

شايع باس خدها: أموووووت فيج..بس عطيني الصووره شووي

بيان ضحكت: هههههه خلااص شفتها وتمقلت فيها بعد شتبي؟؟

شايع: بصورها بفوني..وبحطها خلفيه

بيان شهقت: هئئئئئ لاا لاا حراام عليك والله لو درت رنا بتزعل مني

شايع ضحك: هههههه شدراها يعني..وبعدين لاا تخافين بقولها إذا صارت مرتي

بيان رفعت حاجب: واثق أنها بتوافق..

شايع طق راسها: جبببببببببببببببببب

بيان ضحكت: ههههههههههههههههههههههههه

...................

بجناح مازن وفن..

بغرفة النوووووووم

مازن نايم وفن مسنده راسها على جتفه العاري وتفكر: ياااربي أقووله ولا لأ..اممم أخاف يزعل..اممم انزين..اممم ما أدري ما أدري..افففففف

مازن وهو مغمض عيونه: شفيج؟؟

فن ابتسمت: موو نايم؟؟

مازن ابتسم ورفع عيونه لها: غاافي بس أحس فيج..شنوو اللي تفكرين فيه؟؟

فن حطت راسها على صدره وغمضت عيونها: ولا شي..نااااام

مازن ضحك ورجع غمض عيوونه: ههههه مصيري أعرف..

فن : اشششششششششششششششش

#


#


#


#


#


في فيــلاا أبو عبدالرحمن..
وبجناااح راشد بالتحديد بالدور الثاالث..
الساااعه السابعه مساءا..

بغرفة النوووم

طلعت منيره من الحمام لابسه روبهاا..توها قايمه من النوووم..راحت تلبس..اختارت لها تنووره سكريه للركبه وتووب أحمر شيفون بطبعات ورد أسود وراحت تلبس بالحمام..وبعد ثواني طلعت..ولبست صندل أحمر عااالي..وحطت ميك اب ثقيلللللللللللللللللللل واستشوورت شعرها وتعطرت..

وراحت تقعد راشد..قعدت عند راسه

منيره بدلع: راااشد راشد حبيبي قوووووم يلاا الساعه ثمان الا ربع

راشد فتح عيونه وقلب نفسه عالصوب الثاني: اففففف منوور روحي عن ويهي خليني أناااام

منيره تهزه: راااشد..رشوووودي يلاا قوووم بنطلع نتعشى برا قوووووم

راشد كشر : شنوووو رشووووووودي هاااذي..قوول راشد

منيره تفشلت: عاااتي حبيبي أدلعك..

راشد رفع حاجب: لاا تدلعيني ولا شي ناديني راشد ولا بوفارس

منيره كشرت: ووووععع شنووو فارس؟؟ ليكوون بتسمي ولدنا فااارس؟؟

راشد رفع حاجبه: والله عااد عاجبني اسم فاارس..ليكوون مو عاجبج بس؟؟

منيره بتردد: امممم امبلا بس يعني اسم القديم الحين الناس تسمي وائل..لؤي..بشاااار مو فاارس

راشد كشر: وععععع أنا اسمي ولدي وائل لؤي بشاررر..لاا حبيبتي أنا بوفارس وبس

منيره{ئي هييييين}: انزين يابوفارس لاا تعصب..قوووم الحين تروش وبدل عشاان بنطلع نتعشى

راشد واهو يقوم: من قالج بنطلع نتعشى؟؟ تقررين بكيفج..وبعدين احنا تونا الظهر واصلين..وباجر بنروح المزرعه يعني لازم نقعد اليووم بالبيت عند أهلييييييي..

منيره لحقته قبل ما يصك الباب: امممم انزين بس عاادي أروح لأمي اقعد عندها شووي بيونها حريم بيسلمووون عليناا

راشد بملل: انزين نطريني اخذ شاووور وألبس وأوديج لها وبالمره أسلم على عمي وحسن

منيره بفرحه: اووووك..
#


#


#


#


#


في فيــلاا أبو ماااازن
نفس الوووقت

بالحديقه..

شايع بتردد : يبه..

أبو مازن ابتسم: نعممم

شايع : اممم بصراحه يعني..لوو..اممم يعني لو بتزوج من برا العايله تمنعني؟؟

أبومازن سكت شووي: ...........................


أم مازن : هووو شنوو من برا العايله..والجوهره بنت خالتك

شايع : يمااا ما أحبهاا..الجوهره مثل أختي..
وبعدين مو شرط مازن اخذ فن أنا أخذ أختهااا

أبو مازن : يعني حاط ببالك وحده؟؟

شايع ابتسم: رنا أخت مبارك

أبو مازن ابتسم: مبارك اللي شغلته عندنا..الولد البدون

بيان بسرعه: ئي يبه ترى والله رنا بنت حلوووه وطيببببببه وحبوووبه..أنا والبناات نعرفها بسرعه صرنا رفيجااات

أبو مازن ابتسم: ما قلت شي..والنعم فيه مليووون مره..بس البنت مو من مستوانا أنت واثق أننا إذا رحنا نخطبها ما تردك..

شايع ابتسم: أنا أكلم أخوهااا واهو بيشاورها

أم مازن باعتراض: والله مو قادره ابلعها..أنا زوج ولدي لوحده ما نعرف ولا نعرف أمها..والبنيه بدون يعني مستقبلها موو مضموون

دلع : يماا أنتي بنفسج شفتيها اهي وخواتها بالعرس والله حبوووبه

بيان : وإذا على أمها..ندق عليها ونعزمهم ايووون المزرعه وهناك تعرفي عليهم براحتج..والله البنيه ما تتطوف يما

أم مازن سكتت: ..........................................

مازن ابتسم: خلااص يماا وافقي..إذا البنت ما فيها شي ينعاب ليش ترفضينها

بندر : أنا معااك..وبعدين أخوها أنا أعرفه..والله محترم ويشتغل شغل عن اثنينه وفوق هذا يدرس بالجامعه

شايع: شقلتي يمااا؟؟

أم مازن ابتسمت: والله أبي لك الزين يماا..أبي راحتك وإذا شايف راحتك وياها ما عندي ماانع..

شايع من الفرحه قام وباس راسها: صج والله مشكوووره يمااا..الله لاا يحرمنا من حنانج يالغلا

بندر ضحك: هههههههه كل هذا سووته فيك رناا

شايع تحمحم: احم احم لاا تيييب طاريهاا

الكل: ههههههههههههههههههههههههه ههههههه

شايع: يبه شرايك أدق على مبارك أقووله بنيي الحين

أبومازن بدهشه: الحين؟؟..شحقه العيله اركد شووووي

بياان: هههههه يماا بعطيج رقم رنا دقي عليها وعزميها تيي باجر معانا المزرعه

أم مازن ابتسمت: هاااتيه يلاااا

بيان ووله ودلع: هيييييييييييييييييييييييي يييييييييييا

أبو مازن ضحك: هههههههههههههههه اليووم شنووو؟؟

شايع : الثلااثا

أبومازن: عيل السبت نخطب..روح اتفق مع الولد..

وله بسرعه : ليششششش جم يووم بنقعد بالمزرعه..

أبومازن: باجر والخميس واليمعه..والسبت نرجع لبيوتنا عشان الاحد بنخيم

البنات بصووت واحد : واااااااااااااااااااااااا اااو

شايع ابتسم: هههههههه عيل بروح أدق على مبارك واتفق معااه..

أم مازن وقفت : وأنا بروح أعزمهم..بس اسمع لمح له موو تقول له بنخطب خلنا نشووفهم باجر زيننننننننننننن



#


#


#


#


#


#


#


ببيت أبو مباااارك
الساعه تسع ونص..

بالصااله

طلع مبارك من غرفته: يما يمااا

أم مبارك تطالع الاخبار: هاااا شتبي ما تشوفني اطالع الاخبار

مبارك ابتسم وقعد عندها: دقت عليج أم مازن

أم مبارك بدهشه: ئي صح وعزمتنا باجر عالمزرعه بس أنت شدراك

مبارك ابتسم: توني صاكه من شايع ويقول أنهم بيونا السبت ضيووف عااد أنا حسيت أن السالفه فيها قرايب وقلت اقولج..

أم مبارك بفرحه: والله..حياهم الله بأي وقت..

ابتسام رفعت ايدينها: ياااارب يخطبووووني حق ولدهم واتزوج وارتاح من هالفقر

مبارك ضحك: هههههههههه طاع هااااذي؟؟ مصدقه نفسج أنتي..

فاطمه: ههههههه تشووف إذا باجر ما رسمت لها على واحد..

ابتسام ضحكت: هههههههه ئي والله احنا مو رايحين الاربعا والخميس وبنرد اليمعه والله لاخطط على واحد بهاليومين أخليه يمووووت فيني وايي يخطبني وتشووفون

أم مبارك فجت عيونها: ياخيه شوووف هلي ما تستحي شتقوووول

مبارك ورنا وفطيم : هههههههههههههههههههه

رنا بنبره هاديه: هييييي بسموووووووه لاا تحلمين وايد وتطيحين وتنكسر رقبتج..ترى هذووول ناس مستواهم الاجتماعي يختلف عنا وغير جذي وضعنا يختلف عنهم احنا بدو واهم حضر..

أم مبارك ما عجبها الكلام: بسسسسسس بسسس سكتي واللي يعافيج ما عندج غير هالحجي..على جذي بتقعدين على قلبببي ومحد بيدق بابنا

رنا تضايقت من أمها لانها كل مره تسمعها هالحجي جدام أخوانها: أنتي ليش تزعلين من كلمة الصج..يعني عزمونا مره ولا بيونا مره معناته بيخطبوووون

أم مبارك بحده: لاا ترفعين صوتج بوويهي
..ما أدري متى بتزوجين وارتاح من همج..

رنا زعلت : اللي يسمعج يقوول عاانس مو جنه توني بالعشرين

أم مبارك بصراخ: والعشرين صغيره..كاهي أمنه بنت خالتج توها عمرها سبع تعش وما لحقت تخلص الثانويه الا وانخطبت واللي خذاها ولد خالها وملازم أول..قعدي أنتي جابليني ووقفي نصيب أختج..

رنا قامت ودموعها بعينها ودخلت غرفتها وصكت البببببببببباب: أصلا أنتي ما عندج غير هالحجي تقوولينه..

ابتسام وفطيم: ؟؟؟؟؟؟؟؟؟؟؟؟؟؟؟؟؟

مبارك بضيق: ليش تزعلينها يما؟؟ شمعنى اهي اللي تسمعينها هالكلام كل مره؟؟

أم مبارك بضيق: والله مو من قلبي يا يما..بس اهي الكبيره وأنت عاارف وضعنا اشلووووون..إذا ما طلعت وراحت ويت من بيلتفت لها..وأنا وأبوك مو دايمين لكم..

مبارك ابتسم: بعد عمر طووووويل يماا..المهم الحين قوومي راضيها لاا تخلونها زعلانه..

ابتسام: أنا أقووووم..

أم مبارك ابتسمت: ورتبي لج شنطه أنتي وخواتج حطي فيها جم لبس حلوو حق باجر مو تقعدون الصبح تدورون أغراضكم

ابتسام : إن شاااء الله يماا..


#


#




انتهى البببببببببببببارت