[لامارا]

	الحلقه الخامسه(الورقه الخامسه ) اشوف المكان حلووووووووووووو مره بس غرفتي في بيت ابوي احلى قعدت على طرف الكرفايه الفراش ناعم وححلوووووو قطيت العبايه وركبت على الفراش وقمت انط عليه احب انط على الفراش سمعت صوته يضحك علي وقفت عن النط وطالعته لقيته طالع من الحمام ومتسبح و خرت عيني عنه ورحت بعيد نواف: انا متزوج بزر تنط وتهبل الدنيا هههههههههههه ليش كان كملتي صج بزر........... احتريت عليه ودي اقوم اضربه ليش يضحك علي طلعتله الساني وهو معطيني ظهره وفجأة التفت وشافني دخلت الساني بسرعه وخفت يجي يضربني مثل خلوف اخوي لين سويتله كذا نواف:شكلي راح ابتدي تربيتج من اول وجديد يا بنت فيصل هذا واحد مخرف يبي يربني من جديد يروح يربي نفسه احسن له نواف:خلصي بدلي ثيابج امج وابوج راح يجون عقب المغرب انا سمعته قال امي وابي نطيت من على الكرسي ركظ على الحمام راح ارجع مع امي وابوي ما راح اقعد اهني مع هذول الي يتكلمون عني ويفكروني ما افهم عليهم هم اغبياء ما يعرفون شلون يتكلمون معاي خلصت لبس وسمعت الباب يندق رحت له و فتحته لقيت اخته واقفه وتطالعني وهي فاتحه حلجها هذي وش فيها مناير:لا ما نقدر احنا على النعومه هذي والزين والله صار لنا منافسين تعالي انزلي ابوج وامج تحت اول ما سمعت ابوج وامج رحت ركظ على تحت ودخلت الصاله لقيت امي و ابوي رحت طيران في حضن امي ودموعي تنزل حصه:حبيبتي ليش تصيحين اشتقلتج يا بعد عيني البيت بدونج ولا شي لقيت امي تصيح يوم هي تبني ليش خلتني مع هذي الي اكرهه فيصل:ما راح تسلمين على ابوج يا عذبه ولا ما اشتقتيله شلون ما اشتقلته هذا بابتي احن انسان في الكون قطيت روحي في حظنه وهو يمسح على راسي رفعت راسي يوم شفته يدخل الصاله وخرت بسرعه عن ابوي ورحت عند امي قعدت جنبها لقيته يسلم على ابوي و يحب راسه بس كنت حاسه ان في المكان توتر هو يطالع ابوي و ابوي يطالعه ابوي :السموحه يولد اخوي انا غلطت في حقك ومنك السموحه نواف:في ايش غلطت يا عمي في شرطك العجيب ولا هذي وهو يأشر علي ما قلتي ان بنتك خرساء ما تتكلم ليش ليش يا عمي يا اخو ابوي ليش ؟؟!! ابوي :يوم شفتك ما صدقت عيوني اخوي جدامي الغالي جدامي العمر راح و امك ما خذتكم بعيد والحين اشوفك جدامي رجال مالي مكانه يوم قلتلي انك تبي ورثك فكرت في بنتي وحديتي الي مالي غيرها ومالها غيري صج عندها اخوان بس كل لاهي في حياته ونسوانه وعيالهم قلت محد بيحفظها غيرك محد بيصونها غيرك وراح تحافظ عليها عشان كذا شرطت اعطيك ورثك بزواجك من عذبه بس طول البارح وعيني ما غطت حسيت اني ظلمتك وظلمت بنتي اسمعني يا ولدي اعتبر الزواج هذا ولا كنه صار وانا باخذ عذبه و رثك بيوصلك لين عندك وسامحني مره ثانيه يا ولدي نواف:ممكن سؤال يا عمي ؟؟؟؟؟ ابوي :تفضل يا ولدي نواف:انت ليش فكرت فيني ليش ما خفت اني يمكن اذيها او اسوي شي فيها ابتسم ابوي "ياولدي الشيب هذا يخليني اعرف الناس و مخابرهم من نظره والي شفته انك رجال من ظهر رجال وراح تصون الامانه الي راح اعطيك اياها بس الحين ما ابي اظلمك تعيش مع عذبه وهي ما تقدر تتكلم وتاخذ بحسك مع انها في كل شي طبيعيه وتقدر تكلم بالاشاره انا منعتها عن الناس عشان محد يجرحها او يخرب نفسيتها ظلت طول عمرها في البيت وسط اخونها محد يقرب صوبها لكن انا رجال كبير في السن واليوم انا في الدنيا وبكره تحت التراب اخاف يظلمونها اخوانها ونسوانهم الي انا منعهم عنها بس لين مت من بيمنعهم عنها امها مره كبيره وماعاد في العمر كثر الي راح حبيت احافظ عليها عندك بس الحين لا انا خابف اني ظلمتك وظلمتها عشان كذا اقول انا بخذها وهذا الزواج ولا كنه صار نواف:بس هذي زوجتي وانا ابيها و ما بفرط فيها و الزواج صار وانا مني بضايمها بالعكس الي اشوفه منها انه فرس جموح يا عمي رغم سكوتها ضحك ابوي بصوت عالي :ههههههه هي اشتغلت عليك بعصبيتها عارفها بنتي يا ولدي ترى عذبه مثلها مثل اي بنت طبيعيه وهي طفله في مشاعرها و احسيسها وصدقني اذا قدرت تكسب قلبها راح تعطيك من روحها ولنا لقاء مع ورقه جديده من مذكرات( طفله في جسد أمراءه )