[لامارا]

البارت السادس

طحت على سريري وغمضت عيوني التفت صوب شنطتي سحبتها يمي
وطلعت منها الرقم جلست العب فيه وانا ابتسم بخبث اتصل ولامااتصل
له وحشه ماشفته مدري كيف حبيته من نظره عجبني فيه اصراره وثقته اني بدق عليه
كلمته ترن بأذني انتظر اتصالك كنت بدق عليه لو ماقال هالكلمه وانا عنيده
ولاحبيت اني ابين له اني ميته فيه احسن شي الثقل للمره
ترددت كثير ادق ولاماادق
بعدها انفتح على الباب بقوهـ بسرعه دسيت الرقم بشنطتي وبعصبيهـ
: وجع ان شالله ماتعرفين انتي اداب الدخول هاه
ريم ببتسامه: اسفه بس من الحماس الزايد جايه اقولج يلا مشينا للكوفي
تيب ابدل هدومي واجيكم
ريم : يلا اخلصي علينا ترا كله كوفي وكلهم اجانب مافي احد راح يعطيج وجه
رفعت حاجبي : ماتدرين يمكن اصادف الي احبهم
ريم وهي تضحك: اي هين انطريني بس
هيفاء: احساسي مايخيب ابد بشوفه الليله وبملئ عيني من حلاه
قمت بسرعه عشان ابدل واطلع وياهم اقلها ناخذ نقاهه من الامتحانات

جلست اركض واركض واركض وانا اصرخ بأعلى صوت وش فيكم يالكسلا محد يقدر يكون
مثلي سريع التفت على صوت هيفا الي تلهث ماهي قادره تجاريني انتي احد يقدر على نشاطك
ضحكت وفجأه ماحسيت بروحي الا لازقه بصدر شخص طويل رفعت راسي بخوف لايكون
كسرت له ضلوعهـ
لالالالالالالالالالالالال ا ليه هو ليه مرتين بنفس اليوم ليه

شفت ابتسامته ترتسم وبحنيه: عسى ماعورتج بس
عدلت حجابي وبعصبيه: هذا انت وجع ان شالله انت ماتشوف ابد
ابتسم بأبتسامه احلى : ومنو الي مايشوف انا ولاانتي الي تهابدين كنج بزر
انا سمعت بزر ولاماسمعتها قمت عليه: انت واحد حقير وماتستحي على وجهك ويلا اقلب خشتك عني
لاتتحداني امردغك الحين
بهمس: عساج على القوه اجل
ياويلي هذا يبي يبط كبدي احر ماعندي ابرد ماعنده
مديت يدي صوب نعلتي باخذها برميها على وجهه ماشفت الا هيفا وشوق يمسكوني
شوق: خلاص استحي انتي الغلطانه وانتي الي جالسه تحاسبين والله ناس
: انتي اسكتي مالج خص ماتشوفينه وش قاعد يقول
هيفا: حرام عليج انتي ابتليتيه بروحه
راشد: على العموم اهي معذوره شكلها عندها قالون من العصبيه الزايده خخخ مااقول الا الله يكون بعونكم
شوق: اسفين اخوي
راشد: لاعادي ماهي اول مره تسويها الاخت شكل الوضع معجبها
ماقدرت اتحمل اكثر: معجبني هاه الله واعلم منو الي معجبه انت موب شايف خشتك كيف تقطع الرزق
ولابعد واثق بالله حتى سيلانيه ماهي قابله فيك يلا اذلف بس
هيفا: بس انتي خفي على الرجال شوي
شفته كيف قفى ومشى والتفت علي وغمزلي بوقاحه انا جنيت هذا ماهو طبيعي اليوم
الصبح يضحك والليل يغمز مااقول غير مالت علي وعلى رجتي الزايده هي الي تودييني للبلاوي

::
دشيت للكوفي اه ياحبي لهالكوفي بصراحه عشقي لاموعشقي الاغرامي
احبه كثير وهـ بس فديت الي قدامي
ماقدرت انزل عيني بالحيل متولهه عليه ياناس يعذبني لاضحك ويعذبني لاناظرني هالنظرات
الي كلها حب ×حب جلست على الجهه الي تقابله عشان اتأمل فيه
همت وياه وشفت ملامحه كيف تغيرت لما شافني اعرج
قرب صوب طاولتنا وبهدؤ : شنو تحبون تطلبون خواتي
حطيت يدي على خدي وجلست اطالع فيه
والبنات جلسوا يطلبون وازعاج ريم الي مايخلص ابد
همس لي: وانتي ماتبين شي
هزيت راسي بالنفي والود ودي اقوله االاابيك انت لاهنت
بس ماقدرت انطقها حسيت الثقل بلساني ودقات قلبي الي كنها قرع الطبول
: لااختي لازم تطلبين وترا على حساب الكوفي
ابتسمت له: لاتسلم اخوي بس ماني مشتهيه
: موشرط خليه زينه قبالج
ضحكت بدلع: لاوالي يعافيك اذا اشتهيت راح اطلب
ريم بلقافه : اخوي الحين انتوا ليه تشتغلون هوني يعني بما انكم خليجين وش تبون بهالكوفي تشتغلون
ليه الدوله ماتصرف عليكم ؟
: لااختي تصرف بس حنا نقزر وقت بس لااكثر ولااقل ونخدم الناس المميزين والغالين
ولما قال المميزين غمز لي
ماحسيت الا وجهي الي قلب احمر نزلت راسي وخليت شعري يطيح على وجهي عشان لحد يكشفني ويعرف اني احبهـ
ريم: اي مشالله عليكم ولو رجعتوا لديرتكم مااشتغلتوا هالشغلات بس هنا عادي لو تكرفون
: اختي ليه انتي تشتغلين محاميه ولاوش قصتج
بصراحهـ ضحكنا لما شفنا وجه ريم كيف قلب ماتعودت احد يرد عليها بشكل هجومي
ريم: اي تطنز والله انتوا شكلكم لاجل عين تكرم مدينه ماهو لوجه الله خخخخ
طنش ريم وراح يجيب الطلبات لنا
ضحكت: روحي لقطي وجهك بس ههههههههههههههاي
هيفا + شوق: هههههههههههههههههههههههها ي تستاهل الملقوفه
ريم ببرود: عادي ماهي اول مره ولاهي اخر مره تصير لي

تركي : كيود يلا جيب عطني الطلبات خلني اصولها لطاولة البنات
كايد وهو يعدل بالصينيه ويحط الكوفي والشيز: شنو شنو اقول اذلف انا لي ساعه قاعد احضر وانت
طاق حنك وياهم وتبي الحين تودي لهم اذلف بس انا الحين جا دوري
تركي : والي يعافيك تكفى البنت فيها شي تعرج ماهي طبيعيه
كايد: يحول وانا البنت ماشفتها ابي املى عيني
تركي: طيب طيب خلنا نشيل صينيتين وش رايك
كايد: لازم تجي ياخي خذها على جنب
تركي: لاانت الي خذها على جنب
كايد :انا قبلك طريت الفكره يلا روح نفذها ااشر لها وهي بتجيك
تركي: ماابي خلني اروح الحين عشان اعطيها رقمي
كايد : انا قبلك سويتها مانفعت لازم فيس توفيس
تركي: انا غير وانت غير في فرق بينا لاتنسى
كايد : مالت بس امش قدامي يلا خلنا نلحق عليهم


عند البنات

شوق : ريم الي صدمتي فيه شكله قطري من ديرتج
ريم وهي تبتسم : لاعاد وكيف عرفتي
شوق : لانه نفس كلامج واضح عليه انه قطري الشعر ماركه مسجله
خلود: هههههههههاي مافي احد يربي شعر غير اهل قطر عندج الامارات والسعوديه والكويت الخ
شوق : لالا بس مدري احسه جذي انتي ريم شنو تتوقعين
ريم بهمس: بيني وبينكم الرجال يفتح النفس واكيد انه من اهل قطر اهل الزين والخير
هيفا وهي تكش على ريم : مالت بس اسكتي اسكتي يعني مابه احد مزيون غيركم وهـ بس فديت السعوديهـ
كل الي فيها يجننووووووووون بالحيل
ريم : الحين انا وش قلت الحين مسويه روحك دفاع طيب طلعيلي واحد سعودي يجنن
هيفا جلست تلفتت وماتوقعت انها بتشوفهـ يمشي قبالها حكت عيونها اكثر من مره تبي تشوف هي بحلم ولابحقيقه ابتسمت لين برزت غميزاتها واشرت عليه: كاهو الزين كله قدامج
ريم : وهـ بس بالله من صجج تحكين هالاسمر مزيون والله النظر عندج معدوم حيل

شوق : بنات انا بطلع للتوليت شوي وبرجع
ريم : خذي راحتج

التفت صوب البنات لقيتهم هايمات بعالم ثاني قلت يلا ياريم خربي عليهم
قربوا الشباب وجلسوا يوزعون الاكل بالطاوله

وفجاه بعد ماخلصوا تكلم الاسمر

: كيفكم ان شالله بخير
شفت هيفا كيف وجها تورد وبهمس : بخير وانت
: انا بخير بشوفتكم
وبلقافه: هذا السؤال من ظمن الخدمه ولا خخخخخخخخ
: لااختي خارج حدود العمل وصبرك علي خليني اكمل
ريم ببتسامه: تفضل اخوي بعد شكلك فاضي حيل
: وياكم كايد شاب سعودي يدرس بالجامعه الكنديهـ قسم حاسب آلي
هيفا : عاشت الاسامي وتشرفنا بمعرفتك
واشر على الي جنبه: هذا تركي صديقي الصدوق انا وياه دوم ويا بعض ونفس التخصص
شفت كيف خلود ماهي قادره تشيل عيونها من عيون تركي هنا
عاد شياطيني طلعت
: طيب الحين انت وياه يلا عطوني مقفاكم يلا
هيفا: ريم عيب شنو هالحكي
كايد: ماعليك منها خليهآ تتكلم هذي ابد ماتسكت
ريم : الحين انت عايش وياي عشان تقول هالحكي
ماسمعت غير ضحك خلود وهيفا

اي انبسطو يلا انا طالعه وخلوكم مع ذولا الجياكر
تركي: انتي كل الناس عندج جياكر اجل انتي شنو

بصراحه هالاثنينه نرفزوني طعلت برا الكوفي وجلست اخذلي فره ومنها اخلي الهوانم
كل وحده مع عاشقها


::

تركي : ماعرفتينا عليج
خلود بخجل : خلود
تركي: عاشت الاسامي والله؛ سؤال خلود
هزيت راسي لهـ
تركي: شفيج تعرجين
ماعرفت كيف اقوله وبهمس: لابس توي طالعه من المستشفى اليوم لاني كنت محترقه
شفت ملامح وجه كيف تغيرت وبخوف: ماتشوفين شر متى هالشي صار
ابتسمت له: الشر مايجيك ابد مافينا الاالعافيه مجرد رفاله لاغير
تركي: اسف والله ماادري لو دريت كان شفتيني زايرج بس ماعليه بعوضج ان شالله
خلود : لاعادي اصلاً معذور لاننا تونا نعرف بعض
تركي :صح بقولج شغله خلود انا بصراحه مااقدر اعيش جذي انا ابي اتعرف عليج اكثر واكثر
وهذا رقمي وابي اعرف انتو وين عايشين وابي اعرف كل صغيره وكبيره بحياتج
حسيت بروحي بطير من الفرح اخيراً تحقق حلمي وراح يعيش معاي بحياتي
ابتسمت له : وانت بعد ابي اعرف عنك كل شي واتمنى شغله وحده انك موب تلعب بذيلك يا تركي
شفته كيف ابتسم وقرب صوبي: عيدي الي قلتيه
ابتعدت عنه وبستغراب: شقلت
قرب وبخبث: عيدي اسمي
ابتسمت ورفعت حاجبي: مارح اعيدهـ
تركي: وه بس يازين اسمي من بؤك
تلاقت العيون وحكت الكلام الي ماقدر السنتنا انها تنطقهـ

::

كايد

مسكت يدها بليا شعور همست لها: احبك
شفت وجها كيف تورد وشفت غميزاتها عذابي وهمست لي: بهالسرعه
شديت على يدها وانا اتأمل عيونها : اي بهالسرعهـ حبيتج
ابتسمت : الحب الي بسرعه يروح بسرعهـ
كايد: انا غير حبي وانتي راح تشوفين
همست لي: عورت ايدي
ارخيت ايدي عنها : ليه مادقيتي
هيفا: احسك تلعب علي
كايد: ليه
هيفا: بس كذا
كايد: طيب ممكن تقولين لي اسمج ولاتحبين اناديج بأي اسم
شفتها كيف فتحت عيونها على الاخر : لا شنو بأي اسم انا هيفا وبس
ابتسمت لها هالبنت شكلها صعبه حيل بس مع ذالك احبها
: هيوف يازين هالاسم عليك
ابتسمت لي: طيب مو كنك انت وخويك بسطتوا معنا وخليتوا الزباين
كايد: بالاول ابي منك وعد
هيفا: شنو
كايد : ممكن تكون علاقتنا اقوى بكثير
هيفا: ان شالله بس شوف ياكايد كلش ولاتلعب بمشاعري
كايد : الايام بتبرهن لك منو كايد
هيفا: اوكي الحين انتوا قوموا شوفوا الزباين
كايد : تدرين ليه اشتغلت هالشغله
هيفا: ليه
كايد : عشان اشوفج كل يوم بس الحين شكلي بكون معاج طول اليوم
هيفا: ليه واثق لهالدرجه
كايد وهو يأشر على قلبه: لان قلبي حبك من كل قلبه
هيفا: وانت
كايد: انا هايم مع قلبي
هيفا: اشياء كثيره بتعرفها عني ياخوفي ياكايد تقولي ماعرفتك
كايد : ماعليه انا راضي فيك بحلوك وبمرك
تبادلنا البسمات والنظرات وبعدها فكيت يدها من يدي
تمنيت اني مااتركها بس لزوم اتركها عشانها بس ولو علي مااتركها ثانيه
ابتعدت وابتعد تركي
كلنا حسينا ان هاليوم هو يوم السعد بحياتنا
وقصه ابتدت ماادري كيف نقدر نختم نهايتها
::
/
::
/

ريم

مشيت ونسيت واوا الي كان يتبعني من اول ماطلعت من الكوفي
اخيراً صار يعرفني واوا ولابعد صار يفهم عدل جلست اعلمه لين صار فاهم
لكل شي كنت ناويه اجيب له حبل بس حسيت انه ماله داعي كذا راح يحقد علي
ولايحبني فقلت اخليه احسن شي بدون حبل بس شريت له تعليقه وحطيت فيها اسمي
عشان مايضيع ابد ورقم الشقه عشان يدزونه لي ابتسمت وانا اشوفه شلته بيدي
وجلست اتمشى مع نسمات الهوا البارده مشيت ومشيت التفت الا واشوف العبد بوجهي
خفت هذا يتبعني وش يبي
ترددت اتكلم ولا اهرب مااعرفت وش اسوي
شفت واوا ينبح وينبح وينبح
وانا حسيت اني بعالم ثاني
كل الي شفته انه طوقني بيدينه وبعدها كل شي اشوفه اسود وصوت واوا ماعدت اسمعه
::
/
::
/

شوق

كنت جالسه بالحمام ابكي وابكي وابكي
انصدمت بالي حصل المكالمه خلتني منهاره
ماادري كم مر من الوقت وانا جالسه اصيح بالحمام
معقوله كل هذا يصير وانا بكندا ولامخططين لكل شي
معقوله الفلوس تغير النفوس اه تعبت وحسيت ان روحي بتطلع من الحزن
طلعت من الحمام وجلست اغسل وجهي بالماي البارد ماابي اضيق خلق صديقاتي
بهالسالفه البايخه لاموبايخه ياشوق سالفه مهمه فيها يتحدد مصيرج
ماابي شي خلهم ياخذون الي يبون كل الي ابيه راحتي وبس الباقي كله وصخ دنيا
بس ياشوق امج وابوج عايشين ليه يبون يسون هالشي
خلاص يكفي يكفي يكفي
مسكتني وحده اجنبيه وجلست تهديني بس انا كنت منهاره
طلبت منها تخليني بروحي وجلست اطالع بنفسي الكحل الي سال وشكلي تبهذل حجابي طاح
وشعري تناثر ماقويت الصدمه شلتني كل الي اقدر اقوله حسبي الله ونعم الوكيل
الكلمه الي سمعتها تزن بأذني اكثر من مره خلاص ابي انساها انساها
تعبت والله تعبت متى ياموت تزورني وتريحني
متى متى متى


::

هيفا: مو كن شوق تاخرت
خلود: اي والله ماصار حمام ذا
هيفا: والله اني خايفه خليني اشوفها
خلود : اوكي لاطولون ترا بجي وراكم ان طولتوا
هيفا: طيب طيب

::


طالعتها كيف منهاره وتصرخ متى عيونها متنفخه من كثر البكى لها فتره تبكي
ياربي لايكون صار في اهلها شي مسكتها من ايدها ومسحت على راسها: بسم الله عليك قومي فديتك
ماهو زين تصارخين بالحمام قومي معي برا
التفت علي وهي تبكي: ليه يصير فيني كذا ليه انا بس ليه
ضميته حيل لصدري : استغفري ربك وقولي اللهم لااعتراض ,يلاقومي اطلعي معي
شفتها كيف ترتجف وهي منهاره: ماابي شي ابي اموت وارتاح بس بس
شديت على يدها وجلست اوقفها مسكت حجابها ولبستها وبهمس : يلا امشي معي برا
طلعنا وشفت خلود كيف تغيرت ملامحها لما شافت وجه شواقه
خلود : عسى خير
شوق بحزن: من وين بيجي الخير ياخلود من وين
هيفا: يلا خذي شنطتك ومشينا نتكلم بالبيت احسن
خلود : يلا انا بشيل الاغراض بخليها سفري
هيفا: اوكي انا وشوق بنسبقكم للبيت
خلود : اوكي

::
/
::

حسيت بيد تلامس خدي بلطف فتحت عيوني بشويش وبعدها صرخت بأعلى الصوت
لالالالالالالالالالالالال الالالالالالالالالا

تكفى لا ابتعد عني ماابيك لالالالالالالالالالا

والله ماسويت لك شي وش تبي مني انت اتركني اتركني

بس كل الي اشوفه اني مااقدر اتحرك حاولت اقوم ولاني قادره
غمضت عيوني والخوف يسري بجسمي كله
يارب يارب استر علي يارب





::



اتمنى ان البارت يعجبكم وانتظر ارائكم حبايبي

تحياتي